انظر الى التلفاز و ما يبث فيه المدارس و ما يدرس فيها النشاطات الثقافية في المدارس الدورات المدرسية و ما تفرز رغم اني اعلم مجهودات العديد من الاساتذة الذين كانوا و ما زالوا يناضلون لتدريس تلك المادة المفقودة مادة التربية الوطنية استخدام لفظ مادة مفقودة لا يعني ان يطبع لها كتاب و تدرس كلا بل انها قدوة تراها في من امامك انها عمل ولا تدرس بل تلقن
و لا نريدها مادة لكي لا يحدث معها مثلما حدث مع مادة التاريخ فقديما كنا ندرس مادة التاريخ و في اخر الدرس كان يسالنا الاستاذ فهمتوا ايوه فهمنا لكن ما وعينا كان الاولى يقولوا وعيتو الدرس واضعنا حصة التاريخ
ان ابنانا يستيقظون بي المارشات العسكريةو دفاعنا الشعبي الماعارفين ذاتو بدافعو عن منو انهم يشوهون الاجنة ومن ينجو من مرحلة الاساس و الثانوي و يصل الجامعة يجد القهر و قطع الحبال الصوتية
جعلوا لقمة العيش هي الهم و وووو وللحديث بقية نواصل
01-11-2003, 03:20 PM
Modic Modic
تاريخ التسجيل: 12-19-2002
مجموع المشاركات: 872
مالكم يا جماعة عايزننا نفتح نار شاملة القصة اعقد المشكلة انهم بشوهوا الاجنة والناس الكبار على حد سواء ديل بشوهوا فى تاريخنا كله فى زول فكر قبل كده يغير اسم جامعة الخرطوم ولا فى زول فكر يغير اسم كوبر ولا فى زول فكر يغير اسم السوق الافرنجى ولا فى زول فكر قبل كده انه ميدان الامم المتحدة فى الخرطوم ممكن يكون ما ميدان الامم المتحدة ولا فى واحد كان متوقع انه ناس نكرات زى الموجودين فى الحكومة دى يكونوا جزء من تاريخنا ممكن نعمل مسابقة بمليون جنيه ونسأل عن اسم وزير المالية فى السودان تكون الاجابات الصحيحة خمسة و الباقى كله غلط لانه مافى زول عارف اسماء الجماعة ديل الله يهون الله يهون
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
Modic
ABUKHALID
فيس بوك
تويتر
انستقرام
يوتيوب
بنتيريست