|
|
 استعد يا بكري كلنا معيدين عندك
|
كل واحد يحجز اول يوم العيد
للسفر وقضاء عطلة العيد في ضيافة بكري
لا مانع من اصطحاب الاسر
يعني متجدعين في المنبر
وفضل نتجدع ليهو في البيت كمان
|
|
 
|
|
|
|
|
|
|
 Re: استعد يا بكري كلنا معيدين عندك (Re: garjah)
|
أخي الكريم قرجه
يسرني أن أكون أول الذين يؤكدون مقعدهم في رحلة العيد هذه وعلى درجة رجال الأعمال ولا أقول الدرجة الأولى حتى لا أتهم بالمبالغة وقطعا لن أسافر على الدرجة السياحية لضيق مقاعدها من ناحية ومراعاة للوزن الزائد في العفش من ناحية أخري وبذلك أكون وسطاً وخير الأمور الوسط ، وأن ألبى الدعوة الكريمة بشرط أن تتفضل وتخلع تلك الجبة الحمراء المتمترس خلفها وأن تنحي هذه القرجة جانبا ولا أجد ضيرا في أن تمتشق بسطونة أو عصا أبنوس مطعمة بسن الفيل وأن تتفضل مشكورا بترقيد شعرات رأسك بكريم كرميل أو أى كريم وإن لم تجد فلكم في الكركار والودك عبرة.
أتمنى على الجميع أن تكون المشاركات في العيد حتى لو إقتصرت على موضوع واحد فقط لها طعم خاص ونكهة غير التي ألفانها خلال الأيام الماضية حتى يكون هذا التميز ليوم مميز من أيامنا ألا وهو يوم عيدنا ويوم فرحتنا. وأمامكم أعزائي ثلاثة أيام قبل الإعلان النهائي والأخير لرحلة طيران أخونا قرجة إلى مرافئ أخونا بكري أبوبكر وأربطوا الأحزمة وأمتنعوا عن التدخين.
| |
|
|
|
|
|
|
|
|
|
Re: استعد يا بكري كلنا معيدين عندك (Re: garjah)
|
هههههههههههه سنه ياجنوار
كل سنه وانتو طيبين
ماتنسوني في الرحله دي وكلموني عشان انا مستفه شنطتي تب
وقاطعه تذكرتي بس منتظره مواعيد الرحله
بالمناسبه هدوم العيد مااشتريتهم عشان ماشه اشتري من هناك
اي شئ من هناك طبعا سمح حتي كان ملايه ..المهم من يو اس اى
USA
| |
|
|
|
|
|
|
|
|
|
Re: استعد يا بكري كلنا معيدين عندك (Re: bint algazeira)
|
د/جزيرة دوتر
وهو على وزن قونقليزة الريس التي اصبحت قونزاليزا رايز
وهذا الاسم طبعا بعد زيارة امريكا المرتقبة
بس نشيل شوال حلو مر
نبيعو بعشرة الف دولار لمعمل اسلحة الدمار الشامل
لاني علمت من مصدر موثوق رغبتهم في عينة منه لفحصها
وبالتالي التاكد من خلو السودان من اسلحة الدمار الشامل
| |
|
|
|
|
|
|
|
|
|
Re: استعد يا بكري كلنا معيدين عندك (Re: bint algazeira)
|
أختنا بت الجزيرة
أحسب أنه بعد أحداث الحادي عشر من سبتمبر لم يعد في طول الولايات المتحدة الأمريكية وعرضها ما يناسبنا من زي أو حتى ملايات لأن الموضوع أصبح حرب ضد كل ما هو إسلامي برغم تطمينات بوش إبن بوش وتحركات وزير خارجيته كولن كولن - عفوا كلون باول - أما معسكر الصقور نائب الرئيس ديك شيني ووزير الدفاع فإياك إياك أن تشتري من حارتهم أى ملابس أو عطور.
تم تأكيد حجزك ورقم الحجز هو كيو زد 2 دبليو دبليو إكس موعد الحضور لمطار قرجه الدولي عند الساعة السابعة صباحا وما مشكلة كان إتأخرتي حا ننتظرك زي سودانير وطرائفها التي لا حصر لها في عالم الطيران تكون وجهتك جده مثلا تجدي نفسك وبقدرة قادر في دنقلا أو بورتسودان. ونعتز بخدمتكم.
| |
|
|
|
|
|
|
|
|
|
Re: استعد يا بكري كلنا معيدين عندك (Re: noha_g)
|
حتى في أمريكا عاوزين تزوغو ما كفايه زوغان الجماعه في السعودية عند الحضور لأداء العمرة أو الحج كمان في أمريكا معقول بس عمره وزوقة في كلفورنيا مثلا ، من شروط الرحلة أن يتعهد الشخص بالرجوع من حيث أتي بنهاية المهمة وإلا عندهم جماعة السي آى أيه و الإف بي آى مش عساكر جوازاتز
المهم أكدنا ليك حجز بس أوعك تزوغي لأن قانون مكافحة الإرهاب أصبح يطول المقيمين في الولايات المتحدة الأمريكية بصورة غير نظامية خاصة بعد أحداث سبتمر إيليفن.
| |
|
|
|
|
|
|
|
|
|
Re: استعد يا بكري كلنا معيدين عندك (Re: noha_g)
|
حتى في أمريكا عاوزين تزوغو ما كفايه زوغان الجماعه في السعودية عند الحضور لأداء العمرة أو الحج كمان في أمريكا معقول بس عمره وزوقة في كلفورنيا مثلا ، من شروط الرحلة أن يتعهد الشخص بالرجوع من حيث أتي بنهاية المهمة وإلا عندهم جماعة السي آى أيه و الإف بي آى مش عساكر جوازاتز
المهم أكدنا ليك حجز بس أوعك تزوغي لأن قانون مكافحة الإرهاب أصبح يطول المقيمين في الولايات المتحدة الأمريكية بصورة غير نظامية خاصة بعد أحداث سبتمر إيليفن.
| |
|
|
|
|
|
|
|
|
 Re: استعد يا بكري كلنا معيدين عندك (Re: garjah)
|
عيد سعيد مقدما يا بكري
ساكون أول الحاضرين أليك في أريزونا و أن شاء الله حاعيد معاك واناوباقي الجماعة الطيبين ديل
حاجز تذكرمن الامارات لغايت أريزونا بس أنا عندي مشكلة أنا زول ركبيني طوال و أنا زول طويل شديد 192سم
يعني ما أنفع أركب درجة سياحية ودي مسافة طويلة لغايت أمريكا أكتر من 12 ساعة
ومعاكم سلام
| |
|
|
|
|
|
|
|
|
|
Re: استعد يا بكري كلنا معيدين عندك (Re: sari_alail)
|
أخي الكريم
كل عام وأنت بخير ، الطول ما مشكلة الطول عز ، بس بيني وبينك مرات هبالة زي ما بقولوا ، وأخوك العبد لله بيكون أطول منك وكده بحاجة بتاعت 3 - 4 سنتميترات وأظن أكون مناسباً للتصدي لهجمات شكيل أونيل في دوري المحترفين ، بس يا أخوي حكاية التذكرة والركب دي ما عذر أنا أطول منك وبركب سياحي وأكيد لو ضايرت نفسك شوية أمورك بتمشي تمام أنحنا زمان بنركب في بص مش طياره وهو في الأصل لوري عاملين ليهو صندوق حديد وفي هذه المركبة يجتمع الجداد وجازولين الوابورات والسجم والرماد والخرفان والعتان / جمع عتوت / وشوالات الدقيق وأكياس اللحم وفضية ، مش ميدالية ، البترينه البختو فيها العدة بتاعت النسوان وأكثر من خمسة وأربعون كيلومترا وكلها دقداق وعتامير وتخيل روعة المشهد.
| |
|
|
|
|
|
|
|
|
|
Re: استعد يا بكري كلنا معيدين عندك (Re: almulaomar)
|
نرجو من الجميع تاكيد الحجز المقاعد بعدد المشاركين
تبدا الطائرة الاقلاع من استراليا لاخذ البورداب الهناك
ومنها الى سلطنة عمان لاخذ نهى وبت الجزيرة والرحمابي ومحمد سعيد شلي وبدر الدين شناوسوما
ومنها لمطار صنعاء لاخذ الجندرية وبت الغالي وعادل امين
ومنها لجدة لاخذ العمدة والريس وحروزة وفالكون والجعلي والشرير
واساسي وصلاح ضرار وزرين
ووضاحة وسولارا وشيري والرشيد مما طول لامن نسيت اسم الدلع بتاعو
من جدة للرياض حيث بناديها وخالد عويس والباشا
وناس الشرقية اللذيذ زاتوو وديكو وبكاش والصلحابي
ومنها للخرطوم لاخذ ثقل البورد الجميل بقيادة بامسيكا وحبيب الكل ودريمز وكوكي وود الحلفاية وبقية العقد الماسي اللامع بنجوم الوطن العزيز
ومنها للامارات حيث الزولة من واحد لغاية تلاتة وباقي عقد الامارات الجميل
ومن هناك في جولة للعواصم الاوربية
لاخذ ودعازة وجيمس واهل العوض والزاكي
وبقية العقد الفريد
ومنها لاتوا حيث ناس كندا الحلوين
ومنا نصل لبكري ونلقى هناك ناس الامريكتين
| |
|
|
|
|
|
|
|
|
|
Re: استعد يا بكري كلنا معيدين عندك (Re: garjah)
|
يا ود عزه يا أخوي أمانه ما اتلومت تب ونحن ناس الدول البتنتهي بي تان من السودان لأفغانستان مرورا بالباكستان وتركتسان وإيران وعلب التونا ماركة بوتان يعني نظرة منك سيد قرجه وشوية حنان ولا أقوم هسع ألغي رحلتي وأمشي ليك بدل أريزونا لولاية أمدرمان وكلها ولايات في النهاية كمان
| |
|
|
|
|
|
|
|
|
|
Re: استعد يا بكري كلنا معيدين عندك (Re: almulaomar)
|
اخي الملاعمر
سلام وتحايا
انا برضو لما شفت البوست كنت عايزه اقول لقرجه
نسيت نائبك الملاعمر لكن قلت يمكن عندك اسم دلع تاني مكتوب
مع الجماعه ... ونحن زاتنا مابنفوتك ياخوي ..بعدين انت المنسق
العام للرحله بعد الرئيس قرجه
اها انا هسي لميت شوال الحلومر ماخليت لي سودانيه ماشحدتها
بس انا خائفه بسبب الحلومر دا يعمل لينا حظر في المطار
لحدي مايفحصوه يكون العيد انتهي ولا شنو رائك ياقرجه يااخوي
سلام
جزيره دوتر
| |
|
|
|
|
|
|
|
|
|
Re: استعد يا بكري كلنا معيدين عندك (Re: bint algazeira)
|
يا بنت الجزيرة يا أختي كتر خيرك وأكيد أخونا قرجه نسى لأنو حا يمشي أريزونا ولازم ينطبق عليها القول ، من هسع وبقيت تنسي ، بعدين حكاية الحلو مر دي ما في داعي ليها شوفي لينا ويكه وشرموط وكسره ناشفه وشوية دقيق ذرة لزوم العصيدة بعدين يا بت الجزيرة من الله خلقك شفتي ليك واحد إسمه مركب بدلعوه.
يعني يبقى إسم الدلع بتاعي ملي عمر ولا ملا عموري ، ما هو الموضوع زي ناس محمد الحسن وخلف الله وفضل السيد وبت المنى وست النفر وست البنات وعبد المحمود دي بالله يلعوها كيف.
لكي التقدير
| |
|
|
|
|
|
|
|
|
|
Re: استعد يا بكري كلنا معيدين عندك (Re: garjah)
|
وين ياقرجه ناسي حبيبك
وماش تعيد في امريكا
وخاليني للبدو ديل
انا وراك وراك
وعشان نسيتني حق التزكره عليك
هو الواحد لاقي يعيد مع بكري
دا العيد مع ابو يوسف احسن عيد
بس الرجعه سريع عشان عارف الكفيل
| |
|
|
|
|
|
|
| |
garjah
almulaomar
bint algazeira
بكرى ابوبكر
noha_g
sari_alail
الجندرية
فيس بوك
تويتر
انستقرام
يوتيوب
بنتيريست