|
فاتحة 2003 حميــــــــــد عضو بيننا...فما أسعدنا
|
اضافة ....ووطن يسكننا من جديد...شاعر ظل مخاض قصيدته العسير وطن وانسان...لا يحتاج الى تقديم منا...فهو يسكننا... وهذا المسكون بالوطن..أعطى منبرنا روعته وتميزه... وانطلاقته نحو كل هدف مرجو مرحبا بشاعرنا المبدع محمد الحسن سالم حميد
تحياتى ودعزة
|
|
|
|
|
|
|
|
Re: فاتحة 2003 حميــــــــــد عضو بيننا...فما أسعدنا (Re: wadazza)
|
النخلة ـــــــــــ
النخلة في الليل المهول وِِحِّيدا في عِز الرياح فارس يدارِق في الرماح الجايّه من كلِّ إتجاه رغم الجراح شُح ألمِي والزاد والسلاح راكز .. يصول لا أنّة .. لا حنىللجباه لا خان بصيرتو الإنتباه لا حتّى قال ديل المغول و لا ختّا آه على عز قديم روّح عجول ... طوّل مداميك الصبر سدّابه شُرمات النباح كل ما نزف من جوفو دم كل ما عزف لحنو الصباح ... نجم الميامين الحِمِش ينضارى شان تشرف شمش تدّي الحياة الناس .. الحقول الدابّة .. والطير والبمِش لكنو ماب يخبر أفول ... والأرض مخلاية التعب مصلاية العِشق الصعب ماب تستباح زي نخلة في الليل المهول كانت بتختبر الفصول كانت بتمتحن الرياح كل ما تطول ... ... والدنيا خوف عابر يشوف عنف الرياح × النخلة ولاّ النخلة × عنف الرياح × ليل مهول ... ... طوّالي راح يحلف يقول النخلة ماب ترجى الصباح والطيّب الصابر سنين راجيها باكر حقُّو راح لا فكَّ دين لا سدََّ جوف رزقو المعلَّق في السبيط مشهادو أصبح بيّنَ بِين فالنخلة ماب ترجى الصباح ؟! ... ... لكِن ضراعاً في البلد عارف عروق النخلة وين خابِر صمودا المِن متين ضامن ثبات ساقه الهطيط سامع مناتقة الرياح ساكِت صياح النخلة ماب تقدر تخون الأرض ماب تقدر تكون غير المراح لي همبريب يغشى البيوت عند الصباح نُص النهار عند المغيب وشان تدِّي ضُل والصيف غريب تاخد الهجائر بارتياح ... عِز الرياح النخلة تنجاسر تصون عِش الطيور البينا تفرِد للجناح ترقص تميد الساق هطيط والجو براح وفي الأرض ماشي عرِق بعيد ... ييبس جريد ينحت سبيط والنخلة تشده بالجريد النخلة تتعِب في اللقيط النخلة ياها النخلة لاب تعرِف تخاف قِل المطر تُقل الجفاف لا فتوة الريح العبيط طوَّالي في أجمل وشاح وكل الرياح فوقا بِتمر ومن كلِّ أصناف الرياح النخلة ماب تخبر خلاف ريح اللقاح والهمبريب ريح الصلاح ... ما ليها غير تطرح تمور تملأ الشواويل والقُفاف ينتمَّ زين ينحلَّ دين يطلق ضهر زولاً بسيط واقف على حد الكفاف ومن ركَّة الرزق المتاح رزقو المعلّق في السبيط ينزل كم الطير الخفاف يقدِل نشيط يخضرَّ زي شتل الضفاف كلما النشاف بدأ في السبيط ... والنخلة لو عنف الرياح الصاقعة .. أهوال الفصول .. البودي آفات الذبول .. قِدرن على ساقه الهطيط تقع .. وآب تموت روحا المدردحة ماب تفوت جسدا المعمَّر بالخلود ... تلقاها خشَّت في البيوت وبي كل صراح تقروقة سجَّاجة طهورة طبق من العرجون ضِنيب هبّابة طاب .. طبْطابة قُفَّة .. وكَسْكَسِْيكَة حبل متين فتلوهو في ضل الدليب نشلوبو من بئر للشراب نسجو بُو بنبر .. وعنقريب .... تلقاها خشّت في البيوت جوبيل جريد يعرش سقوف بيتاً جديد أول دخلتو عريس سعيد مبسوط يقرقر بانشراح ... أو حتى واقوداً تقيدو السمحة في نار بارتياح لي يوم عزيز يطلع خبيز دكّاي صُفاح يطلع ملاح برُّوبو ناساتاً ضيوف أو زول وراهو شغل بعيد يمرق قهيوتو وشاي صباح ... ... ... آخر المطاف والموت بيشرق نسمة في كف الصَبا الموت بيسر ق بسمة من شال الصِبا وتوب الزفاف النخلة ترباية العباد بجلاله تتحول رماد ورمادا يتحول سماد وسمادا يدخل كم بلاد وديانه تخضر والبطاح ... ... شوف كيف كفاح النخلة يوت لا حيله تتحدّى الرياح تصبر على مُر الحياة وتتمطق الموت بي جلد من بعدِ ما ملَت البلد شتلاً معمِّر بالألوف شايل مخلِّف بارتياح طول المصير النخلة حوت الصحراء أو جدي الجروف تلقاها مرتاحة الضمير ... يكفيها دا ويكفيها صاح بجراحه رجَّتنا الصباح يا القلتُّو ماب ترجى الصباح النخلة تحت الواطة سِر والنخلة فوق جهرة نصاح والأرض أعمق ما تكون والجو براح ... ... يكفيها صاح عِز المطر عز الجفاف ما استسلمت لي ريح غريب وكلّ الرياح فوقا بتمر ومن كلِّ أصناف الرياح النخلة ماب تخبِر خِلاف ريح اللقاح والهمبريب يا معوِّض الليل بالصباح يا معوِّد النار اللهيب روِّض نخلنا على الرياح وفي لجة البحر الغريب أدَّ الرواوِيس الصلاح .
-------------------------------------------------------------------------------- محمد الحسن سالم حميد
| |
|
|
|
|
|
|
Re: فاتحة 2003 حميــــــــــد عضو بيننا...فما أسعدنا (Re: wadazza)
|
كل واحد منا يرحب بي حميد حسب طريقته وربماهذا هو البوست الرابع الذي ارحب فيه بحميد في اقل من نصف ساعة وطبعا هذا يوضح منزلة الاستاذ حميد عندنا وهو الذي كان يشكو قبل فترة من عدم التواصل مع معجبيه ومستمعيه الان اصبح الطريق سالكا لملاقاة حميد يوميا اذا اراد فقط كانت نتقصنا الوسيلة والحمد لله توفرت مرحب بيك الف مرة ياحميد
| |
|
|
|
|
|
|
Re: فاتحة 2003 حميــــــــــد عضو بيننا...فما أسعدنا (Re: Elmosley)
|
سوّاها دَعْموشة تَلُّوشة .. ولا ضفاف بارِك عليها جفاف بي ريحُو مَقْشوشة وزي صرخة الغرقان في الفاضي عِزْ فيضان شعراته .. منفوشةمرحب بالاسـتاذ حميد..مرحب بحر العطاء..مرحب بمن شكل جزء كبير من دواخلنا..مرحب بمن علمنا ان الشعر قضيه لك التحايا مبدعنا ولك الشكر ود عازه
| |
|
|
|
|
|
|
Re: فاتحة 2003 حميــــــــــد عضو بيننا...فما أسعدنا (Re: wadazza)
|
نجمنا المتألق ود عزه ..كلما تسطع فى سمانا وسماء البورد تطل بنور مشرق يبهر الجميع ولكن طلتك هذه المره ومن المفاجأة الدهشه قد تسمر جواى كل شى.. فالشاعر حميد تقف امامه كل الكلمات عاجزه عن التعبير.. وساكنه بلا حراك.. فهو الوحيد الذى يعرف تمام كيف يلعب بالحروف وكيف يعصر العاميه لتخرج لوحات رائعه رسمها بكل دقة لتولن سمانا بخضرة الجروف وتعطرنا بطين البلد وتمطرنا هشاب وتروينا من نيلنا العذب ونشتم رائحة نخيلنا وتضىء ساحاتنا ببياض ناصع كلوزة القطن احيانا تضيق العبارة ايها المبدع حميد مرحب حباااااااااابك وكل سنه وانت طيب وسنتنا فى البورد والله من هسه وبى قدومك مشرقة ومشرقة ومشرقة الم اقل لك انك نجمنا يا ود عزه
كل سنه وانت والجميع بالف خير
| |
|
|
|
|
|
|
Re: فاتحة 2003 حميــــــــــد عضو بيننا...فما أسعدنا (Re: wadazza)
|
هى فاتحة خير لا شك فى ذلك ...وانشاء الله هذا الخير يعم ويشمل السودان ويتم التغيير بسلام ونرجع لى عزة يا ود عزة ونلاقيك هناك ونلافى حميد وكل الاحباب ...انا كنت فى حيرة من امرى فى كيفية الاتصال بالصديق حميد والحمد لله انه الان بيننا ..واتوقع منه رسالة على الماسنجر
| |
|
|
|
|
|
|
Re: فاتحة 2003 حميــــــــــد عضو بيننا...فما أسعدنا (Re: منعمشوف)
|
الجميل ود عازة
انه والله لمن دواعي سروري وفخري ان يتزامن تسجيلي بالبورد مع تسجيل ـ ثروتنا القومية ـ المبدع الضخم محمد الحسن سالم -حميد- الذي علمنا كيف يشمخ المبدعون حين يتضاءل المدعون. وتكون اول كلمة لي بهذا البورد لود عازة السمح
وكمان ترحيبا بحميد .........يا للهووووووووول
البصير
| |
|
|
|
|
|
|
|