|
|
 وبرضو تقول لي البورد فيه تجريح؟
|
بسم الله الرحمن الرحيم
ولو تُرمى بلؤم بني كليب *** نجوم الليل ما وضـحت لسار
ولو لبس النهار بني كليب *** لدنّس لؤمهم وضـح النهـار
وما يغدو عزيز بني كليب *** ليطــلب حــاجة إلأّ بجــار
والله دا ما أنا دا الفرزدق عشان ما ينط لي واحد في البورد دا ويقول عندو حبوبته ولا خالتو ولا الجكس بتاعتو من بني كليب.. عليكم الله شوفو الراجل دا بشتن الناس ديل كيف؟ تقول لي أسلحة دمار شامل؟ غايتو على أي حال الداير ياخد بي تارو أنا سمعت تحت تحت إنو الفرزدق عندي بت بت أخته ساكنة مدينة النيل
عاطر التحايا
بدرالدين شنا
|
|
 
|
|
|
|
|
|
|
|
Re: وبرضو تقول لي البورد فيه تجريح؟ (Re: بدرالدين شنا)
|
بسم الله الرحمن الرحيم
عزيزي أهل العوض
لك التحية والود
قوم إذا استنبح الاضياف كلبهم ** قالوا لأمهم بولي على النار
والله غلبتني عديل كدا .. إنتو الكلام دا بجيبوا من وين؟
هل من مزيد؟
بارك الله فيك وأنت موسوعة في كل التخصصات
عاطر التحايا
بدرالدين شنا
| |
|
|
|
|
|
|
|
|
|
Re: وبرضو تقول لي البورد فيه تجريح؟ (Re: بدرالدين شنا)
|
بسم الله الرحمن الرحيم
يا شباب
نحن عندنا واحد في حلتنا غشيِم غشامة شديدة مرة زعل من ناس التموين وهددهم قال ليهم شوفو والله هسع أمش أقع في صهريج الموية بتاع الحلة دي وأموت وأعفن الموية بس.. دحين أنا غشيِم زي زولنا دا والله ما تردو على بوستي دا أملاهو براي .. مرة أكتب لي .. ومرة أشكرني .. ومرة أقول لي ياسلام يا بدرالدين .. ومرة أقول لي ما تحرمنا من مشاركاتك .. ومرة أقوم أتكلم في السياسة .. ومرة أهبش الجمهوريين .. ومرة أهبش الكيزان .. ومرة المبدعين بس
عاطر التحايا
بدرالدين شنا
| |
|
|
|
|
|
|
|
|
|
Re: وبرضو تقول لي البورد فيه تجريح؟ (Re: بدرالدين شنا)
|
بدر الدين سلام انت عارف المتنبي كتلو عشان لسان طويل
ويقال عشان هذا البيت وارجو ا لا احرفه بسبب ذاكرتي
الخربة ، مرة هجا واحد اسمو ضبة فقال:
الارحم الله ضبة وامه الطرطبة
والطرطبة هي ام الضب في القاموس
فما من اخو الطرطبة الا وبعجه بسيفه قرب بوابة بغداد
| |
|
|
|
|
|
|
|
|
|
Re: وبرضو تقول لي البورد فيه تجريح؟ (Re: بدرالدين شنا)
|
تحياتي للاخ بدر الدين شنا
تحياتي للأخ بدر الدين السميح
تحياتي للاستاذ أهل العوض
تحياتي للأستاذة عشة بت فاطنة
تحياتي للأخ الضيف
ممكن أهدي؟
عشة بت فاطنة بالله المتنبي كتلوهو ؟ طيب ما نلحق عربية الفاتحة
وبالمرة عندنا شوال عيش نبيعو ونشتري بيه عمبلوق
عشان كدا؟ أنا سمعت بي إنه فاتك الأسدي قريب الراجل ضبة دا شال سيفو وحلف ستين يمين إلا يشاكل المتنبي . وقالوا لحقو في فرقة وقرررب يلحسو المرقة .. وصابحك فكر في الشردة لاكين واحد مطرطش قال ليه يا أبا محسد أتفر وأنت القائل
الخيل والليل والبيداء تعرفني والسيف والرمح والقرطاس والقلم
فقال ليه شكيتك على الله ما كتلتني
| |
|
|
|
|
|
|
|
|
|
Re: وبرضو تقول لي البورد فيه تجريح؟ (Re: بدرالدين شنا)
|
بسم الله الرحمن الرحيم
إنتو منو؟
إنت أهل العوض؟ والبت دي مني ايوااااااااااا دي عشة بت فاطنة والمعاكم دا عرفتو ياسر حنا.. وين إنتو كنتو؟ تخلوني أنضم براي؟
يعني لو ما المتنبي كتلوهو وأخو الطرطبة وجرير أنا كان جريري حرق
عليك الله يا عشة كان لاقتك تماضر في أي بوست إنشاء الله حتى البوست الأبيض الأمريكي قول ليها بدرالدين على الشنا العليهو جابت ليها كمان كلام مع روحو
أهل العوض أعتذروا لي معاكم لي أهل المتنبي قولوا ليهم بدرالدين شوية متحسس أما موضوع العمبلوق فالعمبلوق حق أمي وقالت ما بتبيعه
ياسر حنا البركة الحنيت علي وجيتني أنا بريدك والله
الرحمابي كان داير يجي يفقدني لكن باب البوست أبى ينفتح ليهو شوفو ليهو معاكم طريقة
عاطر التحايا
بدرالدين شنا
| |
|
|
|
|
|
|
|
|
|
Re: وبرضو تقول لي البورد فيه تجريح؟ (Re: بدرالدين شنا)
|
سلام أهل العوض
سلام واشواق
الخال بدر الدين
مشكلة كمبيوتري انحلت مؤقتاً
وهاك دا
الحطيئة عرف عنه الهجاء وبذئ الكلام ، مرة همّ بهجاء فلم يجد من يستحقه فقال
أبت شفتاي اليوم إلا تكلما فما بسوء فلا أدري لمن أنا قائله
أري بي وجهاً قبّح الله خلقه فقبّح من وجه وقبّح حاملـــه
ومرة عبث بإمه فقال :
تنحي فاجلسي عنا بعيــداً أراح الله منـك العالمينا
أغربالا إذا استودعت سـرا وكانونا على المتحدثيــا
حياتك ما ععلمت حياة سوء وموتك قد يسر الصالحينا
قبحه الله يا له من عاق
وتسلموا
| |
|
|
|
|
|
|
|
|
|
Re: وبرضو تقول لي البورد فيه تجريح؟ (Re: بدرالدين شنا)
|
بسم الله الرحمن الرحيم
ود أختي كيف حالك
أري بي وجهاً قبّح الله خلقه فقبّح من وجه وقبّح حاملـــه
دا الحطيئة شنا ولا شنو؟
يعني دا الفرق بيني وبينو أنني أحب أمي
وبعدين إنت قصدك الفريع سكران ولا شنو؟ ما تقولها عديل كدا
أشكرك على المشاركة وجهد البحث
عاطر التحايا
بدرالدين شنا
| |
|
|
|
|
|
|
|
|
|
Re: وبرضو تقول لي البورد فيه تجريح؟ (Re: بدرالدين شنا)
|
وناس اعطاهو الف دينار ديك تتزكرهم؟؟؟
جة للسلطان فى بيتو قاليهو
اتزكر از لحافك جلد شاة
واز نعلاك من جلد البعير؟؟؟
قاليه ايا نعم بزكر
قاليهو
فسبحان الزى اعطاكا ملكا
وعلمك الجلوس على السرير
قالوه
ايا احمد الله
قالوا
فجد لى يابن زانية بمال
فانى قد عزمت على الرحيل
اجى؟؟؟؟
فامر له السلطان بكم دولار كدا وشهلوه وودوهو اهلو
واى زين تلاقيك اقلبها دال الفيها نقطة ديك
تقول لى البورد؟؟؟
| |
|
|
|
|
|
|
|
|
|
Re: وبرضو تقول لي البورد فيه تجريح؟ (Re: بدرالدين شنا)
|
بسم الله الرحمن الرحيم
زارتنا الملائكة يا تماضر السمحة
والله أنا شدة ما بريدك لمن وصيت ليك عشة وقلت ليها خليها التجيني أشوفها
قبال أجن
فجد لى يابن زانية بمال
فانى قد عزمت على الرحيل
فامر له السلطان بكم دولار كدا وشهلوه وودوهو اهلو
واى زين تلاقيك اقلبها دال الفيها نقطة ديك
أها يا تماضر أنا كل الزينات كلهن قلبتهن باقي لي زين أم السلطان دا أسوي ليهو شنو؟
هو عليك الله زولك دا خلى فيها شئ زين؟
والله دا كما شهلوهو .. قال نص بياض قال
عاطر التحايا
بدرالدين شنا
| |
|
|
|
|
|
|
|
|
|
Re: وبرضو تقول لي البورد فيه تجريح؟ (Re: بدرالدين شنا)
|
بسم الله الرحمن الرحيم
الجميل أبو يسرا
لك الود والتقدير والإحترام
إنت زينت البوست بزينة الكواكب الأمورة يسرا حفظها الله ورعاها لك قبل أن تزينه بعروبة السودان .. شفت فيها بنتي ربى التي لم أرها حتى الأن والتي يبلغ عمرها 4 شهور أو يزيد
أكرر شكري وتقديري وإنشاءالله ياود أمي نزين ليك بيتك وإنت جاي بلد المصطفى .. آميييييين يارب العالمين
عاطر التحايا
بدرالدين شنا
| |
|
|
|
|
|
|
|
|
|
Re: وبرضو تقول لي البورد فيه تجريح؟ (Re: بدرالدين شنا)
|
والله يا بدر الدين جنك كلكي
جن ...... وشنا
عاد تمشي بيها وين
لكن خليك من دةكلو .... دحين مر عليك كتاب طوق الحمامة للإمام الفقيه إبن حزم الأندلسي
الراجل دة كل كتابته في الفقه ...لكنه خلد اسمه بهذا الكتاب الجميل " طوق الحمامة في الإلفة والإيلاف" والكتاب كله عن الحب وأنواعه
وأنا قلبت فيه عشان أشوف تصريحاتك العاطفية لي تماضر بتدخل في ياتو باب
بعدين مستعجل في الموضوع "المودوع" دة قبل المطوعبن يصلوا عشان كدة لسة ما لقيت ليه توصيف
ومن أنواع الحب التي ذكرها هناك كل الأشكال ومنها الحب من أول نظرة، والحب بسماع الصوت فقط ، يعني واحد سمع صوت واحدة قام طوالي حباها دون أن يراها
لكن دة كله كوم والنوع الأخير كوم...وهو الحب بالوصف ، قال في واحد سمع ليه ناس بيوصفوا في واحدة " فهام بها عشقا ...وما عارف إيه لما مات من الحب؟" دحين في جن كلكي أكتر من كدة
| |
|
|
|
|
|
|
|
|
|
Re: وبرضو تقول لي البورد فيه تجريح؟ (Re: Faisal Salih)
|
سلام مربع
ةمثلك يؤتي به من بلاد بعيدة
ليضحك ربات الخدود البواكي
هي هي دا ماانت ماتقوم
بت الناس شاكلتني
دا المتنبي كان بنابز في كافور مصر
لكن ما تقول يا بدر حلاوة
كفرتتك في السلك
بس عارف عنصر الجذب متعاون حتى الجرسة
مع خط العمر
يعني بالعربي
لياقتك القميص
عامله ماتش مع الشيب في اعلي الراس
بلاش نقول الشعر كلو
لانك لسعة صغير
هاهاهاهاه امزح ايها الحلو
| |
|
|
|
|
|
|
|
|
|
Re: وبرضو تقول لي البورد فيه تجريح؟ (Re: shiry)
|
لالا انا ظلمت الراجل ما قال ابن زانية قال ابن ناقصة
البيت يكون
فجد لى يابن ناقصة بمال
فانى قد عزمت على الرحيل
و
ياسيد فيصل
انا بلا الحب المجانى دة البشتن حياتى شنو؟؟؟
وتكلم عشة تقول ليها شنو اكتر من البعرفو يا بدر الدين؟؟؟؟
نحن ما اخوان واصحاب من زمان
شن جد على المخدة؟؟؟؟؟
| |
|
|
|
|
|
|
|
|
 Re: وبرضو تقول لي البورد فيه تجريح؟ (Re: Tumadir)
|
الأستاذة الكريمة تماضر
موضوع القصيدة يدخل في باب محاسن الأخلاق والعفو عند المقدرة والحلم عند الغضب لأن الراجل أمير وواحد جربان عادي ينبزو النبز ده كلو لا وشنو يديهو الدايرو مش يوديهو ورا الشمس زي حكام الزمن ده وطبعاً نجح الأمير في الإمتحان وفشل الرجل في الرهان على إغضاب الأمير وفي والبيت الذي يلي بيت فجد لي يا أب ناقصة بمال
سأرحل عن بلاد أنت فيها
وإن جار الزمان على الفقير
فكان رد الأمير أن قال ليهو إذا قعدت أقعد يا فرده البيت بيتك وإذا عاوز تشتت شتت يا مان مصحوباً بالسلامة. وأريتو أميرنا بعد الحاله دي
| |
|
|
|
|
|
|
|
|
|
Re: وبرضو تقول لي البورد فيه تجريح؟ (Re: بدرالدين شنا)
|
وجن ... نبادلك الكراهية ، رغم أني لا أكجن الجضوم ولا الكضوم ولا الشلاضيم إنما أقول ليك كلام قالوا واحد فاضي شغل قبل أكتر من خمسين سنة (حتى أدلل على أنه لم يكن يقصد به أحدا في هذا المنتدى الرائع الذي جمع الشينين على المسيخين) فقد قال :
يا سلام يا الداس جمالك
يا القساك اسباب كمالك
خدك البنريدو مالك
خاتو في كفة شمالك
طبعا منابيزك الصباحية قصدتي بيها بدر الدين السميح لكن نحن بنشيل وش القباحة ، كفاهو شناتو يبقن عليه اتنين المسكين؟ ما بجوز .. عموما حبابك ومرحب بكره الموت ، أصالة عن نفسي ونيابة عن شيري ، وكل المكروهين
| |
|
|
|
|
|
|
|
|
|
Re: وبرضو تقول لي البورد فيه تجريح؟ (Re: بدرالدين شنا)
|
بسم الله الرحمن الرحيم
الغالي/ فيصل صالح
لك التحية والود
واحد مشى المطعم سأل الجرسون عندكم شنو؟
بتاع المطعم قال ليهو عندنا كبدة وفول الكبدة كملت أديك شنو؟
فتجدني أخي فيصل أشد أسفاً لأنني لأ أملك كتاب (طوق الحمامة) لكن عشان ما ترجع فاضي أديك بعض أبيات من قصيدة الحمامة النائحة للشاعر أبي فراس الحمداني وهو في الأسر عندما سمع الحمامة تنوح فقال لها
أقول - وقد ناحت بقربي حمامة*** أيا جارتا لو تشعرين بحالي
معاذ الهوى ما ذقت طارقة النوى*** ولا خطرت منك الهموم ببالي
أتحمل محزون الفؤاد قوادم*** على غصن نائي المسافة عالي
أيا جارتا ما أنصف الدهر بيننا*** تعالي أقاسمك الهموم تعالي
أيضحك مأسور وتبكي طليقة*** ويسكت محزون ويندب سالي
لقد كنت أولى منك بالدمع مقلة*** ولكن دمعي للحوادث غالي
إذا كنت تعرف المتفردة تماضر جيداً لعلمت لماذا أحبها أو ما هو نوع الحب الذي بيننا
الحلوة شيري
فرحت بي طلتك وكنت أتمنى أن تهترشي لي في بوستي أكتر من كدا وتمزحي وتمرحي وتكسي البوست لباس العيد والدنيا قبايل عيد يا حليوة أكرر شكري وإمتناني
حبيبتي تماضر كي كدا لي فيصل صالح
سلام وحب شديد
بالمناسبة لمن القاك في بوستي بنبست إنبساتة شديدة
ياختي البركة الطلعتي ظالمة وما طلع هو خمجان
وأنا يابت أمي عشة وكت وصيتهاليك زي لمن المرة ترسل لي بتهاولا جناها وكت الحارة .. وبعدين عشة مي أختك (الك.. غيرة) وفي النهاية تظل علاقتنا خوة وزمالة وصداقة وشفافية يا أميرة
المتميزة/ وجن
لك إحترامي وتقديري وشناتي
بيني وبينك أنا خفت في الأول من الهجوم الكاسح على مرمى شناتي وشناة بوستي وقلت ياربي الكلام دا جد ولا مزح؟ ولكني رأيت كاميرتك الخفية عندما نعتي الشفيف أهل العوض والحبابة شيري بالكره الشديد لأنني أعلم أنك مجافية للكره والبغضاء وأرق من هذه المزالق وأن هذا الثنائي شيري وأهل العوض من البدعين المتفردين في البورد والكل يشهد بذلك لكي التحية والحب
عاطر التحايا
بدرالدين شنا
| |
|
|
|
|
|
|
|
|
|
Re: وبرضو تقول لي البورد فيه تجريح؟ (Re: بدرالدين شنا)
|
بدر الدين السميح
لا .. لا ..لا قررربت تكسر اللمبة . عموما أشكرك على كلامك المعسول .. قربت أصدق .. وفي ظني وظن جميع أهل العوض أن الأخت وجن قصدت غير ما فهمت أنت .. أعمل حسابك . حا نسجلا معانا بعد ما انتو فكيتو التسجيلات
| |
|
|
|
|
|
|
|
|
|
Re: وبرضو تقول لي البورد فيه تجريح؟ (Re: بدرالدين شنا)
|
بسم الله الرحمن الرحيم
أهل العوض سلام
قطعاً الظريفة وجن لم تقصد ما فهمت أنا ومش اللمبة دي أهو أنا بضعها بين الزهور لإكتمال اللوحة .. وبعدين نحن ما بنفكها عشان تسجلوها يا رشاشات .. ثم ثانياً إنتو حا تسجلوها في فريق المكروهين حتى الموت كما وصفتكم هي أم المبدعين المتفردين كما وصفتكم أنا
لك حبي وتقديري
| |
|
|
|
|
|
|
|
|
|
Re: وبرضو تقول لي البورد فيه تجريح؟ (Re: ابو يسرا)
|
هوى ها كيفنك يا المبرووك
ات اقعد قابض لى كدى لمن الطياره تفوتك؟؟؟
الجا منك قال هسع بى عراقييك حايم من حله لى حله بكسر الحاء ؟؟
ومالك ومال الفرزدق هسع هو بارك ليك بنيتك الجديده؟؟؟
والله بنو كلاب ديل اكان ختينا شر نبحيم ما عندهم عوجه والله ناس عرض وواجب؟؟؟
وكلامك الكتر ده عادى والله الناس كاتماهو يا اخوى؟؟ظ
ودحين حبك وريدتك لى تماضر دى مو ليل اخوان ساى؟؟؟
والله ظكرتنى قريبا لينا نادوهو لى شوره فى بت اعمو والممسوخ اظنو كان عندو دريبات قش بى هناك اها اعمامو قالوا ليهو السره بت عمك جاها عدل دحين شن قولك؟؟؟
قال ليهم والله السره دى زى اختى
فى النهايه لمن زروهو شديد قال ليهم السره انا ما بحبها؟ظ
قالو ليهو القال ليك حبها منو نحن دايرنك تعرسها؟؟
ليك الود
ولى عشه بت فاطنه
ولى بت شيخ الدين
ولى حبيبنا استاذ فيصل
ودعتكم الله
ود بتول
| |
|
|
|
|
|
|
|
|
 Re: وبرضو تقول لي البورد فيه تجريح؟ (Re: Ahlalawad)
|
عن إذنك يا أستاذى بدر الدين
تعال لى بى جاى يا اهل العوض
ظنك عرفناهو أهل العوض الباقيين دخلهم شنو
ولا اااااااا ديل كلهم الجابولنا الباقه
على العموم أنا كان قصدى واضح وشريف
ومن غير تزييفوبرضو بموت فيكم
من الكراهيه طبعا
| |
|
|
|
|
|
|
|
|
|
Re: وبرضو تقول لي البورد فيه تجريح؟ (Re: بدرالدين شنا)
|
بسم الله الرحمن الرحيم
الصديق الحبيب العربي/ أنور أبو غيداء
سلام أردام أردام زي العافية في العضام
سلام كتير كتير زي الريحة في الفتيل
وينك يا جميل؟
أنا ربطت عفشي تب ومسافر قبل العيد إنت مسافر متين؟
فعلاً حبي لتماضر وللجميلين في البورد حب في الله .. ولك حبي إنت كمان وتقديري
أهل العوض كيفنك؟
والله أنا قايل أخير ليكم القميص دا .. شوف أنا كان مشيت غيرت الصورة دي وختيت واحدة غيرها والله ناس البورد إلاّ كان تأجزولن
وجن يا السمحة أم عجن
إنتي المعاك في الصورة ديل وجنات؟
عاطر التحايا
| |
|
|
|
|
|
|
| |
بدرالدين شنا
Ahlalawad
عشة بت فاطنة
Yassir7anna
AlRa7mabi
Tumadir
ابو يسرا
Faisal Salih
shiry
وجن
almulaomar
فيس بوك
تويتر
انستقرام
يوتيوب
بنتيريست