|
Re: العين لا تعلو على الحاجب (Re: علي محمد الفكي)
|
العين لا تعلو على الحاجب من الامثال المحبطه جداً وبتثبط الهمم وتقعد بيها المثل دا عاوز يقول انو مهما تعمل وتحاول تطور نفسك لن تستطيع ان تتجاوز الروزنامه الاجتماعيه الموضوع فيها انت مسبقاً فانت مكانك ثابت ومهما تسعى فالنظره لك هي نفسها كأنو المكانه بالوراثه وليست بالكسب الشخصي ودا خطأ كبير لانو ضد السعي للتحسين المستمر للافضل
| |
|
|
|
|
|
|
Re: العين لا تعلو على الحاجب (Re: علي محمد الفكي)
|
والمثل دا رغم بساطة كلماتو لكن لو اتعمقت فيهو بتلقى انو الكلمات اتصاغت بي عنايه عشان يرسخ ويوصل رسالتو السالبه حتى اذا استطعت ان تعمل على تطوير نفسك وتنجح كطفره تلقى المثل بطاردك ويرجعك المربع الاول ويقول ليك المكان الاتبوأتو ما خايل عليك وانو وجودك فيهو نشاز بمعنى انو ممكن ( ولله في خلقه شؤون ) انو يكون في حاله نادره زول عينو اعلا الحاجب لكن وجوده اعلا الحاجب بلا شك بكون منظر قبيح ومنفر لانو الناس ما الفتو ولانها اتعودت على منظر العين التحت الحاجب
| |
|
|
|
|
|
|
Re: العين لا تعلو على الحاجب (Re: علي محمد الفكي)
|
حتى شعراؤنا ساهموا في نشر الثقافه السلبيه للمثل دا فهنا عكير الدامر بقول ود بيت المحل ما تجر معاه موده وما تتغش بي رزقو الحجر ما انكده كل يوم الوضيع لي اصلو ياخذ رده مو زول ستره ود الايدو قاطعه المده
| |
|
|
|
|
|
|
Re: العين لا تعلو على الحاجب (Re: علي محمد الفكي)
|
والمثل دا وكلام عكير بتطابق مع قصة المرأة التي ربت جرو ذئب مع الغنم وكانت ترضعه الحليب وتطعمه العشب وعندما كبر افترس الاغنام فقالت قولتها الشهيره من انبأك انك ذئب فكانهم بقولو كل شيئ مهما تغير بيعود لي اصلو
| |
|
|
|
|
|
|
Re: العين لا تعلو على الحاجب (Re: علي محمد الفكي)
|
Quote: هذا المثل له علاقة بالاحترام وليس الطموح.
|
الاخ محمد الامين لك التحيه المثل يحمل كل الوجوه وانا هنا اردت ان اناقش الرساله السلبيه للمثل لانو بيستخدم ايضاً للتقليل من مكانة شخص اخر ورده عن التطاول والتطلع الى من هم اعلا منه مكانه حسب عرف المجتمع
| |
|
|
|
|
|
|
Re: العين لا تعلو على الحاجب (Re: علي محمد الفكي)
|
Quote: مرحبتين حبيبنا القصد من المثل هو توفر الاحترام لمن هو اكبر في السن وفي التجربة عدم التجاوز في الاحترام هو المقصود يا علي وليس قتل الطموح وتثبيطه ........ ودمتم |
حبيبنا عبد المنعم الزول الجميل الفايت الكبار والقدرو صباح البركات بقيت زي صاحبك استعنت بالعم قوقل وجبتهمدللولات المثل وكلها اتفقت تعني أن الناس طبقات ومن هم في طبقة العين وهي مهمة أنهم لا يقللون من أنفسهم ولكن يعلون على طبقة الحاجب الذي يعلوهم وتقال عند قصد نفي تهمة تخطي شخص أعلى بالمرتبة الوظيفية أوالاجتماعية. ففي قتل للطموح اكتر من انك تحدد لي مكاني الما بتجاوزو حتى الاحترام يا منعم انا ارى انه مكتسب وليس اصيل
| |
|
|
|
|
|
|
Re: العين لا تعلو على الحاجب (Re: علي محمد الفكي)
|
عشان اكون قريب من كلام اخوانا محمد الامين وعبد المنعم الطيب واحده من رسائل المثل انك ما تتطاول على من هم اعلى منك منزله ومكانه ولا تحاول التلبس بما هو ليس لك او الجلوس في غير مكانتك الاجتماعيه
| |
|
|
|
|
|
|
Re: العين لا تعلو على الحاجب (Re: Kamal Alalla)
|
Quote: أتفق مع الاخوان محمد الامين وعبد المنعم في ان المثل للاحترام واضيف للتواضع
|
كمال علا الله مرحب بيك نورت المنبر واتمنى لك طيب المقام اهو بنشوف مدلولات ايجابيه للمثل والحوار الغلب شيخو دا جاي من البيئه الصوفيه المليانه تواضع وتسامح وتصالح مع الذات لكن برضو شوف دا .. يعد لي 100 ويرجع لي تيه
| |
|
|
|
|
|
|
Re: العين لا تعلو على الحاجب (Re: وضاحة)
|
Quote: علوووي صباحو ❤️ علوووي دي مثل بشسع نعل كليب الواحد ما يسوي نعال كليب ويحاول يطاول
|
وضاحة الجميله ومستحيله بنت ملوك النيل الكوكب المنزه في علوه يسعد صباحك مثلك دا بقابلو في السوداني ما تشتري بي تعريفه بمعنى لا يساوي شيء كلٌ غلى صاحبه اينما يوجهه لا يأتي بخير
| |
|
|
|
|
|
|
Re: العين لا تعلو على الحاجب (Re: علي محمد الفكي)
|
الملكه وضاحه النجمه البعيده لكن مباالغه بشعث نعل كليب دا تشبيه بليغ بي حاله كده عارفه التطاول سببو شنو دايماً بكون عشان الوضيع يرفع خساسة نفسو ولو معنوياً يتطاول عشان يدخل معاهو النجوم في مخاصمه ويتشرف ويخت راسو بي راسن وهو قصير وصغير ويمشي يحكي قي مجالسو لكن هيهات يلقى كده فالكبار دايماً بترفعو ودي حاله مرضيه عند كل اصحاب مركب النقص والدونيه
| |
|
|
|
|
|
|
Re: العين لا تعلو على الحاجب (Re: علي محمد الفكي)
|
كررتيها كتير .. لو جاهله بيها بشرح ليك معناها .. في الأسلام .. حينما تقول "والسلام علي من أتبع الهدي" .. هذا يعنى أنك تخاطب غير مسلم ..
وفي المسيحية .. وعند المسحيين اللبنانيين .. عندما تقل لشخص "صباحو" ..يعنى أنه كافر بدين المسيح ..
وعلي مدي أيام أراك تكفرين في الناس .. !
بريمة
| |
|
|
|
|
|
|
Re: العين لا تعلو على الحاجب (Re: Arif Nashed)
|
Quote: ود الفكي انزيك التواضع عيبه شنو.. ما طار طير وارتفع إلا كما طار وقع..
|
عارف يا فنان كيفنك التواضع ضفة العظماء والكبار لانهم يعرفون قدر انفسهم رحم الله امرءً عرف قدر نفسه لكن هناك خلط لدينا بين التكبر والترفع التكبر صفه مذمومه لكن الترفع عن الوضيعين والصغار صفة مطلوبه والعاقل هو من يضع نفسه في مكانها الصحيح ولا ينزل الى قاع المتطاولين
| |
|
|
|
|
|
|
Re: العين لا تعلو على الحاجب (Re: Biraima M Adam)
|
علوووووي دا اقرب مثال لي العين لا تعلو علي الحاجب🤣🤣🤣🤣🤣 ثم ود الدكين دا الله يفضحوا كان في ازمة بتاعت ماء وصابون ولا شنو 😂😂😂 الواحد المفروض ينظف حتي يفكر يطاول🙈 خلينا العطور الزمن داك ما كان في ثقافة بتاعت عطور😂
| |
|
|
|
|
|
|
Re: العين لا تعلو على الحاجب (Re: Arif Nashed)
|
لا حول ولا قوة إلا بالله .. مرات الأنسان يستره رب العالمين .. يقوم براهو يفضح نفسه ..
لا شماته .. واحدة عمرها في ال 40 سنة .. وتبدو كطفلة ال سن 15
--------------
عشان كده نحن في السودان قاعدين نطهروا البنات ..
بريمة
| |
|
|
|
|
|
|
Re: العين لا تعلو على الحاجب (Re: Biraima M Adam)
|
لاحظوا مداخلتي دي جابت شنو؟
Quote: وبعدين الولد عامل فيها شاطر .. عايز يمرر الكلام ما بين السطور .. أنت فاكر هنا في البورد نحن جايين من جزر الواق واق ولا شنو؟ .. ألعب غيرها ..
بريمة |
الحديث عن ود الدكين والملكة ألزابيث .. وجابت الكـــلاب .. أنكشف الغطاء تماماً في بمداخلة واحدة.
تصدقوا المثال دا تحديداً في هذا البوست .. يخليني أري أن توحيد الثقافات السودانية في بوتقة واحدة مرات فيه حسنات كتيرة .. الناس ديل فيهم واحد جدته من الفايكنج .. ومتربي في كندا منذ الصغر .. ومركب مكنة الثقافة السودانية .. وين أت تلم الثقافة السودانية مع ثقافة الفاينكنج والكنديين، الشاريين كل الحاجات في سوق الملجة ..
بريمة
| |
|
|
|
|
|
|
Re: العين لا تعلو على الحاجب (Re: علي محمد الفكي)
|
Quote: ود الفكي وست الزوق والفهم وضاحة انزيكم.. إذا نطق السفيه فلا تجبه فخير من إجابته السكوت فإن كلمته فرجت عنه و إن خليته كمدا يموت الإمام الشافعي
|
عارف الفنان تحيات وتشكرات السخفاء والسفهاء ما عندنا ليهم وقت ولا مساحه تشغل تفكيرنا والاسفير دا مليان بالجيف والعاهات النست نفسها وافتكرت انو الكتوف اتلاحقت والنوعيه دي ما بنديها شرف ردنا وزي ما قال الشاعر لما خاطبه السفيه ذروه ما به وطباعَه فكل إناء بالذي فيه ينضح
| |
|
|
|
|
|
|
|