|
|
 يقطع الباجة بدون صاجة
|
كلكم يعرف ماهي الباجة وماهي الصاجات
نرجو ان يكون هذا هو استهلال هذا البوست
ترحيلات عمر عبدالسلام بالسجانة
جمعية ودنميري
قهوة ام الحسن
ونواصل
Ridhaa
|
|
 
|
|
|
|
|
|
|
|
Re: يقطع الباجة بدون صاجة (Re: Ridhaa)
|
يا سلام يارضا .. ذكرتنا ايام الطفولة الجميلة ولوارى عمر عبدالسلام وهى تقاوم الرمال فى قوز الباجا .. والصاجات واغنية لورى الخواجة وحلان فى الباجا .. وهذه البلدة تمثل مع مجموعة من الحلال مايعرف اليوم بمنطقة الغابة والتى تتشكل من قرى الباجا ... ابوعكاز .. حبرونا .. الجملاب .. حلة ودستنا .. عرب نارتى .. السعداب .. ألخ واهلى وعشيرتى من هذه الديار مجتمعة وان كانت الباجا تشكل - حالة خاصة - فهى مسقط الرأس .. ووفاء لذلك المكان احتفظ فى سكنى فى مسقط بصورة لبيت من الطين كانت تعيش فيه عائلتنا قبل رحيلها من البلد واستقرارها بالدمازين .. وقوز الباجا الشهير دخل ذمة التاريخ بعد سفلتة ذلك الجزء من طريق امدرمان دنقلا .. وتمثل قهوة ام الحسن - ذكرى عطرة – للمسافرين فى طريق امرمان دنقلا.. وفى بداية عهدى بعالم الانترنت اخترت اسم قهوة ام الحسن كأسم حركى .. وهذا – السر – أكشفه لأول مرة مع تحياتى ..
| |
|
|
|
|
|
|
|
|
|
Re: يقطع الباجة بدون صاجة (Re: Ridhaa)
|
العزيز رضا ...امهر السواقين و يقال انو من اوايل من فتح الخط ..جابر عليه الرحمة ....وهو من اقدم من اشتغل مع عمر عبد السلام ...ده بالنسبة للبيتجهو لكورتي ...بس البيمشو لي دنقلا ما عارف ..تحياتي
| |
|
|
|
|
|
|
|
|
 Re: يقطع الباجة بدون صاجة (Re: Ridhaa)
|
سلام يا رضا
منور يا رضا
ذكرتني الأيام الخوالي ، أيام بوست القطار في سودان نت ، يا لها من أيام رائعة
ولت ، هيهات هيهات أن تعود
ذكرتني بشيخ يوسف ، حينما تحدث عن الباجة بإسهاب
الله يطراه بالخير
| |
|
|
|
|
|
|
|
|
|
Re: يقطع الباجة بدون صاجة (Re: Ridhaa)
|
يا خي زنقار دا كان من أشهر السواقين في الخط دا وكان مشهور بالسرعة حيث تعرض لعدة حوادث.
وحسب ظني أنه قد توفى إلى رحمة مولاه. ومن النكات التي تروى عنه إنو كان زمان الناس بتسافر بالعربات السفنجة وكان على كبوت كل سفنجة شكل بتاع صقر طاير. ومرة زنقار دا جاري جري شديد وواحد راكب جنبو وخايف.
قال ليهو يا زنقار إنت مالك جاري كدا . فرد عليهو زنقار بإنو جاري عشان يسبق الصقر القدامو دا.
| |
|
|
|
|
|
|
|
|
|
Re: يقطع الباجة بدون صاجة (Re: Ridhaa)
|
يا رضا والله ذكرتنا ايام.
يقال ان احد اساتذة الانجليزى طلب من الطلبة كتابة انشاء عن رحلة قام بها خلال العطلة.وذلك باحدى مدارس دنقلا فكتب احدهم ما يلى:-
Composition
A journey to Khartoum
we took a lory in our journey, and when we reached Al Baja the lory digged in the earth, the driver gave it No. one and it didnot move, then he gave it No.2 and also didnot move, lastly he said to the lory" In3al Deenak" and gave it No.3, and the lory run like a rose.
والعهدة على الرواى
واطلع العالى وانزل الدقداق.
______________________
رجع فاضى الكلام مليان
| |
|
|
|
|
|
|
|
|
|
Re: يقطع الباجة بدون صاجة (Re: Ridhaa)
|
و الله يا طارق الانشاء الزكرتها ضحكتني لما شرقت....ودا فعلا الشي البيحصل السواق يسب للوري او البص ..و الكمساري يسب للسواق و ينعل ليه ابو خاشو ..لكن تحت تحت...و الركاب يسبو للاتنين...و يا رضا انت عارف العاوز يتعلم العرضة والصقرية يركب بصات الشمالية وراء ...و الشايقية بيسموها العظمة..اريتا ما عظمتكم ...تصل البيت كانو مدنك مية ام دلدوم في كل انحاء جسمك ...اما السطيح فده دنيا بي حالا ...خصوصا الكرم الحاتمي البينزل علي المسطحين و الكماسرة ...تجيك اصناف من الاكل ...قرقوش ...و خبيز ....و طعمية ...وفي الاخير تكتشف انها من كراتين الناس ...بالمناسبة دي عندي عمي مرة مسطح ومرسلين معاهو شوالين برتقال و قرين فروت ...لناس الخرطوم ...و في الدرب اكرمو ليك كرم ...يمكن اكل ليهو قريب الاربعة دست من البرتقال ...و لما وصل الخرطوم لقي شوالو فيهو خمسة حبات ...جاط ليك في الكماسرة ..ردو ليه بكل برود امال يا اخينا البرتقان الكنت بتاكل فيهو ده اشتريتو بي قروشك ..غايتو رحلة من الممكن يعملو منها فلم..
| |
|
|
|
|
|
|
|
|
|
Re: يقطع الباجة بدون صاجة (Re: Ridhaa)
|
يا عيون الحرية
سواق التميس كان بيجيب حاجة خاصة للدبة وكريمة!!! وانت قديم خالص
ما تنسوا السواق آمنا السافر الخرطوم الصباح ورجع لحق الغدا متاخر في منصوركتي
لكم التحية جميعا
الحسن جاء
الحسن ما جاء
الحسن يا حلوة ما عرف الذهور راجاء
مشيك فوق فوق البلاط زي لوري في الباجة
| |
|
|
|
|
|
|
|
|
|
Re: يقطع الباجة بدون صاجة (Re: yasiko)
|
يا سيكو بمناسبة آمنا انا ما كنت متخيل انو كبير في السن ...مرة سافرت معاهو ....فعلا امنت ....و احلي شي في سفر الشمالية تكون حاجز في البص قدام في حتة مريحة....قبل شهر من سفرك ..ده ايام الاعياد والتمر....يوم سفرك تجي تجيك حاجة كبيرة ...تقول ليك يا وليدي امك ماشة تتعالج ....بكل طيبة خاطر تتنازل ليها وتسطح ....شوف انت تتنازل وعارف انك ح تسطح مسافة قريب الاربعمائة كيلومتر...وفي السكة كل ما تشوفك تتدعيلك... يا وليدي الله يخضر ضراعك ..و يبارك في ايامك.....ما احلاها دعوة...
| |
|
|
|
|
|
|
|
|
|
Re: يقطع الباجة بدون صاجة (Re: Ridhaa) (Re: Ridhaa)
|
أخوي رضـــــا
ناس الشمال الفوقاني
سلام
زكريات الطريق جميلة
في ليلة عودة للخرطوم
أكرمني عمي بذبيحة
اتعشينا منها
والباقي ختوهو في كرتونة زوادة
والبص في الطريق وأخوكم اخر انبساط انو حيضرب الكرتونة لما البص يقيف للغدا
البص وقف كل زول جاب زوادتو
كرتونتي سلقط ملقط مافيشة
فوق تحت مافي
اتغظت غيظة بطالة
المهم مع جماعة كدة ضربت لي زلابية وقراصة بلح
لمن وصلنا أمدرمان
جاني واحد من المساعدين الفي البص
وهو يضحك
قال لي ياخي سامحنا
انحنا لحسنا الكرتونة بتاعك
| |
|
|
|
|
|
|
|
|
|
Re: يقطع الباجة بدون صاجة (Re: Ridhaa)
|
توقف اللورى فى محطة خلوية فى طريق امدرمان دنقلا فأخرج كل راكب كرتونة الزوادة كانت من بينها كرتونة بها دجاجة - مكرفسة - ولكن تبين وللأسف الشديدة ان الدجاجة قد فسدت بسبب طول المسافة وحرارة الشمس فهم صاحبها ان يرمى بها بعيدا فأمسك احد الحضور بيده ومنعه واقترح عليه - التبرع - بها للمساعدية فنفذ صاحب الدجاجة - المضروبة - الاقتراح فهجم المساعدية على الدجاجة وقضوا عليها فى طرفة عين .. سبحان الله .
من اشهر الكمسارة الذين عملوا فى طريق امدرمان دنقلا الحاج / الزين عبيدالله من اهالى الباجة .. ودخل لورى الزين اغانى البنات واذكر اغنية من اغانى السيرة يخاطب فيها شاعر الاغنية محبوبته :
شالك الزين باللورى قام مابصدق انا بالقيام
وتنتهى الاغنية بمقطع يقول :
الكمسارى اخوى ياالزين
حق الاجرة على مو عليك
والزوادة قالوا لينا ديك
هجر الزين عبيدالله مهنة الكمسارية وفتح متجرا فى بلدته الباجة .. وعائلة الهلالاب بالباجة
كانت ايضا لهم لوارى تعمل فى طريق امدرمان دنقلا وتعد من اوائل الاسر التى عرفت الحياة التجارية فى منطقة الباجة والغابة فأول طاحونة فى البلد كانت فى حي الهلالاب وأول تلفون عمومى كان ايضا فى حى الهلالاب ومن ابنائهم الاستاذ صديق موسى الهلالى المغترب باللملكة العربية السعودية والذى شغل لفنرة منصب رئيس الجالية السودانية بالرياض .
عن اسم الباجة - والتى تكتب ايضا الباجا- يقول البرفسور عون الشريف قاسم فى قاموس اللهجة العامية فى السودان - انها الارض المنخفضة التى بها ماء وكلأ .. وتوجد قرية فى النيل الابيض تحمل ايضا أسم الباجة .
| |
|
|
|
|
|
|
|
|
|
Re: يقطع الباجة بدون صاجة (Re: Ridhaa)
|
رحله جميله بالرغم انها شاقه بعض الشئ خصوصا في منطقه
قوز ابوضلوع قبل الاسفلت...
هناك وصف رائع في موسم الهجره الي الشمال لهذه الرحله
من منحني النيل وحتي امدرمان وتخللتها ذبائح وحفلات في
في احدي ليل الصيف في تلك الصحاري حبذا لو نقل احد
الاخوه تلك الصفحات علي النت ...
ولايفوتني ان اذكر الدور التاريخي للبواخر النيل والتي
كانت تربط دنقلا بكريمه مثل الزهره وكربكان
ولا انسي دور القطار والذي كان يربط بين كريمه والخرطوم
...قد خلد الشعراء والادباء وسائل النقل في قصائدهم
وكتاباتهم ارجو ممن تتحفه الزاكره مدنا ببعض تلك
الروائع...وشكرا...كمال عباس
| |
|
|
|
|
|
|
|
|
|
Re: يقطع الباجة بدون صاجة (Re: Ridhaa)
|
الاستاذ محمد سعيد شلي
قرجة
عبدالله جعفر
كمال عباس
وكل الناس القيافة
سلام مربع
ذكريات طريق الشمال يالها من ذكريات
هل بتعرفوا سايرين
الامواس الداخل الكوز
Ridhaa
| |
|
|
|
|
|
|
| |
Ridhaa
james
محمد سعيد شلى
ولياب
yasiko
garjah
kamalabas
فيس بوك
تويتر
انستقرام
يوتيوب
بنتيريست