كتب الكاتب الفاتح جبرا المتوفرة بمعرض الدوحة
|
|
 عيادة .............................استشارة ... تثقيف صحي.........على المنبر
|
لقد كان هناك مقترح بأن يكون كل اسبوع موضوع من ذوي الاختصاص لكني لا ارى ذلك على البورد
على العموم أنا أمد يدي لأاي استفسار عن الأمراض في حدود اختصاصي و سوف ادعم ذلك بالبحث و القراءة لكل من يحتاج
أنا تخصصي لسة ما تميته لكن ممكن أكون مثقفة صحية لغاية ما أتم
رسوم العيادة الكلمة الطيبة
و ما تخافوا بعدين بخلصها منكم لما أعمل مستوصف في السودان
تقبوا تحياتي و يدي الممدودة لكم
|
|
 
|
|
|
|
|
|
|
|
Re: عيادة .............................استشارة ... تثقيف صحي.........على ال (Re: ابوحراز)
|
يا ابو حراز
طبعا الجلطة أو ما يسمى بالحوادث الدماغية الوعائية
cerebrovascular accidents
هي واحدة من مضاعفات ارتفاع الضغط الغير متحكم فيه
uncontrolled hypertension
و هذه عبارة عن انسدادات في الاوعية المغذية لخلايا المخ و ذلك نتيجة لعدة انصمام جلطة من وعاء دموي بعيد او من القلب إذا كان به خثارات تتجمع نتيجة توسع الغرف القلبية خاصة الاذينات
و نتيجة هذا الانسداد يتوقف الامداد الدموي للخلايا الدماغية و بالتالي تموت و هي غير قابلة للتجديد ما يحدث تلفا في الخلايا العصبية
و تعتمد الاعراض على الشريان المصاب و المنطقة التي يغذيها و حجم هذه المنطقة المتأثرة
البعض قد يصاب باعراض عارضة تستمر أقل من 24 ساعة و البعض الاخر يصاب باعراض تتحسن حالته و البعض تسوء لو صاحب ذلك نزيف او زيادة في حجم الانسداد
البعض يعاني من ضعف الاطراف و الاخر من تأثير الجلطة يعاني من تأثر المهارة اللغوية او الذاكرة او الاتزان أو التحكم في التنفس
البعض ايضا يعاني من غيبوبة أو ضعف الذاكرة و غيرها من الاعراض
المهم في كل ذلك أنه اثبتت التجارب ان التحكم في ارتفاع ضغط الدم من الاسباب التي تقلل من حدوث الجلطات او الحوادث الدماغية الوعائية
اما بالنسبة لأنها تأتي في النوم فان الحالات قد تحدث في الساعات الأولى من الصباح
و لكنها قد تحدث في أي وقت
لك التحية
| |
|
|
|
|
|
|
|
|
|
Re: عيادة .............................استشارة ... تثقيف صحي.........على ال (Re: noha_g)
|
يادكتورة شكرا للعيادة المجانية بس ماتتعلمي الحلاقه في راس اليتامى هههههههه يكه
عندي سؤال عن الرمد الطبيعي هل له سن تنتهي به ام سوف يظل الى امد الدهر
سؤال تاني
مرض الكبد الوبائي اسمو في السودان ايرقان ولا قيرقان ماعارف صحي ده بيكون موجود في جسم اي واحد اصيب به من قبل
وتاني شنو ههههههه يكه
بس شوفي لي دواء لي لساني ده بيوجعني بالليل هههههه يكه
ربنا يوفقك في التخصص بس ماتخخصي طبيبة اطفال عشان اهلك ماقصرو معاك ولازم تكملي تعليمك ههههههههههههه يكه
زاتوووووووو
| |
|
|
|
|
|
|
|
|
|
Re: عيادة .............................استشارة ... تثقيف صحي.........على ال (Re: ALZOLZATOO)
|
الزول زاتووووووو
أولا اليرقان ليس بالضرورة ان يكون بسبب التهاب الكبد الفيروسي
عنده اسباب كتيرة منها تكسر كريات الدم الحمراء و التهاب الكبد و انسداد القنوات التي تصرف العصارة الصفراوية
أو حدوث ورم في البنكرياس يقفل القناة الصفراوية
المهم بالنسبة لالتهاب الكبد الفيروسي فهو أنواع تتم معرفتها او معرفة فيما إذا تعرض الشخص المصاب للفيروس بالكشف عن مضادات معينة للفيروسات
التهاب الكبد الوبائي ب و سي هما اللذان يبقيان في جسم الانسان او يتحول فيهما الانسان إلى حامل المرض أو تتحول الحالة إلى مزمنة أما التهاب الكبد أ فلا يحدث فيه ذلك
الرمد الطبيعي دا ما عنده سن معينة بنتهي فيها لكن قد يتحسن مع مرور عمر الشخص
| |
|
|
|
|
|
|
|
|
|
Re: عيادة .............................استشارة ... تثقيف صحي.........على ال (Re: noha_g)
|
بسم الله الرحمن الرحيم
اهل البورد ازيكم وعساكم طيبين
حال السرووور البورد بقي فيهو عياده كمان والله لكن تمام
لكن الصف طويل كده مالو يااخواني عشان ملح طبعا يادكتووره هسي كان سويتيها بقروش مابيجوا كدي يااخواني ادوني فرصه شنو يالزول زاتو ماصدقت قالو ليك في عياده هسي في زمتك لسانك دا د.نهي تسوي ليك فيهو شنو الا غايتو تقطعوا ليك وانت يابو حراز كمان مالك ومال الضغط الا يكون الملح الكتير رفع ليك الضغط اسمعها مني نصيحه وقالوا اسأل مجرب وماتسأل طبيب خلي الملح الكتير بتبقي كويس وامشي عرس عرسك بعدين العروس هي الضغطها بيرتفع
اها عاد انا دخلت ليك يادكتووره انا عاد عندي سحساحه ورحراحه وخمة نفس وشحتفة رووح وكان علي راحة كرعي ديل تقول مولعها ليك صاج وكمان عندي زوعه ولوعه وحميم ووجع في حقوي انت في معلوم هذا نامونه
اها يادكتوره انتي في سوي كشفيه عشان يشوف وين مكان مرض زييين وكمان اعطي علاج زين انا غايتو مستنيه العلاج لكن
افتكر دا الا بعد تتمي تخصصك وكمان تعملي
subspeciality
لانو مرضي دا في كتبك دي اظنو ماموجوود
| |
|
|
|
|
|
|
|
|
 Re: عيادة .............................استشارة ... تثقيف صحي.........على ال (Re: bint algazeira)
|
الغالية/نهي
لك التحية يامنتهي
هوي يابت الجزيرة والله انا خفت عديل كده من عيادة نهي دي قلت تعاديني ولا حاجة لانو العندك ده مابعالجو في مستوصف افتكر انو بعالجو في جنينةحيوانات ولا مزرعة
مماممكن ياخي خلونا نشكي امراضنا البسيطة والله يكفينا شره ويحمينا ويحمي البورد
المهم انا يانهي مرات بجيني قلق وشعور بالطراش وارتفاع في درجة الحرارة
وبتمني لو الارض لو تبلعني في اللحظة دي
تفتكري من شنو
سؤالي التاني
شوية كده كلمينا عن مرض الجمرة الخبيثة
لك كل كل الود
قاااااعد بس
النورس وصاحبة
| |
|
|
|
|
|
|
|
|
|
عيادة .............................استشارة ... تثقيف صحي.........على المنب (Re: noha_g)
|
نطاسة البورد
البارعة
نهـــــى
حكاية الجماعة يخشو العيادة بلاش دي
ماممكن
ايه رايك أقيف في باب البوست أجمع ليك من العيانين
ثلاتين دولار للنفر
واحد طبيب دخل بيتو وهو شايل ولدو
الضيوف سالوهو كنت وين قال ليهم
الولد عيان وديتو الدكتور
الضيوف ضحكو وواحد قال ليهو
يازول انت ماك دكتور
قام قال ليهم
أولادنا كمان بنلعب فيهم
سمعت او عرفت انو السودان ولبنان
في مقدمة الدول العربية
بالنسبة للوجبات التي يتناولها عامة الشعب
من قلة الكولسترول والدهون والمواد التي تضر بصحة الانسان
هل هذا صحيح
| |
|
|
|
|
|
|
|
|
|
Re: عيادة .............................استشارة ... تثقيف صحي.........على ا (Re: بت امدر)
|
الخوف المرضي هو نوع من انواع الاضطرابات التي قد تكون ناجمة من تجربة سابقة للشخص مع الموقع او الشيء المعين و هو انواع فمن الاشخاص من يخاف نوعا من الحيوانات او الحشرات او الاماكن العالية او الاماكن التي يتواجد فيها جمع من الناس و غيرها
يتم علاج هذه الحالات بالرجوع إلى الطبي النفسي و يعمي معه المحلل النفسي و الباحث النفسي و حاليا في الدول المتقدمة يكون هنالك مجموعات من الذين يشتكون من نفس الشيء و هو قد لا يعتبر مرضا بمعنى المرض و لكن نوع من الاضطراب المزعج
هذه المجموعة تشترك في حل مشاكلها عن طريق عرض تجربة كل منهم و بالتالي نقاشها و تحليل طريقة المعالجة
و هذا الشي يحدث تدريجيا أي المعالجة
| |
|
|
|
|
|
|
|
|
|
Re: عيادة .............................استشارة ... تثقيف صحي.........على ال (Re: noha_g)
|
خلاص ياجماعة انا ح ارد علي تساؤلاتكم الصحية اصلو الدكتورة غايبة والغائب غذرو معاهو رايكم شنو انا والله شاطر بس امتحنت ادبي هههههههه يكه لكن مافي مشكلة كل المشاكل ح نحلها ليكم واهم حاجة الواحد يكون مقتنع انو ح يتعالج عشان الواحد لمن يحس الاحساس ده الجسم بيفرز مضادات للمرض والله دي الدكتورة زاتها ح تتحير فيها وبعدين انا اخير ليكم من دكاتره كتار زمان كنا بنمشي مركز صحي المقرن في شارع الغابة واي مرض علاجو السلفه طوالي يلف ليك سلفه في قرطاس ويديك ليها مره مشينا تلاته من الحله بي امراض مختلفة وجينا شايلين قراطيس كلها سلفه هههههههه يكه اها الناس بقت لمن واحد يمرض يقوم يمشي ليهو اي زول من البيت عشان يجيب ليهو السلفه ويجي لكن القريبه الناس كان بتبقى كويسه هههههههه يكه ماعارف السر في كده شنو
خلاص ح نبدا معاكم واحد واحد ومافي زول ح يفحص دم ولا حاجه المرض ظاهر من وش الزول خلاص يازول دخل رقم واحد
هههههههه يكه
زاتووووووووووو
| |
|
|
|
|
|
|
|
|
|
Re: عيادة .............................استشارة ... تثقيف صحي.........على ال (Re: noha_g)
|
اها يازول انت منو
انا رقم صفر
ههههههه يكه انت بتلعب ولا شنو نحن قلنا رقم واحد تقول لي انارقم صفر
لا يادكتور انا اسمي رقم صفر
خلاص يارقم صفر اهم حاجة يارقم صفر تثق في الدكتور انا قريت الجامعة سته سنة بس كنت ادبي هههههه يكه لكن مافرقت كتير اهو كلنا طلبه كنا وبتشكتي من حاجات نفسية قلت لي
طيب يارقم صفر انت عندك اكتئاب نفسي وده بتنفع معاهو حبوب البروزاك تبلغ الحبوب دي وتواصل في العلاج لي مدة سته شهور خلاص الحبوب دي تقريبا بي 373 ريال للعلبة لكن مفعولها كويس وح تنوم كتير خلاص معاك سلامة
البعدو يجي داخل
زاتوووووو
| |
|
|
|
|
|
|
|
|
|
Re: عيادة .............................استشارة ... تثقيف صحي.........على ال (Re: noha_g)
|
قلت منو القاعد بره الاستاذ الموصلي طيب ماتدخلو ياحمار راجي شنو ده استاذ كبير تخليهو ينتظر بالصف اسع لو جه عسكري كنت قلت لي ده قوات نظامية الله يقطعك ويقطع يومك
امشي دخل الاستاذ الموصلي واعذر ليهو
اهلا يا استاذنا كيف الحال ياخي اتفضل خير انشاء الله والله لو عارفنك ح تزورنا كنا جيناك في محلك ياخي اها قلت لي الحاصل سببو العشاء
لالا يا استاذ بس زي ماقالو اهلنا زمان اتعشى واتمشى وانت اظن المسافة بين العشاء والنوم بسيطه عشان كده الاكل مابتهضم كويس وبتحصل ليك المشاكل لكن تاني حاول اتعشى قبل 4 ساعات من مواعيد النوم وح تنوم نوما عميقا بدون مشاكل كدي جرب الشغلانه دي بكره والعشاء يكون خفيف اوعك من القراصه في العشاء دي مابتتهضم الا يوم الجمعه هههههههه يكه
خلاص يا استاذ معاك سلامة نتمنى ليك العافية آمين
| |
|
|
|
|
|
|
|
|
|
Re: عيادة .............................استشارة ... تثقيف صحي.........على ال (Re: noha_g)
|
والله الكثير من الإخوة ردودهم حلوة وظريفة لكن الدكتورة ما جات وأنا الليلة نبطشي بدلها وح أجاوب بعض الأسئلة
بالنسبة للعشاء يا أستاذ فعلا كلامك صاح وثابت بالتجربة، أحسن الواحد ينوم خفيف
بالنسبة للرمد الربيعي فهو نوع من الحساسية غالبا تلحق بها التهابات بكتيرية كمضاعفات، وإذا كانت الحالة في طفل صغير فهي أحيانا تتحسن مع العمر وقد تزول أما العواجيز الزيكم ديل خلاص فات الفوات، وعليك بتجنب المثيرات كالغبار والزهور إلخ، واستعمال القطرة المضادة للحساسية ولا ننصح بالإكثار منها
أما إلتهاب الكبد الوبائي فهو بالفعل مرض فيروسي، وعدة أنواع، وقد يبقى كامنا في الدم زمنا طويلا دون أعراض لذلك نكشف عليه في الدم، مثلا لمن يريد التبرع بالدم، وهو أيضا ينتقل عبر الدم لذلك احذروا نقل الدم غير المفحوص واستعمال الحقن المستعملة
غذاء السودانيين أكيد خالي من الكولستيرول، بل من أي حاجة! ياخي ام رقيقة دي فيها شنو غير اللايوق، لكن بيني وبينكم لذيذة
بالنسبة للصدمة المخية فهي تحدث ليس فقط لناس الضغط ولكن لأسباب كثيرة، والحاصل أن احد شرايين المخ قد ينفجر وينزف أو يحدث فيه انسداد بسبب جلطة مثلا وفي الحالين يدخل المريض في غيبوبة ومشاكل، أما الضغط في حد ذاتو، فمرات برتفع لدرجة عالية مما يؤدي أيضا الي غيبوبة والمريض بشعر بالأول بصداع ودوشة لكن مرات كثيرة تحدث دون أي مقدمات
وربنا يديكم العافية دائما ويحفظكم
وكدي خلونا من كلام الطب الجاف دا وسمعونا الكلام السمح
| |
|
|
|
|
|
|
|
|
|
Re: عيادة .............................استشارة ... تثقيف صحي.........على ال (Re: Alsawi)
|
هوى ياناس سلام ..انتو لسه قاعدين
الدكتوره ماجاها عريس ود اعم ليها .... وحبسها فى البيت قال ليها جنى وجن النسوان البيتشحططن فى الشغل والعيادات ديل ..ومن الليله مافى شغل .... اها دكتورتنا ماصدقت ... لمت فى البيت زعيف وتنضيف وركيب ستاير .... وفتحت ليكم ... وسمعت تحت تحت كده انها باعت العياده للدكتور الجاكم قبل شويه ده ... ظنيت اسمو الصاوى
اها ... يلا يا نورس يا حزين ويازول زاتو والشباب كلكم شتتو
العياده بعد ده مابتنفع معاكم .... وحظك يا دكتورنا الجديد العياده حتتملى جكس ........0
قالت دايره اقرا
ديكو
| |
|
|
|
|
|
|
|
|
|
Re: عيادة .............................استشارة ... تثقيف صحي.........على ال (Re: noha_g)
|
ياديكو انت قايلنا نحن هاملين ولا هاملين الزول ده مسجل ليهو شهر بس ههههههه يكه ونمشي نتعالج عندو
بعدين نحن لازم نسالو
خريج ياتو جامعة وسنة كم وبعدين الدخلو للجامعة كان بالنسبة ولا بالبوكسم ههههههه يكه مايطلع خريج طب الفاشر ولا طب دنقلا ونروح شمار في مرقه سااااااكت نحن اي حاجة ولا صحتنا بعدين ياديكو انا كلامي ده كلو مزبوط بعدين الدكتور بالممارسة احسن من الدكتور بالشهادة ههههههههه يكه يادكتور هوي انا داير لي ممرض تشتغل معاي ولا اكلم اولاد الحلة يكسرو ليك اليافطه دي ويحرقو ليك المعمل زاتوووووووووو ههههههههه يكه
ماتفرح التهديد بالكسير والحرق مافي في قوانين البورد يعني قاعد ليك قاعد ليك ههههههههههههه يكه
ولك التحية
زاتووووووووو
يا سائلي عن حرفتي واضيعتي فيهم وافلاسي
ماحاك من درهم انفاقه ياخذه من اعين الناس
طبعا الزول بتاع البيت ده شغال طبيب عيون مارباطي
| |
|
|
|
|
|
|
|
|
|
Re: عيادة .............................استشارة ... تثقيف صحي.........على ال (Re: betalghaly)
|
لازم تعرفي ليه بالك ما طويل يا بت الغالي هل لأنها دي حاجة من مرض يعني الغدة الدرقية عندك سليمة و الا لا
إذا تأكدت من ذكل راجعي نسبة السكر في الدم إذا كانت حالات التوتر هذه تأتي في فترات معين من اليوم ربما تكون علامات لاتخفاض السكر في الدم
و هنالك اسباب أخرى لكن هذه هي الشائعة
و قد تكون في الغالب طبيعة فيكي فقط
تقبلي تحياتي
و لك المسنجر إذا أردت الاستفسار عن أي شيء آخر
| |
|
|
|
|
|
|
|
|
|
Re: عيادة .............................استشارة ... تثقيف صحي.........على ال (Re: cola)
|
كولا
نعم هنالك أنواع للكولسترول
اعتمادا على الكثافة يصنف إلى
منها
chylomicrons
و هذه غالبيتها ترايجليسريدات
LDL
يغلب عليها الكولسترول
VLDL
يغلب عليها الترايجليسريدات
HDL
يغلب عليها الفوسفودلبيدات
و هذا تتناسب نسبتها عكسيا مع الاصابة بامراض الشريايين
أسباب ارتفاع الكولسترول قد تكون تيجة لقابلية أسرية
أو نتيجة لنمط الحياة و تناول الوجبات الغنية بالكولسترول و عدم ممارسة الرياضة
أما انخفاض الكولسترول
فيمكن اولا اتباع نظام غذائي جيد خالي من الكولسترول
ممارسة نوع من الرياضة
و إذا فشلت هذه يلجأ الطب إلى استعمال عقاقير تعمل على إنخاف الكولسترول
اعراض ارتفاع الكولسترول
تترسب جزيئات الكولسترول على الاوتار العضلية و الجلد و العيون و الايدي وإذا صاحب ذلك أمراض اخرى مثل أرتفاع ضغط الدم او السكري قد يؤدي إلى زيادة نسبةحدوث انسداد الشرايين
ربنا يوقيك شر المحن يا كولا يا ولدي
| |
|
|
|
|
|
|
|
|
|
Re: عيادة .............................استشارة ... تثقيف صحي.........على ال (Re: bint algazeira)
|
يادكتورة..تعرفي سؤالي دا بطير من راسي ويفر كل ما ألاقي
الدكاترة البعرفهم..لكن هسع دي جاني وشمري للإجابة عليهو
عرفنا في ورقة المختبر أنو قراءة اليوريك آسيد العادية
بتكون بين 3 و7 وما زاد عن السبعة بخليك توقف اللحوم والفول
وتبلع الأليبنرول..عاوز أعرف لو الزول قدر يضبط اليوريك آسيد
لأقل من 3 المضاعفات بتكون شنو؟ صدقيني قدر ما قلبت في النيت
ما لقيت مجيب حتى الزول ذاتو ما حيقدر على الجواب
| |
|
|
|
|
|
|
|
|
|
Re: عيادة .............................استشارة ... تثقيف صحي.........على ال (Re: noha_g)
|
النورس الحزين
ربما يصاب الواحد فينا نتيجة إنفعال معين بهذه الاعراض و هي لا تعتبر مرضية إلا إذا تكررت و زادت عن الحد بمعنى أنها اصبحت تتدخل في الممارسة اليومية او العادية للشخص
إذا كانت أعراض عارضة فلابد من ملاحظة الاشياء التي تؤدي إليها مثل الجو الحار أو الانفعال أو الغضب أم تحدث دونما سبب معين
و كما يحتاج التشخيص إلى معرفة هل تعاني من اضرابات في نظم القلب أو الرعشة في اليدين او التعرق في الجو البارد نسبيا أو اضطرابات الجهاز الهضمي مثل الاسهال أو ما شابه
وإذا انتفى وجود مرض عضوي قد يكون ذلك نوع من انواع التفاعل النفسي مع الأحداث
لك التحية يا النورس
| |
|
|
|
|
|
|
|
|
|
Re: عيادة .............................استشارة ... تثقيف صحي.........على ال (Re: noha_g)
|
يا سلام يا دكتورة ذكرتينا روابط الجامعات واجازة الصيف
جعلها الله في ميزان حساناتك
عندي سؤالين
1)انا ادمنتني الجيوب الانفية وجربت كذا دواء لكن كلها تسكين وقتي والعملية شفت واحد صاحبي عملها ومافي تغيير كبير ما في دواء جذري ليها ومصيرنا انوا جدة ملوثة لدرجة مبالغ فيها في الصيف انا اكره حياتي منها.
2)عندي زميلة دراسة جاها فشل كلوي في الهند واخذت كلية من واحد هندي ولفظها جسمها والان هي تغسل كل يومين والان مشكلتها انوا في متبرع اختها لكن مناعتها لم تنقص عشان جسمها يتاقلم مع الكلية الجديدة ما في حل لانقاص المناعة وعمل العملية بسرعة او اي طريقة اخري.والله هي تتعذب من الغسيل.
ولكي خالص شكري وتقديري
| |
|
|
|
|
|
|
|
|
|
Re: عيادة .............................استشارة ... تثقيف صحي.........على ال (Re: انور عمر)
|
الدكتورة نهي لك خالص تحياتي وربنا يجعل العمل الخيري دا فى ميزان حسناتك
انا عندي سؤالين الاول احتمال الاقي ليهو علاج العمدة حقنا ابو حراز لانو هو بتاع اعشاب
يا ابو حراز انا عندي مرض حامد شوف لي كدي من عندك علاج
الدكتورة نهي موش العضو عندوا بطاقة ومسموح ليهو بعلاج عشرة من اسرتوا ملح فى عياداتكم دي
انا عندي ولد اختي عندوا الرمد الربيعي وعمرو 4 سنوات مشيت انا وديتوا لدكتور بتاع عيون اسموا عوض الباشا وقال لى احقنوا العيون يعني عملية صغيرة قال لي عليها وقال لي ممكن يتعامل مع العلاج دا وانشاء الله مافيهو خطورة الرمد الربيعي دا يعني ممكن بعد عمر الولد يوصل 8 سنوات بينتهي ممكن تاكدي لى الحته دي يا دكتورة نهي وليس لى ادني شك فى كلام دكتور اختصاصي العيون المعروف فى جميع انحاء السودان دكتور عوض الباشا فله اعظم تحيه
تحيات.........................واحشني
| |
|
|
|
|
|
|
|
|
|
Re: عيادة .............................استشارة ... تثقيف صحي.........على ال (Re: wa7shny)
|
الرمد الربيعي
spring catarrh
vernal conjuctivitis
هو عبارة عن التهاب في ملتحمة العين نتيجة تحسس او حساسية
يحدث غالبا في الافراد الذين لديهم تاريخ اسري للاصابة به و غالبا يكون في فصل الربيع او الصيف
الأعراض:
حكة في العيون
افرازات مائية
إحساس بعدم الارتياح عند التعرض للضوء المشع
الجزء السفلي من العين قد يصبح مغطا بالمخاط و يصبح خشنا
قد يصبح الجزْ الفاصل بين القرنية و بؤبؤ العين خشنا و ملتهبا و فيما إذا امتد هذا الالتهاب قد يتسبب فيمابعد في نقاصن حدة الابصار
و قد تكون هنالك بعض التقرحات في القرنية
العلاج
تجنب فرك العيون حتى لا يزيد التهيج
المكمدات البرادة قد تجدي في تخفيف الأعراض
اعطاء مضادات الحساسية في شكل عقاقير أو قطرات للعين
قكرة الكرومو جلايكيت تستخدم في العلاج ايضا
قطرة استيرويدات و ذلك لتخفيف الالتهاب و الاحتقان
عند فشل كل ذلك تأخذ في الاعتبار
استخدام الاستيرويدات كحبوب و تلك خطوة متقمة لأن هذه العقاقير لها مضاعفاتها
لست أدر ما الذي قصدته بحقن العين
و لكن من التاريخ لطبيعي للمرض
فإن البعض يحدث له شفاء تلقائي بعد فترة من الزمن
و البعض الآخر يتكرر عليه المرض ما بين 5-10 سنوات
لك التحية
| |
|
|
|
|
|
|
|
|
|
Re: عيادة .............................استشارة ... تثقيف صحي.........على ال (Re: انور عمر)
|
سلام مربع
دكتورتنا النسمه
التي تقطف الفجر
هوي يا ايها الرجال
اهرعوا الى مجلس الرجال
جاء وقت الحريم
شنو يعني ما تشوفوا ليكم
دكتوره حلوة وامورة
عاملين زي السعودييين كده
الواحد ما يصدق تعدي من قدامه (حرمه
عندي سؤال يادكتوره
والله الدكتوره بتاعتي خوفتني (مرة) اصلي بتعالج من
asthma
وباخد
combivent metered aerosi
وحاجات (شفع) صغار كده
وهذه الدكتورة الله يقدها
قالت لي ممكن تموتي ذات فجأة لو ماشلت معاك الدواء دا
ال يعني بتهددني
تفتكري دا بأثر على الامومة
فيما بعد ؟؟ ، يعني
هل هو مرض وراثي ؟؟
وتفتكري شنو العلاج الوقائي؟
والله انا متفاءلة جدا
ال يعني في حد حا يتزوجني
اصلي مطفشة كل الرجاله
وكلام لجيــمس
هو يا جيمس انت
بالله عليك لو انت عاجباك الخوجياتيه دي
امشي ليها براااك
بس بالله ما تحرض لينا الرجالة الفضلو
والله بت عم روبرتس العاجباك
دي ، كان شفتها وهي بتاكل في الخنزير ومصورة جمبو
والله تكره الدكتورة الولدتها ذاتها
م
| |
|
|
|
|
|
|
|
|
|
Re: عيادة .............................استشارة ... تثقيف صحي.........على ال (Re: shiry)
|
بسم الله الرحمن الرحيم
ليك التحيه
مش شغاله شغل عام؟ يعنى ممكن اجيك واحد عندو نفساوى؟؟ وتكونى انتى اخساويه نسويه؟ طبعا ده تعبير خالتى خجيجه؟ وهى فى الاصل خديجه؟
زمان فى السودان كانو بفتكروا انو ما ممكن زوول يقود طياره الا خواجه؟
فيحكى انو السودان اشتر ى طياره ذات محرك واحد وكان الطاقم سودانى
وحصل فيها عطل فنى فنزلت فى احدى قرى الريف السودانى واتموا الناس لانو ده حدث فكان سؤال الناس للطاقم السودانى اها ان شاء الله الخواجه ما مات؟
فما كان من الطاقم الا ان قالوا لهم نحن السايقين الطياره؟
فكان رد الحضور الطفيلى عشان كده وقعت؟؟؟؟؟
عذرا اسوق هذه المقدمه
لانو خالتى عندها مشكله مع الطبيبات؟؟
فىاعتقادها انو ما بفهمن الكلام خاسه الصادر من الحريم وخاسه ناس خالتى
بتقول فى احدى شكواتها الشحتافه ما فارقتها والسكاكين تملخ فى الجوف
ووجع الشراشيف عمل ليها وجع صفاق؟
وانو الدكتوره ده كله ما فهمتو ليها وحليلو د مبشر اريتو ولد البنات لى حدهن والله الكلام قبل ما تميهو تلقى الدواء فى التربيزه؟؟
دحين خالتى دى عندها نفساوى
والله دكتور مبشر ده قادر يقراء السلوك الاجتماعى
وعلى قولكم كميونتى ميدسن؟؟
ليك الود
والله لقيت العياده رايقه ومافى غفير منعنى
وما لقيت ممرض او سكرتيره دفعتنى دم قلبى؟؟
فقلت خالتى خجيجه دى اولى اسال ليها سبب الشحتافه دى شنو؟؟
انور
| |
|
|
|
|
|
|
|
|
|
Re: عيادة .............................استشارة ... تثقيف صحي.........على ال (Re: HAMZA SULIMAN)
|
مساء الخير دكتوره نهــى
والله بصراحه انا بتمتم والتمتمه دى ما عندى من زمان
ظهرت معاى تغريبا من سنتين كده يعنى بس كل مره بشعر بيها فى زياده ومرات بتعقد لمن بيكون فى ناس بيتكلمو فى موضوع وانا سا كت
لانو بحب اكون مشارك معاهم فى الكلام بس التمتمه دى عامله لى عقده
واذا حبيت اتكلم بكون جهزت الكلام العايز اقولو من من حوالى ربع ساعه وبعد المرات عندى سرعه فى الكلام وخاصه لمن اتناقش مع واحد او اكون زعلان ممكن تفهمى من كلامى وممكن ما تفهمى لانو سريع
اذا فى اى دواء او اى شى علاج ليه او مخفف وما هى المشكله
ملحوظه انا كنت مشهور بمحكات التمتامين قبل ما اكون مثلهم ؟
والله بغفرلينا ؟
ولكى شكرى الجزيل
ودالجزيره
| |
|
|
|
|
|
|
|
|
|
Re: عيادة .............................استشارة ... تثقيف صحي.........على ال (Re: anwar abu gaidaa)
|
سلام مربع
انور ابو قاده
اها ما كملت لينا شمار الطياره
انشاء الله ناسك ديلك جماعتك ما (نضفوها) ليهم
لمن عرفوا انهم وقعوا الطيارة
؟؟
طبعا اكيد لو الخواجة كان سايقها ماكانت وقعت
ماهو السودان كان ماشي كويس في امانت الله
اها شوف حالو بقى كيفن ؟
وموضوع خالتك دا
والله اصلي ماشايفه انها دايرها ليها دكتور
كان ركبتها ليموزين ووديتها (حراج الصواريخ)اتخيل
بتلقى ليها بنغالي ولا هندي يعمل ليها
سحارة نصها حديد والنص التاني رخام وشوية خشب
اها ايه رأيك بالله (رأي الطبي)دا موش بالله احسن من دكتور مبشر بتاع خالتك دا
؟؟
هو الدكتارة بالله بعمل شنو غير يقروا الوصفة الطبيه في الدواء
ويقومو يقروا ليك انت ؟؟
والله هسع تزعلوني تخلوني اقوم الم كل النشرات الفي الادوية
واحفظها واجيكم بكرة دكتورة
وكمان استشارية في امراض القلب والشراييين
ولا ايه رأيك
يا استاذنا حمزة سليمان
بالله موش انفع دكتورة في الكونفوتوار؟؟
| |
|
|
|
|
|
|
| |
noha_g
رقم صفر
ابوحراز
james
Elmosley
ALZOLZATOO
bint algazeira
النورس الحزين
khal fatma
garjah
cola
rummana
bamseka
ودالجزيرة
WAD ELGAALI#4
banadieha
مهاجر
انور عمر
wa7shny
shiry
HAMZA SULIMAN
Ahlalawad
فيس بوك
تويتر
انستقرام
يوتيوب
بنتيريست