|
|
|
 Re: سرقة وتهريب ونهب اوقفوا التعدين الأهلي فو (Re: حسن ادم محمد العالم)
|
سلام يا توفيق وحسن،
يا شباب عدد الدهابة في السودان يقدر بعشرة مليون شخص،
ديل الحكومة بتخاف منهم عديل كدا
ديل ممكن يقلبوا الحكومة
تاني حاجة هم سودانيين وهم الشعب السوداني
حلال بلال عليهم
الحاجة الأخيرة الدهابة السودانيين برضو يشتغلوا
في التعدين في موريتانيا والنيجر
وكل الدول تسمح بذلك
وعلى رأسها أمريكا حدث فيها
التعدين في الذهب سنة ١٩٤٩
مافي دولة بتمنع التعدين الأهلي
يعني يا توفيق الشعب السوداني استفاد من البترول في شنو؟!
قروش البترول كلها دخلت جيوب الكيزان ولم يستفد منها الشعب السوداني
| |
  
|
|
|
|
|
|
|
|
Re: سرقة وتهريب ونهب اوقفوا التعدين الأهلي فو (Re: النذير حجازي)
|
تعرف ياصديقي النذير
موضوع عشرة مليون هذا الرقم واحدة من اوهام الحكومه في ظل نظريه
الإلهاء
كم عدد سكان السودان ليكون الدهابة عشره مليون
ثانيا ما يحدث في التعدين ضد مصالح المعدنيين انفسهم
حيث ان الطرق التقليدية أورثت الدهابة أمراض السرطان وكانت ذات
تأثير سلبي علي مجمل البيئه
بالرجوع للعائد المادي الحكومة تشتري منهم بالعمله المحليه ثم
تقوم الحكومة نفسها بتهريب الدهب بالتالي المحصله خسر الدهابة
المال والصحه والبيئة وكسبت عصابه الانقاذ المال عبر تهريبها الذهب
وظلت الحزينه خاوية
| |
|
|
|
|
|
|
|
|
|
Re: سرقة وتهريب ونهب اوقفوا التعدين الأهلي فو (Re: حسن ادم محمد العالم)
|
Quote: والله صدقت اتفق معك في موضوع إيقاف التعدين الاهلي
لأن ما يحدث في السودان لا يمكن ان يحدث في
دولة ذات سيادة |
اخي حسن سيبك من الدهب ديل هربوا وباعوا كل آثارنا ..
حصل يوم شفت ولا سمعت دهابي لقى اثار سلمها مع انه الاثار المدفونة اكتر من الدهب زاتو والشمال مشهور بكنوزه من مجوهرات ودهب وما خفي كان اعظم
| |
|
|
|
|
|
|
|
|
|
Re: سرقة وتهريب ونهب اوقفوا التعدين الأهلي فو (Re: توفيق عيسى مكي)
|
الأخ العزيز توفيق وضيوفه الكرام
تحية طيبة وبعد
اتفق معك أن الذهب ثروة قومية يجب الإشراف عليه بواسطة الدولة فقط من
حيث انتاجه وتصديره ..الخ ولا يجب تركه لنشاط التعدين الأهلي .
التعدين الأهلى حاليا من أسباب الإضرار بالاقتصاد القومي إذ يتم تهريب
معظم الإنتاج إلى خارج القطر بالتالي لا يدخل العائد منه إلى بنك السودان .
حكومة جنوب إفريقيا خير مثال للتصرف في تجارة الدهب .
تحياتي ووافر احترامي
| |
|
|
|
|
|
|
|
|
|
Re: سرقة وتهريب ونهب اوقفوا التعدين الأهلي فو (Re: Gaafar Ismail)
|
Quote: وعلى رأسها أمريكا حدث فيها
التعدين في الذهب سنة ١٩٤٩
مافي دولة بتمنع التعدين الأهلي |
النزير يا اخوي كدي بالعقل كده بتقدر انت في امريكا هسا تنقب تنفيب اهلي وكمان تهربوا من مطار نيويورك للندن الكلام ده كان قبل قريب مية سنة زمن الكابويات ما هسي الدول بقت تحسبها بالجرام اما باقي الدول المنتجة للدهب في العالم لو بقيت ارجل راجل ما بتقدر تقول حتى داير اشتغل في الدهب سيبك تنقب فيه بحرية
Quote:
يعني يا توفيق الشعب السوداني استفاد من البترول في شنو؟!
قروش البترول كلها دخلت جيوب الكيزان ولم يستفد منها الشعب السوداني |
هو هسي غير قروش البترول في حاجة مخليانة صامدين للآن ما اعلنا افلاسنا لانه لو ما عارف انتاج المصفى هو الوحيد البيوفر السيولة القاعدين ناكل ونشرب بيها ما سالت نفسك بغباء حتى الدولة قاعدة تمشي امورها كيف في ظل شح السيولة الحاصلة في البلد .... بتلقى كاش وييييييين للامن والدفاع والمرتبات والتعليم والصحة وكل صرف في البلد دي
اها ده هسي ...
اما زمان يكفي كان جنيهنا بيساوي ايام البترول 3 جنيه مصري لدرجة المصريين والحبش والبنقالة والهنود سابو السعودية وجو اغتربوا عندنا وللآن ما مصدقين نحن الآن في قلب الانهيار الاقتصادي عشان كده حاتلين لحدي هسا
اها فكر في كلامي بنفس البساطة القلتها ليك بيها وما تخلي الثقافة الامريكية تغلبك بالتغلب وعاذرك لانك بعيد ومشوش نحن الهنا الله ويامين حتين فهمنا
| |
|
|
|
|
|
|
|
|
 Re: سرقة وتهريب ونهب اوقفوا التعدين الأهلي فو (Re: توفيق عيسى مكي)
|
السلام عليكم
التعدين الاهلى مفروض يكون فيهو حد ادنى من توفر شروط السلامه للفرد العامل فى التعدين وللبيئه وفيما يبدو دا مفقود الان .
الحكومه لو مستفيده من وضع خلاف دا كان منعت التعدين الاهلى - وحصرت تراخيص التعدين للشركات ممكن يدى فرصه اوسع لاستخراج معادن اخرى من مواقع التعدين حسب المسوحات الجيولوجيه - لكن الظاهر انو دا كدا معاها ميه الميه
| |
|
|
|
|
|
|
|
|
|
Re: سرقة وتهريب ونهب اوقفوا التعدين الأهلي فو (Re: Asim Ali)
|
Quote: اتفق معك أن الذهب ثروة قومية يجب الإشراف عليه بواسطة الدولة فقط من
حيث انتاجه وتصديره ..الخ ولا يجب تركه لنشاط التعدين الأهلي .
ال6تعدين الأهلى حاليا من أسباب الإضرار بالاقتصاد القومي إذ يتم تهريب |
لو كان الدولة بتشرف عليه وبتعمل رقابة صارمة من خلال تواجدها واستلام المنتج ما عندنا مشكلة اخي جعفر لكن غيابها المقصود ده سبب البلوى
| |
|
|
|
|
|
|
| |
توفيق عيسى مكي
النذير حجازي
Gaafar Ismail
Asim Ali
فيس بوك
تويتر
انستقرام
يوتيوب
بنتيريست