|
|
 يا نسيبي انت داري بالعذاب الانا فيه
|
البارح قاعد بسمع في برنامج اصوات وانامل
وهو علي فكرة البرنامج الوحيد الباقي بطعمه ونكهته الخاصه
بفضل الرجل الفنان الذي يقف خلفه من الفه الي يائه
لكن ما اضحكني جدا هو واحد من الناس الجدد البيتغنو باغاني الغير
وكان بيغني في اغنية لعثمان حسين
حبيبي قلبي فاكرك وانت ليه خالي قلبك خالي
وفي النص دخل ليه كوبليه هو المضحك
يا نسيبي وانت داري بالعذاب الانا فيه
وكرر هذا الكوبليه مرتين
طبعا الاستاذ عثمان حسين بيكون جاهو ضغط لو بسمع
اها يا الموصلي وحمزة وسيف وسمندلاوي
رأيكم شنو
انا شخصيا اري ان مع الراجل حق خاصة اذا كان متزوج؟؟؟؟؟
|
|
 
|
|
|
|
|
|
|
|
Re: يا نسيبي انت داري بالعذاب الانا فيه (Re: nazar hussien)
|
وبرضو فى واحد كان بغنى اغنية عثمان حسين اسمها
عشرة الايام
وبتقول
عشرة الايام
ما بصح تنساها
كانو ما عشناها
وضمانا احلى غرام
والراجل دة واقف
وبردد عشرة الايام
واللازمة الموسيقية ترد عليه
وفجاة
لابس احسن ساااعة
لابس احسن سااااعة
ويؤشر على يده محل الساعة
بدل ما بصح تنساها
ها ها ها
| |
|
|
|
|
|
|
|
|
|
Re: يا نسيبي انت داري بالعذاب الانا فيه (Re: azza)
|
تماضر شيخ الدين
والله لابس احسن ساعة دي ضحكتني ضحك
وذكرتني بواحد يدعي الفن من فريقنا
ومواظب علي شراء زهرة الاغاني
في اي سماية بنقشط بي زهرة اغانيه
ويغني
خليني جنك يا حبيبة قلبي ما تقولي الوداع
والقافات تنطق بالطريقة اليمنية
وصرت كل ما افتح الهوتميل اتذكر زامر حلتنا
الطلب قبل اكثر من عشرين سنة ان تخليه حبيبة
قلبو
JUNK
بدل ان تقول الوداع
عزة شكرا
ما صادفتك هترشات زي دي؟؟؟؟؟
| |
|
|
|
|
|
|
|
|
|
Re: يا نسيبي انت داري بالعذاب الانا فيه (Re: nazar hussien)
|
السلام عليكم يابورداب
تعرف يانزار يااخوي نسيبو باين عليه مجننوا عشان كده قعد يغني ليه
اما نسيبتو مابعرفها مالو مادخلها في الاغنيه الا يكون غايتو جاب خبرها
بالمناسبه اغاني الفنان عثمان حسين دي الظاهر عليها صعبه شويه عشان كده الناس بتحرف فيها ويبقوا زي حلاق الجامعه
مرة سمعت واحد بيغني
ياحبيبي ..لولا ربي وجهنم لقتلك ودفنت نفسي
هههههههههههههه
سلامنا لنسيبك يااهل العوض
قصة الساعه رهيبه ياتماضر
لكم تحياتي
| |
|
|
|
|
|
|
|
|
|
Re: يا نسيبي انت داري بالعذاب الانا فيه (Re: Ahlalawad)
|
الدكتورة بنت الجزيرة
الراجل شكي لي نسيبو
بس
لان من الارجح ان النسيبة زاتها تكون مشمولة بالشكوي
اما زولك الغنا يا حبيبة لولا ربي وجهنم لقتلتك ودفنت نفسي
ان شاء الله ما يكون مفكوك لا هسي
في زمن رياح الجنة الهابه من التلفزيون قبلي وساحل
ولن يتردد في القتل بعد الان
| |
|
|
|
|
|
|
| |
nazar hussien
garjah
Tumadir
bint algazeira
فيس بوك
تويتر
انستقرام
يوتيوب
بنتيريست