|
Re: ياحكومة السودان وشعبه يجب تكريم الامير تو (Re: محمد المسلمي)
|
في نهاية التسعينات كان سعر السيارة كريسيدا موديل 96 وهي اخر موديل كان 70 مليون جنيه. سوداني كان قيمة الجمرك للسيارة الواحدة مبلغ وقدره ثلاثون مليون وكانت البكاب هايلوكس هو وسيلة الناس في الركوب من راسمالية ومزرارعين وغيرهم من اهل السودان من ضمن هجرة الواثق عيسي مكي كوريا الجنوبية واستقر فيها وأسس الشركة مع شقيقه توفيق في السودان وقاموا بشحن سيارات كوريا للسودان ومن هنا كانت بداية الشهرة لجودة السيارات والمنتجات الكورية التي تفوقت علي الياباني واصبح قيمة الكرسيدا يجيب اكثر من ثلاثة او اربع سيارات في المنزل الواحد الاب وبقية الاسرة كلهم اصبحوا يقود ا سيارات حقيقية قوية قليلة الوقود
| |
|
|
|
|
|
|
Re: ياحكومة السودان وشعبه يجب تكريم الامير تو (Re: محمد المسلمي)
|
Quote: و الله اكان كدى ارفع القبعة للامير توفيق واخيه الواثق
تحياتي لكم |
الباشمهندس محمد الشيخ سلام يااخوي ولعلك بخير ومشكور للمشاركة توفيق والواثق عملوا الكثير من اجل الوطن ولكنهم لم يجدوا منه الا النكران وينبغي للدولة والشعب شكرهم علي جهدهم وعملهم الذي نشهد عليه
| |
|
|
|
|
|
|
Re: ياحكومة السودان وشعبه يجب تكريم الامير تو (Re: kamal omer)
|
شيخي المسلمي ذكرتني في التسعينات ونحن طلبه كنا في زيارة للبروفسور مدثر التنقاري في منزله بحي كوبر شمال سينما كوبر ... البروف كان رئيس مجلس أمناء هيئة رعاية الطالب المنتج وهو منظمه طلابيه تهتم بتشجيع الطالب للعمل في (Gap) يومه الدراسي ... وهو نظام معمول به في بلدان العالم المتقدم وقد كان لنا شرف تدشين هذه المنظمه والعمل من خلالها لخلق فرص وتشجيع طلاب كثُر ، للدخول في عالم العمل الحر المنتج لتخفيف أعباء خلقها تراجع الدعم بعد التفات الدوله لتطوير التعليم العالي وترك مهمة رعاية الطالب لجهات أخري... بغض النظر عن نجاحهها او فشلها في ذلك ... الجدير بذكره في هذه الزيارة لبروف تنقاري وجدناهـ داخل لتوهـ من زيارة لأقاربه يمتطي سيارة كوريه كانت ماركة TICO فالرجل كنا نعرف حبه للمارسيديس 123وفخره بها وتمجيدها وسرد سيرتها الذاتيه من لدن ذهابه للدراسات الماجستير والدكتوراه بألمانيا ومرافقتها له فما كان من أمين المنظمه حينها الدكتور علي مختار إلا أن غازله قادحاً في شكل مدح لسيارته الجديدهـ وأظن كل الظن ان وصفها بالترتارهـ ... فخذلنا الرجل بكيل المدح لمخطوبته الجديدهـ التيكو سرعتها وسهوله قيادتها (هايدروليك) واسبيرها الرخيص وتوفيرها إقتصادياً وأظن كان الجالون يكفي لتسعين كيلو غير الرسيرف... وهي مهمه في هذا الزمن المزدحم والغالي والكثير المشغوليات وحينها بداءت تنتشر العربات الكوريه بانواعها المختلفه وكان يتم إقتنائها كبديل إقتصادي للمناسبات الإجتماعيه والأسريه .. مع الإحتفاظ بالألماني والياباني للبرستيدج ... لكن ما أذكره كان المورد شركة جانديل أظنها الآن تحولت لشركة الأطلسي لتوريد السوبارو والديهاتسو والكور اليابانيات ... : : : : توفيق دا يا شيخ المسلمي ما عندنا ليهو حاجه ،،، زمنو كولو يشتم في ناس الضهاري والآن جاء يبحث عن ناس الضهاري لتقوية إنتماءهـ ودعمه للترشح للرئاسه مع التحيات لله الزاكيات .
| |
|
|
|
|
|
|
Re: ياحكومة السودان وشعبه يجب تكريم الامير تو (Re: Deng)
|
العجيب او الاعجب .. او العبقرية كيف اقنع الشعب السودانى او السودانيين بالعربات الكورية و كيف اسامة داؤد برضو اقنع الناس بالمستوبيشى .. .. و الا الحظ ساعدهم مع الظروف السائدة لكن يبقى الاقناع شطارة لا يملكها الا البعض شوف السودانيين طلعوا المازدا من السوق كيف ههههه ( مازدا الفاسدة) حتى اللعنة قالو تبعت المدرب مازدا .... و الاشارة جاى و لا جاى ؟؟ سودانى و خليك سودانى ههههههههههههه مودتى و تقديرى لكم جميعا ..و للحبيب المسلمى الامتنان و المحبة و اللهم صلى على كامل النور
| |
|
|
|
|
|
|
Re: ياحكومة السودان وشعبه يجب تكريم الامير تو (Re: محمد بدرالدين)
|
خلال عشرون عاما من العمل باخلاص نحو سوداننا الحبيب لأول مرة يقال لنا كلمة طيبة في حقنا انا وشقيقي الواثق ... فعلا نزلت مني دمعة حب وامتنان اولا لانها جات من اخ فاضل جميل عزيز خلال سنوات عمر عملنا في السيارات الكورية لم نسمع منه الا الكلام والفعل الطيب ليس هو فحسب ولكن كل قبيلة الكباشي حتى في احلك مشاغلاتي الخشنة في المنبر ده حبا وتادبا واحتراما يبتعدوا الا في القول الجميل لشخصنا .... ما دايرين تكريم كده بكلام الحبيب محمد اتكرمنا ما دايرين زيادة .... لكن املنا الناس تقيف معانا في العمل الهسي مقاتلين فيه وهو ادخال التقانة والحداثة والتكنلوجيا دفعلا لزيادة انتاجياتنا وخلق طفرة اقتصادية مبنية على الاستخدام الامثل لثورة المعلومات وربطها بالانتاج وزيادة صادراتنا وانفتاحنا للعالم تجاريا واقتصاديا هو ده التكريم لو حابين تكرمونا ... اخوي يا محمد من يومك اخوي انت والمرحوم وسيد وكل ابناء عمومتكم واهلكم بنشكرك كتير سيبك من دينق وود الباوقة ديل ما عندهم موضوع ههههه
| |
|
|
|
|
|
|
Re: ياحكومة السودان وشعبه يجب تكريم الامير تو (Re: محمد المسلمي)
|
الحبيب الشيخ محمد حمزة الحسين سلام ولعلك بخير وكيل الهونداي في السودان شركة البربري منذ قديم الزمان وهي وكيل حصري وتشمل العربات والآليات وقطع الغيار اما وكيل الدايو كان الشركة التجارية الوسطي وهي من ادخلت الامجاد بعد ناس توفيق والان الوكالة منهم انتقلت الي شركة دال عايز اوريك دور الأشقاء الواثق عيسي مكي وتوفيق فهم من روج للجودة الواثق هنا في كوريا وتوفيق في السودان وعمل الواثق شركة مكي العالمية وكان شعلة من النشاط يُستقبل السودانين ويقوم بالشراء لهم والشحن مع خدمات كثيرة وقد جذب اغلب السودانين واصبحت بواخر كاملة تشحن من شركة مكي واصبحت اسم كبير في كوريا وتم تكريم الواثق من قبل السلطات في كوريا اما توفيق فقد افتتح فرع للشركة في السودان واصبح المندوب والمسؤول عن المبيعات والترويج للجودة وقام بفتح مركز للصيانة واستورد اجود الاجهزة لدلك وكان شعلة من النشاط وكل من اراد السفر الي كوريا كان مكتب توفيق فاتح له من استشارة وعمل الفيزا الي اخره حتي ولو كنت تريد السفر الي جهة اخري غير مكي العالمية
| |
|
|
|
|
|
|
Re: ياحكومة السودان وشعبه يجب تكريم الامير تو (Re: محمد المسلمي)
|
ابوالنسب علي عبدالوهاب عثمان مسكاجروا وكيفك والاسرة الكريمة توفيق مثال لابن السودان البار لو الناس ختت الكورة واطة وبعدت عن التعصب السياسي
الزغلباني دينق ده. زبون رسمي للمجاهد ودالباوقة وبينهم كثير من السجال في حدود الاحترام الانساني الحقيقي
—- بالمناسبة دينق ده مرات زول كويس 😂😂
| |
|
|
|
|
|
|
Re: ياحكومة السودان وشعبه يجب تكريم الامير تو (Re: محمد المسلمي)
|
الحبيب محمد بدرالدين بمشاركتك فرحنا ولَك الود كله ..التاجر الشاطر هو من يستطيع إقناع الزبون ولكن نجاحه مشروط بجودة المنتج حتي يكون الإقناع الحقيقي وده كان اسلوب توفيق في إقناع عقلية السوداني الدي يفضل بوكس موديل 81 علي اخر موديل . وقد اصبح الكوري الان الملك في السودان
| |
|
|
|
|
|
|
Re: ياحكومة السودان وشعبه يجب تكريم الامير تو (Re: Deng)
|
توفيق عندي من الشخصيات المهمة جداً وله عندي معزَّة ومحبّة خاصة من غير معرفة. التحيّة للأمير توفيق وهو يثير دائماً القضية الأهم بالسودان وهي: مأزق ترييف المدن وأثره على الإقتصاد ونهضة السودان والتحيّة موصولة للشيخ المسلمي
| |
|
|
|
|
|
|
Re: ياحكومة السودان وشعبه يجب تكريم الامير تو (Re: توفيق عيسى مكي)
|
والله انا برضو، توفيق دا من الشخصيات التي أحبها جداً، وأتمنى أن ألتقيه في قهوة زي ستاربكس عندنا في أمريكا، فهو إنسان نقي وما بعرف النفاق والزيف، بس يختى لينا الإسلاميين ديل
بس يا ود المسلمي ما قلته عنه هو والواثق اخوهو بدل على أنهم تفاتيح، وقبضوا ثمن اجتهادهم، نكرمهم في حالة انو تبرعوا للوطن بهذه العربات، وهذا لم يحدث
| |
|
|
|
|
|
|
Re: ياحكومة السودان وشعبه يجب تكريم الامير تو (Re: النذير حجازي)
|
نفس الحب واكتر اخي النزير والحي بلاقي وكله مسطر ... بوستيك بتاع الاسئلة داك مالك زغت منه خفت علي من الرش والردم ولا شنو ... عادي ومتعود وما مزاجي بيجي الا بكلام زي ديل ...
Quote: وقبضوا ثمن اجتهادهم، |
فعلا قبضنا ثمن اجتهادنا اوريك كيف ؟؟ .. مثلا الاسبوع الفات ده عشان ما اصل من مدينة لمدينة من مدن سوداننا الحبيب اتضطريت اركب دفار بي ورا والدفار شاحن ابقار وحمير لمدة ساعتين وانا مريض غضروف اقل دقسة ثانية بس التيران يهرسوك وده كله عشان شنو عشان بقاتل قتال مر اكل عيش واثبت شغلي واضيف ليه معلومات مهمة للغاية عشرة سنين ما عندي عربية لمن قربت انسى السواقة برغم ياما اهدينا عربات كمية للناس لا قرش لا تعريفة وتاني الاتمان اديك فيهم مثل قريب برضو اتخيل منظري مرحلني قاضي من حراسة الدروشاب لحراسة الجيلي يوم الوقفة مضرة عشان اعيد في حراسة لا عنبر احد سجوننا الكبيرة البرحة وانا مقيد ومكبل بالجنازير مربط في بوضي البوكس ومعي كمية خراف للعيد غير مقيدة وحرة مجازا وتقريبا وتقريبا كل دقيقة تطلع فيني وتبعر وانا فاقد الحراك بامانة وانت امين اخوي النزير مش تمن استاهلوا ... هو ده مهر حبنا للبلد اهو كل يوم بندفعوا وراضين وسعيدين
| |
|
|
|
|
|
|
Re: ياحكومة السودان وشعبه يجب تكريم الامير تو (Re: Deng)
|
Quote: في رواج السيارات الكورية في السودان وقد كان لهم السبق في ذلك عبر شركتهم مكي العالمية |
تحياتي محمد المسلمي غايتوبالنسبة لي توفيق دا لو فتح ليه مصنع رولس رويس في السودان ، حيظل هو توفيق دقارات
Quote: توفيق مثال لابن السودان البار |
هههها أ لكن زودت العيار كثير جداً يا أبو حميد
ياخ أبن السودان البار يكون أكبر عنصري في البورد
بالطبع مع وافر التقدير لأخونا الواثق مكي
| |
|
|
|
|
|
|
Re: ياحكومة السودان وشعبه يجب تكريم الامير تو (Re: توفيق عيسى مكي)
|
الامير المضروب.
أنت زول عليمك ديون، وست العرقي لسه بتفتش فيك، قبل أن يتم تكريمك يجب أن تدفع للناس حقوقهم. لأن تكريمك ده لا يحل بالطريقة دي.
بعدين لك حق تدافع على اولاد المسلمي وتقول هم "خط أحمر" طالما في زول زي محمد المسلمي ده عاوز يكرمك لك حق.
محمد المسلمي
أختشي.
| |
|
|
|
|
|
|
Re: ياحكومة السودان وشعبه يجب تكريم الامير تو (Re: Deng)
|
Quote: لأن تكريمك ده لا يحل بالطريقة دي. |
قريبتك من سكرتها مغبية ما بتعرف تفرق بين الناس وامكن تكون وغالبا مسطولة سلسيون فعليك الله كلمها قول ليها مولانا ده بهتي ساااي خليتينا غلطنا معاه ... دايرة تضحكي الناس فينا 95% من الشعب السوداني عارفنه اتربي داخل اسر اﻹخوان المسلمين في ود البنا وفي بيت المال ال 24 ساعة في الجامع قول ليها كضبي لكن ما قدر ده يقوم يجيب ليك هوا يقفل ليك طرمبتك دي
| |
|
|
|
|
|
|
Re: ياحكومة السودان وشعبه يجب تكريم الامير تو (Re: توفيق عيسى مكي)
|
Quote: قول ليها مولانا ده بهتي ساااي خليتينا غلطنا معاه |
سلام يا توفيق، حيرتنا والله بكلامك دا، أنا كنت فاكر القاضي بتاع الدروشاب دخلك الحراسة في الجيلي لأنو قبضك سكران في يوم الوقفة، وأظن الناس دي كلها افتكرت كدا، حتى انا قلت لنفسي بالله شوفو توفيق دا تفتيحة كيف وما بسكر في الحلة، علشان كدا اختار الدروشاب لانو مافي زول بعرفك هناك. طيب ما وريتنا قاضي الدروشاب دخلك الحراسة في شنو؟!
| |
|
|
|
|
|
|
Re: ياحكومة السودان وشعبه يجب تكريم الامير تو (Re: Arif Nashed)
|
Quote: طيب ما وريتنا قاضي الدروشاب دخلك الحراسة في شنو؟! |
يعني عامل رايح ما عارف يا خسارة فيك ... وحكيت هنا في البورد قصتي امكن الف مرة بالتفصيل الملل وهي يا سيدي قدمت عرض لتمليك عربات لكل نقابات السودان بسعر 12 مليون في الوقت نفس الغربية بتملكها البنوك ب 36 مليون بقسط 250 الف زمن قسط البنك الف ونص في الشهر بزمن 18 شهر مقارنة بزمن البنوك 5 سنوات بمقدم 2 مليون زمن الناس بتدفع مقدم للبنك 18 مليون ممكن لو زول ما عارف يقول ده خيال لكن في وزارة المالية في اول اجتماع التزم الكوريين طرفي واصدقائي بتسليم هذه السيارات في المنطقة الحرة قري وتاتي لجنة للمعاينة ولن يتم الدفع الا من بعد اجتياز واخيار اللجنة للسيارات التي يريدون وكان الاجتماع ده محضور امنيا واقتصاديا العرض كان مقدم من من .. من اباطرة وملوك استيراد السيارات المستعملة من كوريا يعني ما كذب ناس وزارة المالية قالوا العرض ده حا يعمل خلل خصوصا في قطاع البنوك قلت ليهم انا قاصد كده عشان البنوك توجه تمويلها لتمويلات طويلة لمشاريع كبيرة اهو ده السبب الخلاهم يختوني مع المتهمين بقتل الصحفي محمد طه محمد احمد في زنازينهم شوية وكان روحوني معاهم السودان زي مافيه ناس راقية وواعية بس الاغلبية جزم وواطية ده من وجهة نظري بسبب لحدي قبل ساعة بنصدم في الناس
| |
|
|
|
|
|
|
Re: ياحكومة السودان وشعبه يجب تكريم الامير تو (Re: النذير حجازي)
|
Quote: اتربي داخل اسر اﻹخوان المسلمين في ود البنا وفي بيت المال ال 24 ساعة في الجامع قول ليها كضبي لكن ما قدر ده يقوم يجيب ليك هوا يقفل ليك طرمبتك دي |
وهل يوجد أفسد من الاخوان المسلمين على وجه الارض؟
بالله أمشي أدفع قروش العرقي الشربتوا ده وبطل زوغان.
الواحد فيكم حق الكباية ما عندوا وبرضوا بيمشي يكابس.
| |
|
|
|
|
|
|
Re: ياحكومة السودان وشعبه يجب تكريم الامير تو (Re: Deng)
|
Quote: أنت بتقول أنت تربية أخوان مسلمين.
عاوز الناس تساعدك كيف؟؟ |
اوكي نكون جادين شوية ... في الوقت داك كانت تربية الاخوان المسلمين تربية دينية بحتة ولا كنا بنعرف السياسة ولا بنتكلم فيها امكن ربما لسننا الصغيرة كان الاسبوع كله مقسم لبرامج مثلا الاثنين والخميس صيام والفطور في جامع ود البنا الاحد من بعد المغرب للعشاء تلاوة وتفسير الثلاثاء دروس في السيرة بعد صلاة العصر الخميس رياضة وكان كل اسبوعين تلاتة رحلة كانت حياة جميلة بالمناسبة ما كان شرط تكون منضم للتنظيم لتمارس هذه البرامج بل كانت مفتوحة لكل من زاملنا من جيلنا للاحياء بيت المال وود ارو والشفايعة والهجرة وكل ما حولنا عشان كده جيلنا في كل هذه المناطق بيتميز باخلاق رفيعة وفي الاغلب ملتزم جدا
| |
|
|
|
|
|
|
|