كتب الكاتب الفاتح جبرا المتوفرة بمعرض الدوحة
|
|
 ياسيكو....غنوة شايقية مزيودة موية ......
|
تجربة الفنان خالد الصحافة للغناء بالشايقي تجربة جميلة وشيقة...
و احلي ما فيها صوت الطمبور البيسرق الهمسة بين البيز جيتار...و الاورغن....و كلمة شايقي مزيود موية كنا ننعت بها لاننا مولودين في المدن .. ....والاغنية في الاصل للفنان الرائع صديق احمد ...من اكتر فنانين الشايقية العملو علي نقل الاغنية ...
الاغنية الشايقية شهدت تطور في مسيرتها ..وما كانت بشكلها الحالي ..
كانت عبارة عن طمباري بيشيل الطمبور و يباري النسوان البيرقصن في الدارة و من الامثلة المرحوم بندة ....ثم عمل علي تطوير هذا الشكل الفنان النعام ادم عليه الرحمة ...ليعطي الاغنية الشايقية هذا الشكل المميز ...عازف الطبل و الكورس ثم الفنان .....و فترة السبعينيات من اخصب الفترات التي مرت بالاغنية الشايقية .....ظهرت فبها اجمل الاصوات ..الفنان محمد كرم الله ...صديق احمد ...محمد جبارة اضافة للنعام ادم..وتميزت بي شعراء افذاذ كحسن الدابي الله يرحمه ..السر عثمان الطيب ..الخ ..
المهم اتمني ان نسمع في يوم شريط للرايع موصلي بالشايقي و بالطمبور
|
|
 
|
|
|
|
|
|
|
|
Re: ياسيكو....غنوة شايقية مزيودة موية ...... (Re: yasiko)
|
بت القبايل .....كلماتك المعبرة تعني نجاح هذه الاغنية و نجاح تجربة خالد محجوب المتميزة ....و تديني دافعا قويا للاستمرار
في عرض نماذج حلوة لغناء الشايقية..
بت البلد الاصيلة تماضر .....تجربة غناءحنان النيل بالطمبور كانت تجربة اكتر من رايعة ...و حنان النيل عملت الشريط كثنائي سيد احمد عبد الحميد ..العازف الماهر للطمبور و الشاعر ذو الكلمات الرقيقة ..و الملحن العذب....يعني تلاتة في واحد...عشان كده طلع انتاج قوي و جميل ....
يقال يا تماضر ان الفنان الشايقي لما يجي للاذاعة كان يجاز صوته والاداء فقط ....صاح الكلام ده؟؟
المهم وعدتينا بي الكتير و راجينك...لسه مشرفين اضنينا..
ياسيكو .....طبعا اتوقعت منك اضافة قيمة ..و ده لشي العملتو لانو الواضح انك تملك ذخيرة كبيرة ....الله يديك الوقت وتملا لينا البورد بوستات ....بالتاكيد اسماعيل حسن ده عاوز ليه بورد براهو...و شكرا لمعلوماتك الثرة عن الاغنية لانو انا طلعت ما عارف اصلها ودي مشكلة كبيرة ..كتير تلقي نفسك بتردد اغاني كتيرة بدون تعرف صاحب الاغنية الحقيقي..و بالمناسبة اغنية اجمل الحلوين دي اعتفد صاحبا الاصلي ود المساعيد الانشاء الله سافرد له مساحة قريبا ...شكرا ود الاراك
| |
|
|
|
|
|
|
|
|
|
Re: ياسيكو....غنوة شايقية مزيودة موية ...... (Re: فنجري)
|
عزيزي فنجري
لك التحية و الود
تعاتبنا و إنتا ما قبلان تكاتبنا …
كمان زعلان !!!
يا فتنة
يا البعد الله منك كان مخافتنا
أكان حيين و ما متنا
و لو حن القدر و الدنيا لمتنا
و تاني الحلة زي ما كُنّا ضمتنا
بأحلف ليك بذمتنا
إسعادك مهمتنا
و بلاك قامت قيامتنا
و برضو بتعاتبنا ؟
هذه الأغنية سمعت الأستاذ صديق أحمد يشدو بها
فهلا كنت فنجرياً كما سميت و شنفت بها آذاننا
مع إمتناني
| |
|
|
|
|
|
|
|
|
|
Re: ياسيكو....غنوة شايقية مزيودة موية ...... (Re: فنجري)
|
Dear Brother Fanjari,
That was wonderful, i missed this music too much, thanks for doing that for us.
I wonder if you can send me this file, it would be nice of you..and if you can also tell me if there is any website where I can find this kind of music..
Thanks so much...
| |
|
|
|
|
|
|
|
|
 Re: ياسيكو....غنوة شايقية مزيودة موية ...... (Re: yasiko)
|
الاخ الغالي فنجري لك التحية وانت تعطر سمؤات البورد بالق ونغم اهلنا الشوايقة
الشايقية .....ظهرت فبها اجمل الاصوات ..الفنان محمد كرم الله ...صديق احمد ...محمد جبارة اضافة للنعام ادم..وتميزت بي شعراء افذاذ كحسن الدابي الله يرحمه ..السر عثمان الطيب ..الخ
ايت انت ايها المسكون بهذه الاغنيات الروائع فاين اراضيك يافنجري
اوع تسافر قبل ما نشوفك
| |
|
|
|
|
|
|
|
|
|
Re: ياسيكو....غنوة شايقية مزيودة موية ...... (Re: فنجري)
|
الاعزاء ما قصرتو ……… أهلنا الشايقية يملكون حصيلة مفردات متميزة و يجيدون الوصف و يتميز غناهم بالحنين الدافق
و أنا أسعى لجمع ما يسمى ((((بالعابرات للشاعر المرهف محمد أحمد الحبييب)))) و أعتقد أن أي شخص موجود في السودان قادر أن يمدنا بها
عموما أنا أملك حصيلة وافرة من الاشرطة لا تحصى من النعام الى هيثم لكن لا توجد طريقة لأسمعكم اياها
| |
|
|
|
|
|
|
|
|
|
Re: ياسيكو....غنوة شايقية مزيودة موية ...... (Re: فنجري)
|
عابرة
أنا بي لقاك مهتم ………بس كيف تلاقيني
يا عابرة عبر الدم ……… شايلاك شرايني
لو عمري إتقدم و أضمن تلاقيني أنا بعدو ما بندم لو مت في حيني
الطيف يزورني أشواك في النوم يناجيني يرحل بلا إشفاق ساعة يصحيني
يا طيفها كان مشتاق لي مين مخليني طفل الغرام العاق ربيتو مابيني
يا عابرة دنيا الجن بي كل أعاصيرها لو سعدي ما ممكن أحسن لي من غيرها
أنا بي لقاك مومن لكني في حيرة يصعب لقاك كيفن و الدنيا بي خيرها
أنا كنت شيئ مجهول يا عابرة لولاك مع أني أول زول من بين ضحاياك
فرشتي عمري الضاع أشعار من أملاكي كانت على الإطلاق أجمل هداياك
يا أماني لي بكرة و اليلة و البارح شايلك معاي ذكرى كان واعي كان سارح
بس يوم تبين سفرة يا عابرة بالواضح في نيتي من بكرة داير أجيك نازح
أنا لو قدرت أجيك رؤياك منى عيني يأسر حياتي وشيك من حزني يشفيني
من إشتياقي اليك يا عابرة دسيني ما بين رموش عينيك شيليني ختيني
كل البسيطة حسان يوم ما ملن عيني غير عابرة مافي انسان يهدمني يبنيني
آه يا جمال فتان قلب موازيني لولا صفا الإيمان يفتني في ديني
مصباحك المسحور جاهرني عاميني سايق خطاي مبهور شقيش يوديني
ما عارف المقدور بالفرقة راجيني خارج نطاق النور حايم حواليني
| |
|
|
|
|
|
|
|
|
 اغنيه شايقيه مزيوده مويه (Re: فنجري)
|
الاخوة الاعزاء
السلام عليكم ورحمة الله وبركاته
جزاكم الله كل خير علي هذه الاغنيات الشايقية وياريت تكثروا منها
لا شوفتا تبل الشوق ولا رداً يطمن اريتك تبق طيب انا البي كله هين
| |
|
|
|
|
|
|
| |
Tumadir
yasiko
ايهاب
Ahmed Alarabi
ebrahim_ali
abas
bint algazeira
فيس بوك
تويتر
انستقرام
يوتيوب
بنتيريست