|
|
|
 Re: المدرسة الما جاده في الشعر السوداني (Re: 7abib_alkul)
|
االملاحظ انه القارىء بتنتابو فرفرة وغنتسة وهشهشة وهو يمربصورة الشواطين وهم لابسين الجرايد المهلهلة،
الشاعر قدر يصور حالة انعدام الوزن الناتجة عن الارث المتوارث فى ايدولوجيا الشعر وبنوية اللحن ، ودة ماعريب على سيوسولوجيا البنى التحتية،
وزى ماقال المثل موية من تحتى تبن،
انت ياحبيب الكل
| |
 
|
|
|
|
|
|
|
|
Re: المدرسة الما جاده في الشعر السوداني (Re: Tumadir)
|
الاستاذه تماضر
شكرك كثيرا لفزلكتك الادبيه في في محاوله الغور داخل جخنون الشاعر والخروج منه بكل الانبراشات التي حاول ان يخفيها من خلال تعتميه علي روية القصيده
واكيد الشاعر دا موية من تحت تبن
لووووووووووووووول
| |
|
|
|
|
|
|
|
|
|
Re: المدرسة الما جاده في الشعر السوداني (Re: 7abib_alkul)
|
هذا النص اشارك به بمناسبة يوم الشعر المكوجن
انبهمى يا حميرى
قد صحت بملء الشدوق هذه اللبلابة ليست للهيط
انها بعض الخدار !
يا طيورى خاته ناقورك اوه قرب ناقورى
كم انت بليدة
اه صنقورى...
انفشخت على سرج الليال
مجكك مثل العلال ...
واغنى...
فى سماوات الخيال
اوه يا لها تفحيطة!
قلبتنى فوق تلك الحيطة...
فوق تلك الحيطة
اه تلك الحيطة
| |
|
|
|
|
|
|
|
|
|
Re: المدرسة الما جاده في الشعر السوداني (Re: wadahmed)
|
ياريتك لو ما حبيبت
ثلاث واربع ايام بره البيت
قولى شن
لقيت
وشن سويت
كلام حنين وسنين
معاهو العين مكتوله الجفنين
وفيهو بسمة مرسومة فى الخدين
وهاك يا الايدين
بيهن الكلام شمال ويمين
وجنس تلوين وجنس تليين
والعجب الشكة
مربوطة بحزامين
وخانقة الكلوتين
يا حليكم يا بنبن
وراكم راحت سنين
وسنين
مع المعزرة يا حبيب الكل
| |
|
|
|
|
|
|
|
|
|
Re: المدرسة الما جاده في الشعر السوداني (Re: 7abib_alkul)
|
حبيب الكل
اعتقد ولمعلومات مستقاه ومن نسيج الزبادى بدءا قبل
انكشاح الطماطم صلصة جهارا نهارا في خدود المرتجع
من صوت العسلية عيونا والكجومورو , اقول اعتقد
بان الشعر الانبراشى رهين المحبسين الموية والنور
في تمام مجيئه كان لصيقا بانحشار الوجع في السكة
وبذا يمكن دراسة الشوق زبادى بانها مداورة من الشاعر
تفيد بشوقه الى الزبادى وماالحبيبة الا حائط صد
الاحلام الكمونية في جوف النفس المتشعلقة
| |
|
|
|
|
|
|
|
|
|
Re: المدرسة الما جاده في الشعر السوداني (Re: 7abib_alkul)
|
حقيقه انا زي عندي رؤيه مختلفه شويه في تسميه المدرسه
هي اكتر مدرسه جاده في التعبير عن قضايا الامه الا وهي ربط الاكل بالشعروهو مربوط ربطه كلب سعران اذ ان المصداقيه التي اختفت في الشعر الجادي ادت الي التاثير المباشر علي المدرسه الما جاده لانو كل قصيده تنتهي بعباره والله بالجد
طبعا نحتاج لان نغوص في اعماق هذه المدرسه وشعرائها الفحول اللذين ابلو بلاءا حسنا في التعبير
وانا افتكر واعتقد انو حاله الازبهلاليه التي اثرت في رواد هذه المدرسه كانت بسبب ست الاسكريم الواقفه في الشارع الكانو متديينين منها وزاغو بالقروش
ولنا عوده
ود الخليفه
| |
|
|
|
|
|
|
|
|
|
Re: المدرسة الما جاده في الشعر السوداني (Re: 7abib_alkul)
|
حبيبنا كلنا
المدرسة الما جادة دى مدرسة منغرسة حتى النخاع فى دورة حياة الانسان
فمثلاً لتحليل المقطع
في مرافي سكون حمير اللبن
اشتقت ليك يا حمام الدار
في زمن الودار
واكتشفتك ضهب نار الزمن
يا عرس المصايب للمحن
الواحد زى داير يقول فى الحتة دى
انو ما يعرض هنا هى انشباكات الوعى الذاتى بلحظة قصوره وعجزه ، تطفح على سطح القصيدة كتداعيات
منفلتة بسرعة انفلات أكثر من 50 عقدة فى الثانية من لا واعية الشخوص ، أو كذكريات متقطعة مستثارة
جايبة الشاعر فى تمنة لبن أو كورة زبادى وهى زكريات مبسترة من لحظات مجد قديم مبكى عليه
أو زكريات طفولة بسحر طزاجة الوجدان وخصوبة العالم وبرأته المفقودة
الى الابد . فما يعرضه علينا الشاعر هو تداعيات نفوس عاجزة ، تحكى عن تراجيديا البطولة المزيفة
بنستالجيا الوهم الغلاب ، وتظل كل هذه العناصر سائدة أو كامنة كثيمات على مستوى البنى الصغرى
للقصيدة خفية حيناً وبارزة حيناً آخر يتم التعبير عنهامن خلال استخدام لغة خاصة بالمدرسة من استلاف
لمجازات واستعارات مستمدة من مرجعيات الشعراء الثقافية
وما لحقناك يا زمن الضهب
وما لحقنا حتى العشا
يا زمن الخفوت والوشوشا
وين القبيل خطفوا القليب
وينهم ناس رشا؟
وفى الحتة دى الشاعر تبنى صيغة " ضمير المخاطب " فى السرد
والحوار كاستراتيجية لفك الارتباط المزدوج بين الشاعر والمقاطع ، أو عالمه المتخيل
أو كتكنيك فعال لخلق الايهام بانفصال التجربة الابداعية عن التاريخ الشخصى لسيرة الشاعر لما سيجره عليه
من استدراكات ثانوية لاحقة
ودا نقد سريع والله بالجد
بس لمنا فى باقى الهردبيس
| |
|
|
|
|
|
|
|
|
|
Re: المدرسة الما جاده في الشعر السوداني (Re: 7abib_alkul)
|
حـبيب الكل..انت ذاتك طلعت جادي وانحرفت بجوهر القضية وشـربت الشاي مع الرضية..
مـقامات الجـرسة
أول علامات الجرسة
انك تلبس الشراب بره الجزمـة
والشوق معاك كـمين حزمه
مـقام الجـرسة الضـمنيه
تشوف النحل قادم
تعمل فيها حازم
وتشرب من السبيل
وكن ماعندهم سبيل
تصلح رباط الجزمه
مـقام الجـرسة الـصريحة
تحتاج تلات اربع كبكبه
خطوه مهلهلة كالربربه
واطلاق جمل ناقصة
تقول ليها
ســـلاااام
تقول ليك سـم
مـقام الشوق والحب بالزوق
حـبتني..لمن حبيتها قامت عرست
فدرست
ففلست
ثم فقست
لي عضمي هرست
جيت شايل الشوق مكدس
لقيت الشاكوش واقف مسدس
اخدت تريس ديناري..قام الشوق جاري
وعـرجت
قلت يارب طاحونة
ومـرة مجنونة
طلعت الشارع ..لقيت مـيمونة
واللـــــــــــــــــــــه جــد
ودمتم
كـبر
| |
|
|
|
|
|
|
|
|
|
Re: المدرسة الما جاده في الشعر السوداني (Re: 7abib_alkul)
|
حبيب الكل
أنا كمان عملت مدرسة جديدة إسمها المدرسة الإنتهازية
و هي مدرسة حديثة نشأت في العصر البوردي الثالث
و معظم شعرائها من البورد التاني
و منهم إنتهازي و الشاعر الكبير إنتهازي الثاني
و الشاعر الشاب إنتهازي
و معليش على البري يا أخوانا أنا ما عارف الليلة مالي أنا
و يا حبيب الكل تسلم
| |
|
|
|
|
|
|
| |
7abib_alkul
Tumadir
wadahmed
bamseka
نصار
bob
nooralaen
woroorrook
ود الخليفه
Kabar
intehazy
AnwarKing
فيس بوك
تويتر
انستقرام
يوتيوب
بنتيريست