|
|
|
 Re: وفد المنافي ... (Re: معاوية المدير)
|
ندوة في واشنطون، ندوة في برلين، ندوة في باريس، ندوة في
تورنتو، وقفة إحتجاج في اوتوا، وقفة إحتجاج أمام المحكمة الدولية،
وقفة إحتجاج أما البيت الأبيض !، مكرفونات ؤ صياح ؤ ورجغة ؤ
مُلصقات ؤ يا فطات وأعلآم وهلُمجرا ؤ عووووووك، فهل حركنا
ساكنا ؟، دا غير تدشين الكُتب، ؤ غير ندوة عن الكتاب الفلآني
زايداً التسويق، فهل قلبنا حجراً أو وضعنا لقمة في فم جائع أو
سمعنا صيحة مستغيث ؟. فلآن جاي من السودان ندوة في
أستراليا، فلآن جاي من لندن ندوة في واشنطون، الحزب الفلآني
ندوة في اليابان، أها سوينا شنو غير الورجغة وإحتمال شكلة
ثم بعد ذلك بخبيخ السجاير ؤ جِغيّم الشربات، ؤ دفس السندوتشات ...
| |
 
|
|
|
|
|
|
|
 Re: وفد المنافي ... (Re: معاوية المدير)
|
كِدي أدونا فرقة النقولكم كلآم يا ناس المنافي وأقصد بناس المنافي
كل السودانيين خارج السودان، بعد دآك كلآمنا كان ما عجبكم شيلوهو
وادوهو البحر ...
| |
|
|
|
|
|
|
|
|
|
Re: وفد المنافي ... (Re: معاوية المدير)
|
عارفك دُغري وحقاني أديهم بالجنبه الفيها الحديدهـ ...
خليهم يجو يدافسو معانا هنا في الوحل دا لامن نمرق مع بعض يا نغرق مع بعض ...
يا ينقطونا بي سُكاتهم لامن ربنا يقول لها كوني لو دامت لنميري لما آلت لسوار الدهب ومن ثم الصادق المهدي ومن ثم الإنقاذ مهما طال مكوثها...
بالله يا مدير شوفتا نحن متعايشين كيف وبي نوزع في البسمات وكاتمين وراها كمين دموع.
:
:
:
:
مع التحيات لله الزاكيات .
| |
|
|
|
|
|
|
|
|
|
Re: وفد المنافي ... (Re: محمد حمزة الحسين)
|
| Quote: نحن متعايشين كيف وبي نوزع في البسمات وكاتمين وراها كمين دموع. |
كوز بشهادة يا ود الحسين!
يا ود المدير ..هوي يا ابصلعة
اي نعم تأثير الوقفات و الندوات و غيرها من انشطة المعارضة بالخارج اثرها قليل على تماسك النظام لكن من الناحية الأخرى لها اثر كبير في بث الوعي و ازالة التغبيش و كشف اكاذيب النظام
سواء للمواطنين او للعالم.
لكن اتفّق معك في انه لا يجب الوقوف فقط على هذا النوع من النشاط و ترك ما سواه وانتظار سقوط النظام على اثرها.
لكن كمان الندوة ولا صمّة الخشم
| |
|
|
|
|
|
|
|
|
Re: وفد المنافي ... (Re: محمد البشرى الخضر)
|
حباب ودالمدير ودالبشرى وود الحسين
تعرف يا ود المدير أنا في رأي إنه المشكلة الأساسية بتكمن في النظام
قصدي إنه النظام دا أسسه أذكي كادر سياسي حركي برجماتي مر على تاريخ السودان
عيبه الوحيد إنه جوهر الفكرة كان مهلهل جداً سياسياً
لكن التمكين العملوا النظام دا مستفيداً من شعار حشد المؤمنين بإختلاف طوائفهم لأقامة دولة الإسلام
كان تمكين خطير جداً وفر حشد بشري مدعوم بكل موارد الدولة وجاهز لقمع أي كافر أو منافق
تسول له نفسه تعويق مسيرة دولة الإسلام
مارست هذه الدولة الإعتقالات والتشريد والتهديد وشراء الزمم وجهزت مجموعات أمنية عديدة
حتى تضمن إفشال أي محاولات توحيد للمعارضة أو تجييش للراي العام لا سيما طلاب الجامعات
لتنظيم وتنفيذ أي عمل ثوري يمكنه أن يستقطب الشارع لإسقاط النظام
النقطة الأولى العاوز أثبتها إنه هذا النظام مختلف وأعتى الأنظمة الشمولية المرت على تاريخ السودان
النقطة التانية إنه أحزابنا ذاتها والتي بدأت تتلقى الضربات الموجعة جداً والمطاردات ولإختراقات القميئة
منذ بدء إنقلاب الإنقاذ، إلا أنها أحزاب ذات بنية قديمة مهلهلة تعيش تناقضات داخلية مستمرة
تفشل معها عن الترفع عن الذاتي إلى الموضوعي والتوحد ولو لمرة واحدة حول خيار النزول للشارع
وكلنا لاحظنا أن كل المحاولات التى خرج فيها الشباب والطلاب للشارع لم تتوجه الأحزاب
بخطاب واضح تدعو فيه جماهيرها للنزول للشارع مع الطلاب (لكل حساباته الذاتية المبررة)
لا وجود حقيقي للأحزاب في أدوات التنظيم والإستقطاب الحديثة وعلى رأسها السوشال ميديا
النقطة الأخيرة والمهمة
أن هنالك قانون فلسفي يعرف بقانون التراكم
ويعني أن التراكم الكمي ينتج عنه في نقطة محددة تحول كيفي
أي أن كل أعمال المقاومة للنظام مهما ضعفت وبدت بلا فائدة إلا أنها نقاط يضيف كل منها
ولو القليل كمياً لأنشطة المعارضة المستهدفة تغيير النظام وحتماً ستصل هذه التراكمات
إلى نقطة معينة تتحول فيها إلى عمل ثوري نوعي يحدث التغيير المنشود
أضرب لك مثلاً بحلة أو كفتيرة مليانة موية وضعت على النار
تبدأ حرارة الماء في الإرتفاع تدريجياً ولكنه تراكم كمي من درجة حرارة إلى أخرى أعلى
أي من 20، 30، 40، حتى نصل درجة محددة تعرف بدرجة الغليان
عندها تتوقف التراكمات الكمية لأنها تتحول إلى تحول نوعي تنفجر فيه الكفتيرة
لاحظ أن التراكم يمضي في إتجاهين
إتجاه تراكم النضالات المعارضة
وإتجاه تراكم أخطاء وإخفاقات النظام وأحدهما حتماً سيصل لإحداث التحول السياسي النوعي في السودان
أي تغيير النظام
الشيء الوحيد المأمول هو تسريع هذا الأمر ورفع درجة الحرارة حتى يحدث التحول النوعي بأسرع ما يمكن
| |
|
|
|
|
|
|
|
|
|
Re: وفد المنافي ... (Re: جلالدونا)
|
Quote: حاولت كثيرا أن أفكر في دوري وأنا في خارج السودان..
حاولت أن افكر بشكل فيه تجديد أو إبتكار
إذ أننا منذ خروجنا جربنا خلال كل السنوات طرق الإعلام الخارجي
عن طريق الحملات وغيره
مع التواصل مع السودانيين أبناء الوطن..
فشلنا بالطبع في إيجاد قناة تلفزيزنيه تمثلنا وفشلنا في إيجاد عدة
محطات راديو تبث بصوت المعارضة وتصل كل بيت..
الدور الذي كان يجب ان نقوم به بشكل فيه فعاليه هو دعم الداخل..
ليس فقط في ارسال المساعدات للأهل
لكن في دعم الثورة نفسها..
أعتقد أن فشلنا هذا ساهم لحد كبير فيما يحدث من ضعف في تجمع
صفوفنا وعدم وجود الثقة الكافيه حول جسد واحد
أتمني أن نري طريقة لعلاج هذا الأمر..
نجحت الثورة الأريتريه بالدعم المادي الإجباري لكل أريتري في الخارج
ولمن كان عندها الهدف الواضح والجسد القوي الذي يلتفون حوله..
تحياتي يا جلالدونا لك ولزوارك
زميلة المنبر منى خوجلي ... |
زميلتنا منى خوجلي في حيرة من أمرها !، تُرى أين هي الآن ؟!.
المشكلة إنو تُفاعلنا مع هذه الندوات والوقفات أصبح بالضبط كتفاعُلنا
مع الحفلآت، زي حفلآت رأس السنة والأعياد والأعراس والسمايات والطهارات،
أهو فُرصة للسودانيين عشان يتلموا ؤ يدردشو مع بعض لكن نتائج فعالة
تُذكر مافِ .
الحكومة قدرت تحشد للحوار الوطني بقوة لكنا فشلنا مع إننا أقوى من
الحكومة في هذا الجانب لكننافضلنا الإستمرار في هذه الندوات العقيمة ! ...
| |
|
|
|
|
|
|
|
|
|
Re: وفد المنافي ... (Re: عبدالحفيظ ابوسن)
|
إذا سألنا كم عدد السودانيين خارج السودان ؟، قد تأتي الإجابة
كالأتي، كُتار أو عدد كبير جداً، طيّب العدد الكبير دا وين ؟ والبلد
رِيقا نِشِف ؟. قطعاً الأجابة ما جايبين خبر والجايبين خبر يلهون
بمأسأة الشعب والتي يقدمونها كندوات ليلية صاخبة أو وقفات
تتخللها تلويحات للمارة .
ما هي الطريقة التي يمكن أن نجيّش بها هذا الكم الهائل وننفضه
عسى أن يعلق منه هباء نفع في الهواء ؟...
| |
|
|
|
|
|
|
|
|
|
Re: وفد المنافي ... (Re: معاوية المدير)
|
Quote: عارفك دُغري وحقاني أديهم بالجنبه الفيها الحديدهـ ...
خليهم يجو يدافسو معانا هنا في الوحل دا لامن نمرق مع بعض يا نغرق مع بعض ...
يا ينقطونا بي سُكاتهم لامن ربنا يقول لها كوني لو دامت لنميري لما آلت لسوار الدهب
ومن ثم الصادق المهدي ومن ثم الإنقاذ مهما طال مكوثها...
بالله يا مدير شوفتا نحن متعايشين كيف وبي نوزع في البسمات وكاتمين وراها كمين دموع
مع التحيات لله الزاكيات . |
والله يا قريبي الحال ما بيسُر البال وهو يغني عن السؤال، أكتر حاجة شطبت رأسي لآمن
شُفت الشُفع بالليل يتبرزوا فوق الرصيف وسط مدينة بحري والعربات والمارة كأن علي
عيونهم أقفالها !.
ليس هنالك شئ يحفّز إنسان أن يستقر في السودان، فالسودان في عضمو غير مستقر
والمواطن السوداني كذلك، عليه أنا ما بطلب من إنسان يمشي يستقر في السودان في
هذا الوضع، لكن ممكن نسأل الناس كيف نقدر نوظّف المجهود البيُبذل في الندوات
والوقفات الأصبحت فارغة دي لصالح ترميم الوضع في الداخل ؟...
| |
|
|
|
|
|
|
|
|
|
Re: وفد المنافي ... (Re: معاوية المدير)
|
Quote:
عارفك دُغري وحقاني أديهم بالجنبه الفيها الحديدهـ ...
خليهم يجو يدافسو معانا هنا في الوحل دا لامن نمرق مع بعض يا نغرق مع بعض ...
يا ينقطونا بي سُكاتهم لامن ربنا يقول لها كوني لو دامت لنميري لما آلت لسوار الدهب ومن ثم الصادق المهدي ومن ثم الإنقاذ مهما طال مكوثها...
بالله يا مدير شوفتا نحن متعايشين كيف وبي نوزع في البسمات وكاتمين وراها كمين دموع.
:
:
:
:
مع التحيات لله الزاكيات . |
بالله شوفو استهبال الكيزان ده!
| |
|
|
|
|
|
|
|
|
|
Re: وفد المنافي ... (Re: Deng)
|
Quote: يا ود المدير ..هوي يا ابصلعة
اي نعم تأثير الوقفات و الندوات و غيرها من انشطة المعارضة بالخارج اثرها قليل
على تماسك النظام لكن من الناحية الأخرى لها اثر كبير في بث الوعي و ازالة
التغبيش و كشف اكاذيب النظام
سواء للمواطنين او للعالم.
لكن اتفّق معك في انه لا يجب الوقوف فقط على هذا النوع من النشاط و ترك
ما سواه وانتظار سقوط النظام على اثرها.
لكن كمان الندوة ولا صمّة الخشم |
يا ود البشرى ..هوي يا خُنفُس
أي نعم في البداية كان ليها من الأثر ما ذكرت ؤ يمكن أقلّ كمان لكن الآن
أصبحت عديمة الأثر وقد تصلُح بدل صمّة الخشُم يا قولك . النظام حالو
صار مكشوّف ولا يحتاج لوقفات أو ندوات .
الدبارة شنو والبلد كسحت مع الشيّمة ؟...
| |
|
|
|
|
|
|
|
|
|
Re: وفد المنافي ... (Re: معاوية المدير)
|
اولا الحمدلله على العودة يا ود المدير وبركة الشفت اهلك وعطبرة البلد بس كلامك
زى الكتاب الاخضر بتاع العقيد وربنا يرحم العقيد
بس عاوز اقول ليك كلام قصة الندوات والوقفات ما بتاثر دا كلام ما صاح الوقفات
والندوات مؤثرة نص بدليل نمن جاء مهدى هنا الا طلع بالباب الخلفى واذا انت ما قادر
تعمل شى الزم بيتك ما تحبط الناس واذا عايز تلحق بركب تراجى اذنك معاك
| |
|
|
|
|
|
|
|
|
|
Re: وفد المنافي ... (Re: محمد حيدر المشرف)
|
منتصر له ملاحظة ذات استبصار
كون القميص الكاروهات ناقص كرافة وتلحق
بوفد المنافي؛
بس الكاروهات موضة قديمة
مع ان وفد المنافي تجاوزته الاحداث
عموما الف سلامة للعودة للمنافي
وتغيير النظام عاوز تضحيات ابسطها
طلاق المنفى والانغماس مع الشعب على الارض...
| |
|
|
|
|
|
|
|
|
 Re: وفد المنافي ... (Re: عبدالمنعم الطيب حسن)
|
أهاإتفضلو الإنقاذ ؤ سقطت، خلآس أحزموا حقائبكم البلد سوف
تصبح جنّة الله في الأرض .
كِدي النشوف ماذا سوف تضيف هذه الندوة لكوم الندوات والوقفات
والهرجلآت والورجغات، بالله عليكم أفيدونا بالإضافة القوية التي سوف
تضيفها هذه الزوبعة للرُكام ؤ خردة الندوات الفاتت ...
| |
|
|
|
|
|
|
|
|
 Re: وفد المنافي ... (Re: معاوية المدير)
|
Quote: لاحظ أن التراكم يمضي في إتجاهين
إتجاه تراكم النضالات المعارضة
وإتجاه تراكم أخطاء وإخفاقات النظام وأحدهما حتماً
سيصل لإحداث التحول السياسي النوعي في السودان
أي تغيير النظام
الشيء الوحيد المأمول هو تسريع هذا الأمر ورفع درجة
الحرارة حتى يحدث التحول النوعي بأسرع ما يمكن |
حبابك أخي سناري .
يا سناري الملآحظ إتجاه تراكُم أخطاء وإخفاقات النظام يسير بسرعة
أكبر من تراكُم النضالات المعارضة !، لكن دائماً ما يحصل تدارُك من
قِبل الحومة .
في النهاية الإتجاهين يسيرن ببُطء شديد جداً وروح الشعب قد بلغت
الحلقوم فما هو دورنا نحن ناس المنافي في تسريع الأمر ودفع عجلة
التغيير للأمام بعد أن وضح جلياً سُلحفائية سير الندوات واللمات ؟...
| |
|
|
|
|
|
|
|
|
|
Re: وفد المنافي ... (Re: معاوية المدير)
|
Quote: هنا كانت دعوة لثورة المنافى
ولكن لا حياة لمن تنادى
واضح جدّا يا ود المدير انو نكبتنا و خيبتنا تكمن فى نخبتنا |
دعنا نحاول تاني يا جلال
عشان خاتر عيون حلوين ...
| |
|
|
|
|
|
|
|
|
|
Re: وفد المنافي ... (Re: معاوية المدير)
|
Quote: كدة جيت معانا في الخط يا عمك
دي البترقش نادية فوق صدر الجرايد
ماها صورتك
انت يا حضن الصحارى
شفع العرب الفتارى
عرفت ! فألزم |
يا حفيض بدلاً من أن ننزل البلد نشوف حالآ ؤ نرجع نسِب ؤ نسخط
يجب أن نفكر في طريقة لمد يد العون، تفكير جماعي وعمل جماعي
لتأسيس كتلة من أهل المنافي تسد الثغرات وتعمل متوحدة لفض
الإختناق، فالبلد تمر بمنعطف خطير جداً وإن لم نتدارك الأمر حتماً
ستحدث كارثة . براك عايش الحاصل ...
| |
|
|
|
|
|
|
|
|
|
Re: وفد المنافي ... (Re: معاوية المدير)
|
يا ود المدير الزول اسمو حفيظ مش حفيض بس عليك بطولة البال ما فى زول مسكك
من ايدك البتوجعك عشان تكتب البوست دا مع انه بوست مهبب هببك الله هههها
| |
|
|
|
|
|
|
|
|
 Re: وفد المنافي ... (Re: صديق مهدى على)
|
| Quote: اذا عايز تلحق بركب تراجى اذنك معاك |
الكل آت لما خطه وفد المنافى وأهل الحوار سواء أن كانوا حركات مسلحه ،
معارضه ناعمه أو ورجاغه وهذه هى الحقيقه وإن توصيات الحوار الوطنى
هى الباعث لروح الدستور القادم والعهود التى تليه ولا ناج وقتذاك بغيره
_ ومن أباها مملحه حتماً سيأكلها قروض_.
وأقرضوا الخشب!!
| |
|
|
|
|
|
|
|
|
|
Re: وفد المنافي ... (Re: munswor almophtah)
|
لا يا منصور
ما تحلم كمان قدر ده
لو فى عوده يا ريت تكون عوده جماعية و فى زمن محدد
و من المطار و على الساحة جارة المطار و تقام الندوه هناك
لو فعلا بحبو البلد و عاوزين خلاص البلد خليهم يعلنوا عنها
ندوة معارضة المنافى فى قلب الخرطوم
لو ما قادرين عليها كمان ال يرحمونا من بيع الامانى فى سوق الندوات
و كتب فضح النظام و العين على عائدات البيع وكرم الضيافة
الثورة مكانا وين
و الناس الدايرين يعملو الثورة عارفين مكانا وين
لا محكمة جنائية و لا ندوات امريكا او هولنده او استراليا و لو حتى فى اسرائيل ح تهز شعرة من صوف النظام
الاسترزاق من معارضة النظام نقطة يجب تجاوزها
| |
|
|
|
|
|
|
|
|
|
Re: وفد المنافي ... (Re: جلالدونا)
|
تحياتي منصور
الحكومة الحالية وفقا لموجهات الحوار الوطني الشارك فيهو وفد المنافي .
سؤالي هل الوضع الحالي يبشر بخير ولا الامر يزداد سوءا ؟
انا شايف يزداد سوءا وبسرعة اكبر من السابق .
بالنسبة لي الحوار الطرحتو السلطة بشروطها لا يصلح لحل مشكلة الوطن
ثانيا السلطة تدعو لانتخابات ديمقراطية في 2020 ثم تمنع الاحزاب من طرح برامجها للجماهير . وتضيق علي المعارضين فكيف يستقيم الامر
وعودة للبدء
مشكلة السودان يتم حلها داخليا
وكما قال جلال بيع الوهم هو من اوصلنا للوضع الشائه حاليا . جعل اهل الداخل في انتظار الحل من الخارج
| |
|
|
|
|
|
|
|
|
|
Re: وفد المنافي ... (Re: عبدالحفيظ ابوسن)
|
كل اول ايهو نهاية لكن النظام سوف يغير جلدو بس للاسف الشديد السبب الذى جعل
النظام يستمر عدم توحيد خطاب المعارضة ودا السبب الذى جعل تراجى وقريمان ومنصور يقتنعوا بفكرة الحوار الوطنى التى طرحها النظام
| |
|
|
|
|
|
|
|
|
|
Re: وفد المنافي ... (Re: صديق مهدى على)
|
نقطة نظام .
يا جماعة لا تفهمونا غلط أرجوكم .
كِلمة وفد جمع وآفد وهي الوفود التي كانت ترد علي الملوك لأخذ العطايا،
وأنا بهذا العنوان قصدت جميع السودانيين المغتربين والموجودين في المنافي
والوافدين عليه وهو في مقام الملوك الشعب السوداني، وأقول للناس الجو
ناطين مفتكرين المقصود شِلة طراجي ديّل ما وفد ديّل ساقوهم سواقة، يعني
من وراء بالسوط دفعولُن حق الطيارات وإستقبلوهم أوسخ خلق الله البشير
وملاءهِ . (يَوْمَ نَحْشُرُ الْمُتَّقِينَ إِلَى الرَّحْمَٰنِ وَفْدًا (85) وَنَسُوقُ الْمُجْرِمِينَ إِلَىٰ جَهَنَّمَ وِرْدًا).
عليكم الله ما تعملوننا زوبعة بفسوة عجوز قد ذهبت ريحها فطارت خيمتها
وتخلعت أطنابها، وجنّت عجوزها الشمطاء وتفرق تابعيها تتبعهم ريحهم
المُنتة وفسأهم وضراطهم .
أصحو معانا ...
| |
|
|
|
|
|
|
|
|
|
Re: وفد المنافي ... (Re: معاوية المدير)
|
الان فكرتك واضحة
وضوح الشمس في كبد الحقيقة؛
قبل عشرين سنة قال صديقي
ان المغتربين ديل لو رجعوا كلهن الحكومة دي تسقط طوالي
الماساة ان المغتربون لم برجعوا ولكنهم طفقوا بيحثون عن اوطان بديلة
وتلك هزيمة نجلاء؛؛
طيب قبل فترة طويلة كنت مدرسا
كلمني تلميذي السوداني الذي ولد وتربى هنا
ولم يذهب للسودان مطلقا
قال لي عبارة موحية: عارف يا استاذ انا بصحى كل يوم منذ عشرين عاما
وانا زهجان
كل يوم زهجان
ومتين اخلص الثانوي دا وارجع دنقلا
وتاني ولا بسافر اي مكان
ما بال من عاش طفولته وكل مراحل شبابه جوة
البلد
السودانيين متنشنين ما من شوية
طبعا لم اقدم لي اللوتري من هنا وواوسي ترانسيت
وتاني
هل من هبة جماعية وتنسيق عالي
لرجوع طلائع من المغتربين
ويعتصموا مباشرة في اقرب ميدان في سنتر البلد
وسينضم اليهم لاحقا شعب الداخل
وتتكامل الحلقات...
وهكذا اي افكار تصب في المشاركة بالنفس في التغيير
وليس الكيبورد وحده؛
يازول طولت عليك
وانت لسع فوقك الملائكة
وريحتك بنكهة طين الجروف
والتوغل في الحقول...
| |
|
|
|
|
|
|
|
|
|
Re: وفد المنافي ... (Re: عبدالمنعم الطيب حسن)
|
Quote: هل من هبة جماعية وتنسيق عالي
لرجوع طلائع من المغتربين
ويعتصموا مباشرة في اقرب ميدان في سنتر البلد
وسينضم اليهم لاحقا شعب الداخل
وتتكامل الحلقات... |
الله يفتح عيلك يا عبد المنعم ؤ تضربا
بيضا محل ما تقبّل يا بركة مِن جعل
محمد نبي . بلآ ندوات بلآ لمات ...
| |
|
|
|
|
|
|
|
|
|
Re: وفد المنافي ... (Re: معاوية المدير)
|
Quote: الكل آت لما خطه وفد المنافى وأهل الحوار سواء أن كانوا حركات مسلحه ،
معارضه ناعمه أو ورجاغه وهذه هى الحقيقه وإن توصيات الحوار الوطنى
هى الباعث لروح الدستور القادم والعهود التى تليه ولا ناج وقتذاك بغيره
_ ومن أباها مملحه حتماً سيأكلها قروض_.
وأقرضوا الخشب!! |
يا منصور أخوي حوار شنو الله يرضى عليك، كدي أمِش أُخُدلك جمّة هنوووووك
وأشربلك شربات ليمون بالنعناع عشان تفتِّح .
الهترشة البتسوى فيها دي أكل عليها الدهر وشرب، لكن إنت الظاهر عليك
كنت باسط كرعينك بالوسيط طِوّال هذه المُدّة !...
| |
|
|
|
|
|
|
|
|
|
Re: وفد المنافي ... (Re: معاوية المدير)
|
Quote: اولا الحمدلله على العودة يا ود المدير وبركة الشفت اهلك وعطبرة
البلد بس كلامك زى الكتاب الاخضر بتاع العقيد وربنا يرحم العقيد
بس عاوز اقول ليك كلام قصة الندوات والوقفات ما بتاثر دا كلام ما صاح الوقفات
والندوات مؤثرة نص بدليل نمن جاء مهدى هنا الا طلع بالباب الخلفى واذا انت ما قادر
تعمل شى الزم بيتك ما تحبط الناس واذا عايز تلحق بركب تراجى اذنك معاك |
تسلم يا الصديق، وإنت إن شاء تكون بقيت شديّد ؤ لضيّض .
إنت يا أخوي ركوُّب العِرِي داا بيسويلك سَلَكة يخليك تنوم وقافي،
مالك دِيّمة رآكِب عِري !. أها قوّل جاكُم البشير ؤ زنقتو لآمن نطّ
بالشُباك ؤ جاكُم اللمبي ؤ زنقتو لآمن نطّ بالبلكونة ؤ جاكُم
علي عثمان ؤ زنقتو لآمن نطّ ؤ ظرط الشعب السوداني حا يستفيد
شنو من النطيط دا !؟، ثم ركب تراجي دا شنو كمان !، يا زول
إنت عاضيك جمل ؟...
| |
|
|
|
|
|
|
|
|
|
Re: وفد المنافي ... (Re: معاوية المدير)
|
والله يا ود المدير وتا الله انا عرفت جيتك دي مووو لي خير ...
غايتو الجماعه ديل لو سمعو كلامك وما ظنيت يسمعوهو ...
:
يستغفروا ربهم ويرجو كلام سناري دا ...
كدا ذاتو تمااام 100% عشان ما يجي زول مناضل واللا حركة مسلحه يقول انا قلبت الإنقاذ دي اسمعوا وعووو...
| Quote: وإتجاه تراكم أخطاء وإخفاقات النظام وأحدهما حتماً سيصل لإحداث التحول السياسي النوعي في السودان |
دينق أختشي إنت الإنقاذ دي لو راحت والسودان جاط البي يصلحكم منو؟!!!!
:
:
:
:
بعدين يا مدير كدا الناس ديل بكرهوك إنت مالك رويحتك محرقاك ومسخن كدِ...
مع التحيات لله الزاكيات .
| |
|
|
|
|
|
|
|
|
|
Re: وفد المنافي ... (Re: معاوية المدير)
|
هل بنقدر ؟.
هل بنقدر ننصب شبكة تواصل في الشبكة العنكبوتية ؟.
بين كل المغتربين والمهاجرين السودانيين في الخارج ؟.
هل بنقدر كلنا نشتري تزاكر للسودان ؤ ننزل البلد لمدة 10 يوم ؟.
هل بنقدر كلنا نحدد 3 أيام نلتحم فيها مع المواطنين في الساحة الخضراء ؟.
هل بنقدر نوحد كلمتنا علي إننا عايزين نقابل الشعب وليس الحكومة ؟.
هل بنقدر نعزف عن الفنادق ؤ ننزل مع المواطنين في بيوتهم ؟.
ها بنقدر نتوصل من دخولنا البلد مع المواطنين بما تيسر لهم، حتي
لو كاروهات ؤ رقشات ؟.
أنا بضمن لكم إنو الناس بأكِلوكُم ؤ يشرِبُوكم ؤ يستضيفُوكُم، فهل إنتو
بتقدروا ؟، لو بتقدروا أبقوا مارقين لو ما بتقدروا ما تملُونا فقُر الناس
دي هناك ضاقت وأصبحت قاعدة فوق ملآلآلة عديل كِدا، الندوات
والزفت الفارغ دا لا يُسمن ولا يُغني من جوع ...
| |
|
|
|
|
|
|
|
|
|
Re: وفد المنافي ... (Re: munswor almophtah)
|
سلامات يا ود المدير
لا أعتقد أن السودانيين في الخارج سوف يغيرون النظام في الخرطوم. كل الذي يستطيعون عمله هو مساعدة المعارضة والشعب في الداخل. المساعدة عن طريق وسائل الاعلام المحروم منها الشعب السوداني، والاتصال بالمنظمات الدولية والحكومات المهتمة بحقوق الانسان والديمقراطيات، وذلك يشمل أيضا تعريف العالم بحقيقة نظام الاخوان المسلمين الفاشي المجرم وسلوكه الاجرامي.
يجب ألا نخدع أنفسنا. زوال نظام الإنقاذ هو مسئولية الذين يعيشون داخل السودان، رغم فظاعة النظام وبطشه بالمعارضين، ورغم التضحيات الكبيرة التي قدمها الشعب حتى الان إلا أنه لا يوجد أي خيار أخر سوى أن يواصل الشعب في نضاله ويعمل على إزالة نظام الاخوان الفاشي رغم التكلفة الكبيرة والتضحيات المتوقعة. (no easy way out no shortcut home)
كلامي ده قد يكون محبطا للبعض، ولكن هذه هي الحقيقة ويجب أن نواجها.
| |
|
|
|
|
|
|
|
|
|
Re: وفد المنافي ... (Re: معاوية المدير)
|
up
أتدري يا المدير ؟ .
أنا أحسنت الظن وقلت بأنك تعلق على بيان من وفد المنافي ( أو ما يشبه البيان ) ... افتكر انو المسؤولية الأخلاقية تحتم عليهم قول/عمل شئ ما !
مع كل الخير
| |
|
|
|
|
|
|
| |
معاوية المدير
محمد حمزة الحسين
محمد البشرى الخضر
Sinnary
جلالدونا
عبدالحفيظ ابوسن
Deng
صديق مهدى على
Hamid Elsawi
محمد حيدر المشرف
عبدالمنعم الطيب حسن
munswor almophtah
ايمن الصادق
فيس بوك
تويتر
انستقرام
يوتيوب
بنتيريست