|
السمــــــــــاح ... يا سمحين
|
يا سحاب المباخر
ايها الناس العزاز
لم اعتز بانتمائى لكم لانكم عشيرة، فقط
ولا لانكم عوضتمونى غربتى وجدعة الهملة، فقط ولا لانكم عزرتوا وحشتى وكبرتوا كومى، فقط
ايضا لانكم اهل للاعتزاز والفخار
يا سحاب المباخر يا طاقة مفتوحة على نسيم البحر ، والمدى
انا اطلب منكم السماح، جميعكم
اساسى على راسكم
كنت قايلة روحى دمى خفيف، وهظرت هظار اتضح انه اثار حنق وغضب واستياء ناس اكن لهم الاحترام والتقدير
واعمل لرضائهم الف حساب
انتمى لهم بعقلى والقلب
وافخر انهم على اختلاف مشاربهم ، يتبادلون الافراح والاتراح والتهانى والتعازى والمزاح الاخوى ويتشاورون فى امور الوطن ويصلون سوق الحير من شدة الاختلاف ويعودون الى هواء الساحلن
انا اطلب السماح واعتزر من الصميم
لكم جميعا واساسى على راسكم
فانا لم اتدخل فى كل البوستات التى انزلها اساسى ، عندما كنت استاء من مصادماته، درءا للالتحام المجحف ،
ولكنه"كترها" فوجدتنى " اهرشو" هرشة والله لاتخلو من خوة وصدق،
وعزمت على ادخال لفظة لووووول حتى لايفهم منها غير المزاح
وما نجحت،
معليش ياجماعة
عفو الله كفو الله
وادعوكم معى لمحاورة الاستاز ضرار صالح ونحن فى اوج خلافنا نحفظ الود والاحترام لبعضنا البعض،
شكرا على تحملكم لحماقة المزاح عندى
ومن الليلة خشمى دة وانا ستو
طبعا ما بحرد البورد لانو دمى تقيل
المهم نعمل حسابنا بس
ســــــــــورى
|
|
|
|
|
|
|
|
Re: السمــــــــــاح ... يا سمحين (Re: Tumadir)
|
سلامات الاخت تماضر بالرغم من اني بعيدا عن خلافتكم لكن والله العظيم انا من المستمتعين بي مداخلاتك وكلماتك الجزلة والجميلة حتي في حالات الهظار ومداخلاتك برغم الرغم واضحة انها بيضاء لاشوائب فيها واكبرت فيك حقيقة اعتزارك فاالاعتزار لايتاتي الا من نفس عرفت قدرها واحترمت الاخر ايضا شكرا تماضر لوجودك بيننا والف شكر للخلافات لانها احدي الظواهر الصحية في البورد ومافتات تعمق في اواصر الاخاء الشريف وشكرا لكل بوردابي ولله الفضل
| |
|
|
|
|
|
|
Re: السمــــــــــاح ... يا سمحين (Re: ودرملية)
|
تماضر ما تشيلى تقيل علي نفسك....ترانا عيال بيت واحد نتشاكل ونزعل من بعض....لكن عمرنا ما نخت حاجة بطالة في القلوب اضم اسفى لاعتزارك واقول للزعلانين: طول البال وريحوا الاعصاب...وتعلوا نتصافى ونتعافي بلا الزعل من بعض شيتن موقفنا اخر البشر مافي
player
| |
|
|
|
|
|
|
Re: السمــــــــــاح ... يا سمحين (Re: ودرملية)
|
والله يا تماضر نتصيد المواضيع التى تقومى بانزالها زى اعمدة الصحف اليومية المشهوره ونعشق كل تعليقاتك الجادة والمازحة والله بصراحة كمان بنعشقك انت زاتو... وعشان اهلك ما يجونى ناطين نعشقك فنيا طبعا لووووول لكن برضو بعتب عليك شوية لانك بتنزلى بى مستوى ابداعك للمداخلات مع اناس لا يحترمون المبدعين وعشان كده خلى بالك والمسل بقول عرس لى بتك ولا تعرس لى ولدك هى بسم الله حسى المسل دا الجابو شنو انا اظنى نعستا لك حبى وكل المودة
| |
|
|
|
|
|
|
Re: السمــــــــــاح ... يا سمحين (Re: ودرملية)
|
العزيزة جدا تماضر أخت صغيرة في السن لبعضنا وأخت كبيرة للبعض الأخر وخالةللبعض الأخر وحبوبة لنا جميعا لم أفهم من مضمون كلامك أي خروج عن نص الأخوة والصداقة وخفة الدم ولكن لأن البورد هذه الأيام يمر بحالة نفسية سيئة قد غضب البعض وفسر ولهم الحق في ذلك لأننا لا نحجر على الاخرين حرية التفكير والتفسير والتأويل ولكن بعد استسماحك وسماحتك التي تكبرك في عيوننا أرجو منهم أن يقابلوك السماح بسماح أكثر وأكبر لك كل التقدير ولهم
| |
|
|
|
|
|
|
Re: السمــــــــــاح ... يا سمحين (Re: ودرملية)
|
عفو الله كفو الله أنا برضو ياتماضر ياحبيبتى وزى ماقالوا كما بحبوك ماعاتبوك والله نحنا قصدى أنا شخصيا بحبك لدرجه الجنون ومكرهه بيكى أمى طبعا لو ماما لاقتك يوم حتقول ليك مادايره معاك خالص ماتملق ولا مجامله وماعشان آى حاجه لانى أنا دون 25 وشهاده عربيه كمان(مقفله يعنى) للأسف الشديد ماعرفتك ولا سمعت بجمالك وإنسانتيك الاَّ من خلال هذا المنبر ومادخلتى لبوست الا دخلت وراكِ فانت نعم المرأه الناضجه المثقفه الرقيقه المرحه الجميله الحبوبه والكمال لله ماشايفه بنقصك حاجه كان ممكن أكتب ليك الكلام دا فى الإيميل لامن شاف ولامن درى لكن بحس واجبى نحوك زى مانغَّصت عليك وانا متأكده انو إنسانه بعظمتك وشفافتك لازم يأثر فيها كلامى الهباب القلته ليك برضو أجى هنا وقدام الشعب السودانى وأقول ليكِ عزيزتى تماضر القومه ليك وحقك على يا امرأه بقامه وطن
| |
|
|
|
|
|
|
Re: السمــــــــــاح ... يا سمحين (Re: Tumadir)
|
بسم الله الرحمن الرحيم
السمحة تماضر رغم إنك طلبتي السماح من السمحين لكن أنا بحشر نفسي معاهم وبقبل سماحك والله يا تماضر بوست إنتي ما فيهو ما عندو طعم وزي ما قلت ليك قبل كدا أنا لمن القاك في بوستي بنبست إنبساتة شديدة .. وعليك الله أنا كان دايرة تزعليني حا تقولي شنو أكتر من شين؟ على العموم أنا خليت ليك باب بوستي فاتح ولا أقول دي نسخة من المفتاح وتشرفي في أي وقت يا لذيذة
عاطر التحايا بدرالدين شنا
| |
|
|
|
|
|
|
Re: السمــــــــــاح ... يا سمحين (Re: Tumadir)
|
السمحة تماضر مسامحنك بقدر ابداعك والله انا كته قايل اما بس البحب مداخلاتك وماضيعك الحلوة لكن لقيت الناس كلها معاي وبرضو انا كته قايل انا البراي بحببببببببببببببببببببك حب اخوي لقيت الناس كلها تحبك الحب الاخوي وحب الناس يحبوك
| |
|
|
|
|
|
|
Re: السمــــــــــاح ... يا سمحين (Re: Tumadir)
|
الما دارك ما لامك
ونحن حبيناك من قلوبنا ياتماضر ورسمنا لك صورة مشرقة ولا نريدها ان تهتز ولذلك دلفنا نلومك ولا نريدك ان تسقطى فهذا حقيقى كان قصدى من مداخلتى ارجو ان لاتاخذى فى خاطرك منا
| |
|
|
|
|
|
|
Re: السمــــــــــاح ... يا سمحين (Re: ود شاموق)
|
أستاذتنا تماضر لك التحية وخالص المودة فقد أوردت مفيداً لا ينكره إلا مكابر، وأظننا نحتاج في بعض أحيان لتذكير بسيط في اسس وأدبيات لا نجهلها قطعاً ولكنها تغيب بعوامل الانفعال والتعصب للرأي ولذا جاءت تذكرتك هذه برداً وسلاماً (ذكر إنما أنت مذكر لست عليهم بمسيطر) لا أود التحدث بإسم الأخ/ أساسي ولكن بحسب معرفتي له فإنه لا يغضب بهذه السرعة، فقد تابعت الحوار وشكل المزحة في (الهرشة) بتقديري واضحة أتمنى أن أكون مصيباً في هذا لأن أساسي يشكل نسيج متكامل لوحده ووجوده في هذا البورد لضرورة حقيقية لا تقل أهمية إن لم أقل تتوازى مع وجود الأخ/ ود عازة طالما كان هنالك حوار فلابد من إختلاف وهذا شيء طبيعي وهذه سنة الحياة بل من منا الذي يدرك أن إثراء الحوار ليس بالضرورة أن تكون محصلته النهائية رابح وخاسر
أمتي كم غصة دامية خنقت نجوى علاك في فمي لامست أسماعهم لكنها لم تلامس نخوة المعتصم
| |
|
|
|
|
|
|
Re: السمــــــــــاح ... يا سمحين (Re: Tumadir)
|
الاخت العزيزة تماضر تحية طيبة طبعا التسامح والاعتذار والاعتراف بالخطأهو سلوك انسانى رفيع المستوى...وويمكن السبب المباشر فى تعاستنا كسودانيين انعدام هذه الروح فينا والحمدلله نحن اتعلمناها من الانسان اليمنى ونحن نعيش بين القبائل..وكان جل دعواتنا للحوار فى البورد ان يتمتع الناس بالروح الديموقراطية سلوكا حتى تاتى الديموقراطية الى السودان سياسيا لان الله لا يغيير ما بقوم حتى يغيرو ما بانفسهم..ونحن بنتمنى من الاخوان اللذين شملهم الاعتذار من ابناء قبيلة سودانيز اون لاين..ان يتقبلوا هذه الروح الطيبة ويعودو الى قواعدهم سالمين"والديموقراطية الجديدة/البنت الحديقة"تجب ما قبلها والتحية لكم جميعا
| |
|
|
|
|
|
|
Re: السمــــــــــاح ... يا سمحين (Re: DKEEN)
|
الاصدقاء ود رمليه ودالجعلى ديامى مهاجر بد الدين شناة الباقر الطاهر كولا فلان ودشاموق ويليم اندرية امدرمانى صالح ضرار عادل امين بدكي
الصديقات وجن عزة بت قضيم
شكرا كلكم على التفهم والقبول
اها الناس البحونى كلهم طلعوا بحبونى حب اخوى؟؟ ما فى زول فيكم يحبنى حب.... قلوى؟؟؟ انا غايتو بد الدين شناة بحبو حب قروى وود الجعلى حب مروى والبنات حب حلوى لانهم حلوات والباقيين .... حب ابــــــوى
ودة تعليق بقع تحت باب الكوميديا، يا دكين انت بالزات لازم نكلمك عشان ما تتعجب
ووليم اندريه ردك بليغ
وبت قضيم انت الاعسل
والحب للجميع، الشكر موصول ، والخير محبة
قال جر معاك الباب قال
| |
|
|
|
|
|
|
|