|
Re: اليوم خمر (Re: عبدالحفيظ ابوسن)
|
اليوم قررت أن تملأني روح العيد أن أسعد أنسي الهم والحكومة وفسادها وقلة عقلها وروحها الجلفة المتعفنة اليوم فرح بس ان ابعث روح التفاؤل والامل داخلي ابعث برسائل ايجابية داخل جوانح نفسي
| |
|
|
|
|
|
|
Re: اليوم خمر (Re: معاوية الزبير)
|
عيدكم مبارك يا عيال كوستي ..
احبكم و احب كوستيكم بي بحرها و أهلها و سمكها و فسيخها .. و بي رديفها و دريسها و مرابيعها و أبو شريفها و سراياتها ..
و ملعون أبو الفرقنا ياخ ...
| |
|
|
|
|
|
|
Re: اليوم خمر (Re: يحي قباني)
|
ونحن نحبك يا قباني نحبك جدا نحن قوم مثلك نحب الغناء والفرح نضرب الهم بالفاقة شوف كل الفنانين الزمان بحبو كوستي ابوي الله يرحمو كان بحكي لي عن زنقار في كوستي اييييك ياخ
| |
|
|
|
|
|
|
Re: اليوم خمر (Re: عبدالحفيظ ابوسن)
|
صحيت والقمر في طرف السماء بين البدر والهلال بسمع في مصطفي وقررت كما قرر امروء القيس اليوم عيد سأقاتلهم بأن احيا وافرح ان لا يموت داخلي روح العيد نحن عشاق الحياة سنرتشفها لآخر قطرة في الكأس سنحضن زوجاتنا واطفالنا وسنحضن حبيباتنا ان استطعنا لذلك سبيلا سأحيا اليوم متحررا من كل واجب وهم هل يموت الذي كان يحيا كأن الحياة أبد وكأن الشراب نفد و كأن البنات الجميلات يمشين فوق الزبد عاش منتصباً، بينما ينحني القلب يبحث عما فقد.
| |
|
|
|
|
|
|
Re: اليوم خمر (Re: عبدالحفيظ ابوسن)
|
وليك هدية يا معاوية بي هناك آي ياخ حدثونا حديثا يآنسا ويقصر لينا اليوم حدثونا ياخ عن الجميلين من وطني ستبقي الارض لافتة لنا ولاعداء العصافير كفن حدثونا يا اهل الفرحة تعرف بعد ساعتين بقفل النت وامارس طقس العيد اسوق وليداتي وادخل كل دار في الحي غير منشغلا سوى بالعيد افطر محل كرعيني تقيف
| |
|
|
|
|
|
|
Re: اليوم خمر (Re: عبدالحفيظ ابوسن)
|
وعظمة محبتي لهذا الوطن الوطن الممتد داخل داخل شرياني وعظمة هذا العيد لن ادخل بوستا اليوم غير هذا واغني واغني حتي ينشق حلق الغناء لو كان عندو حلق ولهاة فيها شنو ياخ افرحو غنو ولا غنو افرحو الدنيا مازالت ندية
| |
|
|
|
|
|
|
Re: اليوم خمر (Re: يحي قباني)
|
انساهم الليلة يا صاحب شاعر بيكم وحات العيد دة وشاعر بي الخواء الجواكم والحسرة الليلة انسو اعصروا ذواكركم اتذكرونا اتذكروا زمااان ياخ اتذكروا قدلاتكم بالجلاليب والطاقية البيضا وانتو لافين من بيت لي بيت واصوات المهنئين حولكم وصخب الاطفال والكعك والبتي فورد وحلاوي سعد وحلاوي كركاب
| |
|
|
|
|
|
|
Re: اليوم خمر (Re: عبدالحفيظ ابوسن)
|
اخدت اجازة
قريت اي حاجة كتبها قباني عن امدرمان وعن حقيبتها حتي فول ود سعد
تذكرت عمك النعيم في ابي روف ويافطته هل خطر ببالك ان تتعشي عندي
مررت علي بوستات ود خالتي تضي والتهمتها كلها
عشت مع محمد النور كبر وابداعه
تحدثت مع محمود عن الصحراء
وغنينا محمد محمد الامين وحزنا مع عركي
ثم قررنا ان نفرح معكم فنحن شعب عظيم وان لا نتذكرهم حتي لا يفسدوا لنا فرحة العيد
| |
|
|
|
|
|
|
Re: اليوم خمر (Re: يحي قباني)
|
Quote: .. عد لينا ياليل الفرح داو القليب الإنجرح خليهو يفرح مره يوم طول عمرو ناسيهو الفرح ¤¤¤ عد لينا ماتبكي العيون الشاربه من بحر الخجل عد لينا ماتعدد دروب ريانة بتسيب بالامل عد لينا قبال الخريف يرحل يسيب ايامنا بتصيبه المحل إمكن تطيب اشواقنا يوم وتودي لي شوقك يصل ¤¤¤ لكن ياليل كيفن تعود تتحدي ليل اسود ومن اغلا العهود رياد يسيل كيفن تعود والليل بيتوسد ضفاير حبي زي طفلا" صغير شايلنو شيل إتغني بي حلو الاغاني الطيبه راجيك من قبيلg |
r
سلام عيد سعيد
| |
|
|
|
|
|
|
Re: اليوم خمر (Re: عبدالحفيظ ابوسن)
|
كيف انساكِ وليل الشارع رمى ستايرو وقفل الحتة برج التالى إنشر بدالى وحوش ليك ايامى الستة يوم الليلة يمر بى صبرو احلام باكر كيف تـتأتى يامغلوبة وغالبة زمانك كيف أنساك محال البتة
ياخ ده شعب جميل مافي كلام ...
و ..... العيد يتبارك عليكم
| |
|
|
|
|
|
|
Re: اليوم خمر (Re: تماضر الطاهر)
|
اليوم شربوتا ولحمة انتهت الصلاة ولفة الجيران أكاد أكون صافحت كل مالاقيت في الطرقات يتبعني عمدة وميورة وعلا او ألاحق انا خطواتهم العابثة والمتعسرة وتلفتهم واندهاشهم مما اراه عاديا . فلبست نظارتهم واندهشت معاهم بفرح طفولي غير عابئ
سقيت الناس من قلبى ، حصاد العمر ،
ذوب عروقى الولهى .. باكواب من النورِ
أقبل كل من ألقى على الطرقات ،
من فرحى وألثم أعين الدورِ سند
| |
|
|
|
|
|
|
Re: اليوم خمر (Re: عبدالحفيظ ابوسن)
|
سيعود يا هاشم حتما يعود وغدا نعود كما نود اليوم سندفن فجيعتنا سندفنها في ضحكة صادقة وعامر اليوم سأسرق قلب اطفالي سأتعلم منهم سأتعلم منهم كيف افرح كيف اضحك كيف اتجاوز حزني كمية من السيلفي مع اطفالي سمحت لنفسي ان أكون مثلهم ام هم سمحو لي بذلك غمروني بروحهم وتركت نفسي لهم منسابة كماء رقراق في جدول تحفه الطيور المغردة
| |
|
|
|
|
|
|
Re: اليوم خمر (Re: عبدالحفيظ ابوسن)
|
يا ابوالريش دة شعب أسطي شعب طيب الطيبة التي لا تعني السذاجة وسبر الروح الكلمة الزينة نحن عندنا الحسنة معطت شنب الاسد ونحن عندنا ولا يهمك حصل خير ومافي داعي للاسف
| |
|
|
|
|
|
|
Re: اليوم خمر (Re: عبدالحفيظ ابوسن)
|
هسي الواحد يقول شنو يدخل وين الكلام عجبني كلامكم كلكم قلت الناس ديل كلهم حزنانين لكين الليلة فرحانين قلت افرح زيكم،،،مرم وعلي السودان بالتلاتة ما قدرت اعفوا لي،،،وكل سنة وكل ثانية وانتوا جت عليكم فرحانين ،،،،، الله لا بكسبهم دنيا وآخرة
| |
|
|
|
|
|
|
Re: اليوم خمر (Re: Osman Awoda)
|
استجبت لدعوة ابو سن المعاندة للحاصل وقررت أفرح شكرا ليكم جميعا
أبو سن زاتو قباني السنوسي بدر هاشم أحمد آدم محمد أبو العزائم تماضر الطاهر هاشم الحسن عثمان عووضة
والجايين لكم كل الحب والفرح.. وغدا أمرُ
| |
|
|
|
|
|
|
Re: اليوم خمر (Re: Nasser Amin)
|
واتا شديد ولضيض يا هاشم الحسن فرحت جدا بالعيد فرح حقيقي ولم اقل لا لأي اقتراح مقدم من الاسرة ارح اليوم الاول نعيد مع ناس امي جدا نغشي فلان جدا فلانة جدا وواقع سلام في كل اهل الشارع صغيرهم وكبيرهم ضكرهم وانتايتهم فطرنا مع نسابتي وسقت ولدي عمدة ومرقنا تلاتة ساعات من المشي تتخلها الزيارات ولكن قلت لا للشربوت خفت اسكر . قطعت لي كبايتين ون قو وقافي عند ناس عمي وراسي لف فرفضته لاحقا لم آل غير لحمة وبصل فقلت لا خفت اطق رجعت نمت صحيت وسأواصل فرحي بعد افضا منكم
| |
|
|
|
|
|
|
Re: اليوم خمر (Re: عبدالحفيظ ابوسن)
|
ومالو يا عووضة وبكرة كمان الاستمتاع بالعيد لا يعطل عجلة الثورة وتناسي الحزن لا يعني نفيه انسي يا صاحبي وحياة خوتك ناسي هموم لو حكيتها ليك تبكي وتغلب السكات هموم عام وخاص
| |
|
|
|
|
|
|
Re: اليوم خمر (Re: عبدالحفيظ ابوسن)
|
شكرا معاوية شكرا تماضر الفرح ما بغلبنا ياخ سنولده من ركام الهم والحزن الحزن والهم يستهلك الروح يا صاحبة انك تنضمين من حبات الهموم شعرا جميلا فكذلك قادرة علي الفرح انسي ياخ لا تأسي علي شئ ولا تقسي علي نفسك اضحكي بدون سبب وتبسمي تمثيلا بعد ثانية ستنطبع بسمة مشرقة وطبيعية علي وجهك لا احن منك علي نفسك ولا متعاطف افضل منك علي نفسك ولا محب ابسطي روحك فإن لنفسك عليك حقا حقها ان تفرحيها
| |
|
|
|
|
|
|
Re: اليوم خمر (Re: عبدالحفيظ ابوسن)
|
صديقي الذي هناك جلال واتا طيب واسرتك وكل الناس بدون فرز كل الشعب الطيب في منافي الارض ومطارات المدن الاجنبية من يتنسمون الوطن ذكري وخفقة قلب
| |
|
|
|
|
|
|
Re: اليوم خمر (Re: عبدالحفيظ ابوسن)
|
كل عام وانت واسرتك وكل الصحاب هنا بخير وصحة وعافية وربنا يحقق الأماني لن ننسى فرحنا ولن نتنازل عنه أبدا فجذوته متقدة بداخلنا ولن تخبو
عيد سعيد
| |
|
|
|
|
|
|
Re: اليوم خمر (Re: حمد عبد الغفار عمر)
|
واتا طيب حمد واسرتك اطيب مابنخليهم يأكلو روحنا ولا قدرتنا علي الضحك والفرح جذوة فرحنا متقدة لأننا نحب الحياة نحن ليس مثلهم نحن نقتات علي الحب وهم يقتاتون الكراهية الضوء يغسلنا .. وبنظف دواخلنا وهم يلتهمون الظلام والعتمة
| |
|
|
|
|
|
|
Re: اليوم خمر (Re: عبدالحفيظ ابوسن)
|
قالوا :أوفى الجنة خمر قال: نعم، خمر من عسل مصفى، لكنه لا يسكر. قلت: لعله يجمع الاحباب و ينعش العقول ويندي الأبدان ويقشع الهموم، اقول قولي هذا واحسب هذا البوست يفعل مثله تحية لك يا حبيب وعيد سعيد.
| |
|
|
|
|
|
|
Re: اليوم خمر (Re: عمر التاج)
|
لعله يا عمر فلايذهب العقول بل يحضر المشاعر الونسة دون قيد او شرط ونسة سودانية عامرة وغامرة ضحك ولم اتكلم في السياسة ولا الوضع الآخر فاليوم خمر خمر المؤانسة والاحباب والمساء ليدو مع الاسرة
| |
|
|
|
|
|
|
Re: اليوم خمر (Re: عبدالحفيظ ابوسن)
|
لن يستطيعو يا عربي سيطلع دينهم لا ديننا فديننا لايشبه دين بني امية دين انسانية وتكافل ومحبة دين اجر وصلي ودين شيل مع اخوك وارفع منو والفقرا اتقاسمو النبقة
| |
|
|
|
|
|
|
Re: اليوم خمر (Re: عبدالحفيظ ابوسن)
|
لن يستطيعو يا عربي سيطلع دينهم لا ديننا فديننا لايشبه دين بني امية دين انسانية وتكافل ومحبة دين اجر وصلي ودين شيل مع اخوك وارفع منو والفقرا اتقاسمو النبقة
| |
|
|
|
|
|
|
Re: اليوم خمر (Re: محمد حيدر المشرف)
|
***
سلام الفاضل ابوسن. و ضيوفه الكرام . كل سنة وانتم اطيب . اليوم رمي الجمرات. و ليس خمرا ... ...
*** مداخلة ع عجل...
،،،،
عزالدين عباس الفحل مكة المكرمة . السعودية
| |
|
|
|
|
|
|
Re: اليوم خمر (Re: عزالدين عباس الفحل)
|
الإهـــــداء
إلى الذي ظلت البشرية .. تنتظره وتترقب ظهوره .. إلى الإنسان!! ثم .. إلى الرجال والنسوان هل تحلمون به؟؟ إنه فيكم!! يظهره القرآن .. ---
كأننا نسمع وقع أقدامه مهدوا سبل الرب أجعلوا طرقه مستقيمة
light @ the end of the tunnel
| |
|
|
|
|
|
|
Re: اليوم خمر (Re: عبدالحفيظ ابوسن)
|
واتا طيب يا الفحل الطائفون حول البيت يرمون في الجمرات ونحن الطائفون في جحيم الانقاذ نرميهم بكل سلاح لدينا اللهم اقذف بهم في جحيم نيرانهم ولا تترك منهم احدا هم ومن يشايعونهم ومن يستحسنون عملهم والمتلذذين والساخرين من عذابنا
| |
|
|
|
|
|
|
Re: اليوم خمر (Re: مامون أحمد إبراهيم)
|
كوستي.. و ربما حي النصر و عموما.. كوستي و الكوستاويين حلويين ربنا يخليهم و يجعل أيامهم أفراحا... و عيدكم سعيد و بخيت ههههه الشعب السوداني اعتقد ما شاف الخمر البتقصدو من 89 و كل أيامهم أمر... و اللهم اجعل أيامنا فرحا و سعيدا كما تتمناها لنا الحبيب ابوسن و التحية و التقدير لكل الحضور موتي و تقديري و اللهم صلي علي كامل النور
| |
|
|
|
|
|
|
Re: اليوم خمر (Re: عبدالحفيظ ابوسن)
|
سأعود ==== عود لينا يا ليل الفرح داوي القليب الانجرح قول ليهو يفرح مرة يوم طول عمرو ناسيهو الفرح ==== يا حفيظ.. تقّلت الشربوت ولّ الفرح؟
| |
|
|
|
|
|
|
Re: اليوم خمر (Re: عبدالحفيظ ابوسن)
|
تقلت الفرح يا هاشم الشربوت مع السكري مشكلة التزمت التزام تام بنثر الفرح داخل ذاتي لم اقل لا ابدا لأي مقترح لأي برنامج مشيت مشي يكفي شهر المركوب عمل لي مشاكل بالنهار لف وبالليل ليدو صاخب مع الاسرة اتغلبت غلب وقربت ازعل من مشاغلات اولادي حسن لعبك ارفع مستواك لوزر looser لكن قاتلت الشعور السالب وعملت فيها رياضي لكن مغتاظ
| |
|
|
|
|
|
|
Re: اليوم خمر (Re: عبدالحفيظ ابوسن)
|
هههها المركوب، كان دايرلو تطويع قبل العيد سحبة سحبتين لكن والله U R the WINNER لما فرحتني أنا ذاتي، ما أحلاها وأكرمها من عدوى..
| |
|
|
|
|
|
|
Re: اليوم خمر (Re: muntasir)
|
ام فتفت في يا لطيف اول مرة اشوف ام فتفت في عيد الضحية حسب مادرسونا يمكن الاشتراك في ضحية العيد السنة دي حصلت شراكات كتيرة واول مرة اشوفها الناس اتشاركت عجول للضحية . في الضان المرارة وفي البقر ام فتفت واحد صحبي قال بشتري كرامة بس لقاها غالية قال لي بشتري عنبلوك ودة كلو عشان اولادو قلت ليهو لو تخليها او تشتري 3 كيلو ضان بتخلي اولادك ضحكة ونكتة وسط الشفع اشتركوا عجل معاهو اربعة
| |
|
|
|
|
|
|
Re: اليوم خمر (Re: عبدالحفيظ ابوسن)
|
جعل الله أيامك كلها أعياد وجمّل (للفرح) ممشى ممشى عريض يفوقهم في حسن الظن مهما ساءت ظنونهم بس لو قدرنا أن نهزمهم بهذه الروح يومااااتي كدا !!! تحياتي لك أب سن وكل عام وأنت والأولاد بألف خير
| |
|
|
|
|
|
|
Re: اليوم خمر (Re: عمر أبوعاقلة)
|
يا ابو عاقلة مرة طربان شلت صوتك شان اغني اقيفي معاي نشيل كتف الغنا الميل نحن شعب بسيط جدا يا صاحب قادرين ان نغير مزاجنا بي ختة كرسي في شارع البيت ولا فنجان جبنة ولا غنية اعددنا لهم ما استطعنا من الفرح وحب الحياة نعبئ به قدرتنا علي الصمود والنضال ضدهم
| |
|
|
|
|
|
|
|