|
|
|
 Re: نجاض المدارس هموم اب (Re: عبدالحفيظ ابوسن)
|
تفتيش الجزم
المطلوب
انا في راي وولدي في راي زي ما بقولو سيد المركب في حساب والنواتي في حساب
انا عايزها متينة وخفيفة وبتعيش اطول ويمكن صيانتها وسعرها معقول قدر الامكان
بشتريها في الاول وبوديها النقلتي يخيطها قبل يلبسها بتطولول عمرها
ودى زاتها بلف ليها السوق بي كرونة كلب . اسعار تتفاوت تفاوت مريع مثلا من 200 ج لي 700 ج . وياها نفس الصناعة والخامة اختلاف منظر بس
وولدي يبحث عن اللون والمنظر والموضة
وانا زول ديمقراطي جدا في النهاية قاعد اقنعو
| |
 
|
|
|
|
|
|
|
|
Re: نجاض المدارس هموم اب (Re: عبدالحفيظ ابوسن)
|
تنتهي من موضوع الجزم .. تخش في قصة الملابس الملابس الداخلية
وكلو من جوة جيبي
اسعار الملابس الداخلية مبالغة مع المقارنة بمستوي الدخل والحد الادني للاجور
وتخش نفس الفلم القبيل . المنظر ولا الجودة والسعر عامل حاسم في الاختيار .. مجبر اخاك لا بطل
السوق كلو واحد نفس الرداءة . لكن لأنو الاستيراد فاتح لكل فرد تكتر العينات والخلاف في الاشكال والالوان .
وانا متأكد اني ح اشتري تلاتة جزم سبورت او اربعة عشان تكمل السنة وكذلك الملابس الداخلية . لذا طريقة تفكيري مختلفة جدا
كل مدرسة علي كيفها زي فرق الرياضة . بنطلون وقميص ملونات بحيث انو ما تشبه ملابس مدرسة غيرهم
درجة اللون زاتها ممكن يطردو بيها الطالب
والبنات نفس القصة اسكيرت لي عضم الشيطان وبلوزة وطرحة والوان محددة
المهم انا بكون شغال قبل المدارس ماشي جاي
| |
|
|
|
|
|
|
|
|
|
Re: نجاض المدارس هموم اب (Re: عبدالحفيظ ابوسن)
|
الله يسالني يا قريبك كلّو ما تاورنا فكرة الرجوع النهائي و الإستقرار وقبلها ارسال الأولاد أقرا بوستاتك التي تعكس صعوبة الوضع أأجّل الفكرة و أمش أكوس درب اللوتري بوين !
________________________________
أوعى واحد يعمل ظريف ويقول لي دا ياهو "تاثير سودانيز اونلاين" :)
| |
|
|
|
|
|
|
|
|
Re: نجاض المدارس هموم اب (Re: عبدالحفيظ ابوسن)
|
موية الشرابة تكاد تكون احيانا معدومة في المدارس وان وجدت فهي سيئة ووسخانة
عشان كدة بتلزمك زمزمية للطفل وحتي الموجود في مراحل متقدمة
فطارة زي ما بقولو وهي عبارة عن صندوق بلاستيكي زي صندوق الاحذية بشيلو فيهو السندوتش فالاكياس ممنوعة . والورق لا يصلح
تشتري فطارة وزمزمية . وديل غالبا بصمدن لي نهاية السنة
| |
|
|
|
|
|
|
|
|
|
Re: نجاض المدارس هموم اب (Re: محمد البشرى الخضر)
|
الله يسلمك يادو
احسن والله
ولكنها من المرات النادرة التي لا اذهب فيها للعمل جراء المرض
الليلة رقدت عديل في البيت
ملاريا ونزلة ووجع حلق ومزاج سئ
اهو الواحد بفرق بالكتابة ودو
اي تصدق عرست كبير والله
تلاتين سنة عندنا زمان من الاعمار المتقدمة في الاسرة للزواج
| |
|
|
|
|
|
|
|
|
|
Re: نجاض المدارس هموم اب (Re: عبدالحفيظ ابوسن)
|
بعد ظبطت دة كلو تشوف بتاع الترحيل
دة عذاب براهو
الاتفاق علي المواعيد . بكون عندو كم ترحيل يلزمك يرحل ولدك قبل الزمن مرات بي ساعة . يعني ولدك يمشي يقعد في مدرسة فاضية مافيها الا الخفير
ومرات يجيبو ليك العصر عطشان وجيعان وفتران
المهم دى كلها تفاوضات لاختيار شروط افضل في الزمن
غير كدة مرات ما بجي ولا برد التلفون ولا مقفول وتضطر ترحل براك في ظل ازمة ترحيل صباحية
ولازم يكون في جيب الولد قروش مرات ما بجيبو دون انذار ويضطر يركب مشوار . او لو ماعندو قروش يتفق معاهو يصل البيت ويدي من البيت
نجاض جد . وانت ما بتقدر تضغط بتاع الركشة فقد ما تجد بديل
والاسعار زاتها نجاض
| |
|
|
|
|
|
|
|
|
|
Re: نجاض المدارس هموم اب (Re: عبدالحفيظ ابوسن)
|
الحشوات
حشوات السندوتش
الواقع زمان مازي هسة . زمان بدونا قرشين .. تشترك بي قرش لي فتة فول وتحلي بي قرش . التحلية زاتها اكل يعني قرش بجيب ليك ربع عيشة بي عسل سكر انجليزي ابوترتر .
الآن واقع مختلف ..غصبا عنك وعن ظروفك
الاكل برة ردئ وغالي وفيهو شبهة تلوث . بتحشي لي ولدك العيشة من البيت
اها الحشوة دي مشكلة . ولدك عايش في وسط اقتصادي متباين وبشوف وبرضو داير زيهم . انت بدورك بتحاول تنفذ ما وجدت سبيلا في ذهنك ما تكسر خاطر ولدك وما تعصر علي روحك
كيلو الفول بي مية ج
طبق البيض 70 ج
كيلو الجبنة 120 ج
كيلو الطحنية 100 ج
ديل اكتر حاجة ممكن تحشي بيها
بتحضرهن برضو مع الجزمة واللبس
وتنتظر الضبح الكبير فتوح المدرسة
| |
|
|
|
|
|
|
|
|
|
Re: نجاض المدارس هموم اب (Re: عبدالحفيظ ابوسن)
|
بعد جهزتي تمشي علي الضبح عديل
مدارس خاصة نااار
مدارس حكومية نار بالسيسي
المدارس الخاصة بتدفع مبلغ محدد سلفا قلبتو خلاس
اما المدارس الحكومية ماسورة مفتوحة
مثلا واحد في مدرسة طرفية في كوستي تفتقر لابسط المقومات طالبوهو بدفع 350 ج رسوم قبل اولي اساس
المدارس الخاصة بتوفر الكراسات والكتب
الحكومية تشتري الكتب والكراسات
غير كدة ولدك مطارد اسبوعيا وشهريا بمبالغ كل مرة نوع وفيها طرد كمان
| |
|
|
|
|
|
|
| |
عبدالحفيظ ابوسن
محمد البشرى الخضر
زهير عثمان حمد
يحي قباني
فيس بوك
تويتر
انستقرام
يوتيوب
بنتيريست