|
Re: الشعب السوداني شعب خلُووق (Re: محمد حمزة الحسين)
|
شعب من شدة ما خلووق بختلق اي حاجه عشان يتعايش مع خلق الإنقاذ ديل ... ولسان حاله يقول من جرب المجرب حاقت به الندامه موش الشعب القبلي منننا ديل جربو الثورات،، وإقتلاع الأنظمه يعني عملو شنووو !!! يختلق طرق حديثه لإقتلاع الأنظمه او تصحيحها شوفو الشاب دا بعمل شنوووو...
Quote: شوف العقليه السودانيه وصلت لحدي وين.. ماكينه الصرافه بتديك 2 مليون. الناس بتلملم بطاقات العايله وتسحب يوميا. وجدت واحد عندو 9 بطاقات بسحب يومي 18 مليون ومتمرس بسحب بسرعه جدا. بعد 3 ايام بتكمل حق الف دولار كاش بي 52 ويبيعه شيك بي 62 ويدخل الشيك حسابو تاني في البنك. كل 3 ايام بكسب 10مليون يعني في الشهر بكسب 100 مليون. صعبه دي ولا من شاف ولا من دري. طبعا بصرف اهلو اصحاب البطاقات بي مليونايه لكل واحد في الشهر ايجار بطاقه. ومدور ليهم قروشم.. اسهل ما يكون. شعب مالوش حل. والله دي ابليس ما فكر فيها. وقال ايه شنو يافرده معاك كم بطاقه. علي فكره بعرفوا مواعيد تعبئه الصرافات الاليه بالضبط.. وبختارو الاوقات البتكون فاضيه يعني بعد 12 بالليل. |
: : : مع التحيات لله الزاكيات .
| |
|
|
|
|
|
|
Re: الشعب السوداني شعب خلُووق (Re: محمد حمزة الحسين)
|
تعرف الجماعة ديل لقوا ليهم شعب قيافة زي دا كـدا وانطلقــوا يقلعوا كل حاجة يشيلوا الجلابية يقول ليهم
خلاص رضينا بس خلوا لي العراقي .. يملصوه العراقي .. يقول ليهم والله كان مــا السروال دا كان مشينا
عريانـيــن
وكـل الحكايات والقصــص طلعــت كـضــب
| |
|
|
|
|
|
|
Re: الشعب السوداني شعب خلُووق (Re: محمد حمزة الحسين)
|
Quote: علي فكره بعرفوا مواعيد تعبئه الصرافات الاليه بالضبط.. وبختارو الاوقات البتكون فاضيه يعني بعد 12 بالليل. |
بالمناسبه هم بستفيدو من سرعة التواصل بواسطة وسائط التواصل الوات والماسنجر ... ولا بنتظر الساعه 12 منتصف الليل أهم حاجه يعرف موعد تعبئة الصراف ويكون اول الحاضرين ... امس كنا في صراف البنك الفرنسي شارع المشتل الرياض بالصدفه ونحن في رحلة البحث عن قروش ... صادفنا الصراف تحت التعبئه فإنتظمنا الصفوف كان هذا الشاب أمامي مباشرة وهو يمتطي عدة الشغل ... شنطة نوع جكسني وتدلل ويعتمر اربعة بطاقات حسب احترافه الأولي فعلاً كان سريع وكنت ارقبه بحذر لكي لا يكرر البطاقات... تكرار البطاقات للمصطفين ضياع حق اصيل لكن ممكن تحنك بطاقتين بحرفنه حسيت انو ادخل الباطاقه اكثر من مرتين ... لانو كان حريص يقفلني بي ضهروا ... قلت ليهو يا زول ما تدخل بطاقتين حلف قال لي انا عندي 4 بطاقات لكن خليني اصرف الألف الأخير من البطاقه الثانيه دي وحا امشي اقيف في الصف تاني... وفعلاً صرف بطاقتين ورجع وقف في الصف يعني البدار مهم حتي لو بالنهار ... ليأخذ دور ويصرف بطاقتين ويمشي يشوف غيرو ... السرعه في حفظ الارقام السريه لكل بطاقه اذهلتني رغم ان البطاقات كانت لبنك واحد في حالة الشاب موضوع امس... : : : : مع التحيات لله الزاكيات .
| |
|
|
|
|
|
|
Re: الشعب السوداني شعب خلُووق (Re: Arif Nashed)
|
Quote: وانت معاك كم بطاقة |
أووو الحبيب عارف ناشد بالمناسبه انا فتحت بوست وكنت أؤمن بأن تعدد البطاقات حل لمشكلة السيوله في بواكير الأزمه... لكن والله وتا الله ولا جاء علي بالي تجارة ... عند 4 في للظروف الطارئة وفي الظروف العاديه بشتغل بي 2 بكفوني رهق الوقوف في صف الـــ ATM يومياً : : : : مع التحيات لله الزاكيات .
| |
|
|
|
|
|
|
Re: الشعب السوداني شعب خلُووق (Re: محمد حمزة الحسين)
|
Quote: تعرف الجماعة ديل لقوا ليهم شعب قيافة زي دا كـدا وانطلقــوا يقلعوا كل حاجة يشيلوا الجلابية يقول ليهم
خلاص رضينا بس خلوا لي العراقي .. يملصوه العراقي .. يقول ليهم والله كان مــا السروال دا كان مشينا
عريانـيــن |
اضحك الله سنك أخونا أحمد الشايقي ...
الرباطه لقو واحد لئيم قلعوهـ ونكاية فيه طلقوهـ عريان ميطي إلا الطاقيه ... حمد ربنا وشنق طاقيتو ومشا لمو فيهو الجماعه وستروهـ ... قالو ليهو الجماعه ديل مخلين الطاقيه لي شنو ... هيييييييييع والله كان هبشوالطاقيه إلا كان الدم ركب كيفن يهبشو طاقيتي دحين هسسي الإنقاذ حزرناهم ما يهبشو الطواقي ما ناقصين ... : : : : مرورك اسعدني.. مع التحيات لله الزاكيات .
| |
|
|
|
|
|
|
|