|
|
|
 Re: التربال أب شلاقـــه في دكان الحلاقه..(قال سفاره قال)؟ (Re: nile1)
|
عزيزي
nile
حقيقه اسلوبك في السرد ممتع و دايما ما تضحكني من الاعماق و بعدين يا زوول شكلك من النوع المالوف جدا يعني الواحد بحس انو بعرفك من زمان
اما موضوع السفاره دا فالله المستعان
انتو كويسين والله انا سمعتا هنا انو كان في زحمه في السفاره اها جاك السفير بتاعنا و هو زوول عسكري بليد قام قال لي الناس يروقو والا العايز دق هو بدقو
عليك الله دا سفير شنو والله اتمنيت انو كنتا اكون موجود هناك عشان اقول ليهو عليك الله تعال دقني
لك من كل الود والتحيه
| |
 
|
|
|
|
|
|
|
|
Re: التربال أب شلاقـــه في دكان الحلاقه..(قال سفاره قال)؟ (Re: ايهاب)
|
الأخ إيهاب
شكرا عل تعقيبك..شكلي من النوع المألوف دي حلوه ..بتذكر الواحد ببرامج الحياة البريه البتقدم في التلفزيون..إنت كنت شغال معاهم وللا شنو؟؟؟؟؟؟..بالمناسبة...الصور الكاراكتيريه الزي دي في السسفاره ماليها حصــر ولو بتدفع لي حق التاكسي وشندوتش الفول وكباية الكركدي كل خميس مستعد ..الساعه إتناشر كل خميس تقرأ إستراحه لاذعه زي دي...لك تحياتي وودي
| |
|
|
|
|
|
|
|
|
|
Re: التربال أب شلاقـــه في دكان الحلاقه..(قال سفاره قال)؟ (Re: nile1)
|
الأخ نايل
لك التحية والتجلة
تعرف قبل سنين طويلة قادتنى قدماى بل قادنى حظى العاثر للمدعوة القنصلية لتجديد المدعو الجواز واود ان انقل لك حديث صاحب السعادة القنصل حرفيا..
واحد ادعى (راى القنصلية) انه ما عنده حق الضريبة وبالاصح ناقصة ليه كم مية كده وكان القنصل المبجل فى الصالة وذلك القنصل كان بدرجة وزير كما علمت والصالة تفور بالناس الغلابة قال ليه:
امشى بيع من ثياب مرتك وتعال ادفع لينا
يازول من ديك انا ثانى ما رجعت القنصلية وجوازى ليه سنين منتهى وبقى على كوم تسع سنوات
يا زول الزارعها الله فى الظلط التقوم..
| |
|
|
|
|
|
|
|
|
 Re: التربال أب شلاقـــه في دكان الحلاقه..(قال سفاره قال)؟ (Re: nile1)
|
يا نيل يا سليل الفراديس كلامك حلو وسردك جميل وإن كان يطرق موضوع كله ماسي فالمغترب أخي في العرف السياسي المحلي هو البقرة التي تدر حليباً وقيل عسلاً وما بالضرورة تكون ضاحكة كبقرة الجبنة الفرنسية وهي غالبا ما تكون مقطبة الجبين وصارة صرة لمن وشها في بعض الأحيان يقع منها.
---
رد الله غربتكم أيها المغتربون والمهاجرون وأزال كل الأسباب التي أجبرتكم على الهجرة والإنتشار بحدود مساحة الكرة الأرضية ظافرين غانمين معافين.
سؤال للمغتربين:
هل هناك روابط للمغتربين أو جمعيات في دول المهجر ترعي شئون المغترب؟ وهل هذه الروابط أو الجمعيات إن وجدت تلعب أى دور يصب في مصلحة المغترب أو تكون حلقة وصل بينه وبين الحكومة في السودان والمؤسسات والإدارات في دول المهجر ذات العلاقة بمصالح المغترب.
أم حتى وإن وجدت مثل هذه الجمعيات يكون قرار تعيينها من الخرطوم
| |
|
|
|
|
|
|
|
|
|
Re: التربال أب شلاقـــه في دكان الحلاقه..(قال سفاره قال)؟ (Re: nile1)
|
ياسليل الفراديس
سلام
وصفك يبكي ، وحروفك تضحك
الغربة في المنطقة العربية بقت ما جايبة همها
ومعظم الغبش الشفتهم في صف الجزارة .. أقصد السفارة
مورطين وراكبين في ضهر الأسد وماسكين في اطنينو شدييييييد
كان فكوها الأسد بياكلهم وكان مسكوها يبرطع بيهم كدا لمن الله يغفر ليهم
ومع طول الزمن تعودنا على ذبح السفارة وبقت كل أحلامنا انهم يسنو سكينهم الميتة دي شوية ، ويقبلونا على القبلة ويقولوا بسم الله بعد داك يضبحونا بي مزاااااج
مرة بي عيني الشقية دي شفت القنصل ببهدل في واحد شنبو يقعد الصقر في أمان الله
تعرف ليييييه .. لأن أب شنب كان لابس جلابية وطاقية وما لابس عمة
شهد الله في صالة القنصلية بجدة وأمام كل الغبش وبأسلوب الرجل السيء الأخلاق حين يحدث طفل قليل الأدب أداهو محاضرة عن الزي القومي السوداني وأهمية العمة ورمزيتها ورفض يتفاهم معاهو إلا بعد أن يلبس عمة .. وأب شنب الله يخيبو يتبسم ويتكشم وبي هبالة استلف عمة من أحد الحضور وجاء قابل ملك الملوك وحلال المشبوك قنصل عموم السودان وأفريقيا وعطارد الذي قابله بابتسامة المتشفي وجزاهو على انكساره بتجديد جوازه الذي يثبت أنه سوداني وأن سودانيته سارية المفعول لمدة سنتين قابلة للتجديد إن شاء القنصل ورضي
تحياتي
| |
|
|
|
|
|
|
|
|
|
Re: التربال أب شلاقـــه في دكان الحلاقه..(قال سفاره قال)؟ (Re: nile1)
|
الاخ
نايل
لك السلام
اهنئك علي النص الاخر جدا لطرح مشكلة جادة احيانا تبدو اللغة الساخرة هي اجدي الطرق لطرح الكثير من المشاكل
اعجبني تناولك الساخر للموضوع فاستمتعت بقراءته مرات وفعلا نحتاج في هذا الزمان الاعوج للضحكة خوف الانفجار
ويازول انا متبرع ليك كيف بس انت تكتر في الاستراحات
في انتظار المزيد
لك الشكر
عبدالله جعفر
| |
|
|
|
|
|
|
| |
nile1
ايهاب
قرشـــو
almulaomar
فيس بوك
تويتر
انستقرام
يوتيوب
بنتيريست