حلمنتيش .. سألوني عن حبي
سألوني عـن حـبـي أنـكـرت ما قـريــت سألـونـي بـي ربـي قلت الفسيخ بالزيت بـالـزيـت .. بالزيــت بـالـزيــت .. بالزيــت حاولت ألقى فسيخ واقـولـو يـا عـمـري إنـت الحبيب للروح لكني خايف أبــوح يعفن وريحتو تفـوح عشان كده إنطميت كفايـة إنـي بكيـت لما الفسيـخ قـام بي زي التـقـول جـنـيـت جنـيـت .. جـنـيـت جنيـت .. جنـيـت تعبت آهـ آهـ آهـ آهـــ تعبـت ألقـى فسيخ ما سمعـو بيهو الناس واحرك الأسنـان بين الضنب والراس جبت الليـمـون وبديت أحلـب وأقـول يـاريـت ياريـت .. ياريـت ياريـت .. يـاريـت لوكان فسيخي متاح طعمو التقـول تفـاح كان المريء يرتـاح وأنا كنت بيهو رضيت ياريـت .. ياريـت ياريـت .. يـاريــت أنا بهوى صحن البوش جنبو البصل محشوش وعليهو جبنة وزيت من ريحتو راسي يدوش حالف برب الناس أنا عنـو ما مكروش لو طقوني بي عكاز أو عتلة أو شـاكـوش ياريـت .. ياريـت ياريـت .. يـاريـت ومن الكوارع ديـك لـو مـت ما بـديـك لـو درت تعـزمـنـي الله يبـارك فيـك ما تقـول طبيـخ لا فـريـك ما تـقـول فـراخ لا ديــك ما تـقـولي باسطة وكيـك قولـي كـوارع أجـيـك ياريـت .. ياريـت ياريـت .. يـاريـت
Re: حلمنتيش .. سألوني عن حبي (Re: singawi )
الاخ سنجاوي اسعد الله ايامك وحقيقة ازهلتني بهذه المحاولة الحلمنتيشية في قمة الروعة و متناسقة القافية ووووو وارفق لك الاغنية حتي تكون الصورة اقرب لمن نسي الاغنية
Re: حلمنتيش .. سألوني عن حبي (Re: atbarawi )
حبايبي الحلوين أهلاً جوني وأنا ما قائل حلوين زي ديل بزوروني لظرف قاهر غبت عن البورد من تاريخ إرسالي لمشاركتي أعلاه في شان كدا مشاركاتكم دي ما وقعت في عيني إلا قبل لحظات مشكورين بالحيل إيهاب ألقي نظرة على المسنجر فتكم في أمان الله وحفظه
Re: حلمنتيش .. سألوني عن حبي (Re: singawi )
الحبيب حسام البطل الهمام أكال الحمام ما زلت عند وعدي لك بالريجييييم ولكن الفسيخ والكوارع ديل ما بعملو حاجة لأنهم موسميات العوجة في صحن البوش الجنبو البصل محشوش دا بقى حبيب الشعب لي حـده ما عدا دكتورة سرورة الله يعينا على فراقه ومن الحب ما قتل العزيزة سموحة يا هلا بها الطلة حاسدك على الروقة في أرض المحنة في قلب الجزيرة أملي رئتيك من نسائم مدني وسلميلي على سنجة وصلى الله على المبعوث رحمة للعالمين ما هبت النسائم وما ناحت على الأيك الحمائم وعلى آله وأصحابه أجمعين العزيز البرنس أنا ما ياهو قاااااااااعد جون دا كمان بمشي وييييين تحياتي