|
|
 محمود ود زايد !!!!!!!! ؟
|
سكان البورد الكرام
اعود والسؤال مرة اخرى مشرع , من منكم يعرف محمود ود زايد , ولو ذكرت عبارة اقترنت باسمه لربما عرفتموه
|
|
 
|
|
|
|
|
|
|
|
Re: محمود ود زايد !!!!!!!! ؟ (Re: Shinteer)
|
طبعاً بنعرفو
زي ماقال ليك شانتير
جدي لزم
هو شيخ قبيلة الضباينة
معروف بكرمو وشجاعتو
قدحو لي الليلة في بيت الخليفة
خاض حروب ضد الخليفة عبد الله جرت الويلات على قبيلة الضبيانة
عندو عين مصرورة
قالوا الخليفة قال ليه
ما تفخت لينا عينك دي
قال ليهو انتو دي ما مليتوها نفتحلكم التانية
بالمناسبة صرة العين باقية في تربو لحدي الآن
| |
|
|
|
|
|
|
|
|
|
Re: محمود ود زايد !!!!!!!! ؟ (Re: Shinteer)
|
طبعاً بنعرفو
زي ماقال ليك شانتير
جدي لزم
هو شيخ قبيلة الضباينة
معروف بكرمو وشجاعتو
قدحو لي الليلة في بيت الخليفة
خاض حروب ضد الخليفة عبد الله جرت الويلات على قبيلة الضبيانة
عندو عين مصرورة
قالوا الخليفة قال ليه
ما تفخت لينا عينك دي
قال ليهو انتو دي ما مليتوها نفتحلكم التانية
بالمناسبة صرة العين باقية في تربو لحدي الآن
| |
|
|
|
|
|
|
|
|
|
Re: محمود ود زايد !!!!!!!! ؟ (Re: الجندرية)
|
الجندرية
والله لك التحية
والرجل كما قلت . وحسب علمى سكن هذا الرجل فى (قبوب ود زايد) وعرف بالكرم وقدحه الشهير وكان له مواقف مع الخليفة عبد الله التعايشى .وقد تغنى بذكره الركبان . وقد قال فيه احدهم
ما هو اللضينة الهوشة دارلو جحازة
محمود ان نتر فى اللمة برمى جنازة
هنيئا لك بجدك والذى ترك اثرا لا يمحى فى الذاكرة الجمعية السودانية
ولكن السؤال هو , هل يتكرر مثل هذا الرجل وقدحه
| |
|
|
|
|
|
|
|
|
|
Re: محمود ود زايد !!!!!!!! ؟ (Re: ازرق)
|
((يا أيها الناس إنا خلقناكم من ذكر وأنثى وجعلناشعوباً وقبائل لتعارفوا إن أكرمكم عند الله أتقاكم)) صدق الله العظيم ..
أزرق سألت عن رجل الرجال قليل ..
شنتير .. صح لسانك وما عليك زود ..
عزيزي يكلمك أحد حفدة محمود ود زايد ..
محمود زايد آل نهيان : هو أحد أبناء عمومة آل نهيان مشايخ أبي ظبي .. فهم جميعاً خرجوا من اليمن من دخل السودان ومنهم من توجه تلقاء ساحل الخليج العربي وقد أسسوا إمارة أبي ظبي .
وهو من العرب الذين دخلوا السودان من البوابة الشرقية (باب المندب) واستوطن ما بين نهر عطبرة والنيل الأزرق .. وبلدته الأساسية هو تومات ود زايد .. عايش في زمانه من مشايخ الشكرية أحد أبناء أبي سن .. ولهم سجال وكلام جميل لا يتسع له المجال هنا ..
وقد مر به الملك نمر وهو في طريقه إلى الحبشة في بداية حكم الأتراك .. وقد أسدى له نصحاً بأن يترك ذريته في التومات ويذهب هو ورجاله حتى يتأكد من أمن المنطقة ثم يعود لأخذهم وقد فعل الأول ووثق له كريم الضيافة في الأشعار والسير ..
كانت قبيلته -الضباينة - ممتنعين عن دفع الضريبة للأتراك وكان فرسان خفاف شديدي البأس (أقرأ إن شئت كتاب ضرار صالح ضرار)
وله مع خليفة المهدي عبدالله .. صولات .. فقد سجن إبان عهده مع عدد من مشايخ القبائل وأطلقوا مع دخول طلائع جيش الغازي كتشنر إلى شمال السودان .
ويحكي أن الخليفة أمر بإحضار قدح محمود ود زايد إلى أم درمان .. وقد حمل على جمل بعد أن شق إلى نصفين .. فقال له الخليفة كيف بتملأ القدح كله آ عربي فقال (( أنا زمن مليء فات أملاه إنت آ ود الغلفاء)) كان رجلاً جم الكرم شديد البأس لا يعرف الخوف تهابه حتى الوحوش فكان يحضر صغير العنزة وحديثة الولادة والعنزة حيوان شرس وأشرس مافيه أنثاه وأشرس ما تكون وهي في حالة ولادة حديثة .
وقد كان لقبيلتنا نصيب الأسد من ظلم الجيش العائد من الحبشة والذين عرفوا بالجهادية فقد استغلوا سلاحهم الناري مقابل السيوف آنذاك وروعوا الأهالي وقتلوا الرجال بقوة السلام الناري . لذلك تجد قبيلة الضباينة جزء كبير منها موزع في الجزيرة والقضارف .. موطنهم الآن التومات وشاشينة وأم شجرة والقضارف .
قدح محمود ود زايد الآن موجود في أحد متاحف لندن بعد رحله الإنجليز إلى بلادهم .. وتوجد في بيت الخليفة القداح الصغيرة التي كانت ينقل بهاالزاد لعبأ بها القدح الكبير .
وقد زارت أحفاده المرحومة عائشة الفلاتية وأكرموها وقالت فيهم أغنيتها (يا سمسم القضارف) .. أرضهم الزراعية تسمى القبوب .. وهي تنتج أفضل أنواع السمسم في العالم .
شيخهم السابق محمود ود زايد الحفيد .. توفى حديثاً وخلفه عوض الكريم ود زايد ناظراً وشيخاً للقبيلة .
وهناك الأشعار الكثيرة التي تذكر مآثره ومواقفه من إكرام الضيف ونجدة المظلوم وإغاثة الملهوف .. ألا رحم الله الشيخ محمود ود زايد ..
شيء قليل عن ود زايد شحم أبل الدرر ..
أخوكم جـــاد
| |
|
|
|
|
|
|
|
|
|
Re: محمود ود زايد !!!!!!!! ؟ (Re: ازرق)
|
سلام لكم جميعا
نعم الرجل كان فارسا من فرسان السودان. وحقيقة معارضته لحكم المهدية يوضح أن الشعب السوداني يحب السلطان العادل حتى لو كان كافرا ويكره السلطان الجائر حتى لو حكم بإسم الإسلام. ولكن قصته مع الخليفة ومعارك الضباينة تؤكد لنا أن تاريخ القبلية التي أزكى أوارها الحكم التركي كانت سببا في عدم توحد قبائله فهل يتخلص منها السودانيون اليوم؟؟
هذا هو التحدي؟؟
هل يتفقون على معارضة القوانين الإسلامية، المهدية الجديدة؟؟
هذا هو التحدي الأكبر..
لقد مدح شاعر الشكرية إبن الناظر الذي ما زال طفلا على عهه المهدية مشبها له بالأسد قائلا:
إنتا ماك الصغيّر ضيعة
وأمك في الحريم ماها المرا السمّيعة
نترة سدر أبوك اللي الرجال لوّيعة
وإنت كان كبر جنبا تقلب البيعة
والبيعة هي بيعة المهدية
والأمل ليس في تكرار مثل أؤلئك الفرسان بطبيعة الحال وإنما في ارتفاع الناس عن القبلية وعن العنف والحرب واللجوء إلى الفكر وحكم القانون في معارضة الحكومات الجاهلة الحاقدة مثل حكومة الجبهة.
حقوا نتلم ونرفع قضية ضد البشير وجماعته في محاكم العدل الدولية
إيه رأيكم؟؟؟
وسلام يا الجندرية
عندنا واحد كان مقبوض في اليمن بالخطأ وأفرج عنه أخيرا ونحن كلنا محتفلون به..
تصدقي كانوا معتقلنو مع واحد متهم بأنه من القاعدة؟؟ الشر بره وبعيد..
وسلام يا أزرق
أزرق طيبة
هل تعرفه؟؟
إنه الشيخ يوسف أب شرا وسمي بذلك لأنه من أم زرقاء من جنوب السودان الحبيب
وقد قال فيه مادحه
البدر السرا
في الكون نورا
حباب يوسف
القطب اب شرا
البارم انبرى
القط ما افترى
حباب يوسف
القطب اب شرا
كان بيعو وكان شرا
إرشاد للورى
حباب يوسف
انتظروني بعدين أسمعكم ليها بإنشاد واحد من الجمهوريين.
فهل من مثني؟؟؟
| |
|
|
|
|
|
|
|
|
|
Re: محمود ود زايد !!!!!!!! ؟ (Re: ازرق)
|
مرحب بيك يا جاد .. و الله اثرت في شجن بذكرك القبوب و التومات. تصدق يا اخي جاد .. انا من مدمني الغربة و محبيها .. رغم احساسي بالارتباط المكاني. لكن اي مكان؟
هذه الاماكن .. ذكرها ينتزع مني الحنين انتزاعا
إن شاء الله يا جاد أجيب ليك كلام موزون مقفى بعد أن اخلي جانبي مما انا فيه الساعة
ليك مني واحدة على عجل
سروج محمود و أب قنبيل مع المصران
بدن متّمسحات في العالي و الخيران
سهول دميات رون خبّن بهن ديران
غنيم و أبّول .. و انعقد البقير كيران
أبّول دي طبعاً جمع كثرة أو جمع تفجيخ لكلمة إبل .. عشان ما نمش بعيد. و البقير أيضاً جمع تفجيخ لبقر
| |
|
|
|
|
|
|
|
|
|
Re: محمود ود زايد !!!!!!!! ؟ (Re: ازرق)
|
شنو يا اهل العوض .. يعني اخليها غفل كدي لحد ما يقولوا الزول ده بعمل في شنو؟
كلام ياسر صاح .. الترجمة على الشريط مهمة .. انت قايل الناس كلهن أهل العوض يا اهل العوض
بالمناسبة يا ياسر .. يبدو لي انو ازرق طيبة هو الشيخ عبد الباقي .. لان الشيخ يوسف اب شرا من مشايخ أبو حراز الغربية بالتحديد
| |
|
|
|
|
|
|
|
|
|
Re: محمود ود زايد !!!!!!!! ؟ (Re: Shinteer)
|
كلامك صاح
لكن الناس يطلقون إسم طيبة على كل بقع الدين
ويطلقونها على المدينة المنورة بصورة خاصة ويظهر ذلك في كثير من مدائح حاج الماحي مثلا
ودعنا نقول بأن أزرق طيبه هو كل أزرق صالح في بقعة صالحة طيبة وما اروع السودان وأبي حراز وطيبة
| |
|
|
|
|
|
|
|
|
|
Re: محمود ود زايد !!!!!!!! ؟ (Re: Yasir Elsharif)
|
ٍسلام جميعاً
ود العم جاد كيفك
طبعاً قطعت قول كل خطيب
خاصة لمن الخطيب تكون معلومات مش ولابد
بس ياخي انا اعرف انو الضباينة ليهم شوية عقاب في ام ثلاثة وام مطالة
ونحن في رفاعة
ديم لطفي مقسوم تقريباً بين الركابية والضباينة
وفي شوية ارحام وقرايب في الغرب يعني في المدينة عرب وغيرها
تحياتي يا بن العم
| |
|
|
|
|
|
|
|
|
 Re: محمود ود زايد !!!!!!!! ؟ (Re: ازرق)
|
الاخ ياسر تحياتي
اود ان افيدكم علما ان الشيخ يوسف ابوشراء هوشيخ عموم العركيين و والدته من اهل البطانه شكريه وهو تزوج بنت اختها من عيال شيخ العرب ابو سن
اما المزكور في ازرق طيبه هو الشيخ عبد الباقي ابن الشيخ حمد النيل
فعزرا انا كنا اخطانا
| |
|
|
|
|
|
|
|
|
|
محمود ودزايد (Re: ازرق)
|
الجندرية والله جدك حربى
لكن فتحتى لينا باب لانو عرب السودان ديل اى واحد بيجر نسبو لحدى العباس والبيتواضع شوية بيقف عند الزبير ابن العوام
| |
|
|
|
|
|
|
| |
Shinteer
الجندرية
Ahlalawad
JAD
Yasir Elsharif
abas
mohmmed said ahmed
فيس بوك
تويتر
انستقرام
يوتيوب
بنتيريست