كتب الكاتب الفاتح جبرا المتوفرة بمعرض الدوحة
|
|
 مقتل حب في ساحات العداله00
|
الاسم: آسيا الخليفه 0
العمر: سنوات مخيفه0
العمل: من غير وظيفه 0
وتبدا تحكي القصه آسيا والدمع للعبرة يشرق وتاني تحكي لما ليها العبرة تخنق اصلي يا مولاي كنت عايشه مع ابوي في سكن وسط الزراعه ‘ امي ماتت وكنت لسه ما انفطمت من الرضاعه ومرت الايام ودارت والزمن شاري شراعه ومرت ايامي وسنيني وكبرت احلامي المعايا والزمن خلاني اعشق احمد الحاج العطايا 0
احمد الحاج كان مزارع وخطو ما كان في القرايه واتزرع جواي حبو نار بتوقد في حشايا كان هنايا وكان غنايا وكان حياتي العشت ليها وكان نهايتي الاسه فيها وكان كل ما يمر يوم علينا كان تزيد الريده حبه وكم حلمنا بعيشه هاديه لحظه الريد نشتهيها وكم تواعدنا وحلفنا دار فرحنا حنمشي ليها وكنت كل ما اشوفو احمد كان يزيد الريده حبه كان معين الريده دافق و جوه في اعماقنا صبه ما حصل يوم اختلفنا وما حصل يوم لي سبه المهم كان اللكان مرة قاعده المغربيه جاني ابوي داخل علي قالي آسيا تعالي دايرك عندي ليك خبرا يفرح الا يستاهل هديه قتلو قولو ليك بين ايدي هديه
؛ قالي تعرفي ناس حمد ود المساعد قتلو اي ِقالي تعرفي ولدو راشد قتلو بالحيل اي ده الزمان كان ماهو قاعد ودابو من الغربه عايد قالي تكمله لي حديثك ده الزمان كان ماهو قاعد ودابو من الغربه عايد جاني طالب ايدك انتي بي محنه وليك رايد شن تقولي ؛ قتلو يابا الكلمه هي لك إلا قلبي ما بإيدي وهمك انت اعيش سعيده بس مناك تشوف جديدي إلا يابا انا دايره اقولك حقيقه وصح اكيده ، القلب رايد من سنين مده وعديده احمد الحاج العطايا ياهو في بعدك وحيدي وتاني ما اداني فرصه بالكلام والدق يقاطع 00احمد الحاج المزارع 00احمد الحاج ماهو نافع 00و ديمه في الواسوق يصارع00احمد الحاج زيتو طالع 00ياهو راشد ماني راجع ؛ونادى ود جيراننا قالو قوللو قال ما عندو مانع والخبر طق الشوارع حتى احمد ما نسوهو كل زول يديهو كلمه وقالو ما كان شريف وخادع 00وظل صابر وتاني صابر وكان نهايتو مع المقابر وما قدرت اعيش بلاهو وقلت راشد ده الازاهو وطالما انو الازاهو سبتو يغرق في دماهو00
|
|
 
|
|
|
|
|
|
|
 Re: مقتل حب في ساحات العداله00 (Re: SUKARA)
|
الأخت الكريمة
قرأتك هنا .. لم أقرأ فقط وأنما رأيت صورة حية ومشاهد متحركة أمام ناظرىّ ..
نص بسيط فى لغته وطريقه السرد التى تبدو عادية ولكنه اخترق الوجدان وأجبرنى على المداخلة .. ذكرنى هذا النص بقصة "أمونة بت الشيخ حمد" كنت وأنا أقرأ أرى بخيالى ما تخليته عن شكلها وعن قهرها وألمها عندما لم تتزوج من تحب وهى كما فى هذا النص من نفس البيئة القروية البسيطة التى تفرض رأيها على الأنثى وتقمع قلبها وتؤده
أحييك أختى وأشكرك على هذه اللمحة الجميلة وهذه الصورة الناطقة
تحياتى
| |
|
|
|
|
|
|
|
|
|
Re: مقتل حب في ساحات العداله00 (Re: رانيا مامون)
|
والله ما شاء الله عليك يا غا ليه
وزى ما زكره الاخت رانيا هى ليست قصه وانما هى مشا هده حيه
والاحلى فيها نسر القصه وطريقه الكلام والسرد والله ابداع وابداع
وفقك الله وادئما ولا تحرمينا من ابداعك
مع خا لص احترامى......ودالجزيرة
|
| |
|
|
|
|
|
|
|
|
|
Re: مقتل حب في ساحات العداله00 (Re: waleed500)
|
اكيد وبلا اي تردد اختار احمد الحاج العطايا 00لانو يا وليد انا بشوف انو مافي شي دايم غير الحب يعني الظروف ما معروفه00المال بيجي ويروح 00وايدي على ايد احمد الحاج العطايا نبني مستقبل رائع ونعيش اسعد حياه 00نحميها بالريد والمحنه والقناعه00
سكرة00
| |
|
|
|
|
|
|
|
|
|
Re: مقتل حب في ساحات العداله00 (Re: SUKARA)
|
فعلا قصه حلوه لابعد الحدود ومحزنه لابعد الحدود وهي تعكس الواقع الحقيقي اللي بعيشه مجتمعنا الحالي والناس دائماً بقت تقدر الناس مادياً الغني بالمال هو القوي والفقير من المال هو الضعيف المهزوم ، ومن هذا المنبر اتمني ان يعيد الناس حساباتهم في تقييم الناس واشكر الاخت علي هذه الفته البارعه ولكي مني احر التحايا
دائماً جيمو
| |
|
|
|
|
|
|
|
|
|
Re: مقتل حب في ساحات العداله00 (Re: SUKARA)
|
انتعاش الأمل سحابة خير بمطر يروي جفاف القلوب ..
وتحقق الحلم مطر يغذي أراضى البحث لعناوين لا تؤدي إلا لهدف جميل !..
ومسافة الأمل ..بين انتعاشه ..وتحقيقه هي الحد الفاصل بين أن نكون أو ننعدم !!!!!
فعلا قصه حلوه لابعد الحدود ومحزنه لابعد الحدود وهي تعكس الواقع الحقيقي اللي بعيشه مجتمعنا الحالي والناس دائماً بقت تقدر الناس مادياً الغني بالمال هو القوي والفقير من المال هو الضعيف المهزوم ، ومن هذا المنبر اتمني ان يعيد الناس حساباتهم في تقييم الناس واشكر الاخت علي هذه اللفته البارعه ولكي مني تحيه
دائماً جيمو
| |
|
|
|
|
|
|
| |
ودالجزيرة
wadsolfab
waleed500
الجندرية
فيس بوك
تويتر
انستقرام
يوتيوب
بنتيريست