|
|
 هو اهلهوا شافوا منو شنو الولد ده عايز يعرس ؟؟
|
جد يا شباب مشكلتنا مشكلة والحاصل بينا وبين اهلنا معضلة , اول هم الواحد بعد التخرج هو السفر والاغتراب عشان يصلح حاله ويضع حد العذاب .
اخونا مسافر ومحمل بكم هائل من المشكلات المادية وفي جواه امل انو يحل هذه المشكلة الازلية يقوم يبداء من الديون المتراكمة ويصل مرحلة العربية , بس من الديون للعربية زي من الثري للثرية .
اخونا وصل مطار الدولة المعنية وبداء مشوار الاحلام الوردية , بس الوضع ما زي ما كان في النيه .
بعد رحلة مضنية مع الديون والالتزامات الاساسية اخونا فكر في الزواج ودي الحته زاتها الجابت ليهو العجاج عجاج شنو كتاحه عديل كده الاهل كلهم بصوت واحد هو اهله شافوا منه شنو الولد ده عايز يعرس ؟؟؟؟؟
حقيقة انا ما عارف الاهل ديل عايزين يشوفوا شنو اذا الولد جازف وحل ليهم المشكلات الاساسية ما من حقه التفكير في الحياة الزوجية الهو شايفها اهم من باقي مشكلات الاهل اللا منتهية ؟؟
اخونا فجاءة لافي ليهو واحده بت ناس ميه في الميه واتقدم ليها واهلها قالوا خير انشاءالله بس اخونا دقس لمن جاب للبت هدية وياريتها هدية خاتم دهب صغيروني من ابو مية ( مية ريال ) وقامو اهلوا سمعوا قصة الهدية وبعدها اخونا ماشاف لليلة هنية اول ما سمعوا كلهم بصوت واحد الود اول ما اشتري الدهب جابو للبنيه المفروض اول ما يشتري دهب يشتريهو لامه ولاخواته دي الحنيه ....
|
|
 
|
|
|
|
|
|
|
 Re: هو اهلهوا شافوا منو شنو الولد ده عايز يعرس ؟؟ (Re: الساحر)
|
الساحر..تعرف الفلم الهندي دا أنا كنت بطله قبل كم سنة
وبالرغم من أن اخوك تربى حتى شب وشاب في كنف والديه ورفلت
في عز والدي الذي توفى بعد أن أغتربت وتوفي في محل عمله
وحزنت أنني لم أتزوج في حياته ليرى أحفاده مني كما راهم من
بقية أخوتي..ولما قررت الزواج من فلانة الفلانية وأرسلت المراسيل
جوني راجعين بمشكلة مع أهلها وقلت ليهم خلاص حقكم علي سيبوها وأمشوا
لعلانة العلانية وبرضو جابوها لي دقلها يكركب ويلولب كمان..ومن على
البعد قلت ليهم ولا يهمكم انا ذاتو ما عاوز نسابة مابحترموكم..وعشان
كدي أمشوا لفلان الفلاني دا وأخطبوا منه بته فلانة وأنا ضبطت الأمور
معاهو ومعاها وإنتو ما عليكم إلا تقوم بالمراسيم وكدا..ومشوا وقالوا
لي الراجل قابلنا أحسن مقابلة والأم والبت وقعدنا معاهم ومسكوا
فينا أبوا يخلونا إلا نتعشى..وأبو البت يدخل ويمرق ويجينا ويسالم
ويتونس ويضحك وفي مرة قعد جنب أختك فلانة وشمت منه ريحة العرقي وقامت ناطة: سكران يافلان؟ أها قمنا لمينا طرفنا ومشينا والظاهر
ما ليك قسمة ونصيب في البت دي..قلت ليهم بس عشان العرقي؟ قالوا لي آآآآآآآآي..قلت ليهم عاد العرقي بتاعهم دا ما العرقي بتاع ناس فلان وفلان وفلان وفلان من ذوينا الكرام..قمت غيرت الفريق دا..وأخترت فريق تاني على رأسه واحدة تمام..ناس الفريق التاني ديل قالوا لي ياخوي الناس ديل قالوا عرس شنو العليك هم شافوا منك شنو؟ وتم التم على يد الفريق دا..مع مشاكل ومطاعنات وملاسنات من يوم فتح الخشم لي يوم الليلة..ديل أهلي يالساحر
| |
|
|
|
|
|
|
|
|
|
Re: هو اهلهوا شافوا منو شنو الولد ده عايز يعرس ؟؟ (Re: الساحر)
|
الموضوع مهم و الله الطرحتو يا الساحر..كمية من الشباب المغترب بواجه مشكلة انانية اهلو و حبهم لتملكه دون النظر لمشاعره و انسانيته و كونه رجل يحب ان يتزوج و يكون بيت ..المشكلة انو اهلو في السودان او بعض الاهل دايرين ماكنة طباعة القروش-ولدهم-تعمل ليهم ليل نهار و ترسل ليهم الدولارات و الريلات و الدراهم...طبعا الما ليهو خير في اهلو ما ليهو خير في زول...بس برضو مفروض يكون في تقدير للزول دا..بعض الشباب بقربو يدقو الاربعين و هم لسى ساكين اختي دايرة الفستان دا..اخوي داير يغترب ..يقوم يرسل ليهو فيزة..البيت داير يتبني رسل القروش..دايرين عربية..رسل عربيتك
و حتى لو تركوا الزول دا يتزوج..بتبدى الحرب الخفية و المعلنة على الزوجة سرقة ماكنة طبع القروش-ولدهم-..و تبدا توجيه التهم لها بتملكه و منعه من ارسال قروش لاهلو...و لو لبست دهب ..امو تفور و تثور و تاكلها نيران الغيرة..و الله يا جماعة..احكي ليكم قصة حقيقية على زوجة هذه النوعية من الرجال...نزلت المراة اجازة السودان و كانت لابسة قويشة دهب بتاعت اختها..قامت ام زوجها قالت ليها من وين القويشة دي ما قلتو ما عندكم قروش و هاك يا تطعين ووو
الدايرو اقولو ...هذه النوعية من الشباب لها كل الاحترام و التقدير لما تقوم به تجاه اهلها و تحمل مسؤلياتهم و مافي زول بستنكر البعملو فيهو او بمنعوا..بس برضو الاهل مفروض تضع نفسها محل هذا الشاب المسكين..لانه في النهاية انسان و ليهو احتياجتو و داير يكون اسرة
| |
|
|
|
|
|
|
|
|
|
Re: هو اهلهوا شافوا منو شنو الولد ده عايز يعرس ؟؟ (Re: الساحر)
|
الأخ الرائع الساحر
لك التحية ولكل من شارك في هذا البوست
والشيء الذي أود أن أضيفه هو ياجماعة لو جينا للصراحة إنه الولد الكبير ده عليه مسؤليات جسام وهو لا شك عمود إرتكاز الأسرة وتلقى أسرته في السودان عانت ماعانت لغاية الولد ده ما كبر واتخرج من الجامعة وجاته فرصة الإغتراب والسفر من أجل تحسين وضع الأسرة ، فهل أول ما يعمل ليه قرش قرشين طوالي يفكر في العرس
يا جماعة نكون واقعيين وكلنا عايشين ظروف الغربة والمعاناة الفيها من تجديد إقامة وكفيل وضرائب وما شابه ذلك والحقيقة الناس كلها عرفاها إنو الإغتراب ذاتو بقى خشم بيوت ، يعني حتى الناس في السودان مصنفيين المغتربين تصنيف حسب بلد الإغتراب نفسها
وثاني جاجة : تلقى الأسرة عايشين في بيت بتاع إيجار والبنت الصغيرة أو الولد على وشك إنه يمتحن وعاوز مصاريف وكسوة والبنت في الجامعة قربت تتخرج عاوزة تلبس قدام صاحباتها حاجة كويسة تليق بها كبنت جامعية و و و و و و و و ومن الاحتياجات التي لا تنتهي في السودان
والولد طبعا قد ارتبطت بفتاة معينة في السودان وقبل ما يسافر يكون وعدها عد الحر بأن حيتزوجها في أقرب فرصة وربطوا أمورهم على ذلك وهي فضلت منتظرة أقرب الفرصة هذه ، وقد تطول وقد تقصر على حسب الظروف ، والبنت أهلها ضاغطين عليها من جهة (أها مشى ونساك ) شفتي جواب ما داير يرسلوا ليك ، خلي الجواب ده التلفون الرخيص ده ما داير يكلف نفسه ويسأل عنك ؟؟؟ وما شابه ذاك
فالمعادلة يا أخوتي صعبة جداً وليست بهذه السهولة
والبلد هنا حالها ماشي من سيء لأسوأ
وطبعا إذا حاول إنو يتزوج ويرسل للعروس تجي تعيش معاه هنا واطته صبحت ؟ ليه لأنه عندما يكون هنا عزابي ممكن يسكن ليه مع جماعة شباب ويتقاسموا الإيجار فيما بينهم وبتكون عليه المصاريف أقل
وإذا جاءت هنا بيكون عاوز يأجر شقة كويسة وإذا لا قدر الله مرضت فالله قال بقوله ( شيء مستشفيات وشيء علاجات وشيء تحاليل ) ومن نصف الاسبوع بيكون قطع وبيكون جاري في درب الديون !!!!!! وياهو الما عمل ليه قرش
أما إذا فكر يخليها في السودان فدي مشكلة أكبر لأنها عاوزة مصاريفها تصلها شهريا ولازم يتصل عليها بين كل فترة والأخرى
وأنا طبعا ما من أنصار إنه الواحد يتزوج ويخلي زوجته بعيدة عنه (لأنه أصل الزواج إنها تكون قريبة منك حتى يتم الاستقرار المطلوب )
والمهم هذه بعض هترشة أخوكم الجعلي
وطبعا كلنا ضايقنها
الجعلي
| |
|
|
|
|
|
|
|
|
|
Re: هو اهلهوا شافوا منو شنو الولد ده عايز يعرس ؟؟ (Re: الساحر)
|
الأخ الرائع الساحر
لك التحية ولكل من شارك في هذا البوست
والشيء الذي أود أن أضيفه هو ياجماعة لو جينا للصراحة إنه الولد الكبير ده عليه مسؤليات جسام وهو لا شك عمود إرتكاز الأسرة وتلقى أسرته في السودان عانت ماعانت لغاية الولد ده ما كبر واتخرج من الجامعة وجاته فرصة الإغتراب والسفر من أجل تحسين وضع الأسرة ، فهل أول ما يعمل ليه قرش قرشين طوالي يفكر في العرس
يا جماعة نكون واقعيين وكلنا عايشين ظروف الغربة والمعاناة الفيها من تجديد إقامة وكفيل وضرائب وما شابه ذلك والحقيقة الناس كلها عرفاها إنو الإغتراب ذاتو بقى خشم بيوت ، يعني حتى الناس في السودان مصنفيين المغتربين تصنيف حسب بلد الإغتراب نفسها
وثاني جاجة : تلقى الأسرة عايشين في بيت بتاع إيجار والبنت الصغيرة أو الولد على وشك إنه يمتحن وعاوز مصاريف وكسوة والبنت في الجامعة قربت تتخرج عاوزة تلبس قدام صاحباتها حاجة كويسة تليق بها كبنت جامعية و و و و و و و و ومن الاحتياجات التي لا تنتهي في السودان
والولد طبعا قد ارتبطت بفتاة معينة في السودان وقبل ما يسافر يكون وعدها عد الحر بأن حيتزوجها في أقرب فرصة وربطوا أمورهم على ذلك وهي فضلت منتظرة أقرب الفرصة هذه ، وقد تطول وقد تقصر على حسب الظروف ، والبنت أهلها ضاغطين عليها من جهة (أها مشى ونساك ) شفتي جواب ما داير يرسلوا ليك ، خلي الجواب ده التلفون الرخيص ده ما داير يكلف نفسه ويسأل عنك ؟؟؟ وما شابه ذاك
فالمعادلة يا أخوتي صعبة جداً وليست بهذه السهولة
والبلد هنا حالها ماشي من سيء لأسوأ
وطبعا إذا حاول إنو يتزوج ويرسل للعروس تجي تعيش معاه هنا واطته صبحت ؟ ليه لأنه عندما يكون هنا عزابي ممكن يسكن ليه مع جماعة شباب ويتقاسموا الإيجار فيما بينهم وبتكون عليه المصاريف أقل
وإذا جاءت هنا بيكون عاوز يأجر شقة كويسة وإذا لا قدر الله مرضت فالله قال بقوله ( شيء مستشفيات وشيء علاجات وشيء تحاليل ) ومن نصف الاسبوع بيكون قطع وبيكون جاري في درب الديون !!!!!! وياهو الما عمل ليه قرش
أما إذا فكر يخليها في السودان فدي مشكلة أكبر لأنها عاوزة مصاريفها تصلها شهريا ولازم يتصل عليها بين كل فترة والأخرى
وأنا طبعا ما من أنصار إنه الواحد يتزوج ويخلي زوجته بعيدة عنه (لأنه أصل الزواج إنها تكون قريبة منك حتى يتم الاستقرار المطلوب )
والمهم هذه بعض هترشة أخوكم الجعلي
وطبعا كلنا ضايقنها
الجعلي
| |
|
|
|
|
|
|
|
|
 Re: هو اهلهوا شافوا منو شنو الولد ده عايز يعرس ؟؟ (Re: الساحر)
|
طبعا الخلاني ارفع الموضوع ده هو انو عرس اختي الله يديها العافية بعد العيد طوالي عاشر يوم ودي اختي التانية تعرس الاولي في خامسة خطبوها العرس بعد التخريج بي اسبوعين ودي نفس القصة سنة رابعه خطوبة العرس قبل ما تتعين في شغل .
السؤال ليه الولد اهلوا شافوا منه شنو والبت لا ؟؟
ــــــــــــــــــــــــــــــــــ
وأيه الدنيا غير لمة ناس في خير او ساعة حزن
| |
|
|
|
|
|
|
|
|
|
Re: هو اهلهوا شافوا منو شنو الولد ده عايز يعرس ؟؟ (Re: الساحر)
|
لووووول يا الساحر
يازول البت للعدل ، عارف عندي شك كبير انو سبب
رفعك البوست ده بتعلق بي بوست نها
علي اي حال ، مصيبتنا اننا نضع للبنت سن معينه للزواج ، وكلما
مر الزمن الهم بشيل الناس ، بعدين ياخي شيل الصبر ساااي
انا عكسك او عكس الموضوع الاساسي ، لانو اهلي مصريين علي زواجي
وكل ما يسألوني اها ح تعرس متين اقول ليهم ، والله ما لاااااقي لي بت
اعرسها ، علي اي حال الفتاه السودانيه ، في قسمة المسئوليه ، اخدت حقها غسيل عده ساااااي
دمت
| |
|
|
|
|
|
|
|
|
|
Re: هو اهلهوا شافوا منو شنو الولد ده عايز يعرس ؟؟ (Re: الساحر)
|
عزيزي رقم صفر تحياتي
طبعا رفعت الموضوع ده ما عشان كلام نهي الله يديها العافية لانو انا رديت في موضوعها هناك بس لانو امس اتصلت تلفون واخدت اخر الاخبار وطبعوا كروت العرس .
والله صحي صدق المثل يديوا العرس لي الما عندو عروس
طبعا البت كل ما سنها تقدم بتقل فرصتها في العرس لكن برضوا الراجل كل ما تقدم في السن ضاقت عليهو فرص البنات وما تتغش بكلام عذاب وبطلت حب الشباب وتاني اقين والحب بقي بعد الستين .
| |
|
|
|
|
|
|
|
|
|
Re: هو اهلهوا شافوا منو شنو الولد ده عايز يعرس ؟؟ (Re: الساحر)
|
الاخوة الاعزاء تحياتي
تمر السنين والوضع زي ما هو واخرته قالوا الاجازة كلو سنتين وما معروف بدل السكن ح يشلو متين
والمشكة فى العرس الماعرفينو متين
والوضع فى السودان ماشي شين
والمسكينه كلو ما اقابلهافى الماسنجر تقول لي العرس متين
واخرته قالت لي انشاءالله سد مالك ولو بالدين
ـــــــــــــــــــــــــــــــــــــــــــــــــــ
تعالوا الآن نرقص رقصة البدء
ونعلم ان نمد الكف نحو الشمس للدفء
تعالوا ايها الجوعى تعالوا ايها الفقراء
| |
|
|
|
|
|
|
| |
garjah
banadieha
رقم صفر
alsngaq
فيس بوك
تويتر
انستقرام
يوتيوب
بنتيريست