كتب الكاتب الفاتح جبرا المتوفرة بمعرض الدوحة
|
نكفـي الفنـدك وبالصـريف نعـاين
|
انحنا ديلا البنات تلاتة .. هوي ما بدور براه جينا لينا في قعر ضرابا .. هوي ما بدور براه لقينا لينا دريفين دهابا .. هوي ما بدور براه فارس كما بقرا في كتابا .. هوي ما بدور براه كان ما اتزوجتا قولو لي كضابة .. هوي ما بدور براه
أول مرة أعرف إنو البنات جرس (جمع جرسة) كنت أحسب أن البكا والنحيب من خصال الرجال فقط من قبيل
نظرة يا السمحة ام عجن أو أبقى مفتاح تبقي كبري أوحفيرة جوة حوشكم لما تكنسي تدفنيني
العهدة في هذا على تماضر وضريباتها .
|
|
|
|
|
|
|
|
Re: نكفـي الفنـدك وبالصـريف نعـاين (Re: Ahlalawad)
|
بسم الله الرحمن الرحيم
أهل العوض الله يجازيك الوداك تهبش في البكانات دي شنو.. والله يلم فيك تور يلحقك الغتس وبعدين الأدلة القدمتها غير كافية على حيازة البنات لأسلحة الجرسة الشاملة لكن أنا بحاول أساعدك شوية
ضربت ليه التلفون جرسو رنّا *** قال ألوه أنا قلت قلبه حنّا
تمشي وتجي بالسلامة ** يا حمادة مع السلامة
عاطر التحايا
| |
|
|
|
|
|
|
Re: نكفـي الفنـدك وبالصـريف نعـاين (Re: Ahlalawad)
|
بدر الدين والله تب ما قصرت لكن نحن عايزين التجارب الشخصية وهي المفيدة في هذه الناحية يعني مثلا تكون واحدة انت كاسر فيها ضلعة تقول ليك
يا البدري ..تجينا بدري
أو
بدر الدين يا سادة بيتكم عادم الوسادة نجيك نشرب شاي سادة وخت ملعقتين زيادة
بالله دا ما شعر عديييل
| |
|
|
|
|
|
|
Re: نكفـي الفنـدك وبالصـريف نعـاين (Re: Ahlalawad)
|
ولا لمن تقول ليك
اهل العوض يا سمح كان زرعوك عيش بتقوم قمح
ولا
ابوي قال لي انتي واحده وحديده الله يزيده واهل العوض بريده
ابوي قال لي ماتجيبي الملح اجيب الملح عشان العوض السمح
امي قالت لي دققيي وختي لمن ابوكي يجي وقلته ليها لا ابوي ما برجى زوجوني برا لو بي لبن بقره
لووووووووووووووول@ اهل العوض
| |
|
|
|
|
|
|
Re: نكفـي الفنـدك وبالصـريف نعـاين (Re: Ahlalawad)
|
بسم الله الرحمن الرحيم
أهل العوض داير تحرجني ولا شنو؟ أنا مافي زول غنى لي في الدنيا دي إلا أمي لمن كنت صغير وكانت بتقول لي التنبوشة .. التنبوشة .. البي بيتها وبي حوشها كدي .. كدي .. دقرنا وسكر عصرنا
تماضر أنا حبيت 52 بنت في حياتي إتجرست منهم واحدة وفي النهاية طلعت طرشا
عاطر التحايا
| |
|
|
|
|
|
|
Re: نكفـي الفنـدك وبالصـريف نعـاين (Re: Ahlalawad)
|
أهل العوض ديل ما أهلي
قيل إن أوّل من غني من العرب قينتان للنعمان يقال لهما الجرادتان ومن غنائهما:
ألا يا قين ويحـك قم فهينم لعلّ الله يسقينـا غمامـأ
لكن يا تو نوع من الغام بري ما بعرفو
وقيل أن أول - بكايّ - من الرجال غني هو طويس وهو الذي علم سريج والدلال نوبة الضحى ، ومن غنائه:
قد براني الشـوق حتــى كـدت من وجـدي أذوب
الله الله الله
بس أنا خايف ذاتي أبراكم عشان كدا بقيف
سلام
رحمابي
| |
|
|
|
|
|
|
Re: نكفـي الفنـدك وبالصـريف نعـاين (Re: Ahlalawad)
|
لوووووووووووووووووووووول على الجرسة المحندكة
يا امى انا ما بدور المزارعي بدور سينتمنتال البركب العربية وعرس مااااااااافى وشباب الذمن جنية
يا امى انا مكسرة فيهو
سينتى بروحى افديهو وعرس مااااااافى
| |
|
|
|
|
|
|
Re: نكفـي الفنـدك وبالصـريف نعـاين (Re: Ahlalawad)
|
البدري .. تبرا من الحرج لاكين كنا دايرين نستأنس بتجاربكم اتو باقي ناسا متبخين الامدان .. بجوز قابلتكم بشاتن زي دي .. دقرنا وسكر عصرنا . أعصابنا والمرض صابنا .
الرحمابي وي بالراحووو .. قياسا على كلامك فإن أول بكاي من أهل السودان هو إبراهيم العبادي حيث غنى له أحمد عمر الرباطابي : فريع البانة ، من نسمة يتمايل حاكى المنقسمة وكانت أول أغنية سودانية تسجل على اسطوانة . ما قلت لي .. الإيميل وصل ولا ضهب بي الدرب .
سنتيم بن منتيل ... وفي رواية : حال اولادنا حالتن شينة من الضمنة لي الكشتينة وبورونا بورتن شينة وعرس ماااافي .. سنتمنتل سمح الكلام بقى جنتل وعرس ماافي
| |
|
|
|
|
|
|
Re: نكفـي الفنـدك وبالصـريف نعـاين (Re: Ahlalawad)
|
الأستاذ الكريم أهل العوض أري بين السطور وميض نار ، ومن شلاقتي كان لابد أن أدخل توش نافخ جضيماتي التي أتمنى أحياناً لو كان شلخوها عشان تنفش شوية مردداً بين السر والجهر يا ناري قيدي ومش مهم تكون برداً زي البرد الذي يعيشه أخونا المتدثر في مرتفعات أبها أبو حراز أو البيات الشتوي الذي يمارسه دكتور أبكر في أصقاع أوروبا بنظرية من هناك لي هناك ولا حر أشد من حرارة نص نهار الخرطوم في شهر مايو لأنها أصبحت ما بتفرق مع الواحد كتير حيث أن الجلد أو البشرة أصبحت أتخن من بشرة وحيد القرن وفيل السيرة الشهير . والعارفون ببواطن أمور الجكس قالوا وقولهم الحق هناك خيط رفيع يفصل بين الشفقة أو الكبكبة أو الإندلاقة ودي طبعاً زي لمن تكشح موية الغسيل في الشارع وبين التقل الذي تعتبره الكثير من الشعوب صنعه ، بس طالما جبنا سيرة موية الغسيل والتقل وطالما أن كل شئ زاد عن حده إنقلب إلى ضده كان لابد من الموازنة والتوسط في الأمر لأن الغلو في التقل بسقي موية غسيل زي ما قال شاعر حلمنتيش ، ندع شاعر حلمنتيش وقوله جانباً ونرجع لقول الخبراء الذين زعموا أن المرأة كالظل كان جريت وراهو يجري منك وكان جريت منو يجري وراك تماماً زي التمثال الذي يوضع في كبوت البكاسي مهما جرى البوكس وبآخر سرعه ما يلحقو. والبنات والله يا أهل العوض يا أخوي بيبكوا جنس بكاء. وزولتك دي الجاتنا من قعر ضرابا دي مشارطة صاحباتها عديل كده ودي زي يا غرق يا جيت حازمه وقول ليها إن شاء الله قشه ما تعتر ليك.
| |
|
|
|
|
|
|
Re: نكفـي الفنـدك وبالصـريف نعـاين (Re: Ahlalawad)
|
أديبنا الكبير الملا عمر .. إن كنت ناصحاً لك فأرجو أن تدخر جضيماتك لبعض الوقت فقد تدعو الحاجة لذلك خاصة وإن النظام العالمي الجديد الذي سيبدأ بتنفيس كل المنظمات الدولية التي قامت بعيد الحرب العالمية (ياتا فيهن والله ماني طاري) ليقيم علينا نظامه العالمي الجديد القائم على معتقدات الدول الديمقراطية لتطويع كل مارق على أسس الديمقراطية وأولهم بالطبع كل من له فضل جضيمات .
ثانيا العالمون ببواطن الأمور ما قالوا ليك الخيط الرفيع دا مصنوع من القطن الأكالا وللا سكلاريدس ولا بركات .. عشان ما يتلبخت علينا الاختساس .
ثالثا : بالنسبة للمرا والضل وكدا . طيب لو كانت الدنيا عصر .. بتكون الحكاية كيف
رابعا : ندعو معك : آمين إن شا الله قشة ما تعتر ليها . وسلامتك . وشكرا للطلة وكتر منها
| |
|
|
|
|
|
|
Re: نكفـي الفنـدك وبالصـريف نعـاين (Re: Ahlalawad)
|
اليك البقية يا اهل العوض
أيّا أمي أنت يا الحراير هوي ما بدور بلا زوجتوني لراجل الضراير هوي ما بدور بلا بدور تومي أب وجيهن ناير هوي ما بدور بلا
أونا أونا الكحل عيونا هوي ما بدور بلا أونا أونا البروق سنونا هوي ما بدور بلا
الأغنية كردفانية طويلة قالتها إحدى المكسرات على حد قول اهل العوض ومثل هذه القصيدة كثير كان بودنا نشره لفائدة تماضر وصوحيباتها عشان يبكن بحرية لكن خايفين الجماعة ناس بدر الدين شنا وشلة الما لقوا ليهم زولة تبكي فيهم يشمتوا فيكم ياتماضر
المي البارد بقد الدلو
| |
|
|
|
|
|
|
Re: نكفـي الفنـدك وبالصـريف نعـاين (Re: Ahlalawad)
|
الأستاذ الكريم أهل العوض يعني غلطة كانت دخولي لهذا المقال كل مرة خاتي لي المنشار في العقدة ولا البغلة في الإبريق ماعارف نقول تور تقول لبسهو ستيان المهم يا أخوي حكاية العصر ولمن الشمس تغيب البحصل شنو للضل أقول مستعيناً بالله أن هناك كلمات مطاطة في البلاغة وهي الإعتبارات بإعتبار ولو أن وإذا كان وإذا زلزلت والأمبراطورية التي لا تغرب عنها الشمس أها الشمس غابت ولا لسه. إذا ما غابت غني ليها يا شمس أصولو يومك ما بمش . بعدين حكاية الخيوط والسجاير والصعوط دي أنا ما لي فيها وتسألني كمان عن نوع الخيط ليه شايفني شايل لي مترار – دقستهم ليك بي كلمة مترار دي – أكيد في تسعين في المائة ماعارفين معني كلمة مترار والعشرة الباقيين ما عارفين كيف يستخدمو المترار. أما الجضوم النوركن بجهره فتس تس نفست والنظام العالمي الجديد أكل نيم وإلا يشوف جضوم قرشو ولا جضوم أب حراز.
| |
|
|
|
|
|
|
Re: نكفـي الفنـدك وبالصـريف نعـاين (Re: Ahlalawad)
|
أهل العوض سلام عليكم ، الجرسة ياخوي ما بقت السلاح الوحيد ، واسمع غنية البنات .. الناس اتغيرو ، الزول ده كان زولي ، انا مصيري حاتزوجو ده قرار صدر مني !! والله الحكاية بقت فتوات ساااااااكت كمان ! بعدين الوليدات ما زاتم اجرسوا لامن قالو بس ! ولا ما سمعت ب القربو يحنن و البعدو يجنن ، وديع وحنين شغل بالي ؟ ويا يوم بكرة ما تسرع تبرد لي نار وجدي ؟ ووب أحي علي من شوفتو وطلتو ... زي القمر في سماهو وديع أمير في حلتو ؟
سنتمنتل يا جنتل ، ماااالك عليها ، البت كاسرة فيك ضلعة تقول ليها عرس مافي ؟ مافي رحمة ؟
وسلام مربع لي بدر الدين ، والله الكلام عندك وقف ! ما لانك بتوقف الحركة بس ، لانو الضحكة سادة لي حلقي !
ونلتقي
| |
|
|
|
|
|
|
Re: نكفـي الفنـدك وبالصـريف نعـاين (Re: Ahlalawad)
|
بسم الله الرحمن الرحيم
أهل العوض سلام
وسلام مربع لي بدر الدين ، والله الكلام عندك وقف ! ما لانك بتوقف الحركة بس ، لانو الضحكة سادة لي حلقي
أها دي جرسة ولا ما جرسة؟
تونا الحنونة أشكرك على سلامك المربع .. كنت داير أشكرك أكتر لكن خايف يقولوا متجرس لكي التحية
عاطر التحايا بدرالدين شنا
| |
|
|
|
|
|
|
Re: نكفـي الفنـدك وبالصـريف نعـاين (Re: Ahlalawad)
|
أهل العوض
ما زلنا نستمتع بهذا البوسط ، الذي نكت القديم والمستخبي
يازول ها ايميلك والله وصلني لكن كلو مربعات ودوائر التقول انا بتاع مساحة ، ربما هنا خطأ معك ، اكون شاكر لو اتيحت لك الفرصة لترسله ثانية مع خالص محبتي
| |
|
|
|
|
|
|
Re: نكفـي الفنـدك وبالصـريف نعـاين (Re: Ahlalawad)
|
سلام أهل العوض
عشان ما يتلخبت علينا الاختساس ، ياخي قطعت مصاريني بي الإختساس دي ، والله استعمالك لي حرف السين قلبت فيهو الهوبا عديل كدا.
غايتو جرست الرجال كتيرة وما ليها حد ،
يعني انت نسيت خليل اسماعيل دا قبال ميعادو بي ساعتين مسكتو ام هلا هلا وقال :
قبال ميعادنا بي ساعتين ابيتو أنا وأباني البيت
لكن في واحد تاني حاول الجم نفسو شوية وزجر عينو قاليها
يا عيني ياطماعة ماشفتي قبال ساعة
ويا حليل ناس بدر الدين الليهن اضرب ساعة ففي ثتلاتين يوم في اتناشر شهر
الملا عمر
تعرف كلامك شيخنا الملا عمر ، هزاني هز ، أي والله ، رجعنا لي زمن المترار ، كان حبوبتي البتول – الله يرحمها – تحسر جلابيتها لي نص وركها ، وتبل ليك يدها بي – تفه – كبيرة كدا ، وتقول كدي تزن ليك المترار تلاثة اربعة زنات كده ، تقوم تمسك الخيط من طرفو وتخلي العود يتهوزز ويلف في الهوا زي الدرويش في الحلقة منظر – يخلب الإنظار -
| |
|
|
|
|
|
|
Re: نكفـي الفنـدك وبالصـريف نعـاين (Re: الجندرية)
|
نبشت ذاكرتي التواهة :فوجدت بنات قرية (ديم الياس) وهن يتغنين جماعيا تعال زورني يا كامل حبيبي.. الليل كامل وليد الناس..غذا دمي وخسرت طبايعو خلاس ..غذا دمي ..ياحليلو زمان وناس ( بتشديد النون) ده كامل حبيبي
الذي أدهشني أن كامل أصبح ضمن(الحاجات البيولوجية)الأولية .اللهم انا ننزع الى الكمال ودادي
| |
|
|
|
|
|
|
Re: نكفـي الفنـدك وبالصـريف نعـاين (Re: Ahlalawad)
|
شكرا الاستاذ كانتونا 1 – تحية لك ولتماضر وأهو نحن نحاول استفزازكم بالدخول الضفاري حتى نستمتع بمشاركتاكم .
الرحمابي .. بس خليل اسماعيل لما شروه قال أغالط نفسي في اصرار واقول يمكن أنا الماجيت . أحوال أن أرسله لك مرة تانية
لتحية لتونا وتحية لك يا أبامهيار وتحية للجندرية ... ولكم هذه
وقاعد في النجيلة وبالردا والفنيلة أنا حبيت أشاغلو وعمل الكورة حيلة
أذاني يا يمة جفاني وبريدو
| |
|
|
|
|
|
|
Re: نكفـي الفنـدك وبالصـريف نعـاين (Re: Ahlalawad)
|
الأستاذ الكريم أهل العوض شكل الموضوع ده كان زمان زمن البلد فيها نجيله ، والزمن ده يا أهل العوض يا أخوي البلاعه تسيل لمن تملا الشارع والشارع التاني وتصل شارع الزلط كمان وقشة واحده ما تقوم تقول الأرض سمدوها بكيماوي ، المهم نرجع بعد التحويله الإجبارية دي للموضوع ، ويبدو سيدي من الأمر أن هناك وجهتا نظر ولا أدري لماذا لم تكن وجهتا نظران على إعتبار أن هناك نظرات وعبرات وأيضاً نظرات تولول برغم أنني كنت أعرف أن النساء هن اللائي يولولن ، ما علينا ، الوجهة الأولى هي أن الكابتن بتاع الكورة ده زي ما تقول كده يعني مشرك بتشديد الراء يعني تكتب هكذا مشرررررررررررك وعامل تقيل ودي النظرية التي سبق وأن ذكرتها في أحد مداخلاتي – والأخيرة تعلمتها من الفضائية السودانية وهي من باب أذكروا محاسن حسن المحاسن - وأهو جابت نتيجة لمن الجكساية إندرشت على قدومها وتلخبط أحمر الشفاه بأحمر الخدود وهو ما يجوز القول فيه في بلادنا خرب زينتها وهو القول الأرجح. أما القول الثاني فأن تكون الجكساية من ماركة كومر كريل أو ودع أهلك أو التسوى كريت أو هجم النمر ، وصاحبنا بالإحساس عرف بس عامل ما شايف وأكيد سبق له وأن درس كتاب كيف تطنش في الحافلة وناس الحلة غافله وهي نظرية وعامله مشغولة بجريدة وهو قول ضعيف والله أعلم.
| |
|
|
|
|
|
|
Re: نكفـي الفنـدك وبالصـريف نعـاين (Re: Ahlalawad)
|
أستاذنا الأديب الملا عمر : والله حياك الله .. تعرف كلامك عن وجهتا نظر ولم ليس وجهتا نظران ذكرني بنقاش مع أخ سوري كشكوك يفتي في كل شيء .. فكان جزاه الله خير يعجب من قولنا خمسة عشر كتابا وليس كتبا كما هي في لغات أخرى ..
بالنسبة للكابتن الراقد في النجيلة وبالردا والفنيلة (اللي هو العبد لله) وفي رواية الملا عمر فأعجب واشاركك تقضيب الحواجب في كون ملاعبنا غبشاء ذوات صلع مبهدلة (ليست صلعا نضيفة) بالرغم من كون بلادنا في منطقة سافنا (فقيرها وغنيها) وبالرغم من قربها من النيل حيث المياه العذبة وانت النسيم الصافي .
أما كون الجكساوية منتهية الصلاحية وفايتة فيها قلوة فينظر ويفاد .. على فكرة هي نفس الجكساوية القائلة :
أول حرف .. حرفو الأف قصدو الولف .. ما بنختلف ما قال بجي ما لو ما جا
أقول قولي هذا واستغفر الله لي ولك .
| |
|
|
|
|
|
|
Re: نكفـي الفنـدك وبالصـريف نعـاين (Re: Ahlalawad)
|
الأستاذ الكريم أهل العوض أخي أهل العوض هناك شطحه في الموضوع وبين قوسين كمان كما تفضلت لأنه ليس بغريب أن يكون الفي النجيلة من أهل العوض بإعتبار أننا أصحاب زرع وضرع وتقوي وورع كمان إلا أن الغريب في الأمر هو أن اللباس الذي يرتديه القاعد في النجيله هو شورت وتي شيرت ولا يمكن أن يرتدي أى من أهل العوض أجمعين هذا الزي قبل عشرة أعوام من الآن وبهذا تكون شطحتك كنطحة الوعل للصخر ، وكان مقبولاً أخي لو كان هذا الجالس في النجيلة يرتدي سراول طويل وعراقي ولا بأس بصديري وفي هذه الحالة سوف تتغير الأغنية ويدخل فيها البطان والضرب بالسياط للذود عن الحياض حتى لو كان حوض برسيم أو أب سبعين أو لوبا عفن. نعود للجكساية وأرى أنه إذا كانت هذه الجكساية على شاكلة ليس لي فيه يد أو كأنها حمر مستنفره فأبت مع شديد الأسف بقولها ما لو ما جاء إلا أن تضيف غباء على القبح فالموضوع يا بت الناس ما داير ليهو تفكير وبرضو تسألي ما لو ما جاء.
| |
|
|
|
|
|
|
Re: نكفـي الفنـدك وبالصـريف نعـاين (Re: Ahlalawad)
|
لا داعي لخلاف النجيلة يا سادة فكان هذا من عهد مضى فاصبحوا الآن يقولون
قاعد في الراكوبة يفكر في الخطوبة ولما حبيت اشاغله فناني بالطوبة
الحقيقة هو ما عندو ذوق
ما رأيكم بالله في ال(جرسة والجريمة) حيث تقول
تتقص أخته الفتية وتموت امه كان حية
حقاً ومن الجرسة ما قتلت
| |
|
|
|
|
|
|
Re: نكفـي الفنـدك وبالصـريف نعـاين (Re: بت قضيم)
|
الأستاذة الكريمة بت قضيم يعني الواحد بالغلط ما يكشح ليهو موية أو يجيب سيرة بلاعه إلا ويلقاك ناطه زي ملاحظ الصحة وطبعا خلاص الصحه ذهبت يا أختي وبقى الملاحظ في موقف تسلل حسب إشارة مساعد الحكم الثاني. وقلتي لي النص إتعدل وبقى فيهو طوب وحجارة من سجيل منضود ورواكيب مقنطرة والله يا بت قضيم أهل العوض أخوى ده راجل رغم إحترامي ومعزتي ليهو إلا أنه إحترف جرجرتي في أمور لا ذنب لي فيها غير حبي للشمارات والقوالات وهأنذا أدخل في مستنقعه هذا وناس المطافي ما يحلوني منو ، وأظن أن الراجل القاعد في راكوبه وبيفكر في الخطوبة ده عندو مشكلة تانية لأنو الخطوبة الزمن ده ساهله خلاص إلا خطوبة أب حراز ، ودي بيني وبينك يا بت قضيم كمان جكساية لصقه شديد زي ملاح اللايوق يعني أكيد حكاية إنو فكاها بي طوبة دي آخر مرحلة وبيكون صر وشو ليها أو بصق التمباك قدامها أو عاين بالناحية التانية ولمن ما لقى نتيجة زفاها بي الطوبة وما أظن في راجل في قبيلة الرجال تلقى طوبة من حبيبته وحتى الشواكيش هي في واقع الأمر شواكيش معنوية رغم إنها بتوجع وبتسوي الدوشة كمان. أما بتاعت تموت أمه كان حيه فده حب على طريقة رامبو
| |
|
|
|
|
|
|
Re: نكفـي الفنـدك وبالصـريف نعـاين (Re: Ahlalawad)
|
الأستاذ الكريم أهل العوض المعروف أن الصريف عبارة عن حزمة من القصب أو القنا أو القش أو الحطب أو الحصير أو أياً من هذه الأشياء ويتم عمله كحوش للقطية أو حتى أوضة الطين فهل هناك داعي لقلب الفندك والمتاوقة من فوق الصريف ، هل الصريف بهذه الدرجة من الأحكام بحيث أنه يبدو على شكل جدار ما يعدي الهبوب حتى على شاكلة بيوت الختمية في كسلا أم الجكساية نظرها ضعيف. مجرد سؤال للعارفين
| |
|
|
|
|
|
|
Re: نكفـي الفنـدك وبالصـريف نعـاين (Re: almulaomar)
|
سلام مربع والله يا تماضر اختي ودكتور قطامة الناس ديل ما تعبوا معانا
اصلي متحيلة مخوفني شيطان الجمرات الخاتاهو في مكان صورتي دا يعني اخاف براي اصلي كنت حاده وهذا دليل اخر على ان الحياة حلوة من غير تخويف
اصل الحكي والله لو طلقوا البخور من الصبح للسحور انا غيرك انت محال ادور
بالله انظروا معي هداكم الله وستر حالكم لهذه الجرسة التي تفوق في مقاسها 9 درجات على مقياس رختر مع اني مع عارفة ايه علاقة رختر بالمقياس دا شنو لكن اهو مقياس وسلام في حد استشارنا ولا نحن سالنا زول لمن قالوا لينا المساحة دي طولها 2 سم المهم عايزة اعرف ايه علاقةالبخور بعكلتته الشاعر وانو ما يفك البت دي يعني هسع نفترض انو البنيه دي عندهم كلب كيف كان حيكون التصرف لو الكلب دا جاتو حساسية من البخور دا ..؟؟ يا باشمهندس يا ريت لو شرحتا لينا التركيبة العكليته دي انت واهل العوض ما الذي دع هذا الرجل المسكين المكسر في هذه البنت التي نجهل هل هي جميلة ولا لع؟ بس عرفنا انو الزول دا مخرخر وماسك فيها غايتو كل ما اسمع الغنيه دي يتخيل لي قصة الغراب النبيه والثعلب لمن شاف في قدوم الغراب الجبنه وغشاهو واتخيل لي انو الزول دا معكلت فيها زي ملاح الويكة يا لي من فتاة شنافة ولنا عودة لانو يدي وجعتني
| |
|
|
|
|
|
|
Re: نكفـي الفنـدك وبالصـريف نعـاين (Re: Zoal Wahid)
|
يا اهل العوض
عمك الطيب ودضحويه الهمباتي
تخيلو راكب فوق بعيرو العنافي وضارب الصي ويدوبي حيث لا ونيس له الا زاملته ويتجرس في نص السهله
امسيت يا جمل حاس بي طعنتا شافيه في الضلع القصار مازياني مي متلافيه
كان الزول مساعدو الخالقو يلقي العافيه ما برقد بلا ست الصبا المي جافيه
وهو حوار طويل جدا فيه جرس همباته
لكن ده كلو كوم والزول البنضم في الشريط ويقول الشريط اتسجل سنة ؟؟؟؟؟؟؟؟؟؟؟؟؟؟
وسنة ؟؟؟؟؟
لم نخلق بعد
وحرم ده السبب الخلاني ما اعلق ليك عن الشريط
وعندما تفتيني في رؤياي
حينها ساختار كلماتي للتعليق
عموما الشريط نادر جدا جدا والف شكر
ارسلت لكم الشرايط عبر البريد
نزار
| |
|
|
|
|
|
|
Re: نكفـي الفنـدك وبالصـريف نعـاين (Re: Ahlalawad)
|
زول واحد
زكرتنى القصة بتاعة المرة العجوز ، النوع البختوا ليها العنقريب فى الحوش والتلفزيون شغال ديك
تجى المزيعة بالرشاقة فى الكلام المعهودة
انتم على موعد مع:
الفنان زيدان ابراهيم
"ما باب الريدة وانسد"
الفنان عبد العزيز المبارك
"احلى جارة واحلى جارة"
شنو شنو شنو كدة
ويقام الحفل فى الفندق الكبير
بس المرة تقنب على حيله: ام الحسن يايمة تتجازى، فندكى الكبير محل ما غتستو ما اتعرف، من رمضان الفات قالت دايرة تدق البهارات وتجيبو، تانى عينا شافتو مانشافت، ووررررررر، تتم هرجتها وتدمدم تنوم،
بعد شوية يجيبوا الدعاية تانى، ويقام الحفل بالفندق الكبير، تانى تصنقر، ام الحسن يايمة ماتلقى مرادا، فندكى الكبير...... وبالطريقة دى لمن اقيم الحفل ووقفت الدعاية
اها الفندك دة ماعون خشبى ضخم له قاعدة مفلطحة ، وعمود خشبى مدردم الجانبين، يستخدم لسحن وتحويل البهارات والشرموط الناشف الى بدرة ، وازا مر بالعيش الحب يفندكه، اى يقشرهه دون ان يهرسه، وازا مر بالجبال هداها وازا مر بالبحار مصاها
خلاص وقع عليك؟؟؟؟
يكفى الفندك فى حالة هزه المراة الماكرة حتى تستخدم قعره المفلطح كسلم، فهى تبدو قصيرة على المتاوقة بدون المرتفع هزا، والفندك قوى البنيان يمكن الاعتماد على صلابته للوقوف الطويل والتامل المتمحص، مكا ان الصريف هزا يفصل المنزل القطاطى من الشارع شانه شان كل الاسوار، وللبيوت حرمات طبعا، ازن الغريب لايمر الا من خارجه ، والغريب قد يكون جكسا او حمارا او عربة كارو او مظاهرة، فلك ان تختار بالمعيتك ما الزى تتامله هزه الانتثى فى اعتلائها للفنك ومجاوزتها لارتفاع الصريف، ارجو ان يكون المعنى قد اتضح لك
لديك اسئلة؟؟؟؟ اتصل بنا فى مكتب الاستقبال فى ا لفندق الكبير
ولوووووووول
| |
|
|
|
|
|
|
Re: نكفـي الفنـدك وبالصـريف نعـاين (Re: Ahlalawad)
|
اهل العوض
الحال ده انا بعد ما قصيت رؤياي للفكي الياباني
واشار بان السبع سنبلات ربما هن سبع عقود
ففتوي الشيخ الياباني بتدخلك ضمن طاقم الادارة الاهليه
وانا عليك امان الله
محاول بيني وبين نفسي
اختك من المتمردين علي نظام الدفاع الشعبي
والمستمعين لمحمود عبد العزيز
| |
|
|
|
|
|
|
Re: نكفـي الفنـدك وبالصـريف نعـاين (Re: Ahlalawad)
|
نزار على فكرة ، عشان نخلص من الدفاع الشعبي والخدمة الالزامية نحن الآن نقوم بتكوين حزب جديد عشان نقلب الحكومة .. وعندنا اجتماع سري يوم الاثنين القادم أها نكتبك معانا؟
وبمناسبة محمود عبد العزيز هل شاهدت سهرة البارح والولد الاسمو جمال دا
| |
|
|
|
|
|
|
Re: نكفـي الفنـدك وبالصـريف نعـاين (Re: Ahlalawad)
|
يا اهل العوض
الحكومة مقلوبة من زمان والناس قاعدين تحت ضلها
وواحدين يلقطوا في القريد وواحدين ملقيين التنك جركاناتن
وواحدين يسللوا في الجريد وواحدين يجروا في البروش
وواحدين يفكفكوا في اللساتك
والباقي فيها داير ليه ميكانيكيه وانا اخوي
ما عندي فهم في المكنكة
غايتو انتوا امشوا بي عافيتكم ان لقيتوليكم قريده القريده دي بلغة اهل العوض (قريب فروت
بتلقوها مكزومة وملانة واطة ان قدرتو تنضفوها حلال عليكم
والله ما شفت السهرة امس
| |
|
|
|
|
|
|
Re: نكفـي الفنـدك وبالصـريف نعـاين (Re: Ahlalawad)
|
تتجازوا يا جماعة وما كلمتونا من زمان ليه والله كل يوم أجي ماشي بي جنب البوست دة البي العصر مرورو وما قايل المودوع) فيه غنا وكدة ولنا في حكاية الجرسة هذه حكايات وطرف وكان صديقنا خالد كودي، المقيم في مدني في منزلهم المجاور لحلويات سلا وذلك قبل ان يفتح الله عليه ( أو يقفل) حسب موقفك الوطني !!!! فيرحل ليقيم في بلاد بوسطن ، لكن لا أعلم حقيقة هل هو في بوسطن المكتب أم بوسطن الحلة، كان حين يسمع اغنية فيها جرسة من احد الرجال يتمطى ويقول ... شايف ديل الجماعة الرخصوا سوق الرجال وجعلونا ملطشة للجيكس والإسكيز، ولمن يسأل عن الإسكيز فهذا مصطلح خاص بطلاب وخريجي معهد الموسيقى وكلية الفنون وأصحابهم من السابلة من أمثالنا وكان يسخر من قصيدة صديقنا عزمي أحمد خليل تردي والله ما تردي .. بكتب ليك يوماتي .. ويقول يا بخت ناس البوستة أما بعد فهل سمعتم ميل وعرض وكتر أمراضي .... في هواكم بالهوان راضي أها أصله الجرسة تاني شنو وفي مصر يغني الراجل بشنباته الكبيرة عزة جمالك فين من غير ذليل يهواك شوفتو الرجال ديل اتجرسو وبوظو سوقنا كيف؟ ثم إنه كل هذا كوم و"آمنة الفي الضمير مأذاني...ما شفتوها يا خلاني " كوم تاني فالرجل الجعلي سعيد وفرحان وهو يغني لها ناس قالولنا ضامر هافا وهادل ديسا عند أردافا ثم أنظر اهذه العنعنة غير المحببة في الفقه وعلم الحديث وناس قالولنا شفنا الشافا فما رأي مولانا الملا عمر في هذا الإسناد هل يقبل من الشاعر والفنان هذا الحديث المعنعن أم إنه قول ضعيف لايقبل به
| |
|
|
|
|
|
|
Re: نكفـي الفنـدك وبالصـريف نعـاين (Re: Faisal Salih)
|
الأستاذ الكريم فيصل صالح أولاً يجب أن تعلم سيدي أنه لا يفتأ وأهل العوض والجندرية بالبورد ، لكن شلاقتي وشفقتي التي تشبه شفقة الكديسة الجابت جريواتا عمايا وأحسب أنها لم تجيبهم بمزاجها وبالضرورة هي لم تجهض حملها والذي أخاله قد أتي في وقته أو طبيعياً إن شئت. نترك الكديسة أو الكلبة وصغارها جانباً ونرجع لموضوع آمنه الفي الضمير مازيانا ، فهذه الأغنية التي نكتها أخي فيصل فيها جميع أنواع الجرس ما ظهر منها وما بطن وفيها إنتصار ساحق لبنات حواء علينا معشر الرجال وبالضربة القاضية الفنية ، فبعد أن نشرت تماضر غسيل الجكس وبعد أن أبدعت الجندرية في وصف الجكساية البكاية لو مت كفنوني بي قميصو الليموني وبعد أن حسبت أننا إنتصرنا عليهن نصراً مؤزراً أبيت أخي فيصل إلا أن تذيقنا بأساً شديدا وتميل مع الجكس وتلعب لصالح ورقك ولا أملك إلا أن أقول يا خاين كما قال المطرب زيدان إبراهيم. وشفنا الشافا دي طبعاً في تقديري المتواضع تعتمد على مصداقية الشافين منو أو الشايفين منو سيان لأنه إذا ثبتت مكنات الشايف الأول لا تقبل منه أى شوفه حتى لو شاف الويل أو النجوم عز الضهر. أخي أهل العوض أنقذ فندكك وصريف الجكس فالأخ فيصل صالح خلط الأوراق
| |
|
|
|
|
|
|
Re: نكفـي الفنـدك وبالصـريف نعـاين (Re: almulaomar)
|
ماهو قالو امنا حوا، لمن ابونا ىدم الجكس الوحيد فى الزمن داك، لما راحوا من بعض
ابونا آدم كبة جرسة شديدة وامنا حواء فتشت ليهو لمن شبطها دة انقطع، لاحظ شبط تموت تخليه معمول من جلد اللساتك، ، لساتك اللورى البودى من عدن للفردوس وبالعكس،
المهم كبت جرستها ولما شافتوا من بعيد قبل ما يشوفها، تمرت وشها ولصقت شبطها بالبزاغ وقعدت تحت الشجرة ، حاااااالمة ورااااااايقة وجميلة،
لما جه ابونا ، كشف ليها اوراقو كلها ووراها الظليط الارتظلطوا فى دربها والشوق وياهو ناس ميل وعرض وناس فى دربك حفيت وشنو وشنو، رخس ليها روحو زى ما الله كتب الرخسة
وهى قالت ليه بكل تغى، انا من حتتى دى ما قمت ، عارفاك بتفتشنى وتلقانى.... ومن يومها ..... نحن بنات حوا ديل بنعتبر الجرس وناس قميصو الليمونى ديل ، خيانة عظمى، وكل الخاينات بطلعوا من الملة الحوائية بلا هوادة
واصلو الراجل لو ما رخس نفسو ما بنعيرو نظرة او بسمة،
فابقوا عشرة على الجرس وبنات حواء المارقات ديل نحن بنقدر عليهن
ويا فيصل خالد كودى جارى ، وفناااان بعمل فى حاجات سمحة جدا وكلامو المقلبن ما خلاهو
ولووووووول يالجندرية من قميصو الكفن المرتجى
| |
|
|
|
|
|
|
Re: نكفـي الفنـدك وبالصـريف نعـاين (Re: Tumadir)
|
الأستاذة الكريمة تماضر أعترف أمام الله الواحد الأحد أن الجرسة طبع أنساني لا جنس لها فزي ما الرجال بتجرسوا برضو النسوان يتجرسن شفتي الفرق نحن ألف و واو زيادة وإنتو نون بس لكن المؤكد النون بتاعتكم دي بتودي زي ما قال الفنان وإنت ما عارف عينوك لما تسرح وين بودو وإلى أن أعرف وين بودو أضع نقطة وأبدأ سطر جديد. إذن الجرسة شأن إنساني خالص ويختلف الرجل والمرأة كل حسب طبعه وتحمله وكتمه فيما يخص الإندراش والإنبراش وكشف أوراقه أو إستخدام مرايا لكشف أوراق الآخر ، وإذا كان البنيه الكفت الفندك متلصصة من الصريف عشان تشوف هناي فهناك من هو أكلح من هذه البنية وهو ذلكم الرجل اللايوق الذي يقول حبيتو ما حباني إتذكرتوا قام نساني ليه أنا مالي؟ وأحسب أنه أجاب بنفسه على السؤال وزي ما بتقول حبوبة صديقي له مايل ومتهايل. المهم في الأمر أن قابلية الجرسة متوفرة وأن السترة والفيضحة متباريات كما تقول حاجة حليمة وأن هناك خيط رفيع يفصل بين الجرسة والجرسة المضادة وهو يشبه فيما يشبه وقت الإمساك في رمضان وأنه لو صبر المتجرس لتجرس الطرف الآخر وهذا هو الفرق بين كفيان الفندك وبين الشاعر الفحل الذي فضحنا وشمت فينا خلق الله بقوله حبيتكم حباً يؤجج أضلعي سطرته بالفحم في الحيطان أنا دقلش ومدقلش يا سادتي ما كان في داعي تكسروا أسناني. وهذه جرسه وفوقها كمان ضرب وكسر ودقه عمرو ما ينساها.
| |
|
|
|
|
|
|
Re: نكفـي الفنـدك وبالصـريف نعـاين (Re: AlRa7mabi)
|
مواصلة للمعلقة الجرسية
قسم الاطباء والامراض المستعصية:
الدكاترة كشفوا الفؤاد لقوا جوة منحوتة صاد للشالوا قطر الاحد
الدكاترة كشفوا القلب لقوا قلبى زايد ضرب للشالو قطر الغرب
الدكاترة كشفوا العيون لقوا جوة منحوتة نون للشالو قطر التبون
عيانة انا ما بطيب لو جابوا لى الطبيب وعلاجى شىءٌٌ غريب بس نظرة من الحبيب
عيانة انا ما بنوم لوجابوا لى حبوب نوم وعلاجى شىءٌ مفهوم بس نظرة من البلوم
ونواصل يا شباب مع بشائر العيد السعيد
وكل عام وانتم بخير
| |
|
|
|
|
|
|
Re: نكفـي الفنـدك وبالصـريف نعـاين (Re: nazar hussien)
|
نزار حسين المولود مبروك مقدما والمهم انت شغال شنو؟؟؟
لانو فى واحد عالم فلك ولدو ليه تيمان سماهم خسوف وكسوف وسواق بص سماهم ذهاب واياب وبتاع كوفير سماهم فرشة ومشط
لالالالالا نقول كلام جاد شوية انت شغال شنو تانى؟؟؟؟ لانو لو بتقدر على الحنكشة فى اسامى كدة الا الزول يكون عندو قروش كتيرة حتى يسميها ناس نيلوفر لوران رينات رنا اصلى سماهر وعسجد وشيماء وشفق وفجر
لو بتقدر عليه اقع ناس غنية والحان وكلمات
....واخراج
واشرقت بت سيف الجامعة دى، يعنى زول يسمى بتو جملة بفعلها وفاعلها ومفعول بهها؟؟؟ المهم لو حالتك المادية عادية اقع ناس سارة ويسرى وسيرين وشيرين وعزة ونبتة نجود سماح وسلام
ولو فلسان عندك من خديجة وحليمة وكلتوم وبشرية والسارة والعازة اشراقة وبتول وآمنه
الاولاد ديل طبعا فى ناس امجد واشرف وناس فارس
ومحمد اخلد اسم واعم اسم
فى ناس سامر وباسل شادى ومهيار وسلام برضو
وامجد واشرف واخضر واحمر وابيض واصفر
اسماء بكل الالوان
واسماء الرجالة ناس جابر جعفر برعى والفكى
او الفح ليك اسم حركى من البورد دة
بس ما يكون سجيمان واحشنى اساسى قرشو الزول زاتو جيمس
......الخ
المهم اسم تقدر تدافع عنو
اقول ليك حاجة؟؟؟؟ سمى بتك تماضر والباقى خليهو على
| |
|
|
|
|
|
|
Re: نكفـي الفنـدك وبالصـريف نعـاين (Re: Ahlalawad)
|
تصدوا أنا الكلام دا كلللللوا ما شفتو؟ من كلام فيصل
والله عوجة كبيرة خلاص
يبدو إنو الواحد انبدل خصوصا بعد بشتنة العيد وكل عام وانتم بخير
ويا تماضر الاغنية المقصودة هي أغنية هذا العنوان ختفنانا منك من أحد استشهاداتك الرهيبة والكتيرة والمتفردة وعليك الله كان ما تميتيها تمي الرقصة عقبان السما الإنهد
| |
|
|
|
|
|
|
Re: نكفـي الفنـدك وبالصـريف نعـاين (Re: woroorrook)
|
سلام يا الحلوين والله بقت على حكاية استاذ فيصل اجى ماشى ليك فى البوست ده وانا ضارب طناش وقايل العنوان حركات ديش؟؟ تؤجر يا اهل العوض؟ وويحك يا الملا عمر من فتاويك ذات ؟؟؟؟ وكتر خيرك يا تماضر يا رائعه على التصنيف اللذيذ؟ لكن عملتو لينا شنو فى موضوع ووب على ووب على ووب على والبكاء ما بجيبو لى؟ ووصيه فى الذمه يا تماضر سلام لى الزول السمح خالد كودى وعنوانى اظنه مرفق فى معلوماتى وجاييكم عندى ليكم كلام لذيذ
| |
|
|
|
|
|
|
Re: نكفـي الفنـدك وبالصـريف نعـاين (Re: Ahlalawad)
|
أولا أعتذر وأحيي الأحبة : فيصل صالح ، الملا عمر ، سرينادر ، الرحمابي ، الفنان نزار ، الذين كتبوا في غيابي ، وتحية اليوم لتماضر لحضورها المتميز وتحية لأنور ابو غيداء لحضوره وفي انتظار المشاركة الموعودة .
وهذه نقول نصفنها في الغرف المغلقة؟ ولا وين
راقد في الوسادة وشاعر بالسعادة أنا حبيت اشاغلو وعمل النوم حسادة
| |
|
|
|
|
|
|
Re: نكفـي الفنـدك وبالصـريف نعـاين (Re: Ahlalawad)
|
العزيز
اهل العوض
انت عارف طلتنا للمنبر زي الحرامي
دقائق وتلقى واحد فوق راسك وشغل
شان كدة حارمين نفسنا من الاستمتاع بالبوستات الجادة والحلوة
وبصراحة هذا البوست لوحة رائعة
ابدعت في الوانها مع الاديب الملاعمر وتماضر والبقية
الله يديكم العافية
ممكن اسال اخواتنا عن سر الغنا لحمادة
كل الغنا حمادة ده
وانا بصراحة قبل اخوش دنيا كنت فاكر الغنا لي
وكان راسي بيتنفخ بتيخة مع كل غنية لحمادة
الى ان سافرت وتاكدت باني لست المعني
والمقصود اكيد هو حماده الشافتو البنية
موش انا الطافش برة البلد
تحياتي
وتسلم
| |
|
|
|
|
|
|
Re: نكفـي الفنـدك وبالصـريف نعـاين (Re: garjah)
|
اضافه الى الفهرست التماضرى؟ هناك غناء الخسيمه؟ وهو من خسمنى خسمتو وعليك القطاعه؟ واعتر ليك وتقيه فى منامك؟؟ زى مثلا تعالى يا الحنان تعال لى يا البلال تعالى وما تشمت الناس على قسيم ريدى تعال لى المنام فارق عينى
والله زى الواضحه ديك عليك الله يابا ماتقول ليهو لالا؟؟ اها وكمان هناك غناء الاسقاطات العرقيه من عروس البحر يا يا حوريه وبور سودان يا حنيه ويا يما يايما يا ناس وين انا شاعره بى حمه خلاس جسمى استسم وده جعلى جنى المتمه؟ بالضرب وان شاء الله من الغرب
سربعه اخيره؟؟ حكى لى الاستاذ فيصل محمدمحمد صالح ابان تواجده فى القاهره انو السودان كلو رحل بره ونقلو معاهم شتى انواع العادات وعندهم فنان من نيالا بغنى بالاورغن وبقلد حيدر بورتسودان عارفين اسمو منو اسمو حيدر بورسودان نيالا؟؟؟ وانا جاى تانى انور
| |
|
|
|
|
|
|
Re: نكفـي الفنـدك وبالصـريف نعـاين (Re: Ahlalawad)
|
اهل العوض سلام وتحيه ليك وشكرا ليك عى الاطراء الجميل والله الواحد ليهو زمن من جنس الكلامات السمحه دى؟ وبعين فى غناء يونى سكس؟؟ يعنى ماشى على النوعين؟ زى..... وسط الزهور مصور منو المصور
وتانى لقيتو واقف منتظر منو الواقف؟ حليل الراحو ديل منو كمان؟؟ افتكر اسئله مشروعه وبعدين مولاى الملا عمر يقول انو دى ضرورة مرحله والشاعر كان محاصر اجتماعيا عشان كده لجاء الى الاستعارات والتشبيهات الساكنه وذات اللام القمريه والشمسيه؟ وعليكم الله واصلو ممكن نصل حته سمحه انور
| |
|
|
|
|
|
|
Re: نكفـي الفنـدك وبالصـريف نعـاين (Re: tasneem)
|
امسياتكم بطعم القرنفل
برضو اضافة الى المكتبة التماضريه - الغناء التحريشي او التحريضي اي التي تحرض المحبوبة او تحرشه لكي يتناسي الصعاب ويجي عيني عديل كده عشان يشيلها من بيت ابوها
لو كنت خايف من ابونا ابونا مطلق امنا لو كنت خايف من بوبي بوبي دا كلب عندنا ولو كنت خايف ننو ننو لسع صغيره
. او تعال لي يا البلال تعال لي يا الحنان تعال لي وما تشمت الناس علي يا قسم ريدي تعال لي المنام فارق عيني
شوية كده اتذكر واجيكم صاد
| |
|
|
|
|
|
|
Re: نكفـي الفنـدك وبالصـريف نعـاين (Re: Ahlalawad)
|
بعدين هو البلال دة بمشى وين؟؟؟
البلال ما جانا الله ياذى الاذانا
وما قال بجى مالو ماجة؟ الليلة سجمى بكرة ندمى شال شنطتو طب مدنى قال لى بجى ما لو ماجة
ياخدارى ياصفارى شاغل بالى بمشى بيتكم ما ببالى قال لى بجى مالو ماجة شنو كدة ما بعرفو
سنوفلجة روحو عاجباه دى علاقتها شنو بى كونو ما جة؟؟؟؟
طيب بربط لسانو ماو لما اصلو ما داير يجى
يا قسيم ريدى تعال لى
تعال لى وتعال
فى جماعة من العوازل نشطة وفعالة بتعمل على لف راس البلال ، خلى بالكم
ابى الجية ابى الجية ...المنام فارق عينيا
يمة انا زولى ماجة يا يمة انا عندى حاجة
حاجة مادية ولا حاجة اجتماعية؟؟؟؟ المهم ما وضحت لينا انو المفروض كان يجى وين؟؟؟
ما تقول لى ديل الجماعة البجوا بالعصر مريحين ويشربوا شاى ويتونسوا مع الحاجة ديك؟؟؟
اهلا بشرير والبرتقالة اضافة فى البوست وانور ابو غيداء
والجميع
ما قال بجى؟؟؟؟ مالو ماجة
الا يكون النوع المنحوس داك بتاع جيتو وما لقيتو جانى وما لقانى
ورحم الله القائل
"تكوركوا لينا نجيكم، نجيكم تكوركوا"
وان عدتم عدنا
| |
|
|
|
|
|
|
Re: نكفـي الفنـدك وبالصـريف نعـاين (Re: Ahlalawad)
|
فيها ايه إنسان بعزك لما يحفظ ليك صـــورة
فيها قامتك .. وابتسامتك وسحر عينيك الخجولة
هسي يا أهل العوض في زمتك دي
ما فيها أي حاجة زول يقول لي بت اديني صورتك
ولا بعدين ما قليها فيها ايه انسان بحبك
قاليها انسان بعزك
يعني كلام ني
ده مش اسمو التغرير
ولا انا غلطان
رحمابي
| |
|
|
|
|
|
|
Re: نكفـي الفنـدك وبالصـريف نعـاين (Re: Ahlalawad)
|
أديبنا الكبير الرحمابي .. أولا مشتاقين تانيا : أخبار الراجل المشى الجنيد شنو ثالثا ، والله الذمة حارة ، بتعطش يوم القيامة فعلا فيها الكتير ، كان مفروض يقول ليها اديني ايميلك بالله شفت نحن فاتت علينا كيف؟ لا مواعيد ولا ابوك شاف ولا نتقابل في المكان الفلاني .. الله يجازي التكنولوجيا والتقينة والملتيميدا والوسائظ المتعددة
| |
|
|
|
|
|
|
Re: نكفـي الفنـدك وبالصـريف نعـاين (Re: Ahlalawad)
|
جيت أعاين والمرة دي ما بالصريف بي خشم الباب عديل كده ويا أخواني كان رقتو بوصف الشفتو بس أدوني كوز موية وخلوني أشيل نفسي ، ولا أقول ليكم شيلوه إنتو ما هو الشعب السوداني كلو بقي شيالين أها شيلو الصلاة والله شفت عاد وما قالوهو لي يكون مرصوصين كان ستة كان خمسه كان زيادة زي طيور ود أبرق في سلك الكهربه قدام طاحونة إسكندر يرفعوا ليك المكرفونات مع بعض تقول عساكر في حركة واحدة مموسقة منسقة وبالمناسبة رأيكم شنو في المديح أب ميوزك ده معليش أنا في الواقع بحب اللولوة في محل رفع كورنر أو ضربة حرة وهأنذا أتلولو كالملدوغ وأحسب أن الجكسايات وزي ما جاء في هذا المقال الخطير المثير الشديد الحذر أكيد بتجرسن وبتجرسن دي تنطق بقراءة أهل العوض وتأتي على وزن يتفعللن وتشبه فيما تشبه بعد الليل ما جن ناس ليلى جن ولا أدري ناس ليلى ديل المسهرن شنو لي نصاصي الليالي. نرجع للجرسة. إنت عارف أنا بحبك وبحلف بك ولا ما عارف بالمرة وبيت الشعر الرائع هذا يشبه ذلك الرجل الكايس سبب مع زوجته وعند نزولها من سلم البيت قال لها مخاطباً كان شلتي خطوة طلقانه وكان وقفتي طلقانه فما كان منها إلا أن قفزت ووقعت على الأرض وفي حب يا أخوانا أكثر من كده. المهم بيت الشعر الجرسة هذا من وجهة نظري المطششة خالص أرى أن الشاعر المكتول كمد لم يترك أى إحتمال للمحبوب في بيت الشعر الرائع هذا والذي زيله بكمية من من الآهات التي لو وزعت على سكان الدنيا لكفتهم وهي كمية أهات تملأ قندراني وهي آهات مصحوبة بنيران تذيب القطبين المتجمدين ويجونا عايدين ناس القطب الجنوبي يشتروا تلج. وهناك نوع من الجرسة والبكاء المصحوبة بشئ من التحريش والتحريض والمديدة الحارة كما جاء في تلك الكلمات الرائعة الحنين يا فؤادي ليه يعاديك ما بتعادي وهمسه صغيرة لهذا الحنين أذكره بالمثل السوداني القائل المحرش ما بكاتل ، فإذا ما عايز يعادي براهو ما تحرشو خليهو ياكل نارو. ------ بعدين الصريف داير ليهو كفيان فندك ما كل شئ بيكون باين ولا الجكسيات ديل معمشات وشفن طشاش.
| |
|
|
|
|
|
|
Re: نكفـي الفنـدك وبالصـريف نعـاين (Re: Ahlalawad)
|
أخوي أهل العوض والعضض وأحسب أن في الأخيرة شئ من الهوهوة ، يجب أن تختلف معاي في موضوع الصريف وكان لابد من أن أختلف معك مرة أخرى وهو ما يشبه الخرطوم الخرطوم بحري وبالعكس وبالعكس دي كسل تقريباً من كتابة الخرطوم مرة ثانية ، على العموم يا أخوي أنا أتفق معك على طول الصريف لكين الصريف ده دحين ما فيهو فرقات ورقراق زي العين السحرية الفي باب بيتك ويمكن من خلالها إستراق النظر دون أن يراك من تنظر إليه يعني زي النظر من خلال القزاز المظلل أو ما يعرف إصطلاحاً بأراك ولا تراني.
| |
|
|
|
|
|
|
Re: نكفـي الفنـدك وبالصـريف نعـاين (Re: almulaomar)
|
قسم بنك الدم
حبيبى تعال تعال نتلم
مادام الريد اختلط بالدم
انا ذنبى ايه شيلونى الهم
قسم الفواكه
حبيبى المنقة والتفاح
حبيبى عسل والناس مساخ
اهاجر ليك عشان ارتاح
قسم الهجرة
حبيبى تعال نبل الشوق
نسكن لندن عمارة فوق
عشان خاطر الحب والذوق
قسم الكواكب
بستناك انا فى البحر
محل الطير هاجر رحل
انت من هنا ولا من زحل
قسم الكبارى
بستناك فى الكوبرى
واضحى ليك انا بى عمرى
عشان وحيد وحرمو منى
| |
|
|
|
|
|
|
Re: نكفـي الفنـدك وبالصـريف نعـاين (Re: Tumadir)
|
الغرام ما بخير بين صغير وكبير شنوكده ما عارف والحب امره فينا احير؟ لكن الكلام التانى تحدى عديل نادو لينا البنا ابنى لينا الجنه ارمى مونة حب وارمى مونه محنه؟؟
ما حكمها الملا عمر اجبنا جزاك الله؟ ليكم الود لازال استمتاعنا يعلو انور
| |
|
|
|
|
|
|
Re: نكفـي الفنـدك وبالصـريف نعـاين (Re: anwar abu gaidaa)
|
الأخ الكريم أنور أولاً لا يفتأ وأهل العوض وتماضر بالبورد. بعدين دى فتوى عاوزه ليها واحد معلم كبير أو أسطى وأخوك يا دوب بيقدر يعمش الحيطة لكين حاجه فيها مداميق وميزان موية وميزان خيط فهذه صعبة خالص على حضرتنا ، لذلك أرجو قبول إعتذاري وإلا سوف تكون فتوى مكعوجه ومكلوجه أو مزالفه على رأى أهل العوض. لك التقدير أخي أنور
| |
|
|
|
|
|
|
|