يا جماعه عوووووك الحاصل شنو البورد دا مالو بقى مسييييييييخ كدا والله اختفى منو النبض ياخى والله زمان الواحد يدخل يعدى مية ساعة ما يزهج ولايكون كمل المواضيع الحلوة فهمونا حاجة الناس مالابرضو عندكم وجع زهج زى مريم بت الحسين والحالة دى شكلها عامة لمت فى الخلق كلها وفقدان الشهية العام دا ماكويس يعنى لو نص الناس عندهم النص التانى يحاول يخفف على الاول والله مافى داعى لى اللمة من اصلو وكل زول ياكل نارو والله حالت الزهج العامة دى زكرتنى التلفزيون الامريكى الاعلانات فى كل المحطات بتجى فى زمن واحد يعنى مابتقدر تتابع برنامجين فى لحظة واحدة وتقول لما تجى الاعلانات اشوف البرنامج التانى الحصل فوقو شنو تمشى هناك برضو تلقى اعلانات ودى بالضبط حالت البورد والمسنجر وداك كمان اسكت خليهو عدم موضوع بصورة مبالغة تتونس مع الواحدة عن وحرب العراق تقولك والله ما زعلانة الا عشان كاظم الساهر اصلو انسان حساس وما بستحمل غايتو جنس وهم بحصل فى الماسنجر بعد ما الواحدة تمشى تلقى الكلام كلو خاوى ما عندو اى مغذى داغير انو تلتين الردود يحتوى فقط على كلمة لووووووول وماعارف بختوليها مية واو ليشنو والتلت الاخير يا شافع يتكشم يا شافع مادى لسانو يا شافع لابسلو نضارة والله شافعه فوقا حبر حق شلاليف فوق جضوما طبعا اذا كنت هاكرز بتستمتع جدا بالمسنجر ودى طبعا سلاح ذو حدين يافردة المهم قصرو عندكم لحدى الويكند الجاى والكلام ليكم كلكم بلا فرز ماتقولى ادارة والله بتاع اصلو بكرى زول صاحبى صاح اكبر على بى خمستاشر عشرين سنة لكن صاحبى اها صلحتو البورد دا خلال الفترة دى كان بها ماصلحتو بخلى بكرى يشيل كورتو ويمشى وما مشكلة بدفعلو خسايرو ياخى والله بالجد الكلام دا مابجى حسو شوية واصحو ولكم الياسمين على قول وسامة
03-25-2003, 10:38 AM
noha_g
noha_g
تاريخ التسجيل: 06-14-2002
مجموع المشاركات: 2119
والله ياودالجعلى ياخوى انامعاك قلبا وقالبا فى موضوعك لآنو دى النتيجة الحتمية لقفل باب الأشتراك من قبل الأخ بكرى وخلاها قاصرة على الأدباء والشعراء والفنانين وبالتالى البورد ماحتكون فيه أى دماء جديدة ولا أى امكانية للتصعيد من الأشبال واحسن مثال لذلك العبدلله ماقادر اشترك فى البورد بأشتراك خاص بى وانامستلف اشتراك نسيبنا وشغال عليه وده اسمه نظام الأسر الممتدة وكدة. والله ياود الجعلى ياخوى أنا بأعتبر نفسى فنان جدا يعنى فى الحمام بأغنى غنا جميل جدا وبعدين فى المرحلة الأولية انا كنت بحب حصص الأناشيد جدا . هل تعتقد انه اخوك يملك من المؤهلات للأنضمام للبورد بوصفه فنان؟ السؤآل موجه للأخ بكرى من بعدك.أما موضوع فجميع الأهل والجيران يشهدوا لى بحسن الأدب وعقبال حسن الخاتمةز ودمتم
03-25-2003, 05:51 PM
WAD ELGAALI#4
WAD ELGAALI#4
تاريخ التسجيل: 07-11-2002
مجموع المشاركات: 2036
صباح الخير يا دكتورة شنو يعنى دايرة تقنعينى انو المسنجر بتاعك فاضى وبعدين ناسى ديل ما بنفعو معاك عشان انا زاتو ما عارفم دخلو المسنجر بتاعى كيف باستثنا عشرة جكسايات ديل اضفتهم براى لكن والله الاربعين التانيات ما عارفم خشوا كيف وديل ياهم ناس لوووووول زاتم المهم لو دايرة منهم كوته برسلا ليك والله لكن يقدوك قد ياخى ديل والله خالد زاتو ما يقدر عليهم بالمناسبة الدكتورة اتصلت عليك والله عيييك وبالمناسبة بت الجزيرة وين اوعا تكون قفصت الدهب الدخلى قوليها مشتاقين وكدا
03-25-2003, 06:13 PM
WAD ELGAALI#4
WAD ELGAALI#4
تاريخ التسجيل: 07-11-2002
مجموع المشاركات: 2036
تعرف يا عنان والله فنك دا موية ما يسقيك ليها لسببين اولا ماعندك واسطة ودى حلها هين ممكن تأجرنى ابقى ليك واسطة لكن حدى معاك التسجيل والدفع مقدما يا مان بمناسبة نسيبك دى واستعمال الاكاونت بتاعو اعمل حسابك ماتقوم تخرب بيتو انا كنت مرة شايل التلفون حق نسيبى لانو نساهو عندى اها يازول لا احرا لا ادرا يرن لى الجرس الو اهلن مينو معاى الو عفاف صوتى كمان بقيت مابتعرفو والله لكين ماكنت قايلا العرس بيوهم كدا مالك اتاخرت كدا قلت ليها اسمعى رايك شنو تجى مارة على لانو العربية بايظة قالت لى واجيك كيف انت وهم والله شنو فىاللحظة دى هو كان وصل عندها بهناك وشال التلفون منها وبدا يتكبكب وتعال هسا عشان افهمك الموضوع وجنس جرسة وبهدلة ومن اليوم داك لبستو ليك خاتم فى اصبعى اها اخوى اعمل حسابك ما تجيك مسج طايرة لك تحياتى وسلامى لكوفى
03-25-2003, 06:44 PM
PLAYER
PLAYER
تاريخ التسجيل: 04-23-2002
مجموع المشاركات: 10283
اسمع يا اخونا اللابس ملابس كوفي كلامك دا عجبنى بالحيل وانت ليك حق تسجل في البورد ...مش لانك فنان في الحمام او لانوا ناس حلتك قالوا انت كويس (امكن تكون فاتح دكان في الحلة عشان كده الناس بقولوا انت كويس عشان تدينهم) ...لكن عشان... انت بتحب البورد و وعاوز تقدم ما عندك لناس البورد...دا في نظرى اهم من تكون كاتب مشهور ولا فنان كبير اقول حاجة قدم طلب لبكرى وانشاءالله حيسجلك واذا قال عاوز ناس يذكوك...اعمل لى مسنجر ...وتوكل على الله
اخوانى وحبايبى ودالجعلى وبلاير والله عفارم عليكم واكثر الله من امثالكم.والله طمنتونى الله يطمن قلبكم واثبتو لى انه الدنيا بى خيرها ودة لوقفتكم الصلبة لجانبى. والشكر موصول لنسـيبى العزيز مرتين الأولى لزواجه من اختى وكدة ريحنا منها والثانية لأنه ادانى (كدة) بتشديد الدال فى الأكاونت بتاعو. طيب ياخوانا منو البيقنع لينا ناظر المدرسة الأخ بكرى بفتح نفاج صغير كدة فى البورد؟واوعدكم ياشباب انا حأعمل ليكم وجع وش عديل كدة. سـلمتم جميعا للبورد ولمرتادى البورد من مشتركين ومتصفحين ومشجعين للعبة الحلوة من امثالنا ودمتم
03-25-2003, 08:28 PM
noha_g
noha_g
تاريخ التسجيل: 06-14-2002
مجموع المشاركات: 2119
تعرفى يانها بت الجزيرة بقت طغيانة جنس طغا قوليها الجكس انا الباصيتو ليك وبعد تحانيس اها بعداك بقيت القاها اونلاين وطنشنى وكانو ما كنا اصحاب صاح لما هم كانو فى الجامعة نحن كنا فى السنوى لكن برضو اصحاب بالله سلمى عليها وقوليها البلقى احبابو ما ينسىاصحابو والله شنو
والله يازمراوى قطعت مصارينى من الضحك ياخى مالك على الزول بتاع بلير والله بالجد حلاقتو دى لا شفناها لا اريناها وكان جيت لى نضارتو التقول قاطعه من راسو لكن تعرف يا ابوالشباب شكلك دا ابدا ماغريب على يا شفتك فى الجامعه والله فى محل لكن تب ما غريب على لكن اوعك تقوم تقولى دفعتك لانو انا قصدى درستنى فى الجامعه واذا قلت دفعتى بتقوم توقف سوقى براهو اليومين دى واقف لك التحية اخى زمراوى
03-26-2003, 00:49 AM
PLAYER
PLAYER
تاريخ التسجيل: 04-23-2002
مجموع المشاركات: 10283
زمراوي الصورة حكايتوا طويل وعريض ...بالرغم انو ماعندو علاقة بشكلى الحقيقى..لكن بقي جزء مهم لشخصيتى في البورد اما الزعل دا حقيقة فينى لانى من مواليد برج الاسد...بفتش لي في حلاق انترنت عشان يشيل الدقن ويصلح الشنيبات ويختلى ابتسامة صغيرة عشان القى لي عروسة في البورد..بينى وبينك الشكل الحسي دا طير الشكس مني ودالجيلى اربع
الحلاقة والنضارة دا اسموا(الفريد من نوعه
بعدين ياراجل ....درسك ولا درستوا انت
03-26-2003, 01:00 AM
WAD ELGAALI#4
WAD ELGAALI#4
تاريخ التسجيل: 07-11-2002
مجموع المشاركات: 2036
تعرف يا بلير واحدة من بنات البورد قالت لى بتعرف بلير دا طبعا بحكم انى قاعد معاك هنا لكن طفشتهاليك طفيشه قلت ليها بلحيل بعرفو لكن ما بذكر شكلو لانو وقت مرق من السودان جا امريكا نحن كنا فى الابتدائى قالت لى سجمى وسجم امى المستنيانى اجيبلى عريس من البورد
نهى قلتي لي شنو؟ قفصت؟؟ انا قلت بت الجزيرة غطستها دي فيها عرس كان كدة قولي ليها يا خاينة متدسية مالك وما كلمتينا طبعا تحيات كمية لو لاقيتيها
ود الجعلي ما ملاحظ حالة الزهج دي ما بتجي الا بعد الشكل يعني يزهجوا احسن من ما يطلع لينا موضوع جديد يتشاكلوا فيه وعموما الحرب عملت اللازم ولو انه شايفة بوادر شكلة جديدة في الافق عليها اها بخصوص كاظم الساهر ناس مسنجرك طلع عندهم احساس برضو حسي تلقاه متأثر جنس تأثر انا خايفة معنوياته تتأثر يقوم يخلي الغنا زاته بس قول الله يستر
زمراوي انا مبسوطة منك بسطة شديدة في زول كدة عرفت ليه كويس لووول قال قال برج الاسد والله ناس برج الاسد ظراف ودمهم خفيف وناس زوق الظاهر يكونوا غلطوا في التاريخ بس
تحياتي زولة123
03-26-2003, 06:08 PM
WAD ELGAALI#4
WAD ELGAALI#4
تاريخ التسجيل: 07-11-2002
مجموع المشاركات: 2036
يا الزبيح ياخى قول اى حاجة مش برضو بقولو القحة ولا صمة الخشم الزولة اول حاجة بت الجزيرة دى ام الخيانة زاتا كان المسنجر بتاعا كلو بنات الا انا اها بدت تلمح لى كدا قلت ليها ياخى معليش الفرق بينا زى خمسطاشر سنة قالت لى ياخى الرسول ص كانت السيدة خديجة فارقاه بى خمسة وعشرين سنة المهم بدت تحنكنى ليك وطبعا هى درست خطيبتى فى الكلية لما كانت بتعمل فى الامتياز المهم يا زولة عندى اخوى اكبر منى فكيتو فيها ومن اليوم داك تانى لا سمعت منو لا منها القاها اونلاين دقيقة مافى تختفى اخرحاجة عملت ايميل جديد وبقيت بس القى اخبارا من نها اما بخسوس البورد فاسكتى خليهو لكن تعالى هنا النسعلك من الشمار دا والله اقولك خليهو برايفت عشان فيهو اسامى وكدا لكن ماتقولى لى بالله انتى من المكسرين فى كاظم الساهر انا عارف انك حنكوشة لكن فى حاجات كتيرة ماعارفة اتارينى حقو تواصلى نشر مذكراتك عشان نعرفك اكتر لانو ما كفاية نعرف انك دكتورة حقو الناس تعرف انك فنانة برضو والله ما كدة كاظم دا كنت من معجبيه لكن من حبيبتى اعجبت بيه بقيت ما بطيقو لك تحياتى وسلمى لى على كل ناس العين عارف انك مامن العين
03-26-2003, 08:18 PM
PLAYER
PLAYER
تاريخ التسجيل: 04-23-2002
مجموع المشاركات: 10283
ودالجيلى أربع يا اخوي في زمنك كان في المرحلة الاولية وفى زمنى اسمها مرحلة اساس بكون الكبر دخل فيك بقيت تلخبط بليير الانتا قاصدوا دا عمى الكبير ياهو دفعتك قال بعرفك
بعدين انتا متزوج اتنين ولسة بتقول خطيبتى...ياراجل
زولة كلامك صاح في غلط في التاريخ لانوا ولدوني الساعة اتناشر بالليل..خالاتى قالن اتناشر نفس اليوم وعماتى قالن اليوم التانى صدقيينى انا غلبـــــاأأأأن
03-27-2003, 09:34 AM
bint algazeira
bint algazeira
تاريخ التسجيل: 06-29-2002
مجموع المشاركات: 571
زوله من واحد لتلاته اخيتي الحلوة ازيك مالك يااخيتي صغرتي كدي انا مشيت خليتك كبيره الحصل ليك شنو؟ كشيتي ولا شنو؟طبعا كشيتي دي بتكوني مافهمتيها خلي ود الجعلي#4 يشرحها ليك...لكن والله صورتك حلوة شدييييد عسل بس لكن تعرفي القفص دخلوني فيه فجأة كده عشان كده مالحقت اقول ليكم الظاهر خايفيني اطفش وماادخل عشان كده ماادوني فرصة
ود الجعلي#3 كتر خيرك انا برضو القلت ليك ولا انت المافضلت ليك واسطه ماجبتها لي لكن كلها باءت بالفشل زي مفاوضات السلام وبعدين انا رسلت ليك من دون خلق الله وعزمتك قلت عشان ماتسمع من الناس و يغمي عليك وتجيك هزة نفسيه زي حقت ساره لما ابوها حلف ماتعرس ادم لكن طنشتني ولا جيت العرس ولا حتي رسلت التهنيئه لكن معليش انا برضو عازراك لانك بتكون زعلان من الشاكوش ودي واحد لوووووووووووووووول عشان تزيد بيها حقات المسنجر العندك لكم تحياتي
ود الجعلى بكون اتلاقينا وين اما حكاية درستك دى بعيدة انا شوية كدة كنت بكون من دفعة مودك وحسام هلالى...غايتو انا قريت سمستر واحد فى جامعة السودان لو قريت او كنت بتجى تتضهب فيها بتكون لاقيتنى
03-27-2003, 01:09 AM
WAD ELGAALI#4
WAD ELGAALI#4
تاريخ التسجيل: 07-11-2002
مجموع المشاركات: 2036
يا بلير وحات الطلاق اول مرة اسمع بالاولية دى وانا قريت فى كمبونى ودخلت الجامعة سنة 94 هنا فى امريكا ولسة بقرا والله جد والله دى ما مكنة لكن انت شكلك كدا دفعت خالى د. عمر اصلو اتخرج من كلية غردون زمراوى تعرف جامعة السودان دى ياتا الا كان قاصد المفتوحة لانو كنت بمشى اضهب بهناك اغشى بت جيرانا لكن اجنا دحين انت ماكنت بتجى لى ولاء فى سلتى غايتو الله يكضب الشينة لكن كان ياكا تبقى مشكلة لانو مرة قلت ليها دا الجكس بتاعك قالت لى ياخى دا من الحلة والله قادينى قد الا اسيبلو المعهد ومن الوكت داك وكيلك الله تانى ماعتبت سلتى لمن اجازتى كملت وجيت راجع
ازيك يا بت الجزيرة والله شوقنا بحر وكدا وكتر خيرك تب ما قصرتى وبالمناسبة زولة دى ما كشت تعرفى يا زولة 123 كشت يعنى بقت شينة لكن يابت الجزيرة الزولة دى اسمح زولة فى البورد باستثناء حبيبتى الجديدة وبعدين يا بت الجزيرة والله رسلو لى صورة مودة بت اختى تشبه زولة دى الخالق الناطق دى بقى اشرحيها ليهاانتى اها قدر ما حنستها ترسلى صورتا بعد كبرت عشان اشوف مستقبل بت اختى الشكلى كيف حلفت بالتقطعا ما ترسلا لكن وسطليها حبيبتى الجديدة عشان تسرقا لى منها لانو حبيبتى بعيد عنك هاكرز اها ما قلتى لى الايميل الجديد حقك شنو بالمناسبة عندىصاحبتى لبنانية ذاكرتا تعبانة جدا اتعب من بتاعت الموصلى كل ما تلاقينى تقولى التلفون بتاعك قدر ايش اها كل مرة بديها رقم مختلف وغلط وتضرب تلقى زول تانى تجى زعلانة جدا كيف تدينى رقم غلط اقوليها ياخى تكونى لخبطيهو مع رقم تانى الغريبة تقتنع طوالى داحين ما تدينى ايميل غلط سمح العزيز زمراوى نعم صحيح تم قبولى لكن غالبا حبتدى شهر خمسة بعد اكمل هنا انت ازول شكلك كدا عندك لى عروس صاح والله حبيبتى شاكلتى شكلة المرة الفاتت لما قلت ليك كدة وقالت لى الزول فعلا عندو ليك حاجة فمخير بطريقتك الزولة دى هاكرز اعمل حسابك منها مع تحياتى
03-29-2003, 06:06 PM
WAD ELGAALI#4
WAD ELGAALI#4
تاريخ التسجيل: 07-11-2002
مجموع المشاركات: 2036
الليلة السبت وبكرة الاحد والمهلة بتاعتكم فى العد التنازلى لكن حقيقى كدا فى انتعاش حاصل لكن والله موت بلغيت وجعنى جنس وجع عليكم الله ما وجعكم الله يرحمو ويغفر ليهو الشكر موصول لكل الاخوه الذين كانت لى مساهماتهم فاعل الاثر فى انعاش البورد وشكلى كدا حبقى زى مفتشين الامم المتحدة ازيد المهلة كم ويكند تانى لكن ماعارف بكرى يوافق والله لا المهم نشوف البحصل شنو ولكم التحايا
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة