|
جديدة و خجلانة
|
مجرد فكرة تواحدى مع مبدعى البورد كانت كافية لان تجعلنى اكف عن التفكير فى الاشتراك فيه واكتفى بان احل عليه ضيفة كل مساء لكنى وجدت نفسي فجأة وبدون مقدمات بعد كل القلق الذي كان يعترينى من الفكرة عضوا للبورد لست ادرى كيف قمت بهذا ولكنى سعيدة بما اقدمت عليه واتمنى ان اجد مكانا بينكم وتحياتى اليكم مريم
|
|
|
|
|
|
|
|
Re: جديدة و خجلانة (Re: مريم)
|
مرحب بيك يا مريم حللت اهلا ونزلت سهلا .... ليكي صدر البيت ولينا العتبه.....
في انتظار مساهماتك القيمه....
كل الود ليون
| |
|
|
|
|
|
|
Re: جديدة و خجلانة (Re: مريم)
|
العزيزه مريومه لك تحايا بقدر ما كتب من احرف فى هذا البورد لقد ولدت نبراسا بيننا ولك منا كل الود والتقدير صدوح
| |
|
|
|
|
|
|
Re: جديدة و خجلانة (Re: sweetheart)
|
مريومة؟؟؟
مريومة الكبير كومه القليل لومه
مريومة يا شبه البلومة
مريومة الفالحة من يومه؟؟
مريومة الحلاته معدومة؟؟؟
مريومة الفى الجامعة برلومة
مريومة الدهبة مختومة
وعريسها فى الدومة؟؟؟
مريومة تخجل من الحومة
وتفتر من القومة ؟؟
مريومة
حلاتها مريومة
المريومة حلاتها مريومة
عشان تانى تتوبى ما تقولى خجلانة
اهلا
| |
|
|
|
|
|
|
Re: جديدة و خجلانة (Re: مريم)
|
مريم سلامات افتكر بعد الترحيب الحار من الذين سبقوني انكسر اي حاجز من الخوف والخجل .ويا زولة البيت بيتك اهلا وسهلا.وهاك الوردة دي
| |
|
|
|
|
|
|
Re: جديدة و خجلانة (Re: altahir_2)
|
مريم حبابك قوي قلبك زينا ترانا قاعدين ونختف الكلام من خشم دا ونرد علي دي ولا هامينا خالفين رجل على رجل ومنجعصين وسط المبدعين /ات
| |
|
|
|
|
|
|
Re: جديدة و خجلانة (Re: السوباوي)
|
حقيقى ….. لا ادرى ماذا اقول اعزائى الموصلى اسامة الخاتم ماردِ شرنوبى منعم انور سويتى تماضر الباقر قرجة ايهاب البعيو الطاهر الجندرية ابو عثمان سوباوي لطالما كنت معكم بمتابعة مساهماتكم واليوم و انا اتلقى ترحيبكم اشعر فعلا بانى فرد منكم لكم ودى شرنوبى كنت حاسأل عنك لانك اخدت ليك غيبة
وين باقيكم يا شباب ود عزة و مودك و عزة و يحي بن عوف وووو…………
| |
|
|
|
|
|
|
Re: جديدة و خجلانة (Re: مريم)
|
الأخت مريم
ألف مرحب بيك ونرجوا أن يكون قلمك نورا فى جوانح البورد نقتبس منه ونستأنس به كل حين
حللت أهلا ونزلت سهلا
سلام
| |
|
|
|
|
|
|
Re: جديدة و خجلانة (Re: مريم)
|
dera sister mariam: you know what??? i do like your name......mareiam ...if i have to define my dreams as a "beautiful woman" ,i will choose mariam as my dreams' name. i really like your name mariam..... ..................... welcome and hababik 10. looking forward for your contribution.
| |
|
|
|
|
|
|
Re: جديدة و خجلانة (Re: مريم)
|
اخت مريم انا عاوزه اقول ليك انا برضو زوله اكتر من عاديه لا عندي ابداعات ولا بكتب ولا غيره لكن انا مستمتعه جدا بوجودي في البورد وكل يوم بدخل اشوف الحاصل شنو حتي لو ما شاركت وحاسه بان اشتراكي في البورد كان احسن شي عملتها في الفتره الفاتت .... وناس البورد ناس لذاذ جدا ولقيت احلي ترحيب منهم ابتداء بصاحب البيت وصاحب القلب الكبير الاستاذ بكري انشاء الله يا اختي ما حتحسي باي غربه بين اهلك واحبابك اختك لبنى
| |
|
|
|
|
|
|
Re: جديدة و خجلانة (Re: مريم)
|
ما تخجلي يا السمحه قولي استعجلي
الف الف الف مرحب بيك بيننا هنا انا اكيده ان المقام سيطيب بك يا عزيزه
فحبابك الف
دموع
| |
|
|
|
|
|
|
|