|
|
 المكتوبة ما تنفات
|
تراكم شفتو كيف خلق الله من وين جات
وشفتو الدارة عامرة تملي من يوم داك بالضيفان وبالضيفات
عشان تدفن عذابك ياقلب
وكتين عذابك مات
عندما تضحي من أجل اسعاد الاخرين هذا قمة التضحية والوفاء وخاصة إن كان من بين الذين ضحيت من أجلهم أطفال
هكذا كانت التضحية عند شاعرنا الاستاذ عبد الله محمد خير بعد أن اعطي للحب وللمحبوبة كل كلماته ورواءعة المعروفة مسافرا معاه ما بين وأعطي للمحبين أعذب الالحان التي شدي بها الفنان صديق احمد مسافر ما بين كريمة ودنقلا وامدرنان مرة بالبواخر ومرة بالاصات الي أن وصل الي اقصي الشرق بورتسودان حد الرحلة
طير ياحمام وافرد جناحك ورفرفة
وشيل روحي فوق جو القضارف طوفة
المكتوبة ما تنفات والمقسومة ياها الجات
هذه الكلمات صاغها الشاعر يوم فرحة الاكبر في 7/7/1977م
ودق اتضي بالواقع الذي فرض علية أن يتزوج زوجة اخية المتوفي تضحية منه من اجل الاطفال
وكت رقصة شعبة الحاج
وحمد خير ضرب في حوشو كم طلقات
وغني كتاب ابوي سعيد
ورتل لينا كم أيات
وحاتكم يا ولاد بلدي
وحاتكن يا بنات بلدي
وحات تقديركم الابدي
منو الغيركم وقف يوم سبعة كان سندى
رضيت أنا اشقي شان ارضي الاهل من جم
رضيت اضحي عشان اسعد بنات العم
رضيت بالكان وكل الكان ومافي ندم
رضيت اكون ضمير أنسان بيسعد ومرة يتالم
رضيت اسيب لسان الحال بكل صراحة يتكلم
يقول للدنيا كل الدنيا في كلمات
المكتوبة ما تنفات
والمقسومة ياها الجات
والمكتوبة ما تنفات
والمقسومة ياها الجات
( علي كف القدر نمشي ولا ندري بالمكتوب )
|
|
 
|
|
|
|
albagir altahir
انور عمر
فيس بوك
تويتر
انستقرام
يوتيوب
بنتيريست