|
|
|
 Re: انطقها وتوكل (Re: تماضر الطاهر)
|
للجمال بمعناه الواسع حرم واحرامه الصمت ..
أما الصمت على الضيم فلا حرم له واحرمه الشيطان الأخرس .
أبدعتي ..
التحية لك ولزائرك الميمون.
| |
 
|
|
|
|
|
|
|
|
Re: انطقها وتوكل (Re: MOHAMMED ELSHEIKH)
|
الكلام و / أو الصمت كلاهما من وسائل التعبير حسب الموقف
الكلام أحيانا عجز والصمت فضيلة وقوة
وكذلك الصمت أحيانا منقصة وذلة بينما الكلام قوة وبيان
إذن الخلاصة .........
it depends
| |
|
|
|
|
|
|
|
|
|
Re: انطقها وتوكل (Re: Shueib Medani)
|
الموبايل وشيوع ثقافة الوعي المشوه..!!
كتر خيرك يا تماضر على العنوان الشاعري البليغ..
جيبي اضانك ، اونسك شوية..وعارف ناس كتير الونسة دي ح تدق ليهم في رؤسهم وتعيد ليهم بعض الذكريات الصادقة ونبيلة..!!
عارفة يا تماضر ، انا قربت اقول الناس ديل (شعوب امسودان الأميرة وبهية) رضيانين بالحاصل ومتكيفين للطيش..ولكن..!
هل تصدقي ، كلو من الموبايل يا تماضر..!!.. أي والله الموبايل الواحد ده..!
في فترة الديموقراطية التالتة ، العاصمة السودانية حصلت فيها ازمة نقل (مواصلات بالبلدي) ، اها ناس الحكومة وكتها جابوا ليهم شركة هولندية (بيت خبرة) عشان يدرس الحال ويقدم حلول..!
الهولنديين يا مؤمن يا مصدق انتشروا ليك في الشوارع والمركبات العامة..أي زول/زولة وسوس وسوس..انت ماشي وين يا اخينا؟..والله انا ماشي الصحافة اشيل الفاتحة..!!
انتي ماشة وين يا اختنا؟..والله انا ماشة المايقوما سماية بت خالتي..!!
انتا ماشي وين يا حاج؟..انتي ماشة وين يا حاجة؟..
انتا ماشي يا عم..؟..انتي ماشة وين يا خالة؟!!!
وهكذا..وهكذا..!
الهولنديين لموا ورقهم ، وقالوا للحكومة: انتو مش عندكم ازمة نقل (بصات ، دفارات ، تكاسي..الخ) وانما ازمة اتصالات..!!!! .. لأنو في مشاوير كتيرة ممكن تتحسم بمكالمة تلفونية..!
وعينك ما تشوف الإ النور يا تماضر..!
جماعتنا واحدين حنبكوا و قالوا : دك (بلغة الكوتشينة)..بلا ديموقراطية بلا بطيخ..واول دبابة نطوا فيها..!
واستخسروا في الحكومة الديموقراطية انها تنفذ شغل زي ده ، لأنو ح يجيب ديموقراطية اكتر والشعب ح يعرف كتير..فشنو..اخير ننط فيها قبال الشعب يعرف البيهو والعليهو..!!
اول مشروع كان على بالهم..صناعة اتصالات متطورة بعض الشئ..!
جات سوداتيل..والحكاية جرت..الشركات الإنتي عارفاها وحايمة اليوم بين ناس امسودان..!
واصحابنا عرفوا البير وغطاها: الشعب السوداني لا عندو مشكلة مع جوع ولا مشكلة مع بنزين وازمة نقل ولا مشكلة مع عدالة تقاسم السلطة والثروة ولا مشكلة مع العمالة والبطالة ولا مشكلة مع التعليم ولا مشكلة مع النظام الصحي والعلاجي ولا مشكلة مع تطور وتقدم ورفاهية ، وانما..مشكلتو كلها النقة والفضفضة..فشنو.زنحن نوفر ليهو حق الفضفضة..!!
لمن زرت امسودان في 2018 ، شاهدت حاجة غريبة يا تماضر..الزول/ة بيكون عندو عدد اتنين موبايل ، واحد اسمو (الكلّامة) يعني مخصوص للتحدث مع الناس ، وواحد تاني (اسمارت فون) مهمتو يربطك مع النت والفيس بوك والواتساب..وكل ناس بقت تسوي ليها غرف شات..اسرية..قبلية..اصحاب مهنة ..اصحاب دراسة..ولاد حلة..ولاد فريق ..ولاد قرية..صغار مخبرين..ناس صفقات..ناس مؤامرات..ناس تجار بنقو..ناس تجار حبوب مخدرات..ناس تهريب دهب..ناس حركات مسلحة ..ناس كورة..ناس ضهب الله والرسول..الخ..
طبعا المقتدرين..الشغلانة كلها بيحسمها بتلفون ذكي واحد (ايفون مثلا)..فيهو جميع الحاجات..!
وهاك يا نقة ..وهاك يا نضمي..!!
شمارات .. نكات بذيئة (بنية الوعي التناسلي)..فتنة..حدة..الخ..!
من محاسن الصدف ، او ربما من مساؤها الجمة..يا تماضر..وانا شافع صغير حضرت انقلاب جعفر نميري ، وشفت جعفر نميري حايم بالرداء (بنطلون رجالي قصير) وانا راكب لي حمار ماشي اجيب الموية من عد (مجموعة ابار) رويس (راس) الفيل في جنوب شرق لقاوة (نفس الحتة المر بيها الخواجا نادال الذي كتب اشغال انثروبولوجيا عن جبال النوبة ، ونفس الحتة الكانت بتغني بيها مغنيات زي ناس هاجر كباشي عن تلشي ، وجيش القوة الهزم يوسف كوة.. هل تصدقي يا تماضر يوسف كوة كان استاذ بريمة في الثانوي العالي ،و شقيقه الصيدلي الأصغر الذي درس صيدلة في جامعة المنصورة ،عبد الرحيم ، كان استاذي في الثانوي العالي..!!!!!!؟؟؟؟..!!!!)..
حضرت ضربة ود نوباوي..حضرت ضربة الجزيرة ابا ، حضرت انقلاب هاشم العطا (كنا ساكنين في اللاماب ، والليلة لو قلتي لي اللاماب دي بي وين ما ح اقدر اقول ليك التكتح عنها، متذكرها(اللاماب بحر ابيض ، اللاماب المزرعة ، اللاماب بري ، ومتذكر الرميلة ، الحلة والقوز..الديوم..الشجرة (اظنها شجردة غردون) ..الخ)..حضرت انقلاب المقدم حسن حسين عثمان ، حضرت حركة العميد محمد نور سعد (طبعا طالب الطب ، وقتها ، غازي العتباني وابراهيم السنوسي بيكونوا متذكرين تفاصيلها من الألف للياء ، غازي كان من المجموعة المكلفة باحتلال دار الهاتف...!!!!)..حضرت حركةالعميد سعد بحر..حضرت الإنتفاضة 1985..حضرت حركة العميد عمر حسن احمد البشير..دي شوف عين وبيان وانا طالب بجامعة الخرطوم..وحضرت حركة الخلاص الوطني (الكدرو ، كرار..الخ)..!
كل الحركات دي..الموبايل كان غايب..لذلك قدرت ان تحدث الإختراق..!
وقتها كانت المعارضة تملك زمام المبادرة (طبعا ناس البشير لمن فكروا في الإستلاء على الحكومة كانوا معارضة..!!)..تملك المقدرة على التأثير في الجماهير..عشان كده الكلمة كانت واحدة من اكبر قائد لغاية اصغر مواطن عادي..كل المطلوب منو تأييد قرارات وتحركات الناس الفوق..!..والتواصل يا تماضر في ذاك الوقت كان شاق للغاية (يعني ترسل ليك زول في رحلة شهر عشان يوصل الرسالة المطلوبة..وهكذا)..!
حينما كنا محاميين صغار ، فقراء وجوعى وبائسين ، في شارع اسمو شارع امبدة الردمية (ياريت تلقي فرصة تمري بيهو ساكت اليوم وتشوفي الفرق) ، عشان نعزم صديقاتنا واصدقائنا لغدوة في سوق الناقة في منطقة ابوزيد (الآن السوق ده اختفى تقريبا) كنا بنركب الحافلات لغاية الخرطوم أو بحري او الكلاكلة..عشان نقول لصحابنا عن موعد العزومة قبل اسبوع..!
اليوم ،في ثانيتين وممكن تعزم الخرطوم (لغاية ابود ليق) عشان تتغدى معاك..!
في سنة 2015 ،وانا بمدينة الدلنج ، احد اصدقائي حاول يعمل لي ابتهاج خاص..وعزمني فطور في منطقة الحاجز (تبعد عن الدلنج خمس واربعين دقيقة وفيها اكبر سوق ابل في جنوب كردفان) عشان ناكل شية اٍبل..المفارقة مش في الشية..وانما بعض الأصدقاء من مدينة الأبيض ، التقونا هناك..غايتو انا كنت مفتون بكائنات مثل اللوري التيمس وابداعات البدويات المضفورة بحنان يكسي الكون كلو ويجعل السلام شمس تغطي الجميع ، واصحابي كانوا بيناقشوا الكورة واسعار الضان والتيران الكلالية..واخر صيحات التلفونات الذكية..!
الحال دي ممكن تتعالج؟..
بالطبع ، بنفس قدر ذكاء من صنعوا هذا الإرتباك والتشوه وادواته ، بنفس القدر ممكن يتخلق الفرق والتوازن، وانو الموبايل بدل يكون اداة شمارات وعزومات واخبار ، ممكن يكون اداة وعي مغاير ويخلق الفرق..!
وقتها لا نحتاج ان نقول: انطقها وتوكل..وانما ح تكون انفجار موضوعي عارف البيهو والعليهو..!
كيف؟
خليها في سرك..!
الونسة طالت يا تماضر..
كل سنة وانتي طيبة..!
كبر
| |
|
|
|
|
|
|
|
|
Re: انطقها وتوكل (Re: Kabar)
|
أستاذي العزيز جداً ..الملك
كل الجمال أن أتشرف بوجودك هنا
،
حالاً ما بيسر خلى الفِكر متبلِم
احوال البلد كل يوم جديدها يألم
تاء الصمت جات في خانة المتكلم
عين صابت حلِق شعباً عظيم ومعلم
،
بلد جميل..احرمنا في ثياب حبه
،
مودة قديمة..تتجدد
| |
|
|
|
|
|
|
|
|
|
Re: انطقها وتوكل (Re: تماضر الطاهر)
|
اسم تماضر الطاهر
صار دعوة لكل البورداب والقراء أن ادخلوا بسلام آمنين
وشاركوا وقولوا ما تحسنون وتحسون به وما تشعرون
فلا تثريب على احد يدخل أنا شاء بقى وإن شاء يخرج فهو حر طليق
ولكن تماضر كنهر نيلنا من شرب منه مرة آتاه ثانية وثالثاً ورابعاً بلا انتهاء
لهذا جئتُ وارداً وسأقي ابلي قبل أن يصدر الرعاة
لأني شيخ كبير
وان شاء الله بوستاتك عامرة دائما باصدقاء قدامى وجدد
يضخون في شراينه دم الحياة ومائه
| |
|
|
|
|
|
|
|
|
|
Re: انطقها وتوكل (Re: Ali Alkanzi)
|
أخي فضل كرار
سعيدة كل أوقاتك
نعم هي الخلاصة!!!
(ولكن...هذه لم لا تدعني)؟
,
لو صمت العالِم..فهو متأمل
ولو صمت العابد..فهو متفكر
ولو صمت العاقل..فهو حكيم
ولو صمت الظالم..فهو متجبر
ولو صمت المظلوم فهو مغلوب على أمره
ولو صمت الجميع..فمن للحق؟؟
،
مودتي وتقديري
| |
|
|
|
|
|
|
|
|
|
Re: انطقها وتوكل (Re: تماضر الطاهر)
|
أخي شعيب مدني
تحياتي وسلامي
،،،،
بصمت استودعتني
وثار من بعد ذلك شيء ما في خاطري
قرأتني؟؟
جميل كونك فعلت
في زحمة الحياة دي مرات نتمنى أن نقع تحت الإبصار ولو للمحة
،
مؤثر جداً كلامك
من قلبي شكراً
،
عودتك لصفحاتي تنيرها
| |
|
|
|
|
|
|
|
|
|
Re: انطقها وتوكل (Re: تماضر الطاهر)
|
العزيز جداً
الكبير..كبر
والله أنا بحب ونستك وحكاياتك
لأنها بتخليني افكر وبتعلم منك وبشوف مشاهد حية من عوالم لن أحلم بالوصول إليها.
،
ولا يحلو الكلام إلا مع القهوة
قرأت المكتوب اكتر من مرة
وكانت دهشتي زي رسم بياني يعلو ويعلو
منطقي جداً
وقد نجحوا في تشتيتنا
او صنعو منا (مشتت).. كتطبيقات الهواتف..يزداد بتحديثة.
وكل يوم يشدهونا بي فن
الأيام دي جابوا مُخرج جديد
وقرر يبث حلقات تتفق على محور الرعب
،
والصمت يخيم ويطبق
فهل يخاف المؤمن؟؟
بربهِ..بقضيته..بحقه؟؟
،،،
رد واحد لا يكفي لهذه المداخلة الغنية
كلي ثقة اني واخواني في البوست استمتعنا بيها
واريتكم تشاركوني فنجان قهوتي..ونتكلم..
| |
|
|
|
|
|
|
|
|
|
Re: انطقها وتوكل (Re: تماضر الطاهر)
|
أخي العزيز علي الكنزي
أندى وأرق التحايا لك
،،
أول حاجة..الله يجبر خاطرك
ويكرمك زي ما دايماً بتكرمني بجميل الوجود في بوستاتي وجميل الكلام
،
والله بفرح بكل من يزورني مشاهِد صامت أو معلِق
وأتمنى أن أنال شرف الأخوة..التي امد يدي بها للجميع
وماا بقدر على جزاك
كل الشكر ما كفاية
،
مودتي وتقديري
| |
|
|
|
|
|
|
|
|
|
Re: انطقها وتوكل (Re: تماضر الطاهر)
|
أخي العزيز علي الكنزي
أندى وأرق التحايا لك
،،
أول حاجة..الله يجبر خاطرك
ويكرمك زي ما دايماً بتكرمني بجميل الوجود في بوستاتي وجميل الكلام
،
والله بفرح بكل من يزورني مشاهِد صامت أو معلِق
وأتمنى أن أنال شرف الأخوة..التي امد يدي بها للجميع
وماا بقدر على جزاك
كل الشكر ما كفاية
،
مودتي وتقديري
| |
|
|
|
|
|
|
| |
تماضر الطاهر
عبدالحفيظ ابوسن
محمد على طه الملك
MOHAMMED ELSHEIKH
Fadl Karrar
محمد كابيلا
Shueib Medani
Kabar
Ali Alkanzi
فيس بوك
تويتر
انستقرام
يوتيوب
بنتيريست