|
كتب الكاتب الفاتح جبرا المتوفرة بمعرض الدوحة
|
|
 Re: اكتبي ليي..برواية دافي..لانها ما كتبت لي الليله (Re: Dafi)
|
قرشو الله لا يجيب الزعل
انا زي سماح..ما بخبر زعل بالساهل
بعدين التنقيح والتلقيح ده ..في اي حاجه ممكن افتي الا امور الكمبيوتر دي
اخوك خمي الاغنيه دي بي كوريكو من سوداسايت وكباها ليكم هنا
قصرت معاكم!!!؟
لقحوا بي طريقتكم بعد ده
*********
اتذكرت حاجه..امبارح واحد فرجني فلم اسمو الناظر..قربت اموت من الضحك..فيهو واحد اسمو..اللمبي..مباااالغه
ما عارف يمكن عشان طولت من الافلام المصريه
المهم
اللمبي قال للناظر
يلا بأه..انحرفوا
وانا بقول ليك
يلا بأه
نقحوا
| |
 
|
|
|
|
|
|
|
|
Re: اكتبي ليي..برواية دافي..لانها ما كتبت لي الليله (Re: Dafi)
|
...
..
.
دافى الجميل حد الألق ..
وهل مثلك يفعل ياصديقى !!!
خلينى كدا النقرب منك
ياجميل
أسعد بقرب مثلك .. بأريحية حاتم الطائى
أعقر ناقتى .. أتفّن فى الواطه
وأستعذب حديث قلبك .. وصدق تفاصيلك
لكم أنت جميل ياصديقى حد الجرح
نقى وصادق ..
والله أشتاق لك .. لقد أدمي مقلتىّ حديث روحك .. دافى
| |
|
|
|
|
|
|
|
|
|
Re: اكتبي ليي..برواية دافي..لانها ما كتبت لي الليله (Re: غدى)
|
أنا لن أكتب ليك يالدافي الدافئ..فمنذ أخر رسالة للحبوكانا أو الجكس بلغقبل أعوام كثيرة خلت لم أكتب رسالة..ولكنني أكتب خطابات وتقارير وبوستات وحقيقة حتى بوستات لم أعد أكتب بل أكتب مداخلات..لم ينضب المعين..ولكن صمة الخشم ولا التمشدق بما لا يخدم قضية ولا يحقق هدفا..الأغلبية الصامتة هم حملة الأقلام المنكسة والشهادات المتدلية من مسامير على الجدران مثل الكرافتات الخانقة الرقاب مثل الكروش البارزة من جراء المركب المريح والأكل البلا جوع
العمر ينصرم والباب الفي الطرف الأخر بدأ يفتح ضلفاته للخروج من هذا المسرح الممل والحصيلة أن أجيال كاملة محسوبة على الوطن لم تقدم للوطن شئيا..ولن تقدم..من يكتب لمن يالدافي؟
| |
|
|
|
|
|
|
|
|
 Re: اكتبي ليي..برواية دافي..لانها ما كتبت لي الليله (Re: Dafi)
|
Dear Dafi,
Wow..it is pleasure to know you are here, between those most adorable people. You are the guy, the song is so marvelous, reminding me those days we spent with Bajbaja and the other friends in Bahri when we were students in the Univ.
Allah yadeek Al3afya ya man... Those days are worthy to forget.
Wish you the best ..and the rest of you.
| |
|
|
|
|
|
|
|
|
|
re (Re: Dafi)
|
كما يهدى الاغنية بوكو الى جميع الاخوان
والاخوات
بام ضريوة وشلعوها الخوالدة وعوج الدرب
وام طرقا عراض ويخص بالاهداء الاخت حلم الاماسى
بالامارات
بعد اذنك يادافى يا دافى
لكن قالوا الخيل تجقلب والشكر لى حماد
يعنى الجماعة ديل ح يشكرونى انا
والفنان والشاعر والعازفين وانت رحتو شمار فى مرقة
ههههههههههه يكة
| |
|
|
|
|
|
|
|
|
|
Re: re (Re: boco)
|
انحنا في ابو قوتة ما عندنا اهداء ولا شنو
والله ذكرتني ما يطلبه المستمعون بتاع الرادي
هاهاهاهاه
هاهاها
البياز
عوافي
| |
|
|
|
|
|
|
|
|
|
Re: اكتبي ليي..برواية دافي..لانها ما كتبت لي الليله (Re: rummana)
|
...
..
.
دافى .. الفيروزى الأسطورة
أطّوحنى هذا الصباح الذى لايشىء
الا بحزن غامض
يتغلغل حد ثنايا الروح
التى أنهكها السفر
وهدها الحزن ..
أشد الى تخومك رحالى .. وأعلن عليك
الشوق حتى اشعار أخر ..
نتشارك قطعة خبز .. ووطن كلما أقتربناه نأ به عنا
وفى الخاطر موجة تأتى هادرة .. وتغادر بشىء
من انكسار مرّ كقهوة صباحى .. وأكثر
لك أيها النقى
صباحات الحلم الأبيض على جناح اليمامة ...
أتضامن والرمانة الشفيفة .. وهنا اثبّت أوتاد حسى ...
| |
|
|
|
|
|
|
|
|
|
Re: اكتبي ليي..برواية دافي..لانها ما كتبت لي الليله (Re: شرير والبرتقاله)
|
...
..
.
صاحب البرتقالة الجميل
والباحث عن الأماكن المسكونة فى الذاكرة
الله عليك .. وأشواقك المترعة
بالذكريات ..
الله عليك وأنت تستعيدها لحظة .. بلحظة
تفصيلة .. تفصيلة
ثم تنتمى اليها صوتا مجرّحا بالغناء
لزمن جميل ..
عذب هو الاحتفاء بالذاكرة
ومقيمة هى التى تسرّب تفاصيلها من دهاليز
لاوعيك .. الى حاضر
وعيك ...
| |
|
|
|
|
|
|
|
|
|
Re: اكتبي ليي..برواية دافي..لانها ما كتبت لي الليله (Re: Ahmed Elsharif)
|
يا دافى
مالك مكروب؟؟؟
ما كتبت ليك؟؟؟
رسل ليها ورقة وقلم امكن ما عندها
علمها الحروف الهجائية امكن ما بتعرف تفك الخط
اكتب ليها انت ، امكن واقفة ليك فى الضفة شايلة العشم والانتظار
احكى ليها حجوة متفاءلة امكن روحها متسربة وما بى خاترها
غنى ليها الغنية دى .... امكن راجياها منك
اديها خاطرك وانسجامك والشروق
هى الكتابة شنو؟؟؟
ما حلم
بضيق ويفيق وبهديهه القلم
ياسلام من رقتك
شفت الناس بريدوك كيف؟؟؟
اها نحن كتبنا فضلت هى
| |
|
|
|
|
|
|
|
|
|
Re: اكتبي ليي..برواية دافي..لانها ما كتبت لي الليله (Re: Dafi)
|
..
.
صباح النور......تحياتي ليك يا دافي
لي كده يا دافي .لي الناس ما بتكتب لبك؟..انت دايما بتتحفنا باغنياتك يا دافي.......
انا كمان مع الجماعه ليك على اضرب ليك سلام كل مل اقدر و الاغنيه ما اشتغلت ........
و يا ريت لو كانت يا(((((((((( حبيبي انا عيان....
تحياتي
Solara...
| |
|
|
|
|
|
|
|
|
|
Re: اكتبي ليي..برواية دافي..لانها ما كتبت لي الليله (Re: solara)
|
...
..
.
النقىء .. دافى
لازالت الشمس تشرق أحيانا ياصديقى
وفى عينيها بعض حزن
وعلى شفتيها جبال من حنين .. وشجن ..
الوقت صقيع .. وبعض دفئك
يسرّب للصباح شكل الابتسامة
ثم يؤذّن للمساء
أغنية تفضىء الى مرابع للذكرى وتخوم للشوق ..
للصمت هيبة .. ولضجيجك معنى وقيمة
تتخطى احساس اللحظة وتمنح اللوحة
اطارها المفقود ...
لك ثورة .. تلال شوق وشىء من ضجيج ...
| |
|
|
|
|
|
|
|
|
|
Re: اكتبي ليي..برواية دافي..لانها ما كتبت لي الليله (Re: Dafi)
|
صباحاتكم...كما..أشتهي
رونقا..لا يخالطه غباش
وليلي..كما ..كما لهفتي...
لا ينتهي
اشتاقكم..ولا اعرف..كيف!!
احبكم..يا هؤلاء
جميعا
تماضر
خاصتي
..كلامك..بحفر في العضم...ينقر نقير
بتعرفي تجيبي اخري...
لكن بردها ليك...انا برضو بعرف اجيب اخرك
جبتي لي احساس النمل..البشحتفني داك
غلبني..لا قدرت اقعد لا قدرت اقوم
في النهايه
جاني صداع
هيرو
يا طاعم
ها قد عدت..تستسقي بوادي الظمأ...!!!..يا نهر!!!
ما بوسعي..شئ...وبوسعك..الخيال..واحتراف الجمال
انا..مقعد الحواس..وانت كاملها
صدف..جسمي...وروحك..لؤلؤه
ضامر...رسمي...واحساسك..رؤي
دونك..ملوك..النضار..وحواشيهم
اجلس مكان الحب..ما شئت منهم..وتفسح
واترك لي صوامعي الصدئه
اتركني
...
يعذبني حسن الظن في ظلامي الذي لا يعرف الشموع
| |
|
|
|
|
|
|
|
|
|
Re: اكتبي ليي..برواية دافي..لانها ما كتبت لي الليله (Re: Dafi)
|
...
..
.
نديم مساءات الشجن ..
والمحلّق فوق الغيب .. دافى ...
كيف تنأ خطاى دافى .. وتبتعد وأنا أراك
تحمل جسدك النحيل .. حزنك وسخريتك
راكضا فى اتجاه مخبأ الأحزان !!!
كيف لى أن أغادر والمكان احتبست أنفاسه ثم غادرت
حين غادرت أنت ..
دافى ..
حين تعود .. تعود الحياة الى شرايين تفاصيل
الأشياء ..
نفترش الأرض الطيبة عند تخوم النيل .. ننادم المساء
ونغنى للزمن الجميل ..
ينسرب الىّ صوتك خافتا قبل اندلاع شرارة الحريق
الأولى ..
أدندن معك رغم قبح صوتى ثم أخبرك كم صوتك جميل .. دافى
وملىء بالشجن ..
غنّ دافى .. ولو كان مجرّحا .. حزينا تحاصره خيبات الوطن
وأمنح شريان المساء .. ووريده المعطوب
بعض نبض روحك ..
ونقاء صدقك الاستثناء ...
| |
|
|
|
|
|
|
|
|
|
Re: اكتبي ليي..برواية دافي..لانها ما كتبت لي الليله (Re: Dafi)
|
احمد الشريف
ناس ..بيوريا ..بعرفهم معظمهم..والما بعرفوا..شكلو بكون ..محفوظ بالنسبه لي..هسه لو ما اخاف الكضب..انت زاتك..مااااااا غريب علي..بس زي ما عارف..الخرف حاصل..والذاكره بقت متهالكه
شكرا يا حلوين علي اطلالتكم
كنت..ما مروق
خليتوني ابقي مروق
استغل روقتي دي..وامشي افتش لي نومه كده
اشوفكم..في زمن اجمل
مع السلامه
| |
|
|
|
|
|
|
|
|
|
Re: اكتبي ليي..برواية دافي..لانها ما كتبت لي الليله (Re: Dafi)
|
صديق
انا ما عارف الناس دي مصرة علي تسميتك دافي كيف
اصلا انتا كيف تسمح لي نفسك بي انك تقول انا عايز نك نيم دافي
دي واحدة
اتنين
يوسف محي الدين علاقتو شنو بي تماضر بس
والود دة هسع شن سوا وعامل شنو
وناس العرضة جنوب بقي عليهم وعقد وكرب ولا لسع
اخيرا
انتا ساكن في بيت بابو زنكي
الخبابيت دي كلها شنو
اخيرا تاني
بختك يا عم
اخيرا لقيت ليك زول بريدك
يا مقطع
اخيرا خالص
تخيل لقيت منو امس ؟
| |
|
|
|
|
|
|
|
|
|
Re: اكتبي ليي..برواية دافي..لانها ما كتبت لي الليله (Re: DKEEN)
|
دكين
اول حاجه
قصة النك نيم دي
كنت فاتح النت..وبسجل في البورد...قام دخل علي دبيب من الدبايب..وسالتو..الجو بره كيف..قام قال لي دافي..وقعد يكررها كده..دافي دافي ..دافي..بدون اي مناسبه
اها في اللحظه دي انا كنت وصلت حتة اختيار النك نيم..وانت عارف اخوك ما بيتلفت..قمت لصقتها طوالي
يعني لو كان قال لي ..الجو بره..عنقريب..كان اسمي في البورد حيكون عنقريب!!فهمت..يا ابو مخا غليد!!!!!؟
تاني حاجه
يوسف وتماضر..علاقتهم طرديه
كلما زادت جمالا..زاد ..هو رهافة
اسالها..هي بتوريك..في حاجه اسمها ماسنجر في البورد ده
والحاجات التانيه..والاخبار.انا مقطوع منها..وهي قاطعه مني
انا اسالني من الشقي وعدم اللقي..تاني ما تسالني من اي حاجه
اخر حاجه
مقطع دي شنو كمان!!!!؟
وبعدين تعال هنا.مالي ما بلقي لي زول يريدني..مقطع ولا مقطع!!!!
حاجه بعد آخر حاجه
ما قدرت اتخيل لقيت منو!!!
| |
|
|
|
|
|
|
|
|
 Re: اكتبي ليي..برواية دافي..لانها ما كتبت لي الليله (Re: Dafi)
|
كتبت ليك
لا بيني بينك ريده لا قصه غرام
كتبت ليك اجمل حروف وسط الفواصل نادره في لغه الكلام
كتبت ليك و الله يا قمر الزمان
شان جيتي بزمن المحنه و شفت في عينيك حس اهلي الحنان
كتبت ليك
و بعدين زي ما قال يحيى فضل الله
(ما في داعي يا حروف الالفه تحترفي التداعي) !
فدع تلك تطلق ما يلهج به لسانها من اذكى العبارات فما في القلب هو ما في اللسان
وعدم الكلام هو اجمل الكلام . . .
# و زي ما قال نزار قباني:
هل من كلام يقولك . . . دون كلام؟؟؟
لك دمعه من دموعي
دموع
| |
|
|
|
|
|
|
|
|
|
Re: اكتبي ليي..برواية دافي..لانها ما كتبت لي الليله (Re: dmoo3)
|
كتبت ليك..وانا جاي من
زمن الشقي المرسوم علي..وش الثواني مظللها
تتمدد الساعات سنين ..تتفتح الاحزان
غريبه..ومذهله
واشتاق افتش نسمه في الزمن العذاب
وايامي من ..كتر الاسي
وكتر العزوف والاغتراب
صارت حروف مترهله..لحظات اسيفه..ومهمله
*
دموع
هي وين زاتها!!!؟ ومنو هي!!!؟
قاعده وين!!؟
وساكته مالها!!!؟
انا حتي الخيال بتخيلو..يا دموع
ولما..كل الكون..يكون افتراضي
تبقي الحقيقه..هي الزيف الوحيد
خليك مع هيرو..في مجموعه واحده
شكلك نقيه زيو
مالك ومال الغباش ده!!!!؟
| |
|
|
|
|
|
|
| |
Dafi
rummana
قرشـــو
banadieha
sharnobi
waleed500
Ahmed Alarabi
boco
Ahmed Elsharif
Tumadir
فيس بوك
تويتر
انستقرام
يوتيوب
بنتيريست