|
|
|
 Re: تكملة اورنيك 8 (Re: Yara)
|
القصه قصه شعب باكمله ياخواض و عليك انت ان تختار
طولها....
والله ماقصدت شحتفه الارواح ولكنها روحي انا تشحتفت في انتظار الكى بورد البلعربي...
ومشحتفه من قبل منذ 93 حيث حدثت احداث حسن
حيث اني دايما في محاولات لسردها...
ف بالله عليكم اقروها وكلموا بيها كل حبات الرمال..
كل ذرات الجليد...حملوها الرياح واجنحه الطيور.....
مبروك مليون نزار حسين...وانشاء الله يارا عامره بديارها...
لكن عليكم الله الاسم ده محجوز
 يعني مره مره ممكن تسموه
والي طله قريبه القاكم بخير...
| |
 
|
|
|
|
|
|
|
|
Re: تكملة اورنيك 8 (Re: Yara)
|
العزيزة يارا
قصتك اصبحت اكثر اثارة
و ما اكثر القصص المحزنة فى وطننا الآن
اما آن لهذا الفرح ان يندلق فى شوارع مدينتنا
و آه يا حـــسن
فى شوق شديد لتكتمل الحكاية
لك الياسمين
| |
|
|
|
|
|
|
|
|
 Re: تكملة اورنيك 8 (Re: Yara)
|
الاخت العزيزة يارا
لك التحية والتجلة ، ولك الشكر على هده الدرر التي تنثرينها علينا
القصة جميلة وممتعة يعيبها انها مقطعة الاوصال ، شدي حيلك وكملي القصة عشان نقراها مرة واحدة اصلو شغل المقطعية دي بقى ما شغال مع زحمة الشغل
على العموم ضميناك لقائمة المبدعات في البورد من امثال بت قضيم وشري والزعيمة تماضر
لك التحايا مرة تانية واسرعي كملي القصة
شرووم
| |
|
|
|
|
|
|
|
|
|
Re: تكملة اورنيك 8 (Re: شرووم)
|
والله ياجماعه اعزروني ....
وعد اني اكتب اسرع بس السهر في المستشفيات مامدي فرصه....بس ادوني فرصه... وطولوا بالكم معاى
| |
|
|
|
|
|
|
|
|
|
Re: تكملة اورنيك 8 (Re: Yara)
|
حيث اننا كنا ملزمين بالذهاب الي مستشفى سوبا لتكمله يوم العمل هناك ,تبرع زميل لنا يسكن بالصحافه بمتابعه حسن
علي ان نحضر انا وزميلتى فى اليوم التالي خارج ساعات العمل العاديه
حتي يتمكن هو من العوده الي
سوبا ,وهكذا نضمن وجود اهتمام متواصل وكان .... نفذنا خطتنا الصغيره وهمنا الاكبر ان نستشير البوص هناك في سوبا , ونعرف اللي ح بحصل شنو بخصوص التحويل للخرطوم ؟ وكل التفاصيل التانيه المتعلقه بعلاج ؟حسن
لا ادري تماما كيف مر علينا ذلك اليوم ؟؟؟
كان يوم ضبابيا للغايه !!! كانك في كابوس كبير ... انت عارف كويس انو كابوس... متاكد من دواخلك انو لازم يكون كابوس !!! شنو يعني اللي بيخلي طالب ثانوي , في قلب الخرطوم, والشوارع مليانه بالناس ... شنو اللى بيخليه يضرب رصاص , ويجى المستشفى بالذات في اليوم اللى انت فيه نبظشى؟؟؟ و بالذات فى كتاس ابراهيم مالك من دون المستشفيات؟؟؟ لازم يكون كابوس!!!
خصوصا انو ابراهيم مالك كان مرفوض كفكره من دكاتره سوبا.. وبالتالي الاخصائين كانو رافضين يغطوا النبطشيات معانا !!! وعليه لايوجد اي زول سينير في الحوادث!!!!؟؟؟ مما يؤثر علي ارواح البشر يبقى ده شغل الكوابيس زاته!!!
هذا ما كنت اطمئن به نفسي... و بص الميز يترنح كالسكران ... لينتشل نفسه بعد شهقه كبيره رافعا زاته من الحفر
والمطبات الى ان يتوقف امام باب المستشفى...
نزلنا انا وزميلتي واتجهنا بخطي حثيثه نحو
العنبر نتلهف لرويه حسن والاطمئنان ولمتابعه موضوع التحويل حيث انو الطبيبات اللى اشتغلوا معانا العملبه كانوا قد قاموا ببعض الاتصالات باخصايئ العظام والاعصاب في الخرطوم
كل هذه الا فكار وملاين غيرها تدور براسنا ونحن في طريقنا لسرير حسن .
لم نلحظ الهدوء غير العادي المحيط بالمكان حيث عاده مايكون هناك اصوات وكلام وناس حول سرير حسن .... وعندما وصلنا ولدهشتنا.... كان السرير فارغا تماما؟؟؟؟
قبْلنا علي يعضنا البعض نتسأل ؟؟؟
وين حسن ؟؟ ياربي حولوه
الخرطوم؟؟؟ ولا سرير تانى؟؟؟ ولا شنو؟؟ عندها احسست باحساس الكابوس مره تانيه...
وثالثه... ....وطوالي ...اصبح احساس ملازم... احساس المصيبه لما تكون عارفها جايه جايه.. بيكون مختلف عن
احساس المصيبه المفاجاه ....
التقل جاسم علي الصدر ... بي غشاوه في العيون بي
انو دموعك جايه جايه مهما حاولت تجهجها.. احساس
. تتمنى انو يكون مجرد احساس
| |
|
|
|
|
|
|
|
|
|
Re: تكملة اورنيك 8 (Re: Yara)
|
الجميلة يارا
واصلي وكلنا اذان صاغية
انا والله من المقدمة فاتحة خشمي راجية النهاية
بس ما تعملي فينا عملة ديما عليك الله
تحياتي وحبي
زولة123
| |
|
|
|
|
|
|
|
|
|
Re: تكملة اورنيك 8 (Re: Yara)
|
ماتستاهل ياحسن ياولدى لا اتهنيت ولا اتمنيت فى دنيتك
لكن نمشى ونجى راجعين ونقول ياهو حال الكيزان
ويايارا قصتك مع انها واقعية لكن خليتينا زى البنحلم ونحن بنقراها
واصلى ونحن منتظرين
| |
|
|
|
|
|
|
|
|
|
Re: تكملة اورنيك 8 (Re: Yara)
|
الشكر والتقدير بالاضافه للياسمين .... ليكم .. لانكم اديتو وقتكم و عواطفكم لى حسن....
سعيده انا رغم الاحزان ان قصه حسن ماباتت داخلي انا وحفنه من الاطباء ... بل اصبحت قصتكم جميعا
فلكم بعض من ياسمين اسامه... وكل الرماد للحاقدين الذين لم يحتملو رؤيه طفل يربى احلام
....مغايره لكوابيسهم ونسوا انها احلام .... وانه طفل
فلهم الرماد مره اخري
| |
|
|
|
|
|
|
|
|
|
Re: تكملة اورنيك 8 (Re: Yara)
|
حسن لم تتحدث عنه وكالات الانباء ....
ولم تتناقل اخباره منظمات حقوق الانسان .......
لم يدافع عنه احد حيا او ميتا .......
.......ولكن ذكراه ستظل معنا الى ان
نملك المقدره علي الحياه الكريمه
ولكم التحيه والتقدير
| |
|
|
|
|
|
|
| |
بت قضيم
اسامة الخاتم
شرووم
zola123
فيس بوك
تويتر
انستقرام
يوتيوب
بنتيريست