|
من طرائف السودانين فى الغربة
|
و الله يا جماعة انا حاخوش ليكم فى القصة توووووش كده, المهم عندنا واحد صاحبنا كده جا البلد دى جديد لنج فداير يمشى يفتح حساب فى البنك و كده و طبعا شايل هم اللغة المهم فى النهايه اتوكل و مشى البنك , و قف قدام الراجل بتاع البنك كده و قال لى اسمع I want to open mathematic و الله القصة دى حقيقية, و عندنا اخونا تانى كده يوم كان جاينا زياره من مدينه تانى المهم ادينا العنوان و قلنا لى اكتبوا فى ورقه, و قلنا لى كان رحتة شوف ليك اى عربية بوليس و امشى ادى العنوان بوصف ليك , المهم صاحبنا دور عربتة و اتحرك جاى علينا . المهم قام طشه (راح) فا لقى لى بتاع بوليس و اقف تووش مشى ليك على فا البوليس شال منو الورقة بقرا فيها كدة . فى نفس اللحظه البوليس جاهه كال فقال لى صاحبنا شوف ليك و احد تانى يوصف ليك عشان انا مستعجل و لازم امشى , المسكين ما فهم كلام البوليس افتكر انو البوليس قال لى خلاص اتبعنى , فا البوليس دوور و هو دوور ليك و راهو , و الله يا جماعة قال ليك صاحبنا كارد ليك البوليس بس فى طنبو , و البوليس مستغرب من الزول المشتت وراهو دة فى النهايه البوليس و قف و قعد اضحك و ساقو جابو لينا, غايتو كان يوم. طرائف السودانين فى الغربه كتيره فا اتمنى انو اى و احد عندو قصة ما يبخل علينا الى اللقاء يا احباب
|
|
|
|
|
|
|
|
re (Re: Canadian_Forces)
|
الاخ Canadian force ذكرتنى برضو فى واحد لنج مشى البنك وعمل ليك غلبة مع الصراف عايز يقول ليهو الحساب ولد قال ليهو account is a boy
فى واحد صاحبى كان منتظر عميد الكلية فى قبرص جاهو ليك واحد برلوم سألو يازول خير عندك شنو هنا صاحبى جاوب ليهو قال والله منتظر الدين ده قاصدا العميد فاخذ البرلوم يستغفر ويستعيذ بالله ظانا ان صديقى زهجان وذكر كلمة الدين نسبة للزهج والضيق
والامثلة كتيرة زى رقبتى معسمة my neck with the sky نفسى مسدودة my self is closed
| |
|
|
|
|
|
|
Re: من طرائف السودانين فى الغربة (Re: Canadian_Forces)
|
قالوا في واحد سوداني مشى بلاد الغربة و ما عارفة من الانجليزي غير What's your name قام مشى بلاد الصين و المحل الماشي ليه زاته ما عارفه لقى له واحد صيني قال له What's your name? الصين قال له شان شنو قال له: في شان أنا رايح
| |
|
|
|
|
|
|
Re: من طرائف السودانين فى الغربة (Re: Canadian_Forces)
|
في سوداني شغال مع خواجي في الخرطوم ويا دوب بيفهم لكن الرد عربي جوبا بس قا يوم الخواجة رسله ، وجاء راجع متأخر نسبتا للزحمة في الطريق فالخواجة سالو : اتاخرت ليه قام قال ليه : in the كبري المسليمية a big Landrover and small Landrover are coof طوالي الخواجة طردو من الشغل جاء زعلان يقول : جايبين خواجة ما يعرف انجليزي
| |
|
|
|
|
|
|
Re: من طرائف السودانين فى الغربة (Re: Canadian_Forces)
|
من طرائف أهلنا ناس الدامر
ابن عمتنا جاء من السودان مشينا المطعم السوداني نجيب الفول قلت له ناخد شنو؟ فقال: واحد فول وعيش زيادة ....
سألني : فتح الرحمن شغال شنو ؟ قلت ليه : سايق دفار.... قال: بالله؟ في الخط؟؟؟؟
يعني
| |
|
|
|
|
|
|
Re: من طرائف السودانين فى الغربة (Re: tanbour)
|
قصص حقيقية
واحد جا من السودان جديد لنج ماشي مع ود عمو و فجاة ود عمو راح من فبفتش عليهو فى الشارع و لقا بوليس انجليزى واقف فساله Did you see a green man passing by?? و طبعا بسخريه و برود انجليزى رد العسكرى I wouldn't have missed him
----------------------
واحد برضو انجليزيهو دراب قاعد فى قبرص بتفرج على فلم اجنبى مع اصحابه بعد ما الفلم انتهه الود قال The End اخرج كميه بتاعت افلام
--------------------------
واحد فى قبرص جاى جديد لنج من السودان مشى الكفتيريا و قال عاوز= One student tea, please
فالجرسون ما فهمو فصاحبو ساله انت عاوز شنو
قاليهو = ياخى انا طالب واحد شاى ----------------- ؤ
| |
|
|
|
|
|
|
Re: من طرائف السودانين فى الغربة (Re: Canadian_Forces)
|
بالجد دي حصلت قدامي شخصيا كنت مع واحد قريبي مشينا نودع اخوي مسافر هولنداوكان مكتوب في البورد امستردام والمطار هنامطار جزاز ياخواني يلمع كلو صاحبنا اتلخم لمن حس نفسو بقى خواجو خلاص قام وبكل شجاعة وبصوت عالي يقرأ اللوحة مسسسسسستر دااااام
خال فاطنة
| |
|
|
|
|
|
|
Re: من طرائف السودانين فى الغربة (Re: khal fatma)
|
مرّة واحد كتب طلب للتحويل من كلية الزراعة الى كلية الانتاج الحيواني فى احدي الجامعات الاجنبية :TO DEAN FACULTY OF AGRICULTURE :I WANT TO GO FROM AGRICULTURE FACULTY TO ANIMAL HUSBANDRY FACULTY.
THANKS
عميد الكلية بعد الاطلاع علي الطلب نادى علي الطالب وقال ليهو: YOU WANT TO GO BY BUS OR TRAIN?!!!!
| |
|
|
|
|
|
|
|