|
كتب الكاتب الفاتح جبرا المتوفرة بمعرض الدوحة
|
|
 Re: ابو حراز قرشو شيري عسولا عزه اين انتم يافاكهه الشتاء ؟؟؟ (Re: مشتاق)
|
والله كلنا مشتاقين يا دكتور مشتاق
من اشتقت لهم هم فعلا
فواكه مشكلة في هذا البورد
الاخ ابوحراز ربما كان غيابه بسبب الحج والنزله الاسيوية
وشيري لسة ما اتخرجت واستبعد ان تكون حجت
قرشو ربما معيد في السودان
وهناك قطعا لن يحتاج للتواصل عبر البورد لانه في بورد
بمساحة مليون ميل فكرة وونسة وضحكه وغرابة وتعب
عسولا وعزة ديل شكلهم ممتحنات بس لي شنو ما عارف
| |
 
|
|
|
|
|
|
|
|
Re: ابو حراز قرشو شيري عسولا عزه اين انتم يافاكهه الشتاء ؟؟؟ (Re: nazar hussien)
|
صباحاتكم بنكهة
المانجو
والله فعلا ابوحراز
دا يكفوا بيهو
العين
وانا جاني شمار قالوا
ابو حراز مشي الحج
لابس بدلتو السوداء ديك
وبيني وبينك مازول
مطفش البنوت ديل
غيره
زي ماقالت الجندريه
الله يديها العافية
هسع يجي ناطي ليك مظبط ببدلتو
في عز الحج والنزله
ويقول ليك بودراب جدة
عشونا بي زيتون
وجبنه
هو كان مفتكره بحلو بيهو مع الشاي
| |
|
|
|
|
|
|
|
|
|
Re: ابو حراز قرشو شيري عسولا عزه اين انتم يافاكهه الشتاء ؟؟؟ (Re: الجندرية)
|
مشتاق 00 مشتاقين ليك كتير
نزار سليمان 00 قال جضوم قال
شرير 00 الله يخليك
والله نفسي اشوف البرتقالة دي
قال برتقالة قال
الجندرية ليك التحية
والله بالإنابة عن هؤلاء اشكركم جميعاً
رغم انكم دي الخايفين منها
يجيكم اب حراز ناطي
على قول الصادق المهدي كان في السجن
جاء يصلي المغرب وكان معاهو نقد
اها نقد قال للصادق اتقدم صلي بينا
الصادق قال ليهو لا
لازم تتقدم انت يانقد
اها نقد زهج
وقام قال للصادق
اها انا حا اصلي بيك لايقوم يسمعنا الترابي ويجي ناطي يصلي
لكن قت نحن فاكهة الشتاء
اها وين فاكهة الصيف
قال بدلة سوداء قال
لبسنا احرام في الحج
والله حاجة مريحة جدا جدا
بس قطعتين واحدة فوق والتانية تحت
لكن ما قلت ليكم
جدي نصل منو الإحرام ستين مرة
طبعاً الإحرام التحت مش الفوق
| |
|
|
|
|
|
|
|
|
 Re: ابو حراز قرشو شيري عسولا عزه اين انتم يافاكهه الشتاء ؟؟؟ (Re: ابوحراز)
|
الأخ أبو حراز وكل الفواكه النضرة
شتاءً وصيفاً
لكم التحية ولكم كل الود والتقدير وكل عام وأنتم بخير
أرجو أن يكتمل العقد من جديد ويضيئ ساحات البورد
من جديد
***************
غيابكم طال
عسي المانع خيرا
يامن نزعتم الضحك من عبوس غربتنا
وزرعتم الثقة في صحراء نفوسنا
فبلغنامعكم اقصى درجات الهترشه
رغم جديه المكان
************************
أبو حراز نوع الكلام الكبير ده ما يكبر راسك أكتر
ومبروك الحج ليك ولي جدك والله يثبت الاجر
والعقبة لينا ولكل أهل البورد
ودقيلي (عقيل) بيسلم عليك وبيقول ليك مبروك الحج
وليد
| |
|
|
|
|
|
|
|
|
|
Re: ابو حراز قرشو شيري عسولا عزه اين انتم يافاكهه الشتاء ؟؟؟ (Re: Habib_bldo)
|
كيف حالك حبيب بلدو
هو نحن راسنا كبير بدون مايكبروه لينا الجماعة
طبعا في الضحية أدوني راس الخروف قالوا لي كسروا لينا
طبعاً زولكم من ناس العولمة
الخروف دا بقشروه كيف ماعارف
شلتو من أضنيهو وختيتو ليهم في التلاجة
أها بعد اللحمة انتهت
الجماعة قالوا باقي آخر طلقة
الطلقة دي طبعاً راس الخروف
طلعوه بي مزاج
ولقوه ليك كتلة جبلية عملاقة
واحد بكرهني منهم شديد
قال لي راسك دا مالو ماكسرتو
قيلي دا وين
من يوم ما أديتو عنوان واحد زهجت منها ونضميها كتير قلت اباصيها ليهو
تاني لبد لبدة بطالة
قال عاقل قال
| |
|
|
|
|
|
|
|
|
|
Re: ابو حراز قرشو شيري عسولا عزه اين انتم يافاكهه الشتاء ؟؟؟ (Re: ابوحراز)
|
الله يجازيك يا أبو حراز
ضحكتني وأنا مدبرس وزهجان من الصباح في الشغل هنا
الراوتر من الصباح معصلج ومضيع
واليوزر جننوني بي تلفوناتهم من الصباح
ود قيلي او عقيل
أصبح أفندي كبير من أصحاب البدل والكرفتتات
شغال في بنك الرياض في الادارة الفرع الرئيس في الرياض
إذا ما عندك تلفونه بديه ليك بالمسنجر
وليد
| |
|
|
|
|
|
|
|
|
|
Re: ابو حراز قرشو شيري عسولا عزه اين انتم يافاكهه الشتاء ؟؟؟ (Re: tmbis)
|
تمبس
هو نحن بوستات العرس دي قبل الحج بندخلها الا بعد نتوضأ
كمان الحكاية جابت ليها حج
تاني ناوي ما ادخل الا بوست فيهو ابو الدرداء وابوحنيفة
قبل مدة واحد انصاري سنة قال لي لمن تعرس
وتاخد العروس للفندق
تقرأ ليها ثلاثة احاديث
وعشرين دعاء
وتمسكها من راسها وتعزم ليها
شوف دا بالله بالوا طويل كيف
قال أعزم ليها قال
| |
|
|
|
|
|
|
|
|
|
Re: ابو حراز قرشو شيري عسولا عزه اين انتم يافاكهه الشتاء ؟؟؟ (Re: مشتاق)
|
البورداب الحلويين
سلام كميات
هاهو الشتاء يخرج انفاسه الاخيره
و هاهو الربيع ياتي جذلا
وهاهي العصافير ترجع الي اعشاشها
وهاهي الورود تتفتح من جديد
حمد لله علي سلامتكم
وشنو يعني الا نغيب نحن عشان تجوو)
البورد نور
وانا اسف يا ابو حراز ما باراكنا ليك الحجه ربنا يتقبل
الاعزاء
نزار
شرير و البرتقاله
الجندريه
حبيب بلدو
شكرا على المداخلات
ودمتم
| |
|
|
|
|
|
|
| |
مشتاق
nazar hussien
الجندرية
ابوحراز
Habib_bldo
tmbis
3asoola
shiry
فيس بوك
تويتر
انستقرام
يوتيوب
بنتيريست