عايز أبقى شيوعي، بماذا تنصحون؟

نعى اليم ...... سودانيز اون لاين دوت كم تحتسب الزميل معاوية التوم محمد طه فى رحمه الله
الاستاذ معاوية التوم في ذمة الله
رابطة الاعلاميين بالسعودية تحتسب الاعلامي معاوية التوم محمد طه
منتديات سودانيزاونلاين    مكتبة الفساد    ابحث    اخبار و بيانات    مواضيع توثيقية    منبر الشعبية    اراء حرة و مقالات   
News and Press Releases    اتصل بنا    Articles and Views    English Forum    ناس الزقازيق   
مرحبا Guest
اخر زيارك لك: 12-12-2018, 08:18 AM الصفحة الرئيسية

المنبر العام
نسخة قابلة للطباعة من الموضوع   ارسل الموضوع لصديق   اقرا المشاركات فى شكل سلسلة « | »
اقرا احدث مداخلة فى هذا الموضوع »
07-09-2018, 10:58 AM

عمر التاج
<aعمر التاج
تاريخ التسجيل: 08-02-2008
مجموع المشاركات: 6953

للتواصل معنا

FaceBook
تويتر Twitter
YouTube


عايز أبقى شيوعي، بماذا تنصحون؟

    11:58 AM September, 07 2018

    سودانيز اون لاين
    عمر التاج-KHT
    مكتبتى
    رابط مختصر

    قبل عام تقريبا سألت صديقي الكوز: عايز أبقى كوز أعمل شنو؟
    قال لي : بتسف؟
    اجبته: لا والله ماحصل جربت الصعود ولا السجائر في حياتي،
    وبعدين مش حسن البنا بتاعكم قال الشاي زاتو ماتشربوه
    عشان مايكون عليه سلطان عليكم؟
    قال لي: بطل تنظير، انت مابتنفع معانا.
                   |Articles |News |مقالات |بيانات

07-09-2018, 11:07 AM

اسماعيل عبد الله محمد
<aاسماعيل عبد الله محمد
تاريخ التسجيل: 26-08-2007
مجموع المشاركات: 2991

للتواصل معنا

FaceBook
تويتر Twitter
YouTube


Re: عايز أبقى شيوعي، بماذا تنصحون؟ (Re: عمر التاج)

    إتصل بمعاوية عبيد الصايم ,,,
                   |Articles |News |مقالات |بيانات

07-09-2018, 11:17 AM

اخلاص عبدالرحمن المشرف
<aاخلاص عبدالرحمن المشرف
تاريخ التسجيل: 04-03-2014
مجموع المشاركات: 2123

للتواصل معنا

FaceBook
تويتر Twitter
YouTube


Re: عايز أبقى شيوعي، بماذا تنصحون؟ (Re: اسماعيل عبد الله محمد)

    السلام عليكم
    زي ما قال لك اسماعيل
                   |Articles |News |مقالات |بيانات

07-09-2018, 11:21 AM

Arif Nashed
<aArif Nashed
تاريخ التسجيل: 12-05-2014
مجموع المشاركات: 4507

للتواصل معنا

FaceBook
تويتر Twitter
YouTube


Re: عايز أبقى شيوعي، بماذا تنصحون؟ (Re: اخلاص عبدالرحمن المشرف)

    حضرنا ولم نجدكم
                   |Articles |News |مقالات |بيانات

07-09-2018, 11:23 AM

زهير عثمان حمد
<aزهير عثمان حمد
تاريخ التسجيل: 07-08-2006
مجموع المشاركات: 20399

للتواصل معنا

FaceBook
تويتر Twitter
YouTube


Re: عايز أبقى شيوعي، بماذا تنصحون؟ (Re: اخلاص عبدالرحمن المشرف)



    (دوما يبقي الخيار الفكري وليد ذاتك فقط وليس للاخرين دور حتي ولو كانوا سبب في خيارك الذي أتخذته )

    ونصحية أخ والله الدنيا حقت السودانيين جميلة بدون معتقدات فكرية أو عقائدية أو جهوية حتي انت قبيلتك شنو اعمل فيها ما فهم اي شيء عشان تستمع بحياتك
    وبعد دا انت حر
    مع تحياتي

                   |Articles |News |مقالات |بيانات

07-09-2018, 11:50 AM

امتثال عبدالله

تاريخ التسجيل: 15-05-2017
مجموع المشاركات: 1980

للتواصل معنا

FaceBook
تويتر Twitter
YouTube


Re: عايز أبقى شيوعي، بماذا تنصحون؟ (Re: زهير عثمان حمد)

    التاج
    اذا عاوز تبقى شيوعي ...ابقى اولا زي زعماؤهم الذين كانوا مفكرين وعباقرة يحملون هم الوطن ومشاكل الشعب فوق أعناقهم وتركوا ما يسئ الديانات فاكتسبوا حب الشعب واحترامهم...
    الشيوعيون عندهم اعظم مبدأ..الاشتراكية وإزالة الفوارق والطبقات بين الناس مش زي الحاصل الآن ناس عندهم القصور وناس بياكلوا من الكوشة ...
    مع فائق التقدير

    (عدل بواسطة امتثال عبدالله on 07-09-2018, 01:41 PM)

                   |Articles |News |مقالات |بيانات

09-09-2018, 09:43 AM

adil amin
<aadil amin
تاريخ التسجيل: 01-08-2002
مجموع المشاركات: 16680

للتواصل معنا

FaceBook
تويتر Twitter
YouTube


Re: عايز أبقى شيوعي، بماذا تنصحون؟ (Re: اسماعيل عبد الله محمد)

    تعمل الحاجات القالها الشاعر صلاح احمد ابراهيم دي

    Quote: مثقفو الخرطوم قهوة ونومة وسهرة وسكرة
                   |Articles |News |مقالات |بيانات

07-09-2018, 11:45 AM

Hani Arabi Mohamed
<aHani Arabi Mohamed
تاريخ التسجيل: 25-06-2005
مجموع المشاركات: 2178

للتواصل معنا

FaceBook
تويتر Twitter
YouTube


Re: عايز أبقى شيوعي، بماذا تنصحون؟ (Re: عمر التاج)

    السف المقصود هنا ليس له علاقة بالتبغ
    ولكنه للكوتات والمشاريع والميزانيات والمخصصات والمال العام.
                   |Articles |News |مقالات |بيانات

07-09-2018, 12:04 PM

Ali Alkanzi
<aAli Alkanzi
تاريخ التسجيل: 21-03-2017
مجموع المشاركات: 4744

للتواصل معنا

FaceBook
تويتر Twitter
YouTube


Re: عايز أبقى شيوعي، بماذا تنصحون؟ (Re: Hani Arabi Mohamed)

    اعمل لجزء سياسي في امريكا
    ومن هناك
    ليس لك خيار ألا ان تصبح شيوعيا من كوبا
                   |Articles |News |مقالات |بيانات

07-09-2018, 12:06 PM

اخلاص عبدالرحمن المشرف
<aاخلاص عبدالرحمن المشرف
تاريخ التسجيل: 04-03-2014
مجموع المشاركات: 2123

للتواصل معنا

FaceBook
تويتر Twitter
YouTube


Re: عايز أبقى شيوعي، بماذا تنصحون؟ (Re: Hani Arabi Mohamed)

    اسع يا استاذ التاج لو قلت ابوه كنت كوز والسف كما ذكر الاخ
    هاني هو البلع واللبع


                   |Articles |News |مقالات |بيانات

07-09-2018, 12:10 PM

عمر التاج
<aعمر التاج
تاريخ التسجيل: 08-02-2008
مجموع المشاركات: 6953

للتواصل معنا

FaceBook
تويتر Twitter
YouTube


Re: عايز أبقى شيوعي، بماذا تنصحون؟ (Re: Hani Arabi Mohamed)

    Quote:
    إتصل بمعاوية عبيد الصايم

    إسماعيل ازيك يا اخي
    مع بدايات الإنقاذ كان في واحد من قيادتهم بخطب في لقاء مع قيادات وسيطة،
    قام واحد سأله: ليه بتسمحو لي ناس فلان وفلان يشتغلون معاكم وانتو عارفين اصلهم وفصلهم.
    رد عليه القيادي: الجماعة ديل عارفين توجهاتهم، لكن بخدموا خط الإنقاذ اكتر منكم.
    السؤال ياسمعة: ليه انا الاتصل؟ مش مفترض هم يتصلوا؟
                   |Articles |News |مقالات |بيانات

07-09-2018, 12:38 PM

عمر التاج
<aعمر التاج
تاريخ التسجيل: 08-02-2008
مجموع المشاركات: 6953

للتواصل معنا

FaceBook
تويتر Twitter
YouTube


Re: عايز أبقى شيوعي، بماذا تنصحون؟ (Re: عمر التاج)

    مرحبا يا دكتورة،
    زي ماقال إسماعيل ردينا عليها، بس تعليقك الأخير أعجبني وسارد عليه بإعجاب اكثر
    Quote:
    اسع يا استاذ التاج لو قلت ابوه كنت كوز

    إيام اتفاقية نيفاشا وانا موظف جديد وزعوا علينا اتنين من اخوانا الجنوبيين، قالوا علموهم الشغل خلال يوم واحد، ريسنا زول زهجي جدا، جابهم لي وقال لي:
    -اليوم انت مفرغ للشباب ديل تعلمهم الشغل.
    درعهم فيني وانصرف من غير ما يوريني كيف اعلمهم وانا موظف جديد..
    المهم اجتهدت شي من الراس وشي من الكراس، ولما اليوم انتهى سقتهم ورجعتهم للريس.
    - اها أن شاء الله ولدنا استر معاكم ووراكم اي حاجة عايزنها.
    - والله كلمنا عن أي حاجة بس إلا الحاجة النحن بنفتش ليها قال مابعرفها.
    - اها والحاجة دي شنو؟
    - المأكلة، ما ورانا مكانها وين.
    .
    ..
    أها اسه الكيزان عارفين اي واحد انضم ليهم ما يفتش الا عن درب المأكلة،
    لكن الشيوعيين والمعارضة عموما مشكلتهم شنو؟
    اجاوب انا؟
    - أنها مشكلة الثقة..
                   |Articles |News |مقالات |بيانات

07-09-2018, 12:47 PM

اخلاص عبدالرحمن المشرف
<aاخلاص عبدالرحمن المشرف
تاريخ التسجيل: 04-03-2014
مجموع المشاركات: 2123

للتواصل معنا

FaceBook
تويتر Twitter
YouTube


Re: عايز أبقى شيوعي، بماذا تنصحون؟ (Re: عمر التاج)

    تعرف كتبت كوز ملعٍون وتاني قلت ما في داعي للعن
                   |Articles |News |مقالات |بيانات

07-09-2018, 12:49 PM

اخلاص عبدالرحمن المشرف
<aاخلاص عبدالرحمن المشرف
تاريخ التسجيل: 04-03-2014
مجموع المشاركات: 2123

للتواصل معنا

FaceBook
تويتر Twitter
YouTube


Re: عايز أبقى شيوعي، بماذا تنصحون؟ (Re: عمر التاج)

    تعرف كتبت كوز ملعٍون وتاني قلت ما في داعي للعن
                   |Articles |News |مقالات |بيانات

07-09-2018, 12:52 PM

اخلاص عبدالرحمن المشرف
<aاخلاص عبدالرحمن المشرف
تاريخ التسجيل: 04-03-2014
مجموع المشاركات: 2123

للتواصل معنا

FaceBook
تويتر Twitter
YouTube


Re: عايز أبقى شيوعي، بماذا تنصحون؟ (Re: اخلاص عبدالرحمن المشرف)

    ملعون دي كانت تبع ال quote
                   |Articles |News |مقالات |بيانات

07-09-2018, 12:51 PM

عمر التاج
<aعمر التاج
تاريخ التسجيل: 08-02-2008
مجموع المشاركات: 6953

للتواصل معنا

FaceBook
تويتر Twitter
YouTube


Re: عايز أبقى شيوعي، بماذا تنصحون؟ (Re: عمر التاج)

    مرحبا بالعارف بالله والوطن..
    Quote: حضرنا ولم نجدكم

    قاعدين والله ياعارف، بس ماتكون جيتنا وايدك فاضية
    على الأقل كان اتعاقبنا جيب معاك الاستمارة، وختها في البوست ده
    والله صحي، ما بتجيها اي عوجة، ارميها وخلي الما يملاها يتفرج.
    وللعلم ياصاحب، هذا الرفيق المستقبلي -اللي هو أنا - ما متعب نهائي
    ما بفكر في القيادة ولا القصر ولا المنشية، انا زول قواعد بس
    المهم الجماعة يقدروا يتحملوا النقد والانفتاح
    وبعد داك يسألونا من أي ثغرة أو قضية،
    و للأمانة والتاريخ: انا جربت كل الأحزاب والتنظيمات تقريبا
    وحتى الشيوعي كنت قريبا منه، لكن ما اتنظمت
    فقلت دي فرصة استغل سودانيز اونلاين اختم حياتي بالحزب الغامض ده.
    عليكم الله دي مش حاجة غريبة؟
    كونه الواحد يبدأ طفولته مع ناس سيدي وينهي شبابه مع ماركس
    والغرابة دي زاتا ما محفز للحزب بقبول هذه الأيادي البيضاء للمارد الأحمر؟

    (عدل بواسطة عمر التاج on 07-09-2018, 01:20 PM)

                   |Articles |News |مقالات |بيانات

07-09-2018, 12:52 PM

اسماعيل عبد الله محمد
<aاسماعيل عبد الله محمد
تاريخ التسجيل: 26-08-2007
مجموع المشاركات: 2991

للتواصل معنا

FaceBook
تويتر Twitter
YouTube


Re: عايز أبقى شيوعي، بماذا تنصحون؟ (Re: عمر التاج)

    Quote: السؤال ياسمعة: ليه انا الاتصل؟ مش مفترض هم يتصلوا؟

    يا ود التاج ده سؤال جدير بالتأمل والتفكر والتدبر..!
    لو عملت الأحزاب السياسية السودانية بهذا بمبدأ المبادرة والبحث عن الكادر الجديد و دعوته للإنضمام لاستفادت وأفادت ..
    لكن السائد في هذه التنظيمات تجنيد العضوية عن طريق الوراثة والشللية..
    معظم شيوعي اليوم تجدهم ورثوها من آبائهم أو إخوانهم الكبار..
    كثير من الناشطين المؤهلين ينشطون مستقلين ولا ينتمون لاحزاب سياسية ..
    السبب هو الاحتكار..
    يعني الشيوعي عندو ناس مسيطرين ولن يسمحوا بإدخال اي عنصر يخافون من حتمية اكتساحه للعضوية القديمة والكسولة التي لا يعني لها الإنتماء للحزب سوى البرستيج..يقول ليك (ده أحمر)..
                   |Articles |News |مقالات |بيانات

07-09-2018, 01:34 PM

عمر التاج
<aعمر التاج
تاريخ التسجيل: 08-02-2008
مجموع المشاركات: 6953

للتواصل معنا

FaceBook
تويتر Twitter
YouTube


Re: عايز أبقى شيوعي، بماذا تنصحون؟ (Re: اسماعيل عبد الله محمد)

    سلاماتي للحبيب زهير
    Quote: ونصحية أخ والله الدنيا حقت السودانيين جميلة بدون معتقدات فكرية أو عقائدية أو جهوية حتي انت قبيلتك شنو اعمل فيها ما فهم اي شيء عشان تستمع بحياتك
    وبعد دا انت حر

    نصيحتك بالدنيا ياحبيب، السودان ده كان أجمل لما كانوا الناس على السليقة، وقدر التحزب ألفي كان محدود في نخب بسيطة وبقية الشعب لا يعرب التحزب ولا التوجه الا عند التوجه لصناديق الاختراع.
    ولكن، واه من ولكن.. الحياة الآن أصبحت حزبية جهوية بحتة، وكل شئ أصبح خاضعا لنوع حزبك وجهة قدومك، النظام الحالي هو أكثر من رسخ الحزبية والهوية،
    وهو أكثر من استفاد منها، واتضح هذه الاستفادة جليا عندما ننظر لكثير من القيادات في الحزب الوطني وندرك انها كانت ضمن منظومات مخالفة أو معارضة لدرجة التسلح.
    فهلا استفادت الأحزاب المعارضة عموما من ألشارع العريض واستقطبت واستوعبت جماعات وأفراد- أو حتى كيزان - يدعمون خطها مستقبلا،
                   |Articles |News |مقالات |بيانات

07-09-2018, 01:44 PM

Arif Nashed
<aArif Nashed
تاريخ التسجيل: 12-05-2014
مجموع المشاركات: 4507

للتواصل معنا

FaceBook
تويتر Twitter
YouTube


Re: عايز أبقى شيوعي، بماذا تنصحون؟ (Re: عمر التاج)

    Quote: ما بفكر في القيادة ولا القصر ولا المنشية، انا زول قواعد بس المهم الجماعة يقدروا يتحملوا النقد والانفتاح


    اشتغل ناشط في الفيسبوك ولخ اليمين واليسار حتي الوسط زاتو ما تخليهو وتوصي بالكيزان والاسلامويين..
    سيد نفسك ما اسيادك..
                   |Articles |News |مقالات |بيانات

07-09-2018, 02:37 PM

عبدالعظيم عثمان
<aعبدالعظيم عثمان
تاريخ التسجيل: 29-06-2006
مجموع المشاركات: 5162

للتواصل معنا

FaceBook
تويتر Twitter
YouTube


Re: عايز أبقى شيوعي، بماذا تنصحون؟ (Re: Arif Nashed)

    يا زول مالك ومال القراية ام دق؟
    الناس الجوة عاوزين يطلعوا
    الأحزاب السياسية في السودان تجمعات جهوية ومناطقية، لا فيها تنظيم ولا فيها فكر ولا سياسة.. يافطات كبيرة خاوية من الفعل السياسي أو الثقافي أو التوعوي.. عشان كدا بالحرية وعدم التقيد بقيود باليه أكل وشرب عليها الدهر.. إذا عندنا أحزاب حقيقية باقي ليك كان الإنقاذ دي أكملت العشرة الأولى؟
                   |Articles |News |مقالات |بيانات

07-09-2018, 02:47 PM

اخلاص عبدالرحمن المشرف
<aاخلاص عبدالرحمن المشرف
تاريخ التسجيل: 04-03-2014
مجموع المشاركات: 2123

للتواصل معنا

FaceBook
تويتر Twitter
YouTube


Re: عايز أبقى شيوعي، بماذا تنصحون؟ (Re: عبدالعظيم عثمان)
                   |Articles |News |مقالات |بيانات

07-09-2018, 03:15 PM

عمر التاج
<aعمر التاج
تاريخ التسجيل: 08-02-2008
مجموع المشاركات: 6953

للتواصل معنا

FaceBook
تويتر Twitter
YouTube


Re: عايز أبقى شيوعي، بماذا تنصحون؟ (Re: اخلاص عبدالرحمن المشرف)

    امتثال ازيك وكيفنك
    ياربي تنظيرك ده ناتج من تنظيم ولا كيري زينا..
    Quote: اذا عاوز تبقى شيوعي ...ابقى اولا زي زعماؤهم الذين كانوا مفكرين وعباقرة يحملون هم الوطن ومشاكل الشعب فوق أعناقهم وتركوا ما يسئ الديانات فاكتسبوا حب الشعب واحترامهم...
    الشيوعيون عندهم اعظم مبدأ..الاشتراكية وإزالة الفوارق والطبقات بين الناس مش زي الحاصل الآن ناس عندهم القصور وناس بياكلوا من الكوشة

    زعماء الاحزاب-باستثناء الميرغني والبشير- للأسف الأسيف كلهم مفكرين ومقدرين، بدءا من الصادق المهدي وشيخ الهدية والترابي ونقد -عليهم الرحمة- وانتهاءا بغازي صلاح الدين ومنصور خالد، يبقى الوصول لمستوى القياده فكريا صعب، ولكن التفوق عليهم بالتخطيط والنشاط والإنجاز والأخلاق وارد ومتاح، وهذا ما أعد به أهل العروس.
    الاشتراكية المفرطة والراسمالية المؤذية أيضا سأكون في طرف نقيض منهما،
    وخير اموري في كل شئ سيكون اوسطها، بس ما زي وسطية الماسك العصا من النص، بالعكس العصا عندي للضرب فإذا أصابت شرا إزالته وكفت الوطن شره،
    وإذا أخطأت اعتذر ثم استغفر ثم تصحح خطأي.
                   |Articles |News |مقالات |بيانات

07-09-2018, 03:22 PM

عبدالحفيظ ابوسن
<aعبدالحفيظ ابوسن
تاريخ التسجيل: 24-06-2013
مجموع المشاركات: 20229

للتواصل معنا

FaceBook
تويتر Twitter
YouTube


Re: عايز أبقى شيوعي، بماذا تنصحون؟ (Re: عمر التاج)

    عمر
    وضيوفه
    كيفكم نعلكم طيبين
    وليه داير تبقا شيوعي ؟
                   |Articles |News |مقالات |بيانات

07-09-2018, 03:22 PM

عبدالحفيظ ابوسن
<aعبدالحفيظ ابوسن
تاريخ التسجيل: 24-06-2013
مجموع المشاركات: 20229

للتواصل معنا

FaceBook
تويتر Twitter
YouTube


Re: عايز أبقى شيوعي، بماذا تنصحون؟ (Re: عمر التاج)

    عمر
    وضيوفه
    كيفكم نعلكم طيبين
    وليه داير تبقا شيوعي ؟
                   |Articles |News |مقالات |بيانات

07-09-2018, 03:24 PM

Frankly
<aFrankly
تاريخ التسجيل: 05-02-2002
مجموع المشاركات: 35008

للتواصل معنا

FaceBook
تويتر Twitter
YouTube


Re: عايز أبقى شيوعي، بماذا تنصحون؟ (Re: عمر التاج)

    يا عمر السؤال المدخلي ح يكون:
    بتسِب؟
                   |Articles |News |مقالات |بيانات

07-09-2018, 03:28 PM

عمر التاج
<aعمر التاج
تاريخ التسجيل: 08-02-2008
مجموع المشاركات: 6953

للتواصل معنا

FaceBook
تويتر Twitter
YouTube


Re: عايز أبقى شيوعي، بماذا تنصحون؟ (Re: عمر التاج)

    هاني سلامات،
    Quote:
    السف المقصود هنا ليس له علاقة بالتبغ
    ولكنه للكوتات والمشاريع والميزانيات والمخصصات والمال العام.

    إذا سلمنا بالغرض الذي ينضم بسببه الآخرون للحزب الحاكم، ورغم ذلك يشهد الحزب توسعا وتمددا داخل الشعب، فما هو السبب الذي يجعل الناس ترغب في الانضمام لأحزاب المعارضة، أو بمعنى أصح ما هي المغريات التي تفتقدها الأحزاب وتجعلها لا تستوعب أعضاءا جدد لفترات طويلة؟
    اجيب مرة أخرى بأنها الثقة، وللثقة سأعود بمزيد من الايضاح.
                   |Articles |News |مقالات |بيانات

07-09-2018, 03:28 PM

Salah Zubeir
<aSalah Zubeir
تاريخ التسجيل: 17-08-2015
مجموع المشاركات: 2284

للتواصل معنا

FaceBook
تويتر Twitter
YouTube


Re: عايز أبقى شيوعي، بماذا تنصحون؟ (Re: Arif Nashed)

    يا عمر ياخي سلام ...
    ياخي من امس انا زايغ من بوست اخونا
    الصاوي خوفا" من الانزلاق ..
    يعني مصرين تلوموني مع الرفاق ...
    طيب يا عمر ردا" علي سؤالك بي سؤال
    لا اطلب إجابته ... فقط التفكر فيه ...
    وهل بالضرورة انتمي لي حزب سياسي
    عقدي زي (دين) الإسلام السياسي أو (دين)
    الماركسية الشيوعية ...
    ياخي الكارثتين ديل معظم دول العالم
    ما عدا السودان سابوهم ولفظوهم عشان
    كدا عبرو لي الإستقرار السياسي والإقتصادي
    وتصالحت وتعافت مجتمعاتهم ....
    ياخي فاقد الشيء لا يعطيه إذا الهدف
    هو التطور والتقدم علي المستوي الشخصي
    او علي مستوي البلد فالناس ديل بعيدين
    جدا" من اعطاءك ذلك .. والدليل أنظر
    لحالهم وأحوالهم ..
    بعدين ياخي مالك ومال القراية أم دق ...
    اتصور زي ما بيحصل في النكته بتاعت
    الداير يدخل الإسلام يطهروهو (بقطع
    الحشفه) وإذا ارتدا قتلوه (بقطع الراس)
    كذلك دخولك عند الجماعة ديل صعب جدا"
    ومؤكد خروجك منهم سوف يفقدك عذريتك ..
    يعني يا قالو حرامي يا خ...ل يا قواد ... إلخ.
    ياخوي خليك زي ما إنتا ...
                   |Articles |News |مقالات |بيانات

07-09-2018, 03:39 PM

عمر التاج
<aعمر التاج
تاريخ التسجيل: 08-02-2008
مجموع المشاركات: 6953

للتواصل معنا

FaceBook
تويتر Twitter
YouTube


Re: عايز أبقى شيوعي، بماذا تنصحون؟ (Re: Salah Zubeir)

    الكنزي حبابك يااخوي
    Quote:
    اعمل لجزء سياسي في امريكا
    ومن هناك
    ليس لك خيار ألا ان تصبح شيوعيا من كوبا

    اللجوء مو فينا ياكنزي، حتى الآن أنا خرجت من السودان بكامل رغبتي،
    و سأعود اليه بإذن الله مرفوع الرأس، ما خايف من إلا من الله،
    ويوم أن أشعر بأني متضايق في بلدي ومامتحمل البقاء فيه بجوطها،
    وسيكون ذلك وبالا على من ارغمني على هد السقف على وعليه..
    يا أخي أنا لا اسه مستغرب من واحدين شاعرين بالذل في بلدهم
    ومتعايشين مع الناس البتذلهم، على شنو ياخ؟
    لو اي مواطن مسك ليهو فرعون ومات بيهو،
    تفتكر البلد دي بيفضل فيها فرعون يذل الناس تاني؟
                   |Articles |News |مقالات |بيانات

07-09-2018, 04:11 PM

عمر التاج
<aعمر التاج
تاريخ التسجيل: 08-02-2008
مجموع المشاركات: 6953

للتواصل معنا

FaceBook
تويتر Twitter
YouTube


Re: عايز أبقى شيوعي، بماذا تنصحون؟ (Re: عمر التاج)

    Quote: ملعون دي كانت تبع ال quote

    الكوت بتاعك زاتو مافي يا إخلاص،
    ولكن اللعنة بتحل فعلا على الحي منهم والميت
    ولعنة الله فوق لعنة الشعب عليهم
    بما اكلوا من حق الشعب وفسدوا.
                   |Articles |News |مقالات |بيانات

07-09-2018, 04:27 PM

عمر التاج
<aعمر التاج
تاريخ التسجيل: 08-02-2008
مجموع المشاركات: 6953

للتواصل معنا

FaceBook
تويتر Twitter
YouTube


Re: عايز أبقى شيوعي، بماذا تنصحون؟ (Re: عمر التاج)

    عبد العظيم كيف الحال وماك طيب

    Quote: الناس الجوة عاوزين يطلعوا
    الأحزاب السياسية في السودان تجمعات جهوية ومناطقية، لا فيها تنظيم ولا فيها فكر ولا سياسة.. يافطات كبيرة خاوية من الفعل السياسي أو الثقافي أو التوعوي.. عشان كدا بالحرية وعدم التقيد بقيود باليه أكل وشرب عليها الدهر.. إذا عندنا أحزاب حقيقية باقي ليك كان الإنقاذ دي أكملت العشرة الأولى؟

    في حاجات كتيرة ياعظمة بنسمع عنها وبنكون عنها فكرة سماعية، ولكن إذا ما جربناها مابنعرف حقيقتها، عشان كده كنت ومازلت اشجع الشباب للانخراط في مختلف التنظيمات، الواحد ما حايخسر حاجة خاصة إذا كانت التنظيمات متصالحة مع الواقع وغير متطرفة الأفكار، كما أن الدخول في تنظيمات متنوعة كفيل باكسابك المهارات والتنوع الفكري والثقافي والسياسي المفيد.
    أها بعد تجرب بنفسك وتأخذ من كل حزب عصارة، ممكن تستقل وتنظر لكل قضية بحياد موجب، وعندها لاتؤثر فيك مواقف الحزب ذات الأغلبية أو الفرد الواحد، ستقف فقط مع الرأي الحق ثم تبحث عن أصحابه.
                   |Articles |News |مقالات |بيانات

07-09-2018, 04:41 PM

عمر التاج
<aعمر التاج
تاريخ التسجيل: 08-02-2008
مجموع المشاركات: 6953

للتواصل معنا

FaceBook
تويتر Twitter
YouTube


Re: عايز أبقى شيوعي، بماذا تنصحون؟ (Re: عمر التاج)

    اهلا وسهلا عبد الحفيظ، ومرحبا شيخ العرب
    Quote: وليه داير تبقا شيوعي ؟

    الفكر الشيوعي في رأي فكر تقدمي على مر العصور
    والنظريات الاشتراكية والماركسية عموما نظريات إنسانية راقية بتلائم الحياة الحرة الكريمة، هذا على مستوى الافكار اما في جانب التطبيق فالانتماء للفكرة والإيمان بها جدير بتطويرها وحسن ممارستها إذا توفرت الموضوعية اللازمة للممارسة.
    فكرة البوست عموما لا تقتصر على الانضمام أو التحزب للشيوعي، ولكنه تفكير مسموع عن آليات الاستقطاب وأسباب افتقار أحزاب المعارضة لها.
                   |Articles |News |مقالات |بيانات

08-09-2018, 05:42 AM

عمر التاج
<aعمر التاج
تاريخ التسجيل: 08-02-2008
مجموع المشاركات: 6953

للتواصل معنا

FaceBook
تويتر Twitter
YouTube


Re: عايز أبقى شيوعي، بماذا تنصحون؟ (Re: عمر التاج)

    سلامات ابو الفرانك
    Quote:
    يا عمر السؤال المدخلي ح يكون:
    بتسِب؟

    السب ده مش ياهو اللعن الاتجنبته الرفيقة إخلاص فوق
    ومش ياهو مرادف (تبا لك ولامثالك) بتاع شيخ مصطفي
    اتخيل لي ما حيكون اكعب من السف واللبع باقول هاني.
    بس السؤال البطرح نفسه هنا، هل السب وغيره من الاقوال السيئة
    هي السبب في أحجام الناس عن الانضمام للحزب،
    ومن زاوية أخرى، كم واحد غيري في سودانيز - معقل اليسار-
    أعلن عن رغبته أو انضمامه للحزب الشيوعي
    أو تتخيل انه انضم فعلا وما أعلن.
    الإجابة اتخيل لي حا تكون مأزومة
    وبتوضح مدي أزمة الثقة عند المعارضة عموما،
    وموضوع الثقة ده انا حا استهله بحادثة بسيطة
    حادثة تشبه
    عندما أعلن الترابي إبان فترة التمكين عن فتح تنظيم الحركة الاسلاميه
    واستيعاب أكثر من 60% من خارج الحركة الي داخل صفوف الحزب الجديد
    ال60% ديل ياهم الشايلين حزب المؤتمر الوطني الان
    و ركزوا تنظيم الدولة أكثر مما فعل الدبابون والسائحون وكل الأسماء الكانت لامعة
    في يوم ما من الماضي،.
                   |Articles |News |مقالات |بيانات

08-09-2018, 07:03 AM

محمد البشرى الخضر
<aمحمد البشرى الخضر
تاريخ التسجيل: 14-11-2006
مجموع المشاركات: 30857

للتواصل معنا

FaceBook
تويتر Twitter
YouTube


Re: عايز أبقى شيوعي، بماذا تنصحون؟ (Re: عمر التاج)

    هلا ود التاج
    شيوعي على اطلاقها كدا يبقى تنكرب و تقرا و تقرا و تقرا
    الكثير من ادبيات الشيوعية و النظريات و الفذلكات التاريخية و تفهم الحاصل شنو تماما في الديالكتيك و راس المال و علاقات الانتاج و الاشتراكية و الصراع الطبقي و دكتاتورية البلوريتاريا .. إلخ
    لا تخلّي ماركس لا انجلز لا داروين لا لينين و تاريخ الحزب الشيوعي السوفيتي و لحدي البروستريكا و الجلاسنوست ولماذا انهارت التجربة في بلدها و عند اسيادها - دي اهم شي
    و تمر على التاريخ و الثورة الثقافية الصينية و العشرين مليون روسي القرضم ستالين وغيرها وغيرها
    دا ان بقيت دار تبقى شيوعي مجيّه وفاهم! فترنا والله من شيوعية القشرة و التحشيش و الجنز الوسخان و الشعر المفلفل و حفظ غنيتين لمصطفى و تلاتة قصائد لمحجوب و حمّيد!

    أمّا إن كان محور سؤالك عن الشيوعي السوداني تحديدا يبقى تضيف للفوق ديل بياض عين و فدرة على اختلاق الاكاذيب بغرض اغتيال شخصية مخالفك وإن بقى اخوك ود امّك وأبوك!
    كدا تبقى شيوعي سوداني كامل الدسم :)
                   |Articles |News |مقالات |بيانات

08-09-2018, 07:25 AM

اخلاص عبدالرحمن المشرف
<aاخلاص عبدالرحمن المشرف
تاريخ التسجيل: 04-03-2014
مجموع المشاركات: 2123

للتواصل معنا

FaceBook
تويتر Twitter
YouTube


Re: عايز أبقى شيوعي، بماذا تنصحون؟ (Re: محمد البشرى الخضر)

    شكرآ ود البشرى
    والرجاء من الاستاذ عمر التاج مراعاة كتابة اسمي كما اكتبه
    اما الصفات التي لها حمولة فكرية ف ليست مما أحبذه ورجاء ان يوزن ما يكتب

    الاغتيال علي إطلاقه يخرج المرء من دائرة الانسانية ويخصم
    من رصيد أي حزب ف الجميع لديهم عقول ويفهمون
    التعديل لكتابة اسم ود البشرى صحيحآ

    (عدل بواسطة اخلاص عبدالرحمن المشرف on 08-09-2018, 07:31 AM)

                   |Articles |News |مقالات |بيانات

08-09-2018, 10:18 AM

علي الكرار هاشم
<aعلي الكرار هاشم
تاريخ التسجيل: 10-02-2007
مجموع المشاركات: 3699

للتواصل معنا

FaceBook
تويتر Twitter
YouTube


Re: عايز أبقى شيوعي، بماذا تنصحون؟ (Re: اخلاص عبدالرحمن المشرف)


    ما عندي ليك معلومه عن الشيوعيه لانها تقريبا حاجه كدا من الامس
    لكن طالما في مساحات تفكير
    حاول تفكر في جماعة شيخ الامين
    ناس مودرن وعصريين
    تحياتي
                   |Articles |News |مقالات |بيانات

08-09-2018, 11:01 AM

عمر التاج
<aعمر التاج
تاريخ التسجيل: 08-02-2008
مجموع المشاركات: 6953

للتواصل معنا

FaceBook
تويتر Twitter
YouTube


Re: عايز أبقى شيوعي، بماذا تنصحون؟ (Re: علي الكرار هاشم)

    مرحبا صديقي ود الزبير، وشكرا للرأي الصريح الفصيح
    Quote: وهل بالضرورة انتمي لي حزب سياسي
    عقدي زي (دين) الإسلام السياسي أو (دين)
    الماركسية الشيوعية ...
    ياخي الكارثتين ديل معظم دول العالم
    ما عدا السودان سابوهم ولفظوهم عشان
    كدا عبرو لي الإستقرار السياسي والإقتصادي
    وتصالحت وتعافت مجتمعاتهم ....
    ياخي فاقد الشيء لا يعطيه إذا الهدف
    هو التطور والتقدم علي المستوي الشخصي
    او علي مستوي البلد فالناس ديل بعيدين
    جدا" من اعطاءك ذلك .. والدليل أنظر
    لحالهم وأحوالهم ..
    بعدين ياخي مالك ومال القراية أم دق ...
    اتصور زي ما بيحصل في النكته بتاعت
    الداير يدخل الإسلام يطهروهو (بقطع
    الحشفه) وإذا ارتدا قتلوه (بقطع الراس)
    كذلك دخولك عند الجماعة ديل صعب جدا"
    ومؤكد خروجك منهم سوف يفقدك عذريتك ..
    يعني يا قالو حرامي يا خ...ل يا قواد ... إلخ.

    بالنسبة لسؤال الفقرة الأولى انا بعتقد بأهمية التنظيم سياسيا وثقافيا واجتماعيا،
    اغلب المبدعين قدروا يطوروا أنفسهم في إطار تنظيمي ثم انطلقوا للمحلية والعالمية، ومن ناحية النقيض إنما ياكل الذئب من الغنم القاضية.
    بالنسبة الشيوعية أكثر ما يشدني فيها مبادئ الاشتراكية والإنتاج، عندي احساس انو العالم لو طبقها تطبيق صحيح فالكل حايعيش في رفاهية، وستمنحي حسبة ال80-20 وستذوب الطبقات والفوارق وستتنزل جنة الله في الأرض، رغم اني لم حضر حقبة الاشتراكية الا اني قرأت عنها كحضارة إنسانية راسخة عندما كانت في أوجها، المعسكر الرأسمالي أيضا حقق نجاحات معتبرة بسبب إخفاق تجربة الاشتراكي لاحقا، وأخلاق اي تجربة إنسانية لاقت نجاحا إنما يكون بسبب التطبيق وليست الفكرة، عموما اتمنى ان أحقق بعض النجاح في تطوير الاشتراكية وتطبيقها ولو كان في إطاري الخاص.
                   |Articles |News |مقالات |بيانات

08-09-2018, 11:15 AM

عمر التاج
<aعمر التاج
تاريخ التسجيل: 08-02-2008
مجموع المشاركات: 6953

للتواصل معنا

FaceBook
تويتر Twitter
YouTube


Re: عايز أبقى شيوعي، بماذا تنصحون؟ (Re: عمر التاج)

    مرحب حبابك ود البشرى، وشكرا للقول الفصل
    Quote: شيوعي على اطلاقها كدا يبقى تنكرب و تقرا و تقرا و تقرا
    الكثير من ادبيات الشيوعية و النظريات و الفذلكات التاريخية و تفهم الحاصل شنو تماما في الديالكتيك و راس المال و علاقات الانتاج و الاشتراكية و الصراع الطبقي و دكتاتورية البلوريتاريا .. إلخ
    لا تخلّي ماركس لا انجلز لا داروين لا لينين و تاريخ الحزب الشيوعي السوفيتي و لحدي البروستريكا و الجلاسنوست ولماذا انهارت التجربة في بلدها و عند اسيادها - دي اهم شي
    و تمر على التاريخ و الثورة الثقافية الصينية و العشرين مليون روسي القرضم ستالين وغيرها وغيرها
    دا ان بقيت دار تبقى شيوعي مجيّه وفاهم! فترنا والله من شيوعية القشرة و التحشيش و الجنز الوسخان و الشعر المفلفل و حفظ غنيتين لمصطفى و تلاتة قصائد لمحجوب و حمّيد!

    أمّا إن كان محور سؤالك عن الشيوعي السوداني تحديدا يبقى تضيف للفوق ديل بياض عين و فدرة على اختلاق الاكاذيب بغرض اغتيال شخصية مخالفك وإن بقى اخوك ود امّك وأبوك!
    كدا تبقى شيوعي سوداني كامل الدسم :)

    القرابة دي ليك على انجضها تب، لا اخلي ماركسية لا رأسمالية لا جمهورية لا شيعية، جت بقراهن والخبطن في رويسي دا، باقي ما قاعد اقتنع بالقراية من مصدر واحد..
    بس القراية متل دي عايز التفرغ ليها بعد سنتين تلاته لي قدام، اسه شغال في المفيد، كمبيوتر وعلوم طبيعة وجغرافيا هههه، سنتين تلاتة وعندي مكتبة من غرفتين بكون فيها من زمن الثانوي العالي، ليك على وعلى الرفاق، اكبها كلها في دقنوسي دا واختم بي كتاب الله وارجى الموت.
    المظاهر والبرستيج ماني زولهن، أفضل اكون مثقف عادي وعنصر فذ قابل للدخول في أي تحالفات أو أفكار جديدة، عشان كده أفضل حزبي يكون عالمي وليس مجرد لافتة حضارية معلقة أو لباس مفصل على قبيلة أو قومية محددة.
                   |Articles |News |مقالات |بيانات

08-09-2018, 11:45 AM

عمر التاج
<aعمر التاج
تاريخ التسجيل: 08-02-2008
مجموع المشاركات: 6953

للتواصل معنا

FaceBook
تويتر Twitter
YouTube


Re: عايز أبقى شيوعي، بماذا تنصحون؟ (Re: عمر التاج)

    دكتوره إخلاص كيفنك، حسبتك منهم أو قريبة منهم وارجو العذر لظني الخاطئ وليس الاثم،
    وبالمناسبة، بعد أن انضم رسمي فسيتحول خطابي للأخوة والأخوات إلى الرفقاء والرفيقات غض النظر عن توجهاتهم واحزابهم،
    حبا فيهم ورغبة في تقريبهم و التقرب إليهم،
    الرفقة أمر طيب ومحبب اختي الكريمة،
    وسيكون وعدا على أن أبدأ بك يا إخلاص
    لتكوني ثاني المنضمين علنا للحزب من هذا المنبر،
    وبعدك امتثال ثم عارف واخيرا الكنزي ده،
    وبعد كده البقولولو رفيق حايقول امين.
                   |Articles |News |مقالات |بيانات

08-09-2018, 01:54 PM

امتثال عبدالله

تاريخ التسجيل: 15-05-2017
مجموع المشاركات: 1980

للتواصل معنا

FaceBook
تويتر Twitter
YouTube


Re: عايز أبقى شيوعي، بماذا تنصحون؟ (Re: عمر التاج)

    عمر التاج
    تنظيري ده يا التاج ما من تنظيم ولكني معجبة بأفكار الحركة الشيوعية التقدمية ومبادئها التي تهدف لتحقيق الرخاء الاقتصادي والمعيشي لكل الشعب ...
    .وتعجبني كتابات بعض أنصار الحزب الشيوعي في المنبر العام على الرغم من أن كتابات البعض الآخر وهم قلة وربما واحد أو اثنين تفقع المرارة ...واذا انت بقيت شيوعي ابعد منهم ...وش ضاحك ...وعندما يرحلان عنا سوف تضئ الدنيا في وجوهنا وسوف تزدهر الأفكار والمبادئ الشيوعية والاشتراكية وسوف يصبح كل الشعب السوداني اشتراكيين وشيوعيبن وعندئذ سيتم اقتلاع النظام الدكتاتوري الغاشم الذي جوع الشعب إلى مزبلة التاريخ .

    (عدل بواسطة امتثال عبدالله on 08-09-2018, 05:17 PM)

                   |Articles |News |مقالات |بيانات

08-09-2018, 05:06 PM

عمر التاج
<aعمر التاج
تاريخ التسجيل: 08-02-2008
مجموع المشاركات: 6953

للتواصل معنا

FaceBook
تويتر Twitter
YouTube


Re: عايز أبقى شيوعي، بماذا تنصحون؟ (Re: امتثال عبدالله)

    مرحبا اخب على الكرار وشكرا للتعليق الطريف
    Quote: ما عندي ليك معلومه عن الشيوعيه لانها تقريبا حاجه كدا من الامس
    لكن طالما في مساحات تفكير
    حاول تفكر في جماعة شيخ الامين
    ناس مودرن وعصريين

    شكلك عايز ترجعني 20 سنة لما كنت حوار سيدي في الختمية،
    20 سنة شنو انا حتى اسم عمر اداني ليه سيدي الحسن الكبير عليه الرحمة
    لكن في قناعتي انو الأفكار بتتجدد وتتمدد،
    وما مستبعد بعد نتشوع نطلع خلطة جديدة من الشيوعية الصوفية
    أو نصدر نسخة مستحدثة من علم التجديد والتاصيل الاشتراكي العربي الافريقاني
    أو بالعدم نكتب الرسالة الثانية من الشيوعية الرأسمالية السودانية القومية الحرة
                   |Articles |News |مقالات |بيانات

08-09-2018, 07:56 PM

Omer Abdalla Omer
<aOmer Abdalla Omer
تاريخ التسجيل: 02-03-2004
مجموع المشاركات: 3347

للتواصل معنا

FaceBook
تويتر Twitter
YouTube


Re: عايز أبقى شيوعي، بماذا تنصحون؟ (Re: عمر التاج)

    ههههههه والله هذه قصة حقيقية و لكنها طريفة!
    في قريتنا عندنا أستاذ كان شيوعي ملتزم و مثقف بحق.. كلكم تعرفون كيف يكون الشيوعي في زماننا! بصراحة قدوة في كل مجال..
    عندو ود أختو جاهو - و لسوء طالعه - الأستاذ كان ضرب نصيتو و ضرب العشاء و تحت قمراء كردفان و في برش السباته في رمالها أتكى الاستاذ يسمع في شعر ثوري من شريط الكاسيت أهداه له صديق عزيز من الخرطوم..
    في جو عالي زي دا ود أختو قال ليهو يا خالي أنا لو داير أبقى شيوعي أعمل شنو؟ الاستاذ قال ليهو يا زول والله إنت ما بتنفع أي حاجة.. خليك في جهلك دا ارحم ليك
    يا تاج دي نصحيتي ليك.. .
    Just kidding
                   |Articles |News |مقالات |بيانات

09-09-2018, 03:19 AM

عبدالحفيظ ابوسن
<aعبدالحفيظ ابوسن
تاريخ التسجيل: 24-06-2013
مجموع المشاركات: 20229

للتواصل معنا

FaceBook
تويتر Twitter
YouTube


Re: عايز أبقى شيوعي، بماذا تنصحون؟ (Re: Omer Abdalla Omer)

    فرق يا عمر
    شيوعي يعني تقدم طلب للحزب الشيوعي وتكون عضو
    ودي تفرق
    لو داير تبقا يساري برضو فرق
    اليسار خشم بيوت
    ولو داير تبقا ماركسي برضو خشم بيوت
    المهم
    ان تفتح ذهنك وعقلك دون قيود او تابوهات
    و
    ستصل
                   |Articles |News |مقالات |بيانات

09-09-2018, 04:36 AM

Biraima M Adam
<aBiraima M Adam
تاريخ التسجيل: 04-07-2005
مجموع المشاركات: 12961

للتواصل معنا

FaceBook
تويتر Twitter
YouTube


Re: عايز أبقى شيوعي، بماذا تنصحون؟ (Re: عبدالحفيظ ابوسن)

    أبقي أي حاجة بس ما تبقي شيوعي .. ناس أكبر أنجازهم العياض في ملجة السياسية السودانية.



    أبقي، صحفي، كاتب، مصور للحياة السودانية، مدون، يوتيوبير .. كل ذلك أعمله بلا لون سياسي .. وسيبك من وهمات الشيوعيين.


    ------
    البوست دا مفخخ لكن نعمل شنو؟

    بريمة
                   |Articles |News |مقالات |بيانات

09-09-2018, 04:51 AM

الطيب رحمه قريمان
<aالطيب رحمه قريمان
تاريخ التسجيل: 21-03-2008
مجموع المشاركات: 12477

للتواصل معنا

FaceBook
تويتر Twitter
YouTube


Re: عايز أبقى شيوعي، بماذا تنصحون؟ (Re: Biraima M Adam)

    تحياتى الاخ عمر ..

    كن عمر التاج و كفى ..
                   |Articles |News |مقالات |بيانات

09-09-2018, 05:43 AM

محمد الزبير محمود
<aمحمد الزبير محمود
تاريخ التسجيل: 30-10-2010
مجموع المشاركات: 4020

للتواصل معنا

FaceBook
تويتر Twitter
YouTube


Re: عايز أبقى شيوعي، بماذا تنصحون؟ (Re: الطيب رحمه قريمان)

    Quote: عايز أبقى شيوعي، بماذا تنصحون؟

    تحفظ أغاني ثورة مايو بتاعت محجوب شريف ووردي ..
    في حكاياتنا مايو
    حباب الإشتراكية
    وأشعار حميد
    كدا تأخذ وسام لينين على طول .....
    تحياتي
                   |Articles |News |مقالات |بيانات

09-09-2018, 05:40 AM

Yassir Ahmed
<aYassir Ahmed
تاريخ التسجيل: 26-07-2017
مجموع المشاركات: 277

للتواصل معنا

FaceBook
تويتر Twitter
YouTube


Re: عايز أبقى شيوعي، بماذا تنصحون؟ (Re: عمر التاج)

    يا عمر أسأل مجرب، إياك تفكر مجرد فكرة.
                   |Articles |News |مقالات |بيانات

09-09-2018, 06:03 AM

السيد المسلمي
<aالسيد المسلمي
تاريخ التسجيل: 27-11-2008
مجموع المشاركات: 4944

للتواصل معنا

FaceBook
تويتر Twitter
YouTube


Re: عايز أبقى شيوعي، بماذا تنصحون؟ (Re: Yassir Ahmed)

    تفلفل شعرك وتلبس بنطلون جنز وسخان ومخرم وقميص مقاس 4XL ..
    وتحفظ ليك كم جملة كدا من لينين وجملتين من ماركس على شوية تاريخ سياسي سطحي جدا .
    وأهم حاجة تنكر وجود الله وتدي إحساس للمعاك إنهم كلهم مخمومين ساكت لافي إسلام ولا في نبي ولا وحي منزل .. وتحفظ كم أغنية لمصطفي وأبوعركي البخيت ..
    وتسب الدين في الصغيرة وفي الكبيرة .

    .....
    وماتستحم لمدة شهر او شهرين إلى أن مايعتمدوك .. تاني علي كيفك 😁
                   |Articles |News |مقالات |بيانات

09-09-2018, 06:44 AM

عمر التاج
<aعمر التاج
تاريخ التسجيل: 08-02-2008
مجموع المشاركات: 6953

للتواصل معنا

FaceBook
تويتر Twitter
YouTube


Re: عايز أبقى شيوعي، بماذا تنصحون؟ (Re: السيد المسلمي)

    معقولة يا امتثال في زول من عطبرة وما منظم، غايتو بتذكر اول لي زيارة لعطبرة وانا طالب استقبلني شيخ وقور وأصر امشي أبيت معاه، وقدر ما اعتذرت ما فكاني الا بعد وعدته بزيارة، ولما يممت وجهي تلقاء وجهتي قبضني واحد تاني وقال لي: الله حلاك من الشيوعي ده، قلت ليه طيب انت شنو قال لي نحن اهل السنة والجماعة، ومن يوم داك جاني احساس انه عطبرة كلها منظمة، بس تنظيمهم راقي جدا، يعني عادي يكون في البيت الواحد ولد شيوعي وبنت منقبة وامهم انصارية وابوهم قيادي في المؤتمر الوطني.. المهم
    Quote: تنظيري ده يا التاج ما من تنظيم ولكني معجبة بأفكار الحركة الشيوعية التقدمية ومبادئها التي تهدف لتحقيق الرخاء الاقتصادي والمعيشي لكل الشعب ...
    .وتعجبني كتابات بعض أنصار الحزب الشيوعي في المنبر العام على الرغم من أن كتابات البعض الآخر وهم قلة وربما واحد أو اثنين تفقع المرارة ...واذا انت بقيت شيوعي ابعد منهم ...وش ضاحك ...وعندما يرحلان عنا سوف تضئ الدنيا في وجوهنا وسوف تزدهر الأفكار والمبادئ الشيوعية والاشتراكية وسوف يصبح كل الشعب السوداني اشتراكيين وشيوعيبن وعندئذ سيتم اقتلاع النظام الدكتاتوري الغاشم الذي جوع الشعب إلى مزبلة التاريخ

    شيوعيو المنبر العام ديل زاتم ما واقعين لي، ماشايف فرقة بينهم وناس الأمن الشعبي، تلقيهم لابدين كده في القضايا المصيرية ومابظهروا الا لما الموضوع يمسهم شخصيا، ودي مشكلة اغلب الأحزاب العقائدية، يهتموا بالجانب الأمني على الجانب الدعوى، وما يقدموا قدوة الا لما يسيطروا سياسيا واجتماعيا، وده ظرف ما بتكرر في القرن الا مرة، وده الجايب ليهم القوقعة والبعد من الناس. لكن مع المزيد من الانفتاح والعضوية تأكدي حايزدهر الفكر الشيوعي ويتطور، وحايعود للبلد إصالته وعراقته وحاتنعدم السرقات والاختلاسات والفساد السياسي والنهب المصلح بإذن الله.
                   |Articles |News |مقالات |بيانات

09-09-2018, 07:22 AM

عمر التاج
<aعمر التاج
تاريخ التسجيل: 08-02-2008
مجموع المشاركات: 6953

للتواصل معنا

FaceBook
تويتر Twitter
YouTube


Re: عايز أبقى شيوعي، بماذا تنصحون؟ (Re: عمر التاج)

    محبط انت ياعمر، ومابتنفع نهائي في النصح
    Quote: في جو عالي زي دا ود أختو قال ليهو يا خالي أنا لو داير أبقى شيوعي أعمل شنو؟ الاستاذ قال ليهو يا زول والله إنت ما بتنفع أي حاجة.. خليك في جهلك دا ارحم ليك
    يا تاج دي نصحيتي ليك.. .
    Just kidding

    حتى ولو ماقبلوني انت قايلني هوين
    ما عادي بعمل لي حركة مسلحة، اقصد حزب شيوعي براي وبعد مايكبر وتوسع انشق عنه وأفاوض الحزب الام وما أقبل الا برئاسة اللجنة المركزية أو سكرتارية الحزب أيهما يترشح للرئاسة.
                   |Articles |News |مقالات |بيانات

09-09-2018, 07:43 AM

عمر التاج
<aعمر التاج
تاريخ التسجيل: 08-02-2008
مجموع المشاركات: 6953

للتواصل معنا

FaceBook
تويتر Twitter
YouTube


Re: عايز أبقى شيوعي، بماذا تنصحون؟ (Re: عمر التاج)

    تحياتي ياحفيظ
    Quote: فرق يا عمر
    شيوعي يعني تقدم طلب للحزب الشيوعي وتكون عضو
    ودي تفرق
    لو داير تبقا يساري برضو فرق
    اليسار خشم بيوت
    ولو داير تبقا ماركسي برضو خشم بيوت

    لا وحياتك يا حفيظ ماركسي ساي مابتخارج معاي
    الشغل الكيري ده قاعد أمارسو براي في وقت الفراغ
    اسه رغبتي ابقى منظم، يعني جوه الجك
    ومن غير كلية حربية، يعني زي ماتقول تعيين سياسي
    وشرطي كمان ما يسألوني عن الماضي، وما يمر طلبي بمكاتب التامين
    وماتتعمل لي معاينة، ويستوعبوني مباشرة في المكتب السياسي أو الثقافي،
    و... (دي خليها في سرك)
                   |Articles |News |مقالات |بيانات

09-09-2018, 08:16 AM

علي عبدالوهاب عثمان

تاريخ التسجيل: 17-01-2013
مجموع المشاركات: 7933

للتواصل معنا

FaceBook
تويتر Twitter
YouTube


Re: عايز أبقى شيوعي، بماذا تنصحون؟ (Re: عمر التاج)

    حبيبنا التاج .. مودتي ..
    الشيوعية زمان قبل 40 سنة وأكثر .. ( موضة )
    أيام ناس : كاسترو ، جيفارا ، باتريس لوممبا ، كنياتا
    وغناء الكابلي الجميل ( الملايو ) وعبدالناصر ..
    في ذلك الزمان الشيوعية كانت مكملة للسلوك الشبابي
    ما في حاجة إسمها دقن .. وجلابية قصيرة .. وعمة ( الشباب ما كان يعرفوا العمة )
    الشابات فستان قليل تحت الركبة ( طرحة ) في القرى
    أو شورت فوق الركبة ( وثوب أبيض خفيف )
    ثم ظهرت الخنفسة والشارلستون ( ديل ناس المدن )
    ومختلف أنواع ( المياه مقطرة ) مفتوحة زي البقالات ( حتى في دنقلا المدينة )
    الجيوب مليانة .. أكل متوفر ..

    الشيوعية كانت مكملة للحيوية والشباب

    حبيبنا التاج .. ليت الشباب يعود يوماً








                   |Articles |News |مقالات |بيانات

09-09-2018, 08:34 AM

علي عبدالوهاب عثمان

تاريخ التسجيل: 17-01-2013
مجموع المشاركات: 7933

للتواصل معنا

FaceBook
تويتر Twitter
YouTube


Re: عايز أبقى شيوعي، بماذا تنصحون؟ (Re: عمر التاج)

    حبيبنا التاج .. مودتي ..
    الشيوعية زمان قبل 40 سنة وأكثر .. ( موضة )
    أيام ناس : كاسترو ، جيفارا ، باتريس لوممبا ، كنياتا
    وغناء الكابلي الجميل ( الملايو ) وعبدالناصر ..
    في ذلك الزمان الشيوعية كانت مكملة للسلوك الشبابي
    ما في حاجة إسمها دقن .. وجلابية قصيرة .. وعمة ( الشباب ما كان يعرفوا العمة )
    الشابات فستان قليل تحت الركبة ( طرحة ) في القرى
    أو شورت فوق الركبة ( وثوب أبيض خفيف )
    ثم ظهرت الخنفسة والشارلستون ( ديل ناس المدن )
    ومختلف أنواع ( المياه مقطرة ) مفتوحة زي البقالات ( حتى في دنقلا المدينة )
    الجيوب مليانة .. أكل متوفر ..

    الشيوعية كانت مكملة للحيوية والشباب

    حبيبنا التاج .. ليت الشباب يعود يوماً








                   |Articles |News |مقالات |بيانات

09-09-2018, 11:14 AM

عمر التاج
<aعمر التاج
تاريخ التسجيل: 08-02-2008
مجموع المشاركات: 6953

للتواصل معنا

FaceBook
تويتر Twitter
YouTube


Re: عايز أبقى شيوعي، بماذا تنصحون؟ (Re: علي عبدالوهاب عثمان)

    الصديق بريمة ازيك، إن شاء الله طيب
    Quote: أبقي أي حاجة بس ما تبقي شيوعي .. ناس أكبر أنجازهم العياض في ملجة السياسية السودانية.
    أبقي، صحفي، كاتب، مصور للحياة السودانية، مدون، يوتيوبير .. كل ذلك أعمله بلا لون سياسي .. وسيبك من وهمات الشيوعيين.

    هل توافقي على أن من ابرز مهام التنظيم
    التفريق مابين الانتماء والتعاطف،؟
    يعني مثلا إذا سألتك انت بريمة عن حزبك احتمال تنكر
    ولكن من خلال كتاباتك استطيع احدد انت شنو.
    يتخيل لي انت كتبت شنو في اللحظة دي هي اليفترض تحدد انت مع منو في هذا المنبر،
    ولا شنو؟
                   |Articles |News |مقالات |بيانات

09-09-2018, 11:25 AM

عمر التاج
<aعمر التاج
تاريخ التسجيل: 08-02-2008
مجموع المشاركات: 6953

للتواصل معنا

FaceBook
تويتر Twitter
YouTube


Re: عايز أبقى شيوعي، بماذا تنصحون؟ (Re: عمر التاج)

    سلامات ول ابا قريمان

    Quote:
    كن عمر التاج و كفى

    لكن فكرك كده ما بنسوني من صالح الحوارات والقرارات؟
    امبارح دي البشير استقبل شافع اسمه مين كده فكه
    وعايز يعينوا وزير لمجرد انه انضم لحركة مسلحة وانفك منها..
                   |Articles |News |مقالات |بيانات

09-09-2018, 06:03 PM

عمر التاج
<aعمر التاج
تاريخ التسجيل: 08-02-2008
مجموع المشاركات: 6953

للتواصل معنا

FaceBook
تويتر Twitter
YouTube


Re: عايز أبقى شيوعي، بماذا تنصحون؟ (Re: عمر التاج)

    اخونا محمود الزبير حبابك
    Quote: تحفظ أغاني ثورة مايو بتاعت محجوب شريف ووردي ..
    في حكاياتنا مايو
    حباب الإشتراكية
    وأشعار حميد
    كدا تأخذ وسام لينين على طول .....
    تحياتي

    من ناحية الحفظ اخوك حفيظ تب
    قبل كده لميت في إشعار الصوفية ماخليت مدحة ولا راتب الا سمعتو
    دخلت الدفاع الشعبي حفظت جلالات الجيش وأغاني الجماعة لامن قربت ابقى منشد هههه
    تتخيل قصائد الأساس و المتوسطة والثانوي لا اسه حافظها
    وحتى الكانت شرح كنت بحفظها اوتوماتيكي هههه
    اما إشعار حميد وأغاني مصطفى سيد أحمد فهي زادي في حلي وترحالي
    وفوق دا شكلي مناسب للجماعة
    الحمد لله طويل ورقيق وانطوائي وراديكالي وسريع
    فكرك في حاجة تاني ناقصني؟
                   |Articles |News |مقالات |بيانات

09-09-2018, 07:03 PM

عمر التاج
<aعمر التاج
تاريخ التسجيل: 08-02-2008
مجموع المشاركات: 6953

للتواصل معنا

FaceBook
تويتر Twitter
YouTube


Re: عايز أبقى شيوعي، بماذا تنصحون؟ (Re: عمر التاج)

    عفوا، المداخلة الفائتة كانت ردا على الأخ محمد الزبير
    اما مداخلة الأخ ياسر علي فهي تاج فوق راسي لأنها..
    Quote: يا عمر أسأل مجرب، إياك تفكر مجرد فكرة.

    صادرة من صديق رفيق رقيق مجرب
    سأحاول يا ياسر اتقمص شخصيتك وانت مجرب (بدون ما اعرفك جربت شنو)
    ثم أعود بك لحالتك ماقبل التجربة، هل كانت البدايات خاطئة ام الظرف المتعجرف ام الوقت الغلط..
    وعندها ساتعشم أن يكون حظ الحزب معي أفضل، وان كنت مقتنعا بالمثل القائل أن من جرب المجرب ندم ولكن ثقتي أن كل تجربة لها ظروفها ووقتها..
                   |Articles |News |مقالات |بيانات

10-09-2018, 01:36 AM

Asim Fageary
<aAsim Fageary
تاريخ التسجيل: 25-04-2010
مجموع المشاركات: 7796

للتواصل معنا

FaceBook
تويتر Twitter
YouTube


Re: عايز أبقى شيوعي، بماذا تنصحون؟ (Re: عمر التاج)


    عمر التاج سلام مربع ليك ولضيوفك

    كلام عبد الحفيظ ود أبسن دا أقراهو تاني وتالت

    وهل إنت عاوز تكون عضو حزب شيوعي سوداني تحديداً

    أم أنت أصلاً ماركسي وتريد أن يكون هنالك تنظيم يتفق مع رؤاك؟

    بالمناسبة هنالك حركات ماركسية تختلف عن الأحزاب الشيوعية في رؤاها التنظيمية

    البوست دا مهم جداً

    حقو تواصل لينا فيهو عن الماركسية لأني حاسي إنه عندك فهم مغاير ليها !

    تحياتي

                   |Articles |News |مقالات |بيانات

10-09-2018, 01:57 AM

امتثال عبدالله

تاريخ التسجيل: 15-05-2017
مجموع المشاركات: 1980

للتواصل معنا

FaceBook
تويتر Twitter
YouTube


Re: عايز أبقى شيوعي، بماذا تنصحون؟ (Re: Asim Fageary)

    عمر التاج
    انا غيرت رايي ....خلاص ابعد من الحزب الشيوعي لأني اكتشفت واحد جاهل و ب ل ي د معاهم ...على الرغم من الشيوعيين هنا في المنبر كلهم مهذبين وعندهم أفكار نيرة لكن الجاهل ده ممكن يديك أفكار هدامة ...وطماطمة فاسدة واحدة في صندوق ممكن تبوظ كل شئ....
                   |Articles |News |مقالات |بيانات

10-09-2018, 04:14 AM

ABUHUSSEIN
<aABUHUSSEIN
تاريخ التسجيل: 14-08-2002
مجموع المشاركات: 31151

للتواصل معنا

FaceBook
تويتر Twitter
YouTube


Re: عايز أبقى شيوعي، بماذا تنصحون؟ (Re: امتثال عبدالله)

    ألبس قميص أحمر كتير ....
                   |Articles |News |مقالات |بيانات

10-09-2018, 04:21 AM

عبدالحفيظ ابوسن
<aعبدالحفيظ ابوسن
تاريخ التسجيل: 24-06-2013
مجموع المشاركات: 20229

للتواصل معنا

FaceBook
تويتر Twitter
YouTube


Re: عايز أبقى شيوعي، بماذا تنصحون؟ (Re: ABUHUSSEIN)

    تشكر عاصم
    ودة الالتباس البقعو فيهو الكثيرين
    كل يساري هو عضو حزب شيوعي
    وكل ماركسي هو عضو حزب شيوعي
    يا عمر الاشكالية مافي الحفظ
    في الاستيعاب والفهم
    الادب يحتاج لانفلات وانعدام الحواجز كلها
                   |Articles |News |مقالات |بيانات

10-09-2018, 06:22 AM

Salah Zubeir
<aSalah Zubeir
تاريخ التسجيل: 17-08-2015
مجموع المشاركات: 2284

للتواصل معنا

FaceBook
تويتر Twitter
YouTube


Re: عايز أبقى شيوعي، بماذا تنصحون؟ (Re: عبدالحفيظ ابوسن)

    تحياتي حفيظ وعاصم ...
    صديقي عمر التاج عبر عن أشواقه وطلب النصح
    كما هو واضح من عنوان البوست :-
    Quote: عايز أبقي شيوعي، بماذا تنصحون؟

    وفي رده عليك يا حفيظ حدد بالظبط مراده :-
    Quote: فكرة البوست عموما لا تقتصر على الانضمام أو التحزب للشيوعي، ولكنه تفكير مسموع عن آليات الاستقطاب وأسباب افتقار أحزاب المعارضة لها.

    بعدين ياخي وضوح الرؤيا مهم جدا" للتقدم للأمام ..
    كل البغوليات غنية جدا" بالبروتين وإن اختلف
    شكلها ونوعها وطريقة زراعتها ...
    والمؤتمر الوطني والشعبي والإصلاح الآن والسايحون
    والإخوان المسلمون وأنصار السنة والسلفيون .. كلهم
    حركة إسلامية (كاملة الدسم) وان اختلفو فكريا" في
    بعض تفاصيل التفاصيل ...شاء من شاء وأبي من
    ابي ... التخفي لن يجدي ساعة الكوع يحمي ...
    Quote: ودة الالتباس البقعو فيهو الكثيرين
    كل يساري هو عضو حزب شيوعي
    وكل ماركسي هو عضو حزب شيوعي

    كل أعضاء الحزب الشيوعي وكل من يؤمنون لليسار
    بمختلف مسمياتهم :-
    هم شيوعيين
    هم ماركسيون
    هم يساريون
    هم اشتراكيون
    .... إلخ
    لو تمكن الحزب الشيوعي من سلطة قصر غردون
    لوجدت كل الوان الطيف اليساري تسبح بحمد
    الحزب الشيوعي كامل الدسم .. كما تسبح الآن
    كل الوان الطيف الإسلامي بحمد الحركة
    الإسلامية كاملة الدسم ...
    وهذه هي عقيدة هذين الحزبين الكارثيين التي
    يحرم الفكاك منها والتنكر لها ساعة الجد ...
                   |Articles |News |مقالات |بيانات

10-09-2018, 06:38 AM

Yassir Ahmed
<aYassir Ahmed
تاريخ التسجيل: 26-07-2017
مجموع المشاركات: 277

للتواصل معنا

FaceBook
تويتر Twitter
YouTube


Re: عايز أبقى شيوعي، بماذا تنصحون؟ (Re: عمر التاج)

    ما ح أحكي ليك عن تجربتي بتفاصيلها، ولكن في فترة ما ضحيت من أجل السياسة ، وجالست و تحاورت مع بعض أعضاء اللجنة المركزية بحكم موقعي أنذاك، ولكن أصبت بالصدمة من نتائج الحوار، وبعدها تقدمت بطلب إستقالة.
    الحوار كان نتيجته أن هنالك فرق بين خط الحزب الفلسفي و الخط المنهجي العملي، وخلافي معهم لماذا تمارس هذه الإزدواجية معنا نحن الأعضاء، فشعرت أنها كانت مهرب من عدة أسئلة واجهت بها أعضاء الإجتماع.
    ومن بعدها فارقتهم فراق الطريفي لي جمله، ولكن يبقى إحترامي لتلك التجربة قائم.
                   |Articles |News |مقالات |بيانات

10-09-2018, 09:09 AM

أحمد الشايقي
<aأحمد الشايقي
تاريخ التسجيل: 08-08-2004
مجموع المشاركات: 14409

للتواصل معنا

FaceBook
تويتر Twitter
YouTube


Re: عايز أبقى شيوعي، بماذا تنصحون؟ (Re: Yassir Ahmed)



    تصـدق الحاجـة دي ما سهـلــة

    .........................................

    الناس ديل الحاجات الـ (ما بيعملـوهــا) صعب على الناس العاديين (يتركــوهــا)


                   |Articles |News |مقالات |بيانات

10-09-2018, 09:14 AM

أيمن نواى على
<aأيمن نواى على
تاريخ التسجيل: 02-05-2015
مجموع المشاركات: 2487

للتواصل معنا

FaceBook
تويتر Twitter
YouTube


Re: عايز أبقى شيوعي، بماذا تنصحون؟ (Re: Yassir Ahmed)

    يا عمر التاج
    انتظرنا ما تستعجل .. كل الاحزاب حا نضعها مع القمامة فى الزبالة .. ثلاث احزاب فقط يمين شمال وسط .. و ثوابتها التريبة الوطنية اولا .
                   |Articles |News |مقالات |بيانات

10-09-2018, 10:08 AM

عبدالله الشقليني
<aعبدالله الشقليني
تاريخ التسجيل: 01-03-2005
مجموع المشاركات: 12127

للتواصل معنا

FaceBook
تويتر Twitter
YouTube


Re: عايز أبقى شيوعي، بماذا تنصحون؟ (Re: أيمن نواى على)

    أحلق صلعة
                   |Articles |News |مقالات |بيانات

10-09-2018, 04:33 PM

عمر التاج
<aعمر التاج
تاريخ التسجيل: 08-02-2008
مجموع المشاركات: 6953

للتواصل معنا

FaceBook
تويتر Twitter
YouTube


Re: عايز أبقى شيوعي، بماذا تنصحون؟ (Re: عبدالله الشقليني)

    محمد المسمي مرحبتين، وشكرا للنصائح البالية (وجه ماكر)
    Quote: تفلفل شعرك وتلبس بنطلون جنز وسخان ومخرم وقميص مقاس 4XL ..
    وتحفظ ليك كم جملة كدا من لينين وجملتين من ماركس على شوية تاريخ سياسي سطحي جدا .
    وأهم حاجة تنكر وجود الله وتدي إحساس للمعاك إنهم كلهم مخمومين ساكت لافي إسلام ولا في نبي ولا وحي منزل .. وتحفظ كم أغنية لمصطفي وأبوعركي البخيت ..
    وتسب الدين في الصغيرة وفي الكبيرة .

    .....
    وماتستحم لمدة شهر او شهرين إلى أن مايعتمدوك .. تاني علي كيفك

    صعبتها لكن يا مسلمي،
    يعني انا اسه لو عايز أبقى أنصار سنة ماعلى الا أقصر الجلابية واحفظ لي اية وحديثين ومقدمة ومؤخرة وأربي دقن، والدفن زاتا ممكن تعتذر عنها تقول لسه ماقامت، لكن شروطك الفوق دي اتخيل لي ممكن تدخلني الكي جي بي عديل.
    ده كلو كوم وعدم الحمام ده كوم براهو، لأنه واحدة من أهدافي الغير معلنة عايز اجكس صديقة رفيقة رقيقة ماركسية، وبدون حمام الا اخلطها خلط اعتباري.
                   |Articles |News |مقالات |بيانات

10-09-2018, 05:19 PM

عمر التاج
<aعمر التاج
تاريخ التسجيل: 08-02-2008
مجموع المشاركات: 6953

للتواصل معنا

FaceBook
تويتر Twitter
YouTube


Re: عايز أبقى شيوعي، بماذا تنصحون؟ (Re: عمر التاج)

    حبيبنا على عبد الوهاب، حبابك ياحبوب
    Quote: الشيوعية زمان قبل 40 سنة وأكثر .. ( موضة )
    أيام ناس : كاسترو ، جيفارا ، باتريس لوممبا ، كنياتا
    وغناء الكابلي الجميل ( الملايو ) وعبدالناصر ..
    في ذلك الزمان الشيوعية كانت مكملة للسلوك الشبابي
    ما في حاجة إسمها دقن .. وجلابية قصيرة .. وعمة ( الشباب ما كان يعرفوا العمة )
    الشابات فستان قليل تحت الركبة ( طرحة ) في القرى
    أو شورت فوق الركبة ( وثوب أبيض خفيف )
    ثم ظهرت الخنفسة والشارلستون ( ديل ناس المدن )
    ومختلف أنواع ( المياه مقطرة ) مفتوحة زي البقالات ( حتى في دنقلا المدينة )
    الجيوب مليانة .. أكل متوفر ..

    الشيوعية كانت مكملة للحيوية والشباب

    جميل منك أن جسدت لنا جمال الشيوعية زمان بوصف رشيق خلاب
    وصفك ده يا على حفزنا للمزيد من التمني، وفعلا ارتقى الرجاء
    لأن تعيد هذه الماركسية الجميلة سيرتها الاولي
                   |Articles |News |مقالات |بيانات

11-09-2018, 07:24 AM

عمر التاج
<aعمر التاج
تاريخ التسجيل: 08-02-2008
مجموع المشاركات: 6953

للتواصل معنا

FaceBook
تويتر Twitter
YouTube


Re: عايز أبقى شيوعي، بماذا تنصحون؟ (Re: عمر التاج)

    سلامات اخ عاصم فقيري،
    ومرحبا بك رقما صعبا في معادلة الفكر المنبري
    Quote:
    وهل إنت عاوز تكون عضو حزب شيوعي سوداني تحديداً
    أم أنت أصلاً ماركسي وتريد أن يكون هنالك تنظيم يتفق مع رؤاك؟
    بالمناسبة هنالك حركات ماركسية تختلف عن الأحزاب الشيوعية في رؤاها التنظيمية
    البوست دا مهم جداً
    حقو تواصل لينا فيهو عن الماركسية لأني حاسي إنه عندك فهم مغاير ليها !

    للحقيقة انا مازلت أقف في موقع الحياد الموضوعي
    الذي يسمح لي بالنظر لكل جماعة أو حزب
    من خلال محسانها، واغترف منها مايناسبني،
    هذا الموقف أتاح لي معرفة افضلية الماركسية
    كفكر إنساني مقدر ومتعوب عليه،
    وفي جعبته الكثير من الاشراقات التي تفيد البشرية
    وفي المقابل انظر للفكر الإسلامي المتجدد بايجابية
    علي عكس من يناصبونه العداء لمجرد أخطاء أفراد وجماعات،
    موقف الحياد الموضوعي يجعلك قريبا من الفكرة وليس الأفراد،
    ويجعلك تنظر للعالم من حولك والأحزاب والجماعات
    وفقا لاهدافهم ومبادئهم وظروفهم،
    وهذا ما يجعلني اتفاءل بإمكانية التقاء
    كل الأحزاب السودانية تقريبا على كثير
    من المبادئ المشتركة، و بإتاحة نبذ النفور
    وحالات التشاكس وانعدام الثقة التي سيطرت
    عليها مؤخرا واقعدتها عن دورها التنظيمي
    ناهيك عن همها الوطني.
    ولك أن تدرك أن الحزب الشيوعي وحزب الأمة وحزب الإصلاح
    وحركة عبد الواحد وخليل إبراهيم و الليبراليين والاتحاديين الأصل،
    وكثير من الأحزاب السودانبة متشابهون جدا في الهم الوطني،
    و متقاربة أهدافهم وفق نظامهم الاساسي لدرجة ان العضو العادي
    في أي حزب يمكنه التنقل بكل سهولة ويسر بين هذه الأحزاب
    إذا توفرت البيئة الصالحة للديمقراطية والفهم السياسي السليم
    الذي توفره الأحزاب الحقيقية في البلدان المتقدمة،
    الأحزاب السودانية جميعها تتحدث عن الديمقراطية والتنمية
    والعدالة وحقوق الإنسان، ففيم الخلاف إذن بين أحزاب التوجه الواحد
    والكتلة الواحدة، ولماذا تنفر الأحزاب المواطن العادي للدرجة التي تجعله
    يضعها في نفس خانة النظام الحاكم ويبتعد عنها بفكره وجهده.
    الأمر في اعتقادي يتطلب انقلابا فكريا داخل الأحزاب نفسها،
    واتعشم في الحزب الشيوعي أن يبادر بإزالة التكلس
    الذي لازم أداءه بمبادرة مهمة وضرورية في هذه الفترة،
    وهذه المبادرة اتمني عنوانها الانفتاح والخروج
    من القوقعة النخبوية والحالة الأمنية التي تسيطر عليه
    وتعيق أداءه وانخراطه في المجتمع،
    وهذا الانفتاح بالطبع لا يهدم فكرة التنظيم
    ولا الاستيعاب الهيكلي السليم والاحتفاظ بخصوصية
    محدودة داخل كل حزب.
                   |Articles |News |مقالات |بيانات

11-09-2018, 08:37 AM

عبدالحفيظ ابوسن
<aعبدالحفيظ ابوسن
تاريخ التسجيل: 24-06-2013
مجموع المشاركات: 20229

للتواصل معنا

FaceBook
تويتر Twitter
YouTube


Re: عايز أبقى شيوعي، بماذا تنصحون؟ (Re: عمر التاج)

    هل يوجد حياد حقيقي بمعني حياد ؟
                   |Articles |News |مقالات |بيانات

11-09-2018, 09:16 AM

عمر التاج
<aعمر التاج
تاريخ التسجيل: 08-02-2008
مجموع المشاركات: 6953

للتواصل معنا

FaceBook
تويتر Twitter
YouTube


Re: عايز أبقى شيوعي، بماذا تنصحون؟ (Re: عبدالحفيظ ابوسن)

    اخونا ابو حسين حبابك،
    دا انت اختصرت الموضوع خالص
    Quote: ألبس قميص أحمر كتير

    وليتهم عملوها بالسهولة دي
    يا احمر يا اسود
    اليوم تلبس احمر وتنفذ البرنامج انت منهم ومعاهم
    بكره زهجت وعايز تقلب تلبس اسود وتمشي خيمة ال...
    حياة بسيطة وساهلة لا تعقيدات و لا خيانة لا اغتيالات..
    أها.. موضوع الاغتيالات دي جاينها بي مهله،
    وهل في الحزب الشيوعي اغتيالات أو أجنحتها العسكرية
    كما في الوطني اغتيالات؟
                   |Articles |News |مقالات |بيانات

11-09-2018, 09:27 AM

عمر التاج
<aعمر التاج
تاريخ التسجيل: 08-02-2008
مجموع المشاركات: 6953

للتواصل معنا

FaceBook
تويتر Twitter
YouTube


Re: عايز أبقى شيوعي، بماذا تنصحون؟ (Re: عمر التاج)

    Quote: كل يساري هو عضو حزب شيوعي
    وكل ماركسي هو عضو حزب شيوعي
    يا عمر الاشكالية مافي الحفظ
    في الاستيعاب والفهم
    الادب يحتاج لانفلات وانعدام الحواجز كلها

    السطر الأخير ده حقيقة ومعجزة ياعبد الحفيظ، اعجبني
    لكن البداية زي اتخيل لي معكوسة، ََولا شنو؟
    بالنسبة للحياد انا بقصد الحياء الموضوعي،
    وده الخالي من التغصب، يخليك تفكر وتميل بعقلك لا قلبك.
                   |Articles |News |مقالات |بيانات

11-09-2018, 09:30 AM

Asim Fageary
<aAsim Fageary
تاريخ التسجيل: 25-04-2010
مجموع المشاركات: 7796

للتواصل معنا

FaceBook
تويتر Twitter
YouTube


Re: عايز أبقى شيوعي، بماذا تنصحون؟ (Re: عبدالحفيظ ابوسن)

    Quote: للحقيقة انا مازلت أقف في موقع الحياد الموضوعي الذي يسمح لي بالنظر لكل جماعة أو حزب من خلال محسانها، واغترف منها مايناسبني، هذا الموقف أتاح لي معرفة افضلية الماركسية كفكر إنساني مقدر ومتعوب عليه، وفي جعبته الكثير من الاشراقات التي تفيد البشرية وفي المقابل انظر للفكر الإسلامي المتجدد بايجابية علي عكس من يناصبونه العداء لمجرد أخطاء أفراد وجماعات، موقف الحياد الموضوعي يجعلك قريبا من الفكرة وليس الأفراد، ويجعلك تنظر للعالم من حولك والأحزاب والجماعات وفقا لاهدافهم ومبادئهم وظروفهم، وهذا ما يجعلني اتفاءل بإمكانية التقاء كل الأحزاب السودانية تقريبا على كثير من المبادئ المشتركة، و بإتاحة نبذ النفور وحالات التشاكس وانعدام الثقة التي سيطرت عليها مؤخرا واقعدتها عن دورها التنظيمي ناهيك عن همها الوطني. ولك أن تدرك أن الحزب الشيوعي وحزب الأمة وحزب الإصلاح وحركة عبد الواحد وخليل إبراهيم و الليبراليين والاتحاديين الأصل، وكثير من الأحزاب السودانبة متشابهون جدا في الهم الوطني، و متقاربة أهدافهم وفق نظامهم الاساسي لدرجة ان العضو العادي في أي حزب يمكنه التنقل بكل سهولة ويسر بين هذه الأحزاب إذا توفرت البيئة الصالحة للديمقراطية والفهم السياسي السليم الذي توفره الأحزاب الحقيقية في البلدان المتقدمة، الأحزاب السودانية جميعها تتحدث عن الديمقراطية والتنمية والعدالة وحقوق الإنسان، ففيم الخلاف إذن بين أحزاب التوجه الواحد والكتلة الواحدة، ولماذا تنفر الأحزاب المواطن العادي للدرجة التي تجعله يضعها في نفس خانة النظام الحاكم ويبتعد عنها بفكره وجهده. الأمر في اعتقادي يتطلب انقلابا فكريا داخل الأحزاب نفسها، واتعشم في الحزب الشيوعي أن يبادر بإزالة التكلس الذي لازم أداءه بمبادرة مهمة وضرورية في هذه الفترة، وهذه المبادرة اتمني عنوانها الانفتاح والخروج من القوقعة النخبوية والحالة الأمنية التي تسيطر عليه وتعيق أداءه وانخراطه في المجتمع، وهذا الانفتاح بالطبع لا يهدم فكرة التنظيم ولا الاستيعاب الهيكلي السليم والاحتفاظ بخصوصية محدودة داخل كل حزب.



    الأخ الفاضل/ عمر التاج

    تعرف الحقيقة إنه في ناس كثر واقفين معاك في نفس محطة التأمل دي

    أنا ما عاوز أصعب عليك الموضوع بل العكس عاوز أسهل الموضوع عليك وعلينا كلنا

    طبعاً في عبارة منتشرة في الحقبة دي وأقصد بالحقبة دي خلال ال 30 سنة الماضية وحتى الراهن

    العبارة بتروج لأنه التثاقف والفلسفة هي ترف !

    قبل ما أدخل في تفاصيل أنا ضد هذه العبارة المستهلكة بكثرة وأعتقد جازماً دون قراءة وتعمق ومثقافة لن يكون هنالك تنوير حقيقي
    ودون تنوير لن تكون هناك خيارات توضع على ميزان ليتبع أفضلها

    أتفق معك في القول بأن معظم برامج الأحزاب المطروحة تقريباً الحد الأدنى منها متفق عليه

    ولكن يبقى السؤال هل من ينتمون لهذه الأحزاب يؤمنون بما تطرحه برامجهم هذه أم هي مجرد شعارات وهنا بالتأكيد إذا وقفت وقفة محايدة وصادقة وتأملت قد تجد الإجابة

    والإجابة بالضرورة سوف تحتوي على أمثلة أقلاها أن هنالك أحزاب تدعي الديمقراطية وتطرحها شعاراً في برامجها ولكنها لا تطبقها على مستوى التنظيم نفسه ناهيك عن تطبيقها على مستوى الدولة إذا حظيت بقيادة الدولة!

    دعنا من هذا كله، الحزب الشيوعي السوداني أراك وضعت تحفاظتك على مسيرته الراهنة أو قل على أدائه، ما يعني أنك تجير سؤالك الرئيس عنوان البوست لصالح الماركسية وليس للحزب الشيوعي !

    حيث ما ذكرته وبالتحديد (افضلية الماركسية كفكر إنساني مقدر ومتعوب عليه، وفي جعبته الكثير من الاشراقات التي تفيد البشرية)

    هنا أنت تتحدث عن الماركسية ولكن لديك مآخذ على الحزب الشيوعي، ما يؤكد ملاحظتي في المداخلة الأولى لي في هذا الموضوع بأن لك زاوبة شوف للماركسية مغايرة ما يعني أنك ترى أنه يمكن الإستفادة من الماركسية في التنظير الفلسفي لعقد برنامج حزبي كطريق للتغيير نحو مجتمع وحياة أفضل ! لذلك كغيري من المتابعين نريد أن نرى طرح ضمن هذه الإشارة وهل سيكون طرحك مقترح للحزب الشيوعي أم سيكون بذرة لحركة وحراك جديدين لنشأة حزب أو حركة سياسية تحقق من خلالها التغيير المنشود؟

    سوف أشاركك الرأي حسب وجهة نظري في الماركسية كأداة للتحليل وكأداة تطوير خارجها وداخلها !

    تحياتي


                   |Articles |News |مقالات |بيانات

11-09-2018, 12:08 PM

كمال عباس

تاريخ التسجيل: 06-03-2009
مجموع المشاركات: 14245

للتواصل معنا

FaceBook
تويتر Twitter
YouTube


Re: عايز أبقى شيوعي، بماذا تنصحون؟ (Re: Asim Fageary)

    الشيوعي - بنطلون جينز مقطع ومتسخ - شعر أشعث !! الشيوعي يتزوج أخته!! الشيوعي لايستحم!
    - مقولات تنم في أغلب الأحيان تنم عن الجهل والتجهيل والتناول السطحي والكسل الذهني وفي أحسن الفروض تنم عن تنميط وترديد لمعلبات وأكليشهات جاهزة !

    ** فلنأخذ ( الشيوعي - بنطلون جينز مقطع ومتسخ - شعر أشعث ) هي من توصيفات الستينات - عقد الستينات ! حيث كانت الساحة الثقافية تعج
    (بالوجودي - والفوضوي - والعدمي - والبوهيمي - عبثي - واليساري الطفولي )
    هذه كانت سمة طبعت الخارطة الفكرية والثقافية - عالميا وعج بها المشهد الفكري السوداني!
    * كانت كل هذه التيارات والرؤي الثقافية توصم وتصنف بأنها شيوعية وكل من يتبناها - شيوعي وهذا حكم متعسف وخاطئ لأن هذا الطيف الثقافي يختلف جوهريا مع الماركسية وقد يعاديها !

    ( بنطلون جينز مقطع ومتسخ - شعر أشعث !)
    هذه سمة بوهيمي - وشخص ذاتي منكفي علي ذاته وتقديراته الشخصية وفلسفته في الحياة! الفرد - المتمرد مقابل المجتمع ! تمرد ورفض عدمي !!
    * هناك في مشهد الستينات وأطيافها الثقافية - تجد شعاره الجحيم هو الآخروون !! وهدفه
    اللذة - والبحث عن الحلول ولفردية ومن يمجد ويضخم دور الفرد ويقلل من دور الجماهير ويعتبرها مجرد قطيع يساق وكم عددي لايعتد به ! وهناك الصفوي المنكفئ علي ذاته وبرجه العاجي!
    *وهناك - العدمي والفوضوي - الذي يسعي وبنهج دون كشوتي لإجتثاث - الدين والدولة والرأسمالية - تغيير فوقي ورغبوي ! ومن يرفض مجرد المشاركة في الديموقراطية التعددية الخ
    - ماهي سمات المغائرة والإختلاف بين الشيوعي والوان الطيف الثقافي الرافض للواقع والسائد في الستينات !
                   |Articles |News |مقالات |بيانات

11-09-2018, 12:57 PM

عمر التاج
<aعمر التاج
تاريخ التسجيل: 08-02-2008
مجموع المشاركات: 6953

للتواصل معنا

FaceBook
تويتر Twitter
YouTube


Re: عايز أبقى شيوعي، بماذا تنصحون؟ (Re: كمال عباس)

    شكرا اخ صلاح لتاكيد هذه الفكرة
    Quote: لو تمكن الحزب الشيوعي من سلطة قصر غردون
    لوجدت كل الوان الطيف اليساري تسبح بحمد
    الحزب الشيوعي كامل الدسم .. كما تسبح الآن
    كل الوان الطيف الإسلامي بحمد الحركة
    الإسلامية كاملة الدسم ...
    وهذه هي عقيدة هذين الحزبين الكارثيين التي
    يحرم الفكاك منها والتنكر لها ساعة الجد ..

    أكاد أجزم أن الأحزاب السودانية لا تحسن التعامل مع السلطة
    كأداة للتنمية السياسية الاقتصادية الاجتماعية للحزب والدولة،
    فكل حزب يمتلك السلطة يفتقد الولاء الحقيقي للعضوية والجمهور،
    وحتى ان تضخم فبلغ الاتحاد الاشتراكي أو المؤتمر الوطني،
    فإن عضويته ستبان فور زوال السلطة،
    لذا جاء طلبي لكتلة هي خارج السلطة الان،
    و يقيني أن الاعتياد على الديمقراطية داخل المجموعة
    ترسخ معانيها وتصقل ممارستها عند توفر السلطة
    كوسيلة مستدامة وليست هدفا استراتيجيا.
                   |Articles |News |مقالات |بيانات

11-09-2018, 01:07 PM

عمر التاج
<aعمر التاج
تاريخ التسجيل: 08-02-2008
مجموع المشاركات: 6953

للتواصل معنا

FaceBook
تويتر Twitter
YouTube


Re: عايز أبقى شيوعي، بماذا تنصحون؟ (Re: عمر التاج)

    Quote: ما ح أحكي ليك عن تجربتي بتفاصيلها، ولكن في فترة ما ضحيت من أجل السياسة ، وجالست و تحاورت مع بعض أعضاء اللجنة المركزية بحكم موقعي أنذاك، ولكن أصبت بالصدمة من نتائج الحوار، وبعدها تقدمت بطلب إستقالة.
    الحوار كان نتيجته أن هنالك فرق بين خط الحزب الفلسفي و الخط المنهجي العملي، وخلافي معهم لماذا تمارس هذه الإزدواجية معنا نحن الأعضاء، فشعرت أنها كانت مهرب من عدة أسئلة واجهت بها أعضاء الإجتماع.
    ومن بعدها فارقتهم فراق الطريفي لي جمله، ولكن يبقى إحترامي لتلك التجربة قائم.

    ملخص التجربة مفيد يا اخ احمد،
    ولكنه يبدو كحالة متكررة من ظاهرة التساقط أو الانسلاخ أو الانشقاق أو الاشتقاق
    التي عمت أحزاب المعارضة عموما، وهذه الظواهر مسبباتها مختلفة ولكن تكراراها في حزب معين دليل على قصور الأداء التنظيمي، ويبقى التجديد و دراسة الحالة
    هما المنجى الوحيد من هكذا ظواهر.
                   |Articles |News |مقالات |بيانات

11-09-2018, 01:07 PM

كمال عباس

تاريخ التسجيل: 06-03-2009
مجموع المشاركات: 14245

للتواصل معنا

FaceBook
تويتر Twitter
YouTube


Re: عايز أبقى شيوعي، بماذا تنصحون؟ (Re: عمر التاج)

    الشيوعي السوداني يختلف جوهريا عن التيارات الفردية والتمرد والإنكفاء الذاتي ! وأعني هنا المجري العام للشيوعيين !
    الشيوعي وإن كان مثبتا علي دور الفرد في التاريخ والتغيير إلا أنه يري أنالدور الأساسي والمحرك الرئسي للتغيير - هو الجماهير !
    * الشيوعي كائن غيري ( يسعي ويناضل من أجل الغيير لا الذات ) وهو شخص منفعل مع واقعه - غير منكفي علي ذاته !
    * يشكك بجدوي - العدمية - والفوضوية والرؤي الفردية المنفلتة -ويراهن علي جدوي تغيير ا لبني التحتية - الإقتصاد والخبز والحرية والإبداع وحق التنظيم - !
    * الشيوعي وقف وأسس مع غيره النقابات والمطالبة بالحقوق - التنمية والعدالة الإجتماعية ومجانية العلاج والتعليم والأقليات وقيم الديموقراطية والعلمانية وحقوق المواطنة والإنسان
    -والقطاع العام - مع الفن والأدب والإبداع وكافة ضروب الثقافة والتنوير !
    * وهو غيري- يسعي من أجل غيره يدخل السجون ويعتقل وينزل الشارع ويعمل من أجل التغييروهو يعي - تماما أن من يتولي السلطة غدا هو قوي أخري وأن حزبه لن يتقلد السلطة غدا!
    إذا هو يسعي للتغير - ليس بحثا - عن كرسي أو ثروة !
    *الشيوعي عموما يتسم بطهر اليد والنزاهة - وبقيادة أتسمت بالأمانة والنقاء - عبد الخالق نقد -وفاطمة وسعاد إبراهيم أحمد - وشخصيات جماهيرية مبدعة ومنفعلة جماهيريا
    - حميد - محجوب - مصطفي سيد أحمد - علي المك !
    * الكذب والتلفيق !
    صحافة وإعلام الحزب الشيوعي - نسبيا - عرف بالمصداقية والإستقامة - الميدان نموذجا- التيجاني الطيب رمزا !
    ما يشاع عن إغتيال الشخصية ليس هو مصدر في أدبيات
    وإصدارات الحزب الشيوعي الرسمية ! حيث ركز إعلامه علي الصراع الفكري مع المختلف وإن حدث غلو وشطط !
    ** نعم هناك أخطاء علي المستوي النظري وعلي مستوي الممارسة - وهناك أزمة وإشكالات عميقة - في مسار الحزب الشيوعي - قضايا االتغيير والتطوير والديموقراطية والإنفتاح
    علي منجزات الإنسانية - وهناك قصور فردي - الخ
                   |Articles |News |مقالات |بيانات

11-09-2018, 02:47 PM

عمر التاج
<aعمر التاج
تاريخ التسجيل: 08-02-2008
مجموع المشاركات: 6953

للتواصل معنا

FaceBook
تويتر Twitter
YouTube


Re: عايز أبقى شيوعي، بماذا تنصحون؟ (Re: كمال عباس)

    ازيك اخونا الشايقي وماك طيب..
    Quote:
    الناس ديل الحاجات الـ (ما بيعملـوهــا) صعب على الناس العاديين (يتركــوهــا)

    التشفير برضه اتخيل لي من ادبيات الماركسية العميقة
    كونك تقول كلام مفهوم على مستوى الكلمات، ولكن إذا جمعتها في جملة تلقى كل كلمة عكس التانية، ههه وكمان لقيتك مشفراتي خطير يامولانا
                   |Articles |News |مقالات |بيانات

11-09-2018, 03:12 PM

عمر التاج
<aعمر التاج
تاريخ التسجيل: 08-02-2008
مجموع المشاركات: 6953

للتواصل معنا

FaceBook
تويتر Twitter
YouTube


Re: عايز أبقى شيوعي، بماذا تنصحون؟ (Re: عمر التاج)

    أيمن نواي ماك طيب وشديد
    Quote: انتظرنا ما تستعجل .. كل الاحزاب حا نضعها مع القمامة فى الزبالة .. ثلاث احزاب فقط يمين شمال وسط .. و ثوابتها التريبة الوطنية اولا .

    ما عندي مانع اصبر تاني شهرين تلاتة ونستلم الأحزاب دي كلها وتضعها في جرة مملوءة بالدخان ونرميها في قاع المحيط، ونقعد نحن على تلتها..
    بس نحن في النهاية حانبقى منو؟
    انا خايف القى ناسي مع التانيين
                   |Articles |News |مقالات |بيانات

11-09-2018, 03:29 PM

عمر التاج
<aعمر التاج
تاريخ التسجيل: 08-02-2008
مجموع المشاركات: 6953

للتواصل معنا

FaceBook
تويتر Twitter
YouTube


Re: عايز أبقى شيوعي، بماذا تنصحون؟ (Re: عمر التاج)

    مرحبتين اخونا عبد الله الشقليني
    Quote: أحلق صلعة

    ماعندي مانع أحلق صلعه واعمل منبر والم فيه المغتربين، ثم ألم فيهم
    حذف مواضيع وتقليل مداخلات و طبل بوستات وحلايب التبقي ليبية لو عايزة
    بس ده كلو ما بحل البلد
                   |Articles |News |مقالات |بيانات

11-09-2018, 03:45 PM

محمد البشرى الخضر
<aمحمد البشرى الخضر
تاريخ التسجيل: 14-11-2006
مجموع المشاركات: 30857

للتواصل معنا

FaceBook
تويتر Twitter
YouTube


Re: عايز أبقى شيوعي، بماذا تنصحون؟ (Re: عمر التاج)

    الحكاية شنو يا ود التاج!
    لا اسّي ما جاك شيوعي امه بت عم ابوه يكابرك ويجاملك ساي ان شا الله ولا حتى الشيوعيين ناس القشرة ومباراة السيرة ساي
    كل المعلّقين يا ناس شامين الشيوعيين يا متعاطفين معاهم لكن مافي شيوعيا كدي راسه عديل اشتغلبك!
    خلي بالك الناس ديل عرفوك ما جادي وداير تتونس ساي!
                   |Articles |News |مقالات |بيانات

11-09-2018, 04:11 PM

Frankly
<aFrankly
تاريخ التسجيل: 05-02-2002
مجموع المشاركات: 35008

للتواصل معنا

FaceBook
تويتر Twitter
YouTube


Re: عايز أبقى شيوعي، بماذا تنصحون؟ (Re: محمد البشرى الخضر)

    الشيوعيون مشغولون بسرقة صحيفة "الميدان" لمقال كاتب فلسطيني

    سرقة لا تقل عن سرقة كوتات السكر

                   |Articles |News |مقالات |بيانات

11-09-2018, 06:06 PM

مني عمسيب
<aمني عمسيب
تاريخ التسجيل: 22-08-2012
مجموع المشاركات: 15634

للتواصل معنا

FaceBook
تويتر Twitter
YouTube


Re: عايز أبقى شيوعي، بماذا تنصحون؟ (Re: Frankly)


    ود التاج الشيوعي مقدمآ .. تحياتي الحمراء لك .

    اجمل رد قريته وصدر من رجل عظيم ! مولانا احمد الشايقي .

    الناس ديل الحاجات الـ (ما بيعملـوهــا) صعب على الناس العاديين (يتركــوهــا)

    انا حاولت انضم للحزب قبال فترة لكن قلت ما اشوه سمعت
    الحزب بالعنف الما بشبه الشيوعيين الاصليين ديل .

    عمومآ لو داير تبقي شيوعي ولا جمهوري فكر كتيييييييير لانه بعض
    مرات الواحد بستكتر علي نفسه انضم لامثال هولاء الغير عادين في
    التعامل والادب والاخلاق الما معتاد عليها اي انسان عادي .

    لهم منا جزيل التقدير والاحترام ,,,
                   |Articles |News |مقالات |بيانات

11-09-2018, 08:03 PM

عبدالعزيز الفاضلابى
<aعبدالعزيز الفاضلابى
تاريخ التسجيل: 02-07-2008
مجموع المشاركات: 8178

للتواصل معنا

FaceBook
تويتر Twitter
YouTube


Re: عايز أبقى شيوعي، بماذا تنصحون؟ (Re: مني عمسيب)

    تلبس شراب احمر وبـْ استِك من فوق.
    :)
                   |Articles |News |مقالات |بيانات

12-09-2018, 04:42 AM

عمر التاج
<aعمر التاج
تاريخ التسجيل: 08-02-2008
مجموع المشاركات: 6953

للتواصل معنا

FaceBook
تويتر Twitter
YouTube


Re: عايز أبقى شيوعي، بماذا تنصحون؟ (Re: عبدالعزيز الفاضلابى)

    صباحات الخيرات يا ود البشري
    افتراضك الأخير وارد، ولكن نحن نراهن على فائدة النقاش اولا..
    أما قولك:
    Quote: لا اسّي ما جاك شيوعي امه بت عم ابوه يكابرك ويجاملك ساي ان شا الله ولا حتى الشيوعيين ناس القشرة ومباراة السيرة ساي

    فنحن نراهن حاليا على من هم اشوع من الشيوعيين
    خذ مثلا الصديقة الرقيقة (بآلاف ااا) بت عمسيب
    شوف مثلا الزعيم المجرب ياسر، خذ مثلا الكبير كمال،
    والذي ندخر الرد على مداخلته ليوم احمر قريب مرتقب.
    المنبر للأسف لم يعد فيه أهل الجلد والرأس،
    واقصد أصحاب القرار والمبادرة، والدليل على ذلك
    لم اسمع بعضو جديد في الحزب من المنبر منذ انضمامي له.
    وعلى ذلك قس اداء بقية مكاتب الحزب في المنبر وأداءه التنظيمي.
                   |Articles |News |مقالات |بيانات

12-09-2018, 05:07 AM

عمر التاج
<aعمر التاج
تاريخ التسجيل: 08-02-2008
مجموع المشاركات: 6953

للتواصل معنا

FaceBook
تويتر Twitter
YouTube


Re: عايز أبقى شيوعي، بماذا تنصحون؟ (Re: عمر التاج)

    سلام بت عمسيب وكم انت كبيرة..
    Quote: انا حاولت انضم للحزب قبال فترة لكن قلت ما اشوه سمعت
    الحزب بالعنف الما بشبه الشيوعيين الاصليين ديل .

    عمومآ لو داير تبقي شيوعي ولا جمهوري فكر كتيييييييير لانه بعض
    مرات الواحد بستكتر علي نفسه انضم لامثال هولاء الغير عادين في
    التعامل والادب والاخلاق الما معتاد عليها اي انسان عادي .

    كبر فهم وليس الكبرين التانيين.. وجه باسم
    كونك تخافي على مستوى الحزب لمجرد ظنك انك أقل قامة منه
    يجعلك فوق مستوى الحزب وبقية الاحزاب
    وبالمناسبة كثير الناس تنأى بنفسها عن الأحزاب لأنها تعتقد بأن الإطار التنظيمي ضيق ويحد من حياتها وقدراتها، وهذا الاعتقاد إنما يترسخ في ذهن الناس نتيجة لتجارب الخارجين عن الحزب، فالبعض ما زال يعتقد بأن الشيوعي اما يموت شيوعي أو يقتل فور تخليه عنه، وهذا الاحساس لا يمحوه الا الفهم العالي لرسالة الأحزاب والعمل الدؤوب الراقي الذي يجسد حسن المعاملات داخل الأحزاب.
                   |Articles |News |مقالات |بيانات

12-09-2018, 05:35 AM

عبدالله الشقليني
<aعبدالله الشقليني
تاريخ التسجيل: 01-03-2005
مجموع المشاركات: 12127

للتواصل معنا

FaceBook
تويتر Twitter
YouTube


Re: عايز أبقى شيوعي، بماذا تنصحون؟ (Re: عمر التاج)



    أخي الحبيب: عمر التاج


    تحياتي
    قلت أدخل الملف بأسلوب الحكيم يمكن أن يكون رداً متجاوزاً .
    من المهم أن يفكر المرء خارج الصندوق . الحزب الشيوعي له الفضل في تقديم الحداثة في ثوب قشيب ، في وقت كانت الأمة في شمال السودان ، تكاد تُقدس الطائفية وقادتها الذين توارثوا سلطة القداسة . وهو أمر لم تخرج منه الأمة حتى الآن . للانقلابات العسكرية شرور كثيرة ، ولكن حسنتها الواحدة ، أنها أوقفت الملكية الطائفية .
    لم تُحب الأحزاب الطائفية ، ديمقراطية وست منستر ، حُباً في الديمقراطية ، ولكنها توفر لهم كومة من الجماهير الطيبة والساذجة لتُعلفها بوابل المقدسات .
    *
    كان قادة الحزب الشيوعي من الشباب المُتفتح الذهن، في الستينات . وكانت جُرعة الحداثة كافية لصحو الذهن من الغيبوبة الطائفية . وبدأ الشباب يقرءون بانفتاح على الآخر .
    *
    صعد الإخوان المسلمين موجة التكفير ، عام 1965. وكما يقولون ( الأعمى شال المَكسّر ) وقاموا بحل الحزب الشيوعي وطرد نوابه الـ 11 من البرلمان . ولجأ الحزب للتآمر مع القوميون العرب لتنفيذ انقلاب 1969 .
    *
    صعد الأخوان المسلمين بعد المصالحة عام 1977 ، إلى سدة السلطة . ومكّنوا أنفسهم . واغتالوا محمود محمد طه ، الذي كان الترابي يتصور أنه سوف يصحب البساط من حزبه .
    *
    لم يصبر الإخوان المسلمين حتى تؤتي سرقتهم وانتهازيتهم في صيد 50 مقعد في البرلمان ، بل نفذوا انقلاب 1989 . وبدأوا التمكين ، وتصفية كل السودانيين من وظائف القضاء والدبلوماسية والقوات النظامية والخدمة المدنية ، وقدموا الوطن ماله وخزائنه لتنظيم الإخوان المسلمين العالمي . والبقية معروفة
    *
    أنا أنصح بالتفكير خارج الصندوق ، واستخدام القراءة النقدية لكل الذي يقع في نظرك ، وتجربة الأحزاب السودانية ، كلها أقل من الحداثة الفكرية ، وأقل من طموحاتك الفكرية ، على ما أظن، واستخدام العقل النقدي في كل المقدسات .
    *
    تقبل شكري ومحبتي ، فلم يكن ردي السابق هو ما قصدت . ولكني أريدك أن تفكر بحرية أكثر من قيود الأحزاب السودانية.

    *
                   |Articles |News |مقالات |بيانات

12-09-2018, 06:21 AM

Asim Fageary
<aAsim Fageary
تاريخ التسجيل: 25-04-2010
مجموع المشاركات: 7796

للتواصل معنا

FaceBook
تويتر Twitter
YouTube


Re: عايز أبقى شيوعي، بماذا تنصحون؟ (Re: عبدالله الشقليني)


    أخي عمر التاج .. طبعاً كما قلت لك آنفاً البوست مهم جداً

    وما عاوز أقوم أمشي أفتح لي بوست تاني

    عاوز أشاركك منبرك في هذا البوست

    ونبدأ من الماركسية ومروراً بالتجربة السوفيتية وثورة 1917 البلشفية

    عشان نجاوب على مجموعة أسئلة وهي على سبيل المثال لا الحصر:

    1- إندلعت ثورة 1917 كثورة عمال وفلاحين بشعارات ماركسية، فهل إستمرت ثورة عمالية أم إنقلبت إلى ثورة برجوازية بعد تخلصها من النظام القيصري القديم تحولت إلى رأسمالية الدولة ولم يتم شيوع وسائل الإنتاج بين الجماهير المقصود بهم جماهير الثورة العمال والفلاحين بل ظلوا أيضاً يعملون بالأجر والنقد والتبادل السلعي والفرق كان أن تحول رأس المال من الإقطاعيين إلى يد الدولة التي أصبحت هي مالكة رأس المال.. لن أقلل من دور لينين وتمسكه بالمباديء الماركسية ولكن لم يستمر الحال ثورة عمالية بل انقلب إلى ثورة برجوازية وتكونت دولة تمثل الراسمالية في علاقات الإنتاج بينها وبين العمال والفلاحين ! هذا رأي يحتاج لنقاش !

    2- هل هنالك أي تجربة إشتراكية يمكن إعتبارها نموذج ماركسي دقيق اتبعت فيه المباديء الماركسية وتشريك العمال والفلاحين بدلاً عن شراء قوة عملهم ؟

    3- هل في الماركسية أصلاً هنالك دولة أم لا تكون هنالك حاجة لدولة أصلاً حيث أن الجماهير من خلال مجالسهم هم من يديرون كامل عملية الحكم بما فيها علاقات الإنتاج وتكوين مجتمع تسود فيه سلطة الأغلبية الطبقة العاملة وهل تجربة الكومون الباريسي تجربة يمكن القول أنها ماركسية وفقاً للمباديء الماركسية؟

    4- الماركسية هي في الأساس نقد للنظام والمجتمع الراسمالي بإعتباره نظام غير عادل ويخلق أزمات إقتصادية تزيد من الفقر والعوذ، فهل الماركسية كنظرية نقدية للمجتمع الرأسمالي صحيحة ومثبتة إلى يومنا هذا؟

    5- عطفاً على النقطة رقم 4 الماركسية ليست روشتة جاهزة لتطبيقها بل هي أداة تختلف في التطبيق حسب الظروف الموضوعية والذاتية لكل مجتمع، فهل تؤمن الأحزاب الشيوعية بهذا التفسير؟

    6- الإبتعاد عن الماركسية من قبل أحزاب شيوعية وشيوعيون في مختلف أنحاء العلم بدءاً من فراق الرفاق لبعضهم في أوروبا الشرقية وغيرها من الدول التي كانت ترى في التجربة السوفيتية رائدة الماركسية، ما هو أسبابه أم هو في ذاته مسبباً لتشويه الماركسية؟

    7- هل تستطيع الماركسية إستيعاب نماذج مختلفة تختلف بإختلاف المجتمعات وظروفها ومن ثم تسير نحو ثورة عمالية حقيقية وليست ثورة برجوازية؟

    8- هل سقوط التجربة السوفيتية يعني سقوط الماركسية؟ أم أن هذه فقط شعارات تروج لها القوى اليمينية لتتخلص من أي محاولات لظهور وتنامي تيارات ماركسية تقلب الطاولة عليها؟

    أتمنى محاولة الإجابة عبى الأسئلة وإبداء الرأي في النقاط المفسرة لكي يستمر النقاش ؟

    تحياتي


                   |Articles |News |مقالات |بيانات

12-09-2018, 06:57 AM

عبدالله الشقليني
<aعبدالله الشقليني
تاريخ التسجيل: 01-03-2005
مجموع المشاركات: 12127

للتواصل معنا

FaceBook
تويتر Twitter
YouTube


Re: عايز أبقى شيوعي، بماذا تنصحون؟ (Re: Asim Fageary)

                   |Articles |News |مقالات |بيانات

12-09-2018, 02:19 PM

كمال عباس

تاريخ التسجيل: 06-03-2009
مجموع المشاركات: 14245

للتواصل معنا

FaceBook
تويتر Twitter
YouTube


Re: عايز أبقى شيوعي، بماذا تنصحون؟ (Re: عبدالله الشقليني)

    أخ عمر التاج
    كن نفسك - وإنتمي لوطنك وضميرك وإنسانيتك - أما الأحزاب والقوي المعارضة - فقل لها أحسنتي إن أحسنت وأنتقدها أن إن أخطأت - فلا حزب أوفردفوق النقد والتقويم - !نختلف مع كثيرا من الأحزاب وننتقدها ولكنها ليست عدو لنا - عدونا هو من يهيمن علي الثروة والسلطة وعلي مفاصل الدولة - من يقصئ ويهمش المختلف ويدمر الوطن ويذل المواطن !
    *!التحزب والإنتماء السياسي ليس ضرورة أو صفة لازمة أو مقياس للوطنية - يمكن أن تعطي وتقدموتجهر برأيك ورؤيتك من موقع الإستقلالية -
                   |Articles |News |مقالات |بيانات

12-09-2018, 05:00 PM

عمر التاج
<aعمر التاج
تاريخ التسجيل: 08-02-2008
مجموع المشاركات: 6953

للتواصل معنا

FaceBook
تويتر Twitter
YouTube


Re: عايز أبقى شيوعي، بماذا تنصحون؟ (Re: كمال عباس)

    فرانكلي يشيل ويحمش في الحطب
    وكان سألوه عن حزبه ينكرو حطب
    Quote:
    الشيوعيون مشغولون بسرقة صحيفة "الميدان" لمقال كاتب فلسطيني

    سرقة لا تقل عن سرقة كوتات السكر

    مثل هذه الحالات اعتبرها خاصة جدا وشخصية
    ويجب ألا نحملها الحزب أو الصحيفة
    الكاتب غض النظر عن حزبه وربما
    رئيس التحرير يحملان المسؤولية
    ويتوجب الأمر اعتذارهما الصريح
                   |Articles |News |مقالات |بيانات

12-09-2018, 05:17 PM

عمر التاج
<aعمر التاج
تاريخ التسجيل: 08-02-2008
مجموع المشاركات: 6953

للتواصل معنا

FaceBook
تويتر Twitter
YouTube


Re: عايز أبقى شيوعي، بماذا تنصحون؟ (Re: عمر التاج)

    قريبي الفاضلابي سلامات، وين انت يا حبيب
    Quote: تلبس شراب احمر وبـْ استِك من فوق.

    قالوا ليك انا ماشي الروضة
    اللون الأحمر دا نحن زاتو حانغيير منه
    دي مرحلة وانتهت وحاتحل علينا مرحلة ذات لونية خضراء ووردية
    مرحلة شعارها الإنتاج من كافة الموارد المتوفرة، الأرض والمياه والعقل والجمال
                   |Articles |News |مقالات |بيانات

12-09-2018, 06:23 PM

عمر التاج
<aعمر التاج
تاريخ التسجيل: 08-02-2008
مجموع المشاركات: 6953

للتواصل معنا

FaceBook
تويتر Twitter
YouTube


Re: عايز أبقى شيوعي، بماذا تنصحون؟ (Re: عمر التاج)

    الأخ كمال سالم تحية طيبة وبعد
    فهذه المناقب التي ذكرتها كفيلة بأن تحول اتجاه اي انسان سوى ليسبح في اتجاه هذا التيار.. هذه المحاسن التي ذكرتها احسبها فعلا حقائق وليست مجرد صفات حسنة
    Quote: الشيوعي السوداني يختلف جوهريا عن التيارات الفردية والتمرد والإنكفاء الذاتي ! وأعني هنا المجري العام للشيوعيين !
    الشيوعي وإن كان مثبتا علي دور الفرد في التاريخ والتغيير إلا أنه يري أنالدور الأساسي والمحرك الرئسي للتغيير - هو الجماهير !
    * الشيوعي كائن غيري ( يسعي ويناضل من أجل الغيير لا الذات ) وهو شخص منفعل مع واقعه - غير منكفي علي ذاته !
    * يشكك بجدوي - العدمية - والفوضوية والرؤي الفردية المنفلتة -ويراهن علي جدوي تغيير ا لبني التحتية - الإقتصاد والخبز والحرية والإبداع وحق التنظيم - !
    * الشيوعي وقف وأسس مع غيره النقابات والمطالبة بالحقوق - التنمية والعدالة الإجتماعية ومجانية العلاج والتعليم والأقليات وقيم الديموقراطية والعلمانية وحقوق المواطنة والإنسان
    -والقطاع العام - مع الفن والأدب والإبداع وكافة ضروب الثقافة والتنوير !
    * وهو غيري- يسعي من أجل غيره يدخل السجون ويعتقل وينزل الشارع ويعمل من أجل التغييروهو يعي - تماما أن من يتولي السلطة غدا هو قوي أخري وأن حزبه لن يتقلد السلطة غدا!
    إذا هو يسعي للتغير - ليس بحثا - عن كرسي أو ثروة !
    *الشيوعي عموما يتسم بطهر اليد والنزاهة - وبقيادة أتسمت بالأمانة والنقاء - عبد الخالق نقد -وفاطمة وسعاد إبراهيم أحمد - وشخصيات جماهيرية مبدعة ومنفعلة جماهيريا
    - حميد - محجوب - مصطفي سيد أحمد - علي المك !
    * الكذب والتلفيق !
    صحافة وإعلام الحزب الشيوعي - نسبيا - عرف بالمصداقية والإستقامة - الميدان نموذجا- التيجاني الطيب رمزا !
    ما يشاع عن إغتيال الشخصية ليس هو مصدر في أدبيات
    وإصدارات الحزب الشيوعي الرسمية ! حيث ركز إعلامه علي الصراع الفكري مع المختلف وإن حدث غلو وشطط !
    ** نعم هناك أخطاء علي المستوي النظري وعلي مستوي الممارسة - وهناك أزمة وإشكالات عميقة - في مسار الحزب الشيوعي - قضايا االتغيير والتطوير والديموقراطية والإنفتاح
    علي منجزات الإنسانية - وهناك قصور فردي - الخ

    مداخلتك الثانية عن كن نفسك لا احسبها نقض لهذا الغزل، فشخصية الفرد التي تذوب في الحزب ولا ترى إلا مايراه الريس احسبها مذمة ومنقصة، والفرد الذي لا يضيف بصمته على أداء الحزب لاتذكره السجلات الا كرقم أحصائي ضمني، لذا فإني لا مانعا أن أكون نفسي واخدم ضمن مجموعة من المنظومات التي تتوافق مع فكري وأهدافي.
                   |Articles |News |مقالات |بيانات

13-09-2018, 05:05 AM

عمر التاج
<aعمر التاج
تاريخ التسجيل: 08-02-2008
مجموع المشاركات: 6953

للتواصل معنا

FaceBook
تويتر Twitter
YouTube


Re: عايز أبقى شيوعي، بماذا تنصحون؟ (Re: عمر التاج)

    تحيات زاكيات اخ عبد الله الشقليني، وشكرا للأغنية الراقية، ولهذا السرد السريالي التاريخي من داخل الصندوق.
    Quote: من المهم أن يفكر المرء خارج الصندوق . الحزب الشيوعي له الفضل في تقديم الحداثة في ثوب قشيب ، في وقت كانت الأمة في شمال السودان ، تكاد تُقدس الطائفية وقادتها الذين توارثوا سلطة القداسة . وهو أمر لم تخرج منه الأمة حتى الآن . للانقلابات العسكرية شرور كثيرة ، ولكن حسنتها الواحدة ، أنها أوقفت الملكية الطائفية .
    لم تُحب الأحزاب الطائفية ، ديمقراطية وست منستر ، حُباً في الديمقراطية ، ولكنها توفر لهم كومة من الجماهير الطيبة والساذجة لتُعلفها بوابل المقدسات .
    *
    كان قادة الحزب الشيوعي من الشباب المُتفتح الذهن، في الستينات . وكانت جُرعة الحداثة كافية لصحو الذهن من الغيبوبة الطائفية . وبدأ الشباب يقرءون بانفتاح على الآخر .
    *
    صعد الإخوان المسلمين موجة التكفير ، عام 1965. وكما يقولون ( الأعمى شال المَكسّر ) وقاموا بحل الحزب الشيوعي وطرد نوابه الـ 11 من البرلمان . ولجأ الحزب للتآمر مع القوميون العرب لتنفيذ انقلاب 1969 .
    *
    صعد الأخوان المسلمين بعد المصالحة عام 1977 ، إلى سدة السلطة . ومكّنوا أنفسهم . واغتالوا محمود محمد طه ، الذي كان الترابي يتصور أنه سوف يصحب البساط من حزبه .
    *
    لم يصبر الإخوان المسلمين حتى تؤتي سرقتهم وانتهازيتهم في صيد 50 مقعد في البرلمان ، بل نفذوا انقلاب 1989 . وبدأوا التمكين ، وتصفية كل السودانيين من وظائف القضاء والدبلوماسية والقوات النظامية والخدمة المدنية ، وقدموا الوطن ماله وخزائنه لتنظيم الإخوان المسلمين العالمي . والبقية معروفة
    *
    أنا أنصح بالتفكير خارج الصندوق ، واستخدام القراءة النقدية لكل الذي يقع في نظرك ، وتجربة الأحزاب السودانية ، كلها أقل من الحداثة الفكرية ، وأقل من طموحاتك الفكرية ، على ما أظن، واستخدام العقل النقدي في كل المقدسات .
    *
    تقبل شكري ومحبتي ، فلم يكن ردي السابق هو ما قصدت . ولكني أريدك أن تفكر بحرية أكثر من قيود الأحزاب السودانية.
    *

    الأحزاب العقائدية عموما تدعي أنها عدوة الطائفية، ولكنها للأسف تجد نفسها في ذات المستنقع عندما تحتكر الحكمة وتستفرد بالرأي، وحزب الإسلاميين خير مثال للانتقال الكارثي للطائفية والعنصرية وترسيخ أبغض معانيها بين الناس، وان كان الحزب الشيوعي بمنأى عن ذلك إلا أن مؤسساته ما زالت في حاجة للتطور والمرونة للتخلي عن الديناصورية وتمكين الشباب وتعزيز الثقة فيهم وفي مستقبل الحزب.
    من الحكمة أيضا في الشان السوداني عند تقييم وتقويم الأحزاب والجماعات عدم الاحتكام للماضي لأن ظروفه تختلف تماما عن الحاضر والمستقبل، والتاريخ لم يتحل بالصدق المطلق عندما حكي اي حدث في الماضي، الحاضر هو مرآتنا الصادقة والمستقبل أملنا، والشعارات والأهداف الفرعية تتبدل بمعايير الزمن، ولذا فإن الارادة الحرة للجماهير وحرية الانتماء والتعاطف تقوى الأحزاب وتزيد من مرونتها وقدرتها على استيعاب الطبقات الجديدة في المجتمع كالمثقفين والتقنيين والموظفين الذين ورثوا العمال ونقابات الكادحين.
                   |Articles |News |مقالات |بيانات

13-09-2018, 05:46 AM

عمر التاج
<aعمر التاج
تاريخ التسجيل: 08-02-2008
مجموع المشاركات: 6953

للتواصل معنا

FaceBook
تويتر Twitter
YouTube


Re: عايز أبقى شيوعي، بماذا تنصحون؟ (Re: عمر التاج)

    التحايا مجددا اخ عاصم، وشكرا لوضع عدة نقاط تصلح كاطار لفكرة العقيدة والانتماء للتيار اليساري عموما، ساحتاج لعدة مداخلات للإجابة عن بعض الأسئلة فيها وقبل اذلك اسمح لي بوضع إطار عام لرؤيتي في البوست،
    الشيوعية عموما قريبة مني كثقافة وفكر ولكنها لاتمثل لي عقيدة أو ايدلوجيا راسخة، بل مجرد حركة سياسية قدمت وعيا راقيا في حقبة سابقة من تاريخ الإنسانية، لذا فإن الحزب الشيوعي بشكله الحالي لايمثل الا ورثة التقدمية ولا يعبر عن حاضرها، الماركسية أيضا مرحلة سابقة ولكنها متجددة لأنها تمثل عصارة فكر اقتصادي واجتماعي متقدم، الحضارة التي قدمتها الماركسية لم تكن حكرا على فئة محددة ولكنها علوم ومعارف تنزلت للكافة، ومازالت متاحة للاقتباس والتطوير وفقا للرؤية الشيوعية أو الإسلامية أو العلمانية.. الخ، لذا فقد كنت اعول على شيوع مثل هذه الأفكار بين كافة المجتمعات حتى تعم الفائدة الجميع ويحسن الانتماء للفكرة دون الحزب من غير تعصب، لأن الانتماء العميق لأي فكر أو حزب لايعني كمال الفكرة بقدر ما يعني التعصب الأعمى لأفكار إنسانية لم تصل درجة الكمال، وهذا مايعيدني للمربع الثقة الذي مازلت اضعه مرتكزا أساسيا للتطور.
                   |Articles |News |مقالات |بيانات

13-09-2018, 06:41 AM

عبدالحفيظ ابوسن
<aعبدالحفيظ ابوسن
تاريخ التسجيل: 24-06-2013
مجموع المشاركات: 20229

للتواصل معنا

FaceBook
تويتر Twitter
YouTube


Re: عايز أبقى شيوعي، بماذا تنصحون؟ (Re: عمر التاج)

    لكي تصير شيوعيا
    1/ تقدم طلب لاحد اعضاء الحزب
    2/ تتم تثنية قبولك من اعضاء آخرين يعرفونك في اجتماع حزبي رسمي
    3/ ان لم يكن هنالك من يعرفك في الاجتماع يقومون بالسؤال عنك في كل فروع الحزب بالمدينة
    4/ قد يتم رفضك او قبولك
    5/ ان تم قبولك لن تسمي عضوا بل مرشحا
    6/فترة الترشيح تلاتة شهور تتلقي فيها دروسا عن المنهج والحزب والتاريخ والاقتصاد
    7/ بعد انتهاء المدة
    قد يتم قبولك
    او رفضك
    8/ طيلة تلك الفترة ستكون معزولا عن اجتماعات اعضاء الحزب بل ستكون اجتماعاتك مع المرشحين بوجود عضو حزبي واحد
    يعني قصة تبقا عضو دة برنامج طويل
                   |Articles |News |مقالات |بيانات

13-09-2018, 07:13 AM

عمر التاج
<aعمر التاج
تاريخ التسجيل: 08-02-2008
مجموع المشاركات: 6953

للتواصل معنا

FaceBook
تويتر Twitter
YouTube


Re: عايز أبقى شيوعي، بماذا تنصحون؟ (Re: عبدالحفيظ ابوسن)

    صباحاتك بيض يا عبد الحفيظ..
    الكلام المحبط ده جبتو من وين يازول؟
    Quote: 1/ تقدم طلب لاحد اعضاء الحزب
    2/ تتم تثنية قبولك من اعضاء آخرين يعرفونك في اجتماع حزبي رسمي
    3/ ان لم يكن هنالك من يعرفك في الاجتماع يقومون بالسؤال عنك في كل فروع الحزب بالمدينة
    4/ قد يتم رفضك او قبولك
    5/ ان تم قبولك لن تسمي عضوا بل مرشحا
    6/فترة الترشيح تلاتة شهور تتلقي فيها دروسا عن المنهج والحزب والتاريخ والاقتصاد
    7/ بعد انتهاء المدة
    قد يتم قبولك
    او رفضك
    8/ طيلة تلك الفترة ستكون معزولا عن اجتماعات اعضاء الحزب بل ستكون اجتماعاتك مع المرشحين بوجود عضو حزبي واحد

    الإحباط ليس لي، بل للحزب إذا صحت هذه الشروط
    التعقيد ده ياهو تعقيد الخدمة المدنية زاتو الوقف حال البلد
    كل حاجة بقت في السودان معقده ومهينة بينما في كل العالم سلسلة ومهنية،
    اجعص إجراء في البلد لو لو عملتوا في أي بلد تاني مابياخد الا دقائق
    وحتى الانضمام للأحزاب...
    لا والله، في أحزاب بسيطة واجراءتها بسيطة
    حتى الحزب الحاكم ممكن تنضم ليه في ساعات
    وتصلك بطاقة العضوية لي بيتك خلال يومين
    رغم انو الحزب الحاكم لتستفيد منه ماليا وتضرر منه أخلاقيا
    فشنو البخيلي الحزب الشيوعي يعقد إجراءات الانضمام وييسر إجراءات الفصل
    في وقت لم يعد فيه جاذبا كما كان..
    اعتقد هي عقدة الثقة مجددا، وعقيدة عدم التطور
                   |Articles |News |مقالات |بيانات

13-09-2018, 07:35 AM

عبدالحفيظ ابوسن
<aعبدالحفيظ ابوسن
تاريخ التسجيل: 24-06-2013
مجموع المشاركات: 20229

للتواصل معنا

FaceBook
تويتر Twitter
YouTube


Re: عايز أبقى شيوعي، بماذا تنصحون؟ (Re: عمر التاج)

    صباحك خير يا عمر
    ههههه
    شروط الانضمام للحزب معروفة جدا وما سر
    كيف ياخ لولا ان تخونني الذاكرة واخش في غلاط لذكرت لك بضع سياسين معروفين تم رفض قبولهم في الحزب
    هههه يعني ممكن يكون عندك الرغبة ويرفضوك
                   |Articles |News |مقالات |بيانات

13-09-2018, 08:05 AM

عمر التاج
<aعمر التاج
تاريخ التسجيل: 08-02-2008
مجموع المشاركات: 6953

للتواصل معنا

FaceBook
تويتر Twitter
YouTube


Re: عايز أبقى شيوعي، بماذا تنصحون؟ (Re: عبدالحفيظ ابوسن)

    النقاط التي وضعها الأخ خاص له التحية
    اعتقد انها مهمة جدا ومحفزة لتفسير تاريخ الحزب ومالاته.
    بالنسبة للفقرتين الأولى والثانية في اعتقادي تمثلان حالات عامة مرت بها كثير من التنظيمات وهي توضح تحدي النظرية والتطبيق:
    Quote: 1- إندلعت ثورة 1917 كثورة عمال وفلاحين بشعارات ماركسية، فهل إستمرت ثورة عمالية أم إنقلبت إلى ثورة برجوازية بعد تخلصها من النظام القيصري القديم تحولت إلى رأسمالية الدولة ولم يتم شيوع وسائل الإنتاج بين الجماهير المقصود بهم جماهير الثورة العمال والفلاحين بل ظلوا أيضاً يعملون بالأجر والنقد والتبادل السلعي والفرق كان أن تحول رأس المال من الإقطاعيين إلى يد الدولة التي أصبحت هي مالكة رأس المال.. لن أقلل من دور لينين وتمسكه بالمباديء الماركسية ولكن لم يستمر الحال ثورة عمالية بل انقلب إلى ثورة برجوازية وتكونت دولة تمثل الراسمالية في علاقات الإنتاج بينها وبين العمال والفلاحين ! هذا رأي يحتاج لنقاش !
    2- هل هنالك أي تجربة إشتراكية يمكن إعتبارها نموذج ماركسي دقيق اتبعت فيه المباديء الماركسية وتشريك العمال والفلاحين بدلاً عن شراء قوة عملهم ؟

    البدايات دائما ماتكون طموحة ومبشرة، والتنظيم سوا كان يحمل رسالة سامية أو مدمرة عندما يتحول لسلطة تتغلب عليه أوجاع السلطة ويحدث تدافع الأعضاء على الثروة، وهذا الاختبار سقطت فيه اغلب الممالك الإسلامية وغير الإسلامية وحتى الدويلات العلمانية والشيوعية والراسمالية، وهي نفس الحفرة التي سقط فيها الحزب الشيوعي السوداني من قبل وسقطت بعدها شعاراته، ونفس المستنقع الذي غرقت فيها الحركة الإسلامية واكتست من بعده بالفساد، إذن الفرق كبير بين الأمنيات والواقع علينا دوما النجاح في تقزيمه لكي تنجح أهدافنا و رسالاتنا.
    التطور الطبيعي والمرونة الحيوية القابلة لتطويع الوسائل مهمة في البقاء في القمة، وحتي الأفكار قابلة للنمو مع الوقت، حتى لتجد أفكار الحزب يتبناها بعد حين حزب مضاد، يطورها ويجعل منها منهجا، وهذا موقف لايقدر عليه إلا حزب منفتح متفتح، لايسلم بسوء غيره كاملا مهما اشتد الخلاف.
                   |Articles |News |مقالات |بيانات

13-09-2018, 08:11 AM

محمد مجيدو
<aمحمد مجيدو
تاريخ التسجيل: 06-07-2013
مجموع المشاركات: 2143

للتواصل معنا

FaceBook
تويتر Twitter
YouTube


Re: عايز أبقى شيوعي، بماذا تنصحون؟ (Re: عمر التاج)

    الاخ عمر التاج .. السلام عليكم ,,

    يا زوول مالك ومال المشاكل ....
    اخير ليك اختى الاحزاب دي كلها .. وخليك سوداني وبس ...

    هناك قصة قديمة عن الشيوعين ..

    واحد كان بحكي وقال
    في إنتخابات سنة 1985م كنا ضمن حملة مرشح الحزب الشيوعي في منطقة الديم.
    كان خطتنا الوصول إلى الناخبين في بيوتهم.
    يقول : دخلنا أحد البيوت وكان *(إنداية)* إستقبلتنا صاحبة *(الإنداية)*
    وكانت مفتكرة أننا زبائن.
    يقول : عرفناها بأنفسنا وشرحنا لها برنامج مرشحنا.
    ردت بقولها : "والله برنامجكم كويس لكن أنا جوني ناس الجبهة الإسلامية وأديتهم كلمة وما برجع فيها"!!
    يقول : ألجمتنا المفاجأة وسألناها " يا بت الناس كيف تصوتي للجبهجية وفي برنامجهم الخمرة حرام وفيها جلد ومصادرة؟!
    " قالت لينا : " والله أنا ما براي.. كل *(الإندايات)* الهنا إتفقت على التصويت لناس الجبهة.
    قلنا ليها : "طيب ورينا السبب شنو؟!!
    قالت : *"والله ناس الجبهة قالوا لينا لو فوزتوا الشيوعيين البلد حتتملي بارات وتاني زول يشرب عرقيكن ده مافي!!*

    عاالم بطاالـــــــــــــــــة ,,

                   |Articles |News |مقالات |بيانات

13-09-2018, 08:44 AM

عمر التاج
<aعمر التاج
تاريخ التسجيل: 08-02-2008
مجموع المشاركات: 6953

للتواصل معنا

FaceBook
تويتر Twitter
YouTube


Re: عايز أبقى شيوعي، بماذا تنصحون؟ (Re: محمد مجيدو)

    سلامات الزعيم مجيدو، زي الحال يا فريق.
    Quote: في إنتخابات سنة 1985م كنا ضمن حملة مرشح الحزب الشيوعي في منطقة الديم.
    كان خطتنا الوصول إلى الناخبين في بيوتهم.
    يقول : دخلنا أحد البيوت وكان *(إنداية)* إستقبلتنا صاحبة *(الإنداية)*
    وكانت مفتكرة أننا زبائن.
    يقول : عرفناها بأنفسنا وشرحنا لها برنامج مرشحنا.
    ردت بقولها : "والله برنامجكم كويس لكن أنا جوني ناس الجبهة الإسلامية وأديتهم كلمة وما برجع فيها"!!
    يقول : ألجمتنا المفاجأة وسألناها " يا بت الناس كيف تصوتي للجبهجية وفي برنامجهم الخمرة حرام وفيها جلد ومصادرة؟!
    " قالت لينا : " والله أنا ما براي.. كل *(الإندايات)* الهنا إتفقت على التصويت لناس الجبهة.
    قلنا ليها : "طيب ورينا السبب شنو؟!!
    قالت : *"والله ناس الجبهة قالوا لينا لو فوزتوا الشيوعيين البلد حتتملي بارات وتاني زول يشرب عرقيكن ده مافي!!

    قصتك دي رغم أنها قديمة لكنها معبرة وانت استحدثتها في وقتها ومكانها الصحيحين..
    الست دي شيوعية بالفطره😁
    ولكن الميزان هم الاستفادوا منها
    مش مجرد صوت انتخابي أو عدة اصوات
    بل احتمال تكون اسه رئيسة اتحاد مرآة في محلية..
    وده برجعني لكلام الكادر الإسلامي الذكرناه في بداية البوست
    شعب عادي لكنه تكوزن بالتاثير
    واستغلته الإنقاذ سياسيا وفكريا واجتماعيا لخدمة أجندتها.
                   |Articles |News |مقالات |بيانات


[رد على الموضوع] صفحة 1 „‰ 2:   <<  1 2  >>




احدث عناوين سودانيز اون لاين الان
اراء حرة و مقالات
Latest Posts in English Forum
Articles and Views
اخر المواضيع فى المنبر العام
News and Press Releases
اخبار و بيانات
فيديوهات سودانيزاونلاين Sudanese Online Videos
صور سودانيزاونلاين SudaneseOnline Images
ويكيبيديا سودانيز اون لاين
Sudanese Online Wikipedia



فيس بوك جوجل بلس تويتر انستقرام يوتيوب بنتيريست Google News
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
About Us
Contact Us
About Sudanese Online
اخبار و بيانات
اراء حرة و مقالات
صور سودانيزاونلاين
فيديوهات سودانيزاونلاين
ويكيبيديا سودانيز اون لاين
منتديات سودانيزاونلاين
News and Press Releases
Articles and Views
SudaneseOnline Images
Sudanese Online Videos
Sudanese Online Wikipedia
Sudanese Online Forums
If you're looking to submit News,Video,a Press Release or or Article please feel free to send it to [email protected]

© 2014 SudaneseOnline.com

Software Version 1.3.0 © 2N-com.de