|
|
|
 Re: في بيتنا دكتور والحمدلله (Re: محمد المسلمي)
|
ربنا يحفظه وتفرح بيهو وبى اخوانه يارب
الحمد لله ان والدته لها خصوصية في ادارة التعليم العام للقبول
لان نسبة (78%) دي قليلة كنسبة لكن ومعاها (12%) بتبقى ممتازة ممتازة
طبعا دراسة الطب دي تعني ان الولد حيكون طالب طول عمره
حتى بعد التخصص لانه لازم يكون مواكب تطور العلم في الطب
ياسلام فرحة ياخ فرحتنا
وعقبال لى عثمان محمدالشيخ ونفرح بيهو كمان
بعدين
| Quote: الأستاذ الشبح أحمد ياسين شاكر |
جدي ما اسمه شاكر
ههه
| |
 
|
|
|
|
|
|
|
 Re: في بيتنا دكتور والحمدلله (Re: Ahmed Yassin)
|
ود الحسين مبروووك وبخيت علي الوليد النجاح .
وربنا يضوقكم حلو الباقين لنجاحهم .
حقيقة لفت نظري الكلام دا ؟
قد يتسأل البعض ويندهش كيف لهذه أن تأهله ينافس علي كليات
الطب هو الطب دا هين كدا ... ما يؤهله لينافس علي كليات الطب وضع
والدته كإسطاف العالملين بمؤسسات التعليم العالي ... وهي تشغل مقعد
مسجل كلية القانون بجامعة الخرطوم التي تخرجت منهاهي كذلك ...
يعني دخول الطب في السودان ممكن يكون بالواسطة دون الدرجات
العالية جدآ بالذات للطب ؟! ولو في طالب درجته ناقصة من الطب بنص
درجة ممكن ما يدخل عشان ما عنده واسطة ويدخل طالب ناقص درجات كتيرة
عشان الواسطة ؟ كان دا الحاصل فعلآ يكون الطب هين كدا زي ما قلت ! ههههه
ونكرر التهانئ لك ولجميع الاسرة . مع اصدق الامنيات .
| |
|
|
|
|
|
|
|
|
|
Re: في بيتنا دكتور والحمدلله (Re: مني عمسيب)
|
الأخ الحبيب أحمد يسين تسلم يا راجل يا سمح ولك العتبي إن تداخلت كلمة شاكر مع اسمك ...
ياخي الحمد لله البقت شاكر ما حاجه ثانيه إنت ذاتك مستهدف وما ناقص 
حقيقة الكلمة مضافه لمرورك التي أُضيفت لها حرف الباء عنوة ...
ولك الشكر الجزيل لتداخلك اللطيف...
الأستاذه المنضله مني بت نفسيه أو كما يحلو للمناضلين ان يدلعوك ...
يا عزيزتي مرورك ومباركاتك اثلجت صدري ولك مني الود وان شاء الله نعقبك في سمح الزينين ...
أما ما تفضلت به في المقتبس أدناهـ
Quote: يعني دخول الطب في السودان ممكن يكون بالواسطة دون الدرجات
العالية جدآ بالذات للطب ؟! ولو في طالب درجته ناقصة من الطب بنص
درجة ممكن ما يدخل عشان ما عنده واسطة ويدخل طالب ناقص درجات كتيرة
عشان الواسطة ؟ كان دا الحاصل فعلآ يكون الطب هين كدا زي ما قلت ! ههههه
|
يا عزيزتي الأمر ليس بواسطه ولكنها مكرُمه لأبناء العاملين بالتعليم العالي والتعليم العام
ومعمول بها في التعليم العام وشروط طلبها قبل الجلوس للإمتحان ...
وأذكر ان الوالد كان يعمل في وظيفة مراسله بالمدارس المتوسطه حينها فاصر علي ملئ الاورنيك الخاص بذلك رغم التأكيدات بأنني لن احتاجه ...
ولكن في التعليم العالي مربوطه بالدور الثاني حيث تفتح الفرص للقبول الخاص وابناء العاملين لملئ الخانات الشاغرة بالإستقالات وغيرها من الظروف ...
وقبول خاص يعني ماني يعني باي ماني حتي الفرصهذه فقط توجد في التقديم الثاني او ما يسمي بالدور الثاني ...
يعني هي مقاعد شاغرة بعد التقديم الأول و يتنافس عليها ابناء العاملين بالتعليم العالي وابناء (المقندلين) ناس الماني ...
إن شاء الله يكون واضح ...
حاشيه مهمه :-
ماني تعني بالإنجليزيه money...
مقندلين يعني مروقين او مرطبين...
ابناء العاملين دي يدخل فيها كل العاملين من الخفير للوزير بلا إستثناء...
المكرُمه معمول بها قبل الإنقاذ هذا للعلم والإفادهـ
الحبيب شيخي محمد المسلمي ...
تكرم يا همام عقبال البُطان وتشكر للتواصل الثر عبر الوسائط الأخري ...
Quote: مبارك النجاح وربنا يغطي عليه ويحفظه ويبلغه اعلي مقامات العلماء في الدنيا
ويبارك في الاسرة التي أنجبته وعلمته حتي وصل الي مرحلته وان يلحق به اخوانه
الكبار والصغار في أماكن النجاح كلها |
:
:
:
:
:
مع التحيات لله الزاكيات
| |
|
|
|
|
|
|
|
|
 Re: في بيتنا دكتور والحمدلله (Re: Ali Alkanzi)
|
Quote: الاخ محمد حمزة الحسين
لك منا كل التهاني واخلصها
ونسأل الله أن يوفق خطاه
ويبلغه مبتغاه
وتغر به عيون والداه |
أخي علي الكنزي بارك الله لك فيمن عندك وعقبال عندك النجاحات والفرح ...
وشكراً الفنان درديري كباشي قبلنا تهانيك ومباركاتك في بوست مجاور وعقبال نفرح معاك ...
:
:
:
:
إبني عزام علي أهبة الإستعداد للإنضمام لركب دارسي العلوم الطبيه والآن يجري في تمارين الإحماء لتحسين لغة الفرنجة التي سيطور بها معارفه الطبيه ...
دعواتكم للشبل عزام هناك محاولات جادة لتزيل صور فترقبوها ...
:
:
:
:
:
:
:
مع التحيات لله الزاكيات
| |
|
|
|
|
|
|
|
|
|
Re: في بيتنا دكتور والحمدلله (Re: علاء سيداحمد)
|
Quote: الف مبروك وموفق ان شاء الله دكتور عزام
والتهانى لك اخى محمد والاسرة الكريمة واقرّ الله به اعينكم . |
تُكرم بما اقـــرّ الله به عينك أخي علاء الدين سيد أحمد عقبال بكاريكم ...
مرورك اسعدني شديد...
:
:
:
:
:
:
مع التحيات لله الزاكيات
| |
|
|
|
|
|
|
|
|
 Re: في بيتنا دكتور والحمدلله (Re: محمد حمزة الحسين)
|
بحمد الله وتوفيقه تم قبول إبني عزام محمد حمزة بجامعة السودان للعلوم والتكنولوجيا
كلية علوم المختبرات الطبيه مع تمنياتنا له بالتوفيق والسداد في مستقبل حياته ...
وكان فرحة العيد ثلاث فرحة العيد والحصول علي مال كافي لقضاء مستلزمات العيد من مدخراتنا بالبنوك وقبول ابني عزام
:
:
:
:
:
:
مع التحيات لله الزاكيات
| |
|
|
|
|
|
|
|
|
 Re: في بيتنا دكتور والحمدلله (Re: Asim Ali)
|
| Quote: الف مبروك والتمنيات له بحياه دراسيه موفقه |
بارك الله فيك اخي عاصم علي عقبال بكاريكم وكل العيال بالتوفيق يااارب ...
مرورك اسعدني ...
:
:
:
:
:
مع التحيات لله الزاكيات
| |
|
|
|
|
|
|
| |
محمد حمزة الحسين
Ahmed Yassin
MOHAMMED ELSHEIKH
محمد المسلمي
مني عمسيب
Ali Alkanzi
محمد حيدر المشرف
حمد عبد الغفار عمر
قسم الفضيل مضوي محمد
علاء سيداحمد
Asim Ali
فيس بوك
تويتر
انستقرام
يوتيوب
بنتيريست