|
|
 إلي عموم أهلي الشايقية في الخليج والسودان
|
إلي عموم أهلي الشايقية بالسودان والخليج وأخص بالزكر الأعزاء القرير وحسن سته ومامان وبقية الكوكبة ,,
يا جماعة نحنا لينا سبعة سنين في بلداً في آخر الواطه ما فيها أكثر من 50 نفر سوداني موزعين في كل أرجائها ..وكمان ما فيها شايقية غير عائلتي ,,
فارقنا السودان من بدري خلاص ..وببعدنا عنه فقدنا الكثير من الألفة والحنان ..والمصيبة الكبري إنو هنا مافي أي مواد ثقافية أو أدبية عن السودان ,,وأنا حريص علي أن ينشأ أبنائنا وهم أكثر معرفة بالوطن وقيمه وتراثه وفنه العظيم ,,ولقد حاولت مرارا الحصول علي أي مواد سودانية مسجلة ,, صوتيه أو مرئية أو مقروؤة ولكني بكل أسف فشلت في زلك ,,
دايركم تساعدوني شوية ..
عاوز أي تسجيلات تراثية خاصة بالشايقية وخاصة الأغاني والقصائد التي ظهرت مؤخرا فعمكم قديم من زمن ناس حسن الدابي وصديق احمد ,, وبعدين داير أي تسجيل مصور لحفلات شايقية يظهر آلة الطنبور والدلوكه والصفاقين ..
يعني داير أي دواوين لشعراء الشايقية ,, أشرطة مسجلة لفنانين ظهروا مؤخرا ,, أي فيديو وإن كان مسجل من التلفزيون عن الشايقية ,,
بالنسبة لباقي المواد السودانية الوطنية فقد وجدتها في الأنترنت ولكن لا مانع إن كان هنالك شئ منها ..
نجي للمهم .. بالنسبة للقيمة المادية وتكاليف الترحيل فسوف أتكفل بها ,,
يا أستاز حسن سته قبل كده إنت وعدت ترسل لي شرايط وانقطع الاتصال لأسبابي الصحية التي لا زلت أعاني منها حتي الآن وسوف أقوم بإجراء عملية دقيقة في الأيام القادمة إنشاء الله ,,
يا شباب عمكم مغرود في مساعدتكم وده الإميل بتاعي:
[email protected]
بارك الله فيكم وودعتكم الله
عمكم
عبدالرحمن عثمان
محرر مهيرة
نيوزيلندا
|
|
 
|
|
|
|
|
|
|
 Re: إلي عموم أهلي الشايقية في الخليج والسودان (Re: ابو يسرا)
|
الإبن الفاضل أبو يسرا
التحية لك والمودة
لك الشكر والتقدير علي استجابتك الفورية لطلب عمك واتمني أن بجازيك الله خيرا ,,
العنوان هو:
6 Bayview Road
Glenfield
Auckland
Newzealand
رجاء إرسال إرسال قيمة التكاليف بما فيها الترحيل
لك شكري وتقديري
عمك عبدالرحمن
| |
|
|
|
|
|
|
|
|
 Re: إلي عموم أهلي الشايقية في الخليج والسودان (Re: mehairah)
|
العم العزيز عبد الرحمن
كل سنه وانت طيب
ليس لدي الكثير من المواد التي طلبتها
لانى كما تعلم شابه حالي حالك
فانا في بلاد طيرا عجم
والشوق متل شوق الكدر طعن الجسم لامن خدر
والله لو ما بنجبر ما كان افارقك بي شبر
ربنا يرد الغربه يا عم عبد الرحمن
وسوق اقاسمك فيما لدي من مواد
اتمنى ان تشفي ما بك من نيران اشوق والالم والغربه
تحياتي
| |
|
|
|
|
|
|
|
|
 Re: إلي عموم أهلي الشايقية في الخليج والسودان (Re: hasan_6)
|
العزيز حسن
لك محبتي وتقديري
القليل يكفي في بلد لا تعرف الشوق والإحساس ..
بيت شعر واحد في حب عازه يسطره يراع حاتم حسن الدابي يغنينا عن آلاف القصائد التي يهرج بها هؤلاء ........!!
لك تقديري ولكل الأعزاء الزين استجابوا وتكرموا بالرد..
يا جني مسعول من الخير .. وين أخونا مامان نعلو بي عافيه؟
عمك عبدالرحمن
| |
|
|
|
|
|
|
|
|
|
Re: إلي عموم أهلي الشايقية في الخليج والسودان (Re: zola123)
|
العزيزة الغالية زولا
تحياتي
سوف تكون العملية في الأسابيع القادمة بإزن الله ولقد تأخرت نسبة لمحاولة الضمان الإجتماعي التنصل من تغطية تكاليف العملية الأولي التي تبلغ 32 ألف دولار والثانية التي تبلغ تكاليفها 44 ألف دولار واليوم في صراع معهم لإجبارهم علي التغطية التي لا يمكنني دفعها بأي حال من الأحوال ..
المهم في الإنتظار برغم الألم .. فقط أدعو الله لكي يقوموا بتغطية تكاليفها وبالمناسبة يا دكتورة هل تكاليف العملية عندكم تعادل نفس المبلغ أو أقل وهل هنالك أي فرصة لعملها هناك ,,
المهم لك التحية والتقدير لسؤالك عني وصحتي ودمتي أبدا
عبدالرحمن
| |
|
|
|
|
|
|
|
|
|
Re: إلي عموم أهلي الشايقية في الخليج والسودان (Re: AL GURAIR)
|
الأخ العزيز عبدالرحمن
لك الود والتحايا ، وربنا يطمنّا على صحتك ، وبالمناسبة لماذا لاتحاول العلاج فى دولة مثل مصر أو الأردن أو الخليج أو غيرها ... لا شك إن العناية قد لاتقل ولكن التكلفة بالطبع تقل كثيراً ..على كل أمنياتى لك بموفور الصحة والتعافى الكامل .. ملحوظة أخيرة الأخ أبويسرا لو لم تعلم فهو لحمك ودمك ولايحتاج إلى أى شكر بالمناسبة
| |
|
|
|
|
|
|
|
|
|
Re: إلي عموم أهلي الشايقية في الخليج والسودان (Re: مارد)
|
العزيزة سوميتا
لك التحية
ونحنا كمان بنحب البيحب غنانا
لك التقدير علي الهدية
العزيز القرير
والله عارفكم مابتقصروا وبتتقاسموا النبقه وعشان كدي استنجدت بيكم
بارك الله فيكم
العزيز مارد
لك المودة والمحبة
فعلا لقد كنت أفكر في إجراء الجراحة في إحدي هزه الدول التي زكرتها ولكن كان هنالك الكثير من التفاصيل التي يجب علي معرفتها أولا مثل التكاليف والحجز .. .. ..الخ ولقد طلبت من العزيزة الدكتوره رأيها في بوست سابق ولكن أظنها مشغولة فهي لم ترد حتي الآن ..فإن كان هنالك أي إمكانية في المساعدة في معرفة جزء من هزه التفاصيل ألحقني بيها ربنا يخليك ..
بالمناسبة أبو يسرا ده بالإحساس ساكت شعرت إني بعرفو وكمان قريبي وياها المحريه فيهو وربنا يديهو طول العمر
مع تحياتي
عبدالرحمن
| |
|
|
|
|
|
|
| |
ابو يسرا
abcde
zola123
Soumeta
Adil Osman
فيس بوك
تويتر
انستقرام
يوتيوب
بنتيريست