|
Re: حاتم ابراهيم (Re: اسماعيل عبد الله محمد)
|
Quote: اعمل استفتاء يا قباني في منبر بكري يرتد إليك البصر خاسئا" وهو حسير |
يا سمعة ياخ انا ألدي ان ايه حقي بيمنعني و الله ...
لا لمينا في عروبة لا لمينا في قيطان
نحلها كيف دي .:)
| |
|
|
|
|
|
|
Re: حاتم ابراهيم (Re: يحي قباني)
|
Quote: لا لمينا في عروبة لا لمينا في قيطان |
كان كده يا قباني امرق منها ... خلي الناس العندهم حديدة .. أي زول ما عندو حديدة يتخارج..
| |
|
|
|
|
|
|
Re: حاتم ابراهيم (Re: عبدالمنعم الطيب حسن)
|
ما اظن حاتم موقوف.
حاتم بذكرني صديق ليبي، عندو تصور عن السوداني باعتبارو عبارة مكتبة متحركة!!
حاتم كسب كبير لهذا الفضاء مقارنة بالدواعش الملو المنبر فوق لي اذلام نظام القتلة.
| |
|
|
|
|
|
|
Re: حاتم ابراهيم (Re: Haytham Ghaly)
|
التحية و التقدير لكم جميعا و لحبيبنا الشيخ على نعم نتمنى عودة حاتم .. و كل الاحباب بحضور الجميع يدور الترس و يزداد سرعته و يبلغ البورد غاياته و نسال الله ان يجمع شملنا دائما بالخير و للخير مودتى و تقديرى
| |
|
|
|
|
|
|
Re: حاتم ابراهيم (Re: علي دفع الله)
|
حاتم نجاض الفلول وصياد منتفخي الأوداج
خج المنبر خجتين (قبل الإيقاف وبعد الأيقاف ) وبعد كل خجة تتساقط كثير من أوراق التوت
في إنتظار الخجة الثالثة
| |
|
|
|
|
|
|
Re: حاتم ابراهيم (Re: Salah Zubeir)
|
البورد ملان بالناس فيهم الكوز والسلفي والشيوعي والامة والاتحادي والبعثي والمؤتمر السوداني والجمهوري الرماديين والمحايدين وكافة التيارات السياسية فيه المسلم والمسيحي والملحد فيه زول الكورة والموسيقى والفلسفة فيه الشاعر والاديب والممثل والمغني فيه ناس الونسة فيه ناس ضربو رمى وفيه اللواييق والعكاليت المكبشراتية فيه الاشباح وسط كل هذه المدارس في كتاااار بغيبو وتاثيرهم ما واضح وفي ناس بغيبو وتلقى الناس فاقداهم وفي واحدين قاعدين زول حاسي بيهم مافي
ظهر حاتم عمل جلبة في ناس ما متفقين معاه وفي ناس متفقين معاه وحتى الما متفقين معاه تحت تحت فاقدنو😂 يعني زول وضع بصمتو وبعمل حراك كبير عشان كدة فاقدنو
| |
|
|
|
|
|
|
Re: حاتم ابراهيم (Re: علي دفع الله)
|
كيفك أخ علي
مشكور ياخي الاتذكرتني والله الواحد رقبتو طالت و(احْمرَّت) وبقت زي رملة أم روابة من الفخر بمعزتكم أنا عندي شوية ترتيبات في أمور شخصية ومن الصعب (انغمس) في المنبر بيضيع زمن كتير جداً بلا فايدة، فقلت أدبر أعمالي أول بعدين اتفرغ.
مشكور وسأحاول المشاركة ما استطعت.
___ لكني سأعود بالطبع.
مرقوكم ذراري شايف.
| |
|
|
|
|
|
|
Re: حاتم ابراهيم (Re: سفيان بشير نابرى)
|
اسماعيل عبد الله محمد Arif Nashed Nasser Amin Bashasha أبوبكر عباس سفيان بشير نابرى عبدالمنعم الطيب حسن احمد حمودى Haytham Ghaly محمد بدرالدين عبدالعظيم عثمان
ياخي انتو ناس محترمين جداً واعتز بمعرفتكم الشكر لكم من قبل ومن بعد، سأعود بعد فترة لالتقيكم.
==========
هسع يا أبوبكر ختتك لبتاع المفاسي والمضارط دا جمبي عشان تتأكد من فعاليتي كملطف للجو قال يعني؟
غايتو في دي كلفتني شططاً ياخ!
==========
يا سفيان لوازم القصعة لمن تطلع في الراص كعبة خلاص. عجبني مثل لواحد قال: عض قلبي ولا تعض رغيفي.
| |
|
|
|
|
|
|
Re: حاتم ابراهيم (Re: MAHJOOP ALI)
|
حاتم ياتو ؟؟؟ حاتم بتاعنا دا !! حاتم ابراهيم دا ؟؟؟؟ مشتاقين ليهو ؟ معقول لكن يا جماعة ؟؟ حاتم دا بشتاقو ليهو .. انا من رايي تقولوا كلام غير دا ... معليش الواحد الشجاع يقول الصدق ويطلع النصيخة بدون اي لف ودوران ولا يحزنون .. يقيف ويقول الحقيقة مهما كانت غالية ونادرة عشان كدة انا حاقول الجد والنصيحة .. لاني بصراحة انتظرتو لاغاية ما يظهر في البوست دا عشان اديها ليهو في وشو وفي حضورو ايها النيس ...ما من وراهو وفي غيبو حاتم دا انا ما مشتاق ليهو ياخي دا الشوق البكتل داك زاتو....شوية كدة والواحد كان قال ليهو خدودك الشاربة من لون الشفق عند المغرب ولنفس الملحن (من ربوعى أحمل الشوق يا حمام) و... لهفة الشوق فى كلامك فى سلامك ياها عمايل وردي ومع ازدياد الاشواق اتذكرت المخلوق دا انا .. حاتم يعني وكانت (الست ) بتغني لحن بليغ حمدي بتقول (الشوق ..... وعمايلو) لان الست في الكلمتين ديل بس انتقلت من مقام (السيكا) ورجعت لـ (البياتي) لانها افضل من عبرت عن الشوق اذن .. الاشتياق كان وسيكون وسيظل لحاتم حتى بعد عودته وبكل المقامات الموسيقية وما تحمله من معاني وجمال لهذا الشخص الجميل
| |
|
|
|
|
|
|
Re: حاتم ابراهيم (Re: دفع الله ود الأصيل)
|
ما طالبني حليفة إفتقدتك كثيراً ... لكن عندي ملاحظة التلي ماتش بينك واليوزر نيم عبد العظيم عثمان شنو؟ بمجرد ظهور عبد العظيم إتوقعت أن تظهر إنت وقد كان وظهورك مقدمة لظهور عبد العظيم ... طبعاً يا حاتم ذكرت اكثر من مرهـ إنو ماعندي حساسيه مع الاشباح اي كان ولكني أتعامل مع منتوجهم الفكري ... وانت ماشاء الله مخزن من الفكر والفكرهـ . : : : : : مع التحيات لله الزاكيات
| |
|
|
|
|
|
|
Re: حاتم ابراهيم (Re: محمد حمزة الحسين)
|
Quote: هسع يا أبوبكر ختتك لبتاع المفاسي والمضارط دا جمبي عشان تتأكد من فعاليتي كملطف للجو قال يعني؟
غايتو في دي كلفتني شططاً ياخ!
|
بالفعل ... الان ايقنت ما يفتقده المنبر ...
المفردات المعرفية التي تستعصي على الشخص العادي ...
| |
|
|
|
|
|
|
|