اللقطة فى الفيديو مقصود بها تقليد حركات وشكل جسم البطلة سرينا ويليامز السخرية منها وقد وجدت نقدا بإعتبارها عنصرية .. ولكن سرينا قالت ما هماها وما شايفها عنصرية وما أثرت فيها .. تعالت عليها !
09-15-2018, 04:20 PM
نادر الفضلى
نادر الفضلى
تاريخ التسجيل: 09-19-2006
مجموع المشاركات: 7022
عزيزنا الاخ نادر سلامات حقت كيم كيلايستر دي اسمها انشحاطة ابو لستك . بس برضو قمزت زيها وزي اي فراشة . ربنا يحفظ ويبارك . لكن عليك امان الله يا نادر لو الانشحاطة دي حصلت لي مريودة بت عابدين ما كان هسع تكون مشدودة بي شدادات في عنبر العظام والدنيا مقلوبة .
(عدل بواسطة Osman Musa on 09-16-2018, 07:55 PM) (عدل بواسطة Osman Musa on 09-16-2018, 08:39 PM)
09-16-2018, 08:37 PM
Osman Musa
Osman Musa
تاريخ التسجيل: 11-28-2006
مجموع المشاركات: 23082
لكن حقت سارينا اسمها انفلاخة . انفلاخة 280 درجة . بس الحمد لله هبت نحلة في كامل جمالها . بعد داك تعال شوف الكلام بقي كلام دكاترة . ولو كدي كان حيحصل كدي . قصص عجيبة . غايتو يا نادر يوم القيامة اي زول شجع للاستمرار في عمليات الختان الفرعوني حسابو حيكون صعب .
بت قولفن اصلها من قامت مكملة الظرافة في الملاعب .خجلت في الانشتاحة العالمية . خجلت وضحكت لامن مرقت الاسنان الياسمين . ضحكت خجل . عشان في حاجات ما كانت دايراها تظهر . لكن طبعا دي عراكات التنس .
يا اخ منتصر سلامات غايتو يا مناصر مره في مقابلة من المقابلات الغزالة ماريا شاربوفا قالت في التمارين بتخت يديها في الارض وتمشي ورجليها فوق . قالت بتعمل الحركة دي يوماتي صباح مساء وتلعب نط حبل 4 ساعات في اليوم وتمارين بطن . عشان كده مهما جات الانشتاحة ما بتفرق .
09-17-2018, 06:24 AM
Osman Musa
Osman Musa
تاريخ التسجيل: 11-28-2006
مجموع المشاركات: 23082
عزيزنا نادر الفضلي الرجل الملم والمتابع لما يحدث في بطن العالم الجميل وقعت الفراشة البرتقالية شاربوفا كتيرات من عاشقات اللعبة اتمننها . لكن طبعا مهما اتحرفنن الهبوط و القيام ما بكون بي نفس الحركة . اللاعب في السودان من وقعة عادية تلقاهو يسف النجيلة وبعد شوية يقلبوهو ليك في النقالة وجري علي المستشفي . يقع في النجيلة ويقوم كلو كدمات . السبب شنو يا استاذ نادر . وشاربوفا دي وناس سارينا ديل بياكلو ياتو ملاح ؟ اكيد شاربوفا دي لا ضاقت ملاح كرارة ولا تبش لا اقاشي بالشطة . هسع عليك الله دي سماحة ملاح كرارة ؟
09-18-2018, 09:26 AM
Osman Musa
Osman Musa
تاريخ التسجيل: 11-28-2006
مجموع المشاركات: 23082
كلهن رايعات وكلهن ادن المنافسات طعم . مره من المرات قاعد في سباق الخيل في اكوادوك نيويورك . كانت جمبي اسرة سعودية مهتمة بالسباقات في امريكا والامارات ولندن . جات سيرة التنس و سيرة اهتمام السعوديات العايشات في الخارج بالتنس . في الحتة دي يقيف الكلام .
09-19-2018, 03:25 PM
Osman Musa
Osman Musa
تاريخ التسجيل: 11-28-2006
مجموع المشاركات: 23082
شاعرنا العزيز اب ذر سلامات يا اب ذر لما النيل الازرق بي فجاتكن ديك يجنن ويطمح و ما ينفع فيه تراس ولا ردم والناس تجرجر السعية من قريب النيل و تتحزم . عارف معناتو شنو ؟ معناتو في اللحظات ديك ماريا ساربوفا قابضة الجو ومتسيطرة علي الملعب وكاسحة نفس كسحان الازرق . دافرة . لا تنفع قفف لا شوالات لا كراكة .
09-19-2018, 06:44 PM
نادر الفضلى
نادر الفضلى
تاريخ التسجيل: 09-19-2006
مجموع المشاركات: 7022
عزيزى عثمان فرق بين تربية ملاح الويكة وبين تربية الزبدة والمربة والميلكشيك اكل الويكة بسبب موتان الحيل وعدم نمو العضام ولا العضلات ... الصبيات ديل تمارنين ساى لعيبتنا ما بقدرو عليها .. هاك شوف سرينا بتتمرن كيف .. حتى الشتيح عاملة حسابه
09-20-2018, 07:52 AM
Osman Musa
Osman Musa
تاريخ التسجيل: 11-28-2006
مجموع المشاركات: 23082
امريكا عظيمة جد يا اخ نادر عظمة امريكا تبين في اي حاجة . اي حاجة . bill gates عمل ثروتو دي كلها بي عرقو بي الحلال . لا سرق سكر لا سماد . كلو بي العقل والاخلاص والشرف . وسارينا عمل اي حركة ممكن تتعمل في سبيل علو الرياضة وفي سبيل اسعاد الامة . وامريكا العظيمة وفرت الجو النضيف والاكل النضيف والحرية النضيفة . وكل الحاجات السمحة . ياخ عليك الله كمان جيب لينا غرفة تدريب شاربوفا ودولاب المضارب و البشاكير وغرفة التمارين . مع جزيل الشكر
09-20-2018, 03:34 PM
نادر الفضلى
نادر الفضلى
تاريخ التسجيل: 09-19-2006
مجموع المشاركات: 7022
عزيزى عثمان أمريكا أرض الطموحات والأمريكان دريم .. الروسية ماريا شاربوفا محترفة تنس تقيم بأمريكا بولاية فلوريدا عقبتنى أن طلعت من مدينة تامبا وهى تقيم فى ضواحيها خمسة دقائق بالعربية من موقع سكنى يعنى بمناسبة البوست دا كنت غشيتا وقلت ليها تابعى البوست ... هههههه ..
ومثلها أخريات آخرهن .. بطلة US Open 2018 اليابانية الهايتية نعومى أوساكا وايضا تقيم بفلوريدا إنتقلت من نيويورك
بنات وليامز سرينا وفينوس أيضا إنتقلتا منذ وقت مبكر للإقامة بفلوريدا
إختيار فلوريدا لم يكن مصادفة ليس فقط لأن الجو دافىء أو معتدل طوال العام أو لإنخفاض تكاليف المعيشة ولكن لأن ولاية فلوريدا لا تطبق ضرائب ولائية على الدخل .. فعندما تكسب إحداهن جائزة مالية بملايين الدولارات تفادى ضريبة الدخل الولائية يعنى توفير مبلع ضخم.
09-20-2018, 03:57 PM
نادر الفضلى
نادر الفضلى
تاريخ التسجيل: 09-19-2006
مجموع المشاركات: 7022
دا فيديو لتمارين ماريا شرابوفا .. تمارين حنان مقارنة بتمارين سرينا ويليامز
فيديو لنهائى ويمبلدون 2004 بين شرابوفا وسرينا ... أعتقد كان احسن مستوى لماريا شرابوفا ملطشت سرينا وهزمتها بإقتدار .. طبعا بنات ويليامز قبلها وبعدها ملطوشها ملطيش شديد خاصة سرينا
09-20-2018, 06:01 PM
Khalid Basheer
Khalid Basheer
تاريخ التسجيل: 04-14-2013
مجموع المشاركات: 381
عزيزنا الاخ خالد سلامات . نعم يا خالد انت جبت الخبر الاكيد عن انو البطانة اترشت . نعم . عمك ود الرضي لما قال : داير اشوفو غافل . كان قاصد شاربوفا . قصدها لحظة وقع منها البشكير في الدقيقة 23 . ودخل في المقطع الخامس لحظة وقعت
09-21-2018, 11:16 AM
Abd Alla Elhabib
Abd Alla Elhabib
تاريخ التسجيل: 12-09-2005
مجموع المشاركات: 3806
اخونا العزيز عبدالله الحبيب سلامات جد انت كتبت افصح واجمل ما كتب في المنابر . ( ود الرضي حياه الله في في الفردوس ) وطول عمرك يا اخينا عبدالله . يا عبدالله يا اخوي ملمة الحسناوات في ملاعب التنس اصبحت من الملمات المحضورة . كان شعراء كان رسامين كان معجبين بي احظة الوقعة و القمزة . ياخ تحياتي
09-22-2018, 12:37 PM
Osman Musa
Osman Musa
تاريخ التسجيل: 11-28-2006
مجموع المشاركات: 23082
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة