|
|
|
 Re: أمسخ تلات حاجات في الأسافير (Re: طلحة عبدالله)
|
كنت إلى وقت قريب قبل سفري للإجازة في السودان الشقيق
أعتقد أن الاون لاين أصبح أكثر حاجات الأسافير مساخة
قبل أن تضطرني الظروف لمعاشرة قبيلة الفايسبوك طوال أكتر
من شهر فلم أجد من يفوقهم مساخة ومللا واحباطا وقد وورجغة
والمصيبة حتى الناس الكانوا هنا طالعين في الكفر كراستات وزعماء
كبار لما عاشروا قوم الفيسبوك أربعين يوم ونيف أصبحوا منهم وياللعجب
مساخة كما هي المساخة
ورجغة كما وصفها الكتاب
قد على أصولو
فلسفة زي ما أخترعها الفلاسفة
والعجب عاشقي الذات من جنس البتلقاهو متصور
جمب نخلة واللا نعجة واللا قدام باب بيتم حدث ولا حجر
أما أمسخهم وأكثرهم خستكة على الإطلاق فهم بتاعين القروبات
خصوصا بتاعين المطاعم البستعرضوا محل اتغدوا واتعشوا
وأكلوا الأسكريم ..
يتبع ....
| |
 
|
|
|
|
|
|
|
|
Re: أمسخ تلات حاجات في الأسافير (Re: Munir)
|
الحبيب طلحة .. او كما يحلو لي تسميتك بكاتبي المفضل في البورد ..
تصدق الفيسبوك دا بي مساختو دي هو المتنفس الوحيد للشباب ..
مشكلة الفيسبوك تكمن في عدم احترام الناس للخصوصية بصورة عامة ..
ولكن القول ما قلت ، وزيارتي له شبه موسمية ..
دمت والاخوة المتداخلين هنا بخير ..
| |
|
|
|
|
|
|
|
|
|
Re: أمسخ تلات حاجات في الأسافير (Re: Ahmed Yassin)
|
Quote: 1- الفيس بوك
2- الفايسبوك
3- الفيسبوك
وكل عام وانتم جميعا بخير فضلا عن كوننا مشتاقين ... خخخخخخ
يتبع ... |
و الله صدقته يا طلحة... انا لي قريب السنتين علاقتي بالفيسبوك فقط بعض الاحيان الماسنجر بتاعو لكن صفحتي و شنو شنو داك ابدا ما بفتحهم و برضو بثني كلام قبقبه الواتساب مرض المرض حتى هو و برضو قريب سنتين ما عندي بيهو علاقة و رجعته ليهو في الشهر دا رجعة على خفيييف كده.
و انت بالف خير يا قريبي و ينعاد عليك بالصحة والعافية
| |
|
|
|
|
|
|
|
|
Re: أمسخ تلات حاجات في الأسافير (Re: سفيان بشير نابرى)
|
أوافقك الرأي
الفيسبوك دا أنا مما طلع كاشي منه
ممكن تشوفني تلقاني أصلا ما متواصل مع حد في الفيسبوك
وكمان ما منزله في جوالي لو جات رسالة بشوفها في الإيميل
عندي زميل هندي مطول منه شديد .. جاتني منه رسالة نزلت الفيسبوك في الجوال عشان بس أقول ليهو أنا ما بدخل هنا رسل لي إيميل أديك رقمي
وقد كان رسل لي رقمه وخلصنا
________________________________
يا يحيى قباني راسلني في الإيميل ضروري
[email protected]
| |
|
|
|
|
|
|
|
|
|
Re: أمسخ تلات حاجات في الأسافير (Re: Asim Fageary)
|
سلام يا دكتور منير أنت ووهبة وأتنين تاني عارفم انا
أسمكم ما مكتوب والله .. الكلام عن الهتش الباقي الأوردت عينات منو
فوق دا .. كل سنة وانت طيب يا فردة .
كل سنة وانت طيب يا هشام عبادي وشكرا للإطراء ياخ
الفيسبوك متنفس ولا شك بس لكن زي زحمة السوق العربي
زمان لما يقرب عيد رمضان .. ياخ جنس كواريك وهرجي
يعمل وجع رأس للصداع ذاتو .. وكلو كلام خارم بارم وورجغة
ساي وشوفوا صورتي وأنا أكلت قراصة في مطعم السمك .. خخخخخ
قياني أيها الحبيب المعتق كل سنة وانت طيب والأسرة الكريمة
والأهل أجمعين .
سلام يا أحمد يسن .. تويتر أرحم كتير لأنو على الأقل فيهو
صفوة وناس عارفين وعندهم زبدة المواضيع .
سفيان يا حبيب .. أيوة صاح أنت من الناس الما شايفك بهناك
القول ما قلته عن حوش الواد مارك زوكربيرغ واللا اسمه هو ؟
تحياتي عصام فقيري كل عام وانتم بخير وشكرا لموافقتك الكريمة .
| |
|
|
|
|
|
|
|
|
|
Re: أمسخ تلات حاجات في الأسافير (Re: طلحة عبدالله)
|
الفيس عندو مواسم بكون سوقو ماشي
لما يتلموا ناس وهبة ومنير وأمينوف وأبو علي
لكن غير كدا عليكم الطلاق عشان تدخلوا ربع ساعة
بسب لازم تشيل معاك ربع كيلو ليمون .. خخخخخخخ
خصوصا مع التجار البفتشوا في الدفاتر القديمة وبتاعين
قروبات المطاعم وناس البشوف شنو كدا ما عارف وما يقول
الحمدلله يحصل ليهو شنو ما عارف.. وبتاعين لو بتحب الرسول
صلى عليهو الخ الخ الخ من الخستكة والحشو البطال .
| |
|
|
|
|
|
|
|
|
 Re: أمسخ تلات حاجات في الأسافير (Re: طلحة عبدالله)
|
.
..
.
كيفك يا طلحة ...
كلامك دا اسمو الحقد الطبقي بين الاجيال ...
طبعا انتوا كحجاج بتمثلوا دور أجدادنا القدماء كنتوا بتولعوا النار بواسطة الفرك فااا دايرين الأجيال اللاحقة برضو ما يتطوروا ويقيفوا في محطتكم ومستنكرين عليهم استخدام الغاز والريموت كنترول وتناول الآيس كريم من باسكن روبنز (طبعا انتوا كنتوا بتقولوا للآيسكريم (داردرما)) خخخخخ ...
(مرة ابو بكر عباس قال ناس المسيد لما كانوا بعملوا الشية دخانا بشوش الارسال على ناس مدني) ... خخخخ
داير أقول أدوا الأجيال الجديدة معاكم فرصة ...
ياخي الشباب القائم دا من فتح عيونوا على الدنيا دي لقى رئيسهم هو بشبش فقط لا غير ...
في احباط أكثر من كدة ؟
اسه شوف بكري ابو بكر ، معاوية المدير وقباني ومعاوية الزبير ومنير وعادل الباهي وأبو حسين بالإضافة ليك انت طبعا حاضرين كم حكومة ؟
ياخي انتوا حاضرين جلاء الإنجليز من السودان ...
ولما الأزهري سلم البريطانيين علمم انتوا كنتوا بتصفقوا ...
حاجة اخيرة الإخوان الفوق ديل كلهم قروا الثانوي بالاردية ...
... .
.
.
.
حكمة البوست ...
أم جركم ما بتاكل خريفين ...
| |
|
|
|
|
|
|
|
|
|
Re: أمسخ تلات حاجات في الأسافير (Re: صديق مهدى على)
|
والله يا عزيز القوم صديق رغم انو ما فهمت كيف
يعني ما مؤهلين للفيس وبدري علينا أو بالأصح ما عندنا شجاعة
لكن عندي احساس انو كلامك صاح .. اعتبرنا كما اعتبرتنا .. لكن
الفيسبوك مسيخ وبايخ ومقرف أحيانا خخخخخخخخ .. طبعا دي وجهة نظري
حسب شوفي وقرايتي .
| |
|
|
|
|
|
|
|
|
|
Re: أمسخ تلات حاجات في الأسافير (Re: طلحة عبدالله)
|
فعلاً ياطلحة الفيسبوك ببقى مسيخ لبانة لمن مواضيع البلد تتجمد فى حدث واحد بدون تجديد .. لكن عموماً ممكن تقول إنو الجمهور اصبح ينبض بقلب واحد حيث الموضوع الواحد تلقى الناس ملايكنو لبانة لمن يمسخ ويظهر حدث جديد(لاحظ البلاغة الواضحة فى تعبير "ملايكنو لبانة" ، المزدوج 😁) .. فتلقى حديث الساعة عاملين ليهو كذا شير فى الفيسبوك وفوروورد فى الواتسب وهناك من يتبرع بردم المنبر به، وتغشى اليوتيوب تلقاه مدور .!!. معناها الشعب كله متواصل مع الحدث بمتابعة متوازية والناس كلها فى الصورة .. وتلك حسنة مابطالة .. هسه اليومين ديل المعطة بتاعة عرس الليبرالية والكوز شغالة يتكلم فيها كل من هب ودب.. غطت على معطة الصفوف والعيش .. وياعالم بكرة حيكون الموضوع شنو 😎..
أخونا الأصغر قسم الفضيل ظنى إنو مداخلتك الكتبتها دى بس مداخلة عاصراك ساى وما كنت لاقى حتة تفكها فيها ولقيت البوست ده وقلت تتفسح فيهو بحكاية أم كنجر والل شنو دى دحين، البتأكل خريفين دى 😁😁
| |
|
|
|
|
|
|
|
|
|
Re: أمسخ تلات حاجات في الأسافير (Re: Munir)
|
يا دكتور منير المشكلة في ناس قروبات المطاعم القادين
خلق الله بى وين فطروا ووين اتغدوا ووين أكلوا اسكريم
وبتاعين أعمل نقطة وح يجيك خبر سعيد
والمتصورين جمب باب بيتم وقدام النافورة والمتصورات
والنقلتية والنقلتيات وما إلى ذلك من خرابيط .. طوال شهر
كامل ما لقيت لي موضوع يستحق أن تقيف عندو ساي ناهيك
عن تشارك فيهو .. كلها مجاملات شللية مليانة نفاق اجتماعي
واستعراض لانجازات شخصية لا تتجاوز فائدتها صاحبها
فضلا عن محاولات مستميتة من البعض لجلب أكبر عدد من اللايكات
بطريقة لا تخلو من الاحتيال والكذب البواح المستفز لأنو ظاهر
وما عايز ذكاء عشان تعرف انو كذب ..
أيوة صحيح الفيس موقع تواصل اجتماعي لكن يفترض أن يكون
التواصل دا عندو نكهتو بالطرح المفيد والتداول الرشيق الفيهو
على الأقل طرفة ونكتة وونسة طاعمة ودا كلو شخصيا ما صادفني
إلا ما ندر والله ومن نفرين تلاتة في قائمة الأصدقاء التي تضم المئات.
والله يا منير لو المواضيع المخستكة دي بيتم طرحها في حدود الأصدقاء
أو المجموعات المغلقة ما مشكلة لكنها تطرح على العامة وبطريقة
فوضوية جدا عشان كدا قدر البوستات الفيها مزة ما تلقى طريقة
على الواجهة ودا الجايب مساخة الفيس .. لازم الود زوكربيرج دا
يشوف ليهو طريقة للهرجلة المالية حوشو دا .
.............................
Quote: أخونا الأصغر قسم الفضيل
|
خخخخخخخخخ
| |
|
|
|
|
|
|
|
|
|
Re: أمسخ تلات حاجات في الأسافير (Re: طلحة عبدالله)
|
أوو الفيسبوكي الصفوة ليك وحشة
غايتو أنا ما عندي شغلة في الفيس أو توتر, والواتساب بس عائلي وبعض الأصدقاء الحميمين كله نكات لطيفة وفيديوهات مضحكة وجمعة سعيدة في شكل وردة وصباح الخير الساعة 6 صباحاً ومساء الخير الساعة 12 مساء.
ومرات كتيرة ود البشرى دا يجيب لينا أخبار الواتساب وجخانين الفيس ونحن بنكون خارج دائرة التغطية ما بيكون عندنا بيها علم نهائي
شغال لينا زي أمام الجامع وبيت العرقي
اهم حاجة عجبتني في البوسن دا مداخلة قسم الفضيل
والظاهر لي كان عايز يلصقها في بوست ود المشرف خلجنة السودان
ولما ما لقى هناك من يعبره بعد مداخلته الأخير قام رصاها ليك هنا ببعض التعديات حتى لا تضيع منه الفكرة
وقد نجح لحد ما
فأمسك قروشه عندك وخليه يصل نهاية المحطة
ما علقت لينا على الدرون؟!!
| |
|
|
|
|
|
|
|
|
|
Re: أمسخ تلات حاجات في الأسافير (Re: Frankly)
|
سلام يا فرانكلي الحبيب وكل سنة وانت طيب والأهل أجمعين
طبعا يا فرانكلي أكتر حاجة عجبتني في الفيس انو كشف خواء
بعض الأخوة المنتمين لقبيلة الاعلام .. أكاد أجزم انو بعضهم
بكتبوا ليهو في الجريدة .. ياخ ديل قادين فكرة وإملاء ونحو والله على
ما أقول شهيد ( طبعا ما كلهم أكيد).. أها ديل يا سيدي الفاضل معدنها
كلها صور اغلبا إرشيفية مع الوزير الفلاني والفنان الفرتكاني
والكاتب البرتكاني .. والواحد فيهم لو سافر الكاملين القريبة دي
تلقاهو اليوم التاني فتح ليهو بوست مضمونو كلو صورتو وهو
بشرب شاي في كافتيريا خخخخخخخخ .. والعجب كان سافر برا
البلد .. يا ساتر ولا حول ولا قوة إلا بالله وسبحانه الدائم .. ياخ دا
كل دقيقة بى بوست فيهو صورتو ..
الفيس بوك فضيحة والله للجماعة ديل .. فضيحة زي ما مكتوب في الكتاب.
أنا لو منهم والله ما أعتب أي منبر عام ممكن خلالو يتم اكتشافي كاعلامي
ههههههههههه.
غايتو يا فرانكلي ياها سياستك الفوق دي أظنها بس البتنفع .. قروب أهل
وتهاني بالجمعة والعيد والعرس والطهور والحاجات دي .. .
غير كدا الفيس بوك دا أمسخ تلات حاجات في الدنيا .. خخخخخخخ
.............................
يا فرانكلي ياخ أخونا الأصغر قسم دا جاب لي الرايحة إذن فهو
راجل كلس .. .
| |
|
|
|
|
|
|
|
|
|
Re: أمسخ تلات حاجات في الأسافير (Re: طلحة عبدالله)
|
وامسخ حاجة في الاسافير يا طلحة ان هناك من يعرف قول الحق والحقيقة ولكنه يجبن ان يكتب رايه خوفا من سلاطة اللسان ،،،
الا قلة قليلة،، واظن الامثلة قدامك واضحة،،
مش مساخة وبس لكن فقع مرارة
ومع وافر التقدير والاحترام
| |
|
|
|
|
|
|
|
|
|
Re: أمسخ تلات حاجات في الأسافير (Re: طلحة عبدالله)
|
يافرانكلى يبدو لى أنا أمشى للبوست بتاع خلجنة السودان ده أشوف الحصل شنو بوراى .. اصلو أنا قريت المداخلات الأولى وعرفت إنو الموضوع لقدام حيخستق فقمت جليته .. طبعاً قصة افارقة وعرب دى قربت تعمل لينا شلل رعاش .. لأنها قناعات مصدرها مغروس فى الجينات وغير قابلة للتغيير ..
أها أمشى أشوف ولدنا الأصغر قسم الفضيل هبب شنو .. باقى أنا عارفو قناص ومرات بخش شمال ..
لكين عجبنتى خكمة اليوم بتاعته بتاعة أم جنكر دى .. ذكرنى المخضرم عادل بلير الكان دائماً يختم مداخلته بحكمة اليوم، والتى غالباً بتكون فى عمق البوست وفى التنك رغم انه بكون قاطعها من راسه .. 😁😎
| |
|
|
|
|
|
|
| |
طلحة عبدالله
معاوية المدير
Munir
هشام كمال عبادي
يحي قباني
Ahmed Yassin
سفيان بشير نابرى
Asim Fageary
قسم الفضيل مضوي محمد
صديق مهدى على
جلالدونا
Frankly
7abib_alkul
فيس بوك
تويتر
انستقرام
يوتيوب
بنتيريست