|
Re: من هم صناع السوق الذين يحددون سعر الدولار (Re: عثمان علي)
|
Market makers "make" or set both the bid and the ask prices on their systems and display them publicly on their quote screens. They stand prepared to make transactions at these prices with their customers, who range from banks to retail forex traders. In doing this, market makers provide some liquidity to the market. As counterparties to each forex transaction in terms of pricing, market makers must take the opposite side of your trade. In other words, whenever you sell, they must buy from you, and vice versa.
في حالة الاقتصاد السوداني صانع السوق هو البنك المركزي و دي فيها اختلاف Conflict of Interest واضح في نوايا البنك المركزي السوداني في جمع الدولار و شراءها بسعر و بيعها بسعر اخر spread on USD/SDG . اغلب الدول البنوك المركزية بتحدد فقط سعر شراء و بيع الدولار للبنوك و الصرافات لكنها لا تتدخل مباشرة في شراء العملة من العملاء
| |
|
|
|
|
|
|
Re: من هم صناع السوق الذين يحددون سعر الدولار (Re: Sayed Bekab)
|
أخ ايمن .. الناس ديل ... مغرمين بالالفاظ البراقـة (حسن البنا ما عمل فينا خير) وجزء
من توجيهاته (بالمناسبة زيدت وأدخل فيها ما ليس لها) انه الاخ المسلم لازم يتكلم باللغة
الفصحى أو ما هو اقرب للفصحى ... من هنا جاءت حكاية التميز بــ الـــ .. تـقـعــر ... في
الكلمات ولو حللتها تجدها لا تحدث أي فرق .. اكثر من (القشرة بالالفاظ)
لما تسمع لفظ (صناع السوق) تشعر بأنه كأنه هناك من (يصـنـع) شيئاً وينتجــه لك فتناله
قرير العين هانيهــا والحقيقة غير ذلك .. فلا يوجد انتاج لأي شئ أكثر من ... اتفاق .. اصحاب
المصلحة في سوق العملة من بنك مركزي واصحاب صرافات على (التراضي) على سعر
يمكن أن يكون (مجزياً) لحامل المسك أقصد حامل الدولار
شفت كيف وسؤال مباشر (انت حتديهم دولاراتك ؟؟؟
خليك حريص .. خليك سوداني
أو كما قالت الدعاية
أحمد الشايقي
| |
|
|
|
|
|
|
Re: من هم صناع السوق الذين يحددون سعر الدولار (Re: أيمن محمود)
|
صناع السوق مجموعة من "المحايدين" التابعين للحكومة او التجار الخوافين .. يقدروا ويقرروا سعر الدولار حسب "العرض والطلب" بتعليمات وسعر محدد من الحكومة .. ارجو انو كلامي الما واضح يكون واضح ..
هنا افراد الحكومة مفتكرين انفسهم بس هم الاذكياء .. بمعنى يكون بنك السودان هو القبلة لأصحاب العملات لأنو بنك السودان هو الوحيد الذي يملك السيولة "بعد تغيير العملة" بعد داك القبضة الأمنية وبدون رحمة ذي ما قال رئيس الوزراء ول وزير المالية ما عارف، المهم واحد فيهم .. يعني هو وقت قال كدا ما عارف كان متغمس ياتي دور .. دور الرئيس ول دور الوزير .. المهم هم بفتكروا بالطريقة دي حا يكونوا هم القبلة الوحيدة للعملة الصعبة، لأنو العملة اتغيرت والتجار ما عندهم كاش من العملة المحلية .. يعني التجار ذاتهم حا يجو شايليين دولاراتهم لي بنك السودان .. وكدا يا صديق ختوا يدهم على العملات، بعد دا ممكن يتحكموا في السعر على فكرة فقط يتحكموا في سعر الصرف لا غير .. يعني مافي دولار سعرو حا ينزل .. في حاجتين مؤكدتيين .. الأولى هم نفسهم حا يعجبهم الوضع وحا يستمر الدولار في الارتفاع حا يخافو البتاع يطير من يدهم لو حاولوا يخفضوا في السعر .. لأنو عندهم تجارب كبيرة خاصة مع المغترب .. الأمر المؤكد التاني هو: انو البعاتي اذكى منهم وحا يلقى طريق الدولار الاخدر .. وحا تبقى عليهم ميتتين .. لأنهم رفعو سعر الدولار .. والبعاتي قاعد وحا يرفعو اكثر منهم مهما كان سعرهم ..
عشان كدا انا بتوقع في حال ما سقط النظام خلال ستة شهور حا يحددوا سعر الدولار الجمركي ووقتها يكون الجنيه غرق نهائي في بحر الظلمات .. خليهم يجربوا .. اصلو ما في شيئ يعملوه بالدراسة .. كلها تجارب ..
.
| |
|
|
|
|
|
|
|