بت السودنة

شرح مفصل و معلومات للتقديم للوتري 2020
إلى ذاكرة خريجي الهند ..مع التحية ًِ
Etihad Airways APAC
منتديات سودانيزاونلاين    مكتبة الفساد    ابحث    اخبار و بيانات    مواضيع توثيقية    منبر الشعبية    اراء حرة و مقالات   
News and Press Releases    اتصل بنا    Articles and Views    English Forum    ناس الزقازيق   
مرحبا Guest
اخر زيارك لك: 23-10-2018, 06:23 PM الصفحة الرئيسية

المنبر العام
نسخة قابلة للطباعة من الموضوع   ارسل الموضوع لصديق   اقرا المشاركات فى شكل سلسلة « | »
اقرا احدث مداخلة فى هذا الموضوع »
08-08-2018, 05:44 PM

ياسر بيناوي
<aياسر بيناوي
تاريخ التسجيل: 18-05-2009
مجموع المشاركات: 4898

للتواصل معنا

FaceBook
تويتر Twitter
YouTube


بت السودنة

    05:44 PM August, 08 2018

    سودانيز اون لاين
    ياسر بيناوي-للاسف هنا دا
    مكتبتى
    رابط مختصر

    بت السودنة



    والكلام دا حصل في مطلع تسعبنيات القرن الماضي والعبد لله كان في أولي ثانوي .
    ذات يوم خريفي بديع لبست البنطلون البني والقميص الابيض وشلت .ومن امس كنت مجهز بنطلوني ال ( مايكل جاكسون ) وقميصي ال ( تحرمني منك ) وعطر المفضل آنذاك ال ( ون مان شو ) وختيت الحاجات دي بعناية داخل كيس وختيتو في صندوق اعد خصيصا لهذة المهمة في عجلتي الفونكس الجديدة بالمناسبة العجلة الفونكس الجديدة الزمن داك تعادل حاليا بالجنيه السوداني برادو وشوية .
    المهم لبست ساعتي في يدي اليمين كالعادة . وطبعا كان عندي راي حاسم في الموضوع دا وبتزكر مرة الاستاذ سألني انت بتنتمي لاي جماعة او تيار ؟ قلت ابدا ما عندي علاقة بأي تيار
    قال لي طيب ليه لابس الساعة باليمين . قلت اهااااا يا استاذ براااك سألتني . طيب الساعة دي الصنعها منو ؟ مش الخواجة ؟ قال نعم
    قلت ليهو طيب القال تلبسوها بالشمال منو ؟ مش الخواجة برضو ؟ قال لي ايوة
    قلت ليهو طيب يعني الخواجة يعمل اي حاجة ونحن نقعد طراطير ساي ؟ انا ياسر دا قلت الساعة تتلبس باليمين

    المهم ركبت عجلتي والمفروض اتجه شمالا حيث مدرسة النيل الثانوية بنين لكن العجلة براها لفت واتجهت شرقا حيث الاميرية الثانوية بنات وفي الموقع المحدد والساعة تشير الي ال 7:45 ص وكان هذا ميقات اللقاء الصباحي والذي يتجاوز الدقيقتين فقط وقفت عملت فيها بنفخ في لستك العجلة وفي نفس اللحظة جات زولت ماشة بجمبي وطبعا الزمان داك كان تبادل الخطابات اصعب من تبادل الاسري في الحرب العرقية بين الهوتو والتوتسي برواندا الشقيقة

    عشان كدة سريع سريع ناولتها كتاب الجبر وناولتي كتاب التاريخ وطبعا لا يخفي علي فطنة القارئ ان الجوابات بداخل الكتابين
    المهم ركبت عجلتي ومشيت المدرسة وانا في قمة النشوي والسعادة . قفلت العجلة بالجنزير في المكان المخصص لها واتخذت ركنا قصيا وفتحت كتاب التاريخ وتحديدا في الصفحة البتتكلم سياسة بسمارك الخارجية .قلت انا مالي ومال بسمارك وسياستو الخارجية انا المهم عندي سياسة قلبي الداخلية
    لقيت الجواب كالعادة معطر بنفس العطر وطبعا الظرف ما فيهو اسم او عنوان فقط مرسوم عليهو قلب وسهم
    .
    .
    .
    .
    بالله دي حكومة دي ؟
                   |Articles |News |مقالات |بيانات

08-08-2018, 05:50 PM

ياسر بيناوي
<aياسر بيناوي
تاريخ التسجيل: 18-05-2009
مجموع المشاركات: 4898

للتواصل معنا

FaceBook
تويتر Twitter
YouTube


بت السودنة (Re: ياسر بيناوي)

    يللا وانا قاعد في ركني القصي داك وفتحت الجواب وطبعا الشوق سابق العينين .وبديت اقرأ بعد التحايا والسلام العاطر الكلو محبة وشوق وبعدو العبارة الشهيرة ( كمنا نحن الحمد لله لا ينقصنا سوي عدم رؤياكم الغالية ) والزمن داك لا بنعرف ديالتيك ولا نفي النفي اثبات ولا يحزنون .
    يللا وانا مواصل في القراية بشوق رهيب .
    طبعا الليلة عيد ميلادك وانت اكييييد ما متزكر صح ؟ خلاص العصر لازم تجينا في البيت شان ماما عاملة ليك مفاجأة . في اللحظة دي بالذات راسي جاط وفيوزاتي كلها ضربت . امشي ليهم في البييييييت ؟ وماما عاملالي مفاجأة ؟ . ماما عرفت بعلاقتنا دي ؟
    اكييييييد المفاجاة عايزاني امشي ليهم في البيت وتقفل باب الشارع وتحرش فيني كلابهم الصعبة ديك ؟ ( طبعا عندهم كلبين الواحد اساسا كان حصان وللا اسد ما عارف وفجأة غير رايو وبقي كلب ضخمات ضخامة مبالغ فيها . الواحد لمن يقول نجرررررررر اسنانو كلها بتظهر زي الكجام بالظبط ) .
    وانا سارح وبفكر في الماجأة دي جرس الطابور ضرب مشيت الطابور وانا لازلت مع السرحة .خشينا الفصل واستاذ الرياضيات شغال وانا ما جايب خبر . فجأة ضربني بالسوط في كتفي وقال لي يا زول انت وين ؟ قلت ليهو قاعد . قال طيب ليه ما بتحل ؟ انا مش قلت حلوا المسالة رقم 4 قلت ليهو لا لا بفكر في الحل وح انزلو في الكراس هسه . وطبعا انا لا عارف المسألة 4 ولا في ياتو تمرين ذاتو .ودفرت الكتاب نظام وقع مني وقام صاحبي القاعد جمبي مبارك فهمها ورفع الكتاب وفتح الصفحة . والاستاذ ما زال واقف وانا لسه مشغول بالمفاجأة قريت المسألة والحمد لله مستواي في الرياضيات ممتاز وطوالي بديت في الحل واصلو ما وقفت لمن انتهيت منها . هنا الاستاذ قعد يضحك ويصفق وطلع من الفصل . مشي جاب ليهو كم استاذ ومعاهم وكيل المدرسة . وقال ليهو اوريكم انا ناديتكم لي شنو ؟
    قوم يا ياسر .طوالي وقفت .
    قال ليهم الطالب دا شاطر وذكي وطوالي بشارك في الحصة . الليلة لاحظت ليهو اصلو ما شارك وسااااااارح قلت ما مشكلة .لكن سرحة تخليهو يحل المسألة صاح لكن في الدرج مافي الكراس ؟
    هنا الاستاذة والطلبة كلهم ماتو بالضحك .قام وكيل المدرسة وهو رجل وقور ومحترم ومحبوب جدا وبحب يهظر مع الطلبة . قال مالك يا ولدي ؟ بتحب
    قلت ليهو : ايوة وسط دهشة الجميع
    وهو ذاتو اندهش للاجابة الغير المتوقعة دي . وبكل صرامة الدنيا والعالمين قال لي : بتحب منو
    قلت ليهو : بحب الله والرسلا واحب الفائز البطلا
    وتااااااني الفصل ضج بالضحك
    .
    .
    .
    .
    .
    .
    بالله دي حكومة دي ؟
                   |Articles |News |مقالات |بيانات

08-08-2018, 05:55 PM

ياسر بيناوي
<aياسر بيناوي
تاريخ التسجيل: 18-05-2009
مجموع المشاركات: 4898

للتواصل معنا

FaceBook
تويتر Twitter
YouTube


بت السودنة (Re: ياسر بيناوي)

    المهم يومي الدراسي داك بي خيرو وبي شرو انتهي .وطبعا البرنامج اتغير انا كنت متوقعا في الجواب تقول لي ح نتلاقي جمب شجرتنا العزيزة ( شجرة حبنا ) ودي كانت قريبة من بيتم علي النيل في الحتة ال بين حوض السباحة ومشرع بنطون الفاضلاب الله يطراهو بالخير . لكن طلع مكان التلاقي في بيتم والزمن بعد المغرب . المهم رجعت البيت وانا لسه بفكر في مفاجأة امها .وبقيت منتظر المغرب يجي بفارق الصبر .
    اها لمن المواعيد جات خشيت في ال ( المايكل جاكسون ) وال ( تحرمني منك ) الما خمج وركبت البرادو ( اقصد الفونكس ) وخليت نادي الامير علي يدي الشمال متجها صوب المعشوقة . طبعا حي السودنة عبارة فلل صغيرة في الغالب من طابقين وحديقة غناء وريفة والشوارع تسود فيها اشجار اللبخ العتيقة . ويقطن حي السودنة في العادة كبار موظفي السكة حديد . يللا زولتي دي ابوها قسيس في الكنيسة الجمب استاد عطبرة وامها موظفة كبيرة في هيئة سكك حديد السودان .
    وصلت قدام البيت ومتردد بين الخوف والشوق والفرح غايتو حالة كدة ما بقدر اوصفها ليكم . المهم دقيت الباب وايدي ترجف في ( السقاطة وقلبي لهيبو يبق ) .جاء اخوها الصغير فتح الباب .سلمت عليهو . انت ياسر ؟ . ايوه
    ناس ماما وفيفي منتظرنك في الحديقة ( الليييييييلة الحديقة دي محل الكلاب ذاااااتو ) وبقيت ادرس في المكان جيدا عشان اشوف اقصر حيطة ممكن الواحد يتلب منها . ومشيت علي الحديقة والعرق نازل زي الزول الزنقتو مطرة والكرعين يرجفن غايتو جنس بشتنة
    في الحديقة لقيتم راسين الكراسي والزهور حوالينا وخاتين المسجل ومشغلين عبد الحليم حافظ بصوت هااااادي
    سلمت عليهم ومع انو الجو احتفالي بديع والكلاب مافي ليها اثر لكن برضو اخوكم متوجس خيفة
    يللا هي قامت قالت لي طبعا انا كلمتها انو عندي صديقي اسمو ياسر عيد ميلادو الليلة وقامت قالت الا تعمل ليك مفاجأ وتعمل التورطة وتحتفل معانا هنا ( انا في سري طيب ما كان تقولي كدة في الجواب مالك مجهجة يومي يجهجك جعفر عبد الرازق جمب راية الكورنر شاحد ربي . طبعا جفر عبد الرازق ملك الترقيص برقص الباكات جمب راية الكورنر . بعدين القال ليكم منو انا بسووا لي عيد ميلاد ؟ والله اصحابي يسمعوا بالموضوع دا يجونا متلبين ويخربوا الاحتفال ويكشحونا بالتراب ) .
    المهم ماما طلعت زولة ظريفة جدا وسألتني انت ود منو وعرفت ابوي وطلعوا في قسم واحد ومكاتبهم جمب بعض .يللا بعد افكاري السوداء ديك راحت وانطلقت اساريري طوالي اندحت في الونسة والاحتفال والبهجة . حقيقة كان يوم لا ينسي



    وفي الحلقة القادمة نواصل
    .
    .
    .
    .
    بالله دي حكومة دي ؟
                   |Articles |News |مقالات |بيانات

08-08-2018, 07:20 PM

Abdullah Idrees
<aAbdullah Idrees
تاريخ التسجيل: 05-12-2010
مجموع المشاركات: 2399

للتواصل معنا

FaceBook
تويتر Twitter
YouTube


Re: بت السودنة (Re: ياسر بيناوي)

    قصة لذيذة بالذات انها حصلت في عطبرة .. نادي النيل ، السودنة .. لييه ما جبت سيرة حي المعلمين ياخ ما في شارعك ؟

    بعدين تحرمني منك في التسعينات ده كيف يعني ؟ الله يقطع ابكر المستنير ويقطع يومو
                   |Articles |News |مقالات |بيانات

08-08-2018, 07:38 PM

ابو جهينة
<aابو جهينة
تاريخ التسجيل: 20-05-2003
مجموع المشاركات: 20267

للتواصل معنا

FaceBook
تويتر Twitter
YouTube


Re: بت السودنة (Re: Abdullah Idrees)

    تحياتي ياسر

    يا سلام ياخي
    خليتني اعيش في جو اتبراوي خاصة سيرة السودنة والعجلة.

    واصل واتحفنا

    دمتم
                   |Articles |News |مقالات |بيانات

08-08-2018, 10:44 PM

ABUHUSSEIN
<aABUHUSSEIN
تاريخ التسجيل: 14-08-2002
مجموع المشاركات: 31109

للتواصل معنا

FaceBook
تويتر Twitter
YouTube


Re: بت السودنة (Re: ابو جهينة)

    ياسر يا بيناوي سلام كتير
    ياخ نورت المنبر بعد غيبة و ان شاءالله نشوفك كتير
    رجعتنا لي الايام الخوالي ....
    و قصتك دي متابعها من الفيس و سرقتها كمان ... 😂😂😂😂

    يديك العافية
                   |Articles |News |مقالات |بيانات

08-08-2018, 11:38 PM

ياسر بيناوي
<aياسر بيناوي
تاريخ التسجيل: 18-05-2009
مجموع المشاركات: 4898

للتواصل معنا

FaceBook
تويتر Twitter
YouTube


Re: بت السودنة (Re: ABUHUSSEIN)

    حبيبنا الغالي دوما ابوجهينة

    تحياتي وتحيات اتبرة الطيبة
    .
    .
    .
    .
    .
    بالله دي حكومة دي ؟
                   |Articles |News |مقالات |بيانات

08-08-2018, 11:32 PM

ياسر بيناوي
<aياسر بيناوي
تاريخ التسجيل: 18-05-2009
مجموع المشاركات: 4898

للتواصل معنا

FaceBook
تويتر Twitter
YouTube


Re: بت السودنة (Re: ابو جهينة)
                   |Articles |News |مقالات |بيانات

08-08-2018, 11:33 PM

ياسر بيناوي
<aياسر بيناوي
تاريخ التسجيل: 18-05-2009
مجموع المشاركات: 4898

للتواصل معنا

FaceBook
تويتر Twitter
YouTube


Re: بت السودنة (Re: ابو جهينة)

    حبيبنا الغالي دوما ابوجهينة

    تحياتي وتحيات اتبرة الطيبة
    .
    .
    .
    .
    .
    بالله دي حكومة دي ؟
                   |Articles |News |مقالات |بيانات

08-08-2018, 11:29 PM

ياسر بيناوي
<aياسر بيناوي
تاريخ التسجيل: 18-05-2009
مجموع المشاركات: 4898

للتواصل معنا

FaceBook
تويتر Twitter
YouTube


Re: بت السودنة (Re: Abdullah Idrees)

    حبيبنا عبدالله
    شوق الشوق ياخ


    ابكر المستنير بالغ فوكا والله

    .
    .
    .
    .
    .
    بالله دي حكومة دي ؟
                   |Articles |News |مقالات |بيانات

09-08-2018, 00:26 AM

Basamat Alsheikh

تاريخ التسجيل: 15-08-2015
مجموع المشاركات: 2587

للتواصل معنا

FaceBook
تويتر Twitter
YouTube


Re: بت السودنة (Re: ياسر بيناوي)

    ياسر
    الله يجازيك بالخير ،،،
    ياخي ما بكيتنا ،
    ومع تحياتنا النواضر يا ود عطبرة والشارب من الاتبراوي
    وخليتنا نفك الصوم من الكتابة وجينا نسلم عليكم
    ودمت بالف خير وصحة وعافية
    بسمات الشيخ عبد الرحيم
                   |Articles |News |مقالات |بيانات

09-08-2018, 11:13 AM

ياسر بيناوي
<aياسر بيناوي
تاريخ التسجيل: 18-05-2009
مجموع المشاركات: 4898

للتواصل معنا

FaceBook
تويتر Twitter
YouTube


Re: بت السودنة (Re: Basamat Alsheikh)

    الغالية بسمات
    تحياتي ومرحب بعودتك للكتابة





    .
    .
    .
    بالله دي حكومة دي ؟
                   |Articles |News |مقالات |بيانات

09-08-2018, 12:02 PM

ولياب
<aولياب
تاريخ التسجيل: 14-02-2002
مجموع المشاركات: 3542

للتواصل معنا

FaceBook
تويتر Twitter
YouTube


Re: بت السودنة (Re: ياسر بيناوي)


    يا سلام يا ياسر ،،، قلوبنا أخضرت .
                   |Articles |News |مقالات |بيانات

09-08-2018, 01:10 PM

ياسر بيناوي
<aياسر بيناوي
تاريخ التسجيل: 18-05-2009
مجموع المشاركات: 4898

للتواصل معنا

FaceBook
تويتر Twitter
YouTube


Re: بت السودنة (Re: ولياب)

    حبيبنا ولياب

    ان شاء الله دائما قلوبكم مخضرة ياخ

    .
    .
    .
    بالله دي حكومة دي ؟
                   |Articles |News |مقالات |بيانات

09-08-2018, 01:12 PM

ياسر بيناوي
<aياسر بيناوي
تاريخ التسجيل: 18-05-2009
مجموع المشاركات: 4898

للتواصل معنا

FaceBook
تويتر Twitter
YouTube


Re: بت السودنة (Re: ياسر بيناوي)

    بت السودنة ( 4 )

    وفي نهاية الليلة السعيدة وانا خلاص بودع فيهم ماما قالت لي اعتبر البيت بيتك وتشرف في اي وقت وياريت تاني تجي تزاكر مع فيفي . المهم مع السلامة مع السلامة وخرجت من عندهم مشبع بهم ( كما قال استاذنا بشري الفاضل ) حتي رايت ( اللبخ ) طربان ويتراقص زي البيسمع في عثمان حسين ( خلاني لاموني عابوا عليا هواك ) وركبت العجلة وحسيت بيها جارية بدون احرك البدال . وفي صباح اليوم التالي مشيت موعد اللقاء الصباحي وطبعا بقي مافي حوجة لتبادل الكتب الجواها الجوابات والحركات بتاعة المراهقين دي ههههه . نحن بقينا نخش البيوت من ابوابها كدة . المهم لاقيتا وبعد التحايا والاشواق والعوارات بتاعة المحبين ديك قلت ليها : اها الليلة نمشي شجرتنا وللا نمشي البلدية ؟ قالت لي : البلدية احسن شان بعدها ماشة ناس خالتي في الفكي مدني . في اللحظة دي صاحبتها سلوي ( الثقيلة ) . طبعا هي ما ثقيلة ولاحاجة بالعكس زولة ظريفة جدا لكن انا ما بدورها لانها بتجي في اوقات عجيبة وتخرب لينا ونستنا . غايتو ساقتا ومشت وانا مشيت علي مدرستي .
    بعد الطابور خشينا الفصل لكن استاذ الرياضيات ما جاء . قام مبارك صاحبي قال لي يا ياسر والله انت ليك كم يوم ما طبيعي والفصل دا كلو بقي يعلق عليك في ناس قالوا بتشرب بنقو وفي ناس قالوا بقيت تسكر يازول مالك الحاصل شنو ؟ قلت ايوة ان سكران وسكران فل ( نطط عيونو ) كيف يعني ؟
    قلت ليهو سكران بيها يا مبارك سكران بيها هي .
    وحكيت ليهو القصة من بدايتها لحدي اللحظة . ودي كانت الدقسة . ولي قدام ح تعرفوها دقسة ليه . المهم انتهي اليوم الدراسي .ورجعت البيت غيرت واتشيكت وبقيت مارق مشيت لقيتها واقفة منتظراني قدام باب البيت سقتها وبقينا ماشين وفي شوراع السودنة البديعة مرة تلاقينا وردة تمد راسها بي فوق السلك وترمقنا بنظرة اعجاب ومحبة ومرة شجرة نخيل تداعبنا باطراف الجريد ومرة تبتسم لينا شجرة حنة .لحدي ما وصلنا حديق البلدية . وبرضو عندنا فيها موقع ثابت وظريف . جالسين وحولنا كل اصناف البهجة والاطفال منتشين وعصافير البلدية تزغزغ وتمت الناقصة لمن جاتنا بنية عسوووولة عمر 3 سنة قعدت في نصنا وبقينا نتونس معاها وجبنا ليها غزل البنات ( يعني حلاوة قطن قال سموها كدي ) . بعد شوية نلقي الناس يتاجروا . في شنو ؟ عبد الكريم جاء ( عبد الكريم دا كان ضابط نظام عام مكره الناس في عطبرة ) . طبعا كنا عايزين نقوم جارين لكن البنية نوديها وين ؟ . قام ابوها جاء في نفس اللحظة الوصلنا فيها عبد الكريم وبصوته الكريه ( تعالوا هنا يا صعاليك ) هنا ابو البنية اتدخل : يازول احترم نفسك #################### انت . ومشي عليهو ( اتضح انو ضابط في المدفعية ) . غايتو ما عرفت الدار بيناتم شنو لكن عبد الكريم دور عربيتو وفات وابو البنية جانا راجع مبتسم وقال : طالما انا موجود ما تشيلو هم . انتو ماشين علي وين ؟
    فيفيان : ماشين السودنة
    الضابط : خلاس انا ماشي القيادة اركبوا نوصلكم وركبنا لمن وصلنا بيت ناس فيفي وهو وزوجتو وبنيتم فاتو .
    اهااااااا اتاريهو مبارك مشي حكي لكل طلاب المدرسة لي درجة اني بقيت اجي ماشي واسمع ليك الشباب ( فيفيان يا اخواني جنوبية حبت ليل الخرطوم . فيفيان يا اخواني قبطية حبت زولك الملخوم )
    المهم اغنية الاستاذ النور الجيلاني راجت رواج غير عادي في المدرسة لمن الاساتذة انتبهوا
    .
    .
    .
    .
    نواصل
    .
    .
    .
    .
    بالله دي حكومة دي ؟
                   |Articles |News |مقالات |بيانات


[رد على الموضوع] صفحة 1 „‰ 1:   <<  1  >>




احدث عناوين سودانيز اون لاين الان
اراء حرة و مقالات
Latest Posts in English Forum
Articles and Views
اخر المواضيع فى المنبر العام
News and Press Releases
اخبار و بيانات
فيديوهات سودانيزاونلاين Sudanese Online Videos
صور سودانيزاونلاين SudaneseOnline Images
ويكيبيديا سودانيز اون لاين
Sudanese Online Wikipedia



فيس بوك جوجل بلس تويتر انستقرام يوتيوب بنتيريست Google News
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
About Us
Contact Us
About Sudanese Online
اخبار و بيانات
اراء حرة و مقالات
صور سودانيزاونلاين
فيديوهات سودانيزاونلاين
ويكيبيديا سودانيز اون لاين
منتديات سودانيزاونلاين
News and Press Releases
Articles and Views
SudaneseOnline Images
Sudanese Online Videos
Sudanese Online Wikipedia
Sudanese Online Forums
If you're looking to submit News,Video,a Press Release or or Article please feel free to send it to [email protected]

© 2014 SudaneseOnline.com

Software Version 1.3.0 © 2N-com.de