دينق بطل حسادة واترك التمعن في صور الفوتشوب والواتساب بكري ده على الطبيعة زول ناير وناصع ومرفهد ومفرفش لامن غلت انها السلطة والراحة ونعيم المنصب وخمول الرئاسة ياصاحب معتز زول شقاوة ، لكن اديهو سنتين في الرئاسة كان مايبقى ابيض من ترامب ده موضوع وموضوع البوست موضوع اخر والسؤال : هل لرئيس الوزراء سلطة مطلقة فوق او موازية لسلطة رئيس الجمهورية ام هو مجرد منصب تشريفي لايرينا من خلاله الا ما يرى الرئيس.
Quote: نفس الملامح لافرق بين هذا وذاك انها نفس عقلية الفساد والاستبداد طاعة مطلقة في حضرة صاحب الجلالة عمر البشير
ده فعلا المعنى العايزين نوصلوا الاختلافات الجسمانية والشكلية وحتى الذهنية غير مؤثرة في حالة اختيار رئيس مجلس الوزراء السوداني أو أعضاءه،. ليس لأن هذه الفروقات طفيفة وغير مؤثرة ولكن بسبب ان النظام ثابت وكل المتغيرات تخشى الثوابت وتعمل باوامرها ونواهيها..
09-11-2018, 01:42 PM
عمر التاج عمر التاج
تاريخ التسجيل: 02-08-2008
مجموع المشاركات: 3422
Quote: طيب الملامح دي ليه ما ظهرت في علي عثمان محمد طه؟؟
الزول ده أتحرق عديل كده.
ايام التمكين، على عثمان ده كان زي العروس في خدرها شكلا ومضمونا ولكن حلت عليه لعنة الترابي فاسود به المرض لكن عموما المسؤول لو داير تعرفوا مرطب ولا مدروش عاين ايدو من الساعد وفوق
09-11-2018, 03:44 PM
Frankly Frankly
تاريخ التسجيل: 02-05-2002
مجموع المشاركات: 35211
فرانكلي حبابك غايتو الخدرا ممكن تكون فعلا اشاعة متل الخضره ولكن العادية دي شوف عيني ما بطفي واحده قبل مايولع التانية وبعدين في زمتك ياشيخ فرانكلي عمك دا لما بقي نائب أمين ح ا ماجابها كبيره؟
وانت نسيت تقول ان بكري لص محترف يسرق المال العام كغيره من مسؤولي الدولة ومعتز لص تحت التمرين ونديه ٦ شهور في المنصب الجديد وحيبقى لص محترف صاحب قصور منيفة داخل وخارج السودان
09-11-2018, 07:13 PM
Deng Deng
تاريخ التسجيل: 11-28-2002
مجموع المشاركات: 52548
Quote: وانت نسيت تقول ان بكري لص محترف يسرق المال العام كغيره من مسؤولي الدولة ومعتز لص تحت التمرين ونديه ٦ شهور في المنصب الجديد وحيبقى لص محترف صاحب قصور منيفة داخل وخارج السودان
فعلا دي واحدة من أوجه المقارنة، ولكن ماننسي انه معتز كان في يده المال السائب وهو مال السدود، فقد كان مدير عدة إدارات في مؤسسة الإمبراطور اسامة الرجل الغامض الذي لايدري احد أين ذهب بمليارات السدود ولم يكن يناقشه احد او براجعه احد ولا حتى المراجع العام، وفي عهده أثري خدامه أمثال عبد العاطي هاشم وامتلكوا الشركات ولكن أفعال معتز لم تظهر بعد، ربما الراجل حريف أو حريص كما يقول البندر
09-12-2018, 06:42 PM
عمر التاج عمر التاج
تاريخ التسجيل: 02-08-2008
مجموع المشاركات: 3422
الفكرة يادينق في أوجه المقارنة بين سلطة رئيس الوزراء عندنا وفي الدول الراقية والسؤال المحوري هو هل يمكن لرئيس الوزراء أن يخالف رأي الرئيس دون أن يخشى على منصبه، ام سيكون مجرد أداة طيعة في يد الرئيس فإذا كان الخيار الثاني هو المتوفر حاليا فلاداعي لوجود رئيس وزراء في وجود نائبين ومساعدين يخدمون الرئيس وينفذون تعليماته.
09-12-2018, 07:41 PM
عمر التاج عمر التاج
تاريخ التسجيل: 02-08-2008
مجموع المشاركات: 3422
والغريبة في رجل بحجم رئيس وزراء مثل بكري يقيلَوه من منصب كبير لأنه فشل فيه و يعينوه في منصب أقل منه ويحلف زي الماحصل حاجة لذا ما استبعد يرجعوا معتز لمكتبه في السدود ويدور فيه عادي
09-12-2018, 09:10 PM
السنجك عثمان السنجك عثمان
تاريخ التسجيل: 11-28-2015
مجموع المشاركات: 837
اصلا هى ماساة تتعدد فصولها ووقع فيها الشعب السودانى والله لاخير فى بكرى ولا فى معتز كلهم اتو فى ظل غياب كامل للرؤيا اولا بكرى ده زول اصلا ما تحسبوهو فى حاجه وقعادو فى السلطه بس لانو زول قام ب مهمة كبيره جدا وخدمة للانقاذ بعد قيامو باعدام الضباط فى رمضان مع الهالك شمس الدين وابورياله والخنجر والدابى فلابد من مكافائته بمقعد دائم فى الحكومه اما هذا الدباب فاوتى به لانه من سلالة الاباطره المتاسلمين الذين ابتلى الله بهم شعب السودان فهو لايفهم فى السياسه ولا فى الدين يعنى هو لا فى العير ولا فى النفير كغيره من الفاسدين المتسلقين فسنرى العجب العجيب فى قادم الايام له
09-13-2018, 09:18 AM
عمر التاج عمر التاج
تاريخ التسجيل: 02-08-2008
مجموع المشاركات: 3422
سلامات يا السنجك بكرى ده اصلا ما جاء لشغل دا زول عسكري قح غاية فهمه اديني تعليمات واديك تعليمات وفي النهاية لا تخرج التعليمات من كونها مضيعة زمن وهدر للبطاقات، بكرى ده ثلاثة سنوات وما أنجز شئ غير زيارة مخازن السكر والدقيق وكذا بقية الطقمة عبد الرحيم وكبر والجاز والمتعافى وكل الطاقم القديم غير المتجدد لم يشهد لهم التاريخ إنجازا واحدا يخليهم في السلطة
09-15-2018, 09:45 PM
السنجك عثمان السنجك عثمان
تاريخ التسجيل: 11-28-2015
مجموع المشاركات: 837
معتز طارح نفسه الان كمفكر سياسي واقتصادي ولكنه وقع في محظور كبير بقبوله سلطتين لا يصح الجمع بينهما إلا في حكومة شمولية بحتة فهل يعقل أن يجمع وزير واحد وسلطة المال المطلق ورئاسة الجهاز الذي يراقبه ويحاسب في نفس الوقت؟ أظن أن هذه الخطوة تعني السير في نفس درب الفساد السائد.
09-16-2018, 09:19 PM
السنجك عثمان السنجك عثمان
تاريخ التسجيل: 11-28-2015
مجموع المشاركات: 837
أسوأ مافي حظ معتز يا اخ السنجك أن سلطته تحت سلطة البشير واخوته والنافذين من المؤتمر الوطني يعني هو مجرد عبد المأمور، وهذه النقطه فطن لها د. حمدوك ونأي بنفسه عن الحكومة الأسوأ من ذلك أن حكومة معتز الحالية، تبدو وكأنها أضعف من سابقتها، من حيث نوعية الكادر وتأهيله وقدرته على العمل، نعم هناك دكاترة وتكنوقراط في التشكيل الجديد، ولكنهم بدون خبرات ولا انجازات، وحتي الوزراء الذين ابقى عليهم. من الحكومة السابقة، يعتبرون الأضعف والأكثر انتهازية بين الوزراء.
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
عمر التاج
Deng
Frankly
السنجك عثمان
فيس بوك
تويتر
انستقرام
يوتيوب
بنتيريست