|
الما قراء الابتدائية فى السودان حقو راح
|
ياجماعه كدى تعالو نقعد كدا بعد الفطور ونتذكر روائع الابتدائية ونحسس روحنا كدا اننا لسه اولاد صبيان
سقط فار فىخمارة فشرب حتى سكر فخرج وصاح اين القطط فظهر له قط كبير..فقال الفار لاتؤخذ السكارى بما يقولون
|
|
|
|
|
|
|
|
Re: الما قراء الابتدائية فى السودان حقو راح (Re: 3mak Hasabo)
|
سلامات عمك حسبو لكن دى ما ادونا ليها ادونا عمك تنقو و قريبآ درسونا عمك شنبو بتاع بنبن و ابحث عن امي
إذا عاوز تتزكر الإبتدائي انا ارجع بيك لي
كتابي الأول امل و بدر امل كتبت الفرس الفرس بدر قرأ الفرس الفرس امل كتبت و ما قرأت بدر قرأ و ما كتب
طبعآ دى كانت زمان اسع بقت
امل و بدر امل كتبت العرس العرس بدر قرأ الفلس الفلس امل بكت و قامت جرت بدر هرب و كبة الزوغة
شكرآ للزكريات و لنا عودة
| |
|
|
|
|
|
|
Re: الما قراء الابتدائية فى السودان حقو راح (Re: 3mak Hasabo)
|
سلام ياناس ياحلوين
عمك حسبو عمو قرجة عمو وروووروك
تحية رمضانية مسائية
كيف أخباركم وعاملين كيف مع رمضان
عمك حسبو إنت يااخوي الظاهر رمضان قام بيك
وغايتو نحن ما قرينا الابتدائي بس قرينا مرحلة الأساس (كيّة في قرجة)
مريم الشجاعة محمود الكذاب هاشم في القطار الغراب النبيه طه القرشي مريض
والله الذاكرة أصبحت خربة
طبعا حسع قرجة يقول ليك الجعلي ده قرأ كتاب بس أنا عارفه حاقد عديل وداير يثبت للناس انو أنا أكبر منو وبعدين كلمني كولا إنو قرجة ده لمن قرا الابتدائي كانت المدارس بالليل وثلاثة أيام في الاسبوع صحي يا عمو قرجة الكلام ده
ولكم خالص حبي وتقديري
الجعلي
| |
|
|
|
|
|
|
Re: الما قراء الابتدائية فى السودان حقو راح (Re: الجعلي)
|
الجعلي اظنك قريت زمن تعريفة تكفيك فطور وفول حجات ونبق ودوم وقنقليز
لكن ياخوي انا زمن الفريني ابقرشين يصرفوهو ليك الصباح يجيبك البيت كريشتك منفوخة زي الهنبوكة
الاستاذ:- ياولد كراسك وينو الجعلي:- يا استاذ نسيتو في البيت الاستاذ:- نسيت حق الفطور ؟ الجعلي :- لا يا استاذ جبتو الاستاذ:-يعني تنسى الكراس وما تنسى حق الفطور اربعة من ناس ورا يشدو لي الجعلي ده النشوف الجعلونا دي كيف
| |
|
|
|
|
|
|
Re: الما قراء الابتدائية فى السودان حقو راح (Re: woroorrook)
|
يحكي قديمآ انه كان هناك غراب يجلس فى الشجرة ممسكآ فى فمه قطعة جبن فحادثه الثعلب من تحت الشجرة طالبآ منه ان يغني بصوته الشجي و لما فتح الغراب فمه وقعت منه قطعة الجبن و عندما تأهب الثعلب لإلتقاطها
كانت مربوطة بى لستكة و جات راجعة للغراب تاني و قال الغراب للثعلب دقستة يا فردة إنت قايلني بتاع كتاب المطالعة قال ليك تاني جاء الغراب وجلس علي غصن الشجرة وبدا ياكل في قطعة الجبنة. الثعلب من بعيد شافو وجاء عليهوقال ليهو ياغراب اسمعني صوتك الشجي فانتفخ الغراب غرورا وبدايغني فسقطت قطعة الجبنة من فمه فابتسم الغراب لان قطعة الجبنة كانتمربوطة بخيط فاخرج الثعلب مقصا وقطع الخيط واخذ قطعة الجبنة وجعل يضحك علي الغراب وقال للغراب انت قايلني الثعلب بتاع النكتة الفاتت. هيهيهيهيهيهيههيهيههيهيهيهيهيهي
| |
|
|
|
|
|
|
Re: الما قراء الابتدائية فى السودان حقو راح (Re: 3mak Hasabo)
|
دجاجي يلقط الحب ويجري وهو فرحان كأن عيونه خرز له في الشمس ألوان ولي ديك له صوت جميل اللحن رنان وعند الفجر يوقظني وطول اليوم فرحان
مش كده يا شباب
بتول تعود من المدرسة عند الغروب
الدود فوق العود
الدجاجة الصغيرة الحمراء الفول فولي، زرعته وحدي وحصدته وحدي وسآكله وحدي
يا حليل أيام زمان
| |
|
|
|
|
|
|
Re: الما قراء الابتدائية فى السودان حقو راح (Re: 3mak Hasabo)
|
الشباب الرائعين
الأخ قرجة
والله يرحم ايام زمان
تذكر لمن جابوك لينا أول مرة استاذ بتاع رياضيات في المدرسة الابتدائية ونحنا كنا تلاميذ في سنة أولى ابتدائي وكنت بتجي بدري من الصباح وبتكون حائم في الطابور بتفتش التلاميذ صباح كل سبت وثلاثاء
تذكر تلك الأيام يا أستاذي الرائع
مع إنو أنا ما كنت عاوز أذيع هذا السر
ولكن عمك حسبو اضطراني لذلك
ولك حبي وتقديري يا أستاذي الجليل
تلميذك المطيع الجعلي
| |
|
|
|
|
|
|
Re: الما قراء الابتدائية فى السودان حقو راح (Re: tmbis)
|
تمبس بعد السلام
أقطع دراعي اليمين لو إنت جيت بشارع كمبوني أقصد لو أكلت حلاوة كمبوني يا راجل يا دفعة ... حسن الشاطر والقرد الأعمش دي بتاعتنا نحن بتاعين وزارة المعارف
تقول الفأر الأكول مش كدا مالك نسيت هجم النمر هجم النمر قصةمحمود الكذّاب... والحساب الإملائي... كشفت روحك يادفعة معليش غلطة الشاطر بألف
نواصل فابقوا معنا
| |
|
|
|
|
|
|
Re: الما قراء الابتدائية فى السودان حقو راح (Re: 3mak Hasabo)
|
الرائع الحبيب حبيب الكل
كيف حالك وكل سنة وانت طيب ورمضان كريم وربنا يتقبل منا ومنكم
زيدان الكسلان الولد الطيب زرقاء اليمامة صديقنا منقو بس أظرف حاجة الكنز وخريطة الكنز
والجمعيات الأدبية
ولكم تحياتي بلدتي ... بلدتي ... بهجة النظر
أي منظر فيك لا يسر
ولكم حبي
الجعلي
| |
|
|
|
|
|
|
Re: الما قراء الابتدائية فى السودان حقو راح (Re: الجعلي)
|
سلام يا الجعلي يا دفعة
بعد كلامك دا لازم اذكرك بقون وزة مع الفريق الأهلي السوداني -قبل مايسموه الفريق القومي- في نيروبي في كينيا... بس ما حأقول سنة كم عشان الشباب ما يقولوا جدو الجعلي ... والحاقدين يستغلوها ضدك...
كانت أيام ولا ككل الأيام هل يا ربي ستعود ونركب اللوري من الرهد في كردفان إلي امدرمان بطرادة ... قولوا معاي آمين ياجماعة إمكن الله يقبل دعواتنا
أبقوا معنا سنواصل
| |
|
|
|
|
|
|
Re: الما قراء الابتدائية فى السودان حقو راح (Re: 3mak Hasabo)
|
مقتطفات سريعة
سنة اولي انا و انت انا ولد و انت ولد انا ولد البلد
سنة تانية
اجدادنا القدماء الضبع و المعزة
سنة تالتة
خريطة الكنز جغرافيا المسجد و فصول المدرسة
سنة رابعة
في القولد إلتقيت بالصديق انعم به من فاضل صديق
الفاعل و المفعول به وعلاقة الغرام بين المبتدأ و الخبر
سنة خامسة هذي جبيت وقد بدت ٭٭٭ في فتنة متجانسة وهنا الأراك و عنده ٭٭٭ قصص الغرام الدارسة
نظرية الضرب المطول سلك التنجستن المتوهج بالحرارة
سنة سادسة
اول إمتحان شهادة و هنا لنا عودة
دمتم يا احباب
| |
|
|
|
|
|
|
Re: الما قراء الابتدائية فى السودان حقو راح (Re: 3mak Hasabo)
|
السلام عليكم والله يا جماعه رجعتونا كميه من السنين لي ورا. و زكرتوني جلده حارقاني لي اسي. عندما كنت في مدرسه حي العرب الابتدائيه بامدرمان. في ذلك اليوم تأخر المعلمين اكثر من ساعه عن الحضور الى المدرسه .فحدثت هرجله شديده بالمدرسه كوراك و غناء و كميه من المشاكل و وو و و و للاسف كنت من الطلبه المهرجلين ...و فجأه و في خلال اقل من عشره دقائق كان جميع الاساتذه داخل المدرسه( كيف ما عارف) فقام كل الطلبه بالرجوع الى فصولهم .و حضر الاساتذه الى الفصول و معهم قائمه (كتبها بعض ال.......) باسماء الطلبه المهرجلين ، و حذرونا بان كل المهرجلين مسجلين على القائمه .و علينا ان نقف لوحدنا ،لان في حاله عدم وقوف من هو مسجل بالقائمه سينال العقاب مضاعف ..و خوفا من مضاعفه العقاب وقفت مع الاشقياء ......و كم كانت حسرتي عندما اكتشفت با اسمي غير موجود بالقائمه .....و كانت جلده لا انساها طوال عمري
]
| |
|
|
|
|
|
|
Re: الما قراء الابتدائية فى السودان حقو راح (Re: nooralaen)
|
ياوراروووك شكرا على الزاكرة القوية دى لكن بينى وبينك البحث عن الكنز دى بالابتدائية كلها لكن كنز من كنز يفرق الكنز البجمعوا حاجاتة اولاد الراحات وكنز الغبش
يادواش لكن بالغتا ودقستا
ويا نور العين الظاهر عليك كنت مجرم كبير بدقس اولاد الراحات
| |
|
|
|
|
|
|
Re: الما قراء الابتدائية فى السودان حقو راح (Re: 3mak Hasabo)
|
توووووووووت تووووووووووت فكونا بيووووووووووووووووت
الحاجات تحت الشجرة
الداندورما الهاريسا القنقليز بالشطة و بالسكر الدوقة و لو مقرش شديد تشتري حلاوة كوجاك و بزيانوس
ويا سالاااااااااااااااااااااااااااام
تزكروا
عصير تروبي؟
اهههههههههههههههه دونيا
| |
|
|
|
|
|
|
Re: الما قراء الابتدائية فى السودان حقو راح (Re: 3mak Hasabo)
|
والله يا عم حسبو بالغت عديل كده لووووووووووووووووووووووووول اها النقول ليك دي الطيش الطيش دقوا بالبراطيش لووووووووووووول والله مره كدا في فصلنا كان الاستاذ بذيع في النتائج و ناس سنه سادسه رافعين لينا البراطيش (سفنجات) يعني البجي الطيش دا ووووووووووووب عليه و سجم خشمه .والله الطيش اليوم داك دقوه دقه .و منها قام المعلمين بتغيير النظام الى اذاعه اسماء ال عشره الاوائل فقط و البقيه تتلخبط بحيث لا يعرف(بضم الياء) من هو الطيش ...يعني يا حسبو تشيل النتيجه و للبيت طوالي شتات خالي محطات عشان لو لحق واحد شافك و كنت الطيش الضحك شرطك .
| |
|
|
|
|
|
|
Re: الما قراء الابتدائية فى السودان حقو راح (Re: 3mak Hasabo)
|
لوووووول فيني انا لا والله ما حصل يا عمو حسبو لكن اوريك دقه سمحه. كنا و في طريقنا الى البيوت دائما ما نتعارك مع طلبه مدرسه الكتيابي ، و في يوما ما كنا ثلاثه و وجدنا منهم ثلاثه فجلدناهم جلده نضيفه . و في اليوم التالي كنا ثلاثتنا فقط و وجدنا نفس الثلاثه في نفس المكان فقال لي احد رفقائي (عاين العورا ديل مستنيننا تاني) فشمرنا لنجلدهم مره اخرى . و لكن هيهات فقد كان الموضوع عباره عن شرك فهجم علينا افواج منهم كانوا مستخبين (بس زي الهنود الحمر) والله لا عرفنا نجري ولا نكورك...غايتو اخدنا الفيها النصيب لكن بعرها تبت من المشاكل والحمد لله
| |
|
|
|
|
|
|
Re: الما قراء الابتدائية فى السودان حقو راح (Re: 3mak Hasabo)
|
ايها الرائعون سلاما
والله تذكرنا ايام طيبة وجميلة والواحد ما كان شايل للدنيا هم ، لكن تعال لاولاد الزمن ده
غايتو والله محرومين
انا في الابتدائي كنت مشاغب جدا ومعاي اصحابي ، وكل يوم مجلودين لانو الالفة كان زهجان مننا شديد وكل مرة لازم يكتبنا ليك مهرجلين وياريتو كان مهرجل ساكت كمان بيخت ليك صليب او صليبين بس في يوم من الايام اتفقنا ليك مع اولاد الفصل وقلنا ليهم قولوا ماعاوزين الالفة ده ، وفعلا عملوا ليك جوطة شديدة ،وقام ابو الفصل بتغيير الالفة والظريفة انو الالفة الجديد من الفرد ، ويعني آخر راحات تأكل تسالي في الفصل ، تهرجل ، ،ماعندك أي مشكلة بس ساعة الفطور تعال شوف الرشاوي الماخمج
جنس حلاوة سمسمية وحلاوة فولية وبعد مرات فيها سندويتش والله العظيم أنا غايتو لمن كنت في الابتدائي كان السندوتش بقرش ونص
بس بوين لناس قرجة قبل شوية رسل ماسنجر وقال انو في زمنو كان السندوتش واللبن بيوزع مجانا من قبل وزارة الترببة والتعليم
بس داير اسال سؤال
انتو أخواتنا ديل ما قرن الابتدائي ولا شنو
والسؤال الثاني
انت ياعمو قرجة دفعة منو من الرؤساء عبود ولا النميري
ولكم تحياتي
الجعلي
| |
|
|
|
|
|
|
Re: الما قراء الابتدائية فى السودان حقو راح (Re: الجعلي)
|
ياشباب
كل ما اشوف واحد شغال في الامن وسدنة نظام طوالي بتذكر الالفة الالفة بيكون اضخم واحد في الفصل نحن في الابتدائي كان عندنا الفة بشنباتو اليوم كلو يكتب في ورقة شايلا معاهو طوالي اول ما يجي الاستاذ يديها ليهو تقرير كامل عن كل ماحدث في الفصل اثناء غياب الاستاذ ده تدريب على الجاسوسية
وكان عندنا استاذ بيضرب الطلبة الشطار بالسوط والبلده بالمكنسة وكان بيقول لينا السوط للشطار
| |
|
|
|
|
|
|
Re: الما قراء الابتدائية فى السودان حقو راح (Re: الجعلي)
|
جدنا الجعلي
تتذكر كراس العيادة كان التمرجي طوالي بيكتبك متمارض يجيبو الكراس المدرسة يدوك علقة بالخرتوش الاسود انا كنت بحب حصة الفطور دي حب ما عادي وكمان كنت بعز جرس البيوت معزة شديدة
مرة كنت مشاكل واحد اخر مشينا السهلة والشفع بورانا الولد خته شنطتو وشال من الواطة حصحاص حار وكشحني بيهو في وشي انا كنت بسمع بالنجوم عز الضهر لكن اليوم داك شفتها بالجد جد لامن فتحت اديتو علقة بدون نجوم لكن
| |
|
|
|
|
|
|
Re: الما قراء الابتدائية فى السودان حقو راح (Re: 3mak Hasabo)
|
الصباح الحصة علوم الأستاذ:-٠ طلعوا الكتب الليلة حنتعلم ماهية الكلمة الشاذة الأستاذ:-٠ الكلمة الشاذة يعني الكلمة الراكبة غلط قاعدة ساكت في الدونيا دى. مشاترة زيكم كدا٠ وبصوت جهوري و صاري وشو:-٠ قوم إنت هناك إستخرج الكلمة الشاذة من الكلمات دى المثال:-٠ محمد، بقرة، شجرة، كرسي الطالب:-٠ الكلمة الشاذة هي الكرسي يا استاذ الأستاذ:-٠ ممتاز...ممكن تقول لينا ليه ؟ < طبعآ الحصة علوم والمقصود ان الكرسي جماد والباقي احياء > الطالب مرعوبآ:-٠ محمد لما إشوف البقرة حا إجري إطلع فى الشجرة و ما محتاج للكرسي يا استاذ و دى برضو طريقة تانية لإستخراج الكلمة الشاذة و ما اجمل نقاء الطفولة إهههههههههههه دونيا
| |
|
|
|
|
|
|
Re: الما قراء الابتدائية فى السودان حقو راح (Re: 3mak Hasabo)
|
الاخ حسبو كيف بالله الاخ دي نحنا ناس المدرسة الاولية ويانا ناس محمود الكذاب وهاشم في العيد وبالمناسبة في زول لي فوق قال هاشم في القطار اه زي دي كانت بتجيب الدق وبرضو ناس نحن الطيور ايها الانسان وبالمناسبة كان عندنا استاذ يصر انو لمن نقول نحن الطيور لازم ناشر علي نفسنا ولمن نقول ايها الانسان لازم ناشر عليهو وطبعا الجكاية ماعرفنا معناها الا في رابعة والله لي يوم الليلة لو قبابلني اي واحد من الاساتذة الدرسونا الزول يلاوز من الوقوف قدامو وتعال شوف ناس صديق عبدالرحيم ومنقو زمبيري وآفرو في الصين وتفتيش السبت والتلاتاء وفتيش الاظافر والسراويل وزيارتنا للطحان والبقال وزمن جمييييييييييييييييل وياقرجة شنو حكايتك مع البوست يديك العافية عبدالله جعفر
| |
|
|
|
|
|
|
اظرف بوست بجدارة (Re: 3mak Hasabo)
|
ارجعتم لنا الابتسامة فلكم التحايا
الاهى يالاهى يامجيب الداعواتى اجعل اليوم سعيد وكثير البركاتى واعنى فى دروسى واداء الواجباتى واجعل التوفيق حظى ونصيبى فى حياتى ذكرتونا القرايه ام دق
| |
|
|
|
|
|
|
Re: اظرف بوست بجدارة (Re: AttaAli)
|
خالتي جمعية
دايما لابسه توبها الابيض الجميل
وتتعامل معانا كاننا ابناءها
خالتي جمعية انا نسيت حق الفطور
تعال يا ولدي هاك
تديك فطورك بتاع كل يوم ما ناقص شي
الصباح كانت بتبيع لينا الزلابية الحاارة معطونة في سكر خشن
الزلابية طرية والسكر يقرمش في خشمك
حاجة لذيذة يصعب ان تتكرر
| |
|
|
|
|
|
|
Re: اظرف بوست بجدارة (Re: garjah)
|
لووووووووووول والله ذكريات لطيفه غايتو ضحكت لمادموعي سالت وفشافيشي وجعتني نحن الطيور ايها الانسان لوووووووول. قرجه واتلقي بعد تاكل اللقيمات تقش خشمك في طرف القميص وايدياتك تمسح بيهن وشك خاصه لو بقي الوقت شتاء
| |
|
|
|
|
|
|
Re: الما قراء الابتدائية فى السودان حقو راح (Re: 3mak Hasabo)
|
السلام عليكم أيها الأبناء سلام خاص يا عبد الله جعفر يا دفعة... كلامك رجعني كم سنة كدا لورا ... أقول ياوركوك يا إبني... حليل وزارة المعارف وعمنا المرحوم زيادة أرباب...
يا قرجة ماممكن تقول للجعلي يا جدنا وفي نفس المكان تكتب التمرجي... نقول للناس ديل أنك إنت شاعر إغنية البنسلين ياتمرجي ولا مافي داعي نكشف المستور...
طبعا نحن بتوع الخطة 4-4-4 والثانوي بالعنجليزي... ومتن الأجرومية ومتن العشماوية ... ما تقول ديل كمان ما بتعرفهم يا قرجة... وحصان الجمباز
قلت لي الإبتدائية بالجلابية... نحنا ناس الوسطى بالجلابية والرغيفة بتعريفة تفطر 2 وكوز الصلصة مليان فول حاجات ومعاه زيادة بتعريفة
طبعا قرينا في روضة المساكين ... الخلوة حفظنا ربع ياسين وبعد إيماننا بفوائد التعليم دخلنا المدرسة الأولية...عشان كدا كان الألفة بكون عنده شنبات وحاجات تانية حامياني
قرينا الأولية في أم طرقن عراض والوسطى في أم قرنا جاك... لكن قفزنا قفزة نوعية وكان الثانوي في أمدرمان... بصعوبة تجاوزنا الصدمة الحضارية وشربنا البيستي كولا... أكرر البيستي كولا. أكلناباسطة عم بين ودخلنا سينما برمبل وحديقة عبود وشربنا شاي يوسف الفكي .. مش قلت ليكم ربنا ستر علينا من الصدمة الحضارية... نسيت أقول ليكم إتفرنجنا من السروال أبو تكة إلي البنطلون والقميص الكم طويل مع تحيات خاصة لإبنتنا دومة نواصل فابقوا معنا
| |
|
|
|
|
|
|
Re: الما قراء الابتدائية فى السودان حقو راح (Re: doma)
|
العزيزة دوما
السلام والأشواق
طبعا اللقيمات الحارة في الشتاء كانت بتجيبها لينا حاجة أمنة -الله يرحمها- وكانت 5 بتعريفة يعني الواحدة بمليم ... مافي زول يقول تعريفة ومليم يعني شنو؟؟؟ دي عملات سودانية محترمة جدا.. والحلاوة دربس برضو 5 قطع بتعريفة والبلح ربع الرطل بقرش
يعني لو الواحد عنده 5 قروش بيعتبر رأسمالية وطنية في المدرسة والناس كلها عاوزة تبقى اصحابك... أحد اصحابنا أبوه تاجر كبير بديهو ريال في اليوم مش ريال سعودي ريال سوداني كان بساوي ريال ونص سعودي والجنيه بساوي 13-15 ريال سعودي وكنا عاملين اصحابو عشان الفول والتمر واللقيمات والرغيف والأخير يعتبر فاكهة في ام طرقن عراض يا دومة... وهو احد الأسباب الرئيسية لاجتهادنا لدخول المدرسة الوسطى عشان ندخل الداخلية وناكل الرغيف 3 وجبات في اليوم... بالله مش حافز يا جماعة يوجب الإجتهاد؟؟
طبعا الزي المدرسي في الأولية كان سروال وعفرنجية- يعني قميص افرنجي- دمورية وزن عشرة أو بفته لو ابوك غني - تمن الذراع 4 قروش الدمورية وزن عشرة و5 قروش للبفتة والنعال باتا صناعة بحري... نقول النعال ولا نقول الجزمة لأن النعال هي الإسم السائد في أم طرقن عراض وهو الإسم العربي الفصيح...
عندما زارت بنتي صباح - وهي من مواليد لندن, بالله شفتوا الطفرات النوعية كيف؟؟ عندما زارت أهلي لأول مرة في أم طرقن عراض ورجعت السودان- السودان عندها يعني الخرطوم - وسألوها عن الأشياء الغربية التي صادفتها هناك؟ قالت : أن ناس ام طرقن عراض بقولوا للجزمة النعال...
نواصل فابقوا معنا
| |
|
|
|
|
|
|
Re: الما قراء الابتدائية فى السودان حقو راح (Re: Abdalla Gaafar)
|
الاخ عبد الله جعفر سلام خلاص انا بت حفرتك لاني من الجماعه ناس السلم التعليمي دازاتو وقرينا الثانوي العالي بالعربي لكن مااول اللجنه دي ما بنافسك فيهالكين مقارنه مع اولادنا والله عشنا العصر الذهبي للتعليم في السودان الفصل كان مابزيد علي الاربعين وكان عندناادراج وكراسي خيزران في العام والله لماولدي دخل الابتدائي كانواقريب الميه وقاعدين في الارض كراستهم متل الواطه ولماالاستاذ يفتح الباب الشفع بدفقوا بره الفصل .
| |
|
|
|
|
|
|
Re: الما قراء الابتدائية فى السودان حقو راح (Re: 3mak Hasabo)
|
الأخ عبد الله جعفر
حقو نعمل خط فاصل بين ناس الإبتدائية وناس الأولية وناس الكتاب
وعشان نشرح للأبناء الذين درسوا في وزارة التلتة والتأليم وليس المعارف نوريهم الفرق شنو
المراحل التعليمية كانت: الكتاب .... الإبتدائي... الثانوي أو الأولية ... الوسطى... الثانوي أو الإبتدائي ... الثانوي العام... الثانوي العالي تغيرت هذه إلى: الإبتدائي... المتوسطة... الثانوي وأخيرا وليس آخرا مرحلة الأساس ... الثانوي
نحن وأخونا قرجة من جماعة الكتاب التي تطورت إلى الأولية في عهد زيادة أرباب وزير المعارف... ولا كيف يا ابا القرج... وما ننسى أخونا الجعلي
ما ننسى حكاية الفطور في الثانوي كان فول مصلح بقرشين مع الشلة ولو انت البتجهز الفطور بتاكل ملح... والبيبسي بقرشين والبصات بقرش للطلبة وبص الخرطوم امدرمان بقرشين والتاكسي الطرحة من بحري للخرطوم بقرشين ونص
يا جماعة دا مازمن الإستعمار دا هسع قبل نميري ما يبقى رئيس... وتذكرة الطيارة من الخرطوم للأبيض بتسعة جنيهات
ونحن في الجامعة سافرت بتذكرة الروت بتاعها كالآتي: الخرطوم جنيف لندن مونتريال نيويورك نيو اورليانز لوس انجلوس شيكاغو لندن القاهرة الخرطوم سعرها كان 669 جنيها سودانيا... الرقم 669 بدون اي اصفار
والله يا عبد الله جعفر انا اصلي ما جيت الأول لكن كنت التاني والتالت لكن كنت فايت الناس في القواعد والدين عشان ابوي =الله يديه العافية- حافظ القرآن وعامل روضة مع عمي التاني_ روضة المساكين يعني خلوة.. فكنت بجي المدرسة وانا حافظ كل السور بتاعة السنة ومعاها المحفوظات والقواعد
طبعا الكتابة في المدرسة في لوح الأردواز ولمن خطك يكون جميل بدوك كراس وقلم رصاص مجانا... مافي زول يقول لوح الأردواز دا شنو؟؟؟؟
ابقوا معنا
ألمي البارد بقد الدلو
| |
|
|
|
|
|
|
Re: الما قراء الابتدائية فى السودان حقو راح (Re: 3mak Hasabo)
|
عمى حسبو و بقية الربع
حقيقة الما قرا الابتدائى فى السودان ... حقو يرجع يدرسه من الاول
انا غايتو من ناس الابتدائى فى عهدوزير التربية محمد خير و كانت هنالك مظاهرات بالخرطوم على اياميها تقول : الويل الويل لمحمد خير
المهم كتاب المطالعة كان به العديد من القصص الهادفة و العالقة بالاذهان
جزاء سنمار الكركى و ابو مركوب اصدقاء المزارع الطيور الحزينة
كان عندنا فى الابتدائى ناظر مهاب لحد الرعب ( بمفاهيم اليوم ممكن نقول عليهو ارهابى عديييييل ) و له سمعة داوية فى كل انحاء المديرية ( زمان كان اسمها مديرية الخرطوم ) ... و نحنا قبل ما نخش المدرسة كان الترالمة بيقولوا لينا اعملوا حسابكم من استاذ مكاوى ( و اسمه مكاوى عثمان سراج الدين ) .. المهم و نحنا فى تانية ابتدائى )( زمن التعليم السمح كانت الحصة التانية عندنا اعمال ( اعمال ورق المهم قام استاذ مكاوى ( و هو قريبنا ) بتوزيع مقصات استينلس استيل لم يتم استعمالها من قبل و جديدة لنج بعدها وزّع علينا ورق مخطط مربعات ما زلت اذكر شكله حتى الآن وقبل ان يبدأ فى الشرح حذرنا اكتر من مرة بان لا نفعل اى شئ الا بعد ان ينتهى هو من الشرح . و بدأ يشرح باسلوب بسيط و يورينا ماذا نعمل و كيفية استعمال المقص و من اين نبدأ قص الورق .. و هكذا انا لقيت المقص سنيّن و الورق ( طائع ) ... و حياتكم ولا اشتغلت ليك بكلام الناظر استاذ مكاوى و بديت اقص ليك الورق و حولّته فى لحظات قلائل الى اشلاء متناثرة .. و كان استاذ مكاوى يراقبنى و انا ما جايب خبر ... و كان يجلس بجانبى ابن عمى و هو الآن مهندس جيولوجى كبير و اراد ان ينبهنى لجريمتى النكراء و لكنه خايف انو الاستاذ المرعب يلاحظ ذلك فيعاقبه فآثر الصمت على مضض ... و بينما انا اتلذذ بقص الورق بذلك المقص الروعة ، اذ بصوت داوى كالرعد يصيح : انت يا ولد هناك جاك الهم ( و هى دعوة يدعوها باستمرار على الطلبة ) اقيف على حيلك و تنبهت الى خطورة موقفى و ارتجفت اوصالى و فرائصى و وقفت ، عندها خاطب الاستاذ كل الفصل قائلآ : يا اولاد انا قلت ابداوا القص ؟؟؟ و باجماع مثل اجماع مجلس الامن هذه الايام اجاب كل الفصل و بصوت قوى و تأكيدى : لا يا استاذ و هنا ثبتت الجريمة على المجرم و لا بد من عقابه امام الملأ من آل يعقوب استاذ مكاوى : تعال بره هنا و اقيف قدام الفصل و نادى استاذ مكاوى بصوت عالى على الغفير ( الفرّاش ) : يا عم عبدالله و جاء عم عبدالله مهرولآ بظهره المنحنى تسبقه نعم يا استاذ
استاذ مكاوى : جيب لى مطرق ( و المطرق لمن لا يعرفها هى فرع شجر النيم الغض الاخضر ) اجاب عم عبدالله : حاضر يا استاذ و هنا اظلمت الدنيا فى وجهى و انا انتظر المصير المحتوم ، و تخيلت منظرى و انا مبطوح على تلك التربيزة الخضراء العاليه و من سيجلدنى هو مكاوى عثمان سراج الدين .... حاولت التماسك و لكن هيهات و عندما لم استطع الثبات انفجرت باكيآ قبل ان يحضر عم عبدالله المطرق و انتحبت بحرقة و خوف و وجل و الكل يراقب مصيرى الاسود ( مثلما ما يتفرج الجميع على العراق الآن ) .. و بينما الحال كذلك اذ انفجر ابن عمى من داخل الفصل باكيآ ايضآ و معاضدآ لى فى محنتى السوداء تلك ( اضعف الايمان ) و قد اذهل ذلك جميع الفصل مثلما اثار دهشة الناظر مكاوى عثمان جاءت المطرق ... و ايقنت بالبلاء استاذ مكاوى : انبطح على التربيزة يا ولد و انا ما زلت ابكى و انظر اليه بخوف امتطيت التربيزة العالية و اصبحت جاهزآ للشنق هطلت علىّ ثلاثة جلدات من استاذ مكاوى و ازددت بكاءآ و المآ ( و فى واقع الامر لم تكن الجلدة حارة - و يبدو ان استاذ مكاوى قد تأثر من بكائى و بكاء ابن عمى معى و لم يشأ ان يتركنى بلا عقوبة كنوع من التربية - و الا كان قد عفانى ... اما انا فقد ازددت بكاءآ كنوع من الوقاية حتى لا يجلدنى الاستاذ بقوة )
...و يا لها من ذكرى
لقد اثرتم مواجعنا ... و مازال طعم تلك الزرة الحارة فى فمى و فى بكائى
يديكم العافية
| |
|
|
|
|
|
|
Re: الما قراء الابتدائية فى السودان حقو راح (Re: 3mak Hasabo)
|
الاخ حسبو سلام وشنو ياخوي انت زغت من البوست تاني سلام
doma لك مليون سلام وود وتحية يادفعة واها ياجماعة نحنا ناس المجموعة التانية اولية وسطي(ثانوي عام) ثانوي علي حتي الشارع والله الجماعة بالله ناس الفترة دي يسجلو وبرضو ندعوهم لكتابة مذكراتهم ودي فرصة قبل ناس حقبة مابعد وقبل الاستقلال
DOMA انتي شوفت حاجة انا شفت مدارس دارفور قبل اربعة سنة قلت كم في الفصل انشاء الله اوريك الحاصل فيها قريب يا كوستا
انا قدر ماداير اذكر الوزير كان منو ماقدرت وطبعا نحنا ناس اقاليم مالنا ومال محمد خير لكن المظاهرة الوحيدة المرقنا فيها في الاولية كانت ضد الولايات المتحدة لانو كنا بنهتف داون داون بو اس ايه لكن الامريكان سو شنو الزمن داك مابذكر وحتي لما سالونا نسوان الحلة يو اس ايه دي شنو غلبنا نجاوب
سلام مربع للناس كلهم
| |
|
|
|
|
|
|
Re: الما قراء الابتدائية فى السودان حقو راح (Re: Abdalla Gaafar)
|
والله يا دفعه ياحليل زمنا اتذكر مره طلعنا مظاهره من الخرطوم الثانويه بنات بالعمارات شارع 25 عندنا استاذ كدي من الشباب وراس هوس المهم ساقنا مشينا لحده وزاره الداخليه نخبت في شنطنا والقصاص بالرصاص يا حمد الله. لماطلع لينا حمد الله وقال ليهو كلمتين تلاته والناس صفقوا وصفقنا ورجعنا لكين وحاتكم لا عارفه القصاص من منو ولا في شنو؟؟ رجعت البيت حلقومي مقروش كان عندنا استاذ عربي مسمينا الصين الشعبيه لاننا كتار وبنهيج من غير ما نعرف السبب شنو بس يجونا ناس الدفع الاكبر مننا يقولو مظاهره نطلع نظاهر يقولوا احتجاج علي قرار من الناظرنطلع نحتج. وكان عندنا بص مدرسه ولا بندفع قرش لاتعريفه والمدرسه بتصرف لينا الكتب والكراسات .
| |
|
|
|
|
|
|
Re: الما قراء الابتدائية فى السودان حقو راح (Re: 3mak Hasabo)
|
عبدالله جعفر
قلت لى انت من زمن الاولية ؟؟؟
ما عليك انتو زمن الدراسة كانت روعة
بس و حياتك يا عبدالله يا ود جعفر حكاية داون داون يو اس ايه اضحكتنى حتى الثمالة يعنى انتو ما عارفين معناها .. بس الغريبة عرفتو تنطقوها و النسوان يبدو انهن مثقفات لانهن قد سألن عن معناها .. اى انهن قد قمن بنطقها
ذاك زمن البراءات الملتاعة على قارعة الشارع و زمن الاندهاش بالكل و زمن الامنيات الطريّة و زمن كنا فى سلام مع انفسنا لم تتلوث انفسنا و دواخلنا بالغربة و تراتيل النفس الكئيبة
انها بكائيات على بحر الابتدائية
| |
|
|
|
|
|
|
Re: الما قراء الابتدائية فى السودان حقو راح (Re: garjah)
|
انت يا عمو قرجه قصدك تجهجنا ولا شنو بداون داون يونس عيد ، يونس عيد ده منو وما تنسي انو احنا جيل ابتدائي متوسطه وثانوي يعني صغار وجهال، وبعدين يا اخوانا وين عمنا كولا ما شفتو قال حاجه في البورد ده عامل فيها صغير ولا شنو؟ مع تحياتي للجميع وخاصتنا عمنا ورورووووووووووووووك وحكاية الغراب التي جعلة لهذا البورد نكهه خاصه
ابونور
| |
|
|
|
|
|
|
Re: الما قراء الابتدائية فى السودان حقو راح (Re: garjah)
|
بالله يا عمو قرجه يونس عيد دي يو اس ايه انا كنت قايلو زول اسمه يونس اتخيلتو يكون مدرس عذبكم في الابتدائي . انت عارف يا عمو قرجه انا لمن كنت في تانيه ايتدائي لقيت طراده واقعه (25 قرش قامو ناس البيت كلهم سكوني سك شديد اتخيلو عملت ليها شنو؟.. ختيته في برطمانيه ودفنتها في الواطه تحت الدولاب عشان مافي زول يلقاها في ذمنها داك الطراده كانت تمثل ثروه كبيره جدا واياميها ديك انا كنت بكون عامل فيها عب كبير
لكن برضو ابنكم ابونور
| |
|
|
|
|
|
|
Re: الما قراء الابتدائية فى السودان حقو راح (Re: 3mak Hasabo)
|
الأخ أبو نور بعد السلام
أنا خايف انك إنت هسع تكون قاعد في واحدة من المشيخات المتصالحة والتي تغير إسمها بعد البترول والوحدة إلي الإمارات العربية المتحدة.... تصور كلام زي دا... نحن في أم طرقن عراض دفعنا قرش صاغ شهريا لمدة كم سنة في زمن حكومة عبود الله يطراها بالخير... عشان ما كان عندهم موية ولا مدارس ... ولكن سبحان مغير الأحوال من حال إلى حال
طالما يا ابا نور مابتعرف حكاية القرش الصاغ معناها ما بتعرف البريزة وعشر مليم... كدا اسأل عمك الجعلي ويعدين نوريك باقي الحكاية...
وعاوز واحد من هولندا بيعرف ليه الحكومة الهولندية عندها معزّة خاصة للسودانيين كشعب وامة؟
| |
|
|
|
|
|
|
Re: الما قراء الابتدائية فى السودان حقو راح (Re: 3mak Hasabo)
|
الحبيب قرجه
اضحكتنى يا رجل انا افتكرتك بتقصد الرائد يونس بتاع الانقاذ فى عهودها الاولى قلت يا ربى قرجه ده كشه و الله شنو ؟؟ يعنى معقولة قرجه ده قرأ الابتدائيه فى بداية التسعينات ؟؟؟ يديك العافية
كانتونا
المشيخة المتصالحة دى شنو ؟؟؟ افصح .. ابن ؟
| |
|
|
|
|
|
|
Re: الما قراء الابتدائية فى السودان حقو راح (Re: 3mak Hasabo)
|
الإخوة عبدالله جعفر وكوستا
بعد السلام
قبل ان يقوم الشيخ زائد متعه الله بالصحة بتوحيد هذه المشيخات وتسميتها بالإمارات العربية المتحدة كانت اسمائها مشيخة ابوظبي ومشيخة دبي ومشيخة الشارقة وهكذا... وكانت مستعمرات بريطانية وقاحلة وجدباء... وخرج منها الإنجليز وخلوها خرابة قبل اكتشاف البترول
كانت تنقصهم المياه النقية والمستشفيات وهلم جرا... وكان ذلك في نهاية الخمسينات والستينات وكانت لجان التبرعات تصلنا في ام طرقا عراض تطلب منا القرش الصاغ لتعليم اخيك في المشيخات المتصالحة... وادفع قرشا ليشرب اخيك في المشيخات المتصالحة ماء نقيا ... وهكذا كنا ندفع بطيبة خاطر ... شوفتوا الدنيا إتغيرت كيف؟؟؟؟
يا عبدالله جعفر حكاية أضان الحمار دي ذكرتني ببت الخرطوم النقلوها غرب كردفان وعندما وصلت الأبيض قالوا ليها إنت منقولة لمدينة جعيبات وحلفت براس ابوها ماتمشي البلد دي... قالوا ليها امشي وتعالي بكره نغير ليك المدينة وعندما رجعت الصباح وجدت انهم نقلوها لمدينة تانية اسمها غبيش.... وهل تعلم انها نفس المدينة لكن باسم آخر .. ولهذا التسمية المزدوجة قصة... نتركها لبوست أخر
أما جماعتك بتاعين الكبسة فقصصهم كتيرة وطويلة لكن خليها مستورة
| |
|
|
|
|
|
|
Re: الما قراء الابتدائية فى السودان حقو راح (Re: 3mak Hasabo)
|
شباب كيف عامين اناما قرايت البوست الا اليوم دجاج يلقط الحبه ويجرى وهو فرانو واجدادنا القدما فى التاريخ واكتشاف النار وخريطه الجردله دى عزبتنى عذاب وفى القولد التقيت بالصديق انعم به من فاضل صديقى زورنا معا حدائق النخيل فى ظلها قد طاب لى مقيلى ومحمد قول فى بوسودان وصديقنا منقو من جوبا عندما كبيرنا وصلنا سنه سادسه جات حكايه المزاكره نحن اولاد حله السوق بنجيب البطيخ واولاد السكه حديدناس جافتى والطيره واولاد جمعه بجيوا الطعميه البايره من القطر واستاذ هاشم قيامتو قامت مره الدرابه عمل فيها حريف استاذ عوض الكريم كان التسميع عامله جدول كل زول قدامو عدد القاصيد البسمع يعمل صاح قصادو قام الدرابه صحح كل القصائد المادرسنها وكانت حكايه ونواصل ودعقاب
| |
|
|
|
|
|
|
Re: الما قراء الابتدائية فى السودان حقو راح (Re: 3mak Hasabo)
|
شباب كيف عامين اليومماقرايت البوست دجاج يلقط الحبه ويجرى وهو فرانو واجدادنا القدما فى التاريخ اكتشاف النار وخريطه الجردله دى عزبتنى عذاب وفى القولد التقيت بالصديق انعم به من فاضل صديقى زورنا معا حدائق النخيل فى ظلها قد طاب لى مقيلى ومحمد قول فى بوسودان وصديقنا منقو من جوبا عندما كبيرنا وصلنا سنه سادسه جات حكايه المزاكره نحن اولاد حله السوق بنجيب البطيخ واولاد السكه حديدناس جافتى والطيره واولاد جمعه بجيوا الطعميه البايره من القطر واستاذ هاشم قيامتو قامت مره الدرابه عمل فيها حريف استاذ عوض الكريم كان التسميع عامله جدول كل زول قدامو عدد القاصيد البسمع يعمل صاح قصادو قام الدرابه صحح كل القصائد المادرسنها وكانت حكايه ونواصل ودعقاب
| |
|
|
|
|
|
|
Re: الما قراء الابتدائية فى السودان حقو راح (Re: 3mak Hasabo)
|
شباب كيف عامين ما قريت البوست الا اليوم دجاج يلقط الحبه ويجرى وهو فرانو واجدادنا القدما فى التاريخ اكتشاف النار وخريطه الجردله دى عزبتنى عذاب وفى القولد التقيت بالصديق انعم به من فاضل صديقى زورنا معا حدائق النخيل فى ظلها قد طاب لى مقيلى ومحمد قول فى بوسودان وصديقنا منقو من جوبا عندما كبيرنا وصلنا سنه سادسه جات حكايه المزاكره نحن اولاد حله السوق بنجيب البطيخ واولاد السكه حديدناس جافتى والطيره واولاد جمعه بجيوا الطعميه البايره من القطر واستاذ هاشم قيامتو قامت مره الدرابه عمل فيها حريف استاذ عوض الكريم كان التسميع عامله جدول كل زول قدامو عدد القاصيد البسمع يعمل صاح قصادو قام الدرابه صحح كل القصائد المادرسنها وكانت حكايه ونواصل ودعقاب
| |
|
|
|
|
|
|
Re: الما قراء الابتدائية فى السودان حقو راح (Re: 3mak Hasabo)
|
ياشباب كلكم عاملين فيها صغار انا غايتو قريت كتاب اسمو الكشكول ههههههههه يكه وبعدين لمن عدت في سنة اولي غيرو المقرر وجابو لينا كتاب امل وبدر كبير كده مابخش في الشنطه ههههههههه يكه المهم انا متذكر المواضيع الفيها جكس بس ناس سهام والهام وحليمة بائعة اللبن ومريم الشجاعة لكن ناس زيدان الكسلان ما متذكرهم ههههههههه يكه
مشهد اول كنا في اولى ابتدائي اها بعدين في اجازة عيد الضحيه المدير قال اي زول يجيب جلد الخروف بتاعهم ويديهو للخفير بتاع المدرسة اثناء اجازة العيد ويسجل اسمو والعندو اخو في المدرسة يسجل اسمو واسم اخوهووالمابيجيب جلد خروف ح يدفع خمسين قرش عشان يعملو مراوح للمدرسة اها الناس كلها جابت جلد الضحية في الاجازة ولمن المدرسة فتحت كالعادة في طابور الصباح بعد كل اجازة جيمع المدرسين والناظر بيكنونوا موجودين في الطابور وطبعا الناس كلها ساكته بتسمع في كلام المدير من كل سنة وانتو طيبين وكده اها شفنا ليك غبار طالع بره الحيطه بتاعة المدرسة وبعد شوية يجي واحد من فصلنا كاري ليك جلد خروف ناشف ومعفن هههههههههه يكه اها المدير من قبل مايصل قال ليهو امشي ارمي العفن ههههههههههههه يكه ونواصل ماقلت لي ياقرجه الليله حاشي شنو في الفطور هههههههههه يكه
زاتوووووووو
| |
|
|
|
|
|
|
Re: الما قراء الابتدائية فى السودان حقو راح (Re: 3mak Hasabo)
|
يا ابو انور نهارك زي الورد اسمع يازول انا قريت الابتدائي في مدرسة المشاة الابتدائية المزدوجة بنين في امدرمان بانت مقابلة حي المهندسين حاليا في الفترة من في الفترة من 79 الى 84 اها يازول قصرنا معاك عارف عندنا استاذ كان بتونس مع استاذ تاني قال ليهو انت علامة مدرسة المشاة شنو اها الاستاذ التاني قال ليهو علامتها كراع هههههههههههههه يكه
زاتوووووو
| |
|
|
|
|
|
|
Re: الما قراء الابتدائية فى السودان حقو راح (Re: 3mak Hasabo)
|
عم حسبو وخريجي حقبة ماقبل الاستقلال بعد الاستقلال عبود نميري سلام اجارة الحرب وانتهت ينا هوي عندنا مدونة رايحة في زول شافا قرجة قلت فطورك بي شنو زمان نحنا في الثانوي العالي عمانا اضراب وكان عندا ناظر ربنا يطراهو بالخير ابراهيم احد طه اها الناظر جمعنا كلنا اها ياناس مضربين مالكم الجماعة قالوا عشان ليهم اسبوع ما اكلو جبنة تصوروا اسبوع بلا جبنة زمان بالله الا كان الناظر قال اسع عليكم الله قداديمكم دي قداديم جبنة بالله ومن هناك كل زول علي الفصل
كنتونا كوستا دوما سلام من تاني عبدالله جعفر
| |
|
|
|
|
|
|
Re: الما قراء الابتدائية فى السودان حقو راح (Re: 3mak Hasabo)
|
عبدالله ود جعفر
سلامات
يا اخوى انت مسعول من الخير عمك حسبو فتح مدرستو الابتدائية دى و غطس وين ؟؟؟
يكون عندو حصة فى مدرسة تانى ( باقى فى نقص الليل مدرسين ) ... لكن المشكلة انو هو الناظر ... و زمان داك الناظر نادرآ ما يعطى دروس للتلاميذ
لكنه و حياتك الزمن ده يعطى دروس و خصوصية كمان و يجى بنفسه للطالب فى البيت
و عصفورتان فى الحجاز على فنن
بقية ناس الفصل ..... سلام
| |
|
|
|
|
|
|
Re: الما قراء الابتدائية فى السودان حقو راح (Re: 3mak Hasabo)
|
ود جعفر
سلام ... و يديك العافية
كانتونا كان الالفة فى دفعته و يبدو عليه كان من المتفوقين اكاديميآ و اجتماعيآ
بس انت تعال الحاجة دومة مما لقت الحكاية فيها دفعتى و دفعتك كبت الزوغة و عملت نايمة ( مالنا و مال القراية ام عمر اقصد ام دق ) اها كمان عمك قرجه عمل نايم ...
و الله يا عبدالله اذكر انه لما تجى احتفالات الاستقلال المدرسة كلها بتطلع شايله الاعلام و التلاميذ بيرددوا روائع وردى عن الاستقلال : اليوم نرفع راية استقلالنا و يسطر التاريخ مولد شعبى كنا نطوف كل الحى و الاحياؤ ء المجاورة ... و كنا و نحن تلاميذ صغار نشعر بزهو ليس لمناسبة الاستقلال فعقولنا فى ذاك الزمن اقصر من ان تستوعب مثل ذلك ، و لكن كنا مزهويين بتنظيم خطواتنا و حملنا للاعلام و اللافتات التى تمجده و كنا فخورين بان كل ناس الحى او الحلة يخرجون للنظر الينا و التلويح لنا و بعضهم كان يصفق
هسع باقى ليك ياود جعفر جنس الكلام عند ناس الجامعات موجود ؟؟ خليك من ناس مرحلة اللحاس
و بعدين تعال ناس الفصل ديل مالم كلهم نايمين ؟؟؟ فول حاجة حواءالنبى المصلح داك عمل مفعوله خلى بالك
اها
ابقى عااااافية
| |
|
|
|
|
|
|
|