|
|
|
 Re: هل التصاق الكوز بالكوزة يعتبر تحرش ؟ (Re: صديق مهدى على)
|
واحد قاعد في البلد هو واولادو .. قاعدين
يتعشوا ومولعين لمبة الجاز .. ودخل عليهم
تيس من تيوس الزريبه حقتم .. عمك كورك
لي واحد من اولادو ... قوم يا العوض اربط
التيس دا ما يكشح لينا العشاء .. قام العوض
واريتو كان ماقام ... العوض من قومتو شات
اللمبه .. ولحقا عفصا لامن اتكسرت ... وطلع
بى رجلو في صحن العشاء ... والرجل التانيه
في بطن ابوه ... قام ابوه يكورك ... آاااااناس
التيس خلوه اربطو العوض دا ... ههههه ...
بتقبل الهدية يا شيخ صديق ... هههه ...
غايتو ما عندي مانع استلم الهدايا نيابة"
عنك من كل الجهات السياسية التي تخشي
هجاءك وليك علي أوردا في حسابك ...
والما بدفع تلخو ولا تأخذنك به رحمة ...
ياريت تشوف ليك بيتين تلاته ترش
بيهم صديقي علي دفع الله ابو شنب
مغناطيسي دا ...
هههههه ...
| |
 
|
|
|
|
|
|
|
|
Re: هل التصاق الكوز بالكوزة يعتبر تحرش ؟ (Re: كمال معتصم احمد السيد)
|
قرأت عن مايسمي (طهارة غاندي)
Quote: أخذ غاندي فيما بعد قرارًا بالتوقف عن ممارسة الجنس كي يصل إلى أقصى «درجات الطهارة»،
لكنه لم يكترث برأي زوجته «كاستوربا» ولم يُناقشها مُطلقًا بخصوص الأمر،
ثم شرع بعد ذلك في استخدام النساء، وبينهن فتيات قاصرات، كوسيلة لقياس قدرته على ضبط غرائزه،
فكان ينام عاريًا بجوارهن دون تلامُس ليتأكد من حصانته ضد الإثارة الجنسي |
!!!!
| |
|
|
|
|
|
|
|
|
|
Re: هل التصاق الكوز بالكوزة يعتبر تحرش ؟ (Re: كمال معتصم احمد السيد)
|
أخ كمال
ليس منا من هو كامل بلا عيوب
وليس من حقنا أن نحكم علي (سرائر) العباد
والدعوة لدين الله بال(الحكمة والموعظة الحسنة)
التراشق بالألفاظ - والتحدي بالكلمات - أو اٍفتضاح عيوب الآخرين ليس من الدين في شيْ
والسنة المطهرة - تقولها واضحة - والرسول مازال يكرر انه بعث (ميسرا)...
** حماية الدين ليس مخوّل بها (حزب أو طائفة) - والاٍسلام جاء مكملا لمكارم الأخلاق
والدعوة الي الله - هي سبيل الصابرين - الأتقياء - الحلماء - الأصفياء ... ماعدا ذلك
يمكن وضعه في أي خانة اٍلا (الاٍسلام) !!!
لك التحية
| |
|
|
|
|
|
|
|
|
|
Re: هل التصاق الكوز بالكوزة يعتبر تحرش ؟ (Re: كمال معتصم احمد السيد)
|
أخ كمال
يجب أن ننتبه أن في ظل تدفق المعلومات - تختلف وسائل العلاج
ما قالته وئام - يقوله الكثيرون من شباب وكهول بلادنا - وقد أصبح الأمر
ثقافة متجذرة لبعض الفئآت - الأمر يحتاج الي (العلم والحكمة) - الحوار ثم الحوار ثم الحوار
هو المنفذ الوحيد الي قلوب وعقول أي اٍنسان ...
** هي لم تجاهر به في شوارع الخرطوم - ولكنها جاهرت به في (صالة مغلقة) - أعدت خصيصا
للحوار - ولكن الوسائط هي ماجعلت من الحدث - رأيا عاما - بل وعالميا ...
** الردود المتشنجة - هي ماستصب الزيت علي النار -
** لاتغضب اٍن هي رفعت صوتها في حضرة شيخ كبير - فذلك يحدث يوميا في طرقاتنا وشوارعنا
ولكن لن يكون الرد بالسيف والوعيد -
** الأديان جائت بمنطق الحوار الهادئ - جاءت بالكلمة اللينة - جاءت بالحلم عند الغضب -- أليس هذا هو هدي النبوة
فوالله لولا ذلك المنطق الهادي والكلمات الطيبات -- لما وقر الاٍسلام في قلب بشر
(( ولو كنت فظّا غليظ القلب لأنفضوا من حولك ......أكمل الآية لتتحقق مقاصد الشرع
ولك التحية
| |
|
|
|
|
|
|
|
|
|
Re: هل التصاق الكوز بالكوزة يعتبر تحرش ؟ (Re: عمار قسم الله)
|
كمال معتصم احمد السيد
وئام شوقي ارجل وأشرف واطهر من كل رجالات الحركة الاسلامية قاطبة والزول الكبير
البتقول انها ما احترمته ده اساسا لا يستحق الاحترام.
بعدين مافي اي سبب يخليك تحشر البت دي هنا وتلوك سيرتها. أوعى تفتكر
انها هاملة وما عندها أهل ومعارف.
اذا عايز الموضوع يكون بالطريقة بتاعتك دي والنَّاس تعتدي على أعراض بعض وترمي
بنات الناس بالسوء فلا تلومن الا نفسك.
| |
|
|
|
|
|
|
|
|
Re: هل التصاق الكوز بالكوزة يعتبر تحرش ؟ (Re: كمال معتصم احمد السيد)
|
شهادتي لله 90% من الزملاء الذين ارتبطوا بزميلاتهم بعد التخرج كيزان مكونين بذلك أسر مزحومة بالمودة والطمأنينه...
وكان البعض يشجع الآخر بالأرتباط من الزميلات تحضرني قصة لزميل خريج الخرطوم وكان طويل وأخضر وأروش (اقصد سريع الحركة)
شجعه البعض للإرتباط بزميله خضراء فارعه فلم يستثيغ الأمر فضحك وقال يعني بعدين نجيب ولاد يشبهو أكواج 
أكواج دا خفير بدار اتحاد KUSU طبعاً ما بضحك في النكته الا الزول البعرف أكواج.
:
:
:
:
:
مع التحيات لله الزاكيات
| |
|
|
|
|
|
|
|
|
|
Re: هل التصاق الكوز بالكوزة يعتبر تحرش ؟ (Re: محمد حمزة الحسين)
|
المدعو كمال مين كده ما عارف
احسن تبطل تخوض في أعراض الناس وإلا تحول هذا المنبر لمكان لعرض الصور
وكتابة اسماء من هم ليسو أعضاء هنا.
عموما سلوكك المريض هذا يعبر بدقة عن مدى ضحالة تفكيرك.
بعدين الصورة الجبت رابطها دي لا تعني اي شي وتظل وئام شوقي اشرف واشجع
منك شخصيا.
| |
|
|
|
|
|
|
|
|
|
Re: هل التصاق الكوز بالكوزة يعتبر تحرش ؟ (Re: كمال معتصم احمد السيد)
|
ديوث يعني شنو؟
وملعونين عند الله تعالى كيف يعني؟
خلاص غلبك الكلام بديت تستخدم خرافات الكتب الصفراء؟
أسلوبك عاجز جدا بالمناسبة وخدعة ترضاه لأختك وبنتك دي خدعة ساذجة لا يستخدمها
سوى التافهين من الناس.
هسه انت ده عملت شنو في قضية أستاذ القانون البتحرش بالطالبات؟ موقفك كان شنو؟
ولا النوع داك من التحرش من النوع البترضاه لأختك وبنتك؟
ثم افرض يعني واحدة بتتصور وجا زول تافه اتلصق فيها.. هل دي مشكلتها هي؟
إذن انت من النوع اللي لو استنجدتك واحده في باص وللا في سوق بتقوم طوالي تحملها هي
المسؤولية وتلومها وتجبن عن نصرتها ومواجهة المتحرش.
انا غايتو رايي انك تحترم سنك وشيبتك وتبطل في البتسو فيهو ده.
| |
|
|
|
|
|
|
|
|
|
Re: هل التصاق الكوز بالكوزة يعتبر تحرش ؟ (Re: سيف النصر محي الدين)
|
| Quote: قوم لف لفاك قطر يا ابله |
هههههه زعلتا في شنو يا المبروك ...
| Quote: صلاح الزبير رايك شنو فى حنة بدرية سليمان القانونية الكوزة طبعا دى كل الناس شافوها هههها |
بدرية دي يا صديق المهدي ساهمت في
إصدار قوانين سبتمبر ١٩٨٣ ... يعني الزمن
داك يكون عمرا ٣٥ لي ٤٠ سنه ... يعني هسع
بالميت عمرا ٧٠+ سنة ... البوديني اعاين لي
حنتا شنو وعشان شنو ... أوعي تقول لي
عايز تقضي منها وطرا" ... هههه
بالجد كدا يلفك ود المدير بي منفله ...
| |
|
|
|
|
|
|
|
|
|
Re: هل التصاق الكوز بالكوزة يعتبر تحرش ؟ (Re: Salah Zubeir)
|
الأخ - كمال معتصم احمد السيد -
تحية
الداعية والمبشر - أو صاحب رسالة تغيير وإصلاح مفترض أن يجادل بالحسني ويتحلي برحابة الصدر وسعة الأفق - وحسن الإسلوب والقدرة علي الإقناع وتقبل الرأي الآخر والمختلف
( غير مسلم - والشيعي والصوفي والملحد والعلماني ) والآخر - الحاد والذي ينتهج إسلوب وقاموس تراه خاطئيا !
* صاحب الرسالة والداعية - مفترض يرسي نموذجا من السماحة والتسامح والتعائش وينأي عن الفظاظة والجلافة والتجريح وإصدار الأحكام الأخلاقية والدينية القاسية و الإقصائية !
وإحتكار الحقيقة والمعرفة الدينية - أو إحتكار الغيرة علي الدين !
* داعية هذا شإنه ينفر ولايجذب - يرسي نموذجا متطرف ومتشدد ومنكفي !
* بعض الصوفية وإن إختلفنا مع فكرتهم إلا أنهم يتسمون بالتسامح والتعائش ونظافة
اللسان وحسن التعامل !
إنتهي كلامي العام
أرجو أن تتعامل بصورة أفضل مع المختلف والمغائر وألاتطعن في أخلاق وسيرة الآخر أو تجرحه وتسئ إليه !
..
| |
|
|
|
|
|
|
|
|
|
Re: هل التصاق الكوز بالكوزة يعتبر تحرش ؟ (Re: صديق مهدى على)
|
[} يجازي محنك باشمهندس صديق
أگان فريت لي البسمة فوق شلاليفي
و أنا أصلي ما بعرف أضحك؛ وجل ضحگي
(تگشما). عمومن حأحگي ليك واحدة بطلا
واحد زقزوقي( نسبة لأولاد الزقازيق)، كما
سماها واحد (فگي مفترس). و ربما أكون
تطرقت إليها في ( مطبات نواعم ).
[} فديل اتنين گيزان و لا غيرم، بصراحة
ماني عارف، لگن زملاء الروح ما تروح، و طوالي
لاصقين الحنك في الحنك بس(قدة في مخلوفة).
ففي يوم عزما قال ليها أرح معاي الشقة نذاگر سوا
لامتحان باكر. و نصيحة لله ، الزول كان بريء براءة
الذئب. و لكن (بعد لكن طوالي يأتي شيطان التفاصيل).
[} ففضلو مساهرين يذاكرو لي تلت الليل الأخير . فلامن
خلاس النعاس داهم جفونم، تذگر إنو السرير واحد فقام
جاب المخدات قسم بيهن السرير بالطول ؛ و فسح ليها
المجال تنوم على شق ، و راح يغط في نوم قرير العين
هانئها على الشق التاني، بعد أن باعد تمامن بين(بيضتها)
و (حجره). أما هي فلم تذق للنوم طعما ، حيث أمضت
ليلتها تلك تتقلب مع القمراء (متل السنسنة الحمرا).
[} أها لامن مشو للجامعة في الصباح الباگر، وصلو
متأخرين و لقو البوابة مقفولة. فقام اقترح عليها
إنهم يطفرو الحيطة. و لكنها سخرت منه و قالت:
"تعال إتا ياخوي كان غالبگ الليل دا گلو تطفر
ليك شوية مخدات دلاقين،و جاي هسي تعبر
ليك حائط أعلى و أعوص من خط بارليف؟!".
فبالله عليگ ، شايف جنس گيف؟!
| |
|
|
|
|
|
|
|
|
|
Re: هل التصاق الكوز بالكوزة يعتبر تحرش ؟ (Re: دفع الله ود الأصيل)
|
الزول اب دقن ده قال انو الديوث من الملعونين من الله!
انا في الاول لما شفت الدقينة صدقت كلامه لكن بعد شوية قلبي اكلني مشيت
فتشت قدر ما فتشت اصلو ما لقيت دليل على اللعن القال عليهو ده. وكلمة ديوث
جاءت في حديث واحد وهو ليس في الصحيحين وفيه ان ثلاثة لا يدخلون الجنة
ولا ينظر الله اليهم فيهم مدمن الخمر والرجلة من النساء والديوث. الغريبة في الحديث
جاء ان الصحابة قالوا للنبي مدمن الخمر ده معروف لكن الديوث ده شنو! وكأن من وضع
الحديث تكلف في ابتكار هذه الكلمة الغريبة التي اصبح أمثال مين كده احمد السيد
يهددون بها الناس.
المهم الزول ده افترى على الله الكذب وادعى ان الله يلعن من اسماه بالديوث مع انو مافي حاجة زي دي أبدا.
| |
|
|
|
|
|
|
|
|
|
Re: هل التصاق الكوز بالكوزة يعتبر تحرش ؟ (Re: كمال معتصم احمد السيد)
|
من المؤكد ان هنالك فرق وإلا لذكرها راوي الحديث.
وما يدريك فربما يكون اللعن أبديا وعدم دخول الجنة مؤقتا او العكس، المهم ان اللعن
لم يرد في النص وانت من اتيت به وتقولت على الله بكلام لم يقله ولَم يجريه على لسان
نبيه والآن وبدلا عن التوبة لله لا زلت تكابر وتماري.
طبعا ده بالاضافة لرميك الناس في اعراضهم واتهامهم في اخلاقهم.
| |
|
|
|
|
|
|
|
|
|
Re: هل التصاق الكوز بالكوزة يعتبر تحرش ؟ (Re: منتصر عبد الباسط)
|
التحية للجميع واختص \ كمال .
اذا كان التلصق ده شايف ما فيه حاجة
طيب انت شايف الاخوات المسلمات البمشن من غير
علم ذويهم لي رجال زي داعش ويجن باطفال ما معروف
ابوهم منو ما شايف فيها حاجة ؟ ولا خلاص بقت كشف
الحال حقكم فقط في وئام ؟
غايتو يا كمال كما تدينو تدانو احسن ليك سيب الخوض
في العروض .
| |
|
|
|
|
|
|
|
|
|
Re: هل التصاق الكوز بالكوزة يعتبر تحرش ؟ (Re: منتصر عبد الباسط)
|
نلاحظ أن الشاب ليس خلف وئام بل بجانبها الأيسروأنها رغم أنها مدت يدها يسارا تجاه الشاب
رغم ذلك مال يمينا ليظهر في الصورة ولو كان خلفها مباشرة لما احتاج للميلان يمينا ولا يسارا ليظهر
ونحن نتعامل مع صورة مسطحة ذات بعدين تظهر الأشياء المتباعدة كأنها متقاربة
بحسب زاوية اللقطة ولكن الحكم هو أحجام الأشياء فنلاحظ كبر حجم رأس الشاب وجسمه بالنسبة
لرأس وجسم وئام مما يدل على اختلاف في المكان فكلما كبر الحجم دل على قرب الجسم من المصور
وكلما صغر دل على أنه بعيد.
| |
|
|
|
|
|
|
|
|
|
Re: هل التصاق الكوز بالكوزة يعتبر تحرش ؟ (Re: منتصر عبد الباسط)
|
شكرا الحبيب منتصر على تحليل الصورة ..
إن صح ما تقوله إذن فإن الأستاذة داليا ألياس في المقتبس المنسوب لها أدناه لم تبكت الفتاة وتسيء لها فحسب بل اسهمت في تضليل القراء أيضا .
Quote: | Quote: لكن الصورة أعلاه أرغمتنى على الكتابة….لأنو المبادئ لا تتجزأ…وسعادة الفتاة الخارقة الخرقت كل اخلاقيات التوقير والتهذيب وتجاهلت أوامر الله والدين الإسلامى وركزت فى التفاصيل البتوفر ليها الجو الحابة تعيش فيهو وبس …كانت مفروض تنتبه لى وقفتها وتحمى نفسها من شبهة التحرش البتشتكى منها وهى فرحانة بالصورة التاريخية العايزة تتصورها مع الزول البيجاهر بالمثلية عياناً بياناً ده!!! |
|
| |
|
|
|
|
|
|
| |
صديق مهدى على
علي دفع الله
سيف النصر محي الدين
Salah Zubeir
محمد البشرى الخضر
كمال معتصم احمد السيد
عمار قسم الله
محمد حمزة الحسين
كمال عباس
دفع الله ود الأصيل
محمد على طه الملك
جمال ود القوز
منتصر عبد الباسط
مني عمسيب
قسم الفضيل مضوي محمد
فيس بوك
تويتر
انستقرام
يوتيوب
بنتيريست