قبل ان أغوص في اعماق التفاصيل المره لهذا المقال وضح جلــياً لي إنه لن ينصلح الحال في هذا البلد مالم تنصلح النفوس المريضة لبعض قاادتنا والمسؤولين عندنا وان يتم شطف كمية السموم والحقد الموجودة داخلهم تجاه هذا المجتمع الذي اعطاهم المواقع المتواجدين فيها حاليا ومن المفروض ايضا ان يتم توزيع صكوك الزوق وكيفية التعامل وإحترام المواطن المسكين الذي يدفع دم قلبه في شكل ضرائب وجبايات لي يتم تجنيب امواله في شكل فارهات وعمارات سوامق وعيشة رغدة واستفزاز للاخر.....
ماقادني لي إجترار كل هذا الوجع المُر هو حكاية الدكتورة (جارة حسن حسين خليفة) التي تعمل طبيبة نائبة اخصائي طوارئ في المستشفي الوثيرة التي يمتلكها رجل المال والاعمال المعروف صاحب الجامعة وهي المستشفي المحببة لي المسؤولين الذين يصوبون وجهم شطر هذه المستشفي في نوع من العلاج البرستيج......
في يوم الجمعة الماضي عند المساء الساعة 11جاء وزير السجم المقصود وهو واحد من وزراء الصدمة الحقيقة الذي نأل ثقة الرئاسة وزوجتة المصون يتبعهم ابنهم لم يتحاوز عمره ثماني سنوات وشهرين يعاني من تسمم غذائي يتبعهم كمية من الحراس وللعلم كل هذه المليشة دخلت غرفة الانعاش مع ابن الوزير بسبب انو غرفة الاطفال كانت مليانة فتم تحوليهم الي الانعاش اتوماتيكلي ...... وبكل إحترام تحدثت اليهم دكتوره جاره انو من المفروض اتواجد مع المريض مرافقين لا اكثر نسبة لضيق الغرفة المعروفة عشان تقدر تشوف شغله علي هدؤ وتعرف تتعامل مع حالة المريض....
فجاة زئر فيها حرس الوزير بنوع من التنمر المخيف و كأنها عملت مصيبة كبري وبإستفزاز رد عليها الحرس انتي يا (بت) مابتعرفي القدامك دا منو (....)وبكل برود قالت ليهم م مشكلة ياجماعه هسي انا في موقف اعالج الولد المريض دا الموضوع مابحتاج اعرف البقية المتواجدين هما منو وشغالين شنو والمكان دي اصلا غرفة مقفولة مابستحمل كمية الناس الموجوده ممكن تقيفوا جم الباب عادي واصل حرس الوزير في التنمر قائل لها اسكتي واحسن تشوفي شغلك مكررا شوفي شغلك.... خرجت الدكتورة وجات عشان تستلم المريض ابنهم ذااتو..ولقت العدد زايد شخصين تاني قالت ليهم لو سمحتوا ممكن تخلوا لي مع المريض مرافقين بس,,,,,,
زجرها الحرس ورفع يدو عليها قائل ليها ممكن تخلي الكلام الفارغ دا وتصلحي التكييف دا.... ردت مزهولة التكييف دا عندو ناسو..انا دكتورة..وهل ممكن انتو تشتغلوا شغل م شغلكم وطبعا ياسادة ياكرام لكم ان كل هذه الشمطه والكلام الفارغ في وجود السيد واخيرا السيد الوزير تدخل بحنضل الكلام ومذيدا من الذلة والاهانة للدكتورة قائلة قال ليها لو م اسعفك المجال..م اسعفك المقال ي (بت)..... لاحظوا معاي فداحة الاسلوب وعدم المعرفة والزوق بعد عدم الاحترام والسخرية والملطشة رفض انا يناديها بوظيفتها الطبيعية يا ( دكتورة)
صمتت الدكتورة برهة وبنوع من الزعل وكسرت الخاطر ردت عليه ياسعادتك ماكنت سامع الحرس بتاعك هو البتكلم بطريقة ما كويسة معاي وانت برضو اهنتني واستفزيتني مش حرام الكلام دا ياخ وماصاح منكم اعتبروني اختكم او بتكم او اي بت سودانية مفروض تُحترم ......
وآخيرا ردت عليهم والدموع تجري في حدقات عيونه من كمية القهر لو سمحتوا انا دايرة اشوف شغلي في كمية من المرضي منتظرين في الصف افسحوا لي الطريق عشان اقدر اطلع... اكملت الدكتورة باقي الشفت تبعه تحت ضغط نفسي هاائل وترويع في مكان عملها بعد ان خلصت الاجراءات وحولت ابن الوزير للغرفة الفوق....
في صبيحة اليوم التاني ناداها اخصائي الطوارئ بالمستشفي طلب منها توضيح للحصل مع الوزير وبي توجيهات من السيد الوزير تم تدوين شكوي ضد الدكتورة للمستشفي في مدلولها انها لم تتعامل مع السيد الوزير بالطريقه المثلي وكانت الشكوي مكتوبة وموقعه ............
بعد ثلاثة ايام اتصل بيها اخصائي الطوارئ بالمستشفي وابلغها بانه قد تم انهاء خدمتها بالمستشفى بمعني تم فصلها بتوجيهات عليا !!!!!!!!
شعرت للصراحه بعد معرفة قرار الفصل بالغثيان والحنق واستغلال النفوذ بالنسبة للوزير وحق المسكينة يضيع وأكل عيشته يتقطع........خ !!!!! وشعرت بالحسرة وانا اتابع وزراء الغفلة يستعبدونا الشعب وكاننا لسنا من البشر يريدون ان يمشوا علي اجسادنا لمجرد انهم تولوا زمااام امورنا مثل ماحصل في منطقة بورما بالضبط!!!!
لماذا كل هذا الاستفزاز لهذا الشعب الكريم الطيب لمتين ح تكونوا في الانحطاط وقلة الحياة دي انتم تدعون باانكم سوف تنقذون حياتنا بحكومه الصدمة الحالية وانتم تبصمون علي انفسكم بانكم لايعلي عليكم ياتري هل الشعب السوداني يحس بالصدمة الحقيقة وكل يوم يرمي بكوادره المؤهلة في الشارع عشان خاطر وزير وللاسف كل ذنب الدكتورة انها لم تعرف السيد الوزير الهمام ...
وبي كدا يكون فتح الباب لكل المسؤولين علي تعود الشعب علي الممارسات اليوميه الهمجيه والمسكوت عنها ذات الطابع الاستغلالي والمحسوبية الصرفه لي اصحاب النفوذ امثال الوزير مهندس صفقة فصل الدكتورة وهو المنوط به العدل والحكمة بين الناس والمنتفعين والماجورين مثل رئيسها في العمل ولكن حصل العكس يمشي ظلما بين الناس...
كان من الممكن ان تنظرو للدول المتقدمه الحوليكم لتتعلموا كيفية التعامل بين الشعب والحكومه ولكن عمرو مستجدين النعم لم يتعلموا مالم ينصبوا مشانقهم للشعب الغلبان......
انا بضم صوتي لكل زول في قلبو ذرة وطنيه او حس بألم الموقف دا انُ نقيف مع دكتوره جاره ونقدر نوفر ليها ماتحتاجه ونعينه علي نكبات الزمان........
حسبي الله ونعم الوكيل....
صحيفة الاخبار
09-19-2018, 12:40 PM
MOHAMMED ELSHEIKH MOHAMMED ELSHEIKH
تاريخ التسجيل: 03-21-2008
مجموع المشاركات: 11838
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
زهير عثمان حمد
MOHAMMED ELSHEIKH
Deng
فيس بوك
تويتر
انستقرام
يوتيوب
بنتيريست