لقي الناشط السياسي المعروف المهندس سامي زين العابدين مصرعه في ظروف غامضة بمسيد الشيخ عبد الله أزرق طيبة بمنطقة طيبة الشيخ عبدالباقي بولاية الجزيرة، حيث كان يتلقى العلاج من مرض نفسي .
وقالت مصادر مطلعة لـ(الراكوبة)إن أسرة سامي شككت في أن تكون وفاة ابنهم طبيعية، وحركت إجراءات جنائية تحت المادة 47 من قانون الإجراءات الجنائية بقسم شرطة طيبة، ورفعت الشرطة محضر التحريات إلى نيابة مدني لمواصلة الإجراءات . وأشارت الأسرة إلى أن إدارة المسيد قبرت المرحوم دون إذنها. وطالبت الأسرة بنبش قبر المرحوم سامي ليتم تحويله إلى المشرحة وتشريح الجثة لمعرفة أسباب الوفاة . وتعتقد الأسرة أن سامي مات تحت وطأة التعذيب داخل المسيد لانه كان مقيدا بالسلاسل لكن إدارة المسيد قالت إن سامي اعتصم قبل أيام من وفاته عن الطعام.
11-14-2018, 08:28 AM
محمد المسلمي محمد المسلمي
تاريخ التسجيل: 08-08-2009
مجموع المشاركات: 11831
نسأل الله أن يرحم سامي ويحسن في فقده عزاء الأسرة والأهل.
Quote: وتعتقد الأسرة أن سامي مات تحت وطأة التعذيب داخل المسيد لانه كان مقيدا بالسلاسل لكن إدارة المسيد قالت إن سامي اعتصم قبل أيام من وفاته عن الطعام.
أليست الأسرة هي المسئولة عن وضع سامي في هذا المسيد بدل أخذه إلى العلاج الطبي النفسي المتخصص؟؟ هل فرض شيخ المسيد على هؤلاء الأهل إحضار سامي إلى العلاج ووضعه في القيود؟؟ معروف أن وسائل العلاج في مثل هذه المسايد فيه القيود والسلاسل!! حاجة مؤسفة ومحزنة.
ياسر
11-14-2018, 09:22 AM
Ahmed Yassin Ahmed Yassin
تاريخ التسجيل: 01-31-2013
مجموع المشاركات: 5507
نسال الله الرحمه للفقيد ولكن هناك فهم في العقل الجمعي السوداني يحتاج اعادة نظر وهو حكاية ذهاب المريض نفسيا الي الخلاوي والمسيد وممارسة الطقوس المعروفة لينا من ربط بالجنازير والعزل في الغرف والحارس الذي يمارس الشدة مع المريض وعلي المشايخ ايضا الوقوف عند هذه الطرق طويلا
11-14-2018, 11:10 AM
النذير حجازي النذير حجازي
تاريخ التسجيل: 05-10-2006
مجموع المشاركات: 7159
Quote: يست الأسرة هي المسئولة عن وضع سامي في هذا المسيد بدل أخذه إلى العلاج الطبي النفسي المتخصص؟؟ هل فرض شيخ المسيد على هؤلاء الأهل إحضار سامي إلى العلاج ووضعه في القيود؟؟ معروف أن وسائل العلاج في مثل هذه المسايد فيه القيود والسلاسل!! حاجة مؤسفة ومحزنة.
11-14-2018, 12:09 PM
محمد المسلمي محمد المسلمي
تاريخ التسجيل: 08-08-2009
مجموع المشاركات: 11831
Quote: أليست الأسرة هي المسئولة عن وضع سامي في هذا المسيد بدل أخذه إلى العلاج الطبي النفسي المتخصص؟؟ هل فرض شيخ المسيد على هؤلاء الأهل إحضار سامي إلى العلاج ووضعه في القيود؟؟ معروف أن وسائل العلاج في مثل هذه المسايد فيه القيود والسلاسل!! حاجة مؤسفة ومحزنة.
ياسر
يادكتور. سلام. ونسال الله له. الرحمة والمغفرة ..المسؤولية ثلاثية الأسرة التي سلكت طريق خطا وتركته دون رعاية ..أهل المسيد مسولين مسؤلية مباشرة ينبغي لهم رعايته وأخطار أهله في حالة رفضه اكل الطعام وتسليمهم الجثمان عند موته . المسؤول الثالث الدولة لسماحها لأهل المسيد احتجاز مواطن وربطه بالسلاسل ويعتبر ده. تعدي ولو أهله وافقوا علي ذلك ..أطالب الدولة إصدار قانون يمنع ذلك ربط المريض بسلاسل آو عزله من. المجتمع وتجريم من يفعل ذلك
11-14-2018, 12:10 PM
محمد المسلمي محمد المسلمي
تاريخ التسجيل: 08-08-2009
مجموع المشاركات: 11831
Quote: نسال الله له الرحمة والمغفرة مريض نفسيا ومربط بالسلاسل (للعلاج !) ومضرب عن الطعام يبدو انه قضى ضربا
الفنان. احمد يس. سلامات ونسال الله له ان يتقبله ..مادام هو مضرب عن الطعام أهله اولي من المسيد وبعدين السلاسل لزوم. شنو ده مواطن مسالم احضره أهله للعلاج المفروض يلقي معاملة كريمة وان امر الله حصل. أهله هم من يقوم بغسله ودفنه والي اخره وليس المسيد أو أي شخص. اخر ..ياخ حتي مجهول الهوية الدولة تدفنه وفق قانون معلوم وليس هكذا
11-14-2018, 12:19 PM
محمد المسلمي محمد المسلمي
تاريخ التسجيل: 08-08-2009
مجموع المشاركات: 11831
Quote: في البدء أترحم على روح الفقيد ، سائلاً الله أن يسكنه فسيح جناته
حسب معرفتي بشيخ عبد الله (أزرق طيبة ) وبعض من أبناء هذه العائلة المرموقة أستبعد تماماً تعرض الفقيد لأي مكروه أدى لوفاته
فشيخ عبد الله رجل عرف بالحكمة والعقلانية وحسن الخلق ولا يمكن أبداً أن يكون له دور أو علم بما جرى لسامي
ولكن لو تأكد أن (إدارة المسيد) قامت بدفن المرحوم دون علم أهله ، حتماً سيكون الأمر مريباً في هذه الحالة
عموماً أنتظر مداخلة الأخ عبد الباقي الجيلي وهو مؤكد ذو صلة بمسيد أزرق طيبة
الاستاذ محمد علي البصير سلام. و نسال الله له الرحمة والمغفرة له ومعك في انتظار الزميل عبدالباقي الجيلي نعم الشيخ عبدالله ازرق طيبة كما.ذكرت وله التحية ولكن. الأمر فيه شئ مفقود موووت عديل ودفن دون علم. الأهل دي ولو الموت طبيعي فيها خطا عدم إبلاغ أهل الميت وحضورهم الغسل والتشييع ده فيه تجاوز كبير
11-14-2018, 12:22 PM
محمد المسلمي محمد المسلمي
تاريخ التسجيل: 08-08-2009
مجموع المشاركات: 11831
الأخ حسن ادم محمد العالم سلام وربنا يرحم الميت ويصبر أهله
Quote: نسال الله الرحمه للفقيد ولكن هناك فهم في العقل الجمعي السوداني يحتاج اعادة نظر وهو حكاية ذهاب المريض نفسيا الي الخلاوي والمسيد وممارسة الطقوس المعروفة لينا من ربط بالجنازير والعزل في الغرف والحارس الذي يمارس الشدة مع المريض وعلي المشايخ ايضا الوقوف عند هذه الطرق طويلا
يجب نشر التوعية وان هذا. السلوك غير. سليم ترك ابنك اخوك ابوك في مسيد تحت إدارة شخص يتلقي تعليمات اربط يربط احرس يحرس اضرب يضرب وآخره ليس علاج الموت أو عاهة دايمة
11-14-2018, 12:23 PM
محمد المسلمي محمد المسلمي
تاريخ التسجيل: 08-08-2009
مجموع المشاركات: 11831
الأخوة الأحباء محمد المسلمي ومحمد البصير والمتداخلون
نترحم في البدء على روح الفقيد ... ونسأل الله له المغفرة وحسن المآب ...
حتما سأتصل لمعرفة ملابسات القضية من الأخوة القريبين من الوالد الشيخ عبدالله ..
لكن لدي عدة ملاحظات :
أولا الربط بالسلاسل يكون عادة لمنع المريض من إيذاء الآخرين وأحيانا إيذاء نفسه ... والربط والجلد أحيانا بالسياط ليست أسوأ ولا أكثر إيلاما من الكرسي الكهربائي الذي يستخدم في علاج بعض المرضى النفسيين والعصبيين .
ثانياً كيف تترك أسرة ابنها المريض دون مرافق يتابع حالته ، عادة يكون هناك مرافقون لهؤلاء المرضى لمساعدتهم في قضاء احتياجاتهم الشخصية .
ثالثا انتظار مواراة الميت الثرى في السودان لا تطول كثيرا ، فليست هناك ثلاجات موتى في هذه الأنحاء ، وعادة يحضر طبيب القرية لرؤية المريض وكتابة تقرير بأسباب الوفاة .
الأمر لن يكون لغزا ... لن يدفن المريض بدون معاينة الطبيب ... ولن يطول انتظار مواراة الجثمان الثرى ...
واضح من لهجة البعض هنا بما فيهم كاتب البوست محاولة تجريم المسيد ... دعونا نتثبت أولا ثم نوجه سهام اتهاماتنا ...
والله من وراء القصد وهو يهدي السبيل ...
11-14-2018, 12:59 PM
محمد المسلمي محمد المسلمي
تاريخ التسجيل: 08-08-2009
مجموع المشاركات: 11831
Quote: اعتقد أن الصحافي والجريدة جنحت إلى الاثارة في صياغة الخبر وتوصلت إلى الادانة قبل
بداية التحقيق
مسيد الشيخ عبد الله العركي أزرق طيبة مفتوح من (مئات السنين) وليس من الأمس أو قبل الأمس
والممارسات للطب النبوي في المسيد مستقرة وثابتة ودارجة ومعروفة والاهم أنها علنيـة ومفتوحة
وليس هناك غرف مغلقة أو سريــة
بالطبع لا بأس من التحقيق وتقصي الحقائق وهذا مفيد للجميع ولكن يجب عدم استباق الاحداث
حتى السلطات الرسمية تلجأ في كثير من الاحيان (لحظـــر النشــــر) في أمور تحت التحقيق ولكن
طبعاً عندما يتعلق الأمـــر بالخصــوم السياسيين (لحومهــم حــلال)
أحمد الشايقي
مولانا احمد الشايقي سلام. وشاكر مرورك ومشاركتك الكريمة القصة دي إذا كان بالصورة التي نشرت فيها كم خطا كما ذكرت سابقاً أما إذا كان الصحفي صاحب غرض الأيام تكشف لنا وسوف ننشره هنا مرة اخري
11-14-2018, 01:04 PM
محمد المسلمي محمد المسلمي
تاريخ التسجيل: 08-08-2009
مجموع المشاركات: 11831
Quote: واضح من لهجة البعض هنا بما فيهم كاتب البوست محاولة تجريم المسيد ... دعونا نتثبت أولا ثم نوجه سهام اتهاماتنا ...
الاستاذ عبدالباقي الجيلي سلام ولعلك طيب أولاً أنا ناقل خبر ثانياً تعليقي وردودي من خلال الخبر فهو واضح وصريح والإدانة من الخبر وليس أنا وأنا لم اجرم احد واعلم ماهر. المسيد ودوره في الحياة من خلال تواجدي الطبيعي في حياة المسيد واعلم كل تفاصيله ارجوا أفادتنا من موقع الحدث هنالك ونثق في ماتتقل
—— لقد اخطات في وضعي في التجريم
11-14-2018, 02:34 PM
عبد الباقي الجيلي عبد الباقي الجيلي
تاريخ التسجيل: 06-23-2004
مجموع المشاركات: 1613
اولا نترحم على الفقيد ونسال الله له الرحمة والمغفرة ...
من المعروف ان اشهر الاطباء النفسيين يحولون بعض المرضى الى بعض الشيوخ للعلاج بالقران وب بالرقية خصوصا مرضى العين والمس والتلبس ..والعكس صحيح ايضا فبعض الشيوخ يطلبو من ذوى بعض المرضى متابعة علاجهم لدى الاطباء بعد الانتهاء من العلاج الروحى وعمل الرقية الشرعية له.....
11-15-2018, 07:59 AM
Yousuf Taha Yousuf Taha
تاريخ التسجيل: 05-03-2013
مجموع المشاركات: 1034
Quote: معروف أن وسائل العلاج في مثل هذه المسايد فيه القيود والسلاسل!!
اللهم ارحم المتوفي واغفر له واحسن اليه واعفو عنه واجعل كل شوكة في ميزان حسناته . الموضوع قُتل بحثاً وليس لدي ما اشارك به البوست غير قصه :
مرة عمي ابو عبد الله الله يرحمو ويغفر له عندو ولد عاق سكر ومشاكل وقلة ادب شديدهـ . واحد نصحو يوديه مسيد في شرق العريباب تنزل عليه من زلط ودراوهـ بي حلة العبدلاب ... اختيار المسيد جاء من كون إنه شيخ عثمان رجل موحد وما عندو ظكر ونوبه .... طبعاً عمي رحمة الله تتغشي مرقدهـ... من اسمو ظاهر عليه موحد وناس دكتور ياسر بقولوا عليه وهابي،
مشينا للشيخ في المسيد لقينا شباب واطفال من مختلف الأعمار يتحلقون حول شيخ عثمان في حلقه مراجعه للحفظ واخرين منتشرين في انحاء المسيد ... المسيد عبارهـ عن غرف متفرقه في نقعه تغلب فيها اشجار الأكيشيا اكثر من عدد الغرف ... السياج من جهة الغرب والشمال والجنوب وممتد شرقاً بدون سياج. حكينا ليه الحاصل قال والله انا زول ما جاي عن قناعه ما بقدر امسكو... ياشيخ زولنا دا الا تكتفو... وبعدين سمعنا إنك بي تكتف ... قال فعلاً كنا بنكتف لكن مره عندنا طفل شقي هرب بي قيدو في اتجاهـ الصحراء ولقوهـ ميت عطشان ، والقصه دي تلتلتنا لو لا عفو اهله وكتبنا تعهد بعدم قيد اي طالب مهما كانت درجة رضاء الأهل... طيب بماذا تنصحنا قال تمشو كريعات لسع بكتفوا... مشينا هناك شيخ المسيد اسمو بابكر...غير بعيد من تمبول شرقاً وما زالت علاقتي بهم ممتازهـ وساعدوني في زجر كثير من ابناء الأسره النشاز ... بما فيهم ابني البكر عمار وهذه قصه ساحكيها في مناسبه أخري. عدة الشغل التزمنا بيها او دفعنا ثمنها كاش وتم توفيرها يوم حضرنا بالضحيه ... كانت سرير وقيد وطبله كبيرهـ وبطانيه لان الزمن كان شتاء وبعض المصاريف تم اعطاءها لمساعد التكيه للإهتمام بالولد... طبعاً الود جبناهـ مخدر بما يزيد عن 30 ملمغرام فاليوم جبناهـ نايم مما سهل مهمتنا وخاصه عند دق القيد ... الشيخ او مساعد التكيه جاب لنا مواصه بي سكر وقال البشرب مويتنا دي تاني ان فكيت قيدو ما بمشي ... النصيحه انا ولدي لسع بي نمشي هناك ..... لكن ودعمي داك هرب بي قيدو وقطعوا في مزرعه قريب سوق تمبول بالإستعانه بواحد جاب ليهو صفيحة منشار ...
سألتو هربت كيف قال لي مثلت ليهم زول درويشى وطيبان وود ناس لمن اطمنوا ليا فكو الطبله وخلوني امشي الخلوة للدرس من التكيه... حنك زميل قال ليهو وديني القبه ازور القبه كانت جنوب شويه قريب من شارع المواصلات ... ناس المواصلات ابو يرفعوه مشي اكثر من 20كيلو وسط المزارع لامن وصل قريب سوق تمبول... قلتا ليهو انت محظوظ طلعت في الإتجاهـ الصحيح كان شردت بالليل كان ضهبتا ولحقتا السكنو ود عجيب (ود عجيب دي مقابرنا هناك) ضحك قال لي هو العمر بعزقه... رغم انو قلعنا منو الموبايل لكن الثغره كان عندو قروش مدكنا في تكة السروال ... القيد وضرب السوط ادب وليس كله شر. : : : : يا طماضر الإنقاذ تطير عيشتا من فتحنا لقينا الشيوخ بطبو ويقيدو... مع التحيات لله الزاكيات .
11-15-2018, 12:21 PM
جعفر سومي جعفر سومي
تاريخ التسجيل: 03-01-2007
مجموع المشاركات: 571
لقد تسرعت كثيرا في نقل هذه الفرية دون استوثاق وكما تلاحظ فهي تهمة في حق المسيد بطيبة الشيخ عبد الباقي وراعيها شيخنا وأبونا شيخ عبدالله أزرق طيبة الذي تسبقه سيرته العطرة وسمعته التي تملأ الآفاق. تواصلت مع الاخوة في طيبة الشيخ عبد الباقي وعلمت منهم أنهم تواصلوا مع إدارة موقع الراكوبة وبينوا لهم الحقائق مما اضطرهم لسحب هذا الخبر المشين من صدر الصفحة, وأتمنى أن تحذو حذهم وتقوم سحب هذا البوست وأنت سليل سجادة صوقية ومن بيت صوفي مشهود له بالورع والصلاح وكان أحرى بك أن تكون أول المدافعين عن أهل الصوفية. الرسالة التي أرسلت إلى ادارة الراكوبة بطرفي ويمكن ايرادها إذا أذن لي الاخوة في طيبة الشيخ عبد الباقي بذلك.
له الرحمة والمغفرة ان شاء الله يجب وضع قانون يمنع علاج المرضى النفسيين في الخلاوي وتجريم كل المشاركين في هذه الفوضى من اسرة المريض ومن اصحاب الخلاوي . لفت نظري مقارنة الجلد والتعذيب البحصل في الخلاوي بالعلاج بواسطة الصقع الكهربائي بل تفضيله عليه!! و ده كلام ينم عن جهل وعدم فهم للعلاج ده ! اولا" مافي مريض بياخد جلسة ECT الا في حالات معينة وتشخيص معين واحتياطات معينة وده علم مثبت النتائج وبيقوم بيهو اشخاص مدربين مش جلد وتعذيب من طرف يقوم بيهو أي زول !! الشئ الثاني مافي حاجة في الطب النفسي اسمها مصاب بالمس أو العين ويقوم الطبيب بتحويل المريض لي خلوة !! والطبيب البقوم بالحاجة دي يعتبر طبيب فاشل ويجب محاكمته وفق القوانين الطبية ويعتبر شريك في الجريمة .
الامراض النفسية زيها زي الامراض العضوية من ضغط وسكري وغيرها عندها علاجات معينة وتشخيصات معينة من المؤسف انو في ناس متعلمة تلجأ لتلك الاساليب في الوقت الحالي رغم التطور الحاصل في مجال الطب النفسي.
11-15-2018, 05:05 PM
Ahmed Yassin Ahmed Yassin
تاريخ التسجيل: 01-31-2013
مجموع المشاركات: 5507
الولايات كلها مافيها مستشفى واحد للمرضى النفسيين .. في الخرطوم (5) مستشفيات غير مؤهلة التجاني الماحي - طه بعشر - مستشفى الخرطوم - السلاح الطبي - عبدالعال الادريسي وليس هناك في السودان قانون يحمى هؤلاء المرضى المساكين لتعرضهم للقتل والاذى الجسيم والاذى الجسدي غريبة يكون المريض مربوط بالسلاسل وبالاقفال كانه يوم القيامة واهوال يوم القيامة في سلسلة زرعها سبعون زراعا ويتم جلده بكل عنف بالكرباج . بالسياط تحت اشعة الشمس الحارقة وهو يصرخ ويئن.. والجلاد يتصبب عرقا من شدة الضرب بلا رحمة ... وبعد ان يفتر من الجلد يذهب الى الظل ليرتاح ويتناول الماء البارد المشكلة ان احضائيات (الجرائم) المرتكبة اصلا معدومة وغير معروفة .. لان (اهالي) المريض لا يبلغون عن جرائم (الاغتيال) التي تحدث في جنرات المسيد وما يجري فيه من جرائم ضد الانسانية وخزعبلات وتجاوزات وجهل ومرض ونكبة للبشر.. وبعد ان يموت المريض يتم الدفن مباشرة طبعا لان ليس هناك عربات اسعاف او اطباء او اهتمام او ثلاجات لحفظ الموتى اللهم نسالك اللطف
11-15-2018, 08:38 PM
عبد الباقي الجيلي عبد الباقي الجيلي
تاريخ التسجيل: 06-23-2004
مجموع المشاركات: 1613
بعد التواصل مع ابن عمي الباشمهندس يوسف مصطفى محمد احمد والذي قام بالرد على ما نشر في جريدة الراكوبة وقامت الراكوبة على اثره بسحب المقال .. راينا نشر رده هنا .. اذ انه كان ردا ضافيا ...
السادة / هيئة تحرير صحيفة الراكوبة الموقرة السلام عليكم ورحمة الله طالعنا اليوم فى صدر صحيفتكم الموقرة موضوعا عن وفاة المغفور له باذن الله سامى زين العابدين بمسيد طيبة الشيخ عبدالباقى وقد حوى الموضوع كثير من الاتهامات الجزافية فى حق المسيد وراعيه مولانا الشيخ الجليل عبد الله الشيخ احمد الريح (ازرق طيبة ) ومع احتفاظنا بحق التقاضى فى هذا الامر دفعا لما لحق بالمسيد وراعيه من تجريم وتشويه سمعة ، نود ان ندفع ببعض الايضاحات علها تضى ما غاب عن البعض من حقائق : اولا : وقبل كل شى نترحم على الفقيد ونسال الله صادقين ان يتغمده برحمته الواسعة وان يسكنه اعلى الجنان وان يبدله دارا خير من داره واهلا خير من اهله ، كما تمتد تعازينا لاهله واصدقاءه وزملائه وكافة معارفه سائلين الله ان يلزمهم الصبر وحسن العزاء . ثانيا : لمن لايعلم فان مولانا الشيخ عبدالله (ازرق طيبة ) فضلا عن كونه شيخا صوفيا نحسبه من اقطاب الارض علما و صلاحا فانه احد رواد الاستنارة فى بلادنا فيما يخص قضايا الحريات والحقوق ومناصرة الضعفاء والمهمشين وقضايا النوع وما اليها من قضايا لذا يكون من المستغرب ان يلقى البعض ببعض التلميحات السياسية فى قضية موت يجب ان تجد الاحترام والتوقير . ثالثا : لمن لا يعلم ايضا فان مولانا من المناصرين لضرورة التكامل مابين العلاج التقليدى والحديث وكثيرا ما وجه القادمين اليه بضرورة مراجعة الاطباء واجراء الفحوصات والتحاليل اللازمة ، بل الاكثر من ذلك انه انشا من حر ماله دون مساعدة من احد مستشفا فى قلب معقله بطيبة وقد شارف المستشفى باحدث معداته على الانتهاء ومن المتوقع افتتاحه فى مقبل الايام دعما لمواعين الطبابة فى بلد تنهار خدماتها الطبية يوما اثر يوم . فهل يصح ان يدمغ رجلا بهذا الفهم والوعى بانه احد رواد التجهيل كما ورد فى بعض التعليقات . رابعا : ناتى للب الموضوع ان ما حدث فيما يخص قضية المرحوم سامى انه اتى فى معية احد اقاربه لامر التداوى حسب قناعتهم ولقد رفض مولانا استضافة المريض حينها المرحوم لاحقا الا بوجود احد زويه للاهتمام باحتياجته الملحة كونه شخص فاقد للتمييز وهذا مما جرت عليه العادة فى كل الحالات المشابهة ، ولكن لظروف تخص اسرته تعذر وجود احد اقاربه بجواره وتم الاستعاضة بتكليف احد المقيمين بالمسيد لمراعاته وفق اتفاق تم بينهما . خامسا : حينما بدات حالته بالتدهور تم الاتصال بخاله لاعلامه بحالته الصحية وضرورة حضوره لمراجعة الطبيب لمزيد من الاطمئنان ولقد وعد خاله بالحضور بعد ترتيب اوضاعه ولكن كانت ارادة الله غالبة وحدثت الوفاة بعد يومين او ثلاثة من ذلك الاتصال . وعندها تم الاتصال مجددا باسرته لاعلامهم بامر الوفاة لمواراته الثري حسب رؤيتهم ، ولقد كانت الوفاة عند السادسة صباح ذلك اليوم حيث تم انتظارهم حتى الساعة الثانية ظهرا وعندما تعذر حضور ايا من زويه تمت معاودة الاتصال بهم مجددا لانه من الصعب انتظار الجثمان اكثر من ذلك ، حينها طلب زويه بدء اجراءات تجهيزه على امل ان يلحقوا بالدفن بطيبة ، ولان اكرام الميت دفنه ولانه لم يكن هنالك اى اعتراض على دفنه بعد الاتصالات المتبادلة تمت مواراته الثري عند الرابعة عصر نفس اليوم . سادسا : عند مغرب نفس اليوم اي بعد ساعتين من مواراته الثري حضر بعض زويه وتم تبادل التعازى بينهم والشيخ وبعض المريدين وطلبة المسيد وشكروا للشيخ استضافته لفقيدهم الا ان اخ المرحوم كان معترضا على دفنه دون حضورهم وابدى رغبته فى نبش القبر ولقد كان الراي عندنا ان نخلى بينه ورغبته فليس لدينا ما نود اخفائه او مداراته غير اكرام الميت حسب العرف والمعتقد ، سابعا : انه لمن الغريب حقيقة ان يتهافت البعض باتهامات عجيبة عن التعذيب وبعض التلميحات السياسية المريضة ، ونكاد نجزم بان الوالغين فى هذا الدرك لايفقهون شيئا عن ماهية السجادة ودور المسيد ونصاعة سيرة راعيهما المبجل مولانا ازرق طيبة اطال الله عمره وامده بمدد منه واعانه على مهامه الجليلة خدمة لشعبه وسندا لوطنه. ختاما : ما كنا نود ان نسترسل فى سرد هذه الحيثيات المؤلمة لولاء الاجحاف الذي صاحب هذا النشر غير البرئ ، نسال الله مجددا للفقيد الرحمة والغفران ونعتذر لاسرته الكريمة ان ساءها او آذاها تناول امر فقيدهم وفقيدنا جميعا بهذه التفاصيل المؤلمة ولكنها الضرورة . اما هيئة تحرير الراكوبة فنقول لكم الكلمة امانة فنشركم دون التثبت او مراجعة كافة الاطراف يضعف مهنيتكم وينال من امانة ومصداقية كلمتكم ، فهلا انتبهتم .. يوسف مصطفى محمد احمد طيبة الشيخ عبد الباقى
11-16-2018, 00:06 AM
Nasr Nasr
تاريخ التسجيل: 08-18-2003
مجموع المشاركات: 10837
This is important "سادسا : عند مغرب نفس اليوم اي بعد ساعتين من مواراته الثري حضر بعض زويه وتم تبادل التعازى بينهم والشيخ وبعض المريدين وطلبة المسيد وشكروا للشيخ استضافته لفقيدهم الا ان اخ المرحوم كان معترضا على دفنه دون حضورهم وابدى رغبته فى نبش القبر ولقد كان الراي عندنا ان نخلى بينه ورغبته فليس لدينا ما نود اخفائه او مداراته غير اكرام الميت حسب العرف والمعتقد ، "
لو الحكاية جابت ليها تأنيب ضمير من أخوه (كما هو واضح) فكمان ما يفكها في المسيد وشيوخه
علي العموم رحم الله الفقيد سامي نسأل الله أن يكون ما قد عاناه كفارة له من ذنوبه
وسكة السودان في الإهتمام بمرضي الأمراض العقلية و النفسية طويلة طويلة وما أظننا في الطريق الصحيح
11-17-2018, 12:27 PM
عبد الباقي الجيلي عبد الباقي الجيلي
تاريخ التسجيل: 06-23-2004
مجموع المشاركات: 1613
ود الباوقة ، كيف أخبارك امشي أسأل ناس الشيخ الجعلي في كدباس عشان يشرحوا ليك معنى أقطاب الأرض .. خليك مع حكومتك بس أبعد من الأولياء .. فمعاداة الأولياء نتائجها ليست طيبة ..
11-18-2018, 10:13 AM
Hatim Alhwary Hatim Alhwary
تاريخ التسجيل: 01-23-2013
مجموع المشاركات: 2418
Quote: الاكثر من ذلك انه انشا من حر ماله دون مساعدة من احد مستشفا فى قلب معقله بطيبة وقد شارف المستشفى باحدث معداته على الانتهاء ومن المتوقع افتتاحه فى مقبل الايام دعما لمواعين الطبابة فى بلد تنهار خدماتها الطبية يوما اثر يوم
افتكر دا هو التوجه الصحيح واي حاجة غير كده معناها الاستمرار في اعتقادات خاطئه ومتخلفة ولن يكون أول او آخر ضحاياها المريض سامي
كيف تقبل مرضى نفسيون او أصحاب اضطرابات عقلية للتداوي بالمسيد؟ دي جريمة
مفروض ماتجامل او تخضع لاعتقادات الناس الخاطئة ...أرواح الناس وصحتهم مافيها مجاملة
وبالمناسبة ماحدث من وفاة لسامي المسيد وشيخه يتحمل وزرها وهو شريك في الذي حدث...والمبررات دي ماعندها قيمة كيف تقبل استلام شخص مريض؟
انت مسيد ولا مستشفى
واذا كان أهله جهلة او متهربين من مسئولياتهم هل انت جاهل؟
11-19-2018, 04:05 PM
محمد المسلمي محمد المسلمي
تاريخ التسجيل: 08-08-2009
مجموع المشاركات: 11831
لضحايا بيوت الاشبح وللشهداء في انتفاضة ديسمبر المجيدة على يد السفاح صلاح قوش ونشعر بالاسى لفقراء بلادنا الذين يودعون فلذات اكبادهم في خلاوى الامنجية وشذاذ الآفاق من الذين ضعفوا اخلاقيا ودينيا امام الطفيلية الاسلاموية والذين عن عمد يحاولون صرف الانظار عن اليوم الموعود الذى حدده الشرفاء من ابناء شعبنا لمنازلة اللصوص والقتلة ..
بس تنتهى الانتفاضة دي ولكل حدث حديث ...
12-27-2018, 11:03 PM
عمر دفع الله عمر دفع الله
تاريخ التسجيل: 05-20-2005
مجموع المشاركات: 6353
Quote: انا ضد الخروج علي الحاكم وضد الفوضي وضد قتل المتظاهرين شفت الوضوح ده كيف وبعدين ياخ خيارات الناس واعتقادهم ده المفروض انت تؤمن به حسب فهمك الديمقراطي وشخصياً أدعو البشير الي التنحي او ينحي دون اراقة دماء من الشعب او القوات النظامية
هسي يا ود ( ابوك الشيخ ) الامنجى فرقك من صلاح غريبة شنو ؟ مستوى ضحل وبلادة وتخانة حس والله فعلا وافق شن طبقه والعصافير على اشكالها تقع . وبعدين انت قايل رفعك للبوست دا في الوقت دا بالذات ممكن يعمل شوشرة وتشتيت كورة يا بليد . انا من البداية سبتك مع الشيخ الجيلى وقلت كفاية عليك كدا . لكن مادامت تماديت واوغلت في عفنك وكشفت عن وسخك وعقدك قسما يا ( ود ابوك الشيخ ) إلا اخلي السودان كلو يعرف صحبتك بسفاح بيوت الاشباح وابقا شجاع وامشى اقيف ساكت بس في طرف مظاهرة عشان تعرف انت منو ! ود الشيخ الكباشى ولّ البكباشى ! وامشي اسأل اي واحد في الجزيرة عن ازرق طيبة القصة يا وابوك الشيخ ما صوفية وبلابيط . مزارعين مشروع الجزيرة كلهم حول ازرق طيبة بخصوص قضية بيع المشروع فهو رجل الصوفية ربما الوحيد صاحب المواقف الناصعة والصحائف البيضاء من جات الانقاذ ليوم الليلة . مش زي شيوخ المسخ والدجل بتاعين اليومين ديل يتحلقون كالذباب حول السفاح يبتغون العطايا وكمان يستقبلونها بالهليل والتكبير . اكتر شي اوجعنى قول شيخنا الحبيب الشامى في بوست الزميلة هاجر كباشى ، ( اولاد المسلمى ديل زي اولادى ) حاشا لله ان تكونوا اولاد الحبيب الشامى . فالشامى الذى نعرفه لا يشبهكم ولا ينبغى ان يكون امثالكم من صنع تربيته وعظيم خلقه ... قدامك حلين يا غشيم : يا تسحب البوست دا وتعتذر لأزرق طيبة عن محاولتك الرخيصة لتشوية سمعته بشكل شخصى يا تكلم بكرى يوقف حسابى زي ما عمل مع معاوية . ونشوف آخرتا مع بكرى . لأن بكرى مفروض الزيّك دا يمنعو من الكتابة في ايام الاحتجاجات وقتل الاطفال بالرصاص الحى .... يا .... يا جرقاس قوش ....
12-28-2018, 05:15 PM
محمد المسلمي محمد المسلمي
تاريخ التسجيل: 08-08-2009
مجموع المشاركات: 11831
Quote: عشان تعرف انت منو ! ود الشيخ الكباشى ولّ البكباشى
ود الشيخ ابراهيم الكباشي انت اسال منه ازرق طيبة ممكن يوريك ليه وتعرف الفرق بين ابراهيم الكباشي والبكباشي .كلمتك فوق طراشك ماشي كويس تب وفي دربك زاته 😂😂قلت لي انت صوفي عديل صاح وتسخر من الصوفية الآخرين كدي كون صريح مع نفسك واسأل ازرق طيبة عن البكباشي 😂😂 الشيخ ابراهيم الكباشي وتعال راجع
----- وبعدين ياخ ماتاخر حاجة لي بعد الثورة كوم الطراش كله ماتفرح بسبب غيابي عن النت لامر طاري والآن قاعد اتفرج وأقرا في ماتكتب معليش للتأخير 😂😂😂
12-28-2018, 05:27 PM
حاتم إبراهيم حاتم إبراهيم
تاريخ التسجيل: 08-11-2014
مجموع المشاركات: 3382
Quote: أولا الربط بالسلاسل يكون عادة لمنع المريض من إيذاء الآخرين وأحيانا إيذاء نفسه ... والربط والجلد أحيانا بالسياط ليست أسوأ ولا أكثر إيلاما من الكرسي الكهربائي الذي يستخدم في علاج بعض المرضى النفسيين والعصبيين .
أصلو أسد؟ مريض ويجلدوهوا.
___ تخلف ليس إلا.
12-28-2018, 06:56 PM
محمد المسلمي محمد المسلمي
تاريخ التسجيل: 08-08-2009
مجموع المشاركات: 11831
Quote: شفت المحن دي كيف ياحاتم ..وبعد ده يوجد هنا من يدافع عن هؤلاء..شخص يدعي النضال وحقوق الإنسان ويدافع عن من يمارس هذه الأساليب
اول تبادى يا ودابونا الشيخ انا ماجيت ادافع عن ازرق طيبة والقضية دي حتى في اتصالات بطيبة ولا اتذكرتها ولا سألت عنها وما دام انت قلت عند البوليس والنيابة ، انت عاملا ليك صداع في شنو ؟ آخر مداخلة ليك في بوستك كانت 19-11-2018, 03:05 PM بس شنو الخلاّك تجى يوم 27-12-2018, 07:07 PM ترفع البوست من جديد في وقت كل المنبر منشغل بالاحتجاجات لو لم يكن عندك شي في نفسك . يعنى شغل الامنجية دا يفهموه كيف ! ياهو شغل الخال الرئاسي زاتو تانى حاجة انا لا من آل الشيخ عبدالباقى ولا متصوف ولا قاعد امشى لشيخ عبدالله عشان اتبّرك كل زياراتى ليهو لأنو كان استاذى في المدرسة ويربطنى به نسب زي زي باقى ناس الحلة . شي تانى لازم تعرفو ان شيخ عبدالله معروف للانقاذ انو بيجمع كل قيادات المزارعين في مواجهة خطة الحكومة لبيع المشروع وتشريد المزارعين وانت قايل الطيب المصطفى خاتيهو في راسو ليه ! الطيب المصطفى بيتذرع بعلاقة ازرق طيبة بالحركة الشعبية وبالتحديد بجون قرنق وكان في برنامج قرنق قبل موته ان يزور طيبة اول ما يرجع للخرطوم في رحلته الاخيرة والتى لم يعد منها .
Quote: ود الشيخ ابراهيم الكباشي انت اسال منه ازرق طيبة ممكن يوريك ليه وتعرف الفرق بين ابراهيم الكباشي والبكباشي
اولا لا يمكن ان اسئ الى اي طريقة صوفية او غير صوفية ومن ناحية تانية وقت شيخ عبدالله داعارف مقام اهلك لزوم المطاردة ورفع البوست بدون مناسبة شنو والشي الاهم فأنا لايمكن ان اسئ الى اهل الحبيب الشامى وانت عارف كدا كويس . لكن مادمت جاي تتطاول وتتفاخر بأهلك علينا أها بقول ليك ما سمعت بيهم ، يعنى جمعوا المصحف ولّ حرروا البلد من الانجليز ؟ اها انا وانت مافيش فرق بينا لو كانو اهلك ناس الشيخ الكباشى او ناس ازرق طيبة .
Quote: قلت لي انت صوفي عديل صاح وتسخر من الصوفية الآخرين
انا يا ود ابونا الشيخ بسخر من اي زول مسخّر نفسوا في مكان ما بيشبهو كإنسان ، صرف النظر عن اهلو مين وجاي من وين ! طبعا مادام صاحبك سفاح بيوت الاشباح ، ليك حق تتفرعن وتفرد عضلاتك وعلى اية حال ما دمت انك لا تخجل بعلاقتك بقوش ، الله اعلم تانى تخجل من حاجة .... ولو عشنا الاتنين الى ما بعد الانقاذ حنشوف شلك حيكون كيف ! بس ما تركّب قناع تانى ...
12-29-2018, 01:47 AM
محمد المسلمي محمد المسلمي
تاريخ التسجيل: 08-08-2009
مجموع المشاركات: 11831
ياعمر دفع الله ماتغالط الواقع في كونك جيت تدافع زول مات او قتل في المسيد واهله فتحوا بلاغ كونك تقول اسحب واعتذر من النقل ده اسمه شنو قول واحد وبعدين قصة ارفع البوست ده خياري وفي اي وقت أحدده انا وليس انت وأظن ده تدخل في شان لايهمك وتمديد ما أفعله ودععوتك الي بكري إيقافي وخلافه من الوعيد ده اسمه دفاع مع التهديدقول اتنين وبعدين كونك تنفي انك ماقاعد تتبرك فيه ولا شئ اخر ده شئ يخصك وماداير تبرير ليها منك . كونك تقول ليس قريبك ولكن نسب في الحلة دي غلوطية عديل .اها دي ممكن تكون نمرة ثلاثة كونك تصف اسم الكباشي بالبكباشي دي خلاص معتبرا ليك اشادة باهلي وأهل عمي وحبيبي وصديقي الشيخ الشامي رحمه الله ..يعلم الله ماذكرت شيخ الشامي هنا الا بقصد الترحم عليه انا ..وبعدين ناس طيبة والكباشي لو اهلك او اهلي انا هنا ليس في موقع التفاخر ولكن في تبيان حقيقة لك الا ان يكون شئ في ماتريد ان تبطن ما تكتب ..وتعبر عن زات في نفسك اسمه السخرية لأغير ممكن تكون من نمرة أربعة 😡 وبعدين يا عمر دفع الله انا ماعندي شئ اعتقد انه صحيح اخجل منه الا يكون ظنون منك او تبطين الي كلام في مخيلتك ولو الإنقاذ استمرت او سقطت كله عندي واحد انا عندي عقيدة اسمها عدم الخروج علي الحاكم ومبايعة المتغلب ده دين عديل ..وبعدين تسقط اعمل لي محكمة مثل محاكم التفتيش آو ما يطفي نار مما تحمله في نفسك نحوي وترجتمه هنا في البوست ده وغيره وأظنك هنا لاتتقص شئ من من المتطرفين في كل رد فعل ..وممكن ده يصنف بالوعيد والتهديد الصريح وممكن نقول عليه ولا أقول ليك قول 15
12-29-2018, 09:22 AM
عمر دفع الله عمر دفع الله
تاريخ التسجيل: 05-20-2005
مجموع المشاركات: 6353
ياحاتم انا لم اقازن مشاركتي في المنبر بك او غيرك وان بدأت المداخلة أعلاه موجهة لك فهي موجهة للجميع قراءة ومتابعين
أما عن عمر دفع الله الذي جاء مدافعاً عن جريمة بدأت فصولها منذ حضوره وعزله عن الناس واستعمال الحبال في تقيد حركته واعتقاله حتي موته في شكل مهين ..ولو حدثت في غير مسيد أهله لاقام الدنيا وأقعدها ولكن اختلاف المعيار عنده عادي وموت المريض المسكين وفتح أهله بلاغ في الشرطة يعتبر إساءة لازرق طيبة نصير الزراع في الجزيرة وضد الإنقاذ المهم ده واقع حقيقي ومعاش احداثه في مسيد ازرق طيبة
12-29-2018, 11:21 AM
عمر دفع الله عمر دفع الله
تاريخ التسجيل: 05-20-2005
مجموع المشاركات: 6353
ياخى انت زول جلدك تخين تخنة عجيبة وحساسيتك متبلدة بالمرة . يعنى عايز تعملها هلال مريخ بين مسيد طيبة ومسيد الكباشى ؟ وقت انت قلبك دا رهيف كدا وحنيتك زايدا على الناس ، كيف تقبل ان يكون سفاح محترف من اصحابك ؟ شوف يا غشيم : ما تعمل فيها طبيعى ومتصالح مع نفسك في علاقتك بقوش والله صورتك مع قوش دي حارقاك في بلابيط يا موتور . وما بعيد تكون اتصلت بودالباوقة وعنفتو في انزال الصورة ... احسن تقعد مؤدب ولازم تعرف انك منو ! ودناس منو! دي حاجات اصبحت من الماضى والناس حتشوفك مجرد زول حقير وتافه ساكت وخسارة زمنى الضيّعتو معاك . ياخى قرف يقرف ويقرف قوش معاك .
12-29-2018, 12:32 PM
عمر دفع الله عمر دفع الله
تاريخ التسجيل: 05-20-2005
مجموع المشاركات: 6353
ياعمر دفع الله دي جريمة انت جيت فاضح نفسك وواقف شايل عكازك عشان تدين زول مسكين قتل آو مات في مسيد ازرق طيبة وبعدين هلال مريخ مع مين ده اظنه في مخيلتك المريضة ثم انت هنا تمثل نفسك ولا أظن اقبلك ممثل لمسيد ازرق طيبة الذي وان اختلفت معه فأنت لا تساوي بعرة في زريبة العركيين وبالنسبة لي موضوع الصورة أظنك ماسكاك ام فريحانة فأنا انزلت صور بنفسي مع قوش في إدارة الأولي للجهاز وبعد تقاعده وممكن ترجع للأرشيف هنا او تستعين بالسلطان دينق ولدي صور كثيرة وحديثة وإذا مغروض فيها وممكن تشفي لك جزء من مرضك المزمن وعاهاتك المزمنة وقبيحة ممكن ارسلها لك
نرجع لي موضوع المقتول رحمه الله تعالي هل إذا مات في غير مسيد ازرق طيبة هل كنت ستدين وتترحم عليه ام تعتبره تشويه لسمعة المسيد الذي يناصر أهل الجزيرة وتاتي سؤال هل تخيلت أهل المقتول وماذا اصابهم من فقدهم الكبير .وعاشر سؤال هل القتل الذي تم في المسيد وفي التظاهر الان الذي تدافع عنه يختلف واسمع كلامي دا وتاني اسمعه انا هنا لكي افضح كذبك وادعايك الفارغ انك مجرد شخص فاضي يدعي شئ ويعمل ضده في الواقع والأسافير
12-29-2018, 04:34 PM
محمد المسلمي محمد المسلمي
تاريخ التسجيل: 08-08-2009
مجموع المشاركات: 11831
قبل شوية قلت ليك انك مريض كونك تشيل عكاز عشان زول مسكين أهله جابوا المسيد ومات هنالك واهله طالبوا بمعرفة سبب الموت وسلكوا طريق القانون وبعدين قصة اعزم ما اعزم ده شئ خاص حقي براي وممكن انت الح ما ر ده لو جيت السودان وانا موجود وصادفت مزاجي رايق احتمال اعزمك ولك مطلق الحرية تقبل آو ترفض ولو لقيت مزاجي اروق ممكن اسفرك من صالة كبار الزوار رغم الوضاعة التي انت فيها ..الان المافي شنو
12-29-2018, 04:50 PM
Arif Nashed Arif Nashed
تاريخ التسجيل: 05-12-2014
مجموع المشاركات: 12692
الرحمة والمغفرة للمرحوم.. مافي حاجة مطلعة دين السودان غير القبب والمسيد... الخ من خزعبلات الصوفية مشايخها الدجالين تجار الدين.. قسما لو عندي سلطة ما أترك قبة واحدة واقفة في أرض السودان..
12-29-2018, 05:03 PM
عمر دفع الله عمر دفع الله
تاريخ التسجيل: 05-20-2005
مجموع المشاركات: 6353
Quote: ولدي صور كثيرة وحديثة وإذا مغروض فيها وممكن تشفي لك جزء من مرضك المزمن وعاهاتك المزمنة وقبيحة ممكن ارسلها لك
والله فعلا يا ابن الاكابر ، انا فعلا مغروض فيها وتكون على الاقل ساهمت في علاجى ولو عندك علاج بالمحاية بكون افضل . اصلو سوق الحاجات دي ماشى في البلد بعد ما البشير صرف مال الدولة كلو على صاحبك قوش وعناصر الامن ، فإنعدم الدواء في الاسواق بل هناك شركات ادوية افلست ولّ ما عندك علم يا ابن الاكابر ... اها انت ما قاعد تطير زي الشيوخ البيطيروا عشان تجيني هنا . بس عشان تعرف حاجة واحدة انو انا ما عندي معاك موضوع مهم وكل الطلبتو منك ان تتقي الشبهات عشان اهلك الاكابر . العلاقة والمصاحبة مع القتلة والمجرمين يا ودالمسلمى بتكتل القلب وتميت الضمير فياخى عشان اسم العائلة والاهل بقول ليك : اتق الله في اهلك يا ابوحميد وبطّل تخانة الجلد دي ..... سلام
12-29-2018, 06:03 PM
عمر دفع الله عمر دفع الله
تاريخ التسجيل: 05-20-2005
مجموع المشاركات: 6353
Quote: ممكن اسفرك من صالة كبار الزوار رغم الوضاعة التي انت فيها ..الان المافي شنو
انا عارفك واصل وما بعيد تكون عميد في الامن لكن يا ود المسلمى الله يسألك هسي صلاح قوش البيخش ويمرق من صالة كبار الزوار دا احسن منى في شنو ؟ حصل سمعت في يوم انو انا كتلت زول او عذبت زول او اعتديت على مال عام او سار بفسادى وجرائمى الركبان ؟ المكابرة في شنو يا ابوحميد ! عشان تانى تبارى السلفيين وتفك درب اهلك ويا اريتك لو كنت سلفى زى صديقنا محمد جلال . هسي لا لميت هنا ولا هناك وشغلت نفسك بمباراة الامنجية والاكل في الموائد الحرام ساكت ، يخسي عليك وتانى يخسى يا ( بعرة ) يا بعرة دي حلوة مش كدا ! البشيل فوق البعر ما بميل قدل ود شيخنا الديمة لعبو تقيل ....
نرجع لموضوعنا .. انا عايزك تعمل حاجة واحدة في صفحتك على الفيسبوك ، لو انت فعلا ما خجلان من صورك مع السفاح قوش عايزك تنزّل الصور بتاعتك مع قوش ،حتى لو واحدة ... هل تستطيع ؟ ولّ دي صعبة عليك ؟ على بالايمان تعمل حاجة زي دي ، الما يشترى يتفرج عليك وتسمع شتايم عمرك ما سمعتها . بس خلي الاحوال تروق وانا بعملها يا ودالمسلمى ، غايتو إلا تكلم صاحبك قوش يشوف ليهو طريقة يهكر صفحتى .....
12-29-2018, 06:51 PM
محمد المسلمي محمد المسلمي
تاريخ التسجيل: 08-08-2009
مجموع المشاركات: 11831
ياعمر دفع الله أظن قصة بعرة دي أكلت معاك جمبة ياخ ماتنظر ليها بحساسية ممكن تكون بعرة في مسيد ازرق طيبة موش اديت ليك شيخ الجزيرة حقه اها نرجع لي موضوع صلاح قوش وماعائز احدد ليك محاسنه بس انت موهبتك ووجودك في الاسافير كله سخرية وتحريض في الشعب علي الموت والفوضي وحتي الفن حقك استخدمته بصورة مبتذلة جداً دون حياء او وازع اخلاقي دون مراعاة للأعراف والتقاليد الإنسانية . وانت في نظري انسان غير صالح ومفيد للأنسانية أياً كان مكان تواجدك نرجع لي الموضوع الأساسي وهو وفاة مواطن في مسيد ازرق طيبة المطلوب منك اول شئ الترحم عليه ومواساة أهله في كل مكان وبعداك عايز رأيك الشخصي دون علاقة النسب مع الشيخ ازرق طيبة في الجريمة أعلاه
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
محمد المسلمي
Yasir Elsharif
Ahmed Yassin
محمد علي البصير
النذير حجازي
أحمد الشايقي
عبد الباقي الجيلي
Amira Hussien
Mohammed Alhasan Mohammed
Yousuf Taha
تماضر الطاهر
محمد حمزة الحسين
جعفر سومي
Nasr
ودقاسم
Hatim Alhwary
عمر دفع الله
حاتم إبراهيم
Arif Nashed
فيس بوك
تويتر
انستقرام
يوتيوب
بنتيريست