كتب الكاتب الفاتح جبرا المتوفرة بمعرض الدوحة
|
Re: يا أسمحوا لي .. الليلة عيد ميلاد فرحنا (Re: AlRa7mabi)
|
أهل العوض
ليك الف شكر ومليون ترحاب ودائما للخير سباق
قبل نصف ساعة فقط كان معاي بدر الدين ، وعلمت منه أنك نويت تزوز البكان الجميل ، قلبي وقع طاخ السنة الفاتت نهلت من ذلك المنهل ورحي تعلقت هناك .. هناك اللهم اوعدنا مرة اخرى
طبعا ما عملت طناش ، لكن خيشت به حياء لا أدعيه ، خيشت أن اقول ليك للمرة الثانية التصويبة طلعت فشوش ، سأرسل على الضرى بعض السطر الحائرة التي وصلتني
ولكن ما دشنت به رسالتك من تحيات ودعوات وصلتني صحيحة معافاه
عموما بعد ترجع بالسلامة
والله ليك اصدق الأمنيات والدعوات وما تنسى ضحى وصفاء وامهم والرحمابي صاحبك تسلم
| |
|
|
|
|
|
|
Re: يا أسمحوا لي .. الليلة عيد ميلاد فرحنا (Re: AlRa7mabi)
|
الاخ الرحمابي تحية طيبة وتمنياتي لك وللاسرة بدوام الافراح ان شاء الله وعقبال ما نفرح بي فرح الامورة ضحي .والله يارحمابي ما شاء الله وربنا يحفظها ليكم . ضحي ذات وجه مشرق وابتسامة تاسر القلوب لاجمل طفلة الله يديكم العافية
| |
|
|
|
|
|
|
Re: يا أسمحوا لي .. الليلة عيد ميلاد فرحنا (Re: AlRa7mabi)
|
سادو 7
شكراً لمشاعرك الرقيقة وكمية الزهور والورود عقبال عندكووو
الخواض
صاحب الولحات الجميلة ، شاكر ليك وفي الأفراح دائماً
تمبس الظريف
والله لو ما بتك الحلوة الخاتيها دي كنت أحجز ليك ضحى ، عشان تخلي البكا والجرسة البتسوي فيها انت ودافئ الكبكاب داك وكمان تزيدنا من حكايات تفنش مشكور يا رائع
باكـو
دا والله من ذوقك وربنا يجعلنا دائما نحمل تلك القلوب الجميلة النقية
الطاهر 2
وانت كذلك مشرق ومنوور ربنا يديم الأفراح علينا جميعا
.. واحشني
يا الرسيت مراسيك جوه في قلبي عقدتني عديل كده لوحة رائعة ومعبرة جداً خلت البت المفعوصة دي تبدو كأنها جميلة عميق شكري
نصار
عريسنا الجميل عقبال البكاري كدي يار رب تحياتنا لعروستنا الجميلة تسلم
منعم2000 شاعرنا الرقيق
تلسم لينا ، عهدناك دائما تشارك في زرع الفرح في النفوس تحية خالصة ليك
أم سارية
ربنا يخلي ليك عيالك المبدعين عشان يزيدونا ألقا ووهجا اديتي ضحى شهادة نفخر بيها، بدر الدين دا كفينا بي العين ، مرة قال لي: تعرف أنا فيني جمال خفي لكن الناس ما شايفاهو ساى لو الناس عاينت لي بالجنبة الشمال دي ، غايتو عاينت لما عيني قزعن والله اعميني ما شفت حاجة لووول
دبيب
صاحب الحرف الأنيق لك المحبة، والأمنيات الدفيقة
ياسر حنا
جاري العزيز
ما بان عليك سفر العمر لسه الضفاف.. أسأل مصطفى البدري
مشكور
الحلاوي
كيفنك
ها الزول البت ما بتكن ربنا يدم الأفراح مشكور
أحيييكم جميعا وعاجز عن الشكر
| |
|
|
|
|
|
|
Re: يا أسمحوا لي .. الليلة عيد ميلاد فرحنا (Re: AlRa7mabi)
|
والله يا أبو ضحي يا أخوى كان ما قفاي أعوج وإنت محلك بعيد وموكر كان جبت الجكساية بتاعتي فاطنه وأمها والشرطيان أحمد ومحمد وحضرنا الحفلة السعيدة. فمن على البعد تقبل تمنيات جميع أفراد عائلة الملا عمر وسكان القرية عن بكرة أبيهم من .......... وطبعاً النقط دي عشان الجماعه البفرتقو في الكهوف في حدود أفغانستان مع باكستان ما يعرفو محلي وين.
| |
|
|
|
|
|
|
Re: يا أسمحوا لي .. الليلة عيد ميلاد فرحنا (Re: AlRa7mabi)
|
أستاذنا / الموصلي
بي طلتك الرائعة أنا فرحان فرحان بيك
وربنا يجعل أيام هديل وبقية العقد الفريد دائما أفراح وسعادة
الملا عمر
والله اثلجت صدري وياريت ناس أبو حميد ديل اظهروا بي جاي عشان البت ضحوية تجكسو ليك جكيسة خكيرة تعرف بنات المغتربيت مفلهمات خلاس زي ما بقول أهل العوص كلمة خلاس عجباني جداً
اما النقطة الخليتها ما تخاف سرك في بير
سلم لي على سمسم
| |
|
|
|
|
|
|
Re: يا أسمحوا لي .. الليلة عيد ميلاد فرحنا (Re: AlRa7mabi)
|
الحيره،، عارفه يا ضحي في سنك ده كنت ما بزح من حبوبتي و بكون في شغف لسماع قصصا و حكاياتا و كمان عندنا نشيد بتاع أشرقت شمس الضحي في السماء في السما،، أها يا ستو الوكت داك كنت في أولي أبتدائي بنكون فرحانين بلنشيد و بدقديق في الكنب و نعمل إيقاعنا برانا نهجج و بتكون ناهاية الحصه،، خالتك أسا يا بتي بقت تتمني ترجع للزمن داك و تاكل النبق و القنقليس و للتفسير خلي بابا إشرح ليك،، كل سنه و إنت أجمل و أحلي و أكبر سوميتا
| |
|
|
|
|
|
|
Re: يا أسمحوا لي .. الليلة عيد ميلاد فرحنا (Re: AlRa7mabi)
|
سوميتا
أولا بشكرك جداً لأمنياتك لضحى تعرفي كلامك دا بالنسبة ليها زي كلام الطير في الباقير حتى أخوانها بالنسبة ليها فقط أسماء ، كل مرة بحاول أقرب ليها الصورة شوية عن السودان ، مرة قلت ليها حا اوديتك السودان ، قالت لي فيهو شنو ، قلت ليها ، أهلك في الحلاوين هناك ، تنومي في الحوش ، تشوفي الأغنام – زي ما بتقول - تشوفي الأبقار حا تستمتعي كتير ، قالت لكن يا بابا لو نمنا في الحوش الحيوانات حا يزعجونا؟
والله يا سوميتنا جنينا عليهم كثيرا .. كثيراُ
رحمابي
| |
|
|
|
|
|
|
Re: يا أسمحوا لي .. الليلة عيد ميلاد فرحنا (Re: AlRa7mabi)
|
ابو ضحى كل عام والامورة بخير .. وربنا يحفظها بينكم ويحفظكم ليها قبلاتى لها وامنياتى بالفرح والعمر الطويل
وعلى فكرة انا عيد ميلادى كان قبلها بيومين لكن طفيت شموع ( كتيرة ) تجاوزت العشرين بس كان جو بسيط حلو , قلت الحق قبل ما تضيع احلى السنين
وصلة البوست وتهنئيتك للصغيرة وصلتنى على الماسنجر واحسست بذكرى يوم ميلادى للمرة التانية
كلمة اخيرة .. بتك عسولة
| |
|
|
|
|
|
|
Re: يا أسمحوا لي .. الليلة عيد ميلاد فرحنا (Re: motaz)
|
ضحى
يا جميلة
امسكى فى ابوك ده قوى
باريهو محل ما يمشى
عشان تطلعى لينا مبدعة زيه
اصلو الابهات ديل هم البسقونا اكسير الجمال فى الحياة
واسالينى انا
سمعتى كلام عمتك ده يا بت؟
الله يخليك ويحفظك ويخلى ليك بابا وماماوصفصف
وكل سنة وانتى طيبة
تسلمى
| |
|
|
|
|
|
|
|