|
Re: سخف بلاغات الكهرباء (Re: عبدالحفيظ ابوسن)
|
الرقم 4848 رقم بلاغات الكهرباء وهو رقم ما مجاني البلاغات مركزية .. في الخرطوم لا تقبل أي بلاغات الا تجي من الخرطوم تتصل ويتم تدوين بلاغك في الخرطوم . وناس الخرطوم هم الببلغو مدينتك البلاغك اسمك ورقم تلفونك ورقم عدادك ومدينتك وولايتك ورقم منزلك ووصف لي منزلك
| |
|
|
|
|
|
|
Re: سخف بلاغات الكهرباء (Re: عبدالحفيظ ابوسن)
|
بتتصل بطلب منك لو بلاغك في عطل يخص منزلك تدخل رقم العداد . تقريبا عشرين رقم . يا حافظو او تكون مجهزو قدامك ما مشكلة طيب وفي حالة البلاغات الخطرة اضغط 9 البلاغات الخطرة دي زي حريقة في محول مثلا ولا عمود ولا زاوية واقعة في الشارع او اي مشكلة خارج بيتك
| |
|
|
|
|
|
|
Re: سخف بلاغات الكهرباء (Re: عبدالحفيظ ابوسن)
|
الصباح وانا ماشي .. الشوارع شبه فارغة مع العيد شفت في عمود نار قايمة في عمود فوق . لهب وشرار واصوات طقطقة العمود مزدحم بتوصيلات البيوت . واللهب فوق وماشة زايدة خشيت الموضوع يكبر . طلعت تلفوني وبعد سماع الاجابة المحفوظة . دست الرقم 9 الرقم 9 داير يتجرجر معاي ادخل رقم الولاية ولو ما حافظو ادخل هاش ولا شنو ما بعرف لسماع رموز الولايات حسب ذاكرتي النيل الابيض 0576 تقريبا مع ختة التلفون في الاضان وارجع امسكو في يدي عشان ادخل الرمز دست 9 طوالي مرقني لقد اتخذت خيارا خاطئا نرجو منك وررر طوالي قفلتو جرجرة وكميل رصيد ويقول ليك في حالة البلاغات الخطرة
| |
|
|
|
|
|
|
Re: سخف بلاغات الكهرباء (Re: عبدالحفيظ ابوسن)
|
طيب خطرة كيف ؟ معقولا تدفعني قروش رصيد لأنو البلاغ بخص بيتي وتنجضني وتتجرجر معاي وهم عملو كدة لتقليل الاتصال بيهم وازعاجهم المواطنين مزعجين !! طيب هو خطر وممكن يعمل كارثة . الكارثة دي ممكن تكون انفجار محول .. انفجار قد يتضرر منه بعض الناس لكن قطع شك ناس الكهربا متضررين يفترض لحظة دست 9 طوالي اتحول كأولوية للرد الشفاهي والبرد دة يسألني ويكتب ضياع الدقايق دي ممكن يفاقم الضرر . حقو من ادوس الرقم 9 ولو قطع يرجعو لي
| |
|
|
|
|
|
|
Re: سخف بلاغات الكهرباء (Re: عبدالحفيظ ابوسن)
|
انا بفتكر البطء والمماطلة في بلاغات الكهربا بتعكس العقلية المستهينة بالمواطن والفكرة الاساسية لمركزية البلاغات هي تقليل الصرف ماممكن كل السودان يبلغ عن اعطال الكهربا في مكان واحد مرات بضرب تلفون لعطل بكون رقم بلاغي كم وستين .. ح انتظر لامن يصلني وانا ماسك السماعة ساعة ولا اكتر الببلغ دة بحكي عطلو وسين وجيم وبياخدو معلوماتو ويجو للبعدو
| |
|
|
|
|
|
|
|