كتب الكاتب الفاتح جبرا المتوفرة بمعرض الدوحة
|
نصيحة ، أي واحد يأكل ليه ليمونة قبل قراءة هذا البوست ، وقد أُعذر من أنذر
|
أيها الرائعون تحية طيبة وبعد أود أن أحكي لكم تفاصيل هذه القصة الحقيقية التي وقعت لأحد أصحابي في أمدرمان ويسكن في حي الشهداء بأمدرمان وتعود تفاصيل هذه القصة إلى أن صاحبنا هذا كان مصاحب ليه شاب هندي ممتاز في السودان وهذا الهندي هو جاره في الحلة ونشأوا في حي واحد وإمتدت العلاقة بينهم حتى صارت العلاقة أسرية وكل واحد بيعرف أسرة الثاني بحكم الجيرة والتداخل وقد كان الهنود هؤلاء طيبين طيبة أهلنا في السودان لأنهم عاشوا في السودان سنوات عديدة وحتى لهجتهم في الكلام أصبحت سودانية بحتة وفي مرة من المرات أرادت هذه الأسرة الهندية السفر إلى الهند لبعض الشأن ، فما كان منهم إلا أن طلبوا من صاحبنا هذا أن يجلس لهم البيت ويرعاه لحين عودتهم من السفر ، وفعلا صاحبنا ما كضب واستلم ليك بيت الهنود على حسابه ، طبعا الولد ما شغال والدنيا إجازة وكلم أصحابه وبيجوهو بيلعبوا كوشتينة وضمنة والمهم قلبوا ليك بيت الهنود نادي بس ! ووقت الغداء يظبطوا ليك الحلة الماخمج القطر قام أو شوربة عدس على كيف كيفك ويواصلوا في لعبهم أها قام جاهم صاحبهم طول منهم وقال ليهم أنا الليلة عندي ليكم أكلة خطيرة والمطبخ ده ما داير فيه أي زول ! براي بشتغل المهم الضيف استلم المطبخ على حسابه وظبط ليك الحلة تظبيط شديد بس ناقصها بهارات فقام سأل صاحبه الساكن في البيت قال ليه : يافلان علبة البهارات وين ؟ وطبعا صاحبنا داك كان القيم بتاع الوست مسخن لا بيسمع ولا بيشوف قام رد عليه : تلقى علبة البهارات في الرف الخارجي وفعلاً صاحبنا لقى علبة في الرف الخارجي وصار يغرف منها ويكب في الحلة وبعد داك جاب ليهم الحلة كاربة وأصحابنا ما كضبو ضربوا ليك ضرب صاح وكل والله يقول للراجل إلا تديني الوصفة دي وطبعا صاحب الحلة : عامل فيها الولد خبرة وما بدي وصفتو دي لزول المهم في الموضوع إنه جماعتنا من اليوم داك خلو المطبخ لصاحبنا بتاع الحلة وهو يظبط والجماعة يلهطوا وإنتهت مدة الشهرين وناس البيت جو من السفر والراجل سلمهم المفتاح ورجع بيتهم وكل أصحابه شايفين إنهم قضوا أيام ظريفة في بيت الهنود وأظرف ما فيها حلة فلان الخطيرة وأصبح بين يوم وليلة بين المشاهير في إعداد حلة العزابة وبعد إسبوع جاء الولد الهندي لصاحبه وقال ليه : أسمع يافلان كانت في علبة في الرف الخارجي للدولاب ما شفتها ؟؟؟؟؟؟؟؟؟؟؟؟ طبعا رد عليه وقال ليه علبة شنو ؟؟ قام الهندي وصف ليه شكل العلبة وهي متوسطة الحجم قام صاحبنا قال ليه : إنت قصدك العلبة المتوسطة ديك ؟ قام الهندي قال ليه : أأأأي الكانت قاعدة في الرف الخارجي قام صاحبنا قال ليه : والله تعرف طبعا صاحبنا فلان كان بيستخدمها في الآكل وقعد يوصف ليه في آكل فلان وإنو بيعرف يظبط حلة ما حصلت و.......و......و فقام الهندي قاعد يبكي فسأله صاحبه : إنت بتبكي مالك ؟؟؟؟؟؟؟؟؟؟؟؟؟؟؟؟؟؟؟ قال ليه : العلبة ديك كانت رماد جدي الذي مات وحرقناهو قبل 5 سنوات انتهت ولكم أن تتصوروا الباقي مش قبيل قلت ليكم أكلوا ليمونة قبل القراية براكم أبيتو تسمعوا الكلام وقد أُعذر من أنـــــــــــــــــــــــــــــــــــذر ولكم تحياتي وهذه قصة واقعية الجعلي
|
|
|
|
|
|
|
|
Re: نصيحة ، أي واحد يأكل ليه ليمونة قبل قراءة هذا البوست ، وقد أُعذر من أنذ (Re: الجعلي)
|
الجعلى
صباحاتك بلون الحب والاخلاص
يعنى الشباب اكلوا الهندى العجوز ؟؟؟
هااااى يكا على راى الزول ذاتو
لكن ياخى ديل خطيرين والله دى عازه ليها قفة ليمون ياخى تقول ليمونة واحدة بس
حكاوى ظريفة والله
مرة اخوى الصغير كان فى رحلة ومشى لقى شباب ثانين والمهم عندهم شية كاربة قام ضرب معاهم وبعد ما خلص سألوه قالوا ليه انت عارف ده لحم شنو؟؟ ده لحم ابو القنفد
طبعا اخوى ما عندو قشة مرة قال ليهم لو لحم اسد انا باكله
| |
|
|
|
|
|
|
Re: نصيحة ، أي واحد يأكل ليه ليمونة قبل قراءة هذا البوست ، وقد أُعذر من أنذ (Re: الجعلي)
|
عوووووووووع يا الجعلي انا خلاص ح اعتذل من البورد بي حلتك دي انا زمان ناس البيت قالو لي اعمل لينا بوش كارب كده اها يازول جبت ليك الجبنة والدكوه وجرجير وساردين شفت اي حاجه كانت جو الصحن ههههههههه يكه اها في النهاية يازول مسكت ليك دهن الكركار بدل زيت السمسم وغرقت ليك الصحن انت قال ليك الجماعة ماضربوهو هههههههههههههههه يكه طيب في طالب معروف في كلية الفنون اها كان مفلس شديد قال للجماعة الغداء كيف اها عملو شيرنغ قال ليهم انا بعرف بتاع الكافتريا بمشي اظبت ليكم الموضوع اها صاحبنا مشى للشوال بتاع البواقي وخم ليك العيش وقطعو في صحن ومشى عمل فيهو ملاحات وكده وجابو ليهم اها الجماعة ضربو لمن عرقو وهو قال ليهم انا بجيكم اسي لو اتاخرت ماتتنتظروني هههههههههه يكه زاتوووو
| |
|
|
|
|
|
|
Re: نصيحة ، أي واحد يأكل ليه ليمونة قبل قراءة هذا البوست ، وقد أُعذر من أنذ (Re: الجعلي)
|
أيها الرائع الزول زاتو looooooooooooooooooooooooooooooooool & waaaaaaaaaaaaaaaaaaaaaa3 ده شنو ياراجل كتلتني بالضحك الله يجازيك وجماعة قال ليك جايين من الحفلة بالليل وما اتعشوا في محل الحفلة والدنيا شتاء وجو مهويييييين شديييييييييييييييييد وقام واحد دخل المطبخ لقى في فول في الثلاجة لكن ما في عيش فقام مشى ليك محل العيش البايت ولقى عيش فيه نمل وقام قطعوا ليك وأبى يكلم الجماعة والجماعة بجوعتهم ديك ضربوا لمن عرقو وهو كل مرة يقول ليهم البوش ده كيف ياشباب وهم يقولوا ليه : خطير والله لكن في واد قال ليهم : والله البوش ده سمح لكن فيه طعم حموضه والواد بيحس بقرصة في لسانه وهو طبعا ابى يتكلم وفي الصباح كلمهم أي واحد قام ليه على جهة تحياتي الجعلي
| |
|
|
|
|
|
|
Re: نصيحة ، أي واحد يأكل ليه ليمونة قبل قراءة هذا البوست ، وقد أُعذر من أنذ (Re: الجعلي)
|
مرة في المرات ونحنا طلبة قررنا أننا نمشي رحلة والجماعة قالوا لازم نشتري خروف عشان الرحلة تكون رهيبة وفعلاً مشينا العصرية جبناهو عندنا في البيت علي اساس الشباب يجونا في الصباح ونشيل الخروف ونمشي الوالدة قامت بدري تصلي وإلا شافت ليك الخروف ممدد. قامت صحتنا ... قوموا يا اولاد شوفوا خروفكم دا مالو .. قمنا مخلوعين نلقي ليك الخوف ميت!!!! طيب كيف الطريقة؟؟؟ الجماعة حا يجو بعد شوية محضرين شعورم للخروف والشية ... ودخالتي قال لي لازم الخروف دا نضبحو !! يا زول الخروف دا ميت .. قال لي إنت مالك بس نعمل فيها عيانين والدكتور مانعنا من اللحمة قمنا ضبحنا الخروف وبعد شوية الجماعة جو يدقو في الباب ...يلا يا جماعة تعالو عتلوا معانا الخروف ... الجماعة لما دخلوا ولقو الخروف مضبوح زعلوا جدا ..قال ايه... عايزين يضبحوهو بمزاج علي البحر ويعلقوهو في الشجرة قلنا ليهم بصراحة خفنا عليكم من الدم عشان ما يوسخ ليكم ملابسكم وجماعتك طبعا حتي العضم قرقشوهو طبعاً وريناهم لكن بعد كم يوم كدا
| |
|
|
|
|
|
|
Re: نصيحة ، أي واحد يأكل ليه ليمونة قبل قراءة هذا البوست ، وقد أُعذر من أنذ (Re: الجعلي)
|
والله يا جعلي عمك الهندي دا بيكون سبك الحلة بمزاج لوووووووووول مرة في السودان قلنا نتعشي في بيت عمي طبعا الكهرباء تعجبك مشكلة غياب كالعادة اها ود عمي قام ظبط ليك البوش الماخمج وفتح علبة ولقي ليك كيس شمار جديد وملان وقال الشمار بظبط الموضوع وملا يده وكباهو في البوش الحمد لله الشمار ما طلع هندي مدقوق بي فندق طلع حنة بس لكن الصباح كل واحد فينا لسانه زي رجل العروس المححنة
| |
|
|
|
|
|
|
Re: نصيحة ، أي واحد يأكل ليه ليمونة قبل قراءة هذا البوست ، وقد أُعذر من أنذ (Re: الجعلي)
|
الجعلى
حلة بالهندى، والله مشكلة، ديل بعد كده الحله بله ما يحلهم
تعرف مرة ونحن طلبة وايام الصياعة والحوامة، جينا أواخر الليل ومهوين والجماعة طاشمين لط، واحد من المجموعة اقترح نمشى معاهو البيت وأكيد حيكون فى عشا، اها يا زول نحن ما صدقنا وكسحنا معاهو، مشينا وهو دخل يكابس فى المطبخ، بعد شوية جا راجع قال والله ما لقيت الا باقى رغيف قديم وكسرة وحلة غايتو يا سليقه يا شوربة، اها رايكم شنو اجيبها ولا لا، قلنا ليهو بالله عليك اى شى بس سريع تعرف بعد شوية الفتة الكاربة كانت ماليه الحله كلها والشطة سيدة الموقف، والجماعة بعد شوية قعدو يتشهو، ياخى ما لقيت ليك ليمونة بالله، بعد شوية فى اتنين قعدو يتجابدو ليك بى يديهم جوه الحله وكل واحد عايز يشيل حتة اللحمة اللقوها دى، المهم فى واحد قدر يسحبها من التانى وفاز بالغنيمة الرهيبة، فاذا به شايل ليك ليفة الغسيل فى يده صاحبنا حات الطائى اتاريهو عمل لينا فته فى الحلة وهى من ساعة الغدا الجماعة ملوهل ليك موية عايزين يغسلوها واظنهم نسنوها ولا كسلو منها، ونحن ضربنا فته بى موية الغسيل، بالله مش احسن الهندى زولك ده مننا
| |
|
|
|
|
|
|
Re: نصيحة ، أي واحد يأكل ليه ليمونة قبل قراءة هذا البوست ، وقد أُعذر من أنذ (Re: الجعلي)
|
الرائع كولا شكر على التعليق الأخت بت الأحفاد والله كان ضقتي الهندي ده قالوا كان رهيب شديد بسبك الحلة بطريقة ما تتخيليها زوجتي لمن حكيت ليها الحكاية دي قالت لي والناس ديل إنت سلمت عليهم ؟؟ قلت ليها أي قال لي ما بعرفك و3 يوم ما بتأكل معاي والكباية البشرب بيها ما بتشرب بيها خالص وعاملة ليها كباية خاصة الرائعة زولة 123 التيحة ليك والله إنتن ماعارفات الحاصل شنو اقوم اتصل السودان واشوف صاحبي كان حبوبة صاحبو الهندي ماتت يرسل لينا الرماد في قزازة رأيك شنو ؟؟؟؟ الرائع المطر ده كلام يا راجل لوووووووووووووووووووووووووووووووووووووووووووووول دمت عزيزي الجعلي
| |
|
|
|
|
|
|
Re: نصيحة ، أي واحد يأكل ليه ليمونة قبل قراءة هذا البوست ، وقد أُعذر من أنذ (Re: الجعلي)
|
الجعلــــــــــــــــــــــــــى ......مبالغه لكن .. ديل اكلوها خلاص موضوعهم انتهى .. هسه عليك الله مالك علينا نحن ؟؟؟؟؟؟؟؟؟ ليمونة شنو يا خوى البتنفع .. الله يسامحك .. لكن انا غايتو عيونى طششو .. ومن الهجمه العلى ناس البيت كلهم هسه واقفين فى راسى .. قالو لى فى شنو .. قلت ليهم ده الجعلى .. شيل شيلتك يا الجعلى .. مش انت جعلى ؟؟؟اها ناسنا جايينك بالباب ووووب لى بكره من قصتك دى
| |
|
|
|
|
|
|
Re: نصيحة ، أي واحد يأكل ليه ليمونة قبل قراءة هذا البوست ، وقد أُعذر من أنذ (Re: soma)
|
الرائع الجعلى واللة شوال ليمون ما ينفع وبعدين الواحد ماعرف يضحك و اللة يبكى واللة يستفرغ بس هاك دى و ابضا حقيقية واحد صاحبنا جا من الحفلة مهوى فتش ما لقى حاجة فى النهاية لقى براد الشاى تقيل يازول كبى ليك الشاى باقى شاى المغرب وفى نهاية الكباية حسى بى تفل الشاى و بد يمص التفل و يرمى بعدين قام الصباح لقى ليك كوم هنشل يعنى الكان بمص فية هنشل مش تفل
طبعا ما اظن فى واحد ماعارف الهنشل
| |
|
|
|
|
|
|
Re: نصيحة ، أي واحد يأكل ليه ليمونة قبل قراءة هذا البوست ، وقد أُعذر من أنذ (Re: 3asoola)
|
الجعلى والله قصه ترتجف لها الابدان وتقشعر لها الاطراف اتخيل انك واحد من الذين استمتعو بتلك الوجبات الشهيه المميزه الحاجه الخائف منها يا الجعلى انك يكون لك نصيب الاسد من تلك الوجبات زكرتنى قصتك دى بقصة اخوى الاكبر منى طوالى فى يوم من ايام صيف السودان الحار كنا بنطلع السراير فى الحوش حتى نتحاشا حرارة الغرف المهم اخوى ده كان فى حفله فى نادى الضباط ورجع متاخر شديد ووجد الكل فى سبات عميق وكان عطشان شديد قام شاف كوز بتاع مويه قريب من سرير حبوبتى حيث كان لحبوبتى طقم اسنان عندما تنام بتخلع الطقم وبتضعو فى كوز معين واخونا جاء شرب لين ما ضربت اسنانو مع طقم الاسنان قام يصيح بى اعلى صوتو وصرنا نضحك عليهو لين ما الواطه اصبحت ومن اليوم داك بقيت ما باكل معاهوووو
| |
|
|
|
|
|
|
Re: نصيحة ، أي واحد يأكل ليه ليمونة قبل قراءة هذا البوست ، وقد أُعذر من أنذ (Re: الجعلي)
|
يعني بالجد يالحعلي لي مدة ماضحكت كدة لمن لميت ليك ناس البيت جوني مخلوعين في شنو مالك بسم الله الرحمن الرحيم بتضحك براك وخصوصا انو التلفون والموبايل مامعاي قريتهم الكلام بتاعك ضحكوا بس من ملامح وشهم رايح يصوموا من الاكل لحد رمضان الجاي غايتو ربنا يسامحك بس بالجد رهيب انا عندي حكاية حصلت لاصحابي برضو بس ما بدور ليها ليمون القصة دي كانت في كافتيريا السوق الشعب بكلية التربية جامعة اخرطوم بام درمان وابطالها شلة من طلبة الهندسة المهوييييين 1000 ومفلسين مامعاهم الا حق البوش وعمك بتاع الكافتيرا يشيل ويهبب ليك في الشية ويحندكن ليك بالدخان اها غايتو قام واحد لملم ليك منهم الفي جيوبهم من العندو والماعندو ما مشكلة طبعا يادوب اللماهو بيجيب ليهم موية فول قام قطع ليك الرغيف واثناء ماهو بيقطع فيهو قامت الكهرباء قطعت قام صاحبنا وبكل شجاعة وجراة شال ليك طلب الشية الكان بيظبط فيهو بتاع الكافتيريا وكباهو بسرعة في صحن البوش بتاعو ومشي للشباب وقال ليهم اوعى تتكلمو هسسسسسسسس وضربوا ليك الشية بمزاااااااااااج زصاحبنا يكورك ياجماعة من الشال صحن الشية يا…….. يا…….. وهم طبعا الضحك مطلع عينهم بس مافي طريقة لنفس حتى ومن يومها سموهو كديس
| |
|
|
|
|
|
|
Re: نصيحة ، أي واحد يأكل ليه ليمونة قبل قراءة هذا البوست ، وقد أُعذر من أنذ (Re: الجعلي)
|
ايها الرائعون والرائعات لكم التحية والتقدير الرائع بامسيكا تجن شنو والله ده الجن زاتو شوية شكرا ليك الرائعة عصفورة الجنة لك التحية صدقتي ديل بقوا سحاحير عديييييييييل الأخت الرائعة سوما 2 لك التحية أختي العزيزة وتبري إنتي من طشاش العيون والهجمة ، وعندك حق يختي الناس يتلموا دي واقعة غير عادية ، بس ناسك كان جوني بقول ليهم أرح نمشي نزور الهنود ديل ونأكل معاهم وجبة ثانية الرائع أبو أحمد لك التحية وبعدين الهنشل أحسن الف مرة من رماد الهندي ولا رأيك شنو ؟؟؟ أما انتي ياعسولة أنا كان عارفك حتقري البوست ده كان رسلت ليك سندوتشات عبر الماسنجر علشان تعملي سندة قبل ما تقريه الرائع وليد 500 يا أخوي أنا قبيل قلت الناس ديل عرفتهم بعد الواقعة السودة بتاعتهم دي علشان انتم ما تقولوا علي إنني كنت معاهم الرائع خال فاطمة لك التحية وللعزيزة فاطمة وبعدين يا أخوي ديل مش يصوموا لشهر رمضان الجاي ده صاحبنا جار الهندي بيستفرغ إسبوع بعد ما عرف ولكم التحية دوما أحبتي الجعلي
| |
|
|
|
|
|
|
Re: نصيحة ، أي واحد يأكل ليه ليمونة قبل قراءة هذا البوست ، وقد أُعذر من أنذ (Re: SAMIR IBRAHIM)
|
تحياتى لكم جميعا قصتنا دى حصلت فى احد قرى الجزيرة بعد يوم ممطر فى اول يوم فى عيد الاضحية مع واحد بنسطل بعد ما وقفت المطره اخونا المسطول ده وهو خارج من البيت شاف امه بتحمر فى لحمة الخروف فى صاج كبير وخرج وهذا المنظر فى ذهنه اخونا ده مشه انسطل وجاء وناس بيتهم نيام ومهوى شديد قام لقى الصاج فى مكانه ومليان حترب لحمه بقى يصفى فى الزيت ويضرب وبعد داك مش نام الصباح والجميع امامهم براد الشاى قامت امه قالت الظاهر جانا كلب باليل اكل الحشرات الموجوده فى صاج الحمه .وما كان من اخونا المسطول الا ان يترك كوب الشاى ويطلب كباية ليمون
| |
|
|
|
|
|
|
|