|
ياجماعه ام در بتقرءكم السلام وبتقول ليكم
|
السلام عليكم
فى هذا المساء الوردى وحينما أكون معكم احس بدفء الكلمات وهو يتسرب من مسام الحاسوب
رغم بروده الجو الشديد،احس بدفء مشاعركم الاصيله وهى تحيط بكيانى ،فتتفجر المشاعر
مرهفه نقيه وتسترسل الحروف لتتكلم بكل صدق عما اكنه لكم من ود
أحبائى وكما تعودنا معكم ان نكون يدا وأن نساعد بعضنا بعضا فى الافراح وفى الاتراح
ابت نفسي الاان اعلن لكم بأن اختنا ام در علي ابواب امتحان من اصعب الامتحانات فى
الطب الاوهو التشريح فأرجو منكم رفع الاكف مبتهلين لله عز وجل لكى يزلل لها الصعب
وتتفوق فى امتحانها ويكون عليها بردا وسلاما
وهى بالمناسبه ترسل عاطر التحايا القلبيه لكم
ودمتم
|
|
|
|
|
|
|
|
Re: ياجماعه ام در بتقرءكم السلام وبتقول ليكم (Re: مشتاق)
|
السلام عليكم مشتاق
المشتاق ليه دا شنو يامشتاق اخوي؟؟ الله يديك العافيه ويزيل عنكم البرد الشديد ياناس اوربا قلوبنا معاكم نحن شوية البرد العندنا دي جننتناوبقينا ماعارفين نتحرك الله ينجحك ياام در يااخيتي وتنجحي بتقدير ممتاز مش في التشريح بس في كل المواد كمان امين يارب
| |
|
|
|
|
|
|
Re: ياجماعه ام در بتقرءكم السلام وبتقول ليكم (Re: مشتاق)
|
المتفرد خواض
والله نفس الشعور اتمنى من الله ان يجمعنا فى ساعه خير فى سودان الخير والله ياخواض حاسس انو بعرفك من زمان
وتحاياك وصلت
العزيزه بت الجزيره
مشتاق للوطن وللناس الحلويين الزيكم
وبردنا خليهو ساى دى الجليد مغطى المكان كلو
والله تقبل دعواتك
sweetheart
شكرا على المشاعر الرقيقه وتقبل الله دعواتك
| |
|
|
|
|
|
|
Re: ياجماعه ام در بتقرءكم السلام وبتقول ليكم (Re: azza)
|
مشتاق لك الود بقدر ما فى نفسك من جمال حملتك السلام , بلغته لكن خوفتنى , مش بيقولوا اسال مجرب لسة فى تلاتة اسابيع على الامتحان وربك يسهل ممتنة ليك , وربنا يوفقك وتتم الشهور الباقية ليك على خير
اخى الخواض شكرا على تحاياك وربنا يسمع منك
بت الجزيرة لك التحية يا ستى انا والله ناس الجزيرة ديل بحبهم كدة لله فى الله يديكم الف عافية
سوييت .. التقيتك فى بداياتى مع البورد لكنك مقلة فى البورد حلوة عندك كلمة يا ناس تسلمى يارب
غدى يا غدى والله انا الماعارفة اقول شنو صوتى فيه محنة , عشان انتى بتقدرى المحنة يبقى منو الحنان الكون فيه اتكوم انت رائعة .. بحق رائعة احبك لوجه الله , واملى ان نلتقى
الاستاذ مارد لك تقدير يليق بمقامك الكريم وتسلم على امنياتك الطيبة
قرشو ... لو قلت اقول شكرا اقولها على شنو ولا على شنو بحسها كلمة عاجزة , ولا انتو الخيركم كتير !! انت واعدنى بدعوات كتيرة , وانا بطمع فى اكتر تحياتى لام متوكل والصغير
موديك - حفيد الزعيم سعيدة جدا بالصدفة الجميلة والمعرفة الحلوة لما انت دخلت البورد , وانا كتبت ليك كلمات ترحيب كان ردك على ; كانك بتعرفينى رغم انى ما كنت بعرفك لكن شاءت الظروف ونكون اهل كمان ما بعرف !! لكن لولا البورد ما كنا حنلتقى
عزة .. معليش ما شاءت الظروف ارحب بيك والتقيك فى بداياتك على البورد شكرا ليك على التحية ودعواتك *********** ولكم جميعا حبى
| |
|
|
|
|
|
|
Re: ياجماعه ام در بتقرءكم السلام وبتقول ليكم (Re: مشتاق)
|
مشتاقون و بنا لوعه كما يقال.... تحياتي يا مشتاق و املي ان تكون في كامل الصحه و العافيه في هذا البرد القارص....وتحياتي لام در ربوع سودانا...وقول ليها....شدي حيلك لكن،ما لدرجه انو ينقطع......والشكر ليك
تحياتي Solara..
| |
|
|
|
|
|
|
Re: ياجماعه ام در بتقرءكم السلام وبتقول ليكم (Re: مشتاق)
|
العزيزه غدى
بارك الله فيك وجزاك كل خير
وبالمناسبه انت غدى بالالف المنقلبه ياء ولا بكسر الياء؟
مارد
لاشكر على واجب مودك
والله ام در دى لها معزه خاصه لدينا اتمنى ان تكون بمثل محنتها
كما قالت غدى
الاستاذ قرشو اخترقت تحاياك القلبيه حاجز المسافه وقلوبنا
وتلقفناها بكل موده واجلال لشخصكم الرائع دائما
وجزاك الله خيرا
عزه ايتها البنت الوطن
لاأدري ما الذى يدفعني دفعا اليك
ماالذى يجعلنى حزينا حين ارتاد التسكع في مرآيا وجنتيك
وان شاء الله نكون على اتصال
منعم
ان اسمك على اسم ابي لذلك اكن لك موده خاصه
وصلت تحياك وربنا يتقبل دعواتك
سولارا
ايتها الرائعه
بوجودكم للبرد طعم دافئ وشوقنا ماسوره محلوجه عديل كده
اتمنى ان لاينقطع حبل الود بيننا
| |
|
|
|
|
|
|
|