|
|
 زعيط....و....معيط
|
الغناء....والله انا زول عناء وزول هيصة... وزول ونسة وضحك وجني وجن يوم السبت.... من أيام المدرسة وخاصة لو كان تسميع جدول الضرب و الدور واقف عندي........بريد الغناء لكن عناء ناس الزمن دا والله ما واقع لي......وخاصة ناس الموسيقى والمسرح.....يمكن اضاني كعبة...وما بتتحمل الفلهمة.....اعرض وابرج وابشّر في أغاني الحقيبة وميرغني المامون واحمد حسن جمعة وأولاد الموردة....ود البادية وإبراهيم عوض....... أبو الأمين لا.....عندو شي بيعجبني وشي يعلني والله ....زي ذات الشجون.....لكن اسوي شنو؟ كان عندي اصحابي بيريدو عناهو...وانا بقعد معاهم وبسمع..غناهو...واعمل نفسي مبسوط ومتكيف.... عشان ما يقولو انا زول متخلف واضاني الموسيقية... طرشا.....لكن والله لما الغنية تنتهي..اصفق واهلل ...بس عشان الغنية انتهت.......بريد المسرح لكن لو اديتوني مليون دولار ما عندي استعداد اقعد واتفرج علي هاملت وعطيل.....برضو يمكن حسي الثقافي زي الزفت.....يضحكوني ناس فرقة الاصدقاء.... ويزهجني الفاضل سعيد.... يضحكني سمير غانم وعادل امام... ويزهجني سيد زيان.........اقرا كتب وقصص وروايات.... لكن القصة من يبقى فيها كليمات شوية ما راكابات عدلن....وفيهن فلهمه..اجدع الكتاب هناك و الزول الكاتبو ما اظني تاني ح اقرا ليهو شي
........... انا باقي لي من ناس ظعيط ومعيط.... لو ما بقيت معيط زاتو
|
|
 
|
|
|
|
|
|
|
|
Re: زعيط....و....معيط (Re: سجيمان)
|
سجيمان بدل مانرحب بيك هناك نرحب بيك هنا
اها يازول ماعندك عوجه تب يغنب المغني وكل علي هواه
خليك بي مزاجك ومافي واحد يعكرو ليك والحقيبه ذاتها ذوق وشعر رصين وغنا كارب
يعني ذوقك رفيع في رايي
| |
|
|
|
|
|
|
|
|
|
Re: زعيط....و....معيط (Re: سجيمان)
|
معروف في تاريخ العالم قي ناس بعدو التجديد صواته
وبعدين في الاخر يكتشفو انو تجديد
لكن ظاهرة الاختلاف حول التجديد نفسو ظاهره صحيه
| |
|
|
|
|
|
|
|
|
|
Re: زعيط....و....معيط (Re: Elmosley)
|
سجيمان
ازيك يا زول
وحبابك عشرة فى دارنا دى
هى حقيقة ما دارى ملك لكن وحاتك بقت لى زى بيتنا ولكن بغيب خميس وجمعة عشان بشتغل ملح من الشركة واها جيت لقيتك وانا سامع بيك من زمااااان ياخوى
قالوا زولا سمح بالحيل كلامك يبسط ويفرح والله وصلنا الشمار اخونا يازول وشكرك شكر ما بعده كلام وخلانا نشتاق نسمع حسك
ياخوى اتاريك ماك ساهل واتارينى لقيت لى رفيق والله
يازول اكان انت زعيط انا معيط ولتحيا شعوب العالم المهمشة
اسعلك سعال
بتسمع الوليد مصطفى سيد احمد عطر الله ثراه
رأيك شنو فى غناه
يازول والله ندى القلعة تمام التمام وبتعجبنى
تقول غناها هابط ولا طالع انا بتعجبنى
اها رايك شنو
| |
|
|
|
|
|
|
|
|
|
Re: زعيط....و....معيط (Re: قرشـــو)
|
الموصلي.....انا ما ضد التجديد لكن ضد الصواطة....وانت يا زول لابد مالك ما عندك لا حس لا خبر.. ومخلي الدارة لناس حمبرة وغنامة؟
قرشو..... اهلا بيك...انت يا اخي...و يا زول زولا ما بعدو نضم......
والله ندى القلعة دي سمعتها مرة.... لكن يا اخوي معاي انا مويتها ما جاية........لكن يا قرشو البحلنا شنو من تلفزيون السودان و اللحو؟
الراجل ساكن فيهو سكنة
| |
|
|
|
|
|
|
| |
سجيمان
Elmosley
قرشـــو
garjah
Ridhaa
فيس بوك
تويتر
انستقرام
يوتيوب
بنتيريست