|
|
 الجندرية والبورداب خطيبتي سيجارتها قصبه !!
|
الجندرية أختي سلام وكل العام والمرأة السودانية بألف خير
سوف ادخل في الموضوع طوالى،بثق جدا في فهمك لقضايا وحقوق المراة الحقيقية التى تفتقدها، خاصة في مجتمعنا السوداني. خطيبتي بتشرب سجاير ومارلبورو احمر كمان، لدرجة انو سيجارة الصباح دي لو ما شربتها ممكن تسبب ليها صداع عديل يعنى بالعربي كده بتخــرم !! رأيكم شنو يا بورداب في الكلام ده؟؟؟؟
.
لقد فرغ كأسي فمن
يملأ كأس أحلامي
|
|
 
|
|
|
|
|
|
|
 Re: الجندرية والبورداب خطيبتي سيجارتها قصبه !! (Re: Ahlalawad)
|
سلام ياود العم
كان الله فى عونك .. يعنى من هسة ميزانيتكم حتكون بايظة .. ده نمرة واحد
و بعد داك كمان حاول توضح ليها وبشدة إنه التدخين ضار بالصحة ونتائجه خطيرة .. وربنا يديكم الصحة والعافية
أذكر بهذه المناسبة أن أحدى صديقاتنا قالت لى أمام خطيبها الذى يسف الصعوط بانتظام ولا يتحمل القعاد بدون سفة مهما كان !! قالت لى : صاحبك ده أنا وضعت ليه شرط واضح فى موضوع الصعوط ده ..و حدى معاهو العقد .. بعد العقد إذا ما بطل الصعوط ! حتكون سفتو بى هنا وسفتى أنا بى هنا
المهم التدخين ضار وحاجة قبيحة لأى بشر كان بغض النظر عن ( الجندر) وأخشى ماأخشاه أن يكون إقبال بعض البنات عليه بحجة التحرر والمساواة .. والله ده حيكون تحرر عينة
| |
|
|
|
|
|
|
|
|
|
Re: الجندرية والبورداب خطيبتي سيجارتها قصبه !! (Re: sentimental)
|
السنجك
كيفك
قت لي عملت ليك خطيبة عشان تبرانا بيها ؟
ما كفاية حقت ابو حراز
انا غايتو ما مدخنة
بس امي كانت مدخنة لوقت قريب وابوي الله يرحمه كان بيجيب ( عروسة البينسون) مع حاجات الشهر عادي يعني
وطبعاً النساء السودانيات اتحايلوا على القهر الاجتماعي بدعاوي الظار
ودخن وعملن العايزاتنو
بس التدخين مشكلة للرجال والنساء
انت شايفها مشكلة يعني ؟
| |
|
|
|
|
|
|
|
|
|
Re: الجندرية والبورداب خطيبتي سيجارتها قصبه !! (Re: الجندرية)
|
الجندرية اختى لكن ما بالغتى معاى عديل. ترجعى لى سؤالى بسؤال!!! دى قضية عملية و عايز وجهة نظرك فيها، يعنى هل التدخين بالنسبة للمراة الآنسة بالتحديد مسألة يمكن تقبلها والنظر إليها من زاوية صحية فقط؟؟؟ منتظرك
.
لقد فرغ كأسي فمن
يملأ كأس أحلامي
| |
|
|
|
|
|
|
|
|
|
Re: الجندرية والبورداب خطيبتي سيجارتها قصبه !! (Re: sentimental)
|
الأخ مارد العزيز تحياتي
كلامك تمام ويعجب. والتدخين مضر بالصحة بغض النظر عن الجندر. السودانيات بقوا يدخنوا عادى، وده واقع اصبح موجود لا يستطيع احد إنكاره او إثباته بالدليل فى الشارع العام مثلا. لكن ممكن تفاجأ بمرتك مثلا بعدين زهجانة وماسكه ليها سيجارة وبدخن. يا ريت اعرف رد فعلك تجاه الموقف ده يا مارد؟؟؟
الأخ سنتمنتال تحياتي
ما عايز أقول عليها ظاهرة، لانو تجاوزت المرحلة دى بكتير. وخلينى من مؤنث السنجك شنو. ورايك فى البنت البدخن شنو؟؟؟؟؟.
.
لقد فرغ كأسي فمن
يملأ كأس أحلامي
| |
|
|
|
|
|
|
|
|
|
Re: الجندرية والبورداب خطيبتي سيجارتها قصبه !! (Re: Ahlalawad)
|
والله عايزة اقول ليك ولي الآنسين كيف
بس لقيت مذكر انسة
مش آنس
انا قلت راي هو مشكلة للجنسين
انا البعرفوا انه مفروض يكون العيب والغلط عليهم الاثنين
غايتو دينا عمل كدا الحرام حرام على الجميع والحلال حلال عليهم نساءً ورجال
لكنكم
"ليست كمن ارضعت مريم ولستم كمن وهبت آمنة "
| |
|
|
|
|
|
|
|
|
|
Re: الجندرية والبورداب خطيبتي سيجارتها قصبه !! (Re: alsngaq)
|
الاخت الجندرية
. انتهى كلامك ب لكنكم
يعنى المشكلة فينا نحن قصدك كرجال سودانيين!! يعنى اذا الدين ما حرم السجاير على الناس يصبح ما فى مشكلة اذا البنت أصبحت مدخنة و لا ضير على المجتمع أن يتقبل مثل هذا التصرف؟؟؟؟؟
.
لقد فرغ كأسي فمن
يملأ كأس أحلامي
(عدل بواسطة alsngaq on 06-01-2003, 09:23 AM)
| |
|
|
|
|
|
|
|
|
|
Re: الجندرية والبورداب خطيبتي سيجارتها قصبه !! (Re: sentimental)
|
السنجك .. سلام ياخوى
شوف ياعزيزى !أنا زولاً واضح جداااً، عشان كدة خلينى بكل الوضوح ده أقول ليك :"إنه زولة مُدخنة مالازمانى ولن أقترن بها لأنى ببساطة لا أدخن ورائحة دخان السجاير تؤذينى واعرف مضار التدخين جيداً. أماإذا حصل واتفاجأت يوماً بأن المدام ماسكة ليها سيجارة من الزهج ..سأجلس معها واشوف لب المشكلة شنو .. والتدخين ليس هو الحل على كل حال !؟ طيب ماأنا هسة زهجان أشد الزهج من الحكومة والتخريب البيجرى فى السودان .. ليه ماأدخن أو أسف الصعوط !؟ عموماًإن تم إقتناع المدام بعدم التدخين كان بها، وإلاّ وبكل هدوء بيت أبوهاأولى بيها
| |
|
|
|
|
|
|
|
|
|
Re: الجندرية والبورداب خطيبتي سيجارتها قصبه !! (Re: alsngaq)
|
المشكلة مافي الرجال
المشكلة في الناس البتفكر بالطريقة دي رجال ونساء
الناس البتكيل بمكيالين وتحاكم بمعياريين وتعمل كل شي بازدواجية
مع انه العدل سبحانه وتعالي قال:
" أني لا أضيع عمل عامل منكم من ذكر أو أنثى بعضكم من بعض " سورة آل عمران الآية ( 195)
وقال : " من يعمل من الصالحات من ذكر او أنثى وهو مؤمن فأولئك يدخلون الجنة و لا يظلمون نقيرا " سورة النساء الاية (124)
وقال :
"والمؤمنون والمؤمنات بعضهم اولياء بعض يأمرون بالمعروف وينهون عن المنكر "
سورة التوبة الآية (71) .
خلاص ولا لسه كلامي ما واضح
| |
|
|
|
|
|
|
|
|
|
Re: الجندرية والبورداب خطيبتي سيجارتها قصبه !! (Re: alsngaq)
|
الجندرية آ ختي ... كتر خيرك
فعلا ربنا خاطب المؤمنين درز بلا فرز - مؤمنين ساااي
أها - لاكين ربنا قال
الرجال قوامون على النساء
لاحظي الرجال والنساء
ما قال الأزواج والزوجات
شفت كيف ؟ في الفرقة دي لما الواحد يجي يتزوج بعد ما المرا تعجبوا كان يوما داك متمسحةليها بي دهن بشوف الرجال الوراها منو
لو كانوا رجالا يعدلوا الميل ويشدوا الحيل ترا دا المقصود
عشان كان حصل فشل يلقى من يرجع ليه ويكون الرجوع مفيد
وكان لا عاد لا حول ولا قوة
السنجك وقع ليك كلامي دا
بعدين يا الجندرية الرجال بيمشو الانادي يشربوا المريسة - اها النسوان بقدرن يمشن اللنادي ويطلبن عبارهن ونص عبارهن؟
رغم إنو النادلات عادة ما يكونن حريم ..
هو جنس حريم
| |
|
|
|
|
|
|
|
|
|
Re: الجندرية والبورداب خطيبتي سيجارتها قصبه !! (Re: Ahlalawad)
|
ودي ياها زاتها الازدواجية الا انا بتكلم عنها
ربنا خلقنا سواسية
رجال ونساء
حرائر واماء
والحساب واحد لينا كلنا
اما حكاية القوامة دي بشروطها وموضوع طويل لكن قال على الاقل بما انفقوا شفت كيف
وانشاء الله انزل ليك موضوع مخصوص عن شروط قوامة الرجال
والنشوف بعد داك لو في راجل في الزمن العلينا دا بقدر يحقق شروط القوامة
واكرر لستم كمن ارضعت مريم ولستم كمن وهبت امنة
والله في
انه العدل
| |
|
|
|
|
|
|
|
|
 Re: الجندرية والبورداب خطيبتي سيجارتها قصبه !! (Re: Ahlalawad)
|
لقد فرغ كأسي فمن
يملأ كأس أحلامي
يعني يا سنجك إنت بكاسك، ما تخللي بنت الناس تدخّن لو عايزة
أنا حاسّه إنك إنت عامل موضوع من مافي .. أو بتتلكك عشان تخللي بنت الناس ... لكن لو الموضوع ما هزار وحقيقي، ممكن يكون في مساوئ كثير أكثر من التدخين .. لو هي مشكلتها التدخين بس والله بختك واحمد ربنا
ضع حسناتها في جهة ومساوئها في جهة واحكم بعد داك .. ما ليك دعوة بنظرة المجتمع خليك في نظرتك إنت
يعني أنا ما ممكن أضع التدخين مقياساً للإنسان، بغض النظر عن نوعه
أما كأسك الفوق دي فقضيتها قضية أخرى
تحياتي
| |
|
|
|
|
|
|
|
|
|
Re: الجندرية والبورداب خطيبتي سيجارتها قصبه !! (Re: alsngaq)
|
الاخوان الاعزاء تحياتي
اهل العوض العزيز
تفتكر الرجال البمشوا الانادي زى ما قلته، ديل البرجعو ليهم والبعدلو الميل والبشدو الحيل يا اخوي؟؟؟ ولى انت بتعتقد لسه انو المريسة للرجال؟؟؟
الجندرية اختنا
حديثك عن قوامة الرجال أتمني ان تكمليه، لانو فعلا اذا صلح حالهم صلح حال المراة بالتأكيد. لماذا يطالبونها بأشياء هم نفسهم لا طاقة لهم بها لماذا هذه الازدواجية وخاصة ان ديننا لم يأمر بها؟؟ بل خاطبهم سواسية فى الحلال والحرام
الأخت ديما
نحن جزء من مجتمع لا احد يستطيع ان ينفصل منه، والا تبقي دى كارثة من نوع تاني كمان، وبعدين مالك مع كأسي ده انتي متفكره كأس شنو يا ربي الكؤوس ما كتيره فى كأس دورى بتاع كورة وفي كأس احلام الخ
عزة الثائرة كيفك
يعني أنتي شايفة مسألة تدخين البنات عادي جدا اذا كانت مقتنعة. طيب رأيك شنو فى ردة فعل الرجل هل فيها شي من الانصاف؟؟؟؟
.
لقد فرغ كأسي
فمن يملأ كأس أحلامي
| |
|
|
|
|
|
|
|
|
|
Re: الجندرية والبورداب خطيبتي سيجارتها قصبه !! (Re: alsngaq)
|
الكلام بقى دينى ..
هو التدخين يعنى حرام أصلا؟ ما افتكر الا اكون داخل ضمن باب التهلكه.....
المهم اجتماعيا غير مقبول بالنسبه للغالبية لانوا ببقى داخل فى شكليات الرجوله كما تعودنا.
بعدين من طريقة كتابتك انت ما مقتنع شديد ولا بس خايف من نظرة المجتمع ليها؟
سؤال واحد ليك...كان جيت يوم لقيت اختك بتدخن ردة فعلك حتكون شنو؟ ولى؟
اذا شايف انك ما متضايق منها خليها تدخن لكن لو مشكله ليك هاجس ممكن تحلها معاها ...يا تدخن فى البيت بس ...يا خلتوا كلوا كلوا ...يا خليتوا بعض.
| |
|
|
|
|
|
|
|
|
|
Re: الجندرية والبورداب خطيبتي سيجارتها قصبه !! (Re: Malaz_Afkarna)
|
السنجك آخوي كيفنك
الكلام هنا ما كلام دين وبس
الكلام هنا عادات وتقاليد سودانية
الحبوبات بيدخنن (لأنهن قطعن الرجا) (القواعد من النساء)
لكن تدخين الآنسات ده تقليعة جديدة وسمعنا بيهو ، لكن مرفوض في المجتمع السوداني المحافظ ، زي رفض أشياء كتيرة للرجال، يعني مثلاً راجل يطقطق في لبانة أو يلبس سلسل أو يكوفت شعره أو يربي ضفورو أو أو ... ده بيقولوا عنو (صعلوق [صُعلوك]) .. أه البنات البسون حاجات الرجال ديل يكونن شنو؟؟؟؟؟
في حاجات المجتمع استثناها ووضع شروط لقبولها زي البنطلون ، يعني الفستان يكون طويل معاه ، لكن شوية شوية مشى فوق الركبة وبعداك وصل الحزام وقالوا ماشي لي فوق بعد دخول القنوات اللبنانية؟؟؟
الرجال بسفو ويسجرو والنسوان بياكل اللبان ده السودان لكن كان ما سودانية معليش (ما خسّـانا)ولا شنو
| |
|
|
|
|
|
|
|
|
|
Re: الجندرية والبورداب خطيبتي سيجارتها قصبه !! (Re: alsngaq)
|
السنجك الغالي
البت دي انتارايك فيها شنو خلينامن البورداب انتا الماشي تعرسا وتتكل في المغارب معاها وتحضروااسماء في حياتنا وتهفهف ليها في الجمر
موش البورداب
هسع انتا لو بتحبها سجارة بتعتر ليك
......
بلاي لو فكرتا تخليها عشان الموضوع دة
والبت سمحة ادينا خبر
قال سجارة قال
طرمبةانتا انتا ولا راجل؟
| |
|
|
|
|
|
|
|
|
|
Re: الجندرية والبورداب خطيبتي سيجارتها قصبه !! (Re: DKEEN)
|
عزيزى السنجك
الشباب الحلوين
والله إنتوا قديمين جنس قُدم
هسه العالم ماشه وراء موضه الشيشه
وانت تتكلموا على الموضه القديمه
البت لما تجى تسأله عن سبب التدخين تقول ليك
نفس الكلام البتحجج بيهو الولد والله زهجان والله قرفه بس
والله خمسته مع صاحبى ورجلى إنجرت
والله شربه جمبى زول وخرمته
عنجصه يعنى وقله شغله
مادام إنت بدخن فمافى مشكله خلى زولتك تجرب معاك
وبعد داك تمرق نفسه منو وتقبل عليك ماتخليه وما تخليه
وتبدأمسلسل نقه تقوم تضطر تبطله عشان النقه تقيف
والله الزمن عجيب شوف إنت بتقول شنو
وعالم تانيه تقول لزوجاته هاك ولعى لينا السجارتين ديل
طبعاً دا بعد ما زهج من تخميس السجاره معاها
حبوباتنا بسجرن قالن لزوم الصداع لكن ما أظن
ولما تجئ تقول للواحده فيهن يا حبوبه كدى نفس تقول ليك
لا يابت عيب أجئ يا حبوبه
أها طبعا السجائر طبعا ما بيجوز شرعاً سواء للرجل أو للمرأه
خلى إجتماعياً ما لذيذه فى حق البت ولا فى حق أسرتها
ولا فى حق أولاده مُستقبلاً
التدخين علمياًله آثاره الضاره على الجهاز الهضمى
فإفرازات المعده الحامضيه تزيد عند المدخنين مما يؤدى
الى شعور بالحموضه وعسر الهضم
ويرتبط إرتباطاً وثيقاً بتقرحات المعده والإثنى عشر
ويسبب تقرحات وتليفات بجدار الأمعاء الغليظه والدقيقه
ويساعد على الإصابه بسرطان المرئ والبنكرياس
والمدخن بواسطه الغيلون أكثر عُرضه للإصابه بسرطان الشفاه واللثه
والأمر مُضاعف بالنسبه للمرأه فهى معرضه أيضاً لخطر الإصابه بأمراض القلب
والشرايين وتشويه لحياه جنينها وتعريضها للخطر هذا فى حاله
تمكنها من الحمل
| |
|
|
|
|
|
|
|
|
|
Re: الجندرية والبورداب خطيبتي سيجارتها قصبه !! (Re: alsngaq)
|
العزيز السنجك
بعد التحية
الموضوع يتضمن عدة اسئلة تكمن فى إجابتها جميعآ توضيح المسارات
اولآ عزيزي إذا كنت تنشد الإجابة مننا و من حوارنا لمسئلة شخصية
فلا اعتقد انها الطريقة الصحيحة فأنت من إخترت و انت من ستقترن
اما من الناحية العامة
فيمكن لي ان اشاركك في الحديث هنا
التدخين عادة مضرة جدآ يعرف ذلك الجميع مدخنين او غير مدخنين
و السؤال الذي يطرح نفسه هو لماذا يصر من يدخن علي التدخين رغم علمه بالضرر و هذه النقطة قال فيها الشاعر معروف الرصافي:-٠
كل ابن ادم مقهور بعادات ** لهن ينقاد من كل الإردات
لو لم تكن هذه العادات قاهرة ** لما أسيغت بحال بنت حانات
و لا رأيت سيجارات يدخنها ** قوم بوقت إنفراد و إجتماعات
إن الدخان لثانِ فى البلاء إذا ** ما عدت الخمر اولي فى البليات
و رب بيضاء قيدالأصبع إحترقت ** وهي إحتراق فى الحشاشات
لو لم يك الدهر سوقآ راج باطلها ** ما راجت الخمر فى سوق التجارات
و لا إستمر دخان التبغ منتشرآ ** بين الوري وهو مطلوب كأقوات
عوائد عمت الدنيا مصائبها ** و إنما انا في تلك المصيبات
لو إستطعت جعلت التبغ محتكرآ ** فوق إحتكار له أضعاف مرات
و زدت اضعافٌ اضعافِ ضريبته ** حتي يبيعوه قيراطآ ببدرات
فيستريح فقير القوم منه ولا ** يبلي به غير مثرِِ ذي سفاهات
هنا نتفق علي ان التدخين عادة سيئة قد تسيطر علي الرجل كما انها قد تفعل بالمراة و قد زاملنا الأنثي خارج السودان فى مختلف انحاء العالم و هي تدخن
وهذا بدوره يقودنا لمناقشة النقطة التالية
هل لنا بأن نقبل لبنات حواء في مجتمعنا السوداني فى سن معين(علمآ بأنه إرتبط التدخن والتمباك لدي النساء فى مجتمعنا بالكبر فى السن)٠
هل لنا ان نقبلهن شابات مدخنات؟
تغير بنا الزمان وتغيرت معه المقايس و الموازين في الحكم علي الأمور
و لن تكمن الإجابة الصحيحة فى رد فعل احد منا ولن نستطيع بأن نجزم كم من الوقت سوف نحتاج لمعرفة كيف نجيب علي انفسنا
فنحن فى زمن المتغيرات
فقط علينا ان نعلم انه لا يصح إلا الصحيح
..........................................................................
و اعود
مع تحياتي
woroorrook
| |
|
|
|
|
|
|
|
|
|
Re: الجندرية والبورداب خطيبتي سيجارتها قصبه !! (Re: woroorrook)
|
الأخوان ملاذ افكارنا والشاعر تحياتي وشكرى وتقديري
التدخين اجتماعيا للبنت مرفوض، لكن ياربي هل الرفض ده كان كافي ليمنع حدوث هذه الظاهرة، واعتقد انها تعدت مرحلة الظاهرة وأصبحت واقع ملموس ومعاش بشكل يومي. تحدثت عن المجتمع، ترى هل مجتمعنا له القدرة على مواجهة هذه التغيرات التى تحدث يوما بعد يوم من حولنا؟؟ بالمناسبة ما اللبنانيات البشربن السجاير بس. ودحين عرفته السودانيات بشربن السجاير والشيشة اها رايكم شنو يا اخواني فى جنس البنات ديل الحكاية شنو يا ربي؟؟
دكين العزيز
سمحة جنس سماحةً ، وسجارتها قصبة اها شن قولك نعقد ليك؟؟؟؟
وجن العزيزة كيفك
والله من ناحية التدخين مضر هو مضر للجنسين. واجتماعيا كان غير مقبول لكن اسي التغيرات كترت من حولنا ويا خوفنا من نهاية المشوار. ولى رايك شنو يا وجن أختي؟؟؟
.
لقد فرغ كأسي
فمن يملأ كأس أحلامي
| |
|
|
|
|
|
|
|
|
|
Re: الجندرية والبورداب خطيبتي سيجارتها قصبه !! (Re: woroorrook)
|
العزيز وررووك لك التحية يا رائع
بصراحة بحب الناس البتقرا ما بين السطور ، والبعرفوا من اين البداية وما هي الحكاية
كلامك من حيث اذا كانت مسألة شخصية ، صاح 100% ما عندى فيهو تعليق نهائي
وسأبدا من حديثك هذا حيث انه المنشود.
Quote: وهذا بدوره يقودنا لمناقشة النقطة التالية
هل لنا بأن نقبل لبنات حواء في مجتمعنا السوداني فى سن معين(علمآ بأنه إرتبط التدخن والتمباك لدي النساء فى مجتمعنا بالكبر فى السن)٠
هل لنا ان نقبلهن شابات مدخنات؟
|
نعم عزيزى لا يصح الا الصحيح، ولكن أخي الكريم أصبح هذا الصحيح عرضة لمتغيرات لا حيلة لنا حيالها فهي تأتينا من أمامنا وخلفنا وأصبحنا لا نملك غير الانحناء أمامها دون وعي وكأنما هي الصحيح بعينه. اتفق معك نحن فى زمن المتغيرات، ولكن هل هذا يعني أن نسبح مع أمواج التغير هذه؟؟؟ اعتقد ان الامر يحتاج لوقفة للإجابة عزيزي
ولي عودة
.
لقد فرغ كأسي
فمن يملأ كأس أحلامي
| |
|
|
|
|
|
|
|
|
|
Re: الجندرية والبورداب خطيبتي سيجارتها قصبه !! (Re: alsngaq)
|
اها والله بنت الجزيره دى جابتها
ليك بالوااااضح وقالت ليك فك ليهازهجتها
دى يعنى سريع سريع كده لملم حق الشيله وحفلة اصاله واجار العساكر البحرسو اصاله وحق الكراسى البقعدو فيها الكواكب
وحق شهر العسل هو بقو اسبوع العسل
وبعد ما تجهز الحاجات دى تتوكل وتتزوج وكده خطيبتك زهجنها بتكون فكت والجن الاحمر جيكون ركبك انت وسجارتك حتبقى قصبه
والله فى عون العبد ماكان العبد فى عون اخيه لانو كده
دخلت لينا بندجديد فى البنت المطلوبه تكون مابتسجر
تعرف سنجك مره اتناقشت لى مع بنت سودانيه بتسجر قالت لى لييه الاولاد بسجرو يعنى نحن عشان بنات عشان كده اعمل حسابك لو انت بتسجر
خطيبتك دى حتكسر عينك فى الحته دى ولك ودى
| |
|
|
|
|
|
|
|
|
|
Re: الجندرية والبورداب خطيبتي سيجارتها قصبه !! (Re: alsngaq)
|
أجمل حاجة انها تكون بتدخن .. و بتعمل كل الاشياء الانا بعملها عشان نشيل بعض .. الواحد لو صادتو خرمة يلقى عندها باقي سجاير .. و لو كانت بتسف تمباك .. دي كمان تكون خدمات اضافية
يا السنجك يازول البنية ابقى عليها .. لو ما التدخين بضايقك نفسياً .. و لو بضايقك قول عووووووك .. و ادينا خبر
| |
|
|
|
|
|
|
|
|
|
Re: الجندرية والبورداب خطيبتي سيجارتها قصبه !! (Re: Shinteer)
|
السنجك اخي لك تحياتي
لاول مره اعرف انه التدخين انتشر بين البنات
هذه المعلومه ماعرفتها الا من خلال اراء الاخوان في البوست دا معناه فعلا في مشكله لانه التدخين غير انه اجتماعيا مامقبول للبنت
اثبتت الدراسات العلميه ان الام المدخنه تنجب اطفال مشوهين وقليلي الوزن ويصابون بامراض خطيره ولذلك يحتم علي المراة عدم التدخين وخطيبتك دي يمكن تكون زهجانه شويه عشان كده بتدخن حاول فك ليها زهجتها دي عشان تخلي التدخين
لكم تحياتي
سلام اهلي الحنان
| |
|
|
|
|
|
|
|
|
|
Re: الجندرية والبورداب خطيبتي سيجارتها قصبه !! (Re: alsngaq)
|
الاخوان تحياتي
Sado7
والله يا أخي الحبيب بالجد لقد أصبح الدخان بند جديد والرجل البدخن وما عايزها تدخن يكون دقس اذا ما ترك الدخان يا مان. طيب بتعتقد الما بدخن بقدر بسهولة يقنعها بترك الدخان؟؟
سريندر الحبيب
قلته لي طلعوا محترفين كمان ده اللعب ولى بلاش
شنيتير
أخوى كلامك في سلك مع ميزانية المزاج والله يعني الواحد يرتاح من النقة فى الموضوع ده لما بتكون بدخن، لقيتك خطير جد وحاسب حساب كلو و مؤمل فى الصعوط كمان، ما تخاف بتلقي ليك وحدة بتسف، لكن اقول الحق دى ما بتسف
لوووووول
ديامي الحبيب شايف عجبك الحنك، لووول
بت الجزيزة أختي تحياتي
والله صدقيني بقن ما بدخنوا مسألة زهج بس‘ فى مزاج وفى استايل، وفي من باب التغير والرفض للواقع والرجال بدخنوا ليه؟؟ يعني بالعربي كده الموضوع اكبر من زهج بس. اها رأيك شنو بعد ما عرفتي انو تدخين البنات أصبح واقع هل هنالك ضير فى ان يتقبل المجتمع البنت المدخنة؟؟
.
لقد فرغ كأسي
فمن يملأ كأس أحلامي
| |
|
|
|
|
|
|
|
|
|
Re: الجندرية والبورداب خطيبتي سيجارتها قصبه !! (Re: alsngaq)
|
العزيز السنجك وكل البورداب
تحية طيبة
اكيد يالسنجك تكون قلت لخطيبتك إنك حتنزل موضوع إنها بتدخن دى فى البورد عشان هى تشوف الناس حيهاجموها كيف ؟ لكن باين المؤيدين ليها كتار و لو كانت بتدخن علبة حتعملها ليك علبتين، وزى ما قال ليك ابو حراز لو بقت على السيجارة الحمرا ما مشكلة ، بس تقل جيبك لانو اليومين ديل علبة السيجارة بقت بى كام ، وباين فى كتار نسوانهم بيدخنوا عشان كدة ما حيدوك رأى واضح لانهم خايفين طبعا من الحكومة فى البيت .إنت كمان اديها سفة دقار وقول ليها دى بى دى لو خليتى التدخين بنتف السفة.
| |
|
|
|
|
|
|
|
|
|
Re: الجندرية والبورداب خطيبتي سيجارتها قصبه !! (Re: maia)
|
عزيزي السنجك : يوم العقد قول ليها ، يا أنا يا المارلبورو.
أكيد حتقول ( السجارة تطير و تقع في البير ، أنا عندي كم سنجك ).
لو بعد العرس برضو دخنت ، برضو قول ليها نفس الكلمة. يعني الكمة دي خليها زى مسدس الكاوبويات في جنبك.
| |
|
|
|
|
|
|
|
|
|
Re: الجندرية والبورداب خطيبتي سيجارتها قصبه !! (Re: alsngaq)
|
ياجماعة المشكلة لا مشكلة سيجارة ولا غيره لانه المسالة بقت عادية جدا ولا تندرج ضمن العيب او سوء سلوكيات البنت وفي النهاية الامر بيخضع للقناعات الشخصية مثله مثل شرب الشاي او القهوة يعني هي رغبات شخصية
لا تمس السلوكيات على الاطلاق
| |
|
|
|
|
|
|
|
|
|
Re: الجندرية والبورداب خطيبتي سيجارتها قصبه !! (Re: alsngaq)
|
الأخ / السنجك
لك التحية
آمل أن تكون مازحا ، وإلا ،،، أعانك الله من الآن وأعان من سيأتي من ذريتكم
فو الله يا أخي ،،، لست مصلحا إجتماعيا ولا واعظا ،،، ولكن أعرف خباثة الدخان
حق المعرفة ،،، فقد لازمني من السنين عددأ ،،، هلكني وأضاع مالي ووقتي وكاد أن يذهب ببهاء شبابي وفي لحظة حق وتجلي وصفاء ومصارحة مع نفسي تركت الدخان ،،، وعاهدت نفسي على أن أعود اليه مرة أخرى . حقيقة الدخان تتن ،،، ونتن ،،، وعفن بالنسبة للمدخنين ..... وكيف يكون مع الجنس اللطيف الرقيق ،،، التدخين مهلك للصحة ومضيعة للمال والوقت والروائح الكريهة لا تفارق أنفاسك ولا تغادر ملابسك .
رأي بصراحة : أن كنت جاداً في طرحك ،،، وتحب خطيبتك وتعدها زوجة لك وأما لأطفالك ،،، ساعدها بكل ما أوتيت من فكر صائب وقول رشيد أن تتخلى عن التدخين ،،، وأمنحها الفرصة الكافية ،،، مع تمنياتي لها بالنجاح ،،، وإن قدر الفشل ففارقهـــــــــــــــــــــــا .
| |
|
|
|
|
|
|
|
|
|
Re: الجندرية والبورداب خطيبتي سيجارتها قصبه !! (Re: alsngaq)
|
عذيذي السنجك لك التحية
مع احترامي لك و خطيبتك و انسات البورد البنت السودانية المدخنة
تعني لي عدم احترامها لمن حولها
لان التدخين في السودان للنساء ليس شئ عادي وكلكم يعرف هذا!!!!!مش
عذيذي
خت في اعتبار انها في الخطوبة بدخن يعني ما تستبعد بعد الزواج تجيك بكيس العرقي او سجارة خضراء
اذا داير راي شوف حل في الموضوع دة قبل العرس واذا حكمت كب الزوغة
ولكم التحية
والمعزرة علي الصراحة
__
مكان الميلاد: فى أي اوضه مضلمه
تحت السما
على ارض بلدي
من أي دار وسط
النخيل
مطرح ما يجري النيل
ما دام ما يكونش قصر
| |
|
|
|
|
|
|
|
|
|
Re: الجندرية والبورداب خطيبتي سيجارتها قصبه !! (Re: 3omda4)
|
السلام عليكم
اوافق الاخت مايا علي رائها
فالتدخين عاده مضره يمارسها الجنسان معاً..
والمراه المدخنه تتلقي سلبيات التخدين كما يفعل الرجل
لذا من الافضل الا ننظر للامر من باب هي امراه و هو رجل
بل ناخذه من سلبياته الصحيه و النفسيه
و عني شخصياً لا اري ان للتخدين علاقه بسلوكيات المراه
فحبوبتنا مدخينين شرهين
ولاكن المجتمع لا يحاسبهن لانهن حبوبات
which makes no sense
تحياتي السنجق
و
لى قدام
| |
|
|
|
|
|
|
|
|
|
Re: الجندرية والبورداب خطيبتي سيجارتها قصبه !! (Re: benyya)
|
الحبيب السنجك
لك تحياتى
من الحوار اعلاه خرجت بنتيجة غالطت نفسى كثيرا حولها وحاولت ان اكذب نفسى ولكنها حقيقة وهى ان الفرق بين الاجيال فى السودان كبير جدا جدا وانه اختلاف فى الرؤى لكل شىء تقريبا وهذا نلمسه واضحا من ما ورد أعلاه والمسألة غير محتاجة لشرح رغم اننى اعتبرك من الجيل الجديد ..
لك تحياتى
| |
|
|
|
|
|
|
|
|
|
Re: الجندرية والبورداب خطيبتي سيجارتها قصبه !! (Re: قرشـــو)
|
من ألأول كان إنطباعي ان هذا الموضوع إنصرافي ،لكنك شركت لينا بألجندرية ،وهذه ندخل بوستاتها ونتابع ردودها لأنها جادة ومفيدة ،وانا تعلمت منها الكثير ،ولما لحظته من إعتنائها بالردود ،دخل هذا البوست وانا محضر كراستي وقلمي لتلقي درس مفيد ،وما خيبت ظني
ولم أخسر سيئا ،بل إستمتعت ببعض الردود الذكية والممتعة ،وضحكت ملء شدقي مع المبدع دكين وتعليقه الرائع ، {إنت راجل ولا طرمبة} وطرشت التعليق لأصحابي المساطيل وإعتمدوا دكين ركن ركين ،،وإحترامي
| |
|
|
|
|
|
|
|
|
|
Re: الجندرية والبورداب خطيبتي سيجارتها قصبه !! (Re: alsngaq)
|
الاخوان قرشو والسنجك
مسألة تدخين الاناث ليست بالشيء الجديد او الدخيل على مجتمعنا وليست هي مسالة مرتبطة بجيل دون جيل ، فعندما تمارس الحبوبات عادة شرب السجائر لم يكن ذلك بالشي الغريب وتوجد كثير من النساء المتزوجات صغيرات السن يقمن بالتدخين بشكل عادي
والواقع المعاش الان يقر بوجود كثير من الفتيات الذين يدخنون ، فما قصدت قوله انه لماذا تربط المسألة بالسلوك الشخصي وانعدام الاخلاق ، فالمسالة تدخل في نطاق الممارسات الشخصية مثلها مثل كل العادات اليومية التي يمارسها الانسان في حياته اليومية والتي قد تكون عادات ضارة
او عادات مفيدة بالصحة
فاذا كانت هناك بنت تقوم بالتدخين فهذا لا يعني انه هذه البنت سلوكياتها الاخلاقية غير جيدة
فدعونا نتناول الامر من زاوية وجود واقع الان يقول ان هناك الالاف البنات اللاتي يمارسن عادة التدخين في المجتمع السوداني ، فهل يعقل ان نقول ان كل هؤلاء البنات غير محترمات ؟
| |
|
|
|
|
|
|
|
|
|
Re: الجندرية والبورداب خطيبتي سيجارتها قصبه !! (Re: maia)
|
الاخت مايا
لك التحية
Quote:
فدعونا نتناول الامر من زاوية وجود واقع الان يقول ان هناك الالاف البنات اللاتي يمارسن عادة التدخين في المجتمع السوداني ، فهل يعقل ان نقول ان كل هؤلاء البنات غير محترمات ؟
|
الواقع الذى تشيرين اليه يقول ان الاجيال اختلفت فى تقييمها للاشياء وهذا ما قلته تماما
لك تحياتى
| |
|
|
|
|
|
|
|
|
|
Re: الجندرية والبورداب خطيبتي سيجارتها قصبه !! (Re: alsngaq)
|
ياجماعة
المشكلة شنو
انا صحيح بشوف انه التدخين ضار بالصحة واسراف
من جهة الطرفين
بس مافي سبب يخليه حلال على الاولاد وحرام على البنات
مش هو كيف في النهاية
وبيعدل المزاج الذكوري فقط وبيشيل الهم الذكوري فقط
خلوهم يتكيفوا
او خاطبوا الاتنين
المشكلة عشان بنت طيب؟
طيب اكيد هي عندها اسباب
والاولاد هم اللي وصلو للبنات انه التدخين ده ممكن يحل مشاكل
ولا ما كده؟
تحياتي
| |
|
|
|
|
|
|
|
|
|
Re: الجندرية والبورداب خطيبتي سيجارتها قصبه !! (Re: alsngaq)
|
ابوساندرا اخوي
ما عرفته رايك كلامك بتاع موضوع انصرافي ده
شفتو واحد من اسباب انتشار عادة تدخين البنات
وكأن المسألة عادية بصراحه كدا كلامك ده بضع علامة استفهام اكبر من الاولى
عموم عشان خاطرك اي بوست ح نعنونو باسم الجندرية عشان نشوفك
الاخوان الاعزاء تحياتي
ولكم الشكر
يا جماعه الموضوع
رايكم شنو فى تدخين
البنت الانسه المسألة دي بقت عادية زي ما قالت بنيه ومايا ما عندها علاقة بالسلوك بتاع البنت؟؟؟
والله انا راي شخصيا فى الموضوع دا انو البنت
المدخنة اقل ما توصف به عدم الاحترام لنفسها اولا و لعاداتها وتقاليدها ثانيا واذا كان دا رفض لاشياء كتيرة فى مفاهيم العادات والتقاليد فالمفروض ما يكون كدا. وحكاية حبوبتنا بدخنو وبسفو دي ما مبرر كافي لسبب بسيط جدا
لانو الحبوبة دي ذاته كان شافتك بتدخني بتكرفس ليك السيجارة دي فى وشك وكردة فعل طبيعيه.
دى موجة بتاعة تقليد وتأثر برياح الغرب والفضائيات و لا يمكن تبريرها نهائيا. لكن بصراحة كدا يا شباب البورد انا مبسوط شديد
من البنات لانو بقو يقولوا رايهم بوضوح وبدون اي ازدواجية .
الاخ قرشو تحياتي
اها انت شفته الردود بتاعة الجيل دا وخاصة البنات و ردود بعض الاخوان من الجيل دا والقبلو شفتها عامله كيف ؟؟؟؟؟؟؟
ومعظمهم ما صدقوا لقو كلمة خطيبتي وهاك يا يا ردود فى الحته دي النكته شي جميل لكن لمن تبقى سمه للموضوع بتكون ما حلوة
والموضوع محتاج للردود واضحة يا شباب
لانو نتكتنا و والنكته وضحت لينا اوجه كتيرة فى الموضوع اها بعد دا
رايكم شنو فى البنت المدخنة؟؟؟؟
ياريت المره دي الردود تكون واضحة زي راي الاخوات
ولكم التحية
| |
|
|
|
|
|
|
|
|
|
Re: الجندرية والبورداب خطيبتي سيجارتها قصبه !! (Re: alsngaq)
|
الاخ السنجق
المراه المدخنه تلجاء للتدخين كوسيله لتثبت لنفسها او لغيرها انها امراه قويه
فالتخدين عاده مرتبطه اصلاً بالرجال
لذا تلجاء اليها النساء استرجالاً
و قد تلجاء اليها
لانها موضه واخر تقاليع العصر
و في الحالتين اري المراه المدخنه امراه مستهتره لانها لا تعي سلبيات السيجاره من ناحيه صحيه
اما عن تقاليدنا و عادتنا فمعظمها بالٍ
و ليس من الضروري الاكتراث بما هو بالٍ
تحياتي
و ما تاخدوا الامر من باب هي مراه و انا رجل
لاكن اخدوه من باب ان كل ضار
و انا شخصياً اضع المراه المدخنه والرجل المدخنه فى مكانه واحده و اجمعهم فى صفه واحده و هي التخلف
لان الشخص العاقل لا يسعي خلف ما يضره و ما يسبب فى موته
لكم تحياتي
و
لى قدام
| |
|
|
|
|
|
|
|
|
|
Re: الجندرية والبورداب خطيبتي سيجارتها قصبه !! (Re: alsngaq)
|
السلام عليكم ورحمه الله
أولا من الناحيه الدينينه التدخين حرام لأنه يؤدى للتهلكه
قال تعالى
ولا تؤدوا أنفسكم للتهلكه
صدق الله العظيم
أكره التدخين فى الرجال وأحتقره فى الأناث وهو ذو رائحه كريهه جدا لا أدرى كيف يتحمل الناس رائحته..لقد كانت من أهم شروطى فيمن أرتبط به الا يكون بيدخن ولا بيسف ولا بيشرب لا قدر الله وكنت على أستعداد للبقاء بدون ذواج مدى العمر على أن أرتبط بشخص يحمل هذه الصفات
لا شك أن التدخين عاده سيئه للرجال والنساء على السواء ولكنه يكون الأسوأ بالنسبه للفتاه فهى لا تلجأ اليه الا عندما تصل مرحله معينه من الفساد الخلقى بعكس الرجل فى هذه المسأله وهذا يفسر لماذا ينظر المجتمع للفتاه المدخنه
كما أنه يفقدها أنوثتها وجاذبيتها ويجعلها مسترجله هذا غير رائحته الكريهه وأثره فى الجنين وأطفالها فى ما بعد
أن أبتلاك الله بواحده مدخنه حاول معها أن تمتنع عنه بأقتناع حتى لا ترجع له مره أخرى وأن لم تستجب فقد تكون عرضت نفسك أن لم تكن مدخن وأطفاللك فيما بعد للتهلكه
والله الموفق
وفى أمان الله
لا اله الا الله
| |
|
|
|
|
|
|
| |
alsngaq
Ahlalawad
الجندرية
ابوحراز
Dima
وجن
woroorrook
SAdo7
Shinteer
bint algazeira
ابو جهينة
قرشـــو
ولياب
benyya
أبو ساندرا
bint_alahfad
فيس بوك
تويتر
انستقرام
يوتيوب
بنتيريست